ᱠᱟᱴᱷᱢᱟᱱᱰᱩ ᱦᱚᱱᱚᱛ

ᱠᱟᱴᱷᱢᱟᱱᱰᱩ ᱦᱚᱱᱚᱛ
काठमाडौं जिल्ला
ᱠᱟᱴᱷᱢᱟᱱᱰᱩ ᱦᱚᱱᱚᱛ; काठमाडौं जिल्ला
ᱦᱚᱱᱚᱛ
	ᱜᱚᱣᱨᱤᱥᱚᱝᱠᱚᱨ ᱥᱟᱶ ᱠᱟᱴᱷᱢᱟᱱᱰᱩ ᱨᱮᱱᱟᱜ ᱥᱤᱞᱯᱤ ᱜᱷᱟᱱᱴᱟ ᱜᱷᱟᱨ ᱫᱷᱟᱨᱟᱦᱟᱨᱟ ᱯᱚᱥᱩᱯᱚᱛᱤᱱᱟᱛᱷ ᱢᱚᱱᱫᱤᱨ ᱱᱟᱨᱟᱭᱚᱬᱦᱤᱛᱤ ᱢᱚᱦᱚᱞ ᱠᱟᱴᱷᱢᱟᱱᱰᱩ ᱫᱩᱨᱵᱚᱨ ᱯᱞᱟᱥ
ᱫᱤᱥᱚᱢ	ᱱᱮᱯᱟᱞ
ᱯᱨᱚᱫᱮᱥ	ᱵᱟᱜᱽᱢᱚᱛᱤ ᱯᱨᱚᱫᱮᱥ
ᱥᱟᱥᱚᱱ ᱦᱮᱰᱠᱩᱣᱟᱴᱚᱨ	ᱠᱟᱴᱷᱢᱟᱱᱰᱩ
ᱥᱚᱨᱠᱟᱨ
• ᱞᱮᱠᱟᱱ	ᱠᱚᱨᱰᱤᱱᱮᱥᱚᱱ ᱠᱩᱢᱩᱴ
• ᱪᱟᱪᱞᱟᱣ	ᱰᱤᱥᱤᱥᱤ, ᱠᱟᱴᱷᱢᱟᱱᱰᱩ
ᱮᱨᱤᱭᱟ
• ᱞᱮᱠᱷᱟᱜᱩᱴ	413.69 ᱠᱤᱢᱤ২ (159.73 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱒᱒)
• ᱞᱮᱠᱷᱟᱜᱩᱴ	᱒,᱐᱔᱑,᱕᱘᱗
• ᱰᱮᱱᱥᱤᱴᱤ	4900/ᱠᱤᱢᱤ2 (13000/ᱜᱟᱺᱴ ᱢᱟᱹᱭᱤᱞ)
	NPT (ᱭᱩᱴᱤᱥᱤ+᱐᱕:᱔᱕)
ᱯᱟᱹᱨᱥᱤ ᱠᱚ	ᱱᱮᱯᱟᱞᱤ; ᱱᱮᱣᱟᱨᱤ;
ᱣᱮᱵᱽᱥᱟᱭᱤᱴ	ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ

ᱠᱟᱴᱷᱢᱟᱱᱰᱩ ᱦᱚᱱᱚᱛ (ᱱᱮᱯᱟᱞᱤ: काठमाडौं जिल्लाListen^ⓘ; ᱱᱮᱯᱟᱞᱤ ᱵᱷᱟᱥᱟ: ये: जिल्ला) ᱫᱚ ᱱᱮᱯᱟᱞ ᱨᱮᱱᱟᱜ ᱵᱟᱜᱽᱢᱚᱛᱤ ᱯᱚᱱᱚᱛ ᱨᱮᱱᱟᱜ ᱠᱟᱴᱷᱢᱟᱱᱰᱩ ᱜᱷᱟᱹᱴᱤ ᱨᱮ ᱢᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱱᱮᱯᱟᱞ ᱨᱮᱱᱟᱜ ᱗᱗ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ, ᱔᱑᱓.᱖᱙ ᱠᱤᱞᱚᱢᱤᱴᱚᱨ (᱑᱕᱙.᱗᱓ ᱢᱤᱞ) ᱴᱚᱴᱷᱟ ᱨᱮ ᱯᱟᱥᱱᱟᱣ ᱟᱠᱟᱱᱟ, ᱟᱨ ᱒᱐᱐᱑ ᱨᱮ ᱑,᱐᱘᱑,᱘᱔᱕, ᱒᱐᱑᱑ ᱨᱮ ᱑,᱗᱔᱔,᱒᱔᱐ ᱟᱨ ᱒᱐᱒᱑ ᱨᱮ ᱒,᱐᱑᱗,᱕᱓᱒ ᱦᱚᱲ ᱥᱟᱶ ᱱᱮᱯᱟᱞ ᱨᱮᱱᱟᱜ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱟᱜ ᱦᱚᱱᱚᱛ ᱠᱟᱱᱟ ᱾^[᱑]^[᱒] ᱠᱟᱴᱷᱢᱟᱱᱰᱩ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱠᱟᱴᱷᱢᱟᱱᱰᱩ ᱨᱮ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮ ᱒᱑ ᱜᱚᱴᱟᱝ ᱯᱳᱥᱴ ᱚᱯᱷᱤᱥ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱫᱤᱥᱚᱢ ᱟᱨ ᱚᱱᱟ ᱵᱟᱦᱨᱮ ᱠᱷᱚᱱ ᱢᱮᱞ ᱠᱚ ᱦᱟᱛᱟᱣᱼᱟ ᱾ ᱠᱟᱴᱷᱢᱟᱱᱰᱩ ᱰᱤᱯᱳ ᱨᱮ ᱔᱔,᱖᱐᱐ ᱯᱳᱥᱴᱟᱞ ᱠᱳᱰ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱡᱮᱡᱟᱹᱛᱤᱭᱟᱹᱨᱤ ᱢᱮᱞ ᱰᱤᱞᱤᱵᱷᱮᱨᱤ ᱥᱮᱵᱟ ᱡᱮᱞᱮᱠᱟ ᱭᱩ.ᱯᱤ.ᱮᱥ. ᱟᱨᱵᱟᱝ ᱰᱤ.ᱮᱪ.ᱮᱞ. ᱠᱩᱨᱤᱭᱟᱨ ᱮᱢᱟᱱ ᱾

ᱚᱛᱱᱚᱜ

ᱠᱟᱴᱷᱢᱟᱱᱰᱩ ᱦᱚᱱᱚᱛ ᱫᱚ ᱠᱟᱴᱷᱢᱟᱱᱰᱩ ᱜᱷᱟᱹᱴᱤ ᱨᱮ ᱢᱮᱱᱟᱜ ᱯᱮᱭᱟ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ, ᱡᱟᱦᱟᱸ ᱫᱚ ᱵᱟᱜᱽᱢᱚᱛᱤ ᱯᱨᱚᱫᱮᱥ ᱨᱮᱱᱟᱜ ᱵᱩᱨᱩ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱒᱗°᱒᱗′ ᱥᱟᱢᱟᱝ ᱠᱷᱚᱱ ᱒᱗°᱔᱙′ ᱥᱟᱢᱟᱝ ᱫᱟᱹᱲ ᱟᱨ ᱘᱕°᱑᱐′ ᱠᱚᱧᱮ ᱠᱷᱚᱱ ᱘᱕°᱓᱒′ ᱠᱚᱧᱮ ᱮᱞᱠᱷᱟ ᱨᱮ ᱢᱮᱱᱟᱜᱼᱟ ᱾^[᱓]

ᱱᱚᱶᱟ ᱦᱚᱱᱚᱛ ᱫᱚ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱦᱚᱱᱚᱛ ᱠᱚ ᱛᱮ ᱜᱷᱮᱨᱟᱣ ᱟᱠᱟᱱᱟ:

ᱥᱟᱢᱟᱝ: ᱵᱷᱚᱠᱛᱚᱯᱩᱨ ᱦᱚᱱᱚᱛ ᱟᱨ ᱠᱟᱵᱷᱮᱨᱯᱟᱞᱚᱱᱪᱚᱠ ᱦᱚᱱᱚᱛ
ᱯᱟᱪᱮ: ᱫᱷᱟᱰᱤᱝ ᱦᱚᱱᱚᱛ ᱟᱨ ᱱᱩᱣᱟᱠᱳᱴ ᱦᱚᱱᱚᱛ
ᱠᱚᱧᱮ: ᱱᱩᱣᱟᱠᱳᱴ ᱦᱚᱱᱚᱛ ᱟᱨ ᱥᱤᱱᱫᱷᱩᱯᱟᱞᱪᱚᱠ ᱦᱚᱱᱚᱛ
ᱮᱛᱚᱢ: ᱞᱚᱞᱤᱛᱯᱩᱨ ᱦᱚᱱᱚᱛ ᱟᱨ ᱢᱟᱠᱣᱟᱱᱯᱩᱨ ᱦᱚᱱᱚᱛ

ᱦᱚᱱᱚᱛ ᱨᱮᱱᱟᱜ ᱫᱚᱨᱭᱟ ᱟᱴᱮᱫ ᱠᱷᱚᱱ ᱩᱥᱩᱞ ᱫᱚ ᱑,᱒᱖᱒ ᱢᱤᱴᱟᱨ (᱔,᱑᱔᱐ ᱯᱷᱩᱴ) ᱠᱷᱚᱱ ᱒,᱗᱓᱒ ᱢᱤᱴᱟᱨ (᱘,᱙᱖᱓ ᱯᱷᱩᱴ) ᱦᱟᱹᱵᱤᱡ ᱢᱮᱱᱟᱜᱼᱟ ।^[᱓]

ᱦᱚᱭ ᱦᱤᱥᱤᱫ

ᱦᱚᱭ ᱦᱤᱥᱤᱫ ᱴᱚᱴᱷᱟ^[᱔]	ᱩᱥᱩᱞ ᱥᱤᱢᱟᱹ	ᱴᱚᱴᱷᱟ ᱨᱮᱱᱟᱜ %
Subtropical	᱑,᱐᱐᱐ ᱠᱷᱚᱱ ᱒,᱐᱐᱐ ᱢᱤᱴᱚᱨ ᱓,᱓᱐᱐ ᱠᱷᱚᱱ ᱖,᱖᱐᱐ ᱯᱷᱤᱴ	᱘᱘.᱒%
Temperate	᱒,᱐᱐᱐ ᱠᱷᱚᱱ ᱓,᱐᱐᱐ ᱢᱤᱴᱚᱨ ᱖,᱔᱐᱐ ᱠᱷᱚᱱ ᱙,᱘᱐᱐ ᱯᱷᱤᱴ	᱑᱑.᱘%

ᱥᱚᱦᱚᱨ ᱛᱟᱞᱟ ᱨᱮ, ᱥᱤᱛᱩᱝ ᱨᱤᱛᱩ ᱨᱮ 32 °C (ᱡᱩᱱ ᱼ ᱡᱩᱞᱟᱭ) ᱠᱷᱚᱱ ᱥᱤᱛᱩᱝ ᱨᱤᱛᱩ ᱨᱮ -2 °C (ᱰᱤᱥᱮᱢᱵᱚᱨ ᱼ ᱡᱟᱱᱩᱣᱟᱨᱤ) ᱛᱟᱞᱟ ᱨᱮ ᱞᱚᱞᱚᱥᱚᱝ ᱢᱮᱱᱟᱜᱼᱟ ᱾ ᱪᱚᱸᱫᱽᱨᱚᱜᱤᱨᱤ ᱥᱟᱶ ᱮᱴᱟᱜ ᱩᱥᱩᱞ ᱵᱩᱨᱩ ᱠᱚᱨᱮ ᱫᱚ ᱞᱚᱞᱚ ᱦᱚᱭ ᱦᱤᱥᱤᱫ ᱢᱮᱱᱟᱜᱼᱟ ᱾ ᱠᱟᱴᱷᱢᱟᱱᱰᱩ ᱦᱚᱱᱚᱛ ᱨᱮᱫᱚ ᱩᱥᱩᱞ ᱦᱚᱭ ᱦᱤᱥᱤᱫ ᱢᱮᱱᱟᱜᱼᱟ ᱾^[᱓] ᱱᱚᱶᱟ ᱦᱚᱱᱚᱛ ᱨᱮ ᱥᱮᱨᱢᱟ ᱨᱮ ᱑᱗᱖.᱔ ᱢᱤᱞᱤᱴᱟᱨ ᱫᱟᱜ ᱡᱟᱹᱲᱤ ᱧᱩᱨᱩᱜᱼᱟ ᱾^[᱓]

ᱠᱟᱹᱣᱰᱤᱟᱹᱨᱤ

ᱠᱟᱴᱷᱢᱟᱱᱰᱩ ᱫᱚ ᱱᱮᱯᱟᱞ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱟᱥᱚᱱ ᱪᱟᱪᱞᱟᱣ ᱛᱟᱞᱢᱟ ᱠᱟᱱᱟ ᱾ ᱱᱮᱯᱟᱞ ᱨᱮᱱᱟᱜ ᱵᱟᱹᱲᱛᱤ ᱚᱯᱷᱤᱥ ᱟᱨ ᱤᱱᱰᱟᱥᱴᱨᱤ ᱠᱚ ᱫᱚ ᱠᱟᱴᱷᱢᱟᱱᱰᱩ ᱨᱮ ᱢᱮᱱᱟᱜᱼᱟ ᱾ ᱱᱟᱯᱟᱭ ᱥᱮᱪᱮᱫ, ᱥᱤᱠᱷᱱᱟᱹᱛ ᱥᱮᱵᱟ, ᱠᱟᱹᱢᱤᱭᱟᱜ ᱚᱠᱥᱚᱨ ᱟᱨ ᱥᱟᱶᱛᱟ ᱥᱩᱥᱟᱹᱨ ᱞᱟᱹᱜᱤᱫ ᱛᱮ ᱱᱮᱯᱟᱞ ᱨᱮᱱᱟᱜ ᱡᱚᱛᱚ ᱦᱚᱲ ᱠᱚ ᱠᱟᱴᱷᱢᱟᱱᱰᱩ ᱨᱮ ᱠᱚ ᱥᱮᱱᱚᱜᱼᱟ ᱾ ᱢᱩᱬᱩᱛ ᱠᱟᱹᱣᱰᱤᱟᱹᱨᱤ ᱛᱟᱞᱢᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱱᱟᱣᱟ ᱥᱚᱲᱚᱠ, ᱫᱚᱨᱵᱟᱨ ᱢᱟᱨᱜᱽ, ᱯᱩᱴᱤᱞᱤ ᱥᱚᱲᱚᱠ ᱟᱨ ᱟᱥᱟᱱ ᱾ ᱱᱚᱶᱟ ᱦᱚᱱᱚᱛ ᱫᱚ ᱦᱮᱱᱰᱤᱠᱨᱟᱯᱷᱴ ᱮᱠᱥᱯᱚᱨᱴ, ᱟᱨᱴᱣᱟᱨᱠ, ᱜᱮᱸᱫᱟ, ᱯᱟᱥᱢᱤᱱᱟ, ᱠᱟᱜᱚᱡᱽ ᱮᱢᱟᱱ ᱛᱮᱭᱟᱨᱚᱜᱼᱟ ᱾ ᱫᱤᱥᱚᱢ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱱᱟᱜᱟᱨᱤᱭᱟᱹ ᱠᱚ ᱠᱟᱴᱷᱢᱟᱱᱰᱩ ᱨᱮ ᱠᱚ ᱦᱤᱡᱩᱜᱼᱟ ᱾ ᱧᱮᱞᱡᱚᱝ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱢᱩᱬ ᱤᱱᱰᱚᱥᱴᱨᱤ ᱠᱟᱱᱟ ᱾ ᱡᱮᱜᱮᱛ ᱡᱟᱠᱟᱛ ᱠᱷᱚᱱ ᱦᱤᱱᱫᱩ ᱟᱨ ᱵᱩᱫᱫᱷᱚ ᱫᱷᱚᱨᱚᱢ ᱫᱷᱚᱨᱚᱢ ᱥᱮᱞᱮᱫᱤᱭᱟᱹ ᱠᱚ ᱯᱩᱥᱩᱯᱚᱛᱤᱱᱟᱛᱷ, ᱥᱣᱚᱭᱵᱷᱩᱱᱟᱛᱷ, ᱵᱩᱫᱫᱷᱚᱱᱟᱛᱷ, ᱵᱩᱫᱷᱚᱱᱟᱞᱚᱠᱟᱱᱛᱷ ᱮᱢᱟᱱ ᱫᱷᱚᱨᱚᱢ ᱴᱷᱟᱶ ᱠᱚ ᱧᱮᱞ ᱞᱟᱹᱜᱤᱫ ᱠᱚ ᱥᱮᱱᱚᱜᱼᱟ ᱾ ᱯᱷᱨᱤᱠ ᱥᱴᱨᱤᱴ ᱟᱨ ᱛᱟᱢᱮᱞ ᱯᱟᱪᱮ ᱥᱮᱫ ᱨᱤᱱ ᱯᱟᱪᱮ ᱥᱮᱫ ᱨᱤᱱ ᱦᱚᱲ ᱠᱚ ᱞᱟᱹᱜᱤᱫ ᱧᱩᱛᱩᱢᱟᱱ ᱧᱮᱞᱡᱚᱝ ᱴᱷᱟᱶ ᱠᱟᱱᱟ ᱾

ᱥᱮᱪᱮᱫ

ᱠᱟᱴᱷᱢᱟᱱᱰᱩ ᱦᱚᱱᱚᱛ ᱫᱚ ᱱᱮᱯᱟᱞ ᱨᱮ ᱥᱮᱪᱮᱫ ᱨᱮᱱᱟᱜ ᱟᱭᱢᱟ ᱯᱟᱦᱴᱟ ᱨᱮ ᱢᱤᱫ ᱢᱟᱲᱟᱝ ᱦᱚᱱᱚᱛ ᱠᱟᱱᱟ ᱾ ᱫᱚᱨᱵᱟᱨ ᱦᱟᱭ ᱥᱠᱩᱞ (ᱱᱮᱯᱟᱞ ᱨᱮᱱᱟᱜ ᱯᱩᱭᱞᱩ ᱟᱥᱲᱟ), ᱛᱨᱤᱪᱚᱸᱫᱽᱨᱚ ᱠᱚᱞᱮᱡᱽ (ᱱᱮᱯᱟᱞ ᱨᱮᱱᱟᱜ ᱯᱩᱭᱞᱩ ᱠᱚᱞᱮᱡᱽ), ᱟᱨ ᱯᱟᱫᱽᱢᱟ ᱠᱟᱱᱭᱟ ᱠᱚᱞᱮᱡᱽ (ᱯᱩᱭᱞᱩ ᱛᱤᱨᱞᱟᱹ ᱠᱚᱞᱮᱡᱽ) ᱠᱚ ᱥᱟᱱᱟᱢ ᱠᱟᱴᱷᱢᱟᱱᱰᱩ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱾ ᱱᱮᱯᱟᱞ ᱨᱮᱱᱟᱜ ᱯᱩᱭᱞᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱨᱤᱵᱷᱩᱣᱟᱱ ᱵᱤᱨᱫᱟᱹᱜᱟᱲ ᱫᱚ ᱠᱟᱴᱷᱢᱟᱱᱰᱩ ᱦᱚᱱᱚᱛ ᱨᱮᱱᱟᱜ ᱠᱤᱨᱛᱤᱯᱩᱨ ᱵᱟᱡᱟᱨ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱪᱷᱟᱰᱟ ᱠᱟᱛᱮ, ᱱᱚᱶᱟ ᱦᱚᱱᱚᱛ ᱨᱮ ᱦᱟᱡᱟᱨ ᱜᱟᱱ ᱥᱮᱪᱮᱫ ᱥᱚᱥᱛᱷᱟᱱ ᱠᱚ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱱᱮᱯᱟᱞ, ᱥᱤᱧᱚᱛ ᱟᱨ ᱵᱟᱝᱞᱟᱫᱮᱥ ᱠᱷᱚᱱ ᱯᱟᱹᱴᱷᱩᱣᱟᱹ ᱠᱚ ᱯᱟᱲᱦᱟᱜ ᱠᱟᱱᱟ ᱾

ᱰᱮᱢᱚᱜᱨᱟᱯᱷᱤᱠ

ᱦᱚᱲ ᱮᱞᱥᱚᱝ ᱱᱟᱜᱟᱢ
ᱦᱚᱲ ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	ᱦᱚᱲ.	±% ᱥᱮ.ᱯᱤ.
1981	᱔᱒᱒,᱒᱓᱗	—
1991	᱖᱗᱕,᱓᱔᱑	+4.81%
2001	᱑,᱐᱘᱑,᱘᱔᱕	+4.82%
2011	᱑,᱗᱔᱔,᱒᱔᱐	+4.89%
2021	᱒,᱐᱑᱗,᱕᱓᱒	+1.47%
ᱯᱷᱮᱰᱟᱛ: ᱥᱚᱦᱚᱨᱦᱚᱲᱮᱞ^[᱕]

᱒᱐᱒᱑ ᱥᱟᱞ ᱨᱮᱱᱟᱜ ᱱᱮᱯᱟᱞ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱠᱟᱴᱷᱢᱟᱱᱰᱩ ᱦᱚᱱᱚᱛ ᱨᱮ ᱒,᱐᱔᱑,᱕᱘᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱕.᱖᱕% ᱦᱚᱲ ᱫᱚ ᱕ ᱥᱮᱨᱢᱟ ᱠᱷᱚᱱ ᱠᱟᱹᱴᱤᱡ ᱩᱢᱮᱨ ᱨᱤᱱ ᱠᱚ ᱾ ᱱᱚᱣᱟ ᱨᱮᱱᱟᱜ ᱯᱟᱲᱦᱟᱣ ᱫᱚᱨ ᱫᱚ ᱘᱙.᱒᱓% ᱟᱨ ᱡᱟᱱᱟᱝ ᱡᱟᱹᱱᱤ ᱫᱚ ᱑,᱐᱐᱐ ᱦᱚᱲ ᱨᱮ ᱙᱗᱑ ᱛᱤᱨᱞᱟᱹ ᱠᱚ ᱾ ᱜᱚᱴᱟ ᱦᱚᱲ ᱜᱮ ᱢᱭᱩᱱᱤᱥᱤᱯᱟᱞᱤ ᱨᱮᱠᱚ ᱛᱟᱦᱮᱱ ᱠᱟᱱᱟ ᱾^[᱖]

ᱥᱟᱹᱠᱷᱭᱟᱹᱛ

↑ "National Population and Housing Census 2011 – General and Social Characteristics Table" (PDF). Government of Nepal Central Bureau of Statistics. February 2014. pp. 9(1), 10(2). Archived from the original (PDF) on 19 August 2014. Retrieved 15 August 2014.
↑ "Nepal's population is 29,192,480". kathmandupost.com (in English). Retrieved 2022-05-26.{{cite web}}: CS1 maint: unrecognized language (link)
1 2 3 4 "Brief Introduction" (in ᱱᱮᱯᱟᱞᱤ). DDC Kathmandu. Archived from the original on 19 August 2014. Retrieved 15 August 2014.
↑ The Map of Potential Vegetation of Nepal - a forestry/agroecological/biodiversity classification system (PDF), Forest & Landscape Development and Environment Series 2-2005 and CFC-TIS Document Series No. 110., 2005, ISBN 87-7903-210-9, retrieved 22 November 2013
↑ "NEPAL: Administrative Division". www.citypopulation.de (in ᱟᱝᱜᱽᱨᱮᱡᱤ).
↑ "Provincial/District/Local reports: Bagmati Province" (PDF). Census Nepal 2021. Central Bureau of Statistics.

ᱵᱟᱦᱨᱮ ᱡᱚᱱᱚᱲ

DDC Kathmandu
UN.org: UN map of VDC boundaries, water features and roads in Kathmandu
Rainfall in Kathmandu Archived ᱒᱐᱑᱖-᱐᱔-᱐᱑ at the Wayback Machine.
"Districts of Nepal". Statoids.

Coordinates: 27°42′N 85°18′E / 27.7°N 85.3°E / 27.7; 85.3

[Census_2011_v5-1] "National Population and Housing Census 2011 – General and Social Characteristics Table" (PDF). Government of Nepal Central Bureau of Statistics. February 2014. pp. 9(1), 10(2). Archived from the original (PDF) on 19 August 2014. Retrieved 15 August 2014.

[2] "Nepal's population is 29,192,480". kathmandupost.com (in English). Retrieved 2022-05-26.{{cite web}}: CS1 maint: unrecognized language (link)

[DDC_Kathmandu-3] 1 2 3 4 "Brief Introduction" (in ᱱᱮᱯᱟᱞᱤ). DDC Kathmandu. Archived from the original on 19 August 2014. Retrieved 15 August 2014.

[4] The Map of Potential Vegetation of Nepal - a forestry/agroecological/biodiversity classification system (PDF), Forest & Landscape Development and Environment Series 2-2005 and CFC-TIS Document Series No. 110., 2005, ISBN 87-7903-210-9, retrieved 22 November 2013

[5] "NEPAL: Administrative Division". www.citypopulation.de (in ᱟᱝᱜᱽᱨᱮᱡᱤ).

[provincialreport-6] "Provincial/District/Local reports: Bagmati Province" (PDF). Census Nepal 2021. Central Bureau of Statistics.

[᱑]

[᱒]

[᱓]

[᱔]

[᱕]

[᱖]