ᱠᱩᱨᱤᱪᱤᱭᱟ

ᱠᱩᱨᱤᱪᱤᱭᱟ ᱥᱮ ᱠᱩᱨᱤᱪᱤᱭᱟᱨ ᱡᱟᱦᱟᱸ ᱫᱚ ᱵᱩᱨᱩ ᱵᱨᱟᱦᱢᱚᱱ^[᱑] ᱥᱮ ᱢᱟᱞᱟᱭ ᱵᱨᱟᱦᱢᱚᱱ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜᱼᱟ ᱱᱚᱣᱟ ᱫᱚ ᱢᱤᱫ ᱛᱤᱨᱞᱟᱹ ᱵᱚᱝᱥᱚ ᱟᱹᱫᱤᱵᱟᱹᱥᱤ ᱠᱟᱱᱟ ᱠᱚ ᱡᱟᱦᱟᱸᱭ ᱫᱚ ᱢᱩᱬᱩᱛ ᱞᱮᱠᱟᱛᱮ ᱠᱮᱨᱟᱞᱟ, ᱥᱤᱧᱚᱛ ᱨᱮᱱᱟᱜ ᱣᱟᱭᱱᱟᱰ ᱟᱨ ᱠᱟᱱᱱᱩᱨ ᱦᱚᱱᱚᱛ ᱨᱮᱠᱚ ᱧᱟᱢᱚᱜᱼᱟ᱾^[᱑]^[᱒]^[᱓] ᱠᱩᱨᱤᱪᱤᱭᱟᱱ ᱠᱚᱫᱚ ᱠᱮᱨᱟᱞᱟ ᱨᱮᱱ ᱥᱮᱰᱩᱞᱰ ᱴᱨᱟᱭᱤᱵᱽᱥ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱠᱚ ᱡᱟᱦᱟᱸᱭ ᱫᱚ ᱪᱟᱥᱵᱟᱥ ᱠᱚ ᱠᱟᱹᱢᱤᱭᱟ᱾^[᱔]

ᱧᱩᱛᱩᱢ ᱨᱮᱱᱟᱜ ᱥᱤᱨᱡᱚᱱ

ᱠᱩᱨᱤᱪᱤᱭᱟᱱ ᱧᱩᱛᱩᱢ ᱫᱚ ᱠᱚᱴᱴᱟᱭᱟᱢ ᱨᱟᱡᱟ ᱦᱚᱛᱮᱛᱮ ᱱᱚᱣᱟ ᱜᱩᱴ ᱨᱮᱱ ᱦᱚᱲ ᱠᱚ ᱮᱢ ᱞᱮᱫ ᱠᱚᱣᱟ ᱪᱮᱫᱟᱜ ᱥᱮ ᱩᱱᱠᱩ ᱫᱚ ᱟᱜᱼᱥᱟᱨ ᱟᱨ ᱛᱩᱧ ᱨᱮ ᱟᱹᱰᱤ ᱱᱟᱯᱟᱭ ᱠᱚ ᱛᱟᱦᱮᱸ ᱠᱟᱱᱟ᱾ ᱠᱩᱨᱤᱪᱤᱭᱟᱱ ᱟᱹᱲᱟᱹ ᱫᱚ ᱵᱟᱨᱭᱟ ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ ᱠᱩᱨᱤ (ᱴᱟᱨᱜᱮᱴ) ᱟᱨ ᱪᱤᱭᱟᱱ (ᱦᱚᱲ)᱾^[᱒]

ᱥᱟᱶᱛᱟ ᱟᱨ ᱟᱹᱨᱤᱪᱟᱹᱞᱤ

ᱥᱟᱫᱷᱟᱨᱚᱱ ᱞᱮᱠᱟᱛᱮ ᱩᱱᱠᱩᱣᱟᱜ ᱚᱲᱟᱜ ᱠᱚᱫᱚ ᱢᱤᱫᱴᱟᱹᱝ ᱡᱟᱜᱟ ᱨᱮ ᱜᱩᱴ ᱞᱮᱠᱟᱛᱮ ᱧᱟᱢᱚᱜᱼᱟ ᱟᱨ ᱚᱱᱟ ᱜᱩᱴ ᱚᱲᱟᱜ ᱫᱚ ᱢᱤᱴᱴᱚᱢ ᱥᱮ ᱛᱷᱟᱨᱟᱵᱷᱟᱰᱩ ᱠᱚ ᱢᱮᱛᱟᱜᱼᱟ᱾ ᱢᱤᱫ ᱵᱚᱝᱥᱚ ᱨᱤᱱᱤᱡ ᱢᱩᱬᱩᱛ ᱡᱟᱦᱟᱸᱭ ᱫᱚ ᱠᱟᱨᱟᱱᱟᱵᱷᱟᱨ ᱠᱚ ᱢᱮᱛᱟᱭᱟ, ᱩᱱᱤ ᱫᱚ ᱢᱤᱫ ᱢᱤᱴᱴᱚᱢ ᱮ ᱪᱟᱪᱞᱟᱣᱟ᱾ ᱠᱟᱨᱟᱱᱟᱵᱷᱟᱱ ᱵᱮᱜᱚᱨ ᱦᱚᱸ, ᱠᱩᱨᱤᱪᱤᱭᱟ ᱥᱟᱶᱛᱟ ᱨᱮ ᱨᱟᱱᱼᱢᱩᱨᱜᱟᱹᱱ ᱦᱚᱲ ᱟᱨ ᱮᱴᱟᱜ ᱥᱟᱶᱛᱟᱨᱤ ᱠᱟᱹᱢᱤᱭᱟᱹ ᱠᱚ ᱡᱮᱞᱮᱠᱟ ᱯᱤᱴᱴᱟᱱ ᱠᱚ ᱛᱟᱦᱮᱸᱱᱟ᱾^[᱑] ᱠᱩᱨᱤᱪᱤᱭᱟᱱ ᱠᱚ ᱛᱟᱞᱟ ᱨᱮ ᱡᱚᱭᱮᱱᱴ ᱯᱷᱮᱢᱤᱞᱤ ᱥᱤᱥᱴᱮᱢ ᱟᱹᱰᱤ ᱧᱮᱞᱚᱜᱼᱟ᱾ ᱥᱟᱶᱛᱟ ᱫᱚ ᱵᱚᱝᱥᱚ ᱞᱮᱠᱟᱛᱮ ᱦᱟᱹᱴᱤᱧ ᱟᱠᱟᱱᱟ ᱡᱟᱦᱟᱸᱭ ᱫᱚ ᱵᱚᱝᱥᱚ ᱨᱮᱱ ᱢᱩᱬᱩᱛ ᱠᱚᱠᱚ ᱟᱹᱭᱩᱨᱟ᱾ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱞᱟᱹᱜᱤᱫ ᱯᱟᱱᱫᱟᱞ ᱯᱟᱴᱴᱩ ᱧᱩᱛᱩᱢᱟᱱ ᱢᱤᱫ ᱟᱹᱨᱤᱪᱟᱹᱞᱤ ᱫᱚ ᱩᱱᱤᱭᱟᱜ ᱢᱮᱱᱟᱨᱠᱤ ᱞᱟᱦᱟ ᱟᱨ ᱞᱩᱛᱩᱨ ᱵᱷᱩᱜᱟᱹᱜ ᱛᱟᱭᱚᱢ ᱟᱹᱫᱤᱵᱟᱹᱥᱤ ᱛᱟᱞᱟ ᱨᱮᱠᱚ ᱠᱚᱨᱟᱣᱟ᱾^[᱑]

ᱵᱟᱹᱦᱩ ᱫᱚ ᱡᱟᱶᱟᱭ ᱥᱟᱶ ᱠᱚ ᱛᱟᱦᱮᱸᱱᱟ, ᱢᱮᱱᱠᱷᱟᱱ ᱜᱤᱫᱽᱨᱟᱹ ᱫᱚ ᱕-᱖ ᱥᱮᱨᱢᱟ ᱩᱢᱮᱨ ᱦᱟᱹᱵᱤᱡ ᱜᱮ, ᱤᱱᱟᱹ ᱛᱟᱭᱚᱢ ᱩᱱᱠᱩ ᱫᱚ ᱟᱠᱚᱣᱟᱜ ᱟᱭᱳ ᱚᱲᱟᱜ ᱠᱚ ᱪᱟᱞᱟᱜᱼᱟ᱾^{[ᱥᱟᱹᱠᱷᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱠᱩᱨᱤᱪᱤᱭᱟ ᱠᱚ ᱛᱟᱞᱟ ᱨᱮ, ᱢᱤᱫ ᱡᱟᱶᱟᱭ ᱫᱚ ᱟᱡ ᱵᱟᱹᱦᱩ ᱡᱟᱦᱟᱸ ᱛᱤᱥ ᱜᱮᱭ ᱵᱟᱹᱜᱤ ᱫᱟᱲᱮᱭᱟᱭᱟ, ᱢᱮᱱᱠᱷᱟᱱ ᱵᱟᱹᱦᱩ ᱡᱩᱫᱤ ᱡᱟᱶᱟᱭᱮ ᱵᱟᱹᱜᱤ ᱥᱟᱱᱟᱭᱮᱭᱟ, ᱮᱱᱠᱷᱟᱱ ᱟᱡᱟᱜ ᱠᱟᱛᱷᱟ ᱫᱚ ᱢᱚᱬᱮ ᱦᱚᱲ ᱠᱚ ᱴᱷᱮᱱᱮ ᱤᱫᱤᱭᱟ, ᱟᱨ ᱩᱱᱠᱩ ᱜᱮ ᱱᱚᱣᱟ ᱨᱮᱱᱟᱜ ᱵᱤᱪᱟᱹᱨ ᱠᱚ ᱠᱚᱨᱟᱣᱟ᱾^[᱒]

ᱠᱩᱨᱤᱪᱤᱭᱟᱱ ᱠᱚᱫᱚ ᱜᱚᱡ ᱦᱚᱲ ᱠᱚ ᱛᱚᱯᱟ ᱠᱚᱣᱟ; ᱡᱩᱫᱤ ᱠᱚᱲᱟ ᱠᱟᱱᱟᱭ ᱮᱱᱠᱷᱟᱱ ᱦᱚᱲᱢᱚ ᱥᱟᱶ ᱢᱤᱫᱴᱟᱹᱝ ᱟᱜᱼᱥᱟᱨ ᱠᱚ ᱛᱚᱯᱟᱭᱟ, ᱟᱨ ᱡᱩᱫᱤ ᱠᱩᱲᱤ ᱠᱟᱱᱟᱭ ᱮᱱᱠᱷᱟᱱ ᱢᱤᱫ ᱫᱟᱛᱨᱚᱢ᱾ ᱜᱚᱡ ᱛᱟᱭᱚᱢ ᱠᱟᱹᱢᱤᱦᱚᱨᱟ ᱫᱚ ᱥᱮᱨᱢᱟ ᱨᱮᱱᱟᱜ ᱡᱟᱦᱟᱸ ᱚᱠᱛᱚ ᱨᱮᱜᱮ ᱟᱹᱰᱤ ᱢᱟᱨᱟᱝ ᱛᱮ ᱠᱚ ᱢᱟᱱᱟᱣᱟ᱾^[᱒] ᱩᱱᱠᱩ ᱨᱮᱱ ᱫᱚ ᱱᱟᱭᱠᱮ ᱵᱟᱹᱱᱩᱜ ᱠᱚᱣᱟ, ᱚᱱᱟ ᱵᱚᱫᱚᱞ ᱛᱮ ᱢᱟᱨᱮ ᱦᱚᱲ ᱠᱚ ᱜᱮ ᱱᱚᱣᱟ ᱠᱚᱠᱚ ᱠᱚᱨᱟᱣᱟ᱾ ᱜᱚᱡ ᱟᱠᱟᱱ ᱦᱟᱯᱲᱟᱢ ᱠᱚᱫᱚ ᱠᱚ ᱩᱭᱦᱟᱹᱨ ᱠᱚᱣᱟ ᱟᱨ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ, ᱯᱟᱹᱨᱣᱟᱹ, ᱡᱤᱞ, ᱮᱢᱟᱱ ᱢᱤᱫ ᱚᱲᱟᱜ ᱨᱮ ᱩᱱᱠᱩ ᱞᱟᱹᱜᱤᱫ ᱠᱚ ᱫᱚᱦᱚᱭᱟ ᱟᱨ ᱛᱟᱭᱚᱢ ᱛᱮ ᱚᱱᱟ ᱫᱚ ᱠᱩᱨᱤᱪᱤᱭᱟᱱ ᱠᱚᱠᱚ ᱡᱚᱢᱟ᱾ ᱣᱟᱭᱱᱟᱰ ᱨᱮᱱ ᱟᱹᱫᱤᱵᱟᱹᱥᱤ ᱠᱚ ᱛᱟᱞᱟ ᱨᱮ ᱡᱟᱹᱛᱤ ᱞᱮᱠᱟᱛᱮ ᱩᱱᱠᱩ ᱫᱚ ᱡᱚᱛᱚ ᱠᱷᱚᱱ ᱪᱮᱛᱟᱱ ᱴᱷᱟᱶ ᱨᱮ ᱢᱮᱱᱟᱜ ᱠᱚᱣᱟ, ᱩᱱᱠᱩ ᱮᱴᱟᱜ ᱡᱟᱹᱛᱤ ᱭᱟᱜ ᱡᱚᱢᱟᱜ ᱵᱟᱠᱚ ᱡᱚᱢᱟ᱾ ᱩᱱᱠᱩᱣᱟᱜ ᱚᱲᱟᱜ ᱫᱚ ᱟᱹᱪᱷᱩᱛᱚᱜᱼᱟ ᱢᱮᱱᱛᱮ ᱠᱚ ᱢᱟᱱᱟᱣᱟ ᱡᱩᱫᱤ ᱮᱴᱟᱜ ᱡᱟᱹᱛᱤ ᱨᱤᱱᱤᱡ ᱦᱚᱲᱮ ᱵᱚᱞᱚᱱᱟ, ᱟᱨ ᱠᱟᱹᱴᱤᱡ ᱥᱚᱸᱫᱮᱦ ᱦᱩᱭᱩᱜ ᱠᱷᱟᱱ ᱜᱮ ᱡᱟᱦᱟᱸᱭ ᱠᱚᱲᱟ ᱥᱮ ᱠᱩᱲᱤ ᱫᱚ ᱡᱟᱹᱛᱤ ᱠᱷᱚᱱ ᱠᱚ ᱚᱰᱚᱠ ᱠᱟᱭᱟ᱾^[᱒] ᱱᱚᱝᱠᱟ ᱚᱰᱚᱠ ᱟᱠᱟᱱ ᱦᱚᱲ ᱠᱚᱫᱚ, ᱚᱱᱠᱟᱱ ᱚᱠᱛᱚ ᱨᱮ, ᱤᱥᱟᱹᱭ ᱫᱷᱚᱨᱚᱢ ᱨᱮᱠᱚ ᱥᱮᱞᱮᱫ ᱟᱠᱟᱱᱟ᱾

ᱠᱩᱨᱤᱪᱤᱭᱟ ᱠᱚᱫᱚ ᱠᱮᱨᱟᱞᱟ ᱨᱮᱱ ᱮᱴᱟᱜ ᱦᱤᱱᱫᱩ ᱠᱚ ᱞᱮᱠᱟ ᱜᱮ ᱟᱫᱚᱢ ᱵᱚᱸᱜᱟ ᱠᱚ ᱯᱩᱡᱟᱹ ᱠᱚᱣᱟ, ᱡᱮᱞᱮᱠᱟ ᱠᱩᱴᱴᱤᱪᱟᱛᱷᱟᱱ ᱟᱨ ᱵᱷᱮᱴᱴᱟᱠᱠᱟᱨᱟᱱ, ᱟᱨ ᱠᱟᱞᱤ (ᱡᱟᱦᱟᱸᱭ ᱫᱚ ᱢᱟᱨᱤᱭᱟᱢᱢᱟ ᱦᱚᱸ ᱠᱚ ᱢᱮᱛᱟᱭᱟ)᱾ ᱠᱩᱨᱤᱪᱤᱭᱟ ᱠᱚᱫᱚ ᱟᱠᱚᱨᱮᱱ ᱜᱚᱡ ᱟᱠᱟᱱ ᱦᱟᱯᱲᱟᱢ ᱠᱚ ᱯᱩᱡᱟᱹ ᱠᱚᱣᱟ, ᱡᱟᱦᱟᱸᱭ ᱫᱚ ᱱᱤᱡᱷᱟᱞ (ᱩᱢᱩᱞ) ᱠᱚ ᱢᱮᱛᱟ ᱠᱚᱣᱟ ᱟᱨ ᱥᱟᱶᱛᱮ ᱟᱠᱚᱣᱟᱜ ᱟᱹᱫᱤᱵᱟᱹᱥᱤ ᱨᱮᱱ ᱟᱹᱰᱤ ᱜᱟᱱ ᱵᱚᱸᱜᱟ ᱵᱩᱨᱩ ᱦᱚᱸ᱾ ᱩᱱᱠᱩ ᱫᱚ ᱢᱟᱞᱟᱠᱠᱟᱨᱤ (ᱵᱩᱨᱩ ᱨᱤᱱᱤᱡ ᱠᱟᱨᱤ) ᱟᱨ ᱟᱹᱰᱤ ᱨᱟᱹᱜᱤ ᱟᱭᱳ-ᱵᱚᱸᱜᱟ ᱠᱟᱨᱤᱢᱯᱤᱞᱤ (ᱵᱩᱨᱩ ᱨᱤᱱᱤᱡ ᱦᱮᱸᱫᱮ ᱵᱚᱸᱜᱟ) ᱠᱚ ᱯᱩᱡᱟᱹᱭᱟ᱾^[᱓] ᱤᱨᱪᱤ ᱛᱟᱭᱚᱢ ᱵᱚᱸᱜᱟ ᱠᱚ ᱞᱟᱹᱜᱤᱫ ᱮᱢᱟᱱ ᱠᱚᱫᱚ ᱵᱟᱨᱭᱟ ᱦᱚᱨᱟ ᱛᱮᱠᱚ ᱮᱢᱟ ᱛᱷᱮᱨᱟ ᱥᱮ ᱠᱚᱞᱞ᱾ ᱛᱷᱮᱨᱟ ᱞᱟᱹᱜᱤᱫ ᱫᱚ, ᱡᱟᱦᱟᱸ ᱴᱷᱟᱶ ᱨᱮ ᱯᱩᱡᱟᱹ ᱦᱩᱭᱩᱜᱼᱟ ᱚᱱᱟ ᱫᱚ ᱵᱨᱟᱦᱢᱚᱱ ᱟᱜ ᱛᱤ ᱛᱮ ᱯᱩᱱᱟᱹᱭ ᱫᱟᱜ ᱛᱮᱠᱚ ᱯᱷᱟᱨᱪᱟᱭᱟ, ᱟᱨ ᱢᱤᱫ ᱠᱩᱨᱤᱪᱤᱭᱟᱱ ᱚᱱᱟ ᱞᱟᱹᱜᱤᱫ ᱥᱟᱡᱟᱣ ᱠᱟᱛᱮ, ᱯᱩᱸᱰ ᱵᱚᱦᱚᱜ-ᱛᱚᱞ ᱥᱟᱶᱛᱮ, ᱢᱤᱫ ᱵᱟᱠᱷᱮᱬᱤᱭᱟᱹ ᱞᱮᱠᱟᱛᱮᱭ ᱠᱟᱹᱢᱤᱭᱟ᱾ ᱤᱱᱟᱹ ᱛᱟᱭᱚᱢ ᱠᱩᱢᱵᱴᱤᱭᱟᱢ-ᱵᱷᱮᱴᱴᱟᱞ (ᱴᱩᱠᱩᱡ ᱜᱮᱫ) ᱦᱩᱭᱩᱜᱼᱟ, ᱢᱩᱯᱯᱮᱱ-ᱢᱩᱬᱩᱛ ᱦᱚᱲ ᱯᱟᱹᱨᱣᱟᱹ ᱛᱮ ᱯᱮᱨᱮᱡ ᱢᱤᱫ ᱢᱟᱫ ᱮ ᱜᱮᱫᱟ᱾ ᱤᱱᱟᱹ ᱛᱟᱭᱚᱢ ᱯᱟᱹᱨᱣᱟᱹ ᱟᱹᱜᱩ ᱟᱠᱟᱱ ᱡᱚᱛᱚ ᱢᱟᱫ ᱠᱚ ᱠᱷᱟᱹᱞᱤᱭᱟ ᱟᱨ ᱚᱱᱟ ᱠᱚ ᱧᱩᱭᱟ᱾ ᱠᱚᱞᱞ ᱧᱩᱛᱩᱢᱟᱱ ᱮᱢᱟᱱ ᱨᱮᱫᱚ, ᱛᱟᱵᱮᱱ, ᱠᱟᱭᱨᱟ ᱟᱨ ᱜᱩᱲ ᱫᱚ ᱢᱤᱫ ᱠᱟᱭᱨᱟ ᱥᱟᱠᱟᱢ ᱨᱮ ᱵᱚᱸᱜᱟ ᱴᱷᱟᱶ ᱨᱮᱠᱚ ᱫᱚᱦᱚᱭᱟ ᱟᱨ ᱢᱩᱯᱯᱮᱱ, ᱵᱟᱠᱷᱮᱬ ᱛᱟᱭᱚᱢ, ᱚᱱᱟ ᱠᱚᱭ ᱦᱟᱹᱴᱤᱧᱟ᱾^[᱒]

ᱥᱤᱨᱡᱚᱱ ᱨᱮᱱᱟᱜ ᱠᱟᱹᱦᱱᱤ

ᱟᱹᱫᱤᱵᱟᱹᱥᱤ ᱠᱟᱹᱦᱱᱤ ᱞᱮᱠᱟᱛᱮ,^[᱑] ᱟᱹᱰᱤ ᱥᱮᱫᱟᱭ ᱨᱮ ᱥᱤᱨᱡᱚᱱ ᱢᱟᱬᱟᱝ ᱨᱮ, ᱥᱮᱨᱢᱟ ᱫᱚ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱱᱟ ᱟᱨ ᱫᱷᱟᱹᱨᱛᱤ ᱫᱚ ᱞᱟᱛᱟᱨ ᱨᱮ ᱫᱚᱨᱭᱟ ᱛᱮ ᱮᱥᱮᱫ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱚᱠᱛᱚ ᱨᱮ ᱵᱷᱟᱫᱟᱠᱠᱟᱨᱤ ᱵᱷᱟᱜᱟᱵᱷᱟᱛᱷᱤ, ᱠᱩᱨᱤᱪᱤᱭᱟ ᱵᱚᱸᱜᱟ ᱫᱚ ᱢᱤᱫ ᱠᱩᱠᱢᱩᱭ ᱧᱮᱞ ᱞᱮᱫᱟ ᱡᱟᱦᱟᱸ ᱨᱮ ᱪᱟᱸᱫᱚ ᱵᱚᱸᱜᱟ ᱩᱱᱤ ᱑᱐᱐᱑ ᱡᱟᱹᱛᱤ ᱵᱮᱱᱟᱣ ᱞᱟᱹᱜᱤᱫ ᱢᱤᱫ ᱴᱷᱟᱶ ᱯᱟᱸᱡᱟ ᱧᱟᱢ ᱞᱟᱹᱜᱤᱫ ᱮ ᱢᱮᱛᱟᱫᱮᱭᱟ᱾ ᱪᱟᱸᱫᱚ ᱵᱚᱸᱜᱟ ᱫᱚ ᱩᱱᱤ ᱫᱚᱨᱭᱟ ᱥᱟᱦᱟ ᱠᱟᱛᱮ ᱠᱟᱹᱢᱤ ᱮᱛᱚᱦᱚᱵ ᱨᱮᱱᱟᱜ ᱦᱚᱸᱭ ᱟᱹᱭᱫᱟᱹᱨᱤ ᱮᱢᱟᱫᱮᱭᱟ᱾ ᱠᱩᱲᱤ ᱜᱤᱫᱽᱨᱟᱹ ᱠᱚᱫᱚ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱠᱚ ᱮᱢ ᱞᱮᱫ ᱠᱚᱣᱟ᱾ ᱠᱟᱹᱢᱤ ᱯᱩᱨᱟᱹᱣ ᱛᱟᱭᱚᱢ ᱠᱟᱹᱢᱤᱭᱟᱹ ᱫᱚ ᱪᱟᱸᱫᱚ ᱵᱚᱸᱜᱟ ᱥᱟᱶ ᱧᱟᱯᱟᱢ ᱮ ᱪᱟᱞᱟᱣ ᱮᱱᱟ ᱟᱨ ᱠᱩᱲᱟᱹᱭ ᱮ ᱠᱷᱚᱡᱽ ᱠᱮᱫᱟ᱾ ᱢᱮᱱᱠᱷᱟᱱ ᱩᱱᱤ ᱫᱚ ᱠᱟᱹᱢᱤ ᱨᱮᱱᱟᱜ ᱜᱩᱱ ᱵᱟᱝ ᱧᱮᱞ ᱠᱟᱛᱮ ᱠᱩᱲᱟᱹᱭ ᱮᱢᱚᱜ ᱮ ᱢᱟᱱᱟ ᱠᱮᱫᱟ᱾ ᱪᱟᱸᱫᱚ ᱵᱚᱸᱜᱟ ᱫᱚ ᱪᱮᱱᱛᱷᱟᱢᱟᱨᱟᱯᱟᱠᱥᱤ (ᱟᱨᱟᱜ ᱩᱯᱟᱹᱞ ᱠᱷᱚᱱ ᱵᱮᱱᱟᱣ ᱟᱠᱟᱱ ᱪᱮᱬᱮ) ᱧᱩᱛᱩᱢᱟᱱ ᱢᱤᱫ ᱪᱮᱬᱮᱭ ᱵᱮᱱᱟᱣ ᱠᱮᱫᱮᱭᱟ ᱟᱨ ᱪᱮᱬᱮ ᱫᱚ ᱫᱷᱟᱹᱨᱛᱤ ᱟᱹᱪᱩᱨ ᱠᱟᱛᱮ ᱠᱟᱹᱢᱤ ᱨᱮᱱᱟᱜ ᱜᱩᱱ ᱧᱮᱞ ᱟᱹᱜᱩᱭ ᱢᱮᱛᱟᱫᱮᱭᱟ᱾ ᱧᱮᱞ ᱵᱤᱰᱟᱹᱣ ᱛᱟᱭᱚᱢ ᱪᱮᱬᱮ ᱫᱚᱭ ᱧᱟᱢ ᱠᱮᱫᱟ ᱡᱮ ᱢᱤᱫ ᱴᱷᱟᱶ ᱨᱮ ᱠᱟᱹᱢᱤ ᱫᱚ ᱵᱟᱝ ᱯᱩᱨᱟᱹᱣ ᱟᱠᱟᱱᱟ᱾ ᱵᱟᱨᱭᱟ ᱵᱩᱨᱩ ᱫᱚ ᱢᱤᱫ ᱥᱟᱶᱛᱮ ᱡᱚᱯᱚᱫ ᱵᱟᱝ ᱠᱟᱛᱮ ᱥᱩᱨ ᱥᱩᱯᱩᱨ ᱨᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱵᱟᱨᱭᱟ ᱵᱩᱨᱩ ᱛᱟᱞᱟ ᱨᱮ ᱫᱟᱜ ᱦᱚᱸ ᱛᱟᱦᱮᱸ ᱠᱟᱱᱟ᱾ ᱵᱟᱱᱟᱨ ᱵᱩᱨᱩ ᱨᱮ ᱪᱟᱸᱫᱚ ᱵᱚᱸᱜᱟ ᱫᱚ ᱑᱘ ᱜᱚᱴᱟᱝ ᱢᱟᱹᱱᱢᱤ ᱡᱟᱹᱛᱤ, ᱵᱷᱮᱜᱟᱨ ᱵᱷᱮᱜᱟᱨ ᱡᱤᱵᱽ ᱡᱤᱭᱟᱹᱞᱤ ᱟᱨ ᱫᱟᱨᱮ ᱱᱟᱹᱬᱤ ᱠᱚᱭ ᱵᱮᱱᱟᱣ ᱠᱮᱫ ᱠᱚᱣᱟ᱾ ᱠᱩᱨᱤᱪᱤᱭᱟ ᱠᱚ ᱯᱟᱹᱛᱭᱟᱹᱣᱟ ᱡᱮ ᱩᱱᱠᱩ ᱫᱚ ᱚᱱᱟ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱠᱚ᱾^[᱑]

ᱱᱟᱜᱟᱢ

ᱣᱟᱭᱱᱟᱰ ᱨᱮ ᱠᱩᱨᱤᱪᱤᱭᱟᱨ ᱠᱚᱣᱟᱜ ᱦᱮᱡ ᱨᱮᱱᱟᱜ ᱥᱮᱫᱟᱭ ᱠᱟᱛᱷᱟ ᱫᱚ ᱦᱩᱭᱩᱜ ᱠᱟᱱᱟ ᱡᱮ ᱠᱚᱴᱴᱟᱭᱟᱢ ᱨᱟᱡᱟ ᱫᱚ ᱩᱱᱠᱩ ᱵᱷᱮᱫᱟᱨ ᱨᱟᱡᱟ ᱟᱨᱤᱯᱯᱮᱱ ᱟᱨ ᱵᱷᱮᱫᱟᱱ ᱥᱟᱶ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱮ ᱟᱹᱜᱩ ᱞᱮᱫ ᱠᱚᱣᱟ᱾ ᱩᱱᱠᱩ ᱨᱮᱱ ᱡᱟᱹᱛᱤ ᱦᱚᱲ ᱩᱱᱠᱩ ᱨᱩᱣᱟᱹᱲ ᱵᱟᱠᱚ ᱦᱟᱛᱟᱣ ᱞᱮᱫ ᱠᱚᱣᱟ ᱟᱨ ᱩᱱᱠᱩ ᱫᱚ ᱣᱟᱭᱱᱟᱰ ᱟᱨ ᱠᱚᱴᱴᱟᱭᱟᱢ ᱨᱮᱱᱟᱜ ᱵᱩᱨᱩ ᱴᱚᱴᱷᱟ ᱨᱮᱠᱚ ᱵᱟᱥᱟ ᱮᱱᱟ᱾ ᱚᱱᱠᱟᱛᱮ ᱵᱟᱥᱟ ᱟᱠᱟᱱ ᱜᱷᱟᱨᱚᱸᱡᱽ ᱨᱮᱱᱟᱜ ᱮᱞ ᱫᱚ ᱑᱔᱘ ᱢᱮᱱᱛᱮ ᱞᱟᱹᱭᱚᱜᱼᱟ᱾ ᱩᱯᱚᱱᱤᱵᱮᱥᱤᱠ ᱚᱠᱛᱚ ᱨᱮ, ᱠᱩᱨᱤᱪᱤᱭᱟ ᱟᱹᱫᱤᱵᱟᱹᱥᱤ ᱫᱚ ᱵᱨᱤᱴᱤᱥ ᱠᱚ ᱵᱤᱨᱩᱫᱷ ᱨᱮ ᱞᱟᱹᱲᱦᱟᱹᱭ ᱞᱟᱹᱜᱤᱫ (᱑᱘ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱜᱮᱞ ᱥᱮᱨᱢᱟ ᱠᱚᱨᱮ) ᱣᱟᱭᱱᱟᱰ ᱨᱤᱱᱤᱡ ᱨᱟᱡᱟ ᱯᱟᱡᱷᱟᱥᱥᱤ ᱨᱟᱡᱟ ᱜᱚᱲᱚ ᱮᱢ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭ ᱛᱮᱠᱚ ᱚᱞ ᱫᱚᱦᱚ ᱟᱠᱟᱫᱟ᱾ ᱯᱟᱡᱷᱟᱥᱥᱤ ᱨᱟᱡᱟ ᱟᱜ ᱜᱩᱨ ᱛᱟᱭᱚᱢ, ᱠᱩᱨᱤᱪᱤᱭᱟᱨ ᱟᱨ ᱠᱩᱨᱩᱢᱵᱟᱨ ᱠᱚ ᱑᱘᱑᱒ ᱥᱟᱞᱮ ᱨᱮ ᱵᱤᱨᱩᱫᱷ ᱠᱚ ᱮᱦᱚᱵ ᱞᱮᱫᱟ ᱡᱟᱦᱟᱸ ᱫᱚ ᱵᱟᱝ ᱥᱚᱯᱷᱚᱞ ᱞᱮᱱᱟ᱾ ᱠᱩᱨᱤᱪᱤᱭᱟ ᱠᱚᱫᱚ ᱢᱤᱫ ᱚᱱᱠᱟᱱ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱠᱚ ᱩᱫᱩᱜᱟ ᱡᱟᱦᱟᱸᱭ ᱫᱚ ᱣᱟᱭᱱᱟᱰ ᱨᱮ ᱯᱷᱟᱹᱫᱽ ᱞᱮᱠᱟᱛᱮ ᱠᱚ ᱟᱹᱜᱩ ᱞᱮᱫ ᱠᱚᱣᱟ, ᱢᱤᱫ ᱥᱟᱭ ᱥᱮᱨᱢᱟ ᱢᱟᱬᱟᱝ ᱪᱟᱥᱤ ᱞᱮᱠᱟᱛᱮ ᱠᱚ ᱵᱟᱥᱟ ᱞᱮᱱᱟ, ᱵᱨᱤᱴᱤᱥ ᱫᱟᱲᱮ ᱠᱚ ᱵᱤᱨᱩᱫᱷ ᱠᱮᱫᱟ, ᱟᱨ ᱥᱮᱪᱮᱫ ᱨᱮᱱᱟᱜ ᱚᱵᱷᱟᱵᱽ ᱠᱷᱟᱹᱛᱤᱨ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱟᱠᱚᱣᱟᱜ ᱡᱤᱭᱚᱱ ᱠᱷᱟᱸᱰᱟᱣ ᱞᱟᱹᱜᱤᱫ ᱠᱚ ᱵᱚᱲᱦᱮ ᱮᱱᱟ᱾^[᱒] ᱛᱮᱦᱮᱧ, ᱠᱩᱨᱤᱪᱤᱭᱟᱱ ᱠᱚᱫᱚ ᱠᱮᱨᱟᱞᱟ ᱨᱮᱱ ᱥᱮᱰᱩᱞᱰ ᱴᱨᱟᱭᱤᱵᱽᱥ ᱠᱟᱱᱟ ᱠᱚ᱾ ᱵᱨᱤᱴᱤᱥ ᱠᱚ ᱥᱟᱶ ᱯᱟᱡᱷᱟᱥᱥᱤ ᱨᱟᱡᱟ ᱥᱟᱶᱛᱮ ᱞᱟᱹᱲᱦᱟᱹᱭ ᱞᱮᱫ ᱠᱩᱨᱤᱪᱤᱭᱟ ᱟᱹᱫᱤᱵᱟᱹᱥᱤ ᱨᱮᱱ ᱵᱚᱝᱥᱚ ᱠᱚᱣᱟᱜ ᱵᱟᱥᱟ ᱫᱚ ᱵᱟᱱᱟᱥᱩᱨᱟ ᱵᱩᱨᱩ ᱥᱩᱨ ᱥᱩᱯᱩᱨ ᱨᱮ ᱢᱮᱱᱟᱜᱼᱟ᱾ ᱥᱟᱹᱨᱤ ᱠᱟᱛᱷᱟ ᱫᱚ ᱱᱚᱣᱟ ᱠᱟᱱᱟ ᱡᱮ ᱵᱟᱱᱟᱥᱩᱨᱟ ᱵᱩᱨᱩ ᱥᱩᱨ ᱨᱮ ᱯᱩᱱᱭᱟᱹ ᱟᱹᱫᱤᱵᱟᱹᱥᱤ ᱟᱹᱛᱩ ᱢᱮᱱᱟᱜᱼᱟ, ᱯᱮᱭᱟ ᱫᱚ ᱠᱩᱨᱤᱪᱤᱭᱟ ᱠᱚᱣᱟᱜ ᱟᱨ ᱢᱤᱫᱴᱟᱹᱝ ᱫᱚ ᱯᱟᱱᱤᱭᱟ ᱠᱚᱣᱟᱜ᱾ ᱱᱚᱸᱰᱮ ᱢᱮᱱᱟᱜ ᱠᱩᱨᱤᱪᱤᱭᱟ ᱠᱚᱫᱚ ᱵᱟᱱᱟᱥᱩᱨᱟ ᱦᱤᱞ ᱨᱤᱥᱳᱨᱴ ᱵᱮᱱᱟᱣ ᱨᱮᱠᱚ ᱜᱚᱲᱚ ᱞᱮᱫᱟ᱾^[᱕]

ᱡᱟᱹᱛ ᱥᱟᱹᱜᱟᱹᱭ

ᱠᱩᱨᱤᱪᱤᱭᱟ ᱠᱚᱫᱚ ᱟᱠᱚᱣᱟᱜ ᱥᱩᱨ ᱥᱩᱯᱩᱨ ᱨᱮ ᱢᱮᱱᱟᱜ ᱮᱴᱟᱜ ᱡᱚᱛᱚ ᱥᱟᱶᱛᱟᱨᱤ ᱜᱩᱴ ᱠᱷᱚᱱ ᱟᱠᱚ ᱛᱮᱠᱚ ᱪᱮᱛᱟᱱ ᱜᱮᱭᱟ ᱢᱮᱱᱛᱮ ᱠᱚ ᱢᱟᱱᱟᱣᱟ, ᱱᱚᱸᱰᱮ ᱫᱷᱟᱹᱵᱤᱡ ᱡᱮ ᱵᱨᱟᱦᱢᱚᱱ ᱠᱚ ᱠᱷᱚᱱ ᱦᱚᱸ᱾^[᱖] ᱩᱱᱠᱩ ᱫᱚ "ᱡᱚᱛᱚ ᱠᱷᱚᱱ ᱪᱮᱛᱟᱱ ᱛᱷᱚᱠ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱯᱷᱟᱨᱪᱟ" ᱠᱚ ᱢᱟᱱᱟᱣᱟ, ᱱᱚᱸᱰᱮ ᱫᱷᱟᱹᱵᱤᱡ ᱡᱮ ᱢᱤᱫ ᱱᱟᱢᱵᱩᱛᱷᱤᱨᱤ ᱵᱨᱟᱦᱢᱚᱱ ᱟᱜ ᱡᱚᱴᱮᱫ ᱦᱚᱸ ᱟᱹᱪᱷᱩᱛ ᱜᱮᱭᱟ ᱢᱮᱱᱛᱮ ᱠᱚ ᱢᱟᱱᱟᱣᱟ᱾^[᱗]

ᱥᱟᱹᱠᱷᱭᱟᱹᱛ

1 2 3 4 5 6 [(http://www.krepublishers.com/02-Journals/T%20&%20T/T%20&%20T-02-0-000-000-2004-Web/T%20&%20T-02-0-001-076-2004-Abst-PDF/T%20&%20T-02-1-019-021-2004-Ramachandran-012/T%20&%20T-02-1-019-021-2004-Ramachandran.pdf)^{[permanent dead link]} Fertility Concept in a Ritual an Anthropological Explanation of "Pandal Pattu".] Stud. Tribes Tribals, 2(1): 19-21 (2003), Bindu Ramachandran
1 2 3 4 5 6 7 Rao Bahadur C. Gopalan Nair. Wynad : Its Peoples and Traditions.
1 2 A. Aiappan, K. Mahadevan (1990). Ecology, Economy, Matriliny, and Fertility of Kurichiyas. Delhi: B. R. Publishing Corporation.
↑ [(https://web.archive.org/web/20021208164124/http://kerala.gov.in/dept_st/index.htm) "The Official Web site of Government of Kerala"]. www.kerala.gov.in. Archived from [(http://www.kerala.gov.in/dept_st/index.htm#rtyu). the original] on 2002-12-08. {{cite web}}: Check |archive-url= value (help); Check |url= value (help)
↑ [(https://web.archive.org/web/20120713032252/http://www.banasura.com/banasuraFolklore.html) "Kurichiya tribe presence in Banasura Hill"]. Archived from [(http://www.banasura.com/banasuraFolklore.html) the original] on 2012-07-13. {{cite web}}: Check |archive-url= value (help); Check |url= value (help)
↑ Kerala (India); A. Sreedhara Menon (1972). [(https://books.google.com/books?id=Sl4bAAAAIAAJ) Kerala District Gazetteers: Malappuram]. printed by the Superintendent of Govt. Presses. p. 199. Retrieved 26 May 2011. {{cite book}}: Check |url= value (help)
↑ Nava Kishor Das (January 2003). [(https://books.google.com/books?id=R5fXAAAAMAAJ) Culture, religion, and philosophy: critical studies in syncretism and inter-faith harmony]. Rawat Publications. p. 116. ISBN 978-81-7033-820-8. Retrieved 26 May 2011. {{cite book}}: Check |url= value (help)

[Kur1-1] 1 2 3 4 5 6 [(http://www.krepublishers.com/02-Journals/T%20&%20T/T%20&%20T-02-0-000-000-2004-Web/T%20&%20T-02-0-001-076-2004-Abst-PDF/T%20&%20T-02-1-019-021-2004-Ramachandran-012/T%20&%20T-02-1-019-021-2004-Ramachandran.pdf)^{[permanent dead link]} Fertility Concept in a Ritual an Anthropological Explanation of "Pandal Pattu".] Stud. Tribes Tribals, 2(1): 19-21 (2003), Bindu Ramachandran

[Kur2-2] 1 2 3 4 5 6 7 Rao Bahadur C. Gopalan Nair. Wynad : Its Peoples and Traditions.

[:0-3] 1 2 A. Aiappan, K. Mahadevan (1990). Ecology, Economy, Matriliny, and Fertility of Kurichiyas. Delhi: B. R. Publishing Corporation.

[Kur4-4] [(https://web.archive.org/web/20021208164124/http://kerala.gov.in/dept_st/index.htm) "The Official Web site of Government of Kerala"]. www.kerala.gov.in. Archived from [(http://www.kerala.gov.in/dept_st/index.htm#rtyu). the original] on 2002-12-08. {{cite web}}: Check |archive-url= value (help); Check |url= value (help)

[5] [(https://web.archive.org/web/20120713032252/http://www.banasura.com/banasuraFolklore.html) "Kurichiya tribe presence in Banasura Hill"]. Archived from [(http://www.banasura.com/banasuraFolklore.html) the original] on 2012-07-13. {{cite web}}: Check |archive-url= value (help); Check |url= value (help)

[(India)Menon1972-6] Kerala (India); A. Sreedhara Menon (1972). [(https://books.google.com/books?id=Sl4bAAAAIAAJ) Kerala District Gazetteers: Malappuram]. printed by the Superintendent of Govt. Presses. p. 199. Retrieved 26 May 2011. {{cite book}}: Check |url= value (help)

[Das2003-7] Nava Kishor Das (January 2003). [(https://books.google.com/books?id=R5fXAAAAMAAJ) Culture, religion, and philosophy: critical studies in syncretism and inter-faith harmony]. Rawat Publications. p. 116. ISBN 978-81-7033-820-8. Retrieved 26 May 2011. {{cite book}}: Check |url= value (help)

[᱑]

[᱒]

[᱓]

[᱔]

[᱕]

[᱖]

[᱗]