ᱠᱮᱥᱚᱵᱽ ᱪᱚᱱᱫᱽᱨᱚ ᱜᱚᱜᱚᱭ
ᱠᱮᱥᱚᱵᱽ ᱪᱚᱱᱫᱽᱨᱚ ᱜᱚᱜᱚᱭ (ᱤᱝᱨᱟᱹᱡᱤ: Kesab Chandra Gogoi, ᱡᱟᱱᱟᱢ:᱑᱙᱒᱕ - ᱜᱩᱨ:᱑᱙᱙᱘) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱤᱫᱴᱮᱱ ᱨᱟᱡᱟᱨᱤᱭᱟᱹ ᱟᱨ ᱟᱥᱟᱢ ᱯᱚᱱᱚᱛ ᱨᱮᱱ ᱢᱟᱨᱮ ᱢᱩᱠᱷᱭᱟᱹ ᱢᱚᱱᱛᱨᱤ ᱛᱟᱦᱮᱸᱠᱟᱱᱟ᱾ ᱑᱙᱘᱒ ᱥᱮᱨᱢᱟ ᱨᱮᱭᱟᱜ ᱑᱓ ᱡᱟᱱᱩᱣᱟᱨᱤ ᱢᱟᱹᱦᱤᱛ ᱨᱮ ᱚᱱᱟ ᱥᱮᱨᱢᱟ ᱨᱮᱭᱟᱜ ᱜᱮ ᱑᱙ ᱢᱟᱨᱪ ᱢᱟᱹᱦᱤᱛ ᱦᱟᱵᱤᱡ ᱟᱥᱟᱢ ᱨᱮᱱ ᱢᱩᱠᱷᱭᱟᱹ ᱢᱚᱱᱛᱨᱤ ᱞᱮᱠᱟ ᱛᱮᱭᱮ ᱛᱟᱦᱮᱸᱠᱟᱱᱟ᱾ ᱩᱱᱤ ᱰᱚ ᱰᱤᱵᱽᱨᱩᱜᱚᱲ ᱥᱚᱢᱚᱥᱴᱷᱤ ᱠᱷᱚᱱ ᱟᱥᱟᱢ ᱵᱤᱫᱷᱟᱱ ᱥᱚᱵᱷᱟ ᱛᱮᱭᱮ ᱵᱟᱪᱷᱸᱟᱣ ᱚᱪᱚ ᱞᱮᱱᱟ᱾
ᱦᱩᱰᱤᱧ ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱒᱕ ᱥᱮᱨᱢᱟ ᱒᱙ ᱥᱮᱯᱴᱮᱢᱵᱚᱨ ᱢᱟᱹᱦᱤᱛ ᱦᱤᱞᱚᱜ ᱨᱮ ᱥᱤᱵᱽ ᱥᱟᱜᱚᱨ ᱦᱚᱱᱚᱛ ᱨᱮᱭᱟᱜ ᱞᱚᱝᱠᱟ ᱟᱹᱛᱩ ᱨᱮ ᱠᱮᱥᱟᱵᱽ ᱪᱚᱱᱫᱽᱨᱚ ᱜᱚᱜᱚᱭ ᱫᱚᱭᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸᱠᱟᱱᱟ ᱵᱷᱳᱜᱽᱨᱟᱢ ᱜᱚᱜᱚᱭ᱾ ᱩᱱᱤ ᱫᱚ ᱑᱙᱔᱖ ᱥᱮᱨᱢᱟ ᱨᱮ ᱥᱱᱟᱛᱚᱠ ᱰᱤᱜᱽᱨᱤ ᱫᱚᱭᱮ ᱦᱟᱢᱮᱴ ᱞᱮᱫᱟ᱾ ᱩᱱᱤ ᱰᱚ ᱵᱟᱱᱟᱨᱟᱥ ᱦᱤᱱᱫᱩ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱟᱹᱱ ᱵᱤᱱᱤᱰᱨᱮᱭᱮ ᱯᱟᱥ ᱞᱮᱱᱟ᱾ ᱤᱱᱟᱹ ᱛᱟᱭᱱᱚᱢ ᱥᱤᱵᱽ ᱥᱟᱜᱚᱨ ᱠᱚᱨᱴ ᱨᱮ ᱩᱠᱤᱞᱚᱜ-ᱮ ᱮᱛᱚᱦᱚᱵ ᱠᱮᱫᱟ᱾ ᱠᱮᱥᱚᱵᱽ ᱪᱚᱱᱰᱽᱨᱚ ᱜᱚᱜᱚᱭ ᱥᱟᱶᱛᱟ ᱟᱹᱨᱤ ᱠᱟᱹᱢᱤ ᱠᱚᱨᱮᱭᱮ ᱥᱮᱫᱚᱜ ᱠᱟᱱ ᱛᱟᱦᱮᱸᱠᱟᱱᱟ᱾ ᱩᱱᱤ ᱫᱚ ᱛᱤᱱᱤᱥᱩᱠᱤᱭᱟ ᱠᱚᱞᱮᱡᱽ ᱨᱮᱱ ᱵᱟᱵᱟᱱᱫᱷᱟᱣᱤᱡ ᱯᱨᱤᱱᱥᱤᱯᱟᱞᱮ, ᱰᱤᱜᱽᱨᱩᱜᱚᱲ ᱩᱠᱤᱞ ᱜᱟᱶᱛᱟ ᱨᱮᱱ ᱥᱩᱛᱨᱮᱛ, ᱥᱟᱢ ᱦᱟᱭ ᱠᱚᱴᱨᱴ ᱨᱮᱱ ᱜᱟᱹᱠᱷᱩᱲ ᱩᱠᱤᱞ ᱟᱨ ᱟᱥᱟᱢ ᱨᱤᱵᱷᱤᱱᱤᱣ ᱵᱚᱨᱰ ᱨᱮᱱ ᱨᱟᱹᱥᱤᱭᱟᱹᱭ ᱛᱟᱦᱮᱸᱠᱟᱱᱟ᱾ ᱩᱱᱤ ᱫᱚ ᱛᱷᱚᱲᱟ ᱫᱤᱱ ᱰᱤᱵᱽᱨᱩᱜᱚᱲ ᱟᱹᱱ ᱠᱚᱞᱮᱡᱽ ᱨᱮ ᱦᱚᱭ ᱯᱟᱲᱟᱦᱟᱣ ᱞᱮᱫ ᱠᱚᱣᱟ᱾
᱑᱙᱔᱒ ᱥᱮᱨᱢᱟ ᱨᱮ ᱠᱮᱥᱚᱵᱽ ᱪᱚᱱᱫᱽᱨᱚ ᱜᱚᱜᱚᱭ ᱫᱚ ᱥᱤᱧᱚᱛ ᱥᱟᱦᱟ ᱟᱱᱫᱚᱲ ᱨᱮᱭᱮ ᱥᱮᱞᱮᱫ ᱞᱮᱱᱟ᱾ ᱚᱱᱟ ᱛᱮ ᱩᱱᱤ ᱰᱚ ᱵᱟᱱᱟᱨᱟᱥᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱦᱚᱱ ᱠᱚ ᱚᱪᱚᱜ ᱞᱮᱫᱮᱭᱟ᱾