ᱠᱤᱢᱤ ᱠᱟᱴᱠᱚᱨ
ᱠᱤᱢᱤ ᱠᱟᱴᱠᱚᱨ ᱫᱚ ᱢᱤᱫ ᱮᱠᱴᱨᱮᱥ ᱟᱨ ᱢᱚᱰᱮᱞ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫ-ᱟ ᱾ ᱩᱱᱤ ᱫᱚ ᱑᱙᱘᱐ ᱟᱨ ᱑᱙᱙᱐ ᱨᱮᱱᱟᱜ ᱮᱛᱚᱦᱚᱵ ᱨᱮ ᱠᱟᱹᱢᱤ ᱨᱮᱭ ᱛᱟᱦᱮᱸ ᱠᱟᱱᱟ ᱟᱨ ᱕᱐ ᱠᱷᱚᱱ ᱵᱟᱹᱲᱛᱤ ᱯᱷᱤᱞᱢ ᱨᱮᱭ ᱠᱟ.ᱢᱤ ᱟᱠᱟᱫᱟ, ᱡᱟᱦᱟᱸ ᱨᱮ ᱛᱟᱨᱡᱟᱱ (᱑᱙᱘᱕) ᱟᱨ ᱦᱩᱢ (᱑᱙᱙᱑) ᱨᱮᱱᱟᱜ ᱮᱵᱷᱮᱱᱴᱣᱟᱨᱥ ᱥᱮᱞᱮᱫ ᱢᱮᱱᱟᱜᱼᱟ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱤᱢᱤ ᱠᱟᱴᱠᱚᱨ ᱫᱚ ᱑᱙᱘᱕ ᱥᱟᱞ ᱨᱮ ᱯᱚᱛᱷᱚᱨ ᱫᱤᱞ ᱯᱷᱤᱞᱢ ᱨᱮ ᱥᱚᱯᱳᱨᱴᱤᱝ ᱟᱠᱴᱨᱮᱥ ᱞᱮᱠᱟᱛᱮ ᱠᱟ.ᱢᱤ ᱮᱦᱚᱵ ᱞᱮᱫ-ᱟ ᱾ ᱤᱱᱟᱹ ᱥᱮᱨᱢᱟ ᱛᱟᱭᱚᱢ, ᱩᱱᱤ ᱫᱚ Adventures of Tarzan ᱨᱮ ᱠᱟ.ᱢᱤ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱦᱮᱢᱚᱱᱛ ᱵᱤᱨᱡᱤ ᱥᱟᱶ ᱢᱩᱬᱩᱛ ᱠᱟ.ᱢᱤ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱯᱷᱤᱞᱢ ᱛᱟᱭᱚᱢ ᱑᱙᱘᱐ ᱨᱮᱱᱟᱜ ᱢᱩᱪᱟᱹᱫ ᱥᱮᱨᱢᱟ ᱨᱮ ᱢᱟᱨᱟ ᱞᱟᱦᱩ (᱑᱙᱘᱗), ᱫᱟᱨᱤᱭᱟ ᱫᱤᱞ (᱑᱙᱘᱘), ᱥᱚᱱᱮ ᱯᱮ ᱥᱩᱦᱟᱜᱟ (᱑᱙᱘᱘), ᱜᱤᱨ ᱠᱟᱱᱳᱱᱤ (᱑᱙᱘᱙), ᱡᱚᱭᱥᱤ ᱠᱟᱨᱱᱤ ᱣᱚᱭᱥᱤ ᱵᱷᱟᱨᱱᱤ (᱑᱙᱘᱙) ᱟᱨ ᱠᱷᱩᱸ ᱠᱟ ᱠᱟᱨᱡᱽ (᱑᱙᱙᱑) ᱞᱮᱠᱟᱱ ᱟᱹᱰᱤ ᱜᱟᱱ ᱧᱩᱛᱩᱢᱟᱱ ᱟᱨ ᱦᱤᱴ ᱯᱷᱤᱞᱢ ᱨᱮ ᱠᱟᱹᱢᱤ ᱞᱮᱫᱟᱭ ᱾ ᱑᱙᱘᱘-᱑᱙᱙᱐ ᱥᱮᱨᱢᱟ ᱨᱮ ᱓᱕ ᱜᱚᱴᱟᱝ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫᱟ ᱟᱨ ᱑᱙᱘᱙ ᱥᱟᱞ ᱨᱮ ᱑᱕ ᱜᱚᱴᱟᱝ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫᱟ । ᱩᱱᱤ ᱫᱚ ᱟᱱᱤᱞ ᱠᱟᱯᱩᱨ, ᱜᱳᱵᱤᱸᱫᱟ ᱟᱨ ᱟᱫᱤᱛᱭᱚ ᱯᱚᱧᱪᱚᱞᱤ ᱥᱟᱶ ᱮᱱᱮᱡ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱡᱤᱛᱮᱱᱫᱨᱚ, ᱫᱷᱚᱨᱢᱮᱱᱫᱨᱚ, ᱥᱚᱛᱨᱩᱠᱷᱚᱱ ᱥᱤᱝᱦᱚ, ᱵᱤᱱᱟᱫᱽ ᱠᱚᱱᱱᱟ ᱟᱨ ᱨᱤᱥᱤ ᱠᱟᱯᱩᱨ ᱮᱢᱟᱱ ᱮᱠᱞᱟ ᱥᱴᱟᱨ ᱠᱚ ᱥᱟᱶ ᱮᱱᱮᱡ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾
᱑᱙᱙᱑ ᱥᱟᱞ ᱨᱮᱭᱟᱜ ᱦᱩᱢ ᱯᱷᱤᱞᱢ ᱨᱮ ᱩᱱᱤ ᱫᱚ ᱚᱢᱤᱛᱟᱵᱽ ᱵᱚᱪᱚᱱ ᱥᱟᱶ ᱮᱱᱮᱡ ᱮ ᱮᱢᱟᱫᱮ ᱛᱟᱦᱮᱸᱫ ᱾ ᱱᱚᱶᱟ ᱯᱷᱤᱞᱢ ᱨᱮᱱᱟᱜ ᱧᱩᱛᱩᱢᱟᱱ ᱥᱮᱨᱮᱧ "ᱡᱩᱢᱢᱟ ᱪᱩᱢᱢᱟ ᱫᱮ" ᱫᱚ ᱟᱡᱟᱜ ᱪᱤᱛᱟᱹᱨ ᱨᱮ ᱚᱞ ᱟᱠᱟᱱᱟ ᱟᱨ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱥᱩᱫᱮᱥ ᱵᱷᱚᱱᱥᱞᱮ ᱟᱨ ᱠᱚᱵᱤᱛᱟ ᱠᱨᱤᱥᱱᱟᱢᱩᱨᱛᱤ ᱠᱚ ᱥᱮᱨᱮᱧ ᱟᱠᱟᱫᱟ ᱾ ᱟᱡᱟᱜ ᱯᱩᱪᱷᱤᱢ ᱯᱷᱤᱞᱢ ᱫᱚ ᱦᱩᱢᱞᱟ (᱑᱙᱙᱒) ᱛᱟᱦᱮᱸ ᱠᱟᱱᱟ ᱾ ᱤᱱᱟᱹ ᱚᱠᱛᱚ ᱨᱮᱜᱮ ᱟᱡ ᱫᱚ Yash Chopra's Parampara (ᱟᱭᱚᱢ ᱛᱮ Ramya Krishna ᱫᱚ ᱱᱚᱣᱟ ᱨᱳᱞ ᱨᱮ ᱠᱟ.ᱢᱤ ᱞᱮᱱᱟᱭ) ᱯᱷᱤᱞᱢ ᱨᱮ ᱠᱟ.ᱢᱤ ᱞᱟᱹᱜᱤᱫ ᱮᱢ ᱟᱠᱟᱱ ᱟᱯᱷᱚᱨ ᱠᱚᱭ ᱵᱟᱹᱜᱤᱭᱟᱫ-ᱟ । ᱠᱟᱴᱠᱟᱨ ᱫᱚ ᱑᱙᱙᱒ ᱥᱟᱞᱮ ᱨᱮ ᱯᱷᱳᱴᱳᱜᱨᱟᱯᱷᱚᱨ ᱟᱨ ᱮᱰ ᱯᱷᱤᱞᱢ ᱵᱮᱱᱟᱣᱤᱡ ᱥᱟᱱᱛᱟᱱᱩ ᱥᱤᱣᱚᱨᱤ ᱥᱟᱶ ᱵᱟᱯᱞᱟ ᱛᱟᱭᱚᱢ ᱦᱤᱱᱫᱤ ᱯᱷᱤᱞᱢ ᱤᱱᱰᱟᱥᱴᱨᱤ ᱠᱷᱚᱱ ᱵᱟᱦᱨᱮ ᱞᱮᱱᱟᱭ ᱟᱨ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱢᱮᱞᱵᱳᱨᱱ ᱨᱮ ᱛᱟᱦᱮᱸ ᱠᱟᱱᱟᱭ ᱾
ᱜᱨᱮᱜᱚᱨᱤ ᱰᱮᱵᱤᱰ ᱨᱚᱵᱚᱨᱴᱥ ᱟᱜ ᱚᱞ ᱟᱠᱟᱱ Shantaram ᱧᱩᱛᱩᱢᱟᱱ ᱯᱚᱛᱚᱵ ᱥᱟᱶ ᱟᱡᱟᱜ ᱡᱩᱲᱟᱹᱭ ᱢᱮᱱᱟᱜᱼᱟ ᱾ ᱨᱚᱵᱚᱨᱴᱥ ᱫᱚ ᱢᱤᱫ ᱚᱥᱴᱨᱮᱞᱤᱭᱟᱱ ᱯᱷᱩᱨᱜᱟᱹᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱥᱤᱧᱚᱛ ᱨᱮᱭ ᱦᱮᱡ ᱞᱮᱱᱟ ᱾ ᱚᱸᱰᱮ ᱩᱱᱤ ᱫᱚ ᱯᱟᱧᱪ ᱯᱟᱯᱤ (᱑᱙᱘᱙) ᱯᱷᱤᱞᱢ ᱨᱮ ᱢᱤᱫ ᱮᱠᱴᱨᱮᱥ ᱞᱮᱠᱟᱛᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱠᱟᱴᱠᱟᱨ ᱮᱱᱮᱡ ᱟᱠᱟᱫ ᱛᱟᱦᱮᱸᱫ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱤᱢᱤ ᱫᱚ ᱢᱤᱱᱟ ᱯᱷᱚᱨᱱᱟᱱᱫᱮᱡᱽ ᱟᱜ ᱠᱩᱲᱤ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱩᱡᱷᱟᱛᱟ, ᱵᱮᱸᱠ ᱢᱮᱱᱮᱡᱚᱨ, ᱟᱱᱚᱨᱤ, ᱚᱨ ᱯᱟᱨ, ᱟᱢᱵᱚᱨ ᱟᱨ ᱢᱤᱞᱟᱯ ᱨᱮ ᱠᱟ.ᱢᱤ ᱟᱠᱟᱫ-ᱟ ᱾ ᱠᱟᱴᱠᱟᱨ ᱫᱚ ᱢᱤᱫ ᱠᱚᱢᱚᱨᱥᱤᱭᱟᱞ ᱯᱷᱳᱴᱳᱜᱨᱟᱯᱷᱚᱨ ᱟᱨ ᱠᱚᱢᱚᱨᱥᱤᱭᱟᱞ ᱯᱷᱤᱞᱢ ᱯᱨᱚᱰᱭᱩᱥᱚᱨ ᱥᱟᱱᱛᱟᱱᱩ ᱥᱤᱣᱚᱨᱤ ᱥᱟᱶᱮ ᱵᱟᱯᱞᱟ ᱞᱮᱱᱟᱭ ᱾ ᱱᱩᱭ ᱫᱚ ᱢᱤᱫ ᱠᱚᱲᱟ ᱜᱤᱫᱽᱨᱟ. ᱥᱤᱫᱽᱫᱷᱟᱱᱛᱷ ᱠᱟᱱᱟᱭ ᱾ ᱩᱱᱤ ᱫᱚ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱢᱮᱞᱵᱚᱨᱱ ᱨᱮ ᱛᱟᱦᱮᱸᱱᱟᱭ ᱟᱨ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱯᱩᱱᱮ ᱨᱮᱱᱟᱜ ᱢᱤᱫ ᱥᱚᱵᱚᱨᱵᱷ ᱟᱱᱫᱷ ᱨᱮ ᱦᱚᱸ ᱛᱟᱦᱮᱸ ᱠᱟᱱᱟᱭ ᱾