ᱠᱩᱠᱩ ᱢᱳᱨᱮ
| ᱠᱩᱠᱩ ᱢᱳᱨᱮ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 1928 ᱵᱨᱤᱴᱤᱥ ᱨᱟᱡᱽ |
| ᱜᱩᱨ | 30 ᱥᱮᱯᱴᱮᱢᱵᱚᱨ 1981 (aged 52–53) ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱠᱟᱹᱢᱤ | ᱮᱠᱴᱨᱮᱥ, ᱰᱟᱱᱥᱟᱨ |
| ᱠᱟᱹᱢᱤ ᱚᱠᱛᱚ | 1946–1963 |
ᱠᱩᱠᱩ ᱢᱳᱨᱮ, ᱡᱟᱦᱟᱸᱭ ᱫᱚ ᱠᱩᱠᱩ ᱵᱟᱝᱠᱷᱟᱱ ᱠᱩᱠᱳ ᱞᱮᱠᱟᱛᱮ ᱦᱚᱸ ᱠᱚ ᱢᱟᱱᱟᱣ ᱮᱭᱟ (᱑᱙᱒᱘ – ᱓᱐ ᱥᱮᱯᱴᱮᱢᱵᱚᱨ ᱑᱙᱘᱑), ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱥᱤᱱᱮᱢᱟ ᱨᱮ ᱢᱤᱫ ᱮᱸᱜᱽᱞᱳ-ᱤᱱᱰᱤᱭᱟᱱ ᱮᱱᱮᱡᱤᱭᱟᱹ ᱟᱨ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ᱾[᱑] ᱠᱩᱠᱩ ᱫᱚ ᱑᱙᱔᱐ ᱟᱨ ᱑᱙᱕᱐ ᱨᱮᱱᱟᱜ ᱦᱤᱱᱫᱤ ᱥᱤᱱᱮᱢᱟ ᱨᱮ ᱯᱷᱤᱞᱢ ᱮᱱᱮᱡ ᱨᱮᱱ ᱨᱟᱹᱱᱤ ᱮ ᱛᱟᱦᱮᱸ ᱠᱟᱱᱟ᱾ ᱧᱩᱛᱩᱢ ᱨᱮ ᱵᱟᱭ ᱵᱟᱰᱟᱭᱚᱜ ᱨᱮᱦᱚᱸ, ᱩᱱᱤ ᱫᱚ ᱦᱤᱱᱫᱤ ᱥᱤᱱᱮᱢᱟ ᱨᱮᱱ "ᱨᱟᱵᱟᱨ ᱠᱩᱲᱤ" ᱞᱮᱠᱟᱛᱮ ᱠᱚ ᱵᱟᱰᱟᱭ ᱮᱭᱟ ᱟᱨ ᱩᱱᱤᱭᱟᱜ ᱫᱟᱲᱮ ᱫᱚ ᱑᱙᱔᱐ ᱟᱨ ᱑᱙᱕᱐ ᱚᱠᱛᱚ ᱨᱮ ᱵᱚᱞᱤᱣᱩᱰ ᱯᱷᱤᱞᱢ ᱨᱮ ᱠᱮᱵᱽᱨᱮᱴ ᱮᱱᱮᱡ ᱫᱚ ᱞᱟᱹᱠᱛᱤᱭᱟᱱ ᱮ ᱵᱮᱱᱟᱣ ᱠᱮᱫᱟ᱾ ᱱᱮᱛᱟᱨ ᱜᱮ ᱱᱚᱣᱟ ᱠᱚ ᱠᱚᱱᱯᱷᱚᱨᱢ ᱟᱠᱟᱫᱟ ᱡᱮ ᱠᱩᱠᱩ ᱟᱜ ᱟᱥᱚᱞ ᱧᱩᱛᱩᱢ ᱫᱚ ᱠᱩᱠᱩ ᱢᱳᱨᱮ ᱛᱟᱦᱮᱸ ᱠᱟᱱᱟ᱾[᱒]
ᱮᱛᱚᱦᱚᱵ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱨᱤᱴᱤᱥ ᱨᱟᱡᱽ ᱨᱮᱱᱟᱜ ᱢᱩᱪᱟᱹᱫ ᱚᱠᱛᱚ ᱨᱮ ᱡᱟᱱᱟᱢ ᱠᱟᱛᱮ, ᱠᱩᱠᱩ ᱫᱚ ᱑᱙᱔᱖ ᱨᱮ ᱟᱨᱚᱵᱽ ᱠᱟ ᱥᱤᱛᱟᱨᱟ ᱯᱷᱤᱞᱢ ᱨᱮ ᱟᱡᱟᱜ ᱥᱠᱨᱤᱱ ᱰᱮᱵᱭᱩᱴ ᱮ ᱵᱮᱱᱟᱣ ᱞᱮᱫᱟ᱾ ᱟᱹᱰᱤ ᱞᱚᱜᱚᱱ ᱛᱟᱭᱚᱢ ᱥᱴᱚᱢ ᱪᱟᱱᱰᱤ ᱨᱮ, ᱰᱟᱭᱨᱮᱠᱴᱚᱨ ᱟᱨ ᱢᱟᱨᱟᱝ ᱧᱮᱞᱟᱱ ᱦᱚᱲ ᱯᱩᱭᱞᱩ ᱫᱷᱟᱣ ᱞᱟᱹᱜᱤᱫ ᱩᱱᱤᱭᱟᱜ ᱮᱱᱮᱡ ᱫᱟᱲᱮ ᱠᱚ ᱧᱮᱞ ᱞᱮᱫᱟ᱾ ᱛᱚᱵᱮ, ᱠᱩᱠᱩ ᱟᱜ ᱠᱟᱹᱢᱤ ᱨᱮ ᱵᱚᱫᱚᱞ ᱚᱠᱛᱚ ᱫᱚ ᱢᱮᱦᱵᱩᱵᱽ ᱠᱷᱟᱱ ᱟᱜ ᱯᱷᱤᱞᱢ ᱨᱮ ᱛᱟᱦᱮᱸ ᱠᱟᱱᱟ᱾ ᱩᱱᱤᱭᱟᱜ ᱯᱷᱤᱞᱢ ᱟᱱᱳᱠᱷᱤ ᱟᱰᱟ (᱑᱙᱔᱘) ᱨᱮ ᱩᱱᱤᱭᱟᱜ ᱮᱱᱮᱡ ᱱᱚᱢᱵᱚᱨ ᱫᱚ ᱩᱱᱤ ᱚᱠᱛᱚ ᱨᱮᱱ ᱢᱩᱬ ᱮᱱᱮᱡᱤᱭᱟᱹ ᱞᱮᱠᱟᱛᱮ ᱥᱛᱟᱯᱤᱛ ᱠᱮᱫᱮᱭᱟ ᱟᱨ ᱟᱱᱫᱟᱡᱽ (᱑᱙᱔᱙) ᱨᱮ, ᱱᱟᱨᱜᱤᱥ, ᱫᱤᱞᱤᱯ ᱠᱩᱢᱟᱨ, ᱟᱨ ᱨᱟᱡᱽ ᱠᱟᱯᱩᱨ ᱥᱴᱟᱨᱤᱝ ᱢᱤᱫ ᱨᱳᱢᱟᱱᱴᱤᱠ ᱰᱨᱟᱢᱟ, ᱮᱱᱮᱡ ᱥᱴᱟᱨ ᱫᱚ ᱟᱡᱟᱜ ᱮᱠᱴᱤᱝ ᱥᱠᱤᱞ ᱫᱮᱠᱷᱟᱣ ᱨᱮᱭᱟᱜ ᱢᱤᱫ ᱥᱩᱡᱳᱜ ᱮ ᱮᱢᱟᱫᱮᱭᱟ᱾ ᱢᱮᱦᱵᱩᱵᱽ ᱠᱷᱟᱱ ᱟᱜ ᱑᱙᱕᱒ ᱴᱮᱠᱱᱤᱠᱚᱞᱟᱨ ᱯᱷᱤᱞᱢ ᱟᱟᱱ ᱨᱮ, ᱡᱟᱦᱟᱸ ᱫᱚ ᱟᱡᱟᱜ ᱯᱩᱭᱞᱩ ᱠᱚᱞᱟᱨ ᱯᱷᱤᱞᱢ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱢᱤᱫ ᱮᱱᱮᱡ ᱥᱤᱠᱣᱮᱱᱥ ᱨᱮ ᱢᱤᱫ ᱠᱷᱟᱴᱚ ᱠᱮᱢᱤᱭᱳ ᱮ ᱠᱚᱨᱟᱣ ᱞᱮᱫᱟ᱾ ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱨᱮ ᱟᱟᱱ & ᱢᱟᱭᱩᱨᱯᱟᱝᱠᱷ ᱨᱮ ᱠᱷᱟᱹᱞᱤ ᱒ ᱠᱚᱞᱟᱨ ᱯᱷᱤᱞᱢ ᱨᱮ ᱧᱮᱞ ᱟᱠᱟᱱᱟ᱾ ᱩᱱᱤ ᱫᱚ ᱢᱤᱫ ᱮᱱᱮᱡ ᱱᱚᱢᱵᱚᱨ ᱞᱟᱹᱜᱤᱫ ᱖,᱐᱐᱐ ᱴᱟᱠᱟ ᱮ ᱪᱟᱨᱡᱽ ᱠᱟᱱ ᱛᱟᱦᱮᱸᱫ, ᱕᱐ ᱨᱮ ᱢᱤᱫ ᱤᱨᱥᱟᱹ ᱟᱱ ᱯᱷᱤᱥ ᱛᱟᱦᱮᱸ ᱠᱟᱱᱟ᱾
ᱛᱟᱭᱚᱢ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱮᱞᱮᱱ ᱟᱨ ᱵᱷᱟᱭᱡᱟᱱᱛᱤᱢᱟᱞᱟ ᱞᱮᱠᱟᱱ ᱮᱱᱮᱡᱤᱭᱟᱹ ᱤᱱᱰᱚᱥᱴᱨᱤ ᱨᱮ ᱦᱮᱡ ᱫᱷᱟᱹᱵᱤᱡ ᱠᱩᱠᱩ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮᱱ ᱥᱚᱨᱮᱥ ᱮᱱᱮᱡᱤᱭᱟᱹ ᱜᱮ ᱛᱟᱦᱮᱸ ᱠᱟᱱᱟ᱾ ᱠᱩᱠᱩ ᱫᱚ ᱮᱸᱜᱽᱞᱳ-ᱵᱚᱨᱢᱤᱡᱽ ᱮᱱᱮᱡᱤᱭᱟᱹ ᱟᱨ ᱮᱠᱴᱨᱮᱥ ᱦᱮᱞᱮᱱ ᱨᱮᱱ ᱢᱤᱫ ᱜᱷᱟᱨᱚᱸᱡᱽ ᱜᱟᱛᱮ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱵᱟᱝ ᱵᱟᱰᱟᱭ ᱦᱚᱲ ᱠᱚ ᱡᱮᱞᱮᱠᱟ ᱡᱤᱫᱽᱫᱤ ᱨᱮ ᱯᱨᱟᱱ ᱞᱮᱠᱟᱱ ᱵᱚᱞᱤᱣᱩᱰ ᱨᱮ ᱟᱠᱚᱣᱟᱜ ᱵᱨᱮᱠ ᱧᱟᱢ ᱨᱮ ᱜᱚᱲᱚ ᱞᱟᱹᱜᱤᱫ ᱦᱚᱸᱭ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ᱾ ᱠᱩᱠᱩ ᱫᱚ ᱑᱓ ᱥᱮᱨᱢᱟ ᱩᱢᱮᱨ ᱨᱮᱱ ᱦᱮᱞᱮᱱ ᱥᱟᱵᱤᱥᱛᱟᱱ ᱟᱨ ᱟᱣᱟᱨᱟ (ᱵᱟᱱᱟᱨ ᱑᱙᱕᱑) ᱞᱮᱠᱟᱱ ᱯᱷᱤᱞᱢ ᱨᱮ ᱢᱤᱫ ᱠᱳᱨᱚᱥ ᱮᱱᱮᱡᱤᱭᱟᱹ ᱞᱮᱠᱟᱛᱮ ᱯᱷᱤᱞᱢ ᱨᱮ ᱮ ᱥᱮᱞᱮᱫ ᱞᱮᱫᱮᱭᱟ᱾ ᱠᱩᱠᱩ ᱟᱨ ᱦᱮᱞᱮᱱ ᱡᱟᱹᱥᱛᱤ ᱠᱟᱭᱛᱮ ᱥᱮᱨᱮᱧ ᱟᱨ ᱮᱱᱮᱡ ᱥᱤᱠᱣᱮᱱᱥ ᱨᱮ ᱢᱤᱫ ᱥᱟᱶ ᱠᱚ ᱧᱮᱞ ᱞᱮᱱᱟ, ᱡᱮᱞᱮᱠᱟ ᱪᱟᱞᱛᱤ ᱠᱟ ᱱᱟᱢ ᱜᱟᱰᱤ (᱑᱙᱕᱘) ᱟᱨ ᱭᱟᱦᱩᱫᱤ (᱑᱙᱕᱘) ᱨᱮ᱾ ᱩᱱᱤᱭᱟᱜ ᱢᱩᱪᱟᱹᱫ ᱯᱷᱤᱞᱢ ᱧᱮᱞ ᱫᱚ ᱑᱙᱖᱓ ᱨᱮ ᱢᱩᱡᱷᱮ ᱡᱤᱱᱮ ᱫᱳ ᱨᱮ ᱛᱟᱦᱮᱸ ᱠᱟᱱᱟ ᱚᱱᱟ ᱛᱟᱭᱚᱢ, ᱩᱱᱤ ᱫᱚ ᱯᱷᱤᱞᱢ ᱤᱱᱰᱚᱥᱴᱨᱤ ᱠᱷᱚᱱ ᱮ ᱩᱪᱟᱹᱲ ᱞᱮᱱᱟ᱾
ᱠᱩᱠᱩ ᱫᱚ ᱱᱟᱯᱟᱭ ᱛᱟᱦᱮᱸᱱ ᱨᱮ ᱛᱤᱱᱟᱹᱜ ᱮ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱫ ᱚᱱᱟ ᱫᱚ ᱱᱚᱣᱟ ᱠᱟᱛᱷᱟ ᱠᱷᱚᱱ ᱜᱮ ᱵᱟᱰᱟᱭ ᱧᱟᱢᱚᱜᱼᱟ ᱡᱮ ᱩᱱᱤ ᱴᱷᱮᱱ ᱯᱮᱭᱟ ᱱᱟᱯᱟᱭ ᱜᱟᱹᱰᱤ ᱛᱟᱦᱮᱸ ᱠᱟᱱ ᱛᱟᱭᱟ, ᱚᱱᱟ ᱠᱷᱚᱱ ᱢᱤᱫ ᱜᱟᱹᱰᱤ ᱫᱚ ᱩᱱᱤ ᱵᱮᱵᱷᱟᱨ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ, ᱢᱤᱫ ᱫᱚ ᱩᱱᱤᱭᱟᱜ ᱠᱩᱛᱤ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ ᱟᱨ ᱢᱤᱫ ᱜᱟᱹᱰᱤ ᱫᱚ ᱦᱮᱞᱮᱱ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱴᱷᱮᱱ ᱟᱭᱢᱟ ᱮᱯᱟᱨᱴᱢᱮᱱᱴ ᱟᱨ ᱟᱹᱰᱤ ᱜᱟᱱ ᱡᱩᱣᱮᱞᱟᱨᱤ ᱛᱟᱦᱮᱸ ᱠᱟᱱ ᱛᱟᱭᱟ ᱢᱮᱱᱠᱷᱟᱱ ᱱᱚᱣᱟ ᱠᱚ ᱢᱮᱱᱟ ᱡᱮ ᱩᱱᱤᱭᱟᱜ ᱥᱟᱱᱟᱢ ᱯᱨᱚᱯᱟᱨᱴᱤ ᱫᱚ ᱤᱱᱠᱟᱢ ᱴᱮᱠᱥ ᱵᱷᱟᱭᱳᱞᱮᱴ ᱠᱷᱟᱹᱛᱤᱨ ᱠᱚ ᱡᱚᱵᱽᱛ ᱞᱮᱫ ᱛᱟᱭᱟ᱾ ᱱᱚᱣᱟ ᱠᱷᱟᱹᱛᱤᱨ ᱛᱮ, ᱩᱱᱤ ᱴᱷᱮᱱ ᱯᱩᱭᱥᱟᱹ ᱵᱟᱭ ᱵᱟᱹᱲᱛᱤ ᱞᱮᱱᱟ᱾ ᱡᱮᱢᱚᱱ ᱩᱱᱤᱭᱟᱜ ᱠᱤᱥᱢᱟᱛ ᱮ ᱧᱩᱨ ᱞᱮᱱᱟ, ᱩᱱᱤ ᱫᱚ ᱕᱒ ᱩᱢᱮᱨ ᱨᱮ ᱜᱩᱨᱚᱜ ᱠᱟᱱ ᱴᱟᱨᱢᱤᱱᱟᱞ ᱠᱮᱱᱥᱟᱨ ᱥᱟᱶ ᱞᱟᱹᱲᱦᱟᱹᱭ ᱠᱮᱫᱟ᱾ ᱠᱩᱠᱩ ᱫᱚ ᱕᱓ ᱩᱢᱮᱨ ᱨᱮ ᱠᱮᱱᱥᱟᱨ ᱠᱷᱟᱹᱛᱤᱨ ᱓᱐ ᱥᱮᱯᱴᱮᱢᱵᱚᱨ ᱑᱙᱘᱑ ᱨᱮ ᱜᱩᱨ ᱮᱱᱟ᱾ ᱢᱩᱪᱟᱹᱫ ᱚᱠᱛᱚ ᱨᱮ, ᱥᱤᱪᱩᱮᱥᱟᱱ ᱱᱚᱝᱠᱟ ᱦᱩᱭ ᱞᱮᱱᱟ ᱡᱮ ᱯᱷᱤᱞᱢ ᱤᱱᱰᱚᱥᱴᱨᱤ ᱩᱱᱤ ᱫᱚ ᱵᱷᱩᱞ ᱨᱮ ᱮ ᱵᱟᱹᱜᱤ ᱠᱟᱫᱮᱭᱟ᱾ ᱨᱟᱱ ᱠᱤᱨᱤᱧ ᱞᱟᱹᱜᱤᱫ ᱦᱚᱸ ᱯᱩᱭᱥᱟᱹ ᱵᱟᱝ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱷᱟᱹᱛᱤᱨ ᱛᱮ ᱠᱩᱠᱩ ᱫᱚ ᱟᱡ ᱵᱟᱭ ᱴᱨᱤᱴᱢᱮᱱᱴ ᱫᱟᱲᱮᱭᱟᱫ ᱟᱨ ᱯᱷᱤᱞᱢ ᱤᱱᱰᱚᱥᱴᱨᱤ ᱠᱷᱚᱱ ᱡᱟᱦᱟᱸᱭ ᱦᱚᱸ ᱩᱱᱤ ᱜᱚᱲᱚ ᱞᱟᱹᱜᱤᱫ ᱵᱟᱠᱚ ᱦᱮᱡ ᱞᱮᱱᱟ᱾ ᱩᱱᱤ ᱫᱚ ᱜᱩᱨ ᱚᱠᱛᱚ ᱨᱮ ᱯᱷᱤᱞᱢ ᱤᱱᱰᱚᱥᱴᱨᱤ ᱦᱚᱛᱮᱛᱮ ᱵᱷᱩᱞ ᱟᱨ ᱵᱟᱭ ᱧᱮᱞ ᱠᱟᱛᱮ ᱠᱚ ᱵᱟᱹᱜᱤ ᱞᱮᱫᱮᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Rishi, Tilak (2012). Bless You Bollywood!: A tribute to Hindi Cinema on completing 100 years. Trafford Publishing. p. 240. ISBN 978-1-466-93962-2.
- ↑ Sandip Pal (20 August 2015). "Forgotten gems of Bollywood - The Times of India". The Times of India. Retrieved 3 September 2016.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱠᱩᱠᱩ ᱢᱳᱨᱮ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Full filmography and biography of Cuckoo (in French)