ᱠᱨᱤᱥᱱᱚ ᱠᱟᱱᱛᱚ ᱦᱚᱱᱫᱤᱠᱚᱭ
| ᱠᱨᱤᱥᱱᱚ ᱠᱟᱱᱛᱚ ᱦᱚᱱᱫᱤᱠᱚᱭ | |
|---|---|
 | |
| ᱡᱟᱱᱟᱢ | ᱒᱐ ᱡᱩᱞᱟᱭ ᱑᱙᱘᱙ ᱡᱚᱨᱦᱟᱴ, ᱟᱥᱟᱢ |
| ᱜᱩᱨ | ᱗ ᱡᱩᱱ ᱑᱙᱘᱒ |
| ᱠᱟᱹᱢᱤ | ᱢᱟᱪᱮᱛ, ᱜᱟᱞᱚᱪᱤᱭᱟᱹ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
ᱠᱨᱤᱥᱱᱚ ᱠᱟᱱᱛᱚ ᱦᱚᱱᱫᱤᱠᱚᱭ (ᱤᱝᱨᱟᱹᱡᱤᱺ Krishna Kanta Handique) (᱑᱘᱙᱘ - ᱑᱙᱘᱒) ᱫᱚ ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱱ ᱢᱤᱫᱴᱮᱱ ᱚᱱᱚᱞᱤᱭᱟᱹ, ᱥᱟᱝᱥᱠᱨᱤᱛ ᱯᱚᱱᱰᱤᱛ ᱟᱨ ᱥᱮᱪᱮᱫ ᱜᱟᱹᱠᱷᱩᱲᱤᱭᱟᱹ ᱠᱟᱱᱟᱭ| ᱥᱟᱝᱥᱠᱨᱤᱛ ᱟᱨ ᱯᱟᱹᱨᱥᱤ ᱥᱟᱬᱮᱥ ᱯᱟᱦᱟᱴᱟ ᱨᱮ ᱩᱱᱤ ᱫᱚ ᱥᱚᱨᱚᱥ ᱯᱚᱱᱰᱤᱛ ᱜᱩᱱᱮ ᱩᱫᱩᱜ ᱥᱚᱫᱚᱨ ᱞᱮᱫᱟ| ᱟᱨᱮ ᱥᱮᱨᱢᱟ ᱦᱟᱹᱵᱤᱡ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮᱱ ᱡᱚᱜᱚ ᱥᱮᱱᱥᱮᱞᱚᱨ ᱞᱮᱠᱟ ᱛᱮ ᱫᱟᱹᱭᱤᱠ ᱵᱷᱟᱨᱮ ᱜᱚᱫ ᱞᱮᱫᱟ ᱟᱨ ᱥᱩᱢᱩᱝ ᱓᱙ ᱥᱮᱨᱢᱟ ᱩᱢᱮᱨ ᱨᱮ ᱑᱙᱓᱗ ᱥᱮᱨᱢᱟ ᱨᱮ ᱦᱚᱭ ᱞᱮᱱ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮᱭᱟᱜ ᱡᱟᱨᱣᱟᱜ ᱨᱮ ᱥᱚᱵᱷᱟ ᱢᱩᱠᱷᱭᱟᱹ ᱞᱮᱠᱟ ᱛᱮ ᱫᱟᱭᱤᱠ ᱵᱷᱟᱨᱮ ᱜᱚᱫ ᱞᱮᱫ ᱛᱟᱦᱮᱱᱟ|
ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱨᱤᱥᱱᱚ ᱠᱟᱱᱛᱚ ᱦᱚᱱᱫᱤᱠᱚᱭ ᱡᱟᱱᱟᱢ ᱫᱚ ᱒᱐ ᱡᱩᱞᱟᱭ ᱑᱘᱙᱘ ᱢᱟᱹᱦᱤᱛ ᱦᱤᱞᱚᱜ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱡᱚᱨᱦᱟᱴ ᱦᱚᱱᱚᱛ ᱨᱮᱭᱟᱜ ᱥᱟᱛ ᱜᱷᱚᱨᱤᱭᱟ ᱟᱦᱩᱢ ᱜᱷᱟᱨᱚᱧᱡᱽ ᱨᱮ ᱦᱚᱭ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱨᱟᱭ ᱵᱟᱦᱟᱫᱩᱨ ᱨᱟᱫᱷᱟ ᱠᱟᱱᱛᱚ ᱦᱚᱱᱫᱤᱠᱚᱭ ᱟᱨ ᱮᱝᱜᱟᱛ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱱᱟᱨᱟᱭᱚᱱ ᱦᱚᱱᱫᱤᱠᱚᱭ| ᱟᱥᱟᱢ ᱨᱮᱭᱟᱜ ᱟᱹᱰᱤ ᱟᱭᱢᱟ ᱫᱤᱥᱣᱟᱹ ᱟᱠᱷᱲᱟ ᱠᱚ ᱩᱛᱷᱱᱟᱹᱣᱚᱜ ᱞᱟᱹᱜᱤᱫ ᱥᱟᱯᱷᱟ ᱥᱚᱬᱟ ᱢᱚᱱ ᱛᱮ ᱫᱟᱱ ᱯᱚᱱ ᱠᱚ ᱮᱢᱮᱫ ᱠᱟᱱ ᱛᱟᱦᱮᱱ ᱧᱩᱛᱩᱢ ᱛᱮ ᱩᱱᱤ ᱫᱚ "ᱫᱟᱱᱵᱤᱨ" ᱯᱟᱹᱨᱤᱥ ᱛᱮ ᱠᱚ ᱢᱟᱱᱚᱛ ᱞᱮᱫᱮᱭᱟ| ᱫᱟᱱᱵᱤᱨ ᱨᱟᱫᱷᱟ ᱠᱟᱱᱛᱚ ᱦᱚᱱᱫᱤᱠᱚᱭ ᱨᱮᱱ ᱯᱚᱱᱭᱟ ᱦᱚᱯᱚᱱ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱦᱚᱱ ᱢᱟᱨᱟᱝ ᱩᱛᱟᱹᱨᱤᱡ=ᱮ ᱛᱟᱦᱮᱸ ᱠᱟᱱᱟ|
ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱨᱤᱥᱱᱚ ᱠᱟᱱᱛᱚ ᱦᱚᱱᱫᱤᱠᱚᱭ ᱫᱚ ᱮᱛᱚᱦᱚᱵ ᱥᱮᱪᱮᱫ ᱟᱠᱚ ᱚᱲᱟᱜ ᱨᱮ ᱜᱮᱭᱮ ᱪᱮᱫ ᱞᱮᱫᱟ| ᱤᱱᱟᱹ ᱴᱟᱭᱱᱚᱢ ᱟᱯᱟᱛ ᱫᱚ ᱡᱚᱨᱦᱟᱴ ᱥᱚᱨᱠᱟᱨᱤ ᱦᱟᱭ ᱥᱠᱩᱞ ᱨᱮ ᱧᱩᱛᱩᱢᱮ ᱚᱞ ᱨᱟᱠᱟᱵ ᱚᱪᱚ ᱠᱮᱫᱮᱭᱟ| ᱤᱝᱨᱟᱹᱡᱤ ᱑᱙᱑᱓ ᱥᱮᱨᱢᱟ ᱨᱮ ᱜᱮᱞ ᱢᱚᱬᱮ ᱩᱢᱮᱨ ᱨᱮ ᱜᱮ ᱠᱨᱤᱥᱱᱚ ᱠᱟᱱᱛᱚ ᱦᱚᱱᱫᱤᱠᱚᱭ ᱡᱚᱨᱦᱟᱴ ᱥᱚᱨᱠᱟᱨᱤ ᱠᱷᱚᱱ ᱯᱟᱹᱦᱤᱞ ᱛᱷᱚᱠ ᱛᱮ ᱢᱮᱴᱨᱤᱠ ᱵᱤᱱᱤᱰᱮ ᱯᱟᱥ ᱞᱮᱫᱟ| ᱦᱚᱱᱫᱤᱠᱚᱭ ᱫᱚ ᱠᱚᱴᱚᱱ ᱠᱚᱞᱮᱡᱽ ᱨᱮ ᱑᱙᱑᱕ ᱥᱮᱨᱢᱟ ᱨᱮ ᱟᱭᱹᱮᱹ ᱵᱤᱱᱤᱰ ᱨᱮ ᱟᱹᱰᱤ ᱢᱟᱱᱚᱛ ᱥᱟᱞᱟᱜ ᱯᱟᱥ ᱚᱰᱚᱠ ᱠᱟᱛᱮ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮ ᱥᱮᱪᱮᱫ ᱦᱟᱛᱟᱣ ᱞᱟᱹᱜᱤᱫ ᱧᱩᱛᱩᱢᱮ ᱚᱞ ᱚᱪᱚ ᱞᱮᱫᱟ| ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱑᱙᱑᱗ ᱥᱮᱨᱢᱟ ᱨᱮ ᱥᱚᱝᱥᱠᱨᱤᱛ ᱥᱟᱛᱷᱟᱢ ᱤᱫᱤ ᱠᱟᱛᱮ ᱯᱟᱹᱦᱤᱞ ᱛᱷᱚᱠ ᱛᱮ ᱥᱱᱟᱛᱚᱠᱮ ᱯᱟᱥ ᱞᱮᱫᱟ ᱟᱨ ᱑᱙᱑᱙ ᱥᱮᱨᱢᱟ ᱨᱮ 'ᱵᱮᱫᱽ ᱥᱟᱠᱷᱟ' ᱯᱟᱹᱦᱤᱞ ᱴᱷᱟᱶᱮ ᱦᱟᱢᱮᱴ ᱞᱮᱫᱟ|
ᱥᱚᱢᱟᱡᱽ ᱥᱮᱣᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱨᱤᱥᱱᱚ ᱠᱟᱱᱛᱚ ᱦᱚᱱᱫᱤᱠᱚᱭ ᱫᱚ ᱟᱡ ᱱᱤᱡᱽ ᱛᱮᱫ ᱛᱮ ᱜᱮ ᱡᱚᱜᱚᱱᱱᱟᱛᱷ ᱵᱚᱨᱩᱣᱟ ᱵᱤᱨᱫᱟᱹ ᱜᱟᱲ ᱵᱮᱱᱟᱣ ᱠᱟᱛᱮ ᱑᱙᱓᱐ ᱥᱮᱨᱢᱟ ᱨᱮ ᱑᱙᱓᱐ ᱥᱮᱨᱢᱟ ᱨᱮ ᱚᱱᱟ ᱵᱤᱨᱫᱟᱹ ᱜᱟᱲ ᱨᱮᱱ ᱵᱟᱵᱟᱱᱫᱷᱟᱣᱤᱡ ᱯᱨᱤᱱᱥᱤᱯᱟᱞ ᱞᱮᱠᱟ ᱛᱮ ᱫᱟᱭᱤᱠ ᱵᱷᱟᱨ ᱜᱚᱫ ᱠᱟᱛᱮ ᱠᱟᱹᱢᱤ ᱡᱤᱭᱚᱱᱮ ᱮᱦᱚᱵ ᱞᱮᱫ ᱛᱟᱭᱟ| ᱑᱙᱓᱐ ᱥᱮᱨᱢᱟ ᱠᱷᱚᱱ ᱑᱙᱔᱘ ᱥᱮᱨᱢᱟ ᱦᱟᱹᱵᱤᱡ ᱵᱤᱱ ᱵᱮᱛᱚᱱ ᱛᱮᱭᱮ ᱠᱟᱹᱢᱤ ᱭᱮᱫ ᱠᱟᱱ ᱛᱟᱦᱮᱸ ᱠᱟᱱᱟ| ᱤᱱᱟᱹ ᱚᱠᱛᱮ ᱨᱮ ᱜᱮ ᱦᱮᱢᱞᱚᱛᱟ ᱦᱚᱱᱫᱤᱠᱚᱭ ᱢᱮᱢᱚᱨᱤᱭᱟᱞ ᱤᱱᱥᱴᱤᱴᱣᱩᱰ ᱠᱚ ᱵᱮᱱᱟᱣ ᱞᱮᱫᱟ|