ᱠᱤᱭᱳᱴᱳ ᱯᱨᱳᱴᱳᱠᱚᱞ
| UNFCCC ᱞᱟᱹᱜᱤᱫ ᱠᱤᱭᱳᱴᱳ ᱯᱨᱳᱴᱳᱠᱚᱞ | |
|---|---|
 ᱫᱚᱥᱟᱨ ᱚᱠᱛᱚ ᱨᱮ ᱵᱮᱫᱷᱟᱣ ᱡᱚᱥ ᱥᱟᱶ ᱮᱱᱮᱠᱥ B ᱯᱟᱨᱴᱤ ᱠᱚ ᱯᱩᱞᱩ ᱚᱠᱛᱚ ᱨᱮ ᱵᱮᱫᱷᱟᱣ ᱡᱚᱥ ᱥᱟᱶ ᱮᱱᱮᱠᱥ B ᱯᱟᱨᱴᱤ ᱠᱚ ᱢᱮᱱᱠᱷᱟᱱ ᱫᱚᱥᱟᱨ ᱨᱮ ᱫᱚ ᱵᱟᱝ ᱵᱮᱫᱷᱟᱣ ᱡᱚᱥ ᱵᱟᱹᱱᱩᱜ ᱠᱚ ᱱᱚᱱ-ᱮᱱᱮᱠᱥ B ᱯᱟᱨᱴᱤ ᱠᱚ ᱯᱩᱞᱩ ᱚᱠᱛᱚ ᱨᱮ ᱵᱮᱫᱷᱟᱣ ᱡᱚᱥ ᱥᱟᱶ ᱮᱱᱮᱠᱥ B ᱯᱟᱨᱴᱤ ᱠᱚ ᱢᱮᱱᱠᱷᱟᱱ ᱡᱟᱦᱟᱸᱭ ᱫᱚ ᱯᱨᱳᱴᱳᱠᱚᱞ ᱠᱷᱚᱱ ᱠᱚ ᱩᱰᱩᱠ ᱮᱱᱟ ᱯᱨᱳᱴᱳᱠᱚᱞ ᱨᱮ ᱥᱩᱦᱤ ᱟᱠᱟᱫ ᱢᱮᱱᱠᱷᱟᱱ ᱵᱟᱝ ᱠᱚ ᱢᱟᱱᱚᱛ ᱟᱠᱟᱫ ᱫᱤᱥᱚᱢ ᱠᱚ ᱮᱴᱟᱜ ᱡᱟᱹᱛᱤ ᱜᱟᱫᱮᱞ ᱨᱮᱱ ᱥᱚᱦᱮᱫ ᱠᱚ ᱟᱨ ᱧᱮᱞᱮᱞᱤᱭᱟᱹ ᱠᱚ ᱡᱟᱦᱟᱸᱭ ᱯᱨᱳᱴᱳᱠᱚᱞ ᱨᱮ ᱵᱟᱹᱱᱩᱜ ᱠᱚᱣᱟ | |
| ᱥᱩᱦᱤ ᱢᱟᱹᱦᱤᱛ | [᱑] |
| ᱴᱷᱟᱶ | ᱠᱤᱭᱳᱴᱳ, ᱡᱟᱯᱟᱱ |
| ᱞᱟᱹᱜᱩ ᱢᱟᱹᱦᱤᱛ | ᱑᱖ ᱯᱷᱮᱵᱽᱨᱩᱣᱟᱨᱤ ᱒᱐MD᱕[᱑] |
| ᱞᱟᱹᱜᱩ ᱨᱮᱱᱟᱜ ᱥᱚᱨᱛᱚ | ᱠᱚᱢ ᱠᱷᱚᱱ ᱠᱚᱢ ᱕᱕ ᱜᱚᱴᱟᱝ ᱫᱤᱥᱚᱢ ᱦᱚᱛᱮᱛᱮ ᱢᱟᱱᱚᱛ |
| ᱢᱩᱪᱟᱹᱫ ᱮᱱᱟ | ᱓᱑ ᱰᱤᱥᱮᱢᱵᱚᱨ ᱒᱐᱑᱒ (ᱯᱩᱞᱩ ᱚᱠᱛᱚ)[᱒] ᱓᱑ ᱰᱤᱥᱮᱢᱵᱚᱨ ᱒᱐᱒᱐ (ᱫᱚᱥᱟᱨ ᱚᱠᱛᱚ)[᱓] |
| ᱥᱩᱦᱤᱭᱟᱹ ᱠᱚ | ᱘᱔[᱑] (᱑᱙᱙᱘-᱑᱙᱙᱙ ᱥᱩᱦᱤ ᱚᱠᱛᱚ) |
| ᱯᱟᱦᱴᱟ ᱠᱚ | ᱑᱙᱒[᱔][᱕] (ᱤᱣᱨᱳᱯᱤᱭᱟᱱ ᱤᱣᱱᱤᱭᱟᱱ, ᱠᱩᱠ ᱟᱭᱞᱮᱱᱰᱥ, ᱱᱤᱣᱩ, ᱟᱨ ᱒᱐᱒᱒ ᱫᱷᱟᱵᱤᱡ ᱮᱱᱰᱳᱨᱟ, ᱠᱟᱱᱟᱰᱟ, ᱠᱚᱧᱮ ᱥᱩᱫᱟᱱ, ᱟᱨ ᱟᱢᱮᱨᱤᱠᱟ ᱵᱮᱜᱚᱨ ᱡᱚᱛᱚ ᱡᱟᱹᱛᱤ ᱜᱟᱫᱮᱞ ᱨᱮᱱ ᱥᱚᱦᱮᱫ ᱫᱤᱥᱚᱢ ᱠᱚ) |
| ᱡᱚᱢᱟᱫᱟᱨ | ᱡᱟᱹᱛᱤ ᱜᱟᱫᱮᱞ ᱨᱮᱱ ᱢᱩᱞ ᱥᱩᱛᱨᱮᱛ |
| ᱯᱟᱹᱨᱥᱤ ᱠᱚ | ᱟᱨᱚᱵᱤᱠ, ᱢᱟᱱᱰᱟᱨᱤᱱ, ᱤᱝᱞᱤᱥ, ᱯᱷᱨᱮᱸᱪ, ᱨᱩᱥᱤᱭᱟᱱ, ᱟᱨ ᱥᱯᱮᱱᱤᱥ |
| ᱯᱩᱨᱟᱹ ᱚᱞ | |
 Kyoto Protocol ᱣᱤᱠᱤᱥᱳᱨᱥ ᱨᱮ Wikisource | |
| ᱠᱤᱭᱳᱴᱳ ᱯᱨᱳᱴᱳᱠᱚᱞ ᱨᱮᱱᱟᱜ ᱫᱳᱦᱟ ᱥᱩᱫᱷᱨᱟᱹᱣ | |
|---|---|
 ᱫᱳᱦᱟ ᱥᱩᱫᱷᱨᱟᱹᱣ ᱨᱮᱱᱟᱜ ᱢᱟᱱᱚᱛ
ᱫᱤᱥᱚᱢ ᱠᱚ ᱡᱟᱦᱟᱸᱭ ᱠᱚ ᱢᱟᱱᱚᱛ ᱟᱠᱟᱫᱼᱟ
ᱠᱤᱭᱳᱴᱳ ᱯᱨᱳᱴᱳᱠᱚᱞ ᱨᱮᱱ ᱯᱟᱨᱴᱤ ᱠᱚ ᱡᱟᱦᱟᱸᱭ ᱵᱟᱝ ᱠᱚ ᱢᱟᱱᱚᱛ ᱟᱠᱟᱫᱼᱟ
ᱠᱤᱭᱳᱴᱳ ᱯᱨᱳᱴᱳᱠᱚᱞ ᱨᱮ ᱵᱟᱹᱱᱩᱜ ᱠᱚ ᱫᱤᱥᱚᱢ ᱠᱚ | |
| ᱞᱮᱠᱟᱱ | ᱡᱟᱹᱛᱤᱭᱟᱹᱨᱤ ᱪᱩᱠᱛᱤ ᱨᱮᱱᱟᱜ ᱥᱩᱫᱷᱨᱟᱹᱣ |
| ᱠᱷᱚᱥᱲᱟ ᱵᱮᱱᱟᱣ ᱢᱟᱹᱦᱤᱛ | ᱘ ᱰᱤᱥᱮᱢᱵᱚᱨ ᱒᱐᱑᱒ |
| ᱴᱷᱟᱶ | ᱫᱳᱦᱟ, ᱠᱟᱛᱟᱨ |
| ᱞᱟᱹᱜᱩ ᱢᱟᱹᱦᱤᱛ | ᱓᱑ ᱰᱤᱥᱮᱢᱵᱚᱨ ᱒᱐᱒᱐[᱖] |
| ᱞᱟᱹᱜᱩ ᱨᱮᱱᱟᱜ ᱥᱚᱨᱛᱚ | ᱑᱔᱔ ᱜᱚᱴᱟᱝ ᱫᱤᱥᱚᱢ ᱯᱟᱨᱴᱤ ᱠᱚᱣᱟᱜ ᱢᱟᱱᱚᱛ ᱞᱟᱹᱠᱛᱤ ᱠᱟᱱᱟ |
| ᱢᱩᱪᱟᱹᱫ ᱢᱟᱹᱦᱤᱛ | ᱓᱑ ᱰᱤᱥᱮᱢᱵᱚᱨ ᱒᱐᱒᱐[᱗] |
| ᱥᱟᱹᱨᱤᱭᱟᱹᱛ ᱠᱚ | ᱑᱔᱗[᱖] |
| ᱯᱩᱨᱟᱹ ᱚᱞ | |
| Doha Amendment to the Kyoto Protocol ᱣᱤᱠᱤᱥᱳᱨᱥ ᱨᱮ Wikisource | |
ᱠᱤᱭᱳᱴᱳ ᱯᱨᱳᱴᱳᱠᱚᱞ (ᱡᱟᱯᱟᱱᱤᱥ: 京都議定書 | ᱠᱤᱭᱳᱴᱳ ᱜᱤᱛᱮᱭᱥᱚ) ᱫᱚ ᱢᱤᱫ ᱡᱟᱹᱛᱤᱭᱟᱹᱨᱤ ᱪᱩᱠᱛᱤ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱑᱙᱙᱒ ᱨᱮᱱᱟᱜ ᱡᱟᱹᱛᱤ ᱜᱟᱫᱮᱞ ᱦᱚᱭ-ᱦᱤᱥᱤᱫ ᱵᱚᱫᱚᱞ ᱪᱷᱟᱸᱪ ᱦᱮᱡ ᱞᱮᱠᱟᱛᱮ (UNFCCC) ᱵᱟᱲᱦᱟᱣ ᱞᱮᱫᱼᱟ᱾ ᱱᱚᱣᱟ ᱫᱚ ᱥᱚᱦᱮᱫ ᱫᱤᱥᱚᱢ ᱠᱚ ᱜᱽᱨᱤᱱᱦᱟᱣᱩᱥ ᱜᱮᱥ ᱚᱪᱚᱠ ᱠᱚᱢ ᱞᱟᱹᱜᱤᱫ ᱮ ᱵᱟᱫᱷᱟᱣ ᱮᱫ ᱠᱚᱣᱟ, ᱡᱟᱦᱟᱸ ᱫᱚ ᱥᱟᱬᱮᱥᱤᱭᱟᱹ ᱥᱟᱹᱦᱤ ᱟᱹᱭᱫᱟᱹᱨᱤ ᱪᱮᱛᱟᱱ ᱵᱷᱤᱛᱤ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱡᱮ ᱫᱷᱟᱹᱨᱛᱤ ᱞᱚᱞᱚ ᱵᱟᱲᱦᱟᱜ ᱠᱟᱱᱟ (global warming) ᱟᱨ ᱢᱟᱹᱱᱢᱤ ᱦᱚᱛᱮᱛᱮ ᱵᱮᱱᱟᱣ ᱠᱟᱨᱵᱚᱱ ᱰᱟᱭᱚᱠᱥᱟᱭᱤᱰ (CO2) ᱵᱟᱹᱜᱤ ᱜᱮ ᱱᱚᱣᱟ ᱨᱮᱱᱟᱜ ᱢᱩᱞ ᱠᱟᱨᱚᱱ ᱠᱟᱱᱟ᱾ ᱠᱤᱭᱳᱴᱳ ᱯᱨᱳᱴᱳᱠᱚᱞ ᱫᱚ ᱡᱟᱯᱟᱱ ᱨᱮᱱᱟᱜ ᱠᱤᱭᱳᱴᱳ ᱨᱮ ᱑᱑ ᱰᱤᱥᱮᱢᱵᱚᱨ ᱑᱙᱙᱗ ᱨᱮ ᱟᱸᱜᱚᱪ ᱞᱮᱱᱟ ᱟᱨ ᱑᱖ ᱯᱷᱮᱵᱽᱨᱩᱣᱟᱨᱤ ᱒᱐MD᱕ ᱨᱮ ᱞᱟᱹᱜᱩ ᱞᱮᱱᱟ᱾ ᱒0᱒0 ᱨᱮ ᱱᱚᱣᱟ ᱯᱨᱳᱴᱳᱠᱚᱞ ᱨᱮ ᱑᱙᱒ ᱜᱚᱴᱟᱝ ᱥᱚᱦᱮᱫ ᱠᱚ ᱛᱟᱦᱮᱸ ᱠᱟᱱᱟ (ᱠᱟᱱᱟᱰᱟ ᱫᱚ ᱰᱤᱥᱮᱢᱵᱚᱨ ᱒᱐᱑᱒ ᱠᱷᱚᱱ ᱱᱚᱣᱟ ᱯᱨᱳᱴᱳᱠᱚᱞ ᱠᱷᱚᱱ ᱮ ᱩᱰᱩᱠ ᱮᱱᱟ)᱾[᱕]
ᱠᱤᱭᱳᱴᱳ ᱯᱨᱳᱴᱳᱠᱚᱞ ᱫᱚ UNFCCC ᱨᱮᱱᱟᱜ ᱡᱚᱥ ᱠᱚ ᱞᱟᱹᱜᱩ ᱞᱮᱫᱼᱟ ᱡᱮ ᱦᱚᱭ-ᱦᱤᱥᱤᱫ ᱨᱮ ᱜᱽᱨᱤᱱᱦᱟᱣᱩᱥ ᱜᱮᱥ ᱨᱮᱱᱟᱜ ᱢᱮᱥᱟ ᱠᱚ ᱠᱚᱢ ᱠᱟᱛᱮ ᱫᱷᱟᱹᱨᱛᱤ ᱞᱚᱞᱚ ᱵᱟᱲᱦᱟᱜ ᱨᱮᱱᱟᱜ ᱦᱩᱭ ᱫᱟᱲᱮᱭᱟᱜ ᱠᱚ ᱠᱚᱢ ᱦᱩᱭᱩᱜᱼᱟ, ᱡᱮᱢᱚᱱ "ᱦᱚᱭ-ᱦᱤᱥᱤᱫ ᱵᱚᱱᱫᱚᱵᱚᱥᱛ ᱨᱮ ᱢᱟᱹᱱᱢᱤ ᱦᱚᱛᱮᱛᱮ ᱦᱩᱭᱩᱜ ᱵᱚᱛᱚᱨᱟᱱ ᱮᱥᱮᱨ ᱠᱷᱚᱱ ᱵᱟᱧᱪᱟᱣ ᱧᱟᱢᱚᱜᱼᱟ" (ᱟᱨᱴᱤᱠᱮᱞ ᱒)᱾ ᱠᱤᱭᱳᱴᱳ ᱯᱨᱳᱴᱳᱠᱚᱞ ᱫᱚ ᱮᱱᱮᱠᱥ ᱮ (Annex A) ᱨᱮ ᱚᱞ ᱟᱠᱟᱱ ᱮᱭᱟᱭ ᱜᱚᱴᱟᱝ ᱜᱨᱤᱱᱦᱟᱣᱩᱥ ᱜᱮᱥ ᱪᱮᱛᱟᱱ ᱨᱮ ᱞᱟᱹᱜᱩ ᱞᱮᱱᱟ: ᱠᱟᱨᱵᱚᱱ ᱰᱟᱭᱚᱠᱥᱟᱭᱤᱰ (CO2), ᱢᱤᱛᱷᱮᱱ (CH4), ᱱᱟᱭᱴᱨᱟᱥ ᱚᱠᱥᱟᱭᱤᱰ (N2O), ᱦᱟᱭᱰᱨᱳᱯᱷᱞᱳᱨᱳᱠᱟᱨᱵᱚᱱ (HFCs), ᱯᱟᱨᱯᱷᱞᱳᱨᱳᱠᱟᱨᱵᱚᱱ (PFCs), ᱥᱟᱞᱯᱷᱟᱨ ᱦᱮᱠᱥᱟᱯᱷᱞᱳᱨᱟᱭᱤᱰ (SF6), ᱟᱨ ᱱᱟᱭᱴᱨᱳᱡᱮᱱ ᱴᱨᱟᱭᱯᱷᱞᱳᱨᱟᱭᱤᱰ (NF3) ᱾[᱘] ᱫᱳᱦᱟ ᱜᱟᱞᱢᱟᱨᱟᱣ ᱚᱠᱛᱚ ᱨᱮ ᱫᱚᱥᱟᱨ ᱞᱟᱹᱜᱩ ᱚᱠᱛᱚ ᱞᱟᱹᱜᱤᱫ ᱱᱟᱭᱴᱨᱳᱡᱮᱱ ᱴᱨᱟᱭᱯᱷᱞᱳᱨᱟᱭᱤᱰ ᱫᱚ ᱥᱮᱞᱮᱫ ᱞᱮᱱᱟ ᱾[᱙]
ᱱᱚᱣᱟ ᱯᱨᱳᱴᱳᱠᱚᱞ ᱫᱚ 'ᱥᱟᱶᱛᱮ ᱢᱮᱱᱠᱷᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱡᱤᱢᱮᱫᱟᱨᱤ' ᱨᱮᱱᱟᱜ ᱵᱷᱤᱛᱤ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱱᱟ: ᱱᱚᱣᱟ ᱫᱚ ᱥᱟᱹᱦᱤ ᱠᱮᱫᱼᱟ ᱡᱮ ᱦᱚᱭ-ᱦᱤᱥᱤᱫ ᱵᱚᱫᱚᱞ ᱵᱤᱨᱩᱫᱷ ᱨᱮ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱡᱚᱛᱚ ᱫᱤᱥᱚᱢ ᱨᱮᱱᱟᱜ ᱠᱟᱹᱣᱰᱤᱭᱟᱹᱨᱤ ᱞᱟᱦᱟᱱᱛᱤ ᱞᱮᱠᱟᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱫᱟᱲᱮ ᱢᱮᱱᱟᱜᱼᱟ, ᱟᱨ ᱚᱱᱟ ᱛᱮ ᱱᱤᱛᱚᱜ ᱵᱟᱹᱜᱤ ᱜᱮᱥ ᱠᱚᱢ ᱨᱮᱱᱟᱜ ᱡᱤᱢᱮᱫᱟᱨᱤ ᱫᱚ ᱞᱟᱦᱟᱣᱟᱠᱟᱱ ᱫᱤᱥᱚᱢ ᱠᱚ ᱪᱮᱛᱟᱱ ᱨᱮ ᱮᱢ ᱞᱮᱱᱟ, ᱪᱮᱫᱟᱜ ᱥᱮ ᱦᱚᱭ-ᱦᱤᱥᱤᱫ ᱨᱮ ᱢᱮᱱᱟᱜ ᱜᱨᱤᱱᱦᱟᱣᱩᱥ ᱜᱮᱥ ᱞᱟᱹᱜᱤᱫ ᱩᱱᱠᱩ ᱜᱮ ᱱᱟᱜᱟᱢ ᱞᱮᱠᱟᱛᱮ ᱫᱟᱹᱭᱤ ᱜᱮᱭᱟ ᱠᱚ ᱾ ᱯᱨᱳᱴᱳᱠᱚᱞ ᱨᱮᱱᱟᱜ ᱯᱩᱞᱩ ᱞᱟᱹᱜᱩ ᱚᱠᱛᱚ ᱫᱚ ᱒᱐0᱘ ᱨᱮ ᱮᱦᱚᱵ ᱞᱮᱱᱟ ᱟᱨ ᱒᱐᱑᱒ ᱨᱮ ᱪᱟᱵᱟ ᱞᱮᱱᱟ ᱾ ᱯᱩᱞᱩ ᱚᱠᱛᱚ ᱨᱮ ᱯᱩᱨᱟᱹ ᱥᱮᱞᱮᱫ ᱞᱮᱱ ᱡᱚᱛᱚ ᱓᱖ ᱜᱚᱴᱟᱝ ᱫᱤᱥᱚᱢ ᱯᱨᱳᱴᱳᱠᱚᱞ ᱨᱮᱱᱟᱜ ᱱᱤᱭᱚᱢ ᱠᱚ ᱢᱟᱱᱟᱣ ᱠᱮᱫᱼᱟ ᱾ ᱢᱮᱱᱠᱷᱟᱱ, ᱟᱨᱮ ᱜᱚᱴᱟᱝ ᱫᱤᱥᱚᱢ ᱫᱚ ᱮᱴᱟᱜ ᱫᱤᱥᱚᱢ ᱨᱮ ᱵᱟᱹᱜᱤ ᱜᱮᱥ ᱠᱚᱢ ᱞᱟᱹᱜᱤᱫ ᱠᱟᱹᱣᱰᱤ ᱜᱚᱲᱚ ᱮᱢ ᱠᱟᱛᱮ ᱱᱚᱣᱟ ᱨᱮᱱᱟᱜ ᱱᱤᱭᱚᱢ ᱠᱚ ᱯᱩᱨᱟᱹᱣ ᱠᱮᱫᱼᱟ, ᱪᱮᱫᱟᱜ ᱥᱮ ᱩᱱᱠᱩᱣᱟᱜ ᱫᱤᱥᱚᱢ ᱨᱮᱱᱟᱜ ᱵᱟᱹᱜᱤ ᱜᱮᱥ ᱫᱚ ᱮᱢ ᱟᱠᱟᱱ ᱡᱚᱥ ᱠᱷᱚᱱ ᱱᱟᱥᱮ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟ ᱾ ᱒᱐0᱘ ᱨᱮᱱᱟᱜ ᱠᱟᱹᱣᱰᱤᱟᱹᱨᱤ ᱢᱩᱦᱤᱢ ᱦᱚᱸ ᱵᱟᱹᱜᱤ ᱜᱮᱥ ᱠᱚᱢ ᱨᱮ ᱜᱚᱲᱚ ᱞᱮᱫᱼᱟ ᱾ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱵᱟᱹᱜᱤ ᱜᱮᱥ ᱠᱚᱢ ᱫᱚ ᱢᱟᱨᱮ ᱥᱟᱢᱟᱝ ᱵᱞᱚᱠ ᱫᱤᱥᱚᱢ ᱠᱚᱨᱮ ᱧᱮᱞ ᱞᱮᱱᱟ ᱪᱮᱫᱟᱜ ᱥᱮ ᱑᱙᱙᱐ ᱨᱮᱱᱟᱜ ᱮᱦᱚᱵ ᱥᱮᱨᱢᱟ ᱠᱚᱨᱮ ᱥᱳᱵᱷᱤᱭᱮᱛ ᱤᱣᱱᱤᱭᱚᱱ ᱨᱟᱹᱯᱩᱫᱮᱱ ᱛᱟᱭᱚᱢ ᱩᱱᱠᱩᱣᱟᱜ ᱠᱟᱹᱨᱜᱟᱲ ᱠᱚ ᱠᱚᱢ ᱞᱮᱱᱟ᱾[᱑᱐] ᱱᱚᱣᱟ ᱓᱖ ᱜᱚᱴᱟᱝ ᱞᱟᱦᱟᱣᱟᱠᱟᱱ ᱫᱤᱥᱚᱢ ᱠᱚ ᱟᱠᱚᱣᱟᱜ ᱵᱟᱹᱜᱤ ᱜᱮᱥ ᱠᱚ ᱠᱚᱢ ᱠᱮᱫ ᱨᱮᱦᱚᱸ, ᱑᱙᱙᱐ ᱠᱷᱚᱱ ᱒᱐᱑᱐ ᱵᱷᱤᱛᱤᱨ ᱨᱮ ᱫᱷᱟᱹᱨᱛᱤ ᱡᱟᱠᱟᱛ ᱨᱮᱱᱟᱜ ᱵᱟᱹᱜᱤ ᱜᱮᱥ ᱫᱚ ᱓᱒% ᱵᱟᱲᱦᱟᱣ ᱞᱮᱱᱟ᱾[᱑᱑] ᱒᱐᱑᱒ ᱨᱮ ᱢᱤᱫ ᱫᱚᱥᱟᱨ ᱞᱟᱹᱜᱩ ᱚᱠᱛᱚ ᱞᱟᱹᱜᱤᱫ ᱥᱟᱹᱦᱤ ᱞᱮᱱᱟ ᱡᱟᱦᱟᱸ ᱫᱚ ᱒᱐᱒᱐ ᱫᱷᱟᱵᱤᱡ ᱵᱟᱲᱦᱟᱣ ᱞᱮᱱᱟ, ᱱᱚᱣᱟ ᱫᱚ ᱠᱤᱭᱳᱴᱳ ᱯᱨᱳᱴᱳᱠᱚᱞ ᱨᱮᱱᱟᱜ ᱫᱳᱦᱟ ᱥᱩᱫᱷᱨᱟᱹᱣ ᱢᱮᱱᱛᱮ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱨᱮ ᱓᱗ ᱜᱚᱴᱟᱝ ᱫᱤᱥᱚᱢ ᱨᱮᱱᱟᱜ ᱵᱮᱫᱷᱟᱣ ᱡᱚᱥ ᱛᱟᱦᱮᱸ ᱠᱟᱱᱟ: ᱚᱥᱴᱨᱮᱞᱤᱭᱟ, ᱤᱣᱨᱳᱯᱤᱭᱟᱱ ᱤᱣᱱᱤᱭᱚᱱ (ᱟᱨ ᱚᱱᱟ ᱨᱮᱱ ᱩᱱ ᱡᱚᱠᱷᱟᱜ ᱨᱮᱱ ᱒᱘ ᱜᱚᱴᱟᱝ ᱥᱚᱦᱮᱫ ᱫᱤᱥᱚᱢ ᱠᱚ, ᱱᱤᱛᱚᱜ ᱫᱚ ᱒᱗), ᱵᱮᱞᱟᱨᱩᱥ, ᱟᱭᱤᱥᱞᱮᱱᱰ, ᱠᱟᱡᱟᱠᱥᱛᱟᱱ, ᱞᱤᱠᱴᱮᱱᱥᱴᱟᱭᱤᱱ, ᱱᱚᱨᱣᱮ, ᱥᱩᱭᱡᱚᱨᱞᱮᱱᱰ, ᱟᱨ ᱤᱣᱠᱨᱮᱱ᱾ ᱵᱮᱞᱟᱨᱩᱥ, ᱠᱟᱡᱟᱠᱥᱛᱟᱱ, ᱟᱨ ᱤᱣᱠᱨᱮᱱ ᱠᱚ ᱞᱟᱹᱭ ᱞᱮᱫᱼᱟ ᱡᱮ ᱩᱱᱠᱩ ᱠᱤᱭᱳᱴᱳ ᱯᱨᱳᱴᱳᱠᱚᱞ ᱠᱷᱚᱱ ᱠᱚ ᱩᱰᱩᱠ ᱫᱟᱲᱮᱭᱟᱜᱼᱟ ᱵᱟᱝᱠᱷᱟᱱ ᱫᱚᱥᱟᱨ ᱦᱟᱹᱴᱤᱧ ᱨᱮᱱᱟᱜ ᱡᱚᱥ ᱥᱟᱶ ᱱᱚᱣᱟ ᱥᱩᱫᱷᱨᱟᱹᱣ ᱫᱚ ᱟᱹᱱᱟᱹᱨᱤ ᱞᱮᱠᱟᱛᱮ ᱵᱟᱝ ᱠᱚ ᱞᱟᱹᱜᱩᱭᱟ᱾[᱑᱒] ᱡᱟᱯᱟᱱ, ᱱᱤᱣ ᱡᱤᱞᱮᱱᱰ, ᱟᱨ ᱨᱟᱥᱤᱭᱟ ᱫᱚ ᱠᱤᱭᱳᱴᱳ ᱨᱮᱱᱟᱜ ᱯᱩᱞᱩ ᱦᱟᱹᱴᱤᱧ ᱨᱮ ᱠᱚ ᱥᱮᱞᱮᱫ ᱞᱮᱱᱟ ᱢᱮᱱᱠᱷᱟᱱ ᱫᱚᱥᱟᱨ ᱞᱟᱹᱜᱩ ᱚᱠᱛᱚ ᱨᱮ ᱱᱟᱣᱟ ᱡᱚᱥ ᱵᱟᱝ ᱠᱚ ᱦᱟᱛᱟᱣ ᱞᱮᱫᱼᱟ᱾ ᱮᱴᱟᱜ ᱞᱟᱦᱟᱣᱟᱠᱟᱱ ᱫᱤᱥᱚᱢ ᱠᱚ ᱡᱟᱦᱟᱸᱭ ᱫᱚ ᱫᱚᱥᱟᱨ ᱦᱟᱹᱴᱤᱧ ᱨᱮᱱᱟᱜ ᱡᱚᱥ ᱨᱮ ᱵᱟᱝ ᱠᱚ ᱛᱟᱦᱮᱸ ᱠᱟᱱᱟ, ᱩᱱᱠᱩ ᱫᱚ ᱠᱟᱱᱟᱰᱟ (ᱡᱟᱦᱟᱸ ᱫᱚ ᱒᱐᱑2 ᱨᱮ ᱠᱤᱭᱳᱴᱳ ᱯᱨᱳᱴᱳᱠᱚᱞ ᱠᱷᱚᱱ ᱮ ᱩᱰᱩᱠ ᱞᱮᱱᱟ) ᱟᱨ ᱟᱢᱮᱨᱤᱠᱟ (ᱡᱟᱦᱟᱸ ᱫᱚ ᱵᱟᱝ ᱮ ᱢᱟᱱᱚᱛ ᱞᱮᱫᱼᱟ)᱾ ᱠᱟᱱᱟᱰᱟ ᱨᱮᱱ ᱦᱚᱭ-ᱦᱤᱥᱤᱫ ᱢᱚᱱᱛᱨᱤ ᱯᱤᱴᱚᱨ ᱠᱮᱱᱴ ᱫᱚ ᱰᱤᱥᱮᱢᱵᱚᱨ ᱒᱐᱑᱑ ᱨᱮ ᱩᱰᱩᱠᱚᱜ ᱨᱮᱱᱟᱜ ᱜᱚᱲᱚ ᱮ ᱞᱟᱹᱭ ᱞᱮᱫᱼᱟ, ᱟᱨ ᱮ ᱢᱮᱱ ᱞᱮᱫᱼᱟ ᱡᱮ ᱡᱫᱤ ᱠᱟᱱᱟᱰᱟ ᱱᱚᱣᱟ ᱯᱨᱳᱴᱳᱠᱚᱞ ᱨᱮ ᱛᱟᱦᱮᱸ ᱠᱚᱜᱼᱟ, ᱛᱚᱵᱮ ᱩᱱᱤ ᱫᱚ $᱑᱔ ᱵᱤᱞᱤᱭᱚᱱ ᱴᱟᱠᱟ ᱮᱢ ᱦᱩᱭ ᱠᱚᱜ ᱛᱟᱭᱟ᱾[᱑᱓] ᱚᱠᱴᱚᱵᱚᱨ ᱒᱐᱒᱐ ᱫᱷᱟᱵᱤᱡ, ᱑᱔᱗[᱖][᱑᱔] ᱜᱚᱴᱟᱝ ᱫᱤᱥᱚᱢ ᱫᱳᱦᱟ ᱥᱩᱫᱷᱨᱟᱹᱣ ᱠᱚ ᱟᱸᱜᱚᱪ ᱞᱮᱫᱼᱟ ᱾ ᱱᱚᱣᱟ ᱫᱚ ᱓᱑ ᱰᱤᱥᱮᱢᱵᱚᱨ ᱒᱐᱒᱐ ᱨᱮ ᱞᱟᱹᱜᱩ ᱞᱮᱱᱟ, ᱡᱟᱦᱟᱸ ᱫᱚ ᱠᱚᱢ ᱠᱷᱚᱱ ᱠᱚᱢ ᱑᱔᱔ ᱜᱚᱴᱟᱝ ᱫᱤᱥᱚᱢ ᱦᱚᱛᱮᱛᱮ ᱟᱸᱜᱚᱪ ᱛᱟᱭᱚᱢ ᱦᱩᱭ ᱞᱮᱱᱟ, ᱛᱚᱵᱮ ᱫᱚᱥᱟᱨ ᱞᱟᱹᱜᱩ ᱚᱠᱛᱚ ᱫᱚ ᱚᱱᱟ ᱦᱤᱞᱚᱜ ᱜᱮ ᱪᱟᱵᱟ ᱞᱮᱱᱟ᱾ ᱵᱮᱫᱷᱟᱣ ᱡᱤᱢᱮᱫᱟᱨᱤ ᱛᱟᱦᱮᱸ ᱠᱟᱱ ᱓᱗ ᱜᱚᱴᱟᱝ ᱯᱟᱨᱴᱤ ᱠᱚ ᱢᱩᱫᱽ ᱨᱮ ᱓᱔ ᱜᱚᱴᱟᱝ ᱫᱚ ᱱᱚᱣᱟ ᱠᱚ ᱢᱟᱱᱚᱛ ᱞᱮᱫᱼᱟ᱾ ᱒0᱒0 ᱨᱮ ᱫᱚᱥᱟᱨ ᱞᱟᱹᱜᱩ ᱚᱠᱛᱚ ᱪᱟᱵᱟ ᱛᱟᱭᱚᱢ ᱪᱮᱫ ᱵᱮᱵᱚᱥᱛᱟ ᱦᱟᱛᱟᱣ ᱦᱩᱭᱩᱜᱼᱟ, ᱚᱱᱟ ᱞᱟᱹᱜᱤᱫ ᱥᱮᱨᱢᱟᱠᱤᱭᱟᱹ UNFCCC ᱦᱚᱭ-ᱦᱤᱥᱤᱫ ᱵᱚᱫᱚᱞ ᱜᱟᱞᱢᱟᱨᱟᱣ ᱨᱮ ᱜᱟᱞᱢᱟᱨᱟᱣ ᱦᱩᱭ ᱞᱮᱱᱟ᱾ ᱱᱚᱣᱟ ᱨᱮᱱᱟᱜ ᱚᱨᱡᱚ ᱞᱮᱠᱟᱛᱮ ᱒᱐᱑᱕ ᱨᱮ ᱯᱮᱨᱤᱥ ᱪᱩᱠᱛᱤ ᱟᱸᱜᱚᱪ ᱞᱮᱱᱟ, ᱡᱟᱦᱟᱸ ᱫᱚ ᱠᱤᱭᱳᱴᱳ ᱯᱨᱳᱴᱳᱠᱚᱞ ᱨᱮᱱᱟᱜ ᱥᱩᱫᱷᱨᱟᱹᱣ ᱵᱟᱝ ᱠᱟᱛᱮ, UNFCCC ᱵᱷᱤᱛᱤᱨ ᱨᱮ ᱢᱤᱫ ᱵᱷᱮᱜᱟᱨ ᱵᱮᱵᱚᱥᱛᱟ ᱠᱟᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs named "parties". - ↑ "Kyoto Protocol on the United Nations Framework Convention on Climate Change" (PDF). United Nations. Archived (PDF) from the original on 5 ᱚᱠᱴᱚᱵᱚᱨ 2011. Retrieved 17 ᱱᱚᱵᱷᱮᱢᱵᱚᱨ 2004.
- ↑ "What is the Kyoto Protocol?". UNFCCC. Archived from the original on 13 ᱰᱤᱥᱮᱢᱵᱚᱨ 2023. Retrieved 31 ᱢᱮ 2021.
- ↑ "Status of Ratification". unfccc.int. United Nations Framework Convention on Climate Change. Archived from the original on 5 ᱥᱮᱯᱴᱮᱢᱵᱚᱨ 2020. Retrieved 28 ᱯᱷᱮᱵᱽᱨᱩᱣᱟᱨᱤ 2020.
- 1 2 "7 .a Kyoto Protocol to the United Nations Framework Convention on Climate Change". UN Treaty Database. Archived from the original on 8 ᱚᱠᱴᱚᱵᱚᱨ 2018. Retrieved 27 ᱱᱚᱵᱷᱮᱢᱵᱚᱨ 2014.
- 1 2 3 "7 .c Doha Amendment to the Kyoto Protocol". UN Treaty Database. Archived from the original on 4 ᱯᱷᱮᱵᱽᱨᱩᱣᱟᱨᱤ 2021. Retrieved 19 ᱮᱯᱨᱤᱞ 2015.
- ↑ "Nigeria, Jamaica bring closure to the Kyoto Protocol era, in last-minute dash". Climate Change News. 2 ᱚᱠᱴᱚᱵᱚᱨ 2020. Archived from the original on 6 ᱮᱯᱨᱤᱞ 2023. Retrieved 31 ᱢᱮ 2021.
- ↑ "Overview of greenhouse gases - Defra, UK". Naei.beis.gov.uk. Archived from the original on 23 ᱡᱟᱱᱩᱣᱟᱨᱤ 2023. Retrieved 2 ᱢᱟᱨᱪ 2022.
- ↑ "Doha amendment to the Kyoto Protocol" (PDF). Unfcc.int. Archived (PDF) from the original on 24 ᱰᱤᱥᱮᱢᱵᱚᱨ 2022. Retrieved 2 ᱢᱟᱨᱪ 2022.
- ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs named "Shislov". - ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs named "GapReport". - ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs named "figueres doha summary". - ↑ "Canada pulls out of Kyoto Protocol". CBC News. 12 ᱰᱤᱥᱮᱢᱵᱚᱨ 2011. Archived from the original on 11 ᱡᱟᱱᱩᱣᱟᱨᱤ 2023. Retrieved 11 ᱡᱟᱱᱩᱣᱟᱨᱤ 2023.
- ↑ "United Nations Framework Convention on Climate Change". United Nations Framework Convention on Climate Change. Archived from the original on 8 ᱰᱤᱥᱮᱢᱵᱚᱨ 2022. Retrieved 23 ᱡᱩᱞᱟᱭ 2016.