ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱩᱭᱤᱝ ᱨᱟᱡᱽᱵᱚᱝᱥᱚ ᱫᱚ ᱪᱤᱱ ᱨᱮᱱᱟᱜ ᱯᱩᱭᱞᱩ ᱨᱟᱡᱽᱵᱚᱝᱥᱚ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱫᱚ ᱢᱟᱨᱮ ᱯᱚᱱᱚᱛ ᱠᱚ ᱞᱟᱹᱜᱤᱫ ᱦᱩᱭ ᱟᱠᱟᱱᱟ, ᱡᱟᱦᱟᱸ ᱫᱚ ᱨᱟᱡᱽᱵᱚᱝᱥᱚ ᱨᱮᱱᱟᱜ ᱢᱤᱫᱴᱟᱝ ᱵᱤᱨᱤᱫ ᱯᱚᱱᱚᱛ ᱠᱟᱱᱟ᱾ ᱒᱓᱐ ᱠᱷᱤᱥᱴᱚ ᱯᱩᱨᱵᱚ ᱨᱮᱭᱟᱜ ᱮᱛᱚᱦᱚᱵ ᱨᱮ ᱠᱩᱣᱤᱝ ᱡᱟᱦᱟᱸ ᱫᱚ ᱨᱟᱡᱟ ᱭᱤᱝ ᱡᱮᱝᱣᱟᱜ ᱥᱟᱥᱚᱱ ᱨᱮ ᱛᱟᱦᱮᱸ ᱠᱟᱱ ᱩᱱᱠᱩ ᱵᱤᱨᱚᱫᱷᱤ ᱥᱟᱣ ᱞᱟᱹᱲᱦᱟᱹᱭ ᱛᱚᱝᱜᱮ ᱨᱮ ᱛᱟᱦᱮᱸᱭᱟ ᱡᱟᱦᱟᱸ ᱫᱚ ᱞᱟᱦᱟᱛᱮ ᱡᱳᱣᱟᱜ ᱯᱟᱹᱛᱤᱭᱟᱹ ᱛᱟᱦᱮᱸ ᱠᱟᱱᱟ᱾ ᱒᱒᱑ ᱠᱷᱤᱥᱴᱚᱯᱩᱨᱵᱚ ᱨᱮ ᱪᱟᱭᱱᱟ ᱥᱟᱢᱮᱞᱟᱭᱛᱮ ᱠᱩᱭᱤᱝ ᱨᱮ ᱥᱮᱞᱮᱫ ᱮᱱ ᱛᱟᱭᱚᱢ ᱢᱩᱪᱟᱹᱫ ᱮᱱᱟ, ᱡᱟᱦᱟᱸ ᱫᱚ ᱛᱟᱭᱚᱢ ᱨᱟᱡᱽ ᱨᱟᱯᱟᱡ ᱟᱹᱭᱫᱟᱹᱨᱨᱮ ᱦᱟᱛᱟᱣ ᱞᱮᱫᱼᱟ -ᱚᱱᱟ ᱥᱟᱣᱛᱮ ᱣᱤᱧ ᱡᱮᱱ ᱫᱚ ᱟᱡ ᱛᱮ ᱜᱮ ᱣᱤᱧ ᱥᱤ ᱦᱩᱟᱝ ᱞᱮᱠᱟᱛᱮ ᱞᱟᱹᱭ ᱥᱚᱫᱚᱨ ᱮᱱᱟᱭ,ᱪᱟᱭᱱᱟ ᱨᱤᱱᱤᱡ ᱯᱩᱭᱞᱩ ᱥᱟᱥᱚᱱᱤᱭᱟᱹ ᱟᱨ ᱣᱟᱨᱤᱝ ᱯᱚᱱᱚᱛ ᱚᱠᱛᱚ (᱔᱗᱕-᱒᱒᱑ ᱠᱷᱤᱥᱴᱚᱯᱩᱨᱵᱚ ᱞᱮᱠᱟ) ᱨᱮᱭᱟᱜ ᱢᱩᱪᱟᱹᱫᱤᱭᱟᱹ ᱠᱟᱱᱟᱭ᱾ ᱱᱚᱣᱟ ᱨᱟᱡᱽᱯᱚᱱᱚᱛ ᱫᱚ ᱒᱐᱖ ᱦᱟᱹᱵᱤᱡ ᱥᱟᱥᱚᱱ ᱛᱟᱦᱮᱸᱭᱟ ᱡᱚᱠᱷᱚᱱ ᱠᱩᱭᱤᱝ ᱥᱤ ᱦᱩᱟᱝ ᱮ ᱵᱚᱝᱜᱟ ᱛᱟᱞᱟ ᱮᱱᱟᱭ ᱤᱱᱟᱹ ᱥᱮᱨᱢᱟ ᱛᱟᱭᱚᱢ ᱱᱚᱣᱟ ᱨᱟᱡᱽᱯᱟᱴ ᱢᱩᱪᱟᱹᱫ ᱮᱱᱟ᱾[᱔] ᱵᱟᱨᱭᱟ ᱥᱟᱥᱚᱱᱤᱭᱟᱹ ᱥᱟᱣᱛᱮ ᱪᱤᱱ ᱨᱮᱭᱟᱜ ᱱᱟᱜᱟᱢ ᱨᱮ ᱠᱩᱣᱤᱝ ᱨᱟᱡᱽᱯᱟᱴᱟᱜ ᱑᱔ ᱥᱮᱨᱢᱟ ᱥᱟᱥᱚᱱ ᱫᱚ ᱡᱚᱛᱚ ᱠᱷᱚᱱᱟᱜ ᱠᱷᱟᱴᱚ ᱥᱟᱥᱚᱱ ᱛᱟᱦᱮᱸ ᱠᱟᱱᱟ᱾ ᱮᱱᱛᱮ ᱨᱮᱦᱚᱸ, ᱦᱟᱝ ᱨᱟᱡᱽᱯᱟᱴ(᱒᱐᱒BC-᱒᱒᱐AD) ᱠᱩᱣᱤᱝ ᱣᱟᱜ ᱛᱷᱟᱯᱚᱱ ᱯᱷᱟᱹᱫ ᱟᱨ ᱪᱟᱪᱟᱞᱟᱣ ᱦᱚᱨᱟ ᱠᱚ ᱮᱛᱚᱦᱚᱵ ᱞᱮᱫᱼᱟ;ᱚᱨᱡᱚ ᱞᱮᱠᱟᱛᱮ ᱠᱩᱭᱤᱝ ᱜᱮ ᱪᱤᱱ ᱨᱟᱡᱽᱥᱟᱥᱚᱱ ᱯᱚᱱᱛᱷᱟ ᱨᱤᱱᱤᱡ ᱢᱩᱲᱩᱛ ᱮᱱᱮᱢᱤᱭᱟᱹ ᱞᱮᱠᱟᱛᱮ ᱢᱟᱹᱱ ᱠᱚ ᱪᱟᱞ ᱟᱫᱮᱭᱟ᱾ᱡᱟᱦᱟᱸ ᱯᱚᱱᱛᱷᱟ ᱫᱚ ᱑᱙᱑᱑ ᱨᱮ ᱥᱤᱝ ᱦᱟᱭ ᱦᱩᱞ ᱨᱮᱱᱟᱜ ᱵᱚᱛᱚᱨᱟᱱ ᱜᱷᱚᱴᱚᱱ ᱨᱮ ᱩᱫᱩᱜ ᱞᱮᱫᱼᱟ᱾
