ᱠᱩᱢᱩᱫᱤᱱᱤ ᱛᱭᱟᱜᱤ
ᱠᱩᱢᱩᱫᱤᱱᱤ ᱛᱭᱟᱜᱤ ᱫᱚ ᱥᱤᱧᱚᱛᱤᱭᱟᱹ ᱱᱟᱣᱥᱮᱱᱟ ᱨᱮ ᱠᱟᱹᱢᱤ ᱠᱟᱱ ᱚᱯᱷᱤᱥᱚᱨ ᱠᱟᱱᱟᱭ᱾ ᱩᱱᱤ ᱫᱚ ᱥᱟᱵᱽ-ᱞᱮᱯᱷᱴᱮᱱᱮᱱᱴ ᱨᱤᱛᱤ ᱥᱤᱝ ᱥᱟᱶᱛᱮ ᱥᱤᱧᱚᱛᱤᱭᱟᱹ ᱱᱟᱣᱥᱮᱱᱟ ᱞᱟᱹᱲᱦᱟᱹᱭ ᱡᱟᱦᱟᱡᱽ ᱠᱷᱚᱱ ᱠᱟᱹᱢᱤ ᱞᱟᱹᱜᱤᱫ ᱟᱠᱚᱣᱟᱜ ᱳᱭᱤᱝᱥ ᱧᱟᱢ ᱟᱠᱟᱫ ᱯᱩᱭᱞᱩ ᱵᱟᱨᱭᱟ ᱛᱤᱨᱞᱟᱹ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱠᱟᱱᱟᱭ᱾[᱑][᱒][᱓]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱭᱟᱜᱤ ᱫᱚ ᱑᱙᱙᱗ ᱨᱮ ᱯᱨᱟᱵᱮᱥ ᱠᱩᱢᱟᱨ ᱛᱭᱟᱜᱤ ᱟᱨ ᱨᱤᱱᱟ ᱛᱭᱟᱜᱤ ᱴᱷᱮᱱ ᱜᱟᱡᱤᱭᱟᱵᱟᱫᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱱᱩᱠᱩ ᱜᱷᱟᱨᱚᱸᱡᱽ ᱫᱚ ᱠᱷᱟᱨᱠᱷᱚᱫᱟ, ᱢᱤᱨᱩᱴ ᱠᱷᱚᱱ ᱠᱚ ᱦᱮᱡ ᱟᱠᱟᱱᱟ, ᱢᱮᱱᱠᱷᱟᱱ ᱑᱙᱘᱓ ᱨᱮ ᱜᱟᱡᱤᱭᱟᱵᱟᱫᱽ ᱛᱮᱠᱚ ᱩᱪᱟᱹᱲ ᱞᱮᱱᱟ᱾ ᱟᱡ ᱜᱚᱲᱚᱢ ᱦᱟᱲᱟᱢ, ᱥᱩᱨᱮᱥ ᱪᱚᱸᱫᱽ ᱛᱭᱟᱜᱤ ᱫᱚ ᱩᱛᱛᱚᱨ ᱯᱨᱚᱫᱮᱥ ᱯᱩᱞᱤᱥ ᱨᱮ ᱥᱟᱵᱽ-ᱤᱱᱥᱯᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ, ᱟᱨ ᱟᱡ ᱵᱟᱵᱟ, ᱯᱨᱟᱵᱮᱥ ᱫᱚ ᱢᱤᱫ ᱥᱤᱠᱭᱩᱨᱤᱴᱤ ᱮᱡᱮᱱᱥᱤ ᱪᱟᱞᱟᱣᱮᱫᱟ᱾ ᱠᱩᱢᱩᱫᱤᱱᱤ ᱟᱡ ᱜᱚᱲᱚᱢ ᱟᱭᱳ ᱧᱩᱛᱩᱢ ᱫᱚ ᱨᱟᱡᱮᱥ ᱠᱩᱢᱟᱨᱤ ᱛᱭᱟᱜᱤ ᱠᱟᱱᱟ᱾ ᱟᱡ ᱨᱤᱱ ᱢᱤᱫ ᱦᱩᱰᱤᱧ ᱵᱚᱭᱦᱟ ᱢᱮᱱᱟᱭᱟ, ᱟᱯᱩᱨᱵᱽ ᱛᱭᱟᱜᱤ, ᱡᱟᱦᱟᱸᱭ ᱫᱚ ᱡᱩᱢᱤᱫᱽ ᱨᱩᱠᱷᱤᱭᱟᱹ ᱥᱚᱨᱵᱷᱤᱥ ᱨᱮᱱᱟᱜ ᱚᱞ ᱵᱤᱱᱤᱰ ᱦᱚᱸᱭ ᱯᱟᱥ ᱟᱠᱟᱫᱟ᱾ ᱱᱩᱠᱩ ᱜᱷᱟᱨᱚᱸᱡᱽ ᱫᱚ ᱥᱚᱧᱡᱚᱭ ᱱᱚᱜᱚᱨ ᱥᱮᱠᱴᱚᱨ-᱒᱓, ᱜᱟᱡᱤᱭᱟᱵᱟᱫᱽ ᱨᱮᱠᱚ ᱛᱟᱦᱮᱸᱱᱟ᱾ ᱥᱮᱪᱮᱫ ᱛᱭᱟᱜᱤ ᱫᱚ ᱥᱮᱱᱴ ᱯᱚᱞᱥ ᱮᱠᱟᱰᱮᱢᱤ, ᱨᱟᱡᱽᱱᱚᱜᱚᱨ ᱠᱷᱚᱱ ᱟᱡᱟᱜ ᱟᱭᱤ.ᱥᱤ.ᱮᱥ.ᱤ. (᱑᱐ ᱟᱱᱟᱜ ᱪᱟᱱᱚᱪ) ᱟᱨ ᱪ.ᱪᱷᱟᱵᱤᱞ ᱫᱟᱥ ᱯᱚᱵᱽᱞᱤᱠ ᱥᱠᱩᱞ ᱠᱷᱚᱱ ᱟᱡᱟᱜ ᱥᱤ.ᱵᱤ.ᱮᱥ.ᱤ. (᱑᱒ ᱟᱱᱟᱜ ᱪᱟᱱᱚᱪ) ᱮ ᱯᱩᱨᱟᱹᱣ ᱟᱠᱟᱫᱟ᱾ ᱩᱱᱤ ᱫᱚ ᱮ.ᱵᱤ.ᱮᱥ. ᱤᱧᱡᱤᱱᱤᱭᱟᱨᱤᱝ ᱠᱚᱞᱮᱡᱽ ᱠᱷᱚᱱ ᱠᱚᱢᱯᱭᱩᱴᱟᱨ ᱥᱟᱬᱮᱥ ᱨᱮ ᱟᱡᱟᱜ ᱵᱮᱪᱞᱚᱨ ᱚᱯᱷ ᱴᱮᱠᱱᱚᱞᱚᱡᱤ ᱮ ᱧᱟᱢ ᱟᱠᱟᱫᱟ ᱟᱨ ᱠᱚᱞᱮᱡᱽ ᱨᱮ ᱴᱚᱯ ᱟᱠᱟᱫᱟ᱾ ᱩᱱᱤ ᱫᱚ ᱨᱩᱠᱷᱤᱭᱟᱹ ᱯᱷᱚᱨᱥ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱟᱹᱰᱤ ᱡᱩᱨ ᱮ ᱠᱩᱨᱩᱢᱩᱴᱩ ᱛᱟᱦᱮᱸ ᱠᱟᱱᱟ, ᱟᱨ ᱒᱐᱑᱕ ᱨᱮᱱᱟᱜ ᱫᱩᱠᱷ ᱜᱷᱚᱴᱚᱱ, ᱡᱟᱦᱟᱸ ᱨᱮ ᱠᱤᱨᱚᱱ ᱥᱮᱠᱷᱟᱣᱟᱛ ᱮ ᱥᱟᱦᱤᱫᱽ ᱞᱮᱱᱟ, ᱩᱱᱤ ᱫᱚ ᱟᱹᱰᱤ ᱜᱟᱹᱦᱤᱨ ᱮ ᱚᱨᱥᱚᱝ ᱞᱮᱫᱮᱭᱟ᱾ ᱩᱱᱤ ᱫᱚ ᱒᱐᱑᱘ ᱰᱤᱥᱮᱢᱵᱚᱨ ᱨᱮ ᱱᱟᱣᱥᱮᱱᱟ ᱨᱮ ᱠᱚᱢᱤᱥᱚᱱ ᱞᱮᱱᱟ, ᱵᱷᱮᱜᱟᱨ ᱠᱷᱚᱱ ᱟᱹᱰᱤ ᱱᱟᱯᱟᱭ ᱠᱟᱹᱢᱤ ᱨᱮᱱᱟᱜ ᱚᱯᱷᱟᱨ ᱛᱟᱦᱮᱸ ᱠᱟᱛᱮ ᱦᱚᱸ᱾ ᱟᱡ ᱜᱷᱟᱨᱚᱸᱡᱽ ᱫᱚ ᱩᱱᱤ ᱫᱚ ᱯᱟᱲᱦᱟᱣ ᱟᱨ ᱯᱷᱤᱴ ᱠᱩᱲᱤ ᱠᱚ ᱢᱮᱛᱟᱭ ᱠᱟᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱭᱟᱜᱤ ᱫᱚ ᱥᱟᱣᱛᱷᱮᱨᱱ ᱱᱟᱣᱟᱞ ᱠᱚᱢᱟᱱᱰ, ᱠᱚᱪᱤ ᱠᱷᱚᱱ ᱒᱒ ᱟᱱᱟᱜ ᱥᱚᱨᱴ ᱥᱚᱨᱵᱷᱤᱥ ᱠᱚᱢᱤᱥᱚᱱ ᱚᱵᱽᱡᱚᱨᱵᱷᱟᱨ ᱠᱚᱨᱥ ᱮ ᱯᱩᱨᱟᱹᱣ ᱟᱠᱟᱫᱟ᱾ ᱱᱚᱣᱟ ᱨᱮ ᱖᱐ ᱴᱟᱲᱟᱝ ᱩᱰᱟᱹᱱ ᱛᱟᱹᱞᱤᱢ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱥᱚᱨᱴᱤᱡᱽ ᱟᱨ ᱥᱤᱢᱩᱞᱮᱴᱟᱨ ᱩᱰᱟᱹᱱ ᱦᱚᱸ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾ ᱛᱟᱹᱞᱤᱢ ᱨᱮ ᱛᱟᱦᱮᱸ ᱠᱟᱛᱮ, ᱩᱱᱤ ᱫᱚ ᱤᱱᱴᱟᱨ ᱥᱠᱣᱟᱰᱨᱚᱱ ᱱᱚᱵᱷᱤᱥᱮᱥ ᱮᱠᱥ-ᱠᱚᱱᱴᱨᱤ ᱪᱟᱢᱯᱤᱭᱚᱱᱥᱤᱯ, ᱒᱐᱑᱙ ᱨᱮ ᱛᱤᱨᱞᱟᱹ ᱠᱚ ᱢᱩᱫᱽ ᱨᱮ ᱯᱩᱭᱞᱩ ᱴᱷᱟᱶ ᱮ ᱟᱢᱮᱴ ᱞᱮᱫᱟ, ᱘ ᱠᱤᱞᱚᱢᱤᱴᱚᱨ ᱫᱟᱹᱲ ᱨᱮ ᱔᱖ ᱢᱤᱱᱤᱴ ᱒᱙ ᱥᱮᱠᱮᱱᱰ ᱮ ᱚᱠᱛᱚ ᱞᱮᱫᱟ᱾ ᱒᱑ ᱥᱮᱯᱴᱮᱢᱵᱚᱨ ᱒᱐᱒᱐ ᱨᱮ, ᱛᱭᱟᱜᱤ ᱫᱚ ᱥᱤᱧᱚᱛᱤᱭᱟᱹ ᱱᱟᱣᱥᱮᱱᱟ ᱨᱮᱱᱟᱜ ᱦᱮᱞᱤᱠᱚᱯᱴᱚᱨ ᱯᱷᱞᱤᱴ ᱨᱮ ᱚᱵᱽᱡᱚᱨᱵᱷᱟᱨ (ᱮᱭᱟᱨᱵᱚᱨᱱ ᱴᱮᱠᱴᱤᱥᱤᱭᱟᱱ) ᱞᱮᱠᱟᱛᱮ ᱠᱚ ᱥᱮᱞᱮᱫ ᱠᱮᱫᱮᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "In a first, 2 women officers to operate helicopters from Indian Navy warships". Hindustan Times (in ᱟᱝᱜᱽᱨᱮᱡᱤ). 2020-09-21. Retrieved 2020-09-22.
- ↑ Service, Tribune News. "Navy selects 2 women officers for warship". Tribuneindia News Service.
- ↑ "Sub Lieutenant Kumudini Tyagi: The engineer who chose the ocean over office". hindustantimes.com.