ᱠᱟᱹᱣᱦᱟᱹ
| ᱠᱟᱹᱣᱦᱟᱹ | |
|---|---|
 | |
| ᱠᱟᱹᱣᱦᱟᱹ ᱡᱚ | |
 | |
| ᱠᱟᱹᱣᱦᱟᱹ ᱵᱟᱦᱟ ᱥᱟᱶ ᱢᱤᱫ ᱥᱟᱭᱠᱮᱥ ᱣᱟᱨᱵᱽᱞᱟᱨ | |
ᱥᱟᱬᱮᱥ ᱞᱮᱠᱟᱛᱮ ᱧᱩᱛᱩᱢ  | |
| Kingdom: | ᱯᱞᱟᱱᱴᱟᱭ |
| Clade: | ᱮᱧᱡᱤᱭᱚᱥᱯᱟᱨᱢᱥ |
| Clade: | ᱮᱣᱰᱤᱠᱚᱴᱥ |
| Clade: | ᱨᱚᱥᱤᱰᱥ |
| Order: | ᱢᱟᱭᱤᱨᱴᱮᱞᱥ |
| Family: | ᱠᱚᱢᱵᱽᱨᱮᱴᱟᱥᱮᱭᱟᱭ |
| Genus: | ᱴᱟᱨᱢᱤᱱᱟᱞᱤᱭᱟ |
| ᱯᱟᱹᱨᱤᱥ: | T. arjuna |
| ᱵᱟᱭᱱᱚᱢᱤᱭᱟᱞ ᱧᱩᱛᱩᱢ | |
| Terminalia arjuna (Roxb.) Wight & Arn. | |
ᱠᱟᱹᱣᱦᱟᱹ (Terminalia arjuna) ᱫᱚ ᱴᱟᱨᱢᱤᱱᱟᱞᱤᱭᱟ ᱡᱟᱹᱛ ᱨᱮᱱᱟᱜ ᱢᱤᱫ ᱫᱟᱨᱮ ᱠᱟᱱᱟ ᱾ ᱱᱚᱣᱟ ᱫᱚ ᱥᱟᱱᱛᱟᱲᱤ ᱛᱮ ᱠᱟᱹᱣᱦᱟᱹ ᱫᱟᱨᱮ ᱟᱨ ᱤᱝᱞᱤᱥ ᱛᱮᱫᱚ ᱥᱟᱫᱷᱟᱨᱚᱱ ᱛᱮ ᱟᱨᱡᱩᱱᱟ[᱑] ᱟᱨᱵᱟᱝ ᱟᱨᱡᱩᱱ ᱫᱟᱨᱮ ᱠᱚ ᱢᱮᱛᱟᱜᱼᱟ ᱾[᱒] ᱱᱚᱣᱟ ᱫᱚ ᱢᱤᱫ ᱟᱹᱨᱤᱪᱟᱹᱞᱤ ᱨᱟᱱ ᱫᱟᱨᱮ ᱞᱮᱠᱟᱛᱮ ᱵᱮᱵᱷᱟᱨᱚᱜᱼᱟ ᱾[᱓]
ᱵᱮᱣᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱹᱣᱦᱟᱹ ᱫᱟᱨᱮ ᱫᱚ ᱥᱩᱨᱥᱩᱯᱩᱨ ᱒᱐-᱒᱕ ᱢᱤᱴᱚᱨ ᱩᱥᱩᱞ ᱦᱟᱨᱟᱜᱼᱟ; ᱱᱚᱣᱟ ᱨᱮᱱᱟᱜ ᱢᱩᱬ ᱰᱟᱹᱨ ᱫᱚ ᱞᱟᱛᱟᱨ ᱥᱮᱫ ᱠᱮᱴᱮᱡ ᱛᱟᱦᱮᱸᱱᱟ ᱟᱨ ᱪᱮᱛᱟᱱ ᱦᱤᱥ ᱨᱮ ᱟᱹᱰᱤ ᱪᱟᱣᱲᱟ ᱩᱢᱩᱞ ᱮ ᱵᱮᱱᱟᱣᱟ, ᱡᱟᱦᱟᱸ ᱠᱷᱚᱱ ᱰᱟᱹᱨ ᱠᱚᱫᱚ ᱞᱟᱛᱟᱨ ᱥᱮᱫ ᱡᱷᱩᱞᱟᱹᱣ ᱠᱚᱜᱼᱟ ᱾ ᱱᱚᱣᱟ ᱨᱮᱱᱟᱜ ᱥᱟᱠᱟᱢ ᱠᱚᱫᱚ ᱡᱤᱞᱤᱧ ᱜᱳᱞ ᱜᱮᱭᱟ, ᱡᱟᱦᱟᱸ ᱫᱚ ᱪᱮᱛᱟᱱ ᱯᱟᱦᱴᱟ ᱦᱟᱹᱨᱭᱟᱹᱲ ᱟᱨ ᱞᱟᱛᱟᱨ ᱯᱟᱦᱴᱟ ᱠᱷᱟᱹᱭᱨᱤ ᱨᱚᱝ ᱜᱮᱭᱟ; ᱱᱚᱣᱟ ᱨᱮᱱᱟᱜ ᱵᱟᱠᱞᱟᱜ ᱫᱚ ᱪᱤᱠᱟᱹᱬ ᱟᱨ ᱜᱩᱴᱩ ᱨᱚᱝ ᱜᱮᱭᱟ; ᱱᱚᱣᱟ ᱨᱮ ᱢᱟᱨᱪ ᱠᱷᱚᱱ ᱡᱩᱱ ᱪᱟᱸᱫᱚ ᱵᱷᱤᱛᱨᱤ ᱨᱮ ᱦᱟᱞᱠᱟ ᱥᱟᱥᱟᱝ ᱨᱚᱝ ᱨᱮᱱᱟᱜ ᱵᱟᱦᱟ ᱡᱷᱟᱞᱠᱟᱣᱚᱜᱼᱟ; ᱥᱮᱯᱴᱮᱢᱵᱚᱨ ᱠᱷᱚᱱ ᱱᱚᱵᱷᱮᱢᱵᱚᱨ ᱵᱷᱤᱛᱨᱤ ᱨᱮ ᱱᱚᱣᱟ ᱨᱮᱱᱟᱜ ᱪᱤᱠᱟᱹᱬ, ᱒.᱕ ᱠᱷᱚᱱ ᱕ ᱥᱮᱢᱤ ᱡᱤᱞᱤᱧ ᱥᱩᱛᱟᱹᱢ ᱞᱮᱠᱟᱱ ᱠᱮᱴᱮᱡ ᱡᱚ ᱧᱮᱞᱚᱜᱼᱟ, ᱡᱟᱦᱟᱸ ᱫᱚ ᱢᱚᱬᱮ ᱜᱚᱴᱟᱝ ᱯᱷᱟᱹᱠᱬᱟᱹᱜ ᱞᱮᱠᱟ ᱦᱟᱹᱴᱤᱧ ᱠᱚᱜᱼᱟ ᱾[᱑][᱒]
ᱱᱚᱣᱟ ᱫᱟᱨᱮ ᱨᱮᱫᱚ ᱡᱟᱦᱟᱸᱱ ᱢᱟᱨᱟᱝ ᱨᱩᱣᱟᱹ ᱦᱟᱹᱥᱩ ᱟᱨᱵᱟᱝ ᱜᱚᱡ ᱩᱛᱟᱹᱨᱚᱜ ᱞᱮᱠᱟᱱ ᱛᱤᱡᱩ ᱠᱚᱣᱟᱜ ᱮᱴᱠᱮᱴᱚᱬᱮ ᱫᱚ ᱵᱟᱝ ᱦᱩᱭᱩᱜᱼᱟ, ᱢᱮᱱᱠᱷᱟᱱ ᱱᱚᱣᱟ ᱫᱚ ᱯᱷᱟᱭᱞᱟᱠᱴᱤᱱᱤᱭᱟ ᱴᱟᱨᱢᱤᱱᱟᱞ ᱟᱨ ᱯᱚᱞᱤᱥᱴᱤᱠᱴᱚᱥ ᱮᱯᱷᱤᱱᱤᱥ ᱠᱷᱟᱹᱛᱤᱨ ᱦᱩᱭᱩᱜ ᱠᱟᱱ ᱥᱮᱭᱟ (rot) ᱛᱮ ᱟᱫᱚᱢ ᱚᱠᱛᱚ ᱨᱮ ᱚᱨᱥᱚᱝ ᱫᱟᱲᱮᱭᱟᱜᱼᱟ ᱾[᱔]
ᱯᱟᱥᱱᱟᱣ ᱟᱨ ᱛᱟᱦᱮᱸᱱ ᱴᱚᱴᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱹᱣᱦᱟᱹ ᱫᱟᱨᱮ ᱫᱚ ᱯᱩᱨᱟᱹ ᱥᱤᱧᱚᱛᱤᱭᱟᱹ ᱩᱯᱢᱟᱦᱟᱫᱤᱯ ᱨᱮ ᱧᱮᱞᱚᱜᱼᱟ, ᱟᱨ ᱥᱟᱫᱷᱟᱨᱚᱱ ᱛᱮ ᱱᱚᱣᱟ ᱫᱚ ᱜᱟᱰᱟ ᱟᱲᱮ ᱟᱨᱵᱟᱝ ᱨᱚᱦᱚᱲ ᱜᱟᱰᱟ ᱥᱩᱨ ᱠᱚᱨᱮ ᱡᱟᱹᱥᱛᱤ ᱧᱟᱢᱚᱜᱼᱟ ᱾ ᱱᱚᱣᱟ ᱫᱚ ᱩᱛᱛᱚᱨ ᱯᱨᱚᱫᱮᱥ, ᱵᱤᱦᱟᱨ, ᱢᱚᱦᱟᱨᱟᱥᱴᱨᱚ, ᱢᱚᱫᱷᱭᱚ ᱯᱨᱚᱫᱮᱥ, ᱯᱚᱪᱷᱤᱢ ᱵᱟᱝᱞᱟ, ᱳᱰᱤᱥᱟ ᱟᱨ ᱮᱛᱚᱢ ᱟᱨ ᱛᱟᱞᱟ ᱥᱤᱧᱚᱛ, ᱯᱟᱠᱤᱥᱛᱟᱱ ᱨᱮᱱᱟᱜ ᱠᱚᱨᱟᱪᱤ ᱥᱟᱶᱛᱮ ᱥᱨᱤᱞᱚᱝᱠᱟ ᱟᱨ ᱵᱟᱝᱞᱟᱫᱮᱥ ᱨᱮ ᱧᱟᱢᱚᱜᱼᱟ ᱾[᱑][᱕] ᱱᱚᱣᱟ ᱫᱚ ᱢᱟᱞᱮᱥᱤᱭᱟ, ᱤᱱᱰᱳᱱᱮᱥᱤᱭᱟ ᱟᱨ ᱠᱮᱱᱤᱭᱟ ᱨᱮᱦᱚᱸ ᱨᱚᱦᱚᱭ ᱦᱩᱭ ᱟᱠᱟᱱᱟ ᱾[᱔]
ᱢᱩᱦᱤᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱩᱢᱟᱹᱝ ᱪᱟᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱹᱣᱦᱟᱹ ᱫᱟᱨᱮ ᱫᱚ ᱚᱱᱠᱟᱱ ᱫᱟᱨᱮ ᱠᱟᱱᱟ ᱡᱟᱦᱟᱸ ᱨᱮᱱᱟᱜ ᱥᱟᱠᱟᱢ ᱡᱚᱢ ᱠᱟᱛᱮ ᱮᱱᱛᱷᱮᱨᱮᱭᱟ ᱯᱚᱯᱷᱤᱭᱟ (ᱛᱤᱨᱭᱟᱹ) ᱞᱩᱢᱟᱹᱝ ᱯᱤᱯᱤᱲᱤᱭᱟᱹᱝ ᱠᱚ ᱦᱟᱨᱟᱜᱼᱟ ᱾ ᱱᱩᱠᱩ ᱫᱚ ᱛᱚᱥᱚᱨ ᱞᱩᱢᱟᱹᱝ ᱠᱚ ᱛᱮᱭᱟᱨᱟ, ᱡᱟᱦᱟᱸ ᱫᱚ ᱵᱮᱯᱟᱨ ᱞᱮᱠᱟᱛᱮ ᱟᱹᱰᱤ ᱜᱚᱱᱚᱝᱟᱱ ᱵᱤᱨ ᱞᱩᱢᱟᱹᱝ ᱠᱟᱱᱟ ᱾[᱖]
ᱯᱚᱨᱤᱵᱮᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱹᱣᱦᱟᱹ ᱫᱟᱨᱮ ᱫᱚ ᱮᱛᱚᱢ ᱥᱤᱧᱚᱛ ᱨᱮᱱᱟᱜ ᱜᱟᱰᱟ ᱟᱲᱮ ᱵᱤᱨ ᱠᱚᱨᱮ ᱢᱤᱫ ᱠᱤᱥᱴᱳᱱ ᱡᱟᱹᱛ (ᱢᱩᱬ ᱡᱟᱹᱛ) ᱞᱮᱠᱟᱛᱮ ᱢᱚᱱᱮ ᱦᱩᱭᱩᱜᱼᱟ ᱾ ᱱᱚᱣᱟ ᱫᱚ ᱢᱟᱞᱟᱵᱟᱨ ᱜᱮᱭᱟᱱᱴ ᱥᱠᱩᱭᱨᱮᱞ ᱟᱨ ᱟᱹᱰᱤ ᱜᱮ ᱟᱫᱚᱜ ᱠᱟᱱ ᱯᱩᱸᱰ ᱰᱮᱜᱮ ᱜᱤᱫᱤ ᱞᱮᱠᱟᱱ ᱡᱤᱣᱤ ᱡᱟᱱᱣᱟ ᱠᱚ ᱞᱟᱹᱜᱤᱫ ᱛᱩᱣᱟᱹ ᱵᱮᱱᱟᱣ ᱨᱮᱱᱟᱜ ᱴᱷᱟᱶ ᱮ ᱮᱢᱚᱜᱼᱟ ᱾ ᱜᱚᱡ ᱟᱠᱟᱱ ᱫᱟᱨᱮ ᱠᱚᱨᱮ ᱫᱚ ᱧᱤᱫᱤᱨ ᱠᱚ ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱵᱟᱱᱟ ᱠᱚᱣᱟᱜ ᱡᱚᱢᱟᱜ ᱦᱩᱭᱩᱜᱼᱟ ᱾[᱗]
ᱜᱮᱞᱟᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱫᱟᱨᱮ ᱨᱮᱱᱟᱜ ᱞᱟᱛᱟᱨ ᱦᱤᱥ
ᱥᱟᱠᱟᱢ ᱠᱚ
ᱫᱟᱨᱮ ᱨᱮᱱᱟᱜ ᱛᱟᱞᱟ ᱦᱤᱥ
ᱵᱟᱦᱟ ᱨᱮᱱᱟᱜ ᱜᱩᱪᱷᱤ
ᱯᱳᱞᱮᱱ ᱜᱽᱨᱮᱱᱥ
ᱨᱚᱦᱚᱲ ᱡᱚ ᱠᱚ
ᱵᱟᱠᱞᱟᱜ
.jpg)
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 Biswas, Moulisha; Biswas, Kaushik; Karan, Tarun K; Bhattacharya, Sanjib; Ghosh, Ashoke K; Haldar, Pallab K (2011). "Evaluation of analgesic and anti-inflammatory activities of Terminalia arjuna leaf". Journal of Phytology. 3 (1): 33–8.
- 1 2 "Arjun Tree". Eco India.
- ↑ M Iqbal Zuberi (2012). "Flora". In Islam, Sirajul; Miah, Sajahan; Khanam, Mahfuza; Ahmed, Sabbir (eds.). Banglapedia: the National Encyclopedia of Bangladesh (Online ed.). Dhaka, Bangladesh: Banglapedia Trust, Asiatic Society of Bangladesh. ISBN 984-32-0576-6. OCLC 52727562. Retrieved ᱙ ᱡᱩᱱ ᱒᱐᱒᱖.
{{cite encyclopedia}}: Check date values in:|access-date=(help) - 1 2 The CABI Encyclopedia of Forest Trees. 2013. p. 464. ISBN 9781780642369.
- ↑ Rastogī, Rekhā (2008). Let Us Identify The Useful Trees(New). Children's Book Trust. p. 7,8. ISBN 978-81-7011-919-7.
- ↑ M.P. Shiva. "Non-wood forest products In 15 countries of Tropical Asia". Food and Agriculture Organization of the United Nations.
- ↑ Sekar, Iyanar; Vedagiri, Thirumurugan; et al. (2025). "Status and ecological significance of Terminalia arjuna (Roxb.) Wight & Arn., a keystone species in the riparian forest of Moyar River valley in Mudumalai Tiger Reserve, Southern India". Journal of Wildlife Science.
