ᱠᱩᱥᱩᱱᱰᱟ ᱦᱚᱲ

ᱠᱩᱥᱩᱱᱰᱟ
	ᱠᱩᱥᱩᱱᱰᱟ ᱵᱩᱰᱷᱤ ᱜᱽᱭᱟᱱᱤ ᱢᱟᱭᱭᱟ ᱥᱮᱹᱱ ᱠᱩᱥᱩᱱᱰᱟ (᱑᱙᱓᱗–᱒᱐᱒᱐), ᱒᱐᱑᱙ ᱨᱮ
ᱜᱩᱴ ᱦᱚᱲ ᱮᱞ
	ᱜᱚᱴᱟᱜᱩᱴᱤ ᱒᱕᱓ (᱒᱐᱒᱑)
ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ
	ᱱᱮᱯᱟᱞ
ᱯᱟᱹᱨᱥᱤ ᱠᱚ
	ᱠᱩᱥᱩᱱᱰᱟ ᱯᱟᱹᱨᱥᱤ

ᱥᱟᱶᱛᱟ ᱨᱮᱱ ᱵᱩᱰᱷᱤ ᱜᱽᱭᱟᱱᱤ ᱢᱟᱭᱭᱟ ᱥᱮᱹᱱ ᱠᱩᱥᱩᱱᱰᱟ ᱒᱐᱑᱙ ᱨᱮᱱᱟᱜ ᱰᱚᱠᱩᱢᱮᱱᱴᱟᱨᱤ ᱜᱽᱭᱟᱱᱤ ᱢᱟᱭᱭᱟ ᱨᱮ ᱠᱩᱥᱩᱱᱰᱟ ᱯᱟᱹᱨᱥᱤ ᱟᱫᱚᱜ ᱠᱟᱱ ᱵᱟᱵᱚᱛ ᱮ ᱜᱟᱞᱢᱟᱨᱟᱣ ᱮᱫᱟ᱾

ᱠᱩᱥᱩᱱᱰᱟ (ᱱᱮᱯᱟᱞᱤ: कुसुन्डा जाति) ᱥᱮ ᱵᱤᱨ ᱨᱟᱡᱟ ("ᱵᱤᱨ ᱨᱮᱱ ᱦᱚᱲ"), ᱡᱟᱦᱟᱸᱭ ᱫᱚ ᱟᱯᱱᱟᱨ ᱛᱮ ᱢᱤᱦᱟᱠ ᱥᱮ ᱢᱭᱟᱦᱟᱠ ᱥᱮ ᱢᱭᱟᱦᱟᱠ (Mihaq ᱥᱮ Myahq ᱥᱮ Myahak) ᱠᱚ ᱢᱮᱱᱚᱜᱼᱟ,^[᱒] ᱱᱩᱠᱩ ᱫᱚ ᱯᱟᱪᱮ ᱱᱮᱯᱟᱞ ᱨᱮᱱᱟᱜ ᱵᱤᱨ ᱠᱚᱨᱮ ᱛᱟᱦᱮᱸᱱ ᱠᱟᱱ ᱢᱤᱫ ᱥᱮᱸᱫᱽᱨᱟ-ᱛᱩᱢᱟᱹᱞ ᱡᱟᱹᱛᱤ ᱠᱟᱱᱟ ᱠᱚ, ᱡᱟᱦᱟᱸᱭ ᱫᱚ ᱱᱤᱛᱚᱜ ᱥᱩᱨ-ᱥᱩᱯᱩᱨ ᱨᱮᱱ ᱦᱚᱲ ᱠᱚ ᱥᱟᱶ ᱵᱟᱯᱞᱟ ᱥᱟᱹᱜᱟᱹᱭ ᱛᱚᱞ ᱠᱟᱛᱮ ᱟᱹᱛᱩ ᱠᱚᱨᱮ ᱠᱚ ᱵᱟᱥᱟ ᱟᱠᱟᱱᱟ᱾

᱑᱙᱖᱘ ᱥᱮᱨᱢᱟ ᱨᱮ ᱟᱢᱮᱨᱤᱠᱟᱱ ᱡᱟᱹᱛᱤ ᱥᱟᱬᱮᱥᱤᱭᱟᱹ ᱡᱳᱦᱟᱱ ᱨᱮᱭᱱᱦᱟᱨᱰ ᱛᱟᱞᱟ ᱱᱮᱯᱟᱞ ᱨᱮᱱᱟᱜ ᱜᱳᱨᱠᱷᱟ ᱥᱩᱨ ᱨᱮ ᱠᱤᱪᱷᱩ ᱜᱟᱱ ᱵᱟᱧᱪᱟᱣ ᱢᱮᱱᱟᱜ ᱠᱚ ᱠᱩᱥᱩᱱᱰᱟ ᱦᱚᱲ ᱮ ᱧᱟᱢ ᱞᱮᱫ ᱠᱚᱣᱟ, ᱟᱨ ᱑᱙᱖᱙ ᱟᱨ ᱑᱙᱗᱕ ᱥᱮᱨᱢᱟ ᱨᱮ ᱯᱟᱪᱮ ᱱᱮᱯᱟᱞ ᱨᱮᱱᱟᱜ ᱫᱟᱝ ᱟᱨ ᱥᱩᱨᱠᱷᱮᱛ ᱵᱮᱰᱟ ᱠᱚᱨᱮ ᱟᱨᱦᱚᱸ ᱦᱚᱲ ᱮ ᱧᱟᱢ ᱞᱮᱫ ᱠᱚᱣᱟ, ᱡᱟᱦᱟᱸ ᱠᱷᱚᱱ ᱩᱱᱤ ᱫᱚ ᱯᱟᱹᱨᱥᱤ ᱟᱨ ᱡᱟᱹᱛᱤ ᱵᱟᱵᱚᱛ ᱢᱩᱲᱩᱫ ᱮᱞᱮᱢ ᱮ ᱡᱟᱣᱨᱟ ᱞᱮᱫᱟ᱾ ᱱᱚᱣᱟ ᱠᱷᱚᱱ ᱠᱤᱪᱷᱩ ᱫᱤᱱ ᱞᱟᱦᱟ ᱨᱮ, ᱑᱙᱕᱖ ᱥᱮᱨᱢᱟ ᱜᱟᱱ ᱨᱮ, ᱨᱮᱱᱮ ᱱᱮᱵᱮᱥᱠᱤ-ᱣᱳᱡᱳᱠᱳᱣᱤᱴᱡᱽ ᱢᱤᱫ ᱨᱤᱯᱳᱨᱴ ᱮ ᱚᱞ ᱞᱮᱫᱟ ᱡᱟᱦᱟᱸ ᱨᱮ ᱟᱹᱛᱩ ᱦᱚᱲ ᱠᱚ ᱞᱟᱹᱭ ᱞᱮᱫᱟ ᱡᱮ ᱠᱩᱥᱩᱱᱰᱟ ᱦᱚᱲ ᱫᱚ ᱱᱮᱯᱟᱞᱤ ᱪᱟᱹᱥᱤ ᱠᱚ ᱥᱟᱶ "ᱛᱷᱤᱨ ᱛᱷᱤᱨ ᱛᱮ ᱵᱮᱯᱟᱨ" ᱠᱚ ᱠᱟᱹᱢᱤ ᱠᱟᱱ ᱛᱟᱦᱮᱸᱫ᱾ ᱠᱩᱥᱩᱱᱰᱟ ᱦᱚᱲ ᱫᱚ ᱥᱮᱸᱫᱽᱨᱟ ᱟᱠᱟᱫ ᱢᱤᱫᱴᱟᱝ ᱡᱤᱞ ᱟᱹᱜᱩ ᱠᱟᱛᱮ ᱪᱟᱹᱥᱤ ᱚᱲᱟᱜ ᱨᱮᱠᱚ ᱵᱟᱹᱜᱤ ᱭᱟᱜ ᱠᱟᱱ ᱛᱟᱦᱮᱸᱫ, ᱟᱨ ᱩᱱᱠᱩ ᱟᱥᱟ ᱠᱚ ᱫᱚᱦᱚᱭ ᱮᱫ ᱛᱟᱦᱮᱸᱫ ᱡᱮ ᱪᱟᱹᱥᱤ ᱠᱚ ᱵᱚᱫᱚᱞ ᱛᱮ ᱪᱟᱥ ᱡᱤᱱᱤᱥ ᱠᱚ ᱮᱢᱟ ᱠᱚᱣᱟ᱾^[᱓]

ᱠᱩᱥᱩᱱᱰᱟ ᱦᱚᱲ ᱫᱚ ᱟᱥᱚᱠᱟᱭ ᱛᱮ ᱧᱤᱫᱟᱹ ᱫᱟᱨᱮ ᱨᱮ ᱡᱤᱨᱟᱹᱣ ᱟᱠᱟᱱ ᱪᱮᱬᱮ ᱠᱚ ᱟᱜ ᱟᱨ ᱟᱹᱰᱤ ᱡᱤᱞᱤᱧ (᱑᱖᱐ ᱥᱮᱢᱤ ᱜᱟᱱ) ᱥᱟᱨ ᱛᱮᱠᱚ ᱥᱮᱸᱫᱽᱨᱟ ᱠᱚᱣᱟ, ᱱᱚᱣᱟ ᱥᱟᱨ ᱫᱚ ᱚᱛ ᱨᱮᱱ ᱡᱟᱱᱣᱟ ᱥᱮᱸᱫᱽᱨᱟ ᱞᱟᱹᱜᱤᱫ ᱫᱚ ᱟᱹᱰᱤ ᱵᱟᱝ ᱢᱚᱡᱽ ᱛᱟᱦᱮᱸ ᱠᱟᱱᱟ᱾ ᱩᱱᱠᱩᱣᱟᱜ ᱫᱚ ᱥᱩᱢᱩᱝ ᱵᱤᱨ ᱡᱟᱱᱣᱟ ᱡᱤᱞ ᱡᱚᱢ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱫᱚ ᱱᱤᱛᱚᱜ ᱦᱟᱹᱵᱤᱡ ᱦᱚᱸ ᱛᱟᱦᱮᱸ ᱠᱟᱱᱟ᱾ ᱠᱩᱥᱩᱱᱰᱟ ᱦᱚᱲ ᱫᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱵᱚᱸᱜᱟ ᱵᱩᱨᱩ ᱥᱮ ᱯᱨᱚᱠᱨᱤᱛᱤ ᱯᱩᱡᱟᱹ ᱠᱚ ᱢᱟᱱᱟᱣᱟ, ᱢᱮᱱᱠᱷᱟᱱ ᱩᱱᱠᱩᱣᱟᱜ ᱫᱷᱚᱨᱚᱢ ᱠᱟᱹᱢᱤ ᱠᱚᱨᱮ ᱦᱤᱱᱫᱩ ᱫᱷᱚᱨᱚᱢ ᱨᱮᱱᱟᱜ ᱚᱨᱥᱚᱝ ᱦᱚᱸ ᱧᱮᱞᱚᱜᱼᱟ᱾ ᱒᱐᱒᱑ ᱥᱮᱨᱢᱟ ᱨᱮᱱᱟᱜ ᱱᱮᱯᱟᱞ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱜᱩᱴ ᱒᱕᱓ ᱜᱚᱴᱟᱝ ᱠᱩᱥᱩᱱᱰᱟ ᱢᱮᱱᱟᱜ ᱠᱚᱣᱟ᱾^[᱑] ᱒᱐᱐᱑ ᱥᱮᱨᱢᱟ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱨᱮ ᱑᱖᱔ ᱜᱚᱴᱟᱝ ᱠᱩᱥᱩᱱᱰᱟ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱢᱩᱫᱽ ᱨᱮ ᱑᱖᱐ ᱦᱚᱲ ᱦᱤᱱᱫᱩ ᱟᱨ ᱔ ᱦᱚᱲ ᱵᱩᱫᱽᱫᱷᱚ ᱫᱷᱚᱨᱚᱢ ᱨᱮᱱ ᱠᱚ ᱛᱟᱦᱮᱸ ᱠᱟᱱᱟ᱾ ᱱᱮᱯᱟᱞᱤ ᱟᱹᱲᱟᱹ ᱠᱩᱥᱩᱱᱰᱟ ᱨᱮᱱᱟᱜ ᱢᱮᱱᱮᱛ ᱫᱚ ᱞᱟᱦᱟ ᱛᱮ "ᱵᱤᱨ ᱦᱚᱲ" ᱥᱮ "ᱵᱟᱝ ᱥᱚᱥᱱᱚᱜ ᱦᱚᱲ" ᱢᱮᱱᱛᱮ ᱛᱟᱦᱮᱸ ᱠᱟᱱᱟ, ᱪᱮᱫᱟᱜ ᱥᱮ ᱥᱩᱨ-ᱥᱩᱯᱩᱨ ᱨᱮᱱ ᱪᱮᱯᱟᱝ ᱟᱨ ᱮᱴᱟᱜ ᱡᱟᱹᱛᱤ ᱠᱚ ᱩᱱᱠᱩ ᱫᱚ ᱵᱤᱨ ᱨᱮᱱ ᱦᱚᱲ ᱢᱮᱱᱛᱮ ᱠᱚ ᱢᱟᱱᱟᱣ ᱮᱫ ᱠᱚ ᱛᱟᱦᱮᱸᱫ᱾

ᱥᱟᱹᱠᱷᱭᱟᱹᱛ

1 2 "National Population and Housing Census 2011". 2022-01-27.
↑ B. K. Rana (Linguistic Society of Nepal), "New Materials on Kusunda Language" (Presented to the Fourth Round Table International Conference on Ethnogenesis of South and Central Asia, Harvard University, Cambridge MA, USA. May 11–13, 2002)
↑ Nebesky-Wojkowitz, René. 1959. Kusunda and Chepang: Notes on Two Little-Known Tribes of Nepal. Bulletin of the International Committee on Urgent Anthropological and Ethnological Research 2: 77-84.

[nphc-1] 1 2 "National Population and Housing Census 2011". 2022-01-27.

[2] B. K. Rana (Linguistic Society of Nepal), "New Materials on Kusunda Language" (Presented to the Fourth Round Table International Conference on Ethnogenesis of South and Central Asia, Harvard University, Cambridge MA, USA. May 11–13, 2002)

[3] Nebesky-Wojkowitz, René. 1959. Kusunda and Chepang: Notes on Two Little-Known Tribes of Nepal. Bulletin of the International Committee on Urgent Anthropological and Ethnological Research 2: 77-84.

[᱑]

[᱒]

[᱓]