ᱠᱟᱵᱤᱛᱟ ᱪᱟᱦᱟᱞ
ᱠᱟᱵᱤᱛᱟ ᱪᱟᱦᱟᱞ (ᱡᱟᱱᱟᱢ ᱘ ᱮᱯᱨᱤᱞ ᱑᱙᱘᱕) ᱫᱚ ᱕' ᱙" ᱩᱥᱩᱞ ᱦᱮᱣᱤᱣᱮᱴ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱵᱚᱠᱥᱟᱨ ᱟᱨ ᱒᱐᱑᱒ ᱠᱷᱚᱱ ᱒᱐᱑᱔ ᱦᱟᱹᱵᱤᱡ ᱡᱚᱛᱚ ᱠᱷᱚᱱ ᱪᱮᱛᱟᱱ ᱡᱮᱜᱮᱛ ᱨᱮᱝᱠᱤᱝ ᱒ ᱧᱟᱢ ᱟᱠᱟᱫ ᱦᱚᱲ ᱠᱟᱱᱟᱭ (᱒᱐᱑᱖ ᱨᱮ ᱮ. ᱟᱭ. ᱵᱤ. ᱮ. ᱨᱮᱝᱠᱤᱝ - ᱑᱑), ᱱᱩᱭ ᱫᱚ ᱦᱚᱨᱤᱭᱟᱬᱟ ᱨᱮᱱᱟᱜ ᱵᱷᱤᱣᱟᱱᱤ ᱦᱚᱱᱚᱛ ᱨᱮ ᱢᱮᱱᱟᱜ ᱱᱤᱢᱨᱤ ᱟᱹᱛᱩ ᱨᱮᱭ ᱛᱟᱦᱮᱸᱱᱟ᱾ ᱟᱡᱟᱜ ᱥᱚᱨᱮᱥ ᱠᱟᱹᱢᱤ ᱠᱷᱟᱹᱛᱤᱨ, ᱥᱤᱧᱚᱛ ᱥᱚᱨᱠᱟᱨ ᱫᱚ ᱒᱐᱑᱓ ᱥᱟᱞ ᱨᱮ ᱪᱟᱦᱟᱞ ᱫᱚ ᱚᱨᱡᱩᱱ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱥᱟᱨᱦᱟᱣ ᱞᱮᱫᱮᱭᱟ᱾ ᱪᱟᱦᱟᱞ ᱫᱚ ᱦᱚᱨᱤᱭᱟᱬᱟ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱵᱚᱠᱥᱟᱨ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱚᱨᱡᱩᱱ ᱥᱤᱨᱯᱷᱟᱹ ᱛᱮᱠᱚ ᱢᱟᱹᱱ ᱥᱟᱨᱦᱟᱣ ᱟᱠᱟᱫᱮᱭᱟ᱾ ᱪᱟᱦᱟᱞ ᱫᱚ ᱫᱚᱦᱲᱟ-ᱞᱮᱛᱟᱲ ᱡᱮᱜᱮᱛ ᱪᱟᱢᱯᱤᱭᱟᱱᱥᱤᱯ ᱢᱮᱰᱟᱞᱤᱥᱴ ᱠᱟᱱᱟᱭ, ᱡᱮᱜᱮᱛ ᱯᱩᱞᱤᱥ ᱜᱮᱢᱥ ᱨᱮ ᱓ ᱫᱷᱟᱣ ᱥᱚᱱᱟ ᱢᱮᱰᱟᱞᱤᱥᱴ ᱠᱟᱱᱟᱭ᱾ ᱔-ᱫᱷᱟᱣ ᱮᱥᱤᱭᱟᱱ ᱪᱟᱢᱯᱤᱭᱟᱱᱥᱤᱯ, ᱮᱥᱤᱭᱟᱱ ᱠᱟᱯ ᱢᱮᱰᱟᱞᱤᱥᱴ ᱠᱟᱱᱟᱭ᱾ ᱙ ᱜᱚᱴᱟᱝ ᱥᱚᱱᱟ ᱢᱮᱰᱟᱞ ᱥᱟᱞᱟᱜ, ᱩᱱᱤ ᱫᱚ ᱛᱤᱨᱞᱟᱹ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱵᱚᱠᱥᱤᱝ ᱨᱮ ᱨᱮᱠᱚᱨᱰ ᱦᱳᱞᱰᱟᱨ ᱠᱟᱱᱟᱭ᱾ ᱩᱱᱤ ᱫᱚ ᱯᱷᱮᱰᱮᱨᱮᱥᱚᱱ ᱠᱟᱯ ᱨᱮ ᱕-ᱫᱷᱟᱣ ᱥᱚᱱᱟ ᱢᱮᱰᱟᱞᱤᱥᱴ ᱠᱟᱱᱟᱭ, ᱟᱨ ᱚᱞ ᱤᱱᱰᱤᱭᱟ ᱯᱩᱞᱤᱥ ᱜᱮᱢᱥ ᱒᱐᱑᱒ ᱠᱷᱚᱱ ᱒᱐᱑᱘ ᱦᱟᱹᱵᱤᱡ ᱗-ᱫᱷᱟᱣ ᱥᱚᱱᱟ ᱢᱮᱰᱟᱞᱤᱥᱴ ᱠᱟᱱᱟᱭ᱾ ᱪᱟᱦᱟᱞ ᱫᱚ ᱤᱱᱴᱟᱨ-ᱡᱳᱱᱟᱞ ᱥᱩᱯᱟᱨ ᱠᱟᱯ ᱪᱟᱢᱯᱤᱭᱟᱱᱥᱤᱯ ᱨᱮ ᱓-ᱫᱷᱟᱣ ᱥᱚᱱᱟ ᱢᱮᱰᱟᱞᱤᱥᱴ ᱠᱟᱱᱟᱭ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱵᱤᱛᱟ ᱫᱚ ᱘ ᱮᱯᱨᱤᱞ ᱑᱙᱘᱕ ᱥᱟᱞ ᱨᱮ ᱦᱚᱨᱤᱭᱟᱬᱟ (ᱥᱤᱧᱚᱛ) ᱨᱮᱱᱟᱜ ᱵᱷᱤᱣᱟᱱᱤ ᱦᱚᱱᱚᱛ ᱨᱮᱱᱟᱜ ᱱᱤᱢᱨᱤ ᱨᱮ ᱥᱨᱤ ᱵᱷᱩᱯ ᱥᱤᱝ ᱟᱨ ᱨᱟᱢᱮᱥ ᱫᱮᱵᱤ ᱴᱷᱮᱱ ᱡᱟᱱᱟᱢ ᱞᱮᱱᱟ᱾ ᱵᱷᱤᱣᱟᱱᱤ ᱫᱚ ᱡᱟᱹᱛᱤᱭᱟᱹᱨᱤ ᱵᱚᱠᱥᱤᱝ ᱨᱮ ᱵᱟᱰᱟᱭᱚᱜ ᱞᱮᱠᱟᱱ ᱴᱚᱴᱷᱟ ᱠᱟᱱᱟ ᱟᱨ ᱮᱢᱮᱪᱩᱨ-ᱠᱚᱱᱵᱷᱚᱨᱴᱮᱰ ᱯᱨᱳᱯᱷᱮᱥᱚᱱᱟᱞ ᱵᱚᱠᱥᱟᱨ ᱵᱤᱡᱮᱱᱫᱚᱨ ᱥᱤᱝ ᱞᱟᱹᱜᱤᱫ ᱦᱚᱸ ᱵᱟᱰᱟᱭᱚᱜᱼᱟ᱾
ᱵᱚᱠᱥᱤᱝ ᱨᱮ ᱟᱡᱟᱜ ᱮᱛᱚᱦᱚᱵ ᱴᱨᱮᱱᱤᱝ ᱫᱚ ᱟᱡᱤᱡ ᱵᱟᱵᱟ ᱵᱷᱩᱯ ᱥᱤᱝ ᱦᱚᱛᱮᱛᱮ ᱦᱩᱭ ᱞᱮᱱᱟ, ᱩᱱᱤ ᱦᱚᱸ ᱢᱤᱫ ᱵᱚᱠᱥᱟᱨ ᱠᱟᱱᱟᱭ᱾ ᱢᱤᱫ ᱫᱷᱟᱣ ᱩᱱᱤ ᱡᱚᱠᱷᱚᱱ ᱞᱟᱦᱟ ᱪᱟᱞᱟᱣ ᱮᱱᱟ, ᱩᱱ ᱡᱚᱠᱷᱚᱱ ᱩᱱᱤ ᱠᱳᱪ ᱡᱚᱜᱽᱫᱤᱥ ᱥᱤᱝ ᱩᱢᱩᱞ ᱨᱮ ᱵᱷᱤᱣᱟᱱᱤ ᱵᱚᱠᱥᱤᱝ ᱠᱞᱟᱵᱽ ᱨᱮ ᱴᱨᱮᱱᱤᱝ ᱮ ᱦᱟᱛᱟᱣ ᱞᱮᱫᱟ, ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱮᱥ ᱢᱮᱞ ᱯᱩᱜᱤᱞᱤᱥᱴ ᱨᱮᱱᱟᱜ ᱴᱨᱮᱱᱤᱝ ᱦᱚᱸᱭ ᱠᱟᱹᱢᱤᱭᱟ᱾
ᱟᱡᱟᱜ ᱯᱚᱱᱚᱛ ᱟᱨ ᱥᱤᱧᱚᱛ ᱞᱟᱹᱜᱤᱫ ᱢᱮᱰᱟᱞ ᱟᱨ ᱮᱠᱞᱮᱰ ᱡᱤᱛᱠᱟᱹᱨ ᱠᱟᱛᱮ, ᱩᱱᱤ ᱦᱚᱸ ᱒᱐᱑᱓ ᱥᱟᱞ ᱨᱮ ᱚᱨᱡᱩᱱ ᱟᱣᱟᱨᱰ ᱛᱮ ᱢᱟᱹᱱ ᱥᱟᱨᱦᱟᱣ ᱧᱟᱢ ᱟᱠᱟᱫ ᱦᱚᱨᱤᱭᱟᱬᱟ ᱯᱚᱱᱚᱛ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱵᱚᱠᱥᱟᱨ ᱦᱚᱸᱭ ᱵᱮᱱᱟᱣ ᱮᱱᱟ᱾