ᱠᱤᱨᱛᱤ ᱨᱮᱰᱰᱤ
ᱠᱤᱨᱛᱤ ᱨᱮᱰᱰᱤ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱢᱟᱨᱮ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱩᱬᱩᱛ ᱛᱮ ᱛᱮᱞᱩᱜᱩ, ᱛᱟᱢᱤᱞ ᱯᱷᱤᱞᱢ ᱨᱮ ᱧᱮᱞ ᱟᱠᱟᱱᱟ ᱟᱨ ᱦᱤᱱᱫᱤ ᱟᱨ ᱠᱟᱱᱱᱟᱰᱟ ᱯᱷᱤᱞᱢ ᱨᱮᱦᱚᱸ ᱧᱮᱞ ᱟᱠᱟᱱᱟ᱾ ᱩᱱᱤᱭᱟᱜ ᱧᱩᱛᱩᱢᱟᱱ ᱠᱟᱹᱢᱤ ᱨᱮ ᱛᱷᱚᱞᱤ ᱯᱨᱮᱢᱟ (᱑᱙᱙᱘), ᱯᱭᱟᱨ ᱤᱥᱠ ᱟᱩᱨ ᱢᱳᱦᱟᱵᱵᱟᱛ (᱒᱐᱐᱑) ᱟᱨ ᱟᱨᱡᱩᱱ (᱒᱐᱐᱔) ᱥᱮᱞᱮᱫ ᱢᱮᱱᱟᱜᱼᱟ᱾ ᱩᱱᱤ ᱟᱨᱡᱩᱱ (᱒᱐᱐᱔) ᱯᱷᱤᱞᱢ ᱨᱮ ᱟᱡᱟᱜ ᱯᱟᱨᱯᱷᱚᱨᱢᱮᱱᱥ ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱮ ᱧᱟᱢ ᱟᱠᱟᱫᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱤᱨᱛᱤ ᱨᱮᱰᱰᱤ ᱫᱚ ᱢᱤᱫ ᱤᱱᱴᱮᱨᱤᱭᱚᱨ ᱰᱤᱡᱟᱭᱱᱟᱨ ᱟᱨ ᱰᱨᱮᱥ ᱰᱤᱡᱟᱭᱱᱟᱨ ᱮᱸᱜᱟᱛ ᱴᱷᱮᱱ ᱡᱟᱱᱟᱢ ᱞᱮᱱᱟ᱾ ᱩᱱᱤᱭᱟᱜ ᱟᱡ ᱦᱟᱲᱟᱢ ᱦᱚᱯᱚᱱ ᱵᱟ ᱠᱟᱹᱢᱤ ᱢᱮᱥᱟ ᱠᱮᱥᱦᱟᱞᱤ ᱜᱟᱝᱜᱟ ᱨᱮᱰᱰᱤ, ᱛᱮᱞᱟᱝᱜᱟᱱᱟ ᱨᱮ ᱱᱤᱡᱟᱢᱟᱵᱟᱫ ᱠᱷᱚᱱ ᱮᱠᱥ-ᱢᱮᱢᱵᱟᱨ ᱚᱯᱷ ᱯᱟᱨᱞᱤᱭᱟᱢᱮᱱᱴ ᱠᱟᱱᱟᱭ᱾ ᱩᱱᱤ ᱫᱚ ᱵᱮᱝᱜᱟᱞᱩᱨᱩ ᱨᱮ ᱦᱟᱨᱟ ᱵᱩᱨᱩ ᱟᱠᱟᱱᱟ᱾ ᱩᱱᱤ ᱫᱚ ᱡᱤᱫᱩ ᱠᱨᱤᱥᱱᱟᱢᱩᱨᱛᱤ ᱟᱜ ᱫᱟ ᱵᱷᱮᱞᱤ ᱥᱠᱩᱞ ᱨᱮ ᱠᱟᱱᱟᱠᱟᱯᱩᱨᱟ, ᱵᱮᱝᱜᱟᱞᱩᱨᱩ ᱥᱩᱨ ᱨᱮ ᱥᱠᱩᱞᱤᱝ ᱮ ᱯᱟᱲᱦᱟᱣ ᱟᱠᱟᱫᱟ᱾ ᱩᱱᱤ ᱫᱚ ᱤᱨᱟᱹᱞ ᱥᱮᱨᱢᱟ ᱫᱷᱟᱹᱵᱤᱡ ᱵᱷᱟᱨᱚᱛᱱᱟᱴᱭᱚᱢ ᱨᱮ ᱴᱨᱮᱱᱰ ᱟᱠᱟᱱᱟ᱾ ᱩᱱᱤ ᱫᱚ ᱠᱤᱪᱷᱩ ᱚᱠᱛᱚ ᱞᱟᱹᱜᱤᱫ ᱦᱟᱭᱫᱨᱟᱵᱟᱫ ᱨᱮ ᱥᱮᱱᱴ ᱡᱳᱥᱮᱯᱷ ᱯᱚᱵᱽᱞᱤᱠ ᱥᱠᱩᱞ ᱨᱮ ᱯᱟᱲᱦᱟᱣ ᱞᱮᱱᱟ᱾ ᱩᱱᱤ ᱠᱟᱱᱟᱰᱟ, ᱴᱚᱨᱚᱱᱴᱳ ᱨᱮ ᱨᱟᱭᱟᱨᱥᱚᱱ ᱭᱩᱱᱤᱵᱷᱟᱨᱥᱤᱴᱤ ᱨᱮ ᱪᱮᱛᱟᱱ ᱥᱮᱪᱮᱫ ᱞᱟᱹᱜᱤᱫ ᱮ ᱥᱮᱱ ᱞᱮᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱖ ᱥᱟᱞ ᱨᱮ, ᱠᱤᱨᱛᱤ ᱨᱮᱰᱰᱤ ᱫᱚ ᱮᱥ. ᱵᱷᱤ. ᱠᱨᱩᱥᱱᱟ ᱨᱮᱰᱰᱤ ᱦᱚᱛᱮᱛᱮ ᱰᱤᱨᱮᱠᱴ ᱟᱠᱟᱱ ᱠᱳᱢᱮᱰᱤ ᱛᱷᱨᱤᱞᱟᱨ ᱜᱟᱱᱥᱩᱴ ᱨᱮ ᱚᱯᱳᱡᱤᱴ ᱟᱞᱤ ᱯᱷᱤᱞᱢ ᱰᱮᱵᱭᱩᱴ ᱵᱮᱱᱟᱣ ᱞᱮᱫᱟ᱾ ᱑᱙᱙᱘ ᱥᱟᱞ ᱨᱮ, ᱠᱤᱨᱛᱤ ᱫᱚ ᱛᱷᱚᱞᱤ ᱯᱨᱮᱢᱟ ᱨᱮ ᱯᱟᱣᱟᱱ ᱠᱟᱞᱭᱟᱱ ᱥᱟᱢᱟᱝ ᱨᱮ ᱯᱷᱤᱢᱮᱞ ᱞᱤᱰ ᱞᱮᱠᱟᱛᱮ ᱠᱟᱥᱴ ᱞᱮᱱᱟ ᱡᱟᱦᱟᱸ ᱫᱚ ᱢᱤᱫ ᱵᱚᱞᱠᱵᱚᱥᱴᱟᱨ ᱛᱟᱦᱮᱸ ᱠᱟᱱᱟ᱾ ᱒᱐᱐᱐ ᱥᱟᱞ ᱨᱮ, ᱠᱤᱨᱛᱤ ᱨᱮᱰᱰᱤ ᱫᱚ ᱟᱵᱷᱤᱥᱮᱠ ᱵᱟᱪᱪᱷᱟᱱ ᱥᱟᱢᱟᱝ ᱨᱮ ᱛᱮᱨᱟ ᱡᱟᱫᱩ ᱪᱟᱞ ᱜᱟᱭᱟ ᱨᱮ ᱟᱡᱟᱜ ᱵᱚᱞᱤᱣᱩᱰ ᱰᱮᱵᱭᱩᱴ ᱮ ᱵᱮᱱᱟᱣ ᱞᱮᱫᱟ᱾ ᱟᱡᱟᱜ ᱛᱟᱭᱚᱢ ᱯᱷᱤᱞᱢ ᱯᱭᱟᱨ ᱤᱥᱠ ᱟᱩᱨ ᱢᱳᱦᱟᱵᱵᱟᱛ ᱨᱮ ᱩᱱᱤ ᱫᱚ ᱤᱥᱟ ᱱᱟᱭᱟᱨ ᱞᱮᱠᱟᱛᱮ ᱰᱮᱵᱭᱩᱴᱟᱱᱴ ᱟᱨᱡᱩᱱ ᱨᱟᱢᱯᱟᱞ ᱥᱟᱢᱟᱝ ᱨᱮ ᱯᱷᱤᱪᱟᱨ ᱞᱮᱱᱟ᱾ ᱟᱡᱟᱜ ᱨᱳᱞ ᱢᱤᱫ ᱠᱩᱲᱤ ᱭᱟᱜ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱯᱮᱭᱟ ᱦᱚᱲ ᱠᱚ ᱫᱩᱞᱟᱹᱲ ᱮᱫ ᱛᱟᱦᱮᱸᱫ ᱜᱚᱣᱨᱚᱵᱽ ᱥᱟᱠᱥᱮᱱᱟ, ᱭᱟᱥ ᱥᱟᱵᱟᱨᱣᱟᱞ (ᱥᱩᱱᱤᱞ ᱥᱮᱴᱴᱤ) ᱟᱨ ᱛᱟᱡ ᱵᱷᱟᱨᱟᱫᱽᱣᱟᱡ (ᱟᱯᱷᱛᱟᱵᱽ ᱥᱤᱵᱽᱫᱟᱥᱟᱱᱤ)᱾ ᱒᱐᱐᱒ ᱥᱟᱞ ᱨᱮ, ᱠᱤᱨᱛᱤ ᱫᱚ ᱚᱱᱤᱞ ᱠᱟᱯᱩᱨ ᱥᱟᱢᱟᱝ ᱨᱮ ᱵᱟᱫᱟᱭᱤ ᱦᱳ ᱵᱟᱫᱟᱭᱤ ᱨᱮ ᱢᱤᱫ ᱥᱚᱯᱳᱨᱴᱤᱝ ᱨᱳᱞ ᱠᱮᱫᱟ᱾ ᱱᱚᱣᱟ ᱯᱷᱤᱞᱢ ᱛᱟᱭᱚᱢ, ᱩᱱᱤ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱵᱟᱹᱜᱤ ᱠᱮᱫᱟ᱾
᱒᱐᱐᱒ ᱥᱟᱞ ᱨᱮ, ᱠᱤᱨᱛᱤ ᱨᱮᱰᱰᱤ ᱥᱩᱯᱟᱨ ᱥᱴᱟᱨ ᱨᱮ ᱠᱟᱹᱢᱤ ᱞᱮᱫᱟ, ᱱᱚᱣᱟ ᱫᱚ ᱩᱱᱤᱭᱟᱜ ᱢᱤᱫᱴᱟᱹᱝ ᱠᱟᱱᱱᱟᱰᱟ ᱯᱷᱤᱞᱢ ᱠᱟᱱᱟ᱾ ᱒᱐᱐᱔ ᱥᱟᱞ ᱨᱮ ᱠᱤᱨᱛᱤ ᱨᱮᱰᱰᱤ ᱛᱮᱞᱩᱜᱩ ᱯᱷᱤᱞᱢ ᱟᱨᱡᱩᱱ ᱨᱮ ᱢᱟᱦᱮᱥ ᱵᱟᱵᱩ ᱨᱮᱱ ᱢᱤᱥᱨᱟ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟ, ᱱᱚᱣᱟ ᱨᱳᱞ ᱞᱟᱹᱜᱤᱫ ᱩᱱᱤ ᱛᱮᱞᱩᱜᱩ ᱨᱮ ᱯᱷᱤᱞᱢᱯᱷᱮᱭᱟᱨ ᱵᱮᱥᱴ ᱥᱚᱯᱳᱨᱴᱤᱝ ᱮᱠᱴᱨᱮᱥ ᱟᱣᱟᱨᱰ ᱮ ᱧᱟᱢ ᱞᱮᱫᱟ᱾[᱑]
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱤᱨᱛᱤ ᱫᱚ ᱮᱠᱴᱚᱨ ᱥᱩᱢᱟᱱᱛᱷ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱩᱱᱤ ᱫᱚ ᱱᱟᱜᱟᱨᱡᱩᱱᱟ ᱟᱠᱤᱱᱮᱱᱤ ᱨᱮᱱ ᱵᱷᱟᱹᱬᱡᱟ ᱟᱨ ᱟᱠᱤᱱᱮᱱᱤ ᱱᱟᱜᱮᱥᱣᱟᱨᱟ ᱨᱟᱣ ᱨᱮᱱ ᱦᱟᱲᱟᱢ ᱦᱚᱯᱚᱱ ᱛᱟᱦᱮᱸ ᱠᱟᱱᱟ, ᱒᱐᱐᱔ ᱥᱟᱞ ᱨᱮ᱾ ᱩᱱᱠᱤᱱ ᱫᱚ ᱒᱐᱐᱖ ᱥᱟᱞ ᱨᱮ ᱠᱤᱱ ᱵᱟᱯᱟᱜ ᱮᱱᱟ᱾ ᱩᱱᱤ ᱫᱚ ᱛᱟᱭᱚᱢ ᱛᱮ ᱟᱨᱦᱚᱸ ᱵᱟᱯᱞᱟ ᱠᱟᱛᱮ ᱱᱤᱛ ᱥᱤᱝᱜᱟᱯᱩᱨ ᱨᱮᱭ ᱵᱟᱥᱟ ᱟᱠᱟᱱᱟ᱾ ᱱᱩᱠᱤᱱ ᱡᱩᱨᱤ ᱨᱮᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾[᱒][᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Filmfare 2004 Awards for South Indian Films". Viggy.com. 13 March 2011. Archived from the original on 31 January 2020. Retrieved 31 January 2020.
- ↑ "Keerthi in India again". Archived from the original on 6 June 2016. Retrieved 3 June 2016.
- ↑ Published Date : 18 September 2011 22:00:00 GMT (18 September 2011). "Sumanth Said Yes For Second Marriage". Greatandhra.com. Archived from the original on 10 February 2015. Retrieved 18 March 2013.