ᱠᱨᱤᱥᱱᱚ ᱯᱨᱚᱥᱟᱫᱽ ᱵᱷᱚᱴᱴᱚᱨᱟᱭ

ᱠᱨᱤᱥᱱᱚ ᱯᱨᱚᱥᱟᱫᱽ ᱵᱷᱚᱴᱴᱚᱨᱟᱭ
ᱠᱨᱤᱥᱱᱚ ᱯᱨᱚᱥᱟᱫᱽ ᱵᱷᱚᱴᱴᱚᱨᱟᱭ
कृष्णप्रसाद भट्टराई
	᱑᱙᱗᱗ ᱨᱮ ᱠᱨᱤᱥᱱᱚ ᱯᱨᱚᱥᱟᱫᱽ ᱵᱷᱚᱴᱴᱚᱨᱟᱭ
᱒᱙ ᱟᱹᱱᱤᱡ ᱱᱮᱯᱟᱞ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱓᱑ ᱢᱮᱭ ᱑᱙᱙᱙ – ᱒᱒ ᱢᱟᱨᱪ ᱒᱐᱐᱐
ᱛᱟᱹᱨᱤ ᱫᱤᱥᱚᱢ	ᱵᱤᱨᱮᱱᱫᱨᱚ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱜᱤᱨᱤᱡᱟ ᱯᱨᱚᱥᱟᱫᱽ ᱠᱳᱭᱨᱟᱞᱟ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱜᱤᱨᱤᱡᱟ ᱯᱨᱚᱥᱟᱫᱽ ᱠᱳᱭᱨᱟᱞᱟ
ᱱᱮᱯᱟᱞ ᱨᱤᱱᱤᱡ ᱛᱟᱞᱟ ᱢᱟᱨᱟᱝ ᱢᱚᱱᱛᱨᱤ
	ᱟᱹᱢᱟᱹᱞᱤ ᱨᱮ; ᱑᱙ ᱮᱯᱨᱤᱞ ᱑᱙᱙᱐ – ᱒᱖ ᱢᱮᱭ ᱑᱙᱙᱑
ᱛᱟᱹᱨᱤ ᱫᱤᱥᱚᱢ	ᱠᱤᱝ ᱵᱤᱨᱮᱱᱫᱨᱚ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱞᱳᱠᱮᱱᱫᱨᱚ ᱵᱟᱦᱟᱫᱩᱨ ᱪᱟᱸᱫᱽ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱜᱤᱨᱤᱡᱟ ᱯᱨᱚᱥᱟᱫᱽ ᱠᱳᱭᱨᱟᱞᱟ
᱔ ᱟᱹᱱᱤᱡ ᱱᱮᱯᱟᱞᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱯᱟᱨᱥᱮᱛ
	ᱟᱹᱢᱟᱹᱞᱤ ᱨᱮ; ᱑᱗ ᱡᱟᱱᱩᱣᱟᱨᱤ ᱑᱙᱘᱘ – ᱑᱐ ᱡᱟᱱᱩᱣᱟᱨᱤ ᱑᱙᱙᱒
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱜᱤᱨᱤᱡᱟ ᱯᱨᱚᱥᱟᱫᱽ ᱠᱳᱭᱨᱟᱞᱟ
	ᱟᱹᱢᱟᱹᱞᱤ ᱨᱮ; ᱑᱒ ᱯᱷᱮᱵᱽᱨᱩᱣᱟᱨᱤ ᱑᱙᱗᱖ – ᱑᱖ ᱡᱟᱱᱩᱣᱟᱨᱤ ᱑᱙᱙᱒ (ᱟᱠᱴᱤᱝ)
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱵᱤᱥᱣᱮᱥᱣᱚᱨ ᱯᱨᱚᱥᱟᱫᱽ ᱠᱳᱭᱨᱟᱞᱟ
ᱯᱨᱚᱛᱤᱱᱤᱫᱷᱤ ᱥᱚᱵᱷᱟ ᱨᱤᱱᱤᱡ ᱯᱩᱭᱞᱩ ᱥᱯᱤᱠᱟᱨ
	ᱟᱹᱢᱟᱹᱞᱤ ᱨᱮ; ᱢᱮᱭ ᱑᱙᱕᱙ – ᱒᱖ ᱰᱤᱥᱮᱢᱵᱚᱨ ᱑᱙᱖᱐
ᱛᱟᱹᱨᱤ ᱫᱤᱥᱚᱢ	ᱠᱤᱝ ᱵᱤᱨᱮᱱᱫᱨᱚ
Deputy	ᱢᱚᱦᱮᱱᱫᱨᱚ ᱱᱟᱨᱤ ᱱᱤᱫᱷᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱚᱯᱷᱤᱥ ᱵᱮᱱᱟᱣ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱫᱟᱢᱚᱱ ᱱᱟᱛᱷ ᱫᱷᱩᱝᱜᱟᱱᱟ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱑᱓ ᱰᱤᱥᱮᱢᱵᱚᱨ ᱑᱙᱒᱔; ᱵᱮᱱᱟᱨᱮᱥ, ᱵᱮᱱᱟᱨᱮᱥ ᱯᱚᱱᱚᱛ, ᱵᱨᱤᱴᱤᱥ ᱥᱤᱧᱚᱛ (ᱱᱤᱛᱚᱜ ᱫᱚ ᱵᱟᱨᱟᱬᱟᱥᱤ, ᱩᱛᱛᱚᱨ ᱯᱨᱚᱫᱮᱥ, ᱥᱤᱧᱚᱛ)
ᱜᱩᱨ	᱔ ᱢᱟᱨᱪ ᱒᱐᱑᱑ (ᱩᱢᱮᱨ ᱘᱖ ᱥᱮᱨᱢᱟ); ᱜᱳᱫᱟᱣᱟᱨᱤ ᱱᱚᱜᱚᱨ ᱯᱟᱞᱤᱠᱟ, ᱱᱮᱯᱟᱞ
ᱨᱟᱡᱽᱟᱹᱨᱤ ᱫᱚᱞ	ᱱᱮᱯᱟᱞᱤ ᱠᱚᱝᱜᱽᱨᱮᱥ
ᱵᱟᱭᱱᱟ	ᱠᱤᱥᱩᱱᱡᱤ, ᱥᱟᱱᱛᱟ ᱱᱮᱛᱟ (ᱥᱮᱸᱴ ᱟᱹᱭᱩᱨᱤᱭᱟᱹ)

ᱠᱨᱤᱥᱱᱚ ᱯᱨᱚᱥᱟᱫᱽ ᱵᱷᱚᱴᱴᱚᱨᱟᱭ (ᱱᱮᱯᱟᱞᱤ: कृष्णप्रसाद भट्टराई; ᱑᱓ ᱰᱤᱥᱮᱢᱵᱚᱨ ᱑᱙᱒᱔ – ᱔ ᱢᱟᱨᱪ ᱒᱐᱑᱑) ᱡᱟᱦᱟᱸᱭ ᱫᱚ ᱠᱤᱥᱩᱱᱡᱤ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜ ᱠᱟᱱᱟᱭ, ᱩᱱᱤ ᱫᱚ ᱢᱤᱫ ᱱᱮᱯᱟᱞᱤ ᱨᱟᱡᱽᱟᱹᱨᱤ ᱟᱹᱭᱩᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱱᱮᱯᱟᱞ ᱨᱮ ᱯᱩᱨᱟᱹ ᱨᱟᱡᱟ ᱠᱷᱚᱱ ᱡᱚᱱᱚᱲᱟᱱᱟᱜ ᱵᱟᱹᱲᱛᱤ ᱫᱚᱞ ᱥᱤᱥᱴᱚᱢ ᱨᱮ ᱵᱚᱫᱚᱞᱚᱜ ᱨᱮᱱᱟᱜ ᱠᱟᱹᱢᱤ ᱠᱚᱨᱮ ᱥᱮᱞᱮᱫᱚᱜ ᱢᱤᱫ ᱢᱩᱲᱩᱛ ᱟᱹᱭᱩᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱡᱚᱱ-ᱟᱱᱫᱳᱞᱚᱱ ᱧᱩᱛᱩᱢᱟᱱ ᱢᱤᱫ ᱧᱩᱛᱩᱢᱟᱱ ᱞᱚᱠᱛᱟᱱᱛᱨᱤᱠ ᱟᱱᱫᱳᱞᱚᱱ ᱛᱟᱭᱚᱢ ᱵᱷᱚᱴᱴᱚᱨᱟᱭ ᱫᱚ ᱮᱯᱨᱤᱞ ᱑᱙᱙᱐ ᱨᱮ ᱱᱮᱯᱟᱞ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱮ ᱦᱩᱭ ᱞᱮᱱᱟ ᱾

ᱵᱷᱚᱴᱴᱚᱨᱟᱭ ᱫᱚ ᱵᱟᱨ ᱫᱷᱟᱣ ᱱᱮᱯᱟᱞ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱮ ᱛᱟᱦᱮᱸ ᱠᱟᱱᱟ ᱾ ᱑᱙ ᱮᱯᱨᱤᱞ ᱑᱙᱙᱐ ᱠᱷᱚᱱ ᱒᱖ ᱢᱮ ᱑᱙᱙᱑ ᱫᱷᱟᱹᱨᱤᱡ ᱩᱱᱤ ᱫᱚ ᱥᱚᱨᱠᱟᱨ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱟᱨ ᱓᱑ ᱢᱮ ᱑᱙᱙᱙ ᱠᱷᱚᱱ ᱒᱒ ᱢᱟᱨᱪ ᱒᱐᱐᱐ ᱫᱷᱟᱹᱨᱤᱡ ᱩᱱᱤ ᱫᱚ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱵᱷᱚᱴᱴᱚᱨᱟᱭ ᱫᱚ ᱑᱒ ᱯᱷᱮᱵᱽᱨᱩᱣᱟᱨᱤ ᱑᱙᱗᱖ ᱠᱷᱚᱱ ᱒᱖ ᱥᱮᱨᱢᱟ ᱫᱷᱟᱹᱨᱤᱡ ᱱᱮᱯᱟᱞᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱠᱟᱹᱢᱤᱭᱟᱹ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱑᱙᱘᱘ ᱠᱷᱚᱱ ᱑᱙᱙᱒ ᱫᱷᱟᱹᱨᱤᱡ ᱯᱟᱨᱴᱤ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱩᱱᱤ ᱫᱚ ᱱᱮᱯᱟᱞ ᱨᱮ ᱞᱚᱠᱛᱟᱱᱛᱨᱤᱠ ᱞᱟᱲᱟᱣᱱᱟ ᱨᱮ ᱮᱛᱚᱦᱚᱵ ᱠᱷᱚᱱ ᱜᱮᱭ ᱥᱮᱞᱮᱫ ᱞᱮᱱᱟ ᱾ ᱱᱮᱯᱟᱞ ᱨᱮᱱᱟᱜ ᱥᱚᱢᱵᱤᱫᱷᱟᱱ (᱑᱙᱙᱐) ᱟᱡᱟᱜ ᱢᱩᱪᱟᱹᱫ ᱢᱟᱨᱟᱝ ᱢᱚᱱᱛᱨᱤ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱦᱟᱛᱟᱣ ᱞᱮᱱᱟ ᱟᱨ ᱑᱙᱙᱐ ᱨᱮ ᱥᱚᱝᱥᱚᱫᱤᱭ ᱵᱟᱪᱷᱱᱟᱣ ᱨᱮ ᱥᱮᱞᱮᱫᱚᱜ ᱨᱮᱱᱟᱜ ᱥᱟᱨᱦᱟᱣ ᱫᱚ ᱩᱱᱤ ᱜᱮᱭ ᱧᱟᱢ ᱟᱠᱟᱫᱟ, ᱡᱟᱦᱟᱸ ᱫᱚ ᱱᱮᱯᱟᱞ ᱨᱮᱱᱟᱜ ᱨᱟᱡᱽᱟᱹᱨᱤ ᱱᱟᱜᱟᱢ ᱨᱮ ᱢᱤᱫ ᱢᱤᱞ ᱫᱷᱤᱨᱤ ᱢᱮᱱᱟᱜᱼᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱡᱩᱣᱟᱹᱱ

ᱟᱡᱟᱜ ᱡᱩᱣᱟᱹᱱ ᱨᱮ, ᱵᱷᱚᱴᱴᱚᱨᱟᱭ ᱫᱚ ᱢᱤᱫ ᱠᱷᱚᱵᱚᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱥᱳᱵᱷᱤᱭᱮᱛ ᱭᱩᱱᱤᱭᱚᱱ ᱨᱮᱱᱟᱜ ᱠᱚᱢᱭᱩᱱᱤᱥᱴ ᱯᱟᱨᱴᱤ ᱨᱤᱱᱤᱡ ᱡᱮᱱᱮᱨᱟᱞ ᱥᱮᱠᱨᱮᱴᱟᱨᱤ, ᱱᱤᱠᱤᱛᱟ ᱠᱷᱨᱩᱥᱪᱮᱵᱽ ᱭᱟᱜ ᱤᱱᱴᱟᱨᱵᱷᱤᱭᱩ ᱞᱟᱹᱜᱤᱫ ᱢᱤᱫᱴᱟᱹᱝ ᱵᱟᱦᱨᱮ ᱫᱤᱥᱚᱢ ᱨᱤᱱᱤᱡ ᱠᱷᱚᱵᱚᱨᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾

ᱱᱮᱯᱟᱞ ᱨᱮᱱᱟᱜ ᱯᱩᱭᱞᱩ ᱰᱮᱢᱚᱠᱨᱟᱴᱤᱠ ᱞᱟᱲᱟᱣᱱᱟ

ᱵᱷᱚᱴᱴᱟᱨᱟᱭ ᱫᱚ ᱱᱮᱯᱟᱞᱤ ᱨᱟᱡᱽᱟᱹᱨᱤ ᱵᱮᱵᱚᱥᱛᱟ ᱨᱮᱱᱟᱜ ᱟᱫᱷᱩᱱᱤᱠᱟᱨᱚᱱ ᱞᱟᱹᱜᱤᱫ ᱟᱹᱰᱤ ᱫᱤᱱ ᱫᱷᱟᱹᱨᱤᱡ ᱞᱟᱹᱲᱦᱟᱹᱭ ᱨᱮ ᱥᱮᱞᱮᱫ ᱞᱮᱱᱟᱭ, ᱡᱟᱦᱟᱸ ᱨᱮᱭᱟᱜ ᱩᱫᱤᱥᱟ ᱫᱚ ᱟᱭᱢᱟ ᱥᱟᱭ ᱥᱮᱨᱢᱟ ᱠᱷᱚᱱ ᱵᱟᱦᱨᱮ ᱡᱮᱜᱮᱛ ᱠᱷᱚᱱ ᱵᱷᱮᱜᱟᱨ ᱨᱮ ᱢᱮᱱᱟᱜ ᱥᱟᱶᱛᱟ ᱨᱮ ᱵᱚᱫᱚᱞ ᱚᱪᱚ ᱠᱟᱱᱟ ᱾

ᱩᱱᱤ ᱫᱚ ᱨᱟᱬᱟ ᱨᱟᱡᱽᱵᱚᱝᱥᱚ ᱨᱮᱭᱟᱜ ᱑᱐᱔ ᱥᱮᱨᱢᱟ ᱥᱟᱥᱚᱱ ᱨᱮᱭᱟᱜ ᱢᱩᱪᱟᱹᱫ ᱞᱟᱹᱜᱤᱫ ᱨᱟᱡᱽᱟᱹᱨᱤ ᱮᱦᱚᱵ ᱠᱮᱫᱼᱟ ᱾ ᱒᱖-᱒᱗ ᱥᱮᱯᱴᱮᱢᱵᱚᱨ ᱑᱙᱕᱐ (ᱟᱥᱣᱤᱱ ᱑᱐-᱑᱑, ᱒᱐᱐᱗ ᱵᱤᱮᱥ) ᱨᱮ ᱱᱮᱯᱟᱞᱤ ᱠᱚᱝᱜᱽᱨᱮᱥ ᱨᱮᱱᱟᱜ ᱵᱟᱨᱜᱚᱱᱤᱭᱟ ᱥᱟᱢᱮᱞᱟᱱ ᱦᱚᱛᱮᱛᱮ ᱮᱦᱚᱵ ᱟᱠᱟᱱ ᱨᱟᱬᱟ ᱟᱹᱭᱫᱟᱹᱨᱤ ᱯᱷᱮᱰ ᱞᱟᱹᱜᱤᱫ ᱑᱙᱕᱐ ᱨᱮᱱᱟᱜ ᱨᱟᱡᱽᱟᱹᱨᱤ ᱞᱟᱲᱟᱣᱱᱟ ᱚᱠᱛᱚ ᱨᱮ, ᱩᱱᱤ ᱫᱚ ᱜᱳᱨᱠᱷᱟ ᱦᱚᱱᱚᱛ ᱨᱮ ᱞᱟᱹᱲᱦᱟᱹᱭ ᱠᱟᱱ ᱦᱟᱛᱟᱲ ᱫᱚᱞ ᱫᱚ ᱠᱚᱝᱜᱽᱨᱮᱥ ᱢᱩᱠᱛᱤ ᱥᱮᱱᱟ ᱨᱤᱱᱤᱡ ᱪᱟᱨᱡᱽ ᱛᱟᱦᱮᱸ ᱠᱟᱱᱟᱭ ᱾

ᱜᱷᱟᱨᱚᱸᱡᱽ ᱟᱨ ᱱᱤᱡᱮᱨᱟᱜ ᱡᱤᱭᱚᱱ

ᱩᱱᱤᱭᱟᱜ ᱟᱹᱜᱤᱞ ᱦᱟᱯᱲᱟᱢ ᱜᱷᱟᱨᱚᱸᱡᱽ ᱫᱚ ᱨᱟᱡᱽᱟᱹᱨᱤ ᱯᱨᱚᱵᱷᱟᱣᱥᱟᱞᱤ ᱜᱳᱨᱠᱷᱟ ᱦᱚᱱᱚᱛ ᱠᱷᱚᱱ ᱢᱮᱱᱟᱜ ᱠᱚᱣᱟ, ᱱᱚᱣᱟ ᱦᱚᱱᱚᱛ ᱠᱟᱱᱟ ᱡᱟᱦᱟᱸᱭ ᱫᱚ ᱛᱟᱭᱚᱢ ᱛᱮ ᱢᱟᱨᱮ ᱢᱟᱨᱟᱝᱢᱚᱱᱛᱨᱤ ᱵᱟᱹᱵᱩᱨᱟᱢ ᱵᱷᱚᱴᱴᱚᱨᱟᱭ ᱫᱚ ᱨᱟᱡᱽᱟᱹᱨᱤ ᱨᱮ ᱥᱮᱞᱮᱫ ᱞᱮᱱᱟ ᱾ ᱠᱤᱥᱩᱱᱡᱤ ᱫᱚ ᱟᱡᱟᱜ ᱡᱤᱭᱚᱱ ᱵᱷᱩᱨ ᱵᱟᱝ ᱵᱟᱯᱞᱟ ᱞᱮᱱᱟᱭ ᱾

ᱠᱤᱥᱩᱱᱡᱤ ᱫᱚ ᱢᱤᱫ ᱦᱤᱱᱫᱩ ᱵᱨᱟᱦᱢᱚᱱ ᱛᱟᱦᱮᱸ ᱠᱟᱱᱟᱭ ᱟᱨ ᱵᱷᱚᱜᱽᱣᱚᱫᱽ ᱜᱤᱛᱟ ᱯᱟᱲᱦᱟᱣ ᱨᱮ ᱟᱹᱰᱤ ᱜᱮ ᱥᱮᱬᱟ ᱛᱟᱦᱮᱸ ᱠᱟᱱᱟᱭ ᱾^[᱑] ᱩᱱᱤ ᱫᱚ ᱫᱷᱚᱨᱚᱢ ᱨᱤᱱᱤᱡ, ᱥᱟᱸᱛ ᱟᱨ ᱟᱹᱰᱤ ᱥᱚᱨᱮᱥ ᱫᱷᱚᱨᱚᱢ ᱨᱤᱱᱤᱡ ᱦᱚᱲ ᱠᱟᱱᱟᱭ, ᱚᱱᱟᱛᱮ ᱩᱱᱤ ᱫᱚ ᱥᱟᱸᱛ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾^[᱑]

ᱯᱟᱨᱴᱤ ᱨᱟᱡᱽᱟᱹᱨᱤ ᱠᱚ

ᱱᱮᱛᱟᱨ ᱫᱷᱟᱹᱨᱤᱡ ᱫᱚ, ᱱᱮᱯᱟᱞᱤ ᱠᱚᱝᱜᱽᱨᱮᱥ ᱨᱤᱱ ᱵᱟᱱᱟᱨ ᱜᱩᱴ ᱫᱚ ᱜᱤᱨᱤᱡᱟ ᱯᱨᱚᱥᱟᱫᱽ ᱠᱳᱭᱨᱟᱞᱟ ᱟᱨ ᱥᱮᱨ ᱵᱟᱦᱟᱫᱩᱨ ᱫᱮᱣᱩᱵᱟ ᱟᱹᱭᱩᱨᱤᱡ ᱱᱮᱯᱟᱞᱤ ᱠᱚᱝᱜᱽᱨᱮᱥ (ᱰᱮᱢᱚᱠᱨᱮᱴᱤᱠ) ᱫᱚ ᱵᱷᱚᱴᱴᱟᱨᱟᱭ ᱫᱚ ᱟᱡ ᱯᱟᱦᱴᱟ ᱨᱮ ᱢᱮᱱᱟᱭᱟ ᱢᱮᱱᱛᱮ ᱫᱟᱹᱵᱤ ᱟᱠᱟᱫᱟᱭ, ᱡᱩᱫᱤ ᱩᱱᱤᱭᱟᱜ ᱥᱟᱦᱟᱱᱩᱵᱷᱩᱛᱤ ᱫᱚ ᱮᱛᱚᱦᱚᱵ ᱠᱷᱚᱱ ᱜᱮ ᱫᱮᱣᱩᱵᱟ ᱥᱟᱶ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟᱭ ᱾ ᱵᱟᱱᱟᱨ ᱠᱚᱝᱜᱽᱨᱮᱥ ᱯᱟᱨᱴᱤ ᱜᱮ ᱩᱱᱤ ᱫᱚ ᱞᱚᱞᱤᱛᱯᱩᱨ ᱦᱚᱱᱚᱛ ᱠᱷᱚᱱ ᱢᱚᱦᱟᱫᱮᱥᱚᱢᱤᱛᱤ ᱥᱚᱦᱮᱛ (ᱠᱚᱱᱵᱷᱮᱱᱥᱚᱱ ᱨᱟᱹᱥᱤᱭᱟᱹ) ᱞᱮᱠᱟᱛᱮ ᱠᱚ ᱵᱟᱪᱷᱟᱣ ᱠᱮᱫᱮᱭᱟ ᱾ ᱒᱖ ᱥᱮᱯᱴᱮᱢᱵᱚᱨ ᱒᱐᱐᱗ ᱦᱤᱞᱚᱜ ᱵᱟᱨ ᱜᱟᱫᱮᱞ ᱢᱤᱫ ᱫᱤᱱ ᱛᱟᱭᱚᱢ ᱵᱷᱚᱴᱴᱟᱨᱟᱭ ᱫᱚ ᱱᱮᱯᱟᱞᱤ ᱠᱚᱝᱜᱽᱨᱮᱥ ᱠᱷᱚᱱ ᱵᱷᱮᱜᱟᱨ ᱨᱮᱱᱟᱜ ᱮ ᱜᱚᱴᱟ ᱠᱮᱫᱟ ᱾ ᱵᱷᱚᱴᱴᱟᱨᱟᱭᱟᱜ ᱱᱚᱣᱟ ᱯᱷᱟᱭᱥᱟᱞ ᱫᱚ ᱢᱤᱫᱴᱟᱹᱝ ᱱᱮᱯᱟᱞᱤ ᱠᱚᱝᱜᱽᱨᱮᱥ ᱦᱚᱛᱮᱛᱮ ᱜᱟᱱᱛᱟᱱᱛᱨᱚᱣᱟᱫᱽ ᱥᱮᱡ ᱞᱟᱦᱟ ᱪᱟᱞᱟᱣ ᱠᱟᱛᱮ ᱩᱫᱽᱜᱟᱹᱣ ᱞᱮᱱᱟ ᱾^[᱒]

ᱜᱩᱨ

ᱵᱷᱚᱴᱴᱚᱨᱟᱭ ᱫᱚ ᱔ ᱢᱟᱨᱪ ᱒᱐᱑᱑ ᱦᱤᱞᱚᱜ ᱠᱟᱴᱷᱢᱟᱱᱰᱩ ᱨᱮᱱᱟᱜ ᱱᱚᱨᱵᱤᱠ ᱤᱱᱴᱟᱨᱱᱮᱥᱚᱱᱟᱞ ᱦᱚᱥᱯᱤᱴᱟᱞ ᱨᱮ ᱜᱚᱡ ᱮᱱᱟᱭ ᱾ ᱩᱱᱤ ᱫᱚ ᱱᱮᱯᱟᱞᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱢᱩᱪᱟᱹᱫ ᱡᱤᱣᱤᱫ ᱛᱷᱟᱯᱱᱟᱣᱤᱭᱟᱹ ᱟᱹᱭᱩᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾^[᱓] ᱦᱚᱥᱯᱤᱴᱟᱞ ᱨᱮ ᱢᱮᱱ ᱟᱠᱟᱱᱟ ᱡᱮ ᱩᱱᱤ ᱟᱹᱭᱩᱵ ᱑᱑ᱺ᱒᱖ ᱴᱟᱲᱟᱝ ᱨᱮ ᱜᱚᱡ ᱮᱱᱟᱭ ᱾ ᱵᱷᱚᱴᱴᱚᱨᱟᱭ ᱫᱚ ᱯᱮ ᱦᱟᱴ ᱠᱷᱚᱱ ᱦᱚᱥᱯᱤᱴᱟᱞ ᱨᱮᱭᱟᱜ ᱤᱱᱴᱮᱱᱥᱤᱵᱷ ᱠᱮᱭᱟᱨ ᱭᱩᱱᱤᱴ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱠᱨᱚᱱᱤᱠ ᱵᱨᱚᱱᱠᱟᱭᱤᱴᱤᱥ, ᱠᱨᱚᱱᱤᱠ ᱨᱮᱱᱟᱞ ᱯᱷᱮᱞᱚᱨ, ᱟᱨ ᱠᱚᱱᱡᱮᱥᱴᱤᱵᱷ ᱦᱟᱨᱴ ᱯᱷᱮᱞᱚᱨ ᱠᱷᱚᱱ ᱮ ᱥᱟᱦᱟᱣ ᱞᱮᱱᱟ ᱟᱨ ᱱᱮᱛᱟᱨ ᱜᱮ ᱩᱱᱤ ᱫᱚ ᱥᱟᱭ ᱥᱮᱨᱢᱟ ᱫᱷᱟᱹᱨᱤᱡ ᱡᱤᱣᱤᱫ ᱛᱟᱦᱮᱱᱟᱭ, ᱚᱱᱟ ᱛᱟᱭᱚᱢ ᱩᱱᱤ ᱜᱚᱡ ᱮᱱᱟᱭ ᱾^[᱔]

ᱥᱟᱹᱠᱷᱭᱟᱹᱛ

1 2 "Flight of a free bird". My Republica. 7 March 2011. Retrieved 13 December 2017.
↑ Nepalnews.com article^{[permanent dead link]}
↑ Dhakal, Prem. "Krishna Prasad Bhattarai passes away" Archived ᱑᱑ ᱮᱯᱨᱤᱞ ᱒᱐᱑᱑ at the Wayback Machine..
↑ "Bhattarai's health improving: Docs: Kishunji tells media he's confident he will live up to hundred years" Archived ᱑᱔ ᱰᱤᱥᱮᱢᱵᱚᱨ ᱒᱐᱑᱓ at the Wayback Machine..

ᱵᱟᱦᱨᱮ ᱡᱚᱱᱚᱲ

[myrepublica-1] 1 2 "Flight of a free bird". My Republica. 7 March 2011. Retrieved 13 December 2017.

[2] Nepalnews.com article^{[permanent dead link]}

[3] Dhakal, Prem. "Krishna Prasad Bhattarai passes away" Archived ᱑᱑ ᱮᱯᱨᱤᱞ ᱒᱐᱑᱑ at the Wayback Machine..

[4] "Bhattarai's health improving: Docs: Kishunji tells media he's confident he will live up to hundred years" Archived ᱑᱔ ᱰᱤᱥᱮᱢᱵᱚᱨ ᱒᱐᱑᱓ at the Wayback Machine..

[᱑]

[᱒]

[᱓]

[᱔]