ᱠᱟᱹᱞᱨᱤᱯᱟᱹᱭᱟᱹᱴᱴᱩ
ᱠᱟᱹᱞᱨᱤᱯᱟᱹᱭᱟᱹᱴᱴᱩ (ᱢᱟᱞᱟᱭᱟᱞᱚᱢ കളരിപയറ്റ്) ᱩᱪᱟᱨᱚᱱ [kaɭəɾipːajətːɨ̆] ᱫᱩᱠᱷᱤᱬ ᱥᱤᱧᱚᱛ ᱯᱚᱱᱚᱛ ᱠᱮᱨᱞᱟ ᱠᱷᱚᱱ ᱥᱤᱨᱡᱟᱹᱣ ᱟᱠᱟᱱ ᱥᱤᱧᱚᱛ ᱨᱮᱭᱟᱜ ᱢᱤᱫ ᱛᱩᱯᱩᱫ ᱠᱟᱭᱫᱟ ᱾ ᱱᱚᱣᱟ ᱫᱚ ᱟᱹᱰᱤ ᱢᱟᱨᱮ ᱛᱟᱯᱟᱢ ᱛᱩᱯᱩᱫ ᱠᱟᱭᱫᱟ ᱠᱟᱱᱟ ᱾ ᱠᱟᱹᱞᱨᱤᱯᱟᱹᱭᱟᱹᱴᱴᱩ ᱫᱚ ᱤᱝᱞᱤᱥ ᱛᱮ (mother of all martial arts) ᱞᱟᱹᱭ ᱠᱟᱛᱮ ᱥᱚᱢᱢᱟᱱ ᱠᱚ ᱮᱢᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱢᱟᱱᱮ ᱫᱚ ᱦᱩᱭᱩᱜ ᱠᱟᱱᱟ ᱥᱟᱱᱟᱢ ᱛᱩᱯᱩᱫ ᱠᱟᱭᱫᱟ ᱤᱡ ᱮᱸᱜᱟᱛ ᱟᱨᱵᱟᱝ ᱟᱭᱚ ᱾ ᱱᱚᱣᱟ ᱫᱚ ᱠᱮᱨᱞᱟ, ᱛᱟᱢᱤᱞᱱᱟᱰᱩ ᱟᱨ ᱠᱚᱨᱱᱟᱴᱚᱠ ᱮᱢᱟᱱ ᱥᱤᱧᱚᱛ ᱯᱚᱱᱚᱛ ᱥᱟᱶᱛᱮ ᱥᱨᱤᱞᱚᱝᱠᱟ ᱟᱨ ᱢᱟᱞᱮᱥᱤᱭᱟ ᱨᱤᱱ ᱢᱚᱞᱭᱟᱞᱤ ᱥᱟᱶᱛᱟ ᱦᱚᱲ ᱵᱷᱤᱛᱨᱤᱨᱮ ᱯᱨᱚᱪᱞᱚᱱ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱭᱟᱜ ᱚᱵᱷᱭᱟᱥ ᱫᱚ ᱡᱟᱹᱥᱛᱤᱛᱮ ᱠᱮᱨᱞᱟ ᱨᱤᱱ ᱣᱚᱫᱽᱫᱷᱟ ᱡᱟᱹᱛᱤ ᱠᱚ ᱡᱟᱦᱟᱸ ᱞᱮᱠᱟ ᱱᱟᱭᱚᱨ, ᱮᱡᱽᱦᱟᱣᱟ ᱠᱚᱨᱟᱣ ᱮᱫ ᱛᱟᱦᱮᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱮᱨᱮᱧᱚᱜ ᱠᱟᱱ ᱦᱚᱲᱥᱮᱨᱮᱧ, ᱯᱨᱟᱭ 300 ᱥᱮᱨᱢᱟ ᱢᱟᱬᱟᱝ ᱨᱮ ᱠᱟᱹᱞᱨᱤᱯᱟᱹᱭᱟᱹᱴᱴᱩ ᱟᱜ ᱥᱤᱨᱡᱚᱱᱤᱭᱟᱹ ᱫᱚ ᱦᱤᱸᱫᱩ ᱫᱮᱵᱽᱛᱟ ᱠᱚ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱠᱚ ᱵᱟᱛᱟᱣ ᱮᱫ ᱠᱚᱣᱟ᱾ ᱮᱠᱥᱦᱮᱴᱚᱨ ᱡᱮᱜᱮᱛ ᱵᱤᱨᱫᱟᱹᱜᱟᱲᱤᱡ ᱯᱨᱚᱯᱷᱮᱥᱚᱨ ᱯᱷᱤᱞᱤᱯ ᱡᱚᱨᱨᱤᱞᱤ ᱠᱟᱹᱞᱨᱤᱯᱟᱹᱭᱟᱹᱴᱴᱩ ᱪᱚᱴᱨᱮ ᱯᱩᱪᱷᱤᱢ ᱨᱤᱱ ᱦᱟᱛᱟᱝᱟᱱ ᱦᱚᱲ ᱢᱩᱫᱽ ᱟᱹᱠᱤᱱ ᱢᱤᱫ ᱦᱚᱲ; ᱟᱹᱠᱤᱱᱟᱜ ᱚᱱᱩᱢᱟᱱ ᱛᱮᱫᱚ ᱱᱚᱣᱟ ᱠᱟᱭᱫᱟ ᱫᱚ ᱠᱚᱢ ᱥᱮ ᱠᱚᱢ 12ᱟᱱ ᱥᱟᱹᱫᱤ ᱫᱷᱟᱹᱵᱤᱡ ᱢᱟᱨᱮ ᱜᱮᱭᱟ ᱾ ᱱᱟᱜᱟᱢᱤᱭᱟᱹ ᱮᱞᱚᱢᱠᱩᱞᱚᱢ ᱠᱩᱸᱡᱚᱱ ᱯᱤᱞᱞᱮᱤ ᱛᱤᱠᱤᱱ ᱫᱚ ᱱᱚᱣᱟ ᱠᱟᱹᱞᱨᱤᱯᱟᱹᱭᱟᱹᱴᱴᱩ ᱡᱟᱱᱟᱢ ᱟᱜ ᱥᱨᱮᱭ ᱫᱚ 11ᱟᱱ ᱥᱚᱛᱟᱵᱽᱫᱤ ᱨᱮ ᱪᱮᱨ ᱟᱨ ᱪᱚᱲ ᱨᱟᱡᱽᱵᱚᱝᱥᱚ ᱵᱷᱤᱛᱨᱤᱨᱮ ᱡᱷᱟᱹᱞ ᱚᱠᱛᱚ ᱫᱷᱟᱹᱵᱤᱡ ᱪᱟᱞᱟᱣᱜ ᱛᱩᱯᱩᱫ ᱮ ᱮᱢᱟᱭ ᱠᱟᱱᱟ ᱾ ᱱᱚᱣᱟ ᱛᱩᱯᱩᱫ ᱠᱟᱭᱫᱟ ᱫᱚ ᱠᱟᱹᱞᱨᱤ ᱛᱮᱠᱚ ᱯᱟᱥᱱᱟᱣ ᱠᱮᱫᱼᱟ ᱾ ᱛᱩᱯᱩᱫ ᱠᱟᱭᱫᱟ ᱫᱚ ᱯᱟᱹᱭᱟᱹᱴᱴᱩ ᱠᱟᱹᱞᱨᱤ ᱨᱮ ᱪᱮᱫᱼᱟ ᱠᱟᱱ ᱛᱟᱦᱮᱸᱫ ᱠᱚ, ᱡᱟᱦᱟᱸ ᱨᱮᱱᱟᱜ ᱢᱟᱱᱮ ᱫᱚ ᱦᱩᱭᱩᱜ ᱠᱟᱱᱟ - ᱛᱩᱯᱩᱫ ᱠᱟᱭᱫᱟ ᱥᱮᱪᱮᱫᱼᱟᱥᱲᱟ ᱾