ᱠᱟᱵᱤᱱᱤ ᱜᱟᱰᱟ
| ᱠᱟᱯᱤᱞᱟ | |
|---|---|
 ᱠᱟᱵᱤᱱᱤᱜᱤᱨᱤ, ᱠᱮᱨᱟᱞᱟ ᱠᱷᱚᱱ ᱠᱟᱯᱤᱞᱟ ᱜᱟᱰᱟ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱠᱮᱨᱟᱞᱟ, ᱠᱚᱨᱱᱟᱴᱚᱠ |
| Physical characteristics | |
| Main source | ᱯᱟᱱᱟᱢᱟᱨᱟᱢ ᱣᱟᱭᱟᱱᱟᱰ ᱦᱚᱱᱚᱛ, ᱠᱮᱨᱟᱞᱟ, ᱥᱤᱧᱚᱛ 11°48′01″N 76°04′29″E / 11.80028°N 76.07472°E |
| ᱜᱟᱰᱟ ᱰᱟᱦᱟᱨ | ᱛᱤᱨᱩᱢᱟᱠᱩᱰᱟᱞ ᱱᱟᱨᱥᱤᱯᱩᱨ ᱢᱟᱭᱥᱩᱨ ᱦᱚᱱᱚᱛ, ᱠᱚᱨᱱᱟᱴᱚᱠ, ᱥᱤᱧᱚᱛ 12°12′56″N 76°54′40″E / 12.21556°N 76.91111°ECoordinates: 12°12′56″N 76°54′40″E / 12.21556°N 76.91111°E |
ᱠᱟᱵᱤᱱᱤ ᱜᱟᱰᱟ ᱫᱚ ᱮᱛᱚᱢ ᱥᱤᱧᱚᱛ ᱨᱮ ᱠᱟᱵᱮᱨᱤ ᱜᱟᱰᱟ ᱨᱮᱱᱟᱜ ᱢᱩᱬᱩᱛ ᱪᱟᱸᱜᱟ ᱜᱟᱰᱟ ᱠᱚ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ, ᱱᱚᱶᱟ ᱫᱚ ᱠᱮᱨᱟᱞᱟ ᱯᱚᱱᱚᱛ ᱨᱮᱱᱟᱜ ᱣᱟᱭᱟᱱᱟᱰ ᱦᱚᱱᱚᱛ ᱨᱮ ᱯᱟᱱᱟᱢᱟᱨᱟᱢ ᱜᱟᱰᱟ ᱟᱨ ᱢᱟᱱᱚᱱᱛᱷᱟᱵᱷᱟᱰᱤ ᱜᱟᱰᱟ ᱢᱮᱥᱟᱜ ᱴᱷᱟᱶ ᱠᱷᱚᱱ ᱚᱸᱰᱚᱠ ᱟᱠᱟᱱᱟ ᱾ ᱱᱚᱶᱟ ᱫᱚ ᱥᱟᱢᱟᱝ ᱥᱮᱫ ᱣᱟᱭᱟᱱᱟᱰ ᱦᱚᱱᱚᱛ ᱥᱮᱫ ᱛᱮ ᱞᱤᱸᱜᱤᱱᱟ, ᱠᱚᱨᱱᱟᱴᱚᱠ ᱨᱮᱱᱟᱜ ᱢᱟᱭᱥᱩᱨ ᱦᱚᱱᱚᱛ ᱨᱮ ᱵᱚᱞᱚᱱᱟ, ᱟᱨ ᱠᱚᱨᱱᱟᱴᱚᱠ ᱨᱮᱱᱟᱜ ᱢᱟᱭᱥᱩᱨ ᱦᱚᱱᱚᱛ ᱨᱮ ᱠᱟᱵᱮᱨᱤ ᱜᱟᱰᱟ ᱥᱟᱶ ᱢᱮᱥᱟᱜᱼᱟ ᱾[᱑]
ᱥᱟᱨᱜᱩᱨ ᱥᱚᱦᱚᱨ ᱥᱩᱨ ᱨᱮ ᱱᱚᱶᱟ ᱫᱚ ᱟᱹᱰᱤ ᱢᱟᱨᱟᱝ ᱠᱟᱵᱤᱱᱤ ᱡᱟᱞᱟᱥᱚᱭ ᱮ ᱵᱮᱱᱟᱣᱟ ᱾ ᱠᱟᱵᱤᱱᱤ ᱡᱟᱞᱟᱥᱚᱭ ᱨᱮᱱᱟᱜ ᱵᱮᱠᱣᱟᱴᱚᱨ ᱠᱚᱫᱚ ᱵᱤᱨ ᱡᱤᱭᱟᱹᱞᱤ ᱠᱚ ᱞᱟᱹᱜᱤᱫ ᱟᱹᱰᱤ ᱠᱤᱥᱟᱹᱬ ᱜᱮᱭᱟ, ᱟᱥᱚᱠᱟᱭ ᱛᱮ ᱥᱤᱛᱩᱝ ᱫᱤᱱ ᱨᱮ ᱡᱚᱠᱷᱚᱱ ᱫᱟᱜ ᱟᱸᱡᱮᱫᱚᱜᱼᱟ ᱟᱨ ᱟᱹᱰᱤ ᱱᱟᱯᱟᱭ ᱜᱟᱥ ᱴᱟᱺᱰᱤ ᱵᱮᱱᱟᱣᱜᱼᱟ ᱾ ᱠᱟᱵᱤᱱᱤ ᱰᱮᱢ ᱫᱚ ᱡᱤᱞᱤᱧ ᱨᱮ 2,284 ft (696 m) ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱑᱙.᱕᱒ tmcft ᱜᱩᱴ ᱫᱟᱜ ᱫᱚᱦᱚ ᱨᱮᱱᱟᱜ ᱫᱟᱲᱮ ᱢᱮᱱᱟᱜᱼᱟ ᱾ ᱠᱟᱵᱤᱱᱤ ᱰᱮᱢ ᱫᱚ ᱵᱤᱪᱟᱱᱟᱦᱟᱞᱞᱤ ᱟᱨ ᱵᱤᱫᱟᱨᱟᱦᱟᱞᱞᱤ ᱟᱹᱛᱩ ᱛᱟᱞᱟ ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱨᱮᱱᱟᱜ ᱥᱟᱺᱜᱤᱧ ᱫᱚ 17 km (11 mi) ᱠᱟᱱᱟ ᱟᱨ ᱠᱚᱨᱱᱟᱴᱚᱠ ᱨᱮᱱᱟᱜ ᱢᱟᱭᱥᱩᱨ ᱦᱚᱱᱚᱛ, ᱦᱮᱜᱽᱜᱟᱫᱟᱫᱮᱵᱷᱟᱱᱟ ᱠᱳᱴᱮ ᱛᱟᱞᱩᱠ ᱨᱮ ᱥᱟᱨᱜᱩᱨ ᱥᱚᱦᱚᱨ ᱠᱷᱚᱱ ᱖ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾[᱒]
ᱵᱤᱨ ᱡᱤᱭᱟᱹᱞᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱵᱤᱱᱤ ᱵᱤᱨ ᱨᱤᱡᱚᱨᱵᱽ ᱫᱚ ᱠᱚᱨᱱᱟᱴᱚᱠ ᱨᱮᱱᱟᱜ ᱟᱹᱰᱤ ᱧᱩᱛᱩᱢᱟᱱ ᱵᱤᱨ ᱡᱤᱭᱟᱹᱞᱤ ᱴᱷᱟᱶ ᱠᱚ ᱢᱩᱸᱫᱽ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ, ᱪᱮᱫᱟᱜ ᱥᱮ ᱱᱚᱸᱰᱮ ᱥᱮᱴᱮᱨᱚᱜ ᱟᱞᱜᱟ ᱜᱮᱭᱟ, ᱢᱤᱫ ᱢᱟᱨᱟᱝ ᱡᱟᱞᱟᱥᱚᱭ ᱜᱚᱴᱟ ᱯᱟᱲᱟ ᱦᱟᱹᱨᱭᱟᱹᱲ ᱴᱚᱴᱷᱟ, ᱟᱨ ᱦᱟᱹᱛᱤ ᱟᱨ ᱛᱟᱹᱨᱩᱵ ᱠᱚᱣᱟᱜ ᱜᱩᱴ ᱧᱮᱞ ᱧᱟᱢᱚᱜᱼᱟ ᱾ ᱱᱚᱶᱟ ᱫᱚ ᱢᱟᱭᱥᱩᱨ ᱠᱷᱚᱱ 61 km (38 mi) ᱟᱨ ᱵᱮᱝᱜᱟᱞᱩᱨᱩ ᱠᱷᱚᱱ 205 km (127 mi) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ, ᱟᱨ ᱱᱟᱜᱟᱨᱦᱳᱞ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮᱱᱟᱜ ᱮᱛᱚᱢ-ᱥᱟᱢᱟᱝ ᱦᱟᱹᱴᱤᱧ ᱨᱮ ᱯᱟᱲᱟᱣᱜᱼᱟ ᱾ ᱱᱚᱶᱟ ᱨᱤᱡᱚᱨᱵᱽ ᱫᱚ 55 acres (22 ha) ᱵᱤᱨ ᱴᱚᱴᱷᱟ, ᱠᱷᱟᱸᱰᱟᱝ ᱵᱮᱰᱟ ᱟᱨ ᱫᱟᱜ ᱴᱷᱟᱶ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱢᱤᱫ ᱚᱠᱛᱚ ᱢᱟᱭᱥᱩᱨ ᱨᱤᱱᱤᱡ ᱢᱚᱦᱟᱨᱟᱡᱟ ᱦᱟᱜ ᱱᱤᱡᱮᱨᱟᱜ ᱥᱮᱸᱫᱽᱨᱟ ᱴᱷᱟᱶ ᱞᱮᱠᱟᱛᱮ, ᱠᱟᱵᱤᱱᱤ ᱫᱚ ᱵᱨᱤᱴᱤᱥ ᱵᱷᱟᱭᱤᱥᱨᱚᱭ ᱠᱚ ᱟᱨ ᱥᱤᱧᱚᱛᱤᱭᱟᱹ ᱨᱟᱡᱽ ᱜᱷᱟᱨᱚᱸᱡᱽ ᱠᱚ ᱞᱟᱹᱜᱤᱫ ᱢᱤᱫ ᱧᱩᱛᱩᱢᱟᱱ ᱥᱮᱸᱫᱽᱨᱟ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾[᱓] ᱱᱟᱜᱟᱨᱦᱳᱞ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱯᱨᱟᱭ ᱑᱒᱐ ᱜᱟᱱ ᱛᱟᱹᱨᱩᱵ, ᱑᱐᱐ ᱠᱷᱚᱱ ᱵᱟᱹᱲᱛᱤ ᱥᱚᱱᱟ ᱪᱤᱛᱟᱹ, ᱯᱩᱱ ᱞᱮᱠᱟᱱ ᱡᱤᱞ, ᱵᱟᱱᱟ, ᱥᱤᱧᱚᱛᱤᱭᱟᱹ ᱠᱟᱰᱟ ᱟᱨ ᱦᱟᱹᱛᱤ ᱢᱮᱱᱟᱜ ᱠᱚᱣᱟ ᱾[᱔]
ᱞᱤᱸᱜᱤᱱ ᱦᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱶᱟ ᱜᱟᱰᱟ ᱫᱚ ᱠᱩᱴᱴᱤᱭᱟᱰᱤ-ᱢᱟᱱᱚᱱᱛᱷᱟᱵᱷᱟᱰᱤ ᱥᱚᱲᱚᱠ ᱨᱮ ᱱᱤᱨᱟᱵᱷᱤᱞᱯᱩᱡᱷᱟ ᱥᱩᱨ ᱨᱮ ᱯᱟᱠᱨᱟᱢᱛᱷᱟᱞᱟᱢ ᱵᱩᱨᱩ ᱠᱷᱚᱱ ᱚᱸᱰᱚᱠ ᱟᱠᱟᱱᱟ ᱾ ᱢᱟᱠᱠᱤᱭᱟᱰ ᱜᱟᱰᱟ ᱟᱨ ᱯᱮᱨᱤᱭᱟ ᱜᱟᱰᱟ ᱫᱚ ᱡᱟᱹᱛᱮ ᱠᱳᱨᱳᱢᱮ ᱟᱨ ᱵᱷᱟᱞᱟᱰ ᱥᱩᱨ ᱨᱮ ᱱᱚᱶᱟ ᱥᱟᱶ ᱢᱮᱥᱟᱜᱼᱟ ᱾ ᱢᱟᱱᱚᱱᱛᱷᱟᱵᱷᱟᱰᱤ ᱥᱚᱦᱚᱨ ᱥᱮᱫ ᱛᱮ ᱞᱤᱸᱜᱤᱱ ᱛᱟᱭᱚᱢ, ᱯᱟᱱᱟᱢᱟᱨᱟᱢ ᱜᱟᱰᱟ ᱫᱚ ᱯᱟᱭᱭᱟᱢᱯᱟᱞᱞᱤ ᱥᱩᱨ ᱨᱮ ᱠᱟᱵᱤᱱᱤ ᱥᱟᱶ ᱢᱮᱥᱟᱜᱼᱟ ᱾ ᱯᱟᱱᱟᱢᱟᱨᱟᱢ ᱜᱟᱰᱟ ᱨᱮᱱᱟᱜ ᱢᱤᱫ ᱪᱟᱸᱜᱟ ᱫᱚ ᱯᱟᱫᱤᱱᱡᱟᱨᱮᱛᱷᱟᱨᱟ ᱥᱩᱨ ᱨᱮ ᱵᱟᱱᱟᱥᱩᱨᱟ ᱥᱟᱜᱚᱨ ᱡᱟᱞᱟᱥᱚᱭ ᱠᱷᱚᱱ ᱚᱸᱰᱚᱠᱚᱜᱼᱟ ᱟᱨ ᱜᱟᱰᱟ ᱨᱮᱱᱟᱜ ᱮᱴᱟᱜ ᱪᱟᱸᱜᱟ ᱫᱚ ᱞᱟᱠᱠᱤᱰᱤ ᱵᱩᱨᱩ ᱠᱷᱚᱱ ᱚᱸᱰᱚᱠᱚᱜᱼᱟ ᱾ ᱯᱟᱱᱟᱢᱟᱨᱟᱢ ᱜᱟᱰᱟ ᱢᱮᱥᱟᱜ ᱴᱷᱟᱶ ᱠᱷᱚᱱ 2 kilometres (1.2 mi) ᱯᱟᱨᱚᱢ ᱛᱟᱭᱚᱢ ᱠᱟᱵᱤᱱᱤ ᱫᱚ ᱠᱩᱨᱩᱵᱷᱟ ᱫᱤᱯ ᱧᱩᱛᱩᱢᱟᱱ ᱢᱤᱫ ᱫᱤᱯ ᱮ ᱵᱮᱱᱟᱣᱟ, ᱡᱟᱦᱟᱸ ᱫᱚ ᱟᱭᱢᱟ ᱞᱮᱠᱟᱱ ᱫᱟᱨᱮ ᱱᱟᱹᱬᱤ ᱟᱨ ᱡᱤᱣᱤ ᱡᱤᱭᱟᱹᱞᱤ ᱥᱟᱶᱛᱮ 520 acres (2.1 km2) ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ 20 km (12 mi) ᱵᱷᱤᱛᱨᱤ ᱨᱮ ᱱᱚᱶᱟ ᱫᱚ ᱠᱟᱵᱤᱱᱤ ᱡᱟᱞᱟᱥᱚᱭ ᱨᱮ ᱥᱮᱴᱮᱨᱚᱜᱼᱟ ᱡᱟᱦᱟᱸ ᱫᱚ ᱠᱤᱪᱷᱩ ᱥᱟᱺᱜᱤᱧ ᱫᱷᱟᱹᱨᱤᱡ ᱠᱮᱨᱟᱞᱟ ᱟᱨ ᱠᱚᱨᱱᱟᱴᱚᱠ ᱥᱤᱢᱟᱹᱭ ᱵᱮᱱᱟᱣᱟ ᱾ ᱠᱟᱵᱤᱱᱤ ᱡᱟᱞᱟᱥᱚᱭ ᱟᱨ ᱠᱩᱨᱩᱵᱷᱟ ᱫᱤᱯ ᱛᱟᱞᱟ ᱨᱮ ᱠᱟᱞᱤᱱᱫᱤ ᱜᱟᱰᱟ ᱫᱚ ᱠᱟᱵᱤᱱᱤ ᱥᱟᱶ ᱢᱮᱥᱟᱜᱼᱟ ᱾ ᱠᱟᱞᱤᱱᱫᱤ ᱜᱟᱰᱟ ᱫᱚ ᱵᱨᱚᱦᱢᱚᱜᱤᱨᱤ ᱵᱩᱨᱩ ᱠᱷᱚᱱ ᱚᱸᱰᱚᱠᱚᱜᱼᱟ ᱡᱟᱦᱟᱸ ᱫᱚ ᱛᱷᱤᱨᱩᱱᱮᱞᱞᱤ ᱢᱚᱱᱫᱤᱨ ᱥᱩᱨ ᱨᱮ ᱥᱮᱴᱮᱨᱚᱜ ᱡᱚᱦᱚᱜ ᱦᱩᱰᱤᱧ ᱜᱟᱰᱟ ᱯᱟᱯᱟᱱᱟᱥᱤᱱᱤ ᱱᱚᱶᱟ ᱥᱟᱶ ᱢᱮᱥᱟᱜᱼᱟ ᱾ ᱛᱟᱨᱚᱠᱟ ᱟᱨ ᱱᱩᱜᱩ ᱫᱚ ᱦᱮᱜᱽᱜᱟᱫᱟᱫᱮᱵᱷᱟᱱᱟ ᱠᱳᱴᱮ ᱛᱟᱞᱩᱠ ᱨᱮᱱᱟᱜ ᱵᱟᱨᱭᱟ ᱦᱩᱰᱤᱧ ᱜᱟᱰᱟ ᱠᱟᱱᱟ ᱡᱟᱦᱟᱸ ᱫᱚ ᱠᱟᱯᱤᱞᱟ (ᱠᱟᱵᱤᱱᱤ ᱜᱟᱰᱟ) ᱥᱟᱶ ᱢᱮᱥᱟᱜᱼᱟ ᱾[᱕]
ᱠᱟᱵᱤᱱᱤ ᱰᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱠᱟᱵᱤᱱᱤ ᱰᱮᱢ | |
|---|---|
 | |
| Coordinates | 11°58′25″N 76°21′10″E / 11.9735°N 76.3528°E |
| ᱰᱮᱢ ᱟᱨ ᱥᱯᱤᱞᱣᱮᱥ | |
| ᱰᱮᱢ ᱨᱮᱭᱟᱜ ᱫᱷᱚᱨᱚᱱ | ᱞᱮᱸᱜᱟ ᱟᱲᱮ ᱥᱯᱤᱞᱣᱮ ᱥᱟᱶᱛᱮ ᱦᱟᱥᱟ ᱨᱮᱱᱟᱜ ᱰᱮᱢ |
| Impounds | ᱠᱟᱯᱤᱞᱟ ᱜᱟᱰᱟ |
| ᱩᱥᱩᱞ | ᱜᱟᱰᱟ ᱵᱮᱰ ᱞᱮᱵᱷᱮᱞ ᱠᱷᱚᱱ ᱑᱖᱖ ᱯᱷᱩᱴ ᱪᱮᱛᱟᱱ |
| ᱡᱮᱞᱮᱧ | ᱑᱒,᱙᱒᱗ ᱯᱷᱩᱴ |
ᱠᱟᱵᱤᱱᱤ ᱰᱮᱢ ᱫᱚ ᱢᱟᱭᱥᱩᱨ ᱦᱚᱱᱚᱛ ᱨᱮ ᱠᱟᱯᱤᱞᱟ ᱜᱟᱰᱟ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱶᱟ ᱰᱮᱢ ᱫᱚ ᱖᱙᱖ ᱢᱤᱴᱚᱨ ᱡᱤᱞᱤᱧᱟ ᱟᱨ ᱑᱙৭᱔ ᱥᱮᱨᱢᱟ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱰᱮᱢ ᱨᱮᱱᱟᱜ ᱴᱷᱤᱠ ᱴᱷᱟᱶ ᱫᱚ ᱦᱮᱜᱽᱜᱟᱫᱟᱫᱮᱵᱷᱟᱱᱟ ᱠᱳᱴᱮ ᱛᱟᱞᱩᱠ ᱨᱮᱱᱟᱜ ᱵᱤᱪᱟᱱᱟᱦᱟᱞᱞᱤ ᱟᱹᱛᱩ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱰᱮᱢ ᱨᱮᱱᱟᱜ ᱠᱮᱪᱢᱮᱱᱴ ᱮᱨᱤᱭᱟ ᱫᱚ ᱒,᱑᱔᱑.᱙᱐ km2 ᱠᱟᱱᱟ ᱾ ᱱᱚᱶᱟ ᱫᱚ ᱯᱨᱟᱭ ᱒᱒ ᱜᱚᱴᱟᱝ ᱟᱹᱛᱩ ᱟᱨ ᱑᱔ ᱜᱚᱴᱟᱝ ᱴᱚᱞᱟ ᱨᱮᱱᱟᱜ ᱞᱟᱹᱠᱛᱤ ᱠᱚᱭ ᱯᱩᱨᱟᱹᱣᱟ ᱟᱨ ᱢᱟᱭᱥᱩᱨ ᱟᱨ ᱵᱮᱝᱜᱟᱞᱩᱨᱩ ᱞᱟᱹᱜᱤᱫ ᱧᱩ ᱫᱟᱜ ᱨᱮᱱᱟᱜ ᱢᱤᱫ ᱢᱩᱬᱩᱛ ᱥᱚᱨᱥ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱯᱚᱱᱚᱛ ᱨᱮᱱᱟᱜ ᱞᱟᱹᱠᱛᱤ ᱯᱩᱨᱟᱹᱣ ᱞᱟᱹᱜᱤᱫ ᱛᱮ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱢᱮᱴᱴᱩᱨ ᱡᱟᱞᱟᱥᱚᱭ ᱨᱮ ᱟᱹᱰᱤ ᱜᱟᱱ ᱫᱟᱜ ᱟᱲᱟᱜ ᱜᱤᱰᱤᱭᱟᱜᱼᱟ ᱾[᱖]
ᱱᱚᱶᱟ ᱰᱮᱢ ᱫᱚ ᱕᱕ ᱦᱮᱠᱴᱚᱨ ᱴᱚᱴᱷᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱡᱟᱦᱟᱸ ᱨᱮ ᱵᱤᱨ, ᱜᱟᱰᱟ, ᱡᱷᱤᱞ ᱟᱨ ᱵᱮᱰᱟ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱾ ᱱᱚᱶᱟ ᱰᱮᱢ ᱫᱚ ᱥᱟᱜᱟᱨᱮᱫᱳᱰᱰᱟᱠᱮᱨᱮ ᱟᱨ ᱪᱮᱛᱟᱱ ᱱᱩᱜᱩ ᱰᱮᱢ ᱨᱮᱱᱟᱜ ᱢᱤᱫᱩᱜ ᱥᱤᱥᱴᱚᱢ ᱨᱮ ᱦᱚᱸ ᱫᱟᱜ ᱮ ᱮᱢᱟᱜᱼᱟ ᱾ ᱡᱟᱹᱯᱩᱫ ᱪᱟᱸᱫᱚ ᱠᱚᱨᱮ ᱠᱟᱵᱤᱱᱤ ᱰᱮᱢ ᱠᱷᱚᱱ ᱮᱴᱟᱜ ᱵᱟᱨᱭᱟ ᱦᱩᱰᱤᱧ ᱰᱮᱢ ᱨᱮ ᱒᱘.᱐᱐ TMC ᱫᱟᱜ ᱨᱟᱠᱟᱵ ᱟᱨ ᱤᱫᱤ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾[᱗]
ᱠᱟᱵᱤᱱᱤ ᱥᱟᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱜᱟᱰᱟ ᱪᱮᱛᱟᱱ ᱨᱮ ᱢᱮᱱᱟᱜ ᱠᱟᱵᱤᱱᱤ ᱯᱚᱞ ᱫᱚ ᱢᱤᱫ ᱦᱮᱨᱤᱴᱮᱡᱽ ᱢᱚᱱᱩᱢᱮᱱᱴ ᱠᱟᱱᱟ ᱾[᱘]
ᱪᱤᱛᱟᱹᱨ ᱜᱮᱞᱮᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱵᱤᱱᱤ ᱜᱟᱰᱟ ᱨᱮ ᱥᱤᱧᱚᱛᱤᱭᱟᱹ ᱠᱳᱨᱟᱠᱚᱞ ᱠᱚ ᱵᱮᱵᱷᱟᱨᱟ
ᱠᱟᱵᱤᱱᱤ ᱡᱟᱞᱟᱥᱚᱭ
ᱠᱟᱵᱤᱱᱤ ᱜᱟᱰᱟ ᱟᱲᱮ ᱨᱮ ᱦᱟᱹᱛᱤ ᱜᱷᱟᱨᱚᱸᱡᱽ
ᱱᱟᱱᱡᱟᱱᱜᱩᱰ ᱨᱮ ᱠᱟᱵᱤᱱᱤ ᱜᱟᱰᱟ
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Kabini or Kapila River". District Administration Mysuru, GOI. Retrieved 2 March 2024.
- ↑ "Kabini or Kapila River". District Administration Mysuru, GOI. Retrieved 2 March 2024.
- ↑ "KABINI WILDLIFE RESERVE AND KABINI RIVER". Kabini Wildlife. Retrieved 2 March 2024.
- ↑ "Nagarahole Tiger Reserve". Karnataka Forest Department. Archived from the original on 23 November 2022. Retrieved 2 March 2024.
- ↑ Singh, AK (2 August 2022). Kabini And The Jungle Stories: A Royal Legacy, Myths, Legends & The Truth. Notion Press. ISBN 9798887498225. Retrieved 2 March 2024.
- ↑ "Water released from Kabini reservoir reaches Mettur dam". The Hindu. June 17, 2018. Retrieved 2 March 2024.
- ↑ Kandya, Ranjith (17 December 2018). "80,000 cusecs out from Kabini reservoir, highest ever". Deccan Herald. Retrieved 2 March 2024.
- ↑ "285-year-old Kabini rail-cum-road bridge near Nanjangud to get facelift". Deccan Herald. October 5, 2020. Retrieved 2 March 2024.