ᱠᱤᱨᱱᱟᱦᱟᱨ

ᱠᱤᱨᱱᱟᱦᱟᱨ
ᱥᱚᱝᱠᱷᱚ
ᱠᱤᱨᱱᱟᱦᱟᱨ; ᱥᱚᱝᱠᱷᱚ
ᱟᱹᱛᱩ
	ᱠᱤᱨᱱᱟᱦᱟᱨ
	Coordinates: 23°45′47″N 87°52′39″E / 23.7630377°N 87.8776320°ECoordinates: 23°45′47″N 87°52′39″E / 23.7630377°N 87.8776320°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱯᱚᱪᱷᱤᱢ ᱵᱟᱸᱜᱽᱞᱟ
ᱦᱚᱱᱚᱛ	ᱵᱤᱨᱵᱷᱩᱢ
ᱥᱚᱨᱠᱟᱨ
• ᱪᱟᱪᱞᱟᱣ	ᱜᱨᱟᱢ ᱯᱚᱧᱪᱟᱭᱮᱛ
ᱩᱥᱩᱞ	29 ᱢᱤᱴᱚᱨ (95 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱗,᱑᱐᱓
ᱯᱟᱹᱨᱥᱤ
• ᱚᱯᱷᱤᱥᱤᱭᱟᱞ	ᱵᱟᱝᱞᱟ, ᱤᱝᱞᱤᱥ
	IST (ᱭᱩᱴᱤᱥᱤ+5:30)
ᱯᱤᱱ ᱠᱳᱰ	731302
Telephone/STD code	91 3463
ᱟᱭ.ᱮᱥ.ᱳ ᱓᱑᱖᱖ ᱠᱳᱰ	IN-WB
ᱞᱳᱠ ᱥᱚᱵᱷᱟ	ᱵᱳᱞᱯᱩᱨ
ᱵᱤᱫᱷᱟᱱᱥᱚᱵᱷᱟ	ᱱᱟᱱᱩᱨ
ᱣᱮᱵᱽᱥᱟᱭᱤᱴ	birbhum.nic.in

ᱠᱤᱨᱱᱟᱦᱟᱨ ᱥᱟᱢᱟᱝ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱚᱪᱷᱤᱢ ᱵᱟᱸᱜᱽᱞᱟ ᱨᱮᱱᱟᱜ ᱵᱚᱨᱫᱷᱚᱢᱟᱱ ᱠᱷᱚᱸᱰ ᱨᱮ ᱢᱮᱱᱟᱜ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱭᱟᱜ ᱵᱳᱞᱯᱩᱨ ᱪᱟᱸᱜᱟ ᱠᱷᱚᱸᱰ ᱨᱮᱭᱟᱜ ᱱᱟᱱᱩᱨ ᱥᱟᱶᱛᱟ ᱥᱩᱥᱟᱹᱨ ᱵᱚᱱᱚᱛ ᱨᱮᱱᱟᱜ ᱢᱤᱫ ᱟᱹᱛᱩ ᱠᱟᱱᱟ᱾

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

[Full screen]
ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱵᱳᱞᱯᱩᱨ ᱥᱟᱵᱰᱤᱵᱷᱤᱥᱟᱱ ᱨᱮᱱᱟᱜ ᱥᱟᱦᱟᱨ ᱟᱨ ᱱᱟᱜᱟᱨ ᱠᱚ M: ᱢᱤᱭᱩᱱᱤᱥᱤᱯᱟᱞᱤᱴᱤ ᱥᱟᱦᱟᱨ/ ᱴᱟᱭᱩᱱ, CT: ᱦᱚᱲᱞᱮᱠᱷᱟ ᱥᱟᱦᱟᱨ, R: ᱟᱹᱛᱩ/ ᱵᱟᱡᱟᱨ, U: ᱡᱮᱜᱮᱛ ᱵᱤᱨᱫᱟᱹᱜᱟᱲ. Owing to space constraints in the small map, the actual locations in a larger map may vary slightly

ᱴᱷᱟᱹᱶᱠᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱤᱨᱱᱟᱦᱟᱨ ᱨᱮᱱᱟᱜ ᱴᱷᱟᱹᱶᱠᱟᱹ ᱦᱩᱭᱩᱜ ᱠᱟᱱᱟ 23°45′N 87°52′E / 23.75°N 87.87°E / 23.75; 87.87᱾^[᱒] ᱱᱚᱣᱟ ᱫᱚ ᱫᱚᱨᱭᱟ ᱟᱴᱮᱫ ᱠᱷᱚᱱ ᱒᱙ ᱢᱤᱴᱟᱨ (᱙᱕ ᱯᱷᱩᱴ) ᱪᱮᱛᱟᱱ ᱨᱮ ᱢᱮᱱᱟᱜᱼᱟ᱾

ᱠᱤᱨᱱᱟᱦᱟᱨ ᱫᱚ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱥᱟᱢᱟᱝᱼᱠᱚᱧᱮ ᱥᱮᱫ ᱚᱡᱚᱭ ᱜᱟᱰᱟ ᱟᱨ ᱢᱳᱨ ᱜᱟᱰᱟ ᱨᱮᱱᱟᱜ ᱯᱩᱞᱤ ᱥᱟᱹᱢᱩᱱ ᱦᱟᱥᱟ ᱨᱮᱢᱮᱱᱟᱜᱼᱟ᱾ ᱱᱚᱰᱮ ᱫᱚ ᱢᱟᱨᱪ ᱠᱷᱚᱱ ᱢᱮ ᱪᱟᱸᱫᱚ ᱞᱚᱞᱚ ᱨᱚᱦᱚᱨ ᱥᱤᱛᱩᱝ ᱨᱤᱛᱩ ᱟᱨ ᱡᱩᱞᱟᱭ ᱠᱷᱚᱱ ᱥᱮᱯᱴᱮᱢᱵᱚᱨ ᱦᱟᱹᱵᱤᱫ ᱢᱚᱶᱥᱩᱢᱤ ᱦᱚᱭ ᱦᱤᱥᱤᱫ ᱠᱷᱟᱹᱛᱤᱨ ᱡᱟᱹᱯᱩᱫ ᱨᱤᱛᱩ ᱨᱮᱭ ᱫᱟᱜᱼᱡᱟᱹᱨᱤᱭᱟ᱾ ᱱᱚᱣᱟ ᱚᱠᱛᱚ ᱨᱮᱜᱮ ᱥᱮᱨᱢᱟ ᱨᱮᱱᱟᱜ ᱗᱔% ᱫᱟᱜᱼᱡᱟᱹᱨᱤ ᱦᱩᱭ ᱵᱟᱨᱟᱜᱼᱟ᱾^[᱓]

ᱥᱟᱥᱚᱱᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱨᱵᱷᱩᱢ ᱡᱤᱞᱟᱹ ᱯᱚᱨᱤᱥᱚᱫ^{[permanent dead link]}.^[᱔] ᱨᱮ ᱢᱮᱱᱟᱜ ᱱᱟᱱᱩᱨ ᱵᱚᱱᱚᱛ, ᱱᱟᱱᱩᱨ ᱯᱚᱧᱪᱟᱭᱮᱛ ᱜᱟᱶᱛᱟ ᱨᱮᱱᱟᱜ ᱵᱟᱨᱭᱟ ᱯᱚᱧᱪᱟᱭᱮᱛ ᱦᱩᱭᱩᱜ ᱠᱟᱱᱟ ᱠᱤᱨᱱᱟᱦᱟᱨ ᱑ ᱟᱨ ᱠᱤᱨᱱᱟᱦᱟᱨ ᱒ ᱯᱚᱧᱪᱟᱭᱮᱛ᱾ ᱠᱤᱨᱱᱟᱦᱟᱨ ᱨᱮ ᱢᱤᱫ ᱯᱳᱞᱤᱥ ᱯᱷᱟᱹᱲᱤ ᱦᱚ ᱢᱮᱱᱟᱜᱼᱟ᱾

ᱦᱮᱡᱽᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱤᱨᱱᱟᱦᱟᱨ ᱨᱮᱞ ᱴᱨᱮᱥᱚᱱ ᱫᱚ ᱕᱒ ᱠᱤᱞᱳᱢᱤᱴᱟᱨ ᱡᱤᱞᱤᱝ ᱟᱦᱢᱮᱫᱯᱩᱨ ᱠᱟᱴᱳᱣᱟ ᱨᱮᱞ ᱰᱟᱦᱟᱨ ᱛᱟᱞᱟ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱫᱚ ᱦᱚᱱᱚᱛ ᱨᱮᱱᱟᱜ ᱮᱴᱟᱜ ᱥᱟᱦᱟᱨ ᱵᱳᱞᱯᱩᱨ, ᱥᱩᱨᱤ, ᱟᱦᱢᱚᱫᱯᱩᱨ, ᱨᱟᱢᱯᱩᱨᱦᱟᱴ ᱟᱨ ᱥᱩᱨ ᱠᱚᱨᱮᱱᱟᱜ ᱦᱚᱱᱚᱛ ᱢᱩᱨᱥᱤᱫᱟᱵᱟᱫᱽ ᱟᱨ ᱵᱚᱨᱫᱷᱚᱢᱟᱱ ᱥᱟᱞᱟᱜ ᱵᱟᱥ ᱦᱚᱨ ᱛᱮ ᱡᱚᱯᱨᱟᱣ ᱢᱮᱱᱟᱜᱼᱟ᱾ ᱚᱱᱟ ᱥᱟᱶ ᱥᱮᱛᱟᱜ ᱕ᱺ᱑᱐ ᱟᱨ ᱖ᱺ᱐᱐ ᱨᱮ ᱫᱤᱱᱚᱢ ᱦᱤᱞᱳᱜ ᱠᱤᱨᱱᱟᱦᱟᱨ ᱠᱷᱚᱱ ᱠᱚᱞᱠᱟᱛᱟ ᱛᱮ ᱵᱟᱨᱭᱟ ᱵᱟᱥ ᱥᱮᱱᱚᱜᱼᱟ᱾

ᱠᱟᱹᱣᱰᱤᱭᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱹᱰᱤ ᱫᱤᱱ ᱠᱷᱚᱱ ᱜᱮ ᱱᱚᱣᱟ ᱟᱹᱛᱩ ᱨᱮ ᱦᱟᱯᱛᱟ ᱨᱮ ᱢᱤᱫ ᱵᱟᱡᱟᱨ ᱵᱟᱹᱭᱥᱟᱹᱜᱼᱟ᱾ ᱡᱟᱦᱟ ᱫᱚ ᱱᱚᱰᱮ "ᱦᱟᱴ" ᱢᱮᱱᱛᱮ ᱵᱟᱲᱟᱭᱚᱜᱼᱟ᱾ ᱱᱚᱰᱮ ᱟᱭᱢᱟ ᱞᱮᱠᱟᱱ ᱩᱛᱩᱛᱮᱭᱟᱜ ᱥᱟᱶ ᱫᱤᱱᱚᱢ ᱫᱤᱱ ᱵᱮᱵᱦᱟᱨᱚᱜᱠᱟᱱ ᱡᱤᱱᱤᱥ ᱠᱚ ᱧᱟᱢᱚᱜᱼᱟ᱾ ᱚᱠᱛᱚ ᱥᱟᱶ ᱥᱟᱶ ᱛᱮ ᱱᱚᱣᱟ ᱦᱟᱴ ᱨᱮᱱᱟᱜ ᱞᱟᱹᱠᱛᱤ ᱰᱷᱤᱨᱮᱱ ᱛᱮ ᱱᱚᱣᱟ ᱫᱚ ᱫᱤᱱᱚᱢ ᱦᱤᱞᱳᱜ ᱜᱮ ᱵᱟᱹᱭᱥᱟᱹᱜ ᱠᱟᱱᱟ᱾ ᱨᱟᱥᱡᱟᱛᱲᱟ ᱚᱠᱛᱚ ᱨᱮ ᱱᱚᱰᱮ ᱢᱤᱫ ᱢᱮᱞᱟ ᱦᱩᱭᱩᱜᱼᱟ᱾^[᱕]

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱤᱨᱱᱟᱦᱟᱨ ᱨᱮ ᱵᱟᱨᱭᱟ ᱩᱪᱪᱷᱚ ᱢᱟᱫᱫᱷᱚᱢᱤᱠ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ᱾ ᱱᱚᱣᱟ ᱠᱤᱱ ᱫᱚ ᱑. ᱠᱤᱨᱱᱟᱦᱟᱨ ᱥᱤᱵᱽ ᱪᱚᱱᱫᱽᱨᱚ ᱩᱥᱩᱞ ᱵᱤᱨᱫᱟᱹᱜᱟᱲ ᱒. ᱠᱤᱨᱱᱟᱦᱟᱨ ᱛᱟᱨᱟᱯᱚᱫᱚ ᱢᱮᱢᱚᱨᱤᱭᱟᱞ ᱛᱤᱨᱞᱟᱹ ᱩᱥᱩᱞ ᱵᱤᱨᱫᱟᱹᱜᱟᱲ᱾

ᱯᱩᱭᱞᱩ ᱨᱮᱱᱟᱜ ᱫᱚ ᱵᱤᱨᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱢᱟᱬᱮ ᱵᱤᱨᱫᱟᱹᱜᱟᱲ ᱠᱚ ᱢᱩᱫ ᱨᱮ ᱢᱤᱫ ᱴᱟᱝ ᱠᱟᱱᱟ᱾ ᱱᱚᱣᱟ ᱫᱚ ᱑᱘᱙᱕ ᱥᱮᱨᱢᱟ ᱨᱮ ᱥᱚᱨᱠᱟᱨ ᱡᱚᱢᱤᱫᱟᱨ ᱥᱤᱵᱽ ᱪᱚᱱᱫᱽᱨᱚ ᱥᱚᱨᱠᱟᱨ ᱟᱜ ᱮᱢᱟᱠᱟᱱ ᱡᱟᱜᱟ ᱨᱮ ᱵᱮᱱᱟᱣ ᱦᱩᱭ ᱟᱠᱟᱱᱟ᱾ ᱩᱱᱤ ᱨᱮᱱ ᱯᱮᱭᱟ ᱜᱤᱫᱽᱨᱟᱹ ᱥᱚᱛᱭᱮᱥ ᱪᱚᱱᱫᱽᱨᱚ ᱥᱚᱨᱠᱟᱨ, ᱥᱩᱨᱮᱥ ᱪᱚᱱᱫᱽᱨᱚ ᱥᱚᱨᱠᱟᱨ ᱟᱨ ᱥᱚᱭᱵᱮᱥ ᱪᱚᱱᱫᱽᱨᱚ ᱥᱚᱨᱠᱟᱨ ᱱᱚᱣᱟ ᱵᱤᱨᱫᱟᱹᱜᱟᱲ ᱵᱮᱱᱟᱣ ᱠᱟᱛᱮᱡ ᱟᱡᱟᱜ ᱠᱩᱠᱢᱩ ᱠᱚ ᱯᱩᱨᱟᱹᱣ ᱞᱮᱫᱟ᱾ ᱱᱚᱣᱟ ᱵᱤᱨᱫᱟᱹᱜᱟᱲ ᱨᱮ ᱟᱭᱢᱟ ᱧᱩᱛᱩᱢᱟᱱ ᱢᱟᱹᱱᱢᱤ ᱠᱚ ᱯᱟᱨᱦᱟᱣ ᱞᱮᱱᱟ᱾ ᱱᱩᱠᱩ ᱠᱚ ᱫᱚ ᱫᱮᱵᱽᱱᱟᱛᱷ ᱫᱟᱥ (ᱡᱟᱦᱟᱭ ᱫᱚ ᱱᱮᱛᱟᱡᱤ ᱨᱮᱱ ᱜᱚᱨᱚᱭᱤᱡ ᱮ ᱛᱟᱦᱮ ᱠᱟᱱᱟ), ᱯᱨᱚᱬᱚᱵᱽ ᱢᱩᱠᱷᱟᱨᱡᱤ (᱒᱐᱑᱒ - ᱒᱐᱑᱗ ᱨᱮ ᱥᱤᱧᱚᱛ ᱨᱮᱱ ᱨᱟᱥᱴᱨᱚᱯᱚᱛᱤ), ᱢᱤᱱᱟᱞ ᱴᱷᱟᱠᱩᱨ ᱮᱢᱟᱱ᱾

ᱠᱤᱨᱱᱟᱦᱟᱨ ᱟᱨ ᱚᱱᱟ ᱟᱰᱮᱯᱟᱥᱮ ᱠᱚᱨᱮᱱᱟᱜ ᱥᱚᱨᱠᱟᱨᱤ ᱜᱚᱨᱚᱥᱚᱦᱮᱫ ᱯᱨᱟᱭᱢᱟᱨᱤ ᱵᱤᱨᱫᱟᱹᱜᱟᱲ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ

᱑. ᱠᱤᱨᱱᱟᱦᱟᱨ ᱡᱩᱱᱤᱭᱚᱨ ᱵᱮᱥᱤᱠ ᱥᱠᱩᱞ᱾

᱒.ᱩᱛᱛᱟᱹᱨ ᱠᱤᱨᱱᱟᱦᱟᱨ ᱯᱨᱟᱭᱢᱟᱨᱤ ᱥᱠᱩᱞ᱾

᱓. ᱠᱤᱨᱱᱟᱦᱟᱨ ᱱᱚᱵᱤᱱ ᱪᱚᱱᱫᱽᱨᱚ ᱥᱢᱤᱨᱛᱤ ᱯᱨᱟᱭᱢᱟᱨᱤ ᱥᱠᱩᱞ᱾

᱔. ᱠᱤᱨᱱᱟᱦᱟᱨ ᱞᱚᱠᱠᱷᱤᱢᱟᱛᱟ ᱯᱨᱟᱭᱢᱟᱨᱤ ᱥᱠᱩᱞ᱾

᱕. ᱯᱟᱨᱳᱛᱟ ᱯᱨᱟᱭᱢᱟᱨᱤ ᱥᱠᱩᱞ᱾

᱖. ᱢᱟᱦᱮᱥᱜᱨᱟᱢ ᱯᱨᱟᱭᱢᱟᱨᱤ ᱥᱠᱩᱞ᱾

᱗. ᱱᱤᱢᱨᱚᱦᱟ ᱯᱨᱟᱭᱢᱟᱨᱤ ᱥᱠᱩᱞ᱾

᱘. ᱥᱚᱝᱠᱷᱚ'ᱥ ᱥᱠᱩᱞ᱾

ᱧᱩᱛᱩᱢᱟᱱ ᱢᱟᱹᱱᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲᱢᱚᱥᱟᱶᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

↑ http://www.census2011.co.in/data/village/317646-kirnahar-west-bengal.html
↑ Falling Rain Genomics, Inc - Kirnahar
↑ Choudhuri, Tapan, Unnayaner alokey Birbhum, Paschim Banga , Birbhum Special Issue, February 2006, pp. 60-61, Information & Cultural Department, Government of West Bengal.
↑ "Admin Reports of NPP". Details of West Bengal till Village Panchayat Tier. Ministry of Panchayati Raj, Government of India. Archived from the original on 2011-10-14. Retrieved 2007-09-12.
↑ Mukhopadhyay Aditya, Birbhumer Mela, Paschim Banga , Birbhum Special Issue, February 2006, pp. 204-05, Information & Cultural Department, Government of West Bengal.

[1] ttp://www.census2011.co.in/data/village/317646-kirnahar-west-bengal.html

[2] Falling Rain Genomics, Inc - Kirnahar

[3] Choudhuri, Tapan, Unnayaner alokey Birbhum, Paschim Banga , Birbhum Special Issue, February 2006, pp. 60-61, Information & Cultural Department, Government of West Bengal.

[4] "Admin Reports of NPP". Details of West Bengal till Village Panchayat Tier. Ministry of Panchayati Raj, Government of India. Archived from the original on 2011-10-14. Retrieved 2007-09-12.

[5] Mukhopadhyay Aditya, Birbhumer Mela, Paschim Banga , Birbhum Special Issue, February 2006, pp. 204-05, Information & Cultural Department, Government of West Bengal.

[᱑]

[᱒]

[᱓]

[᱔]

[᱕]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]