ᱠᱩᱱᱛᱚᱲᱟ ᱠᱩᱢᱟᱨᱤ ᱥᱟᱵᱚᱛ
| ᱠᱩᱱᱛᱚᱲᱟ ᱠᱩᱢᱟᱨᱤ ᱥᱟᱵᱚᱛ | |
|---|---|
 ᱠᱩᱱᱛᱚᱲᱟ ᱠᱩᱢᱟᱨᱤ ᱥᱟᱵᱚᱛ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱯᱷᱮᱵᱽᱨᱩᱣᱟᱨᱤ ᱘, ᱑᱙᱐᱑ ᱡᱚᱜᱽᱫᱚᱞᱯᱩᱨ, ᱵᱚᱥᱛᱚᱨ ᱯᱚᱱᱚᱛ, ᱛᱟᱞᱢᱟ ᱯᱨᱚᱵᱷᱤᱱᱥ, ᱵᱽᱨᱤᱴᱤᱥ ᱨᱟᱡᱽ (ᱱᱤᱛᱚᱜ ᱪᱷᱚᱛᱛᱤᱥᱜᱚᱲ, ᱥᱤᱧᱚᱛ) |
| ᱜᱩᱨ | ᱒᱓ ᱚᱜᱚᱥᱴ ᱑᱙᱓᱘ (ᱩᱢᱮᱨ ᱓᱗ ᱥᱮᱨᱢᱟ) ᱫᱤᱞᱞᱤ, ᱵᱽᱨᱤᱴᱤᱥ ᱨᱟᱡᱽ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱰᱟᱠᱴᱚᱨ, ᱚᱱᱚᱞᱤᱭᱟᱹ, ᱚᱱᱚᱲᱦᱤᱭᱟᱹ, ᱥᱟᱶᱛᱟ ᱠᱟᱹᱢᱤᱭᱟᱹ |
| ᱡᱤᱭᱚᱱ ᱥᱚᱦᱮᱫ | ᱠᱨᱤᱥᱱᱟ ᱯᱨᱚᱥᱟᱫᱽ ᱵᱽᱨᱚᱢᱦᱚᱪᱟᱨᱤ |
| ᱦᱚᱯᱚᱱ | ᱑ |
| ᱢᱟᱹᱱ ᱥᱟᱨᱦᱟᱣ | ᱩᱛᱠᱚᱲ ᱵᱷᱟᱨᱚᱛᱤ (᱑᱙᱒᱕) |
ᱠᱩᱱᱛᱚᱲᱟ ᱠᱩᱢᱟᱨᱤ ᱥᱟᱵᱚᱛ (᱘ ᱯᱷᱮᱵᱽᱨᱩᱣᱟᱨᱤ ᱑᱙᱐᱑ – ᱒᱓ ᱟᱜᱚᱥᱴ ᱑᱙᱓᱘) ᱫᱚ ᱵᱽᱨᱤᱴᱤᱥ ᱥᱤᱧᱚᱛ ᱚᱠᱛᱚ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱳᱰᱤᱭᱟ ᱚᱱᱚᱲᱦᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱳᱰᱤᱥᱟ ᱨᱤᱱᱤᱡ ᱢᱤᱫ ᱢᱟᱨᱟᱝ ᱰᱟᱠᱴᱚᱨ, ᱚᱱᱚᱞᱤᱭᱟᱹ, ᱥᱟᱯᱲᱟᱣᱤᱭᱟᱹ ᱟᱨ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱤᱱᱤᱡ ᱢᱤᱫ ᱟᱹᱭᱩᱨᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱙᱒᱕ ᱥᱟᱞᱮ ᱨᱮ "ᱩᱛᱠᱚᱲ ᱵᱷᱟᱨᱚᱛᱤ" ᱢᱟᱹᱱ ᱛᱮᱠᱚ ᱥᱟᱨᱦᱟᱣ ᱞᱮᱫᱮᱭᱟ ᱾[᱑]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱩᱱᱛᱟᱞᱟ ᱠᱩᱢᱟᱨᱤ ᱥᱟᱵᱚᱛ ᱫᱚ ᱘ ᱯᱷᱮᱵᱽᱨᱩᱣᱟᱨᱤ ᱑᱙᱐᱑ ᱥᱟᱞᱮ ᱨᱮ ᱵᱟᱥᱛᱟᱨ ᱨᱟᱡᱽ ᱯᱚᱱᱚᱛ ᱨᱮᱱᱟᱜ ᱩᱱ ᱡᱚᱠᱷᱚᱡᱟᱜ ᱨᱟᱡᱽᱜᱟᱲ ᱡᱚᱜᱚᱫᱚᱞᱯᱩᱨ ᱨᱮᱭ ᱡᱟᱱᱟᱢ ᱞᱮᱱᱟ, (ᱱᱤᱛᱚᱜ ᱫᱚ ᱪᱷᱚᱛᱛᱤᱥᱜᱚᱲ ᱨᱮ) ᱾[᱒] ᱟᱡ ᱵᱟᱵᱟ ᱰᱮᱱᱤᱭᱮᱞ ᱥᱟᱵᱚᱛ ᱫᱚ ᱢᱤᱫ ᱰᱟᱠᱴᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱢᱚᱱᱤᱠᱟ ᱥᱟᱵᱚᱛ ᱛᱟᱦᱮᱸ ᱠᱟᱱᱟ ᱾ ᱟᱡ ᱢᱟᱢᱚ ᱵᱟᱵᱟ ᱫᱚ ᱫᱟᱱᱰᱟᱢᱩᱠᱩᱱᱫᱟᱯᱩᱨ, ᱯᱩᱨᱤ ᱨᱤᱱ ᱠᱟᱱᱟ ᱠᱚ ᱛᱟᱦᱮᱸᱫ ᱾[᱓] ᱟᱡ ᱵᱟᱵᱟ ᱫᱚ ᱵᱟᱥᱛᱟᱨ ᱛᱮᱭ ᱩᱪᱟᱹᱲ ᱞᱮᱱᱟ ᱟᱨ ᱟᱡᱟᱜ ᱡᱟᱱᱟᱢ ᱢᱟᱲᱟᱝ ᱨᱮ ᱤᱥᱟᱹᱭ ᱫᱷᱚᱨᱚᱢ ᱮ ᱟᱯᱱᱟᱨ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱡᱟᱱᱟᱢ ᱛᱟᱭᱚᱢ ᱟᱹᱰᱤ ᱞᱚᱜᱚᱱ ᱜᱮ ᱟᱡ ᱫᱚ ᱟᱡ ᱨᱤᱱ ᱜᱷᱟᱨᱚᱸᱡᱽ ᱥᱟᱶ ᱵᱚᱨᱢᱟ ᱛᱮᱠᱚ ᱥᱮᱱ ᱞᱮᱱᱟ ᱾ ᱟᱡᱟᱜ ᱜᱤᱫᱽᱨᱟᱹ ᱚᱠᱛᱚ ᱫᱚ ᱵᱚᱨᱢᱟ ᱨᱮ ᱵᱤᱛᱟᱹᱣ ᱞᱮᱱᱟ ᱾ ᱵᱚᱨᱢᱟ ᱨᱮ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱟᱡ ᱵᱟᱵᱟ ᱫᱚ ᱫᱚᱲᱦᱟ ᱛᱮᱭ ᱵᱟᱯᱞᱟ ᱮᱱᱟ ᱟᱨ ᱠᱩᱱᱛᱟᱞᱟ ᱫᱚ ᱟᱡ ᱟᱭᱳ ᱥᱟᱶ ᱳᱰᱤᱥᱟ ᱛᱮᱭ ᱨᱩᱣᱟᱹᱲ ᱦᱮᱡ ᱮᱱᱟ ᱾ ᱵᱚᱨᱢᱟ ᱠᱷᱚᱱ ᱨᱩᱣᱟᱹᱲ ᱠᱟᱛᱮ ᱟᱡ ᱟᱭᱳ ᱥᱟᱶ ᱠᱷᱚᱨᱫᱟ ᱨᱮ ᱠᱤᱱ ᱵᱟᱥᱟ ᱮᱱᱟ ᱾ ᱛᱤᱨᱞᱟᱹ ᱥᱮᱪᱮᱫ ᱨᱮᱱᱟᱜ ᱟᱹᱰᱤ ᱟᱱᱟᱴ ᱛᱟᱦᱮᱸ ᱠᱟᱱ ᱨᱮᱦᱚᱸ ᱟᱡ ᱟᱭᱳᱣᱟᱜ ᱠᱩᱨᱩᱢᱩᱴᱩ ᱛᱮ ᱟᱡ ᱫᱚ ᱱᱟᱯᱟᱭ ᱥᱮᱪᱮᱫ ᱮ ᱧᱟᱢ ᱞᱮᱫᱼᱟ ᱾ ᱟᱡ ᱫᱚ ᱨᱮᱵᱷᱮᱱᱥᱟ ᱜᱟᱨᱞᱥ ᱦᱟᱭ ᱥᱠᱩᱞ ᱨᱮᱭ ᱯᱟᱲᱦᱟᱣ ᱞᱮᱱᱟ ᱟᱨ ᱠᱚᱴᱚᱠ ᱨᱮᱱᱟᱜ ᱳᱰᱤᱥᱟ ᱢᱮᱰᱤᱠᱟᱞ ᱥᱠᱩᱞ, (ᱱᱤᱛᱚᱜ ᱫᱚ ᱥᱨᱤᱨᱟᱢ ᱪᱚᱸᱫᱽᱨᱚ ᱵᱷᱚᱸᱡᱽ ᱢᱮᱰᱤᱠᱟᱞ ᱠᱚᱞᱮᱡᱽ ᱮᱸᱰ ᱦᱚᱥᱯᱤᱴᱟᱞ) ᱨᱮ ᱟᱡᱟᱜ ᱯᱟᱲᱦᱟᱣᱮ ᱞᱟᱦᱟ ᱞᱮᱫᱼᱟ ᱾ ᱟᱡ ᱫᱚ ᱑᱙᱒᱑ ᱥᱟᱞᱮ ᱨᱮ ᱥᱚᱱᱟ ᱢᱮᱰᱟᱞ ᱥᱟᱶᱛᱮ ᱮᱞ.ᱮᱢ.ᱯᱤ (L.M.P - Licentiate Medical Practitioners) ᱰᱤᱜᱽᱨᱤᱭ ᱟᱢᱮᱴ ᱞᱮᱫᱼᱟ ᱾ ᱟᱡ ᱫᱚ ᱳᱰᱤᱭᱟ, ᱦᱤᱱᱫᱤ, ᱵᱟᱝᱞᱟ, ᱤᱝᱞᱤᱥ ᱟᱨ ᱵᱟᱨᱢᱤᱡᱽ ᱯᱟᱹᱨᱥᱤ ᱛᱮ ᱟᱹᱰᱤ ᱱᱟᱯᱟᱭ ᱛᱮᱭ ᱨᱚᱲ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱟᱡ ᱨᱤᱱ ᱢᱤᱫᱴᱟᱹᱝ ᱠᱚᱲᱟ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭᱟᱜ ᱧᱩᱛᱩᱢ ᱫᱚ ᱡᱚᱜᱽᱢᱚᱦᱚᱱ ᱫᱟᱥ ᱾ ᱜᱚᱲᱚᱢ ᱠᱚᱲᱟ ᱠᱤᱱᱟᱜ ᱧᱩᱛᱩᱢ ᱫᱚ ᱨᱩᱫᱽᱨᱚᱢᱚᱦᱚᱱ ᱫᱟᱥ ᱟᱨ ᱪᱤᱫᱟᱱᱚᱱᱫᱚ ᱫᱟᱥ ᱾ ᱨᱩᱫᱽᱨᱚᱢᱚᱦᱚᱱ ᱨᱤᱱ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ, ᱥᱩᱵᱷᱟᱢᱚᱭᱤ ᱥᱩᱵᱷᱟᱥᱨᱤ ᱫᱟᱥ ᱟᱨ ᱫᱮᱵᱚᱥᱨᱤ ᱫᱟᱥ, ᱪᱤᱫᱟᱱᱚᱱᱫᱚ ᱨᱤᱱᱤᱡ ᱢᱤᱫᱴᱟᱹᱝ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱮᱭᱟ ᱧᱩᱛᱩᱢ ᱫᱚ ᱪᱚᱱᱫᱽᱨᱚᱠᱟᱱᱛᱚ ᱫᱟᱥ ᱾[᱔]
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱟᱠᱴᱚᱨ ᱰᱤᱜᱽᱨᱤ ᱧᱟᱢ ᱠᱟᱛᱮ ᱛᱟᱭᱚᱢ, ᱟᱡ ᱫᱚ ᱰᱨ. ᱠᱳᱭᱞᱟᱥ ᱪᱚᱸᱫᱽᱨᱚ ᱨᱟᱣ ᱟᱜ ᱛᱟᱹᱨᱤ ᱨᱮ ᱰᱟᱠᱴᱚᱨᱤ ᱠᱟᱹᱢᱤᱭ ᱮᱛᱚᱦᱚᱵ ᱞᱮᱫᱼᱟ ᱾ ᱟᱡ ᱫᱚ ᱑᱙᱒᱑ ᱠᱷᱚᱱ ᱑᱙᱒᱘ ᱥᱟᱞᱮ ᱫᱷᱟᱹᱵᱤᱡ ᱢᱮᱰᱤᱠᱟᱞ ᱠᱟᱹᱢᱤ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱟᱡ ᱫᱚ ᱠᱚᱴᱚᱠ ᱨᱮ ᱟᱡᱟᱜ ᱱᱤᱡᱮ ᱠᱞᱤᱱᱤᱠᱮ ᱮᱛᱚᱦᱚᱵ ᱞᱮᱫᱼᱟ ᱾ ᱟᱡ ᱫᱚ ᱑᱙᱒᱕ ᱥᱟᱞᱮ ᱨᱮ ᱠᱚᱴᱚᱠ ᱨᱮ ᱨᱮᱰ ᱠᱨᱚᱥ ᱥᱳᱥᱟᱭᱴᱤ ᱨᱮᱱᱟᱜ ᱛᱤᱨᱞᱟᱹ ᱠᱚᱞᱭᱟᱬ ᱛᱟᱞᱢᱟ ᱮ ᱮᱛᱚᱦᱚᱵ ᱞᱮᱫᱼᱟ ᱾[᱕]
ᱟᱡ ᱫᱚ ᱑᱙᱒᱘ ᱥᱟᱞᱮ ᱨᱮ ᱱᱟᱶᱟ ᱫᱤᱞᱞᱤ ᱛᱮᱭ ᱩᱪᱟᱹᱲ ᱞᱮᱱᱟ ᱾ ᱚᱱᱟ ᱥᱮᱨᱢᱟ ᱜᱮ ᱟᱡ ᱫᱚ ᱟᱡ ᱨᱤᱱ ᱢᱮᱱᱴᱚᱨ ᱠᱨᱤᱥᱱᱚ ᱯᱨᱚᱥᱟᱫᱽ ᱵᱨᱚᱦᱢᱚᱪᱟᱨᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾[᱖]
ᱥᱟᱶᱛᱟᱨᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡ ᱫᱚ ᱡᱟᱹᱛᱤ ᱵᱷᱮᱫᱽᱼᱵᱷᱟᱹᱣ ᱢᱩᱪᱟᱹᱫ ᱞᱟᱹᱜᱤᱫ ᱮ ᱠᱟᱹᱢᱤ ᱞᱮᱫᱼᱟ ᱾ ᱟᱡ ᱫᱚ ᱜᱤᱫᱽᱨᱟᱹ ᱵᱟᱯᱞᱟ, ᱛᱤᱨᱞᱟᱹ ᱠᱚ ᱪᱮᱛᱟᱱ ᱨᱮ ᱵᱷᱮᱫᱽᱼᱵᱷᱟᱹᱣ ᱟᱨ ᱯᱚᱨᱫᱟ ᱯᱨᱚᱛᱷᱟ ᱵᱤᱨᱩᱫᱷ ᱨᱮᱭ ᱚᱞ ᱞᱮᱫᱼᱟ ᱾ ᱟᱡ ᱫᱚ ᱨᱟᱹᱱᱰᱤ ᱵᱟᱯᱞᱟ ᱟᱨ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱮ ᱠᱟᱹᱢᱤ ᱞᱮᱫᱼᱟ ᱾ ᱥᱤᱧᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱮ ᱳᱰᱤᱥᱟ ᱠᱷᱚᱱ ᱟᱡ ᱫᱚ ᱢᱤᱫ ᱢᱩᱬᱩᱛ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾[᱗][᱘][᱙] ᱟᱡ ᱫᱚ ᱟᱥᱚᱠᱟᱭ ᱛᱮ ᱳᱰᱤᱭᱟ ᱛᱮᱭ ᱚᱞ ᱞᱮᱫᱼᱟ, ᱢᱮᱱᱠᱷᱟᱱ ᱦᱤᱱᱫᱤ ᱛᱮᱦᱚᱸᱭ ᱚᱞ ᱞᱮᱫ ᱜᱮᱭᱟ ᱾ ᱟᱡ ᱫᱚ ᱢᱚᱦᱟᱵᱤᱨ, ᱡᱤᱵᱚᱱ ᱟᱨ ᱱᱟᱨᱤ ᱵᱷᱟᱨᱚᱛᱤ ᱞᱮᱠᱟᱱ ᱟᱭᱢᱟ ᱯᱟᱛᱷᱟᱢ ᱠᱚᱭ ᱥᱟᱯᱲᱟᱣ ᱞᱮᱫᱼᱟ ᱾ ᱟᱡ ᱫᱚ ᱵᱚᱱᱟᱨᱚᱥ ᱦᱤᱱᱫᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱟᱞᱞᱟᱦᱟᱵᱟᱫᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱥᱚᱱᱮᱨ ᱮᱢ ᱟᱠᱷᱲᱟ ᱨᱮ ᱜᱟᱞᱚᱪ ᱞᱟᱹᱜᱤᱫ ᱠᱚ ᱱᱮᱶᱛᱟ ᱞᱮᱫᱮᱭᱟ ᱾ ᱟᱡ ᱫᱚ 'ᱵᱷᱟᱨᱚᱛᱤ ᱛᱚᱯᱳᱵᱚᱱ ᱥᱚᱝᱜᱷᱚ' ᱧᱩᱛᱩᱢ ᱛᱮ ᱢᱤᱫ ᱜᱟᱶᱛᱟᱭ ᱵᱮᱨᱮᱫ ᱞᱮᱫᱼᱟ, ᱡᱟᱦᱟᱸ ᱫᱚ ᱳᱰᱤᱭᱟ ᱯᱟᱹᱨᱥᱤ ᱞᱟᱦᱟᱱᱛᱤ ᱞᱟᱹᱜᱤᱫ ᱮ ᱠᱟᱹᱢᱤ ᱞᱮᱫᱼᱟ ᱾ ᱠᱩᱱᱛᱟᱞᱟ ᱠᱩᱢᱟᱨᱤ ᱟᱜ ᱥᱟᱶᱦᱮᱫ ᱠᱟᱹᱢᱤ ᱟᱨ ᱥᱟᱶᱛᱟᱨᱤ ᱡᱤᱭᱚᱱ ᱨᱮᱱᱟᱜ ᱮᱱᱮᱢ ᱫᱚ ᱟᱭᱢᱟ ᱫᱷᱟᱣ ᱥᱚᱨᱳᱡᱤᱱᱤ ᱱᱟᱭᱰᱩ ᱥᱟᱶ ᱠᱚ ᱛᱩᱞᱟᱹᱡᱚᱠᱷᱟ ᱟᱠᱟᱫᱼᱟ ᱾[᱑᱐]
ᱚᱞ ᱵᱮᱞ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱛᱤᱱᱟᱹᱜ ᱜᱟᱱ ᱧᱩᱛᱩᱢᱟᱱ ᱠᱟᱹᱢᱤ ᱠᱚᱫᱚ ᱦᱩᱭᱩᱜ ᱠᱟᱱᱟ:
- ᱚᱧᱡᱚᱲᱤ
- ᱚᱨᱪᱚᱱᱟ
- ᱥᱯᱩᱞᱤᱝᱜᱚ
- ᱟᱦᱣᱟᱱ
- ᱯᱟᱨᱚᱥᱢᱚᱬᱤ
- ᱠᱟᱲᱤ ᱵᱚᱦᱩ
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱩᱱᱛᱟᱞᱟ ᱠᱩᱢᱟᱨᱤ ᱥᱟᱵᱚᱛ ᱫᱚ ᱒᱓ ᱟᱜᱚᱥᱴ ᱑᱙᱓᱘ ᱥᱟᱞᱮ ᱨᱮ ᱟᱹᱰᱤ ᱠᱚᱢ ᱩᱢᱮᱨ (᱓᱗ ᱥᱮᱨᱢᱟ) ᱨᱮ ᱫᱤᱞᱞᱤ ᱨᱮᱭ ᱵᱚᱸᱜᱟ ᱛᱟᱞᱟ ᱞᱮᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "ᱠᱩᱱᱛᱟᱞᱟ ᱠᱩᱢᱟᱨᱤ ᱥᱟᱵᱚᱛ". Telugu Wikipedia. Retrieved 2024-05-20.[permanent dead link]
- ↑ "KUNTALA KUMARI SABAT". Archived from the original on 12 November 2016. Retrieved 17 February 2020.
- ↑ "Kuntala Kumari Sabat". odisha.360.batoi.com. Archived from the original on 17 February 2020. Retrieved 15 November 2012.
Her grandfather was from a Brahmin family of Danda Mukundpur a village of Puri district
- ↑ Lal, M.; Kumar, S.P.; Indian Institute of Advanced Study (2002). Women's studies in India: contours of change. Indian Institute of Advanced Study. ISBN 978-81-7986-016-8. Retrieved 2020-02-17.
- ↑ Singh, N.K. (2001). Encyclopaedia of women biography: India, Pakistan, Bangladesh. A.P.H. Pub. Corp. ISBN 978-81-7648-261-5. Retrieved 2020-02-14.
- ↑ Mohanty, S. (2005). Early Women's Writings in Orissa, 1898-1950: A Lost Tradition. SAGE Publications. p. 130. ISBN 978-0-7619-3308-3. Retrieved 2020-03-05.
- ↑ Orissa (India). Home Department; Orissa, India. Home Dept (1998). Orissa Review (in ᱟᱝᱜᱽᱨᱮᱡᱤ). Home Department, Government of Orissa. pp. 12, 17–18. Retrieved 2020-02-17.
- ↑ Choudhury, Janmejay. "Kuntala Kumari Sabat : A True Patriotic Litterateur and Reflection of Her Literary Works on Gandhian Movement" (PDF). Orissa Review.[permanent dead link]
- ↑ "Nightingale or BulBul of Orissa Kuntala Kumari Sabat". Orissa Spider. 2011-11-22. Archived from the original on 17 February 2020. Retrieved 2020-02-14.
{{cite web}}: CS1 maint: unfit URL (link) - ↑ "Kuntala Kumari Sabat". odiya.org. Retrieved 15 November 2012.
Kuntala Kumari's literary gifts and role in the public life of her time are comparable to those of Sarojini Naidu