ᱠᱟᱹᱢᱤᱭᱟᱹ ᱢᱟᱦᱟ

ᱠᱟᱹᱢᱤᱭᱟᱹ ᱢᱟᱦᱟᱸ (Labour Day) ᱫᱚ ᱟᱭᱢᱟ ᱫᱤᱥᱚᱢ ᱨᱮᱱᱟᱜ ᱢᱤᱫ ᱥᱚᱨᱠᱟᱨᱤ ᱪᱷᱩᱴᱤ ᱢᱟᱦᱟᱸ ᱠᱟᱱᱟ᱾ ᱰᱷᱮᱨ ᱛᱮᱫ ᱫᱤᱥᱚᱢ ᱨᱮᱜᱮ, ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱡᱮᱜᱮᱛ ᱠᱟᱹᱢᱤᱭᱟᱹ ᱢᱟᱦᱟᱸ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱑ ᱢᱮᱹ ᱦᱤᱞᱳᱜ ᱦᱩᱭᱩᱜᱼᱟ᱾ ᱱᱚᱣᱟ ᱫᱚ ᱢᱩᱲᱩᱛ ᱞᱮᱠᱟᱛᱮ ᱑᱘᱘᱖ ᱨᱮᱱᱟᱜ ᱡᱚᱛᱚᱣᱟᱜ ᱵᱚᱸᱫᱽ (general strike) ᱩᱭᱦᱟᱹᱨ ᱛᱮ ᱵᱟᱪᱷᱚᱱ ᱞᱮᱱᱟ, ᱡᱟᱦᱟᱸ ᱫᱚ ᱦᱮᱢᱟᱨᱠᱮᱴ ᱜᱷᱚᱴᱚᱱ (Haymarket affair) ᱨᱮ ᱢᱩᱪᱟᱹᱫ ᱞᱮᱱᱟ᱾^[᱑] ᱠᱚᱸᱭᱮ ᱟᱢᱮᱨᱤᱠᱟ ᱨᱮᱫᱚ, ᱱᱚᱣᱟ ᱫᱚ ᱥᱮᱯᱴᱮᱢᱵᱚᱨ ᱨᱮᱱᱟᱜ ᱯᱩᱭᱞᱩ ᱥᱤᱸᱜᱮ ᱢᱟᱦᱟᱸ ᱨᱮ ᱢᱟᱱᱟᱣᱜᱼᱟ᱾ ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱢᱤᱫ ᱥᱚᱨᱠᱟᱨᱤ ᱪᱷᱩᱴᱤ ᱠᱟᱱᱟ᱾ ᱱᱚᱣᱟ ᱫᱚ ᱠᱟᱹᱢᱤᱭᱟᱹ ᱞᱟᱲᱟᱣᱱᱟ ᱟᱨ ᱠᱟᱹᱢᱤᱭᱟᱹ ᱠᱚᱣᱟᱜ ᱡᱤᱛᱠᱟᱹᱨ ᱠᱚ ᱢᱟᱱᱟᱣ ᱞᱟᱹᱜᱤᱫ ᱢᱤᱫ ᱥᱮᱨᱢᱟᱠᱤᱭᱟᱹ ᱢᱟᱦᱟᱸ ᱠᱟᱱᱟ᱾ ᱱᱚᱣᱟ ᱨᱮᱱᱟᱜ ᱮᱛᱚᱦᱚᱵ ᱫᱚ ᱴᱨᱮᱰ ᱤᱣᱱᱤᱭᱚᱱ ᱞᱟᱲᱟᱣᱱᱟ ᱠᱷᱚᱱ ᱦᱩᱭ ᱞᱮᱱᱟ, ᱵᱤᱥᱮᱥ ᱠᱟᱛᱮ ᱤᱨᱟᱹᱞ ᱴᱟᱲᱟᱝ ᱠᱟᱹᱢᱤ ᱞᱟᱲᱟᱣᱱᱟ, ᱡᱟᱦᱟᱸ ᱫᱚ ᱤᱨᱟᱹᱞ ᱴᱟᱲᱟᱝ ᱠᱟᱹᱢᱤ, ᱤᱨᱟᱹᱞ ᱴᱟᱲᱟᱝ ᱨᱟᱹᱥᱠᱟᱹ-ᱨᱳᱢᱚᱡᱽ ᱟᱨ ᱤᱨᱟᱹᱞ ᱴᱟᱲᱟᱝ ᱡᱤᱨᱟᱹᱣ ᱞᱟᱹᱜᱤᱫ ᱮ ᱫᱟᱹᱵᱤ ᱞᱮᱫᱟ᱾

ᱡᱮᱜᱮᱛ ᱠᱟᱹᱢᱤᱭᱟᱹ ᱢᱟᱦᱟᱸ

ᱟᱭᱢᱟ ᱫᱤᱥᱚᱢ ᱞᱟᱹᱜᱤᱫ, "ᱠᱟᱹᱢᱤᱭᱟᱹ ᱢᱟᱦᱟᱸ" ᱫᱚ ᱡᱮᱜᱮᱛ ᱠᱟᱹᱢᱤᱭᱟᱹ ᱢᱟᱦᱟᱸ ᱥᱟᱶ ᱢᱤᱫ ᱜᱮᱭᱟ, ᱡᱟᱦᱟᱸ ᱫᱚ ᱑ ᱢᱮᱹ ᱦᱤᱞᱳᱜ ᱦᱩᱭᱩᱜᱼᱟ᱾ ᱡᱮᱜᱮᱛ ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱪᱤᱠᱟᱜᱳ ᱨᱮ ᱑᱘᱘᱖ ᱨᱮᱱᱟᱜ ᱦᱮᱢᱟᱨᱠᱮᱴ ᱜᱷᱚᱴᱚᱱ ᱨᱮᱱᱟᱜ ᱩᱭᱦᱟᱹᱨ ᱛᱮ ᱢᱟᱱᱟᱣᱜᱼᱟ, ᱡᱚᱠᱷᱚᱱ ᱤᱨᱟᱹᱞ ᱴᱟᱲᱟᱝ ᱠᱟᱹᱢᱤ ᱚᱠᱛᱚ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱦᱩᱞ ᱦᱩᱭ ᱞᱮᱱᱟ᱾^[᱑]

ᱮᱴᱟᱜ ᱢᱟᱹᱦᱤᱛ ᱠᱚ

ᱚᱥᱴᱨᱮᱞᱤᱭᱟ

ᱚᱥᱴᱨᱮᱞᱤᱭᱟ ᱨᱮ ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱯᱚᱱᱚᱛ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱢᱟᱹᱦᱤᱛ ᱨᱮ ᱢᱟᱱᱟᱣᱜᱼᱟ᱾ ᱱᱤᱣ ᱥᱟᱣᱛᱷ ᱣᱮᱞᱥ ᱟᱨ ᱮᱛᱚᱢ ᱚᱥᱴᱨᱮᱞᱤᱭᱟ ᱨᱮᱫᱚ ᱱᱚᱣᱟ ᱚᱠᱴᱚᱵᱚᱨ ᱨᱮᱱᱟᱜ ᱯᱩᱭᱞᱩ ᱥᱤᱸᱜᱮ ᱢᱟᱦᱟᱸ ᱨᱮ ᱦᱩᱭᱩᱜᱼᱟ᱾ ᱵᱷᱤᱠᱴᱚᱨᱤᱭᱟ ᱨᱮᱫᱚ ᱢᱟᱨᱪ ᱨᱮᱱᱟᱜ ᱫᱚᱥᱟᱨ ᱥᱤᱸᱜᱮ ᱢᱟᱦᱟᱸ ᱨᱮ ᱢᱟᱱᱟᱣᱜᱼᱟ᱾

ᱵᱟᱝᱞᱟᱫᱮᱥ

ᱵᱟᱝᱞᱟᱫᱮᱥ ᱨᱮ ᱑ ᱢᱮᱹ ᱦᱤᱞᱳᱜ ᱠᱟᱹᱢᱤᱭᱟᱹ ᱢᱟᱦᱟᱸ ᱢᱟᱱᱟᱣᱜ ᱨᱮᱦᱚᱸ, ᱜᱟᱨᱢᱮᱱᱴ ᱠᱟᱹᱢᱤᱭᱟᱹ ᱠᱚᱣᱟᱜ ᱢᱤᱫ ᱜᱟᱶᱛᱟ ᱒᱔ ᱮᱯᱨᱤᱞ ᱫᱚ "ᱠᱟᱹᱢᱤᱭᱟᱹ ᱨᱩᱠᱷᱤᱭᱟᱹ ᱢᱟᱦᱟᱸ" ᱞᱮᱠᱟᱛᱮ ᱢᱟᱱᱟᱣ ᱞᱟᱹᱜᱤᱫ ᱮ ᱱᱮᱦᱚᱨ ᱟᱠᱟᱫᱟ, ᱒᱐᱑᱓ ᱨᱮᱱᱟᱜ ᱨᱟᱱᱟ ᱯᱞᱟᱡᱟ ᱫᱷᱟᱥᱟᱣ ᱜᱷᱚᱴᱚᱱ ᱨᱮ ᱜᱚᱡ ᱟᱠᱟᱱ ᱠᱚᱣᱟᱜ ᱩᱭᱦᱟᱹᱨ ᱛᱮ᱾^[᱒]

ᱠᱟᱱᱟᱰᱟ

ᱠᱟᱱᱟᱰᱟ ᱨᱮ ᱑᱘᱙᱔ ᱥᱮᱨᱢᱟ ᱠᱷᱚᱱ ᱥᱮᱯᱴᱮᱢᱵᱚᱨ ᱨᱮᱱᱟᱜ ᱯᱩᱭᱞᱩ ᱥᱤᱸᱜᱮ ᱢᱟᱦᱟᱸ ᱦᱤᱞᱳᱜ ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱢᱤᱫ ᱥᱚᱨᱠᱟᱨᱤ ᱪᱷᱩᱴᱤ ᱞᱮᱠᱟᱛᱮ ᱢᱟᱱᱟᱣ ᱦᱤᱡᱩᱜ ᱠᱟᱱᱟ᱾^[᱓]

ᱪᱤᱱ

ᱪᱤᱱ ᱨᱮ ᱡᱮᱜᱮᱛ ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱢᱤᱫ ᱥᱚᱨᱠᱟᱨᱤ ᱪᱷᱩᱴᱤ ᱠᱟᱱᱟ᱾ ᱒᱐᱒᱕ ᱥᱮᱨᱢᱟ ᱠᱷᱚᱱ ᱱᱚᱣᱟ ᱪᱷᱩᱴᱤ ᱫᱚ ᱵᱟᱨ ᱢᱟᱦᱟᱸ (᱑ ᱟᱨ ᱒ ᱢᱮ) ᱞᱟᱹᱜᱤᱫ ᱵᱟᱹᱲᱛᱤ ᱟᱠᱟᱱᱟ᱾^[᱔]

ᱥᱤᱧᱚᱛ

ᱥᱤᱧᱚᱛ ᱨᱮ ᱯᱩᱭᱞᱩ ᱫᱷᱟᱣ ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱑ ᱢᱮᱹ ᱑᱙᱒᱓ ᱦᱤᱞᱳᱜ ᱪᱮᱱᱱᱟᱭ ᱨᱮ ᱢᱟᱱᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱞᱮᱵᱟᱨ ᱠᱤᱥᱟᱱ ᱯᱟᱨᱴᱤ ᱚᱯᱷ ᱦᱤᱱᱫᱩᱥᱛᱟᱱ ᱦᱚᱛᱮᱛᱮ ᱥᱟᱯᱲᱟᱣ ᱞᱮᱱᱟ᱾^[᱕]

ᱡᱟᱯᱟᱱ

ᱡᱟᱯᱟᱱ ᱨᱮ ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱒᱓ ᱱᱚᱵᱷᱮᱢᱵᱚᱨ ᱦᱤᱞᱳᱜ "ᱠᱟᱹᱢᱤ ᱥᱟᱨᱦᱟᱣ ᱢᱟᱦᱟᱸ" (Labor Thanksgiving Day) ᱞᱮᱠᱟᱛᱮ ᱢᱟᱱᱟᱣᱜᱼᱟ᱾^[᱖]

ᱱᱤᱣ ᱡᱤᱞᱮᱱᱰ

ᱱᱤᱣ ᱡᱤᱞᱮᱱᱰ ᱨᱮ ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱚᱠᱴᱚᱵᱚᱨ ᱨᱮᱱᱟᱜ ᱯᱩᱱ ᱟᱱᱟᱜ ᱥᱤᱸᱜᱮ ᱢᱟᱦᱟᱸ ᱦᱤᱞᱳᱜ ᱢᱟᱱᱟᱣᱜᱼᱟ᱾ ᱱᱚᱣᱟ ᱨᱮᱱᱟᱜ ᱮᱛᱚᱦᱚᱵ ᱫᱚ ᱑᱘᱔᱐ ᱨᱮ ᱠᱟᱨᱯᱮᱱᱴᱟᱨ ᱥᱮᱢᱩᱭᱮᱞ ᱰᱟᱱᱠᱟᱱ ᱯᱟᱨᱱᱮᱞ ᱟᱜ ᱤᱨᱟᱹᱞ ᱴᱟᱲᱟᱝ ᱠᱟᱹᱢᱤ ᱞᱟᱹᱜᱤᱫ ᱡᱤᱫᱽ ᱠᱷᱚᱱ ᱦᱩᱭ ᱞᱮᱱᱟ᱾^[᱗]

ᱛᱩᱨᱠᱤ

ᱛᱩᱨᱠᱤ ᱨᱮ ᱑ ᱢᱮᱹ ᱫᱚ "ᱠᱟᱹᱢᱤ ᱟᱨ ᱢᱤᱫᱩᱱ ᱢᱟᱦᱟᱸ" ᱞᱮᱠᱟᱛᱮ ᱒᱐᱐᱙ ᱥᱮᱨᱢᱟ ᱠᱷᱚᱱ ᱢᱤᱫ ᱥᱚᱨᱠᱟᱨᱤ ᱪᱷᱩᱴᱤ ᱞᱮᱠᱟᱛᱮ ᱢᱟᱱᱟᱣ ᱦᱤᱡᱩᱜ ᱠᱟᱱᱟ᱾

ᱡᱩᱢᱤᱫᱽ ᱯᱚᱱᱚᱛ (USA)

ᱡᱩᱢᱤᱫᱽ ᱯᱚᱱᱚᱛ ᱨᱮ ᱠᱟᱹᱢᱤᱭᱟᱹ ᱢᱟᱦᱟᱸ ᱫᱚ ᱥᱮᱯᱴᱮᱢᱵᱚᱨ ᱨᱮᱱᱟᱜ ᱯᱩᱭᱞᱩ ᱥᱤᱸᱜᱮ ᱢᱟᱦᱟᱸ ᱦᱤᱞᱳᱜ ᱢᱟᱱᱟᱣᱜᱼᱟ᱾ ᱱᱚᱣᱟ ᱫᱚ ᱥᱤᱛᱩᱝ ᱫᱤᱱ ᱪᱷᱩᱴᱤ ᱨᱮᱱᱟᱜ ᱢᱩᱪᱟᱹᱫ ᱞᱮᱠᱟᱛᱮ ᱦᱚᱸ ᱠᱚ ᱢᱟᱱᱟᱣᱟ᱾

ᱱᱚᱣᱟ ᱦᱚᱸ ᱧᱮᱞ ᱢᱮ

ᱥᱟᱹᱠᱷᱭᱟᱹᱛ

1 2 Rothman, Lily (1 May 2017). "The Bloody Story of How May Day Became a Holiday for Workers". Time (in ᱟᱝᱜᱽᱨᱮᱡᱤ). Archived from the original on 28 June 2021. Retrieved 2 April 2025.
↑ "Thousands mourn collapse victims of Rana Plaza garment factory one year on". Deutsche Welle. 24 April 2014.
↑ Gagnon, Marc-André. "Labour Day in Canada". The Canadian Encyclopedia. Archived from the original on 2020-09-10. Retrieved 2026-05-01.
↑ "国务院关于修改《全国年节及纪念日放假办法》的决定" (in Chinese). State Council of the People's Republic of China. 10 November 2024.{{cite news}}: CS1 maint: unrecognized language (link)
↑ "What is the significance of Labour Day or May Day? | Explained". thehindu.com. The Hindu. 2 May 2024.
↑ "Labor Thanksgiving Day – 勤労感謝の日". Axiom Magazine. 22 November 2011. Archived from the original on 29 May 2016. Retrieved 1 May 2026.
↑ "First Labour Day celebrations". NZHistory.

ᱵᱟᱦᱨᱮ ᱡᱚᱱᱚᱲ

[:2-1] 1 2 Rothman, Lily (1 May 2017). "The Bloody Story of How May Day Became a Holiday for Workers". Time (in ᱟᱝᱜᱽᱨᱮᱡᱤ). Archived from the original on 28 June 2021. Retrieved 2 April 2025.

[dwelle2404-2] "Thousands mourn collapse victims of Rana Plaza garment factory one year on". Deutsche Welle. 24 April 2014.

[CanPedia-3] Gagnon, Marc-André. "Labour Day in Canada". The Canadian Encyclopedia. Archived from the original on 2020-09-10. Retrieved 2026-05-01.

[4] "国务院关于修改《全国年节及纪念日放假办法》的决定" (in Chinese). State Council of the People's Republic of China. 10 November 2024.{{cite news}}: CS1 maint: unrecognized language (link)

[5] "What is the significance of Labour Day or May Day? | Explained". thehindu.com. The Hindu. 2 May 2024.

[6] "Labor Thanksgiving Day – 勤労感謝の日". Axiom Magazine. 22 November 2011. Archived from the original on 29 May 2016. Retrieved 1 May 2026.

[:1-7] "First Labour Day celebrations". NZHistory.

[᱑]

[᱒]

[᱓]

[᱔]

[᱕]

[᱖]

[᱗]