ᱠᱤᱨᱚᱱ ᱨᱟᱣ
| Kiran Rao | |
|---|---|
 Rao at the Lakme Fashion Week in 2017 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱗ ᱱᱚᱵᱷᱮᱢᱵᱚᱨ ᱑᱙᱗᱓ [᱑][᱒] |
ᱠᱤᱨᱚᱱ ᱨᱟᱣ (ᱡᱟᱱᱟᱢ ᱗ ᱱᱚᱵᱷᱮᱢᱵᱚᱨ ᱑᱙᱗᱓) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱵᱟᱱᱟᱣᱤᱡ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱤᱱᱫᱤ ᱥᱤᱱᱮᱢᱟ ᱨᱮ ᱠᱟᱹᱢᱤ ᱮᱫᱟᱭ᱾ ᱩᱱᱤ ᱫᱚ ᱫᱷᱳᱵᱤ ᱜᱷᱟᱴ (᱒᱐᱑᱑) ᱟᱨ ᱞᱟᱯᱟᱛᱟ ᱞᱮᱰᱤᱡᱽ (᱒᱐᱒᱔) ᱯᱷᱤᱞᱢ ᱠᱚᱭ ᱰᱤᱨᱮᱠᱴ ᱟᱠᱟᱫᱟ᱾ ᱒᱐᱑᱖ ᱨᱮ, ᱨᱟᱣ ᱯᱟᱱᱤ ᱯᱷᱟᱣᱱᱰᱮᱥᱚᱱ ᱮ ᱡᱩᱢᱤᱫ ᱵᱩᱱᱤᱭᱟᱹᱫ ᱠᱮᱫᱟ, ᱢᱤᱫ ᱵᱤᱱᱟ ᱞᱟᱵᱷ ᱨᱮᱱᱟᱜ ᱥᱚᱝᱜᱚᱴᱷᱚᱱ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱤᱨᱚᱱ ᱨᱟᱣ ᱫᱚ ᱗ ᱱᱚᱵᱷᱮᱢᱵᱚᱨ ᱑᱙᱗᱓ ᱨᱮ ᱵᱮᱝᱜᱟᱞᱩᱨᱩ ᱨᱮ ᱡᱟᱱᱟᱢ ᱞᱮᱱᱟᱭ,[᱓] ᱥᱮᱱᱟ ᱚᱫᱷᱤᱠᱟᱨᱤ ᱥᱤ ᱟᱨ ᱨᱟᱣ ᱟᱨ ᱩᱢᱟ ᱨᱟᱣ ᱨᱮᱱ ᱠᱩᱲᱤ ᱜᱤᱫᱽᱨᱟᱹ᱾ ᱩᱱᱤ ᱫᱚ ᱠᱚᱞᱠᱟᱛᱟ ᱨᱮ ᱦᱟᱨᱟ ᱵᱩᱨᱩ ᱞᱮᱱᱟᱭ, ᱡᱟᱦᱟᱸ ᱨᱮ ᱩᱱᱤ ᱞᱳᱨᱮᱴᱳ ᱦᱟᱣᱩᱥ ᱟᱨ ᱞᱟ ᱢᱟᱨᱴᱤᱱᱤᱭᱮᱨ ᱯᱷᱳᱨ ᱜᱟᱨᱞᱥ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱱᱟ᱾ ᱑᱙᱙᱒ ᱨᱮ, ᱟᱡ ᱨᱮᱱ ᱟᱭᱳᱼᱵᱟᱵᱟ ᱵᱮᱝᱜᱟᱞᱳᱨ ᱞᱟᱹᱜᱤᱫ ᱠᱚᱞᱠᱟᱛᱟ ᱵᱟᱹᱜᱤ ᱨᱮᱱᱟᱜ ᱯᱷᱟᱭᱥᱟᱞᱟ ᱠᱮᱫᱟ ᱚᱱᱟᱛᱮ ᱩᱱᱤ ᱟᱱᱰᱟᱨᱜᱽᱨᱮᱡᱩᱣᱮᱴ ᱯᱟᱲᱦᱟᱣ ᱞᱟᱹᱜᱤᱫ ᱢᱩᱢᱵᱟᱭ ᱮ ᱪᱟᱞᱟᱣ ᱮᱱᱟ᱾ ᱩᱱᱤ ᱫᱚ ᱑᱙᱙᱕ ᱨᱮ ᱥᱳᱯᱷᱤᱭᱟ ᱠᱚᱞᱮᱡᱽ ᱯᱷᱳᱨ ᱣᱤᱢᱮᱱ ᱠᱷᱚᱱ ᱟᱨᱛᱷᱚᱥᱟᱥᱛᱨᱚ ᱢᱮᱡᱚᱨ ᱥᱟᱶ ᱮ ᱜᱽᱨᱮᱡᱩᱣᱮᱴ ᱠᱮᱫᱟ᱾ ᱩᱱᱤ ᱫᱚ ᱥᱳᱯᱷᱤᱭᱟ ᱯᱳᱞᱤᱴᱮᱠᱱᱤᱠ ᱨᱮ ᱥᱟᱢᱟᱡᱤᱠ ᱠᱚᱢᱭᱩᱱᱤᱠᱮᱥᱚᱱ ᱢᱤᱰᱤᱭᱟ ᱠᱳᱨᱥ ᱨᱮ ᱵᱟᱨᱭᱟ ᱪᱟᱸᱫᱚ ᱞᱟᱹᱜᱤᱫ ᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱱᱟ, ᱢᱮᱱᱠᱷᱟᱱ ᱛᱟᱭᱚᱢ ᱛᱮ ᱛᱤᱭᱟᱹᱜ ᱠᱮᱫᱟᱭ ᱟᱨ ᱫᱤᱞᱞᱤ ᱞᱟᱹᱜᱤᱫ ᱮ ᱵᱟᱹᱜᱤ ᱠᱮᱫᱟ᱾ ᱩᱱᱤ ᱫᱚ ᱡᱟᱢᱤᱭᱟ ᱢᱤᱞᱤᱭᱟ ᱤᱥᱞᱟᱢᱤᱭᱟ, ᱱᱟᱣᱟ ᱫᱤᱞᱞᱤ ᱨᱮ ᱮᱡᱮᱠᱮ ᱢᱟᱥ ᱠᱚᱢᱭᱩᱱᱤᱠᱮᱥᱚᱱ ᱨᱤᱥᱚᱨᱪ ᱥᱮᱱᱴᱟᱨ ᱨᱮ ᱟᱡᱟᱜ ᱢᱟᱥᱴᱟᱨ ᱰᱤᱜᱽᱨᱤ ᱮ ᱧᱟᱢ ᱠᱮᱫᱟ᱾[᱔]
ᱮᱠᱴᱨᱮᱥ ᱟᱫᱤᱛᱤ ᱨᱟᱣ ᱦᱟᱭᱫᱟᱨᱤ ᱫᱚ ᱨᱟᱣ ᱨᱮᱱ ᱯᱩᱭᱞᱩ ᱪᱟᱪᱮᱨᱟ ᱵᱚᱦᱤᱱ ᱠᱟᱱᱟᱭ᱾ ᱨᱟᱣ ᱨᱮᱱ ᱯᱤᱛᱟᱼᱯᱟᱠᱷᱭ ᱟᱨ ᱦᱟᱭᱫᱟᱨᱤ ᱨᱮᱱ ᱢᱟᱛᱟᱼᱯᱟᱠᱷᱭ ᱜᱨᱮᱸᱰᱯᱟᱨᱮᱱᱴ, ᱡᱮᱹ ᱨᱟᱢᱮᱥᱣᱚᱨ ᱨᱟᱣ, ᱦᱟᱭᱫᱨᱟᱵᱟᱫ ᱨᱮᱱ ᱱᱤᱡᱟᱢ ᱞᱟᱛᱟᱨ ᱨᱮ ᱣᱟᱱᱟᱯᱟᱨᱛᱷᱤ ᱨᱮᱱᱟᱜ ᱨᱟᱡᱟ ᱮ ᱛᱟᱦᱮᱸ ᱠᱟᱱᱟ᱾[᱕][᱖]
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱣ ᱟᱡᱟᱜ ᱠᱮᱨᱤᱭᱟᱨ ᱫᱚ ᱟᱥᱩᱛᱳᱥ ᱜᱳᱣᱟᱨᱤᱠᱟᱨ ᱫᱟᱨᱟᱭ ᱛᱮ ᱰᱤᱨᱮᱠᱴ ᱟᱠᱟᱱ ᱮᱯᱤᱠ ᱯᱷᱤᱞᱢ ᱞᱟᱜᱟᱱ ᱨᱮ ᱟᱥᱤᱥᱴᱮᱸᱴ ᱰᱤᱨᱮᱠᱴᱚᱨ ᱞᱮᱠᱟᱛᱮ ᱮᱛᱚᱦᱚᱵ ᱠᱮᱫᱟ, ᱡᱟᱦᱟᱸᱭ ᱫᱚ ᱩᱱᱤ ᱛᱟᱭᱚᱢ ᱛᱮ ᱥᱣᱟᱫᱮᱥ: ᱣᱤ, ᱫᱟ ᱯᱤᱯᱚᱞ ᱨᱮ ᱦᱚᱸ ᱟᱥᱤᱥᱴ ᱠᱮᱫᱮᱭᱟ᱾ ᱞᱟᱜᱟᱱ ᱫᱚ ᱯᱩᱭᱞᱩ ᱯᱚᱨᱥᱤ ᱯᱷᱤᱞᱢ ᱠᱮᱴᱟᱜᱚᱨᱤ ᱨᱮ ᱗᱔ ᱟᱜ ᱮᱠᱮᱰᱢᱤ ᱟᱣᱟᱨᱰ ᱞᱟᱹᱜᱤᱫ ᱱᱟᱢᱤᱱᱮᱴ ᱦᱩᱭ ᱞᱮᱱ ᱛᱟᱦᱮᱸᱱᱟ᱾ ᱟᱢᱤᱨ ᱠᱷᱟᱱ ᱚᱱᱟ ᱯᱷᱤᱞᱢ ᱨᱮ ᱯᱨᱳᱰᱭᱩᱥ ᱟᱨ ᱮᱥᱴᱟᱨ ᱦᱚᱸ ᱛᱟᱦᱮᱸ ᱠᱟᱱᱟ᱾ ᱞᱟᱜᱟᱱ ᱢᱟᱲᱟᱝ, ᱩᱱᱤ ᱫᱤᱞ ᱪᱟᱦᱛᱟ ᱦᱟᱭ ᱨᱮ ᱥᱚᱯᱳᱨᱴᱤᱝ ᱮᱠᱴᱨᱮᱥ ᱨᱮᱱᱟᱜ ᱦᱩᱰᱤᱧ ᱨᱳᱞ ᱮ ᱠᱚᱨᱟᱣ ᱟᱠᱟᱫᱟ᱾ ᱩᱱᱤ ᱫᱚ ᱮᱠᱮᱰᱢᱤ ᱟᱣᱟᱨᱰᱼᱱᱟᱢᱤᱱᱮᱴ ᱰᱤᱨᱮᱠᱴᱚᱨ ᱢᱤᱨᱟ ᱱᱟᱭᱟᱨ ᱥᱟᱶ ᱤᱱᱰᱤ ᱦᱤᱴ ᱢᱳᱱᱥᱩᱱ ᱣᱮᱰᱤᱝ ᱨᱮ ᱫᱚᱥᱟᱨ ᱟᱥᱤᱥᱴᱮᱸᱴ ᱰᱤᱨᱮᱠᱴᱚᱨ ᱞᱮᱠᱟᱛᱮ ᱦᱚᱸ ᱠᱟᱹᱢᱤ ᱟᱠᱟᱫᱟ᱾[᱗]
ᱩᱱᱤ ᱫᱚ ᱯᱷᱤᱞᱢ ᱫᱷᱳᱵᱤ ᱜᱷᱟᱴ ᱮ ᱥᱠᱨᱤᱯᱴ ᱟᱨ ᱰᱤᱨᱮᱠᱴ ᱠᱮᱫᱟ, ᱡᱟᱦᱟᱸ ᱫᱚ ᱡᱟᱱᱩᱣᱟᱨᱤ ᱒᱐᱑᱑ ᱨᱮ ᱟᱢᱤᱨ ᱠᱷᱟᱱ ᱯᱨᱳᱰᱟᱠᱥᱚᱱ ᱞᱟᱛᱟᱨ ᱨᱮ ᱨᱤᱞᱤᱡᱽ ᱦᱩᱭ ᱞᱮᱱ ᱛᱟᱦᱮᱸᱱᱟ᱾[᱘][᱙] ᱩᱱᱤ ᱫᱚ ᱟᱡᱟᱜ ᱛᱟᱭᱚᱢ ᱨᱮᱱᱟᱜ ᱯᱷᱤᱞᱢ ᱚᱞ ᱮᱛᱚᱦᱚᱵ ᱟᱠᱟᱫᱟ ᱡᱟᱦᱟᱸ ᱨᱮᱱᱟᱜ ᱡᱚᱲ ᱫᱚ ᱠᱚᱞᱠᱟᱛᱟ ᱨᱮ ᱛᱟᱦᱮᱸ ᱠᱟᱱᱟ᱾
ᱠᱤᱨᱚᱱ ᱨᱟᱣ ᱫᱚ ᱒᱐᱑᱕ ᱨᱮ ᱢᱩᱢᱵᱟᱭ ᱯᱷᱤᱞᱢ ᱯᱷᱮᱥᱴᱤᱵᱷᱟᱞᱼ ᱮᱢᱮᱮᱢᱟᱭ ᱨᱮᱱ ᱪᱮᱭᱟᱨᱯᱟᱨᱥᱚᱱ ᱠᱚ ᱵᱟᱱᱟᱣ ᱠᱮᱫᱮᱭᱟ᱾ ᱩᱱᱤ ᱫᱚ ᱢᱤᱫ ᱢᱟᱨᱟᱴᱷᱤ ᱥᱮᱨᱮᱧ 'ᱛᱳᱯᱷᱟᱱ ᱟᱞᱟᱭᱟ' ᱦᱚᱸ ᱮ ᱥᱮᱨᱮᱧ ᱟᱠᱟᱫᱟ, ᱫᱟ ᱥᱟᱛᱭᱟᱢᱮᱵᱽ ᱡᱟᱭᱟᱛᱮ ᱣᱟᱴᱟᱨ ᱠᱟᱯ ᱮᱸᱛᱷᱮᱢ᱾[᱑᱐]
᱒᱐᱒᱔ ᱨᱮ, ᱟᱡᱟᱜ ᱯᱷᱤᱞᱢ ᱞᱟᱯᱟᱛᱟ ᱞᱮᱰᱤᱡᱽ ᱫᱚ ᱙᱗ ᱟᱜ ᱮᱠᱮᱰᱢᱤ ᱟᱣᱟᱨᱰ ᱞᱟᱹᱜᱤᱫ ᱱᱟᱯᱟᱭ ᱤᱱᱴᱟᱨᱱᱮᱥᱱᱟᱞ ᱯᱷᱤᱪᱟᱨ ᱯᱷᱤᱞᱢ ᱞᱟᱹᱜᱤᱫ ᱵᱷᱟᱨᱚᱛᱤᱭᱚ ᱮᱱᱴᱨᱤ ᱞᱮᱠᱟᱛᱮ ᱵᱟᱪᱷᱚᱱ ᱦᱩᱭ ᱮᱱᱟ᱾
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ].jpg)
ᱨᱟᱣ ᱮᱠᱴᱟᱨ ᱟᱢᱤᱨ ᱠᱷᱟᱱ ᱥᱟᱞᱟᱜ ᱰᱤᱥᱮᱢᱵᱚᱨ ᱒᱐᱐᱕ ᱨᱮ ᱵᱟᱯᱞᱟ ᱮᱱᱟᱭ, ᱠᱷᱟᱱ ᱒᱐᱐᱒ ᱨᱮ ᱟᱡᱤᱡ ᱯᱩᱭᱞᱩ ᱮᱨᱟ ᱨᱤᱱᱟ ᱫᱩᱛᱛᱟ ᱠᱷᱚᱱ ᱰᱤᱵᱳᱨᱥ ᱛᱟᱭᱚᱢ᱾ ᱩᱱᱠᱤᱱ ᱫᱚ ᱞᱟᱜᱟᱱ ᱨᱮᱱᱟᱜ ᱥᱮᱴ ᱨᱮ ᱠᱤᱱ ᱧᱟᱯᱟᱢ ᱞᱮᱱ ᱛᱟᱦᱮᱸᱱᱟ᱾ ᱨᱟᱣ ᱫᱚ ᱯᱷᱤᱞᱢ ᱨᱮᱱ ᱜᱚᱲᱚ ᱰᱟᱭᱨᱮᱠᱴᱟᱨ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱠᱩ ᱢᱩᱢᱵᱟᱭ ᱥᱩᱵᱚᱨᱵᱽ ᱨᱮ ᱵᱟᱸᱫᱽᱨᱟ ᱨᱮ ᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱱ᱾[᱑᱑] ᱱᱚᱶᱟ ᱡᱩᱨᱤ ᱨᱮᱱ ᱢᱤᱫ ᱠᱚᱲᱟ ᱦᱚᱯᱚᱱ ᱟᱡᱟᱫ ᱨᱟᱣ ᱠᱷᱟᱱ ᱰᱤᱥᱮᱢᱵᱚᱨ ᱒᱐᱑᱑ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱱ (ᱢᱤᱫ ᱥᱟᱨᱳᱜᱮᱴ ᱮᱸᱜᱟᱛ ᱦᱚᱛᱮᱛᱮ) ᱡᱟᱦᱟᱸᱭ ᱫᱚ ᱟᱵᱩᱞ ᱠᱟᱞᱟᱢ ᱟᱡᱟᱫ ᱧᱩᱛᱩᱢ ᱛᱮ ᱧᱩᱛᱩᱢ ᱫᱚᱦᱚ ᱦᱩᱭ ᱟᱠᱟᱱᱟ᱾[᱑᱒]
ᱨᱟᱣ ᱫᱚ ᱢᱤᱫ ᱵᱷᱮᱜᱟᱱ ᱮ ᱛᱟᱦᱮᱸ ᱠᱟᱱᱟ, ᱟᱨ ᱩᱱᱤ ᱟᱡ ᱨᱮᱱ ᱩᱱ ᱚᱠᱛᱚ ᱨᱮᱱ ᱡᱟᱶᱟᱭ ᱟᱢᱤᱨ ᱠᱷᱟᱱ ᱦᱚᱸ ᱵᱷᱮᱜᱟᱱ ᱵᱮᱱᱟᱣ ᱞᱟᱹᱜᱤᱫ ᱵᱟᱰᱟᱣ ᱮᱢᱟᱫᱮ ᱛᱟᱦᱮᱸᱱᱟ᱾ ᱱᱚᱶᱟ ᱤᱥᱩ ᱤᱫᱤ ᱠᱟᱛᱮ ᱟᱞᱚᱪᱟᱱᱟ ᱛᱟᱭᱚᱢ, ᱩᱱᱠᱤᱱ ᱵᱟᱱᱟᱨ ᱦᱚᱲ ᱵᱷᱮᱜᱟᱱ ᱵᱮᱱᱟᱣ ᱨᱮᱱᱟᱜ ᱠᱤᱱ ᱴᱷᱟᱹᱣᱠᱟᱹ ᱠᱮᱫᱟ᱾[᱑᱓][᱑᱔][᱑᱕]
᱓ ᱡᱩᱞᱟᱭ ᱒᱐᱒᱑ ᱨᱮ, ᱠᱤᱨᱟᱱ ᱨᱟᱣ ᱟᱨ ᱟᱢᱤᱨ ᱠᱷᱟᱱ ᱟᱠᱚᱣᱟᱜ ᱵᱟᱯᱞᱟ ᱨᱮᱱᱟᱜ ᱑᱕ ᱥᱮᱨᱢᱟ ᱛᱟᱭᱚᱢ ᱰᱤᱵᱳᱨᱥ ᱨᱮᱱᱟᱜ ᱠᱤᱱ ᱴᱷᱟᱹᱣᱠᱟᱹ ᱠᱮᱫᱟ ᱢᱤᱫ ᱡᱳᱭᱮᱱᱴ ᱥᱴᱮᱴᱢᱮᱱᱴ ᱦᱚᱛᱮᱛᱮ ᱡᱟᱦᱟᱸ ᱨᱮ ᱱᱚᱶᱟ ᱢᱟᱢᱞᱟ ᱨᱮ ᱞᱮᱛᱟᱲ ᱥᱚᱯᱳᱨᱴ ᱞᱟᱹᱜᱤᱫ ᱟᱠᱚ ᱨᱮᱱ ᱜᱷᱟᱨᱚᱸᱡᱽ ᱟᱨ ᱜᱟᱛᱮ ᱠᱚ ᱠᱤᱱ ᱥᱟᱨᱦᱟᱣ ᱠᱮᱫ ᱠᱚᱣᱟ᱾ ᱩᱱᱠᱩ ᱞᱟᱹᱭ ᱠᱮᱫᱟ ᱡᱮ ᱩᱱᱠᱩ ᱟᱠᱚ ᱨᱮᱱ ᱠᱚᱲᱟ ᱦᱚᱯᱚᱱ ᱫᱚ ᱠᱳ-ᱯᱮᱨᱮᱱᱴᱥ ᱞᱮᱠᱟᱛᱮ ᱠᱤᱱ ᱦᱟᱨᱟ ᱵᱩᱨᱩ ᱮᱭᱟ᱾[᱑᱖]
ᱯᱷᱤᱞᱢᱳᱜᱨᱟᱯᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱟᱭᱨᱮᱠᱴᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱥᱮᱨᱢᱟ | ᱧᱩᱛᱩᱢ | ᱱᱳᱴᱥ |
|---|---|---|
| ᱒᱐᱑᱑ | ᱫᱷᱳᱵᱤ ᱜᱷᱟᱴ | [᱑᱗] |
| ᱒᱐᱒᱔ | ᱞᱟᱯᱟᱛᱟ ᱞᱮᱰᱤᱡᱽ | [᱑᱘] |
ᱯᱨᱳᱰᱭᱩᱥᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱥᱮᱨᱢᱟ | ᱧᱩᱛᱩᱢ | ᱱᱳᱴᱥ |
|---|---|---|
| ᱒᱐᱐᱘ | ᱡᱟᱱᱮ ᱛᱩ... ᱭᱟ ᱡᱟᱱᱮ ᱱᱟ | ᱮᱥᱳᱥᱤᱭᱮᱴ ᱯᱨᱳᱰᱭᱩᱥᱟᱨ |
| ᱒᱐᱑᱐ | ᱯᱤᱯᱞᱤ ᱞᱟᱭᱤᱵᱽ | |
| ᱒᱐᱑᱑ | ᱫᱷᱳᱵᱤ ᱜᱷᱟᱴ | |
| ᱒᱐᱑᱑ | ᱫᱤᱞᱞᱤ ᱵᱮᱞᱤ | |
| ᱒᱐᱑᱒ | ᱛᱟᱞᱟᱥ | |
| ᱒᱐᱑᱖ | ᱫᱟᱝᱜᱟᱞ | |
| ᱒᱐᱑᱗ | ᱥᱤᱠᱨᱮᱴ ᱥᱩᱯᱟᱨᱥᱴᱟᱨ | |
| ᱒᱐᱑᱙ | ᱨᱩᱵᱟᱨᱩ ᱨᱳᱥᱱᱤ[᱑᱙] | ᱴᱮᱞᱤᱵᱤᱡᱚᱱ ᱰᱳᱠᱭᱩᱢᱮᱱᱴᱟᱨᱤ ᱯᱷᱤᱞᱢ |
| ᱒᱐᱒᱒ | ᱞᱟᱞ ᱥᱤᱝ ᱪᱟᱰᱰᱟ | |
| ᱒᱐᱒᱖ | ᱥᱤᱛᱟᱨᱮ ᱡᱟᱢᱤᱱ ᱯᱟᱨ | |
| ᱒᱐᱒᱖ | ᱞᱟᱦᱳᱨ ᱑᱙᱔᱗ |
ᱯᱨᱮᱡᱮᱱᱴᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱥᱮᱨᱢᱟ | ᱧᱩᱛᱩᱢ |
|---|---|
| ᱒᱐᱑᱓ | ᱥᱤᱯ ᱚᱯᱷ ᱛᱷᱤᱥᱤᱭᱩᱥ |
ᱥᱮᱨᱮᱧᱤᱭᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱥᱮᱨᱢᱟ | ᱧᱩᱛᱩᱢ |
|---|---|
| ᱒᱐᱑᱗ | ᱛᱩᱯᱷᱟᱱ ᱟᱞᱟᱭᱟ (ᱥᱟᱛᱭᱟᱢᱮᱣ ᱡᱟᱭᱟᱛᱮ ᱣᱟᱴᱟᱨ ᱠᱟᱯ ᱮᱱᱛᱷᱮᱢ) |
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Aamir surprises Kiran on birthday". Filmibeat.com. 10 November 2008. Archived from the original on 9 March 2014. Retrieved 2016-08-18.
- ↑ Gupta, Pratim D. (3 December 2010). "She's the one!". The Daily Telegraph. Calcutta, India. Archived from the original on 6 December 2010. Retrieved 2 May 2011.
- ↑ "Kiran Rao".
- ↑ "Dear Mr. Subhash Ghai, my name is Kiran Rao". Tehelka Magazine. 22 January 2011. Archived from the original on 22 September 2012. Retrieved 19 January 2011.
- ↑ "Kiran, Aditi Rao's first cousin, has Telangana link". Deccan Chronicle. Retrieved 2015-11-26.
- ↑ Sameer (2015-11-27). "Aamir Khan's wife Kiran Rao belongs to Wanaparthy, Mahboob Nagar". The Siasat Daily - Archive. Retrieved 2021-02-28.
- ↑ "Best of Bollywood, South Cinema, Celebrity Photos & Videos - MSN India". www.msn.com.
- ↑ "Aamir is a dream producer: Kiran Rao". The Times of India. Retrieved 21 January 2011.
- ↑ "India's Aamir Khan and Kiran Rao Talk Dhobi Ghat, Art, Love and Career". UrbLife.com. 2 February 2011.
- ↑ Paani Foundation (3 January 2017). "Toofan Aala - Satyamev Jayate Water Cup Anthem (तुफान आलंया - सत्यमेव जयते वॉटर कप गीत)". Archived from the original on 2021-12-20 – via YouTube.ᱪᱷᱟᱸᱪ:Cbignore
- ↑ "Grand reception for Aamir Khan-Kiran Rao wedding". Archived from the original on 22 February 2007.
- ↑ "Baby boy for Aamir Khan, Kiran Rao". Archived from the original on 6 December 2011.
- ↑ "AAMIR GOES THE VEGAN WAY!". Mumbai Mirror. 11 March 2015. Retrieved 26 March 2015.
- ↑ "Recently Turned Vegan Aamir Khan To Judge 'MasterChef India 4' Finale?". The Huffington Post. Indo-Asian News Service. 15 March 2015. Retrieved 26 March 2015.
- ↑ "Aamir Khan quits non-vegetarian food, turns vegan". The Indian Express. Express News Service. 11 March 2015. Retrieved 26 March 2015.
- ↑ "Aamir Khan and Kiran Rao announce divorce after 15 years of marriage". The News Minute.
- ↑ Chawla, Sonal (2009-02-23). "Aamir Khan's wife Kiran Rao's directorial debut, Dhobi Ghaat's shoot stuck". Mid Day. Retrieved 2016-08-18.
- ↑ ᱥᱤᱝ, ᱪᱟᱨᱩ (2024-05-19). "ᱞᱟᱯᱟᱛᱟ ᱞᱮᱰᱤᱡᱽ: ᱜᱽᱨᱟᱢᱤᱬ ᱵᱟᱭᱦᱟᱛᱟᱣ ᱠᱚᱣᱟᱜ ᱯᱟᱨᱥᱚᱱᱮᱞ ᱨᱮᱱᱟᱜ ᱛᱚᱞᱟᱥ". ᱫᱟ ᱣᱟᱭᱟᱨ - ᱦᱤᱱᱫᱤ (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 2024-05-19.
- ↑ "ᱟᱢᱤᱨ ᱠᱷᱟᱱ ᱟᱜ ᱨᱩᱵᱟᱨᱩ ᱨᱳᱥᱱᱤ ᱤᱫᱤ ᱠᱟᱛᱮ ᱡᱚᱛᱚ ᱡᱤᱱᱤᱥ ᱵᱟᱰᱟᱭ ᱥᱟᱱᱟᱭᱮᱫ ᱢᱮᱭᱟ". Retrieved 25 January 2019.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱠᱤᱨᱚᱱ ᱨᱟᱣ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)