ᱠᱮᱴᱴᱩᱵᱷᱟᱞᱞᱟᱢ
.jpeg)
ᱠᱮᱴᱴᱩᱵᱷᱟᱞᱞᱟᱢ ᱫᱚ ᱢᱤᱫ ᱞᱮᱠᱟᱱ ᱦᱟᱣᱩᱥᱵᱳᱴ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱭᱟᱜ ᱯᱚᱱᱚᱛ ᱠᱮᱨᱟᱞᱟ ᱨᱮ ᱟᱹᱰᱤ ᱵᱟᱹᱲᱛᱤ ᱵᱮᱵᱷᱟᱨᱚᱜᱼᱟ ᱾ ᱱᱚᱣᱟ ᱠᱚᱨᱮᱱᱟᱜ ᱠᱟᱴ ᱨᱮᱭᱟᱜ ᱦᱚᱲᱢᱚ ᱪᱮᱛᱟᱱ ᱨᱮ ᱥᱟᱹᱲᱤᱢ ᱨᱮᱭᱟᱜ ᱯᱚᱴᱚᱢ ᱛᱟᱦᱮᱸᱱᱟ ᱾[᱑] ᱟᱹᱨᱤᱪᱟᱹᱞᱤ ᱠᱮᱴᱴᱩᱵᱷᱟᱞᱞᱟᱢ ᱫᱚ ᱢᱩᱬᱩᱛ ᱞᱮᱠᱟᱛᱮ ᱠᱮᱨᱟᱞᱟ ᱴᱩᱨᱤᱡᱚᱢ ᱯᱨᱚᱢᱳᱴ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾[᱒]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱮᱨᱟᱞᱟ ᱨᱮ ᱱᱚᱝᱠᱟᱱ ᱰᱷᱚᱝᱜᱟ ᱨᱮᱭᱟᱜ ᱱᱟᱜᱟᱢ ᱫᱚ ᱩᱨᱩ ᱠᱷᱚᱱ ᱮᱦᱚᱵ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱢᱟᱨᱟᱝ ᱰᱷᱳ-ᱞᱮᱠᱟᱱ ᱠᱟᱴ ᱨᱮᱭᱟᱜ ᱡᱟᱦᱟᱡᱽ ᱠᱟᱱᱟ ᱡᱟᱦᱟᱸ ᱫᱚ ᱠᱳᱡᱷᱤᱠᱳᱰ ᱵᱚᱱᱫᱚᱨ ᱨᱮᱭᱟᱜ ᱮᱛᱚᱢ ᱥᱮᱫ ᱵᱮᱯᱳᱨ ᱨᱮ ᱠᱟᱴ ᱢᱤᱥᱛᱨᱤ ᱠᱚ ᱵᱮᱱᱟᱣᱮᱫ ᱛᱟᱦᱮᱸᱫ ᱾ [᱓] ᱢᱟᱲᱟᱝ ᱚᱠᱛᱚ ᱨᱮ ᱱᱤᱞᱟᱢᱵᱩᱨ ᱥᱟᱜᱽᱣᱟᱱ ᱵᱤᱨ ᱠᱷᱚᱱ ᱥᱟᱜᱽᱣᱟᱱ ᱠᱟᱴ ᱠᱚ ᱟᱹᱜᱩᱭᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱱᱤᱛᱚᱜ ᱫᱚ ᱵᱟᱦᱨᱮ ᱫᱤᱥᱚᱢ ᱠᱷᱚᱱ ᱟᱹᱜᱩ ᱟᱠᱟᱱ ᱢᱟᱞᱮᱥᱤᱭᱟᱱ ᱥᱟᱜᱽᱣᱟᱱ ᱵᱮᱵᱷᱟᱨᱚᱜ ᱠᱟᱱᱟ ᱾[᱔]
ᱢᱟᱨᱮ ᱚᱠᱛᱚ ᱠᱷᱚᱱ ᱜᱮ ᱠᱮᱨᱟᱞᱟ ᱵᱮᱠᱣᱟᱴᱟᱨᱥ ᱨᱮ ᱠᱚᱲᱟ, ᱠᱩᱲᱤ ᱟᱨ ᱡᱤᱱᱤᱥ ᱠᱚ ᱤᱫᱤ ᱟᱹᱜᱩ ᱞᱟᱹᱜᱤᱫ ᱟᱭᱢᱟ ᱞᱮᱠᱟᱱ ᱨᱩᱯ ᱟᱨ ᱥᱟᱭᱤᱡᱽ ᱨᱮᱭᱟᱜ ᱰᱷᱚᱝᱜᱟ ᱜᱮ ᱢᱩᱬᱩᱛ ᱥᱟᱫᱷᱚᱱ ᱛᱟᱦᱮᱸ ᱠᱟᱱᱟ ᱾[᱑][᱕] ᱨᱟᱡᱽ ᱜᱷᱟᱨᱚᱸᱡᱽ ᱠᱚ ᱞᱟᱹᱜᱤᱫ ᱱᱚᱣᱟ ᱰᱷᱚᱝᱜᱟ ᱠᱚᱫᱚ ᱟᱨᱟᱢ ᱟᱱ ᱛᱟᱦᱮᱸᱱ ᱚᱲᱟᱜ ᱦᱚᱸ ᱵᱮᱱᱟᱣ ᱞᱮᱱᱟ ᱾[᱑]
ᱵᱮᱱᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱤᱫ ᱠᱮᱴᱴᱩᱵᱷᱟᱞᱞᱟᱢ ᱫᱚ ᱟᱢᱫᱟᱡᱽ ᱓᱐.᱕ ᱢᱤᱴᱟᱨ ᱡᱤᱞᱤᱧ ᱟᱨ ᱛᱟᱞᱟ ᱨᱮ ᱟᱢᱫᱟᱡᱽ ᱔ ᱢᱤᱴᱟᱨ ᱚᱥᱟᱨ ᱛᱟᱦᱮᱸᱱᱟ ᱾ ᱱᱚᱣᱟ ᱵᱮᱱᱟᱣ ᱨᱮ ᱵᱮᱵᱷᱟᱨᱚᱜ ᱠᱟᱱ ᱡᱤᱱᱤᱥ ᱠᱚᱫᱚ ᱴᱚᱴᱷᱟᱠᱤᱭᱟᱹ ᱟᱨ ᱤᱠᱳᱯᱷᱨᱮᱱᱰᱞᱤ ᱜᱮᱭᱟ; ᱢᱟᱫ, ᱱᱟᱹᱬᱠᱚᱲ ᱥᱩᱛᱟᱹᱢ, ᱵᱟᱵᱮᱨ, ᱢᱟᱫ ᱨᱮᱭᱟᱜ ᱯᱟᱹᱴᱤ, ᱜᱟᱞᱤᱪᱟ ᱮᱢᱟᱱ ᱾ ᱵᱮᱵᱷᱟᱨᱚᱜ ᱠᱟᱱ ᱢᱩᱬᱩᱛ ᱠᱟᱴ ᱫᱚ ᱦᱩᱭᱩᱜ ᱠᱟᱱᱟ "ᱟᱱᱡᱤᱞᱤ" (Artocarpus hirsuta) ᱾ ᱱᱚᱸᱰᱮ ᱯᱩᱨᱟᱹ ᱯᱷᱟᱨᱱᱤᱥᱰ ᱥᱤᱝᱜᱟᱞ ᱨᱩᱢ, ᱰᱟᱵᱚᱞ ᱨᱩᱢ ᱟᱨ ᱴᱨᱤᱯᱚᱞ ᱨᱩᱢ ᱟᱱ ᱦᱟᱣᱩᱥᱵᱳᱴ ᱠᱚ ᱢᱮᱱᱟᱜᱼᱟ ᱾
ᱱᱚᱣᱟ ᱨᱮᱭᱟᱜ ᱦᱚᱲᱢᱚ ᱫᱚ ᱠᱟᱴ ᱨᱮᱭᱟᱜ ᱯᱟᱴᱟ ᱠᱚ ᱢᱤᱫ ᱥᱟᱶ ᱡᱚᱲᱟᱣ ᱠᱟᱛᱮ ᱵᱮᱱᱟᱣᱜᱼᱟ, ᱡᱟᱦᱟᱸ ᱫᱚ ᱱᱟᱹᱬᱠᱚᱲ ᱥᱩᱛᱟᱹᱢ ᱟᱨ ᱵᱟᱵᱮᱨ ᱛᱮ ᱛᱚᱞ ᱠᱚᱜᱼᱟ ᱾[᱖] ᱠᱮᱴᱴᱩᱵᱷᱟᱞᱞᱟᱢ ᱫᱚ ᱢᱚᱴᱚᱨ ᱛᱮ ᱪᱟᱞᱟᱜᱼᱟ ᱟᱨ ᱜᱟᱦᱤᱨ ᱫᱟᱜ ᱨᱮ ᱰᱟᱸᱰᱟ ᱛᱮᱠᱚ ᱪᱟᱞᱟᱣᱟ ᱾ ᱠᱚᱢ ᱫᱟᱜ ᱴᱷᱟᱶ ᱠᱚᱨᱮ ᱞᱟᱦᱟ ᱞᱟᱹᱜᱤᱫ ᱡᱤᱞᱤᱧ ᱢᱟᱫ ᱠᱚ ᱵᱮᱵᱷᱟᱨᱚᱜᱼᱟ ᱾ ᱥᱟᱹᱲᱤᱢ ᱨᱮᱭᱟᱜ ᱯᱷᱨᱮᱢ ᱞᱟᱹᱜᱤᱫ ᱢᱟᱫ ᱵᱮᱵᱷᱟᱨᱚᱜᱼᱟ ᱟᱨ ᱪᱮᱛᱟᱱ ᱨᱮ ᱯᱚᱴᱚᱢ ᱞᱟᱹᱜᱤᱫ ᱢᱟᱫ ᱨᱮᱭᱟᱜ ᱯᱟᱹᱴᱤ ᱠᱚ ᱵᱮᱵᱷᱟᱨᱚᱜᱼᱟ ᱾
ᱢᱩᱬᱩᱛ ᱞᱮᱠᱟᱛᱮ ᱠᱮᱴᱴᱩᱵᱷᱟᱞᱞᱟᱢ ᱫᱚ ᱢᱟᱞ ᱤᱫᱤ ᱟᱹᱜᱩ ᱞᱟᱹᱜᱤᱫ ᱰᱤᱡᱟᱭᱤᱱ ᱞᱮᱱᱟ ᱟᱨ ᱚᱱᱟᱛᱮ ᱱᱚᱣᱟ ᱢᱤᱫ ᱴᱩᱨᱤᱥᱴ ᱜᱟᱹᱰᱤ ᱵᱮᱱᱟᱣ ᱞᱟᱹᱜᱤᱫ ᱟᱭᱢᱟ ᱰᱤᱡᱟᱭᱤᱱ ᱵᱚᱫᱚᱞ ᱦᱩᱭ ᱞᱮᱱᱟ ᱾ ᱵᱚᱦᱚᱜ ᱞᱟᱹᱜᱤᱫ ᱡᱟᱭᱜᱟ ᱧᱟᱢ ᱞᱟᱹᱜᱤᱫ ᱥᱟᱹᱲᱤᱢ ᱨᱮᱭᱟᱜ ᱩᱥᱩᱞ ᱵᱟᱹᱲᱛᱤ ᱞᱮᱱᱟ ᱾ ᱛᱟᱲᱟᱢ ᱟᱨ ᱫᱩᱲᱩᱵ ᱟᱨᱟᱢ ᱞᱟᱹᱜᱤᱫ ᱯᱩᱨᱟᱹ ᱡᱤᱞᱤᱧ ᱨᱮ ᱢᱤᱫ ᱯᱟᱴᱟ ᱵᱤᱪᱷᱟᱹᱣ ᱞᱮᱱᱟ ᱾ ᱢᱟᱨᱥᱟᱞ, ᱦᱚᱭ ᱟᱨ ᱵᱟᱦᱨᱮ ᱧᱮᱞ ᱞᱟᱹᱜᱤᱫ ᱡᱷᱚᱨᱠᱟ ᱟᱨ ᱮᱴᱟᱜ ᱵᱷᱩᱜᱟᱹᱜ ᱠᱚ ᱵᱮᱱᱟᱣ ᱞᱮᱱᱟ ᱾ ᱵᱚᱞᱚᱱ ᱫᱩᱣᱟᱹᱨ ᱫᱚ ᱛᱟᱞᱟ ᱨᱮ ᱮᱢ ᱟᱠᱟᱱᱟ ᱾
ᱡᱟᱹᱥᱛᱤ ᱜᱟᱱ ᱱᱟᱣᱟ ᱰᱤᱡᱟᱭᱤᱱ ᱠᱚᱨᱮ ᱴᱚᱭᱞᱮᱴ ᱥᱟᱶ ᱯᱮᱭᱟ ᱵᱮᱰᱨᱩᱢ, ᱢᱤᱫ ᱞᱤᱵᱷᱤᱝ ᱥᱯᱮᱥ ᱟᱨ ᱪᱩᱞᱦᱟᱹ ᱥᱟᱲᱟ ᱥᱮᱞᱮᱫ ᱢᱮᱱᱟᱜᱼᱟ ᱾ ᱮᱱᱦᱚᱸ ᱟᱫᱚᱢᱟᱜ ᱨᱮ ᱵᱷᱮᱜᱟᱨ ᱧᱮᱞᱚᱜᱼᱟ ᱾ ᱟᱫᱚᱢᱟᱜ ᱨᱮᱫᱚ ᱵᱮᱰᱨᱩᱢ ᱠᱚᱢ ᱛᱟᱦᱮᱸᱱᱟ ᱢᱮᱱᱠᱷᱟᱱ ᱢᱤᱫ ᱢᱟᱨᱟᱝ ᱞᱤᱵᱷᱤᱝ ᱥᱯᱮᱥ ᱟᱨ ᱪᱮᱛᱟᱱ ᱨᱮ ᱢᱤᱫ ᱰᱮᱠ ᱵᱟᱞᱠᱳᱱᱤ (balcony) ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱦᱚᱲᱢᱚ ᱠᱷᱚᱱ ᱵᱟᱦᱨᱮ ᱚᱰᱚᱠ ᱟᱠᱟᱱ ᱯᱞᱮᱴᱯᱷᱚᱨᱢ ᱫᱚ ᱵᱟᱞᱠᱳᱱᱤ ᱞᱮᱠᱟᱛᱮ ᱵᱮᱵᱷᱟᱨᱚᱜᱼᱟ ᱾ ᱱᱟᱦᱟᱜ ᱯᱷᱤᱴᱤᱝᱥ ᱥᱮᱞᱮᱫ ᱞᱟᱹᱜᱤᱫ ᱱᱟᱣᱟ ᱵᱚᱫᱚᱞ ᱠᱚ ᱦᱩᱭ ᱟᱠᱟᱱᱟ ᱾ ᱴᱚᱭᱞᱮᱴ ᱥᱤᱴ, ᱥᱟᱣᱟᱨ ᱴᱨᱮ ᱟᱨ ᱥᱮᱨᱟᱢᱤᱠ ᱯᱷᱞᱳᱨ ᱞᱟᱜᱟᱣ ᱞᱟᱹᱜᱤᱫ ᱯᱷᱞᱳᱨ ᱨᱮ ᱠᱚᱸᱠᱨᱤᱴ ᱥᱞᱮᱵᱽ ᱮᱢᱚᱜᱼᱟ ᱾ ᱱᱚᱣᱟ ᱴᱚᱭᱞᱮᱴ ᱠᱚᱫᱚ ᱥᱴᱤᱞ ᱠᱮᱵᱤᱱᱮᱴ ᱛᱮ ᱵᱮᱱᱟᱣᱜᱼᱟ ᱡᱟᱦᱟᱸ ᱨᱮ ᱥᱴᱤᱞ ᱡᱟᱞᱟᱢ ᱛᱟᱦᱮᱸᱱᱟ ᱡᱟᱦᱟᱸ ᱪᱮᱛᱟᱱ ᱨᱮ ᱵᱮᱠᱴᱮᱨᱤᱭᱟ ᱠᱚ ᱦᱟᱨᱟᱜᱼᱟ ᱾ ᱱᱚᱣᱟ ᱵᱮᱠᱴᱮᱨᱤᱭᱟ ᱠᱚᱫᱚ ᱢᱟᱹᱱᱢᱤᱭᱟᱜ ᱤᱡ ᱠᱚ ᱡᱚᱢᱟ ᱟᱨ ᱵᱤᱱᱟᱹ ᱨᱚᱝ ᱟᱱ, ᱵᱤᱱᱟᱹ ᱜᱷᱟᱹᱞ ᱟᱱ ᱫᱟᱜ ᱠᱚ ᱵᱮᱱᱟᱣᱟ ᱾ ᱴᱚᱭᱞᱮᱴ ᱥᱤᱴ ᱨᱮᱭᱟᱜ ᱵᱟᱦᱨᱮ ᱚᱰᱚᱠ ᱫᱚ ᱦᱚᱲᱢᱚ ᱛᱟᱞᱟ ᱛᱮ ᱞᱟᱛᱟᱨ ᱨᱮ ᱞᱤᱸᱜᱤᱱ ᱠᱟᱱ ᱫᱟᱜ ᱨᱮ ᱟᱲᱟᱜᱚᱜᱼᱟ ᱾ ᱱᱤᱛᱚᱜ ᱫᱚ ᱵᱟᱭᱳ-ᱴᱚᱭᱞᱮᱴ ᱨᱮᱭᱟᱜ ᱵᱮᱵᱷᱟᱨ ᱥᱟᱫᱷᱟᱨᱚᱱ ᱜᱮᱭᱟ ᱾ ᱱᱚᱝᱠᱟ ᱛᱮ ᱵᱮᱠᱣᱟᱴᱟᱨ ᱠᱮᱱᱟᱞ ᱠᱚ ᱵᱟᱝ ᱯᱨᱚᱫᱩᱥᱚᱱ ᱚᱜᱼᱟ ᱾ ᱵᱮᱵᱷᱟᱨ ᱞᱟᱹᱜᱤᱫ ᱫᱟᱜ ᱫᱚ ᱢᱤᱫ ᱯᱞᱟᱥᱴᱤᱠ ᱴᱮᱝᱠ ᱨᱮ ᱫᱚᱦᱚᱜᱼᱟ ᱡᱟᱦᱟᱸ ᱫᱚ ᱪᱮᱛᱟᱱ ᱦᱟᱹᱴᱤᱧ ᱨᱮ ᱛᱟᱦᱮᱸᱱᱟ ᱟᱨ ᱪᱩᱞᱦᱟᱹ ᱥᱟᱲᱟ ᱟᱨ ᱴᱚᱭᱞᱮᱴ ᱥᱟᱶ ᱡᱚᱲᱟᱣ ᱛᱟᱦᱮᱸᱱᱟ ᱾ ᱯᱟᱭᱤᱯ, ᱴᱮᱝᱠ ᱟᱨ ᱮᱴᱟᱜ ᱥᱤᱱᱛᱷᱮᱴᱤᱠ ᱡᱤᱱᱤᱥ ᱠᱚᱫᱚ ᱱᱟᱹᱬᱠᱚᱲ ᱥᱩᱛᱟᱹᱢ ᱛᱮ ᱯᱚᱴᱚᱢ ᱠᱚᱜᱼᱟ ᱡᱟᱦᱟᱸ ᱛᱮ ᱱᱚᱣᱟ ᱨᱮᱭᱟᱜ ᱧᱮᱞᱚᱜ ᱨᱩᱯ ᱵᱟᱝ ᱵᱟᱹᱲᱤᱡᱚᱜᱼᱟ ᱾
ᱴᱩᱨᱤᱡᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱮᱨᱟᱞᱟ ᱫᱚ ᱱᱮᱥᱱᱟᱞ ᱡᱤᱭᱳᱜᱽᱨᱟᱯᱷᱤᱠ ᱴᱨᱮᱵᱷᱮᱞᱟᱨ ᱦᱚᱛᱮᱛᱮ 'ᱡᱤᱭᱚᱱ ᱨᱮᱭᱟᱜ ᱕᱐ ᱴᱷᱟᱶ' ᱨᱮ ᱴᱷᱟᱶ ᱮ ᱧᱟᱢ ᱞᱮᱫᱟ ᱾[᱗]
ᱫᱟ ᱦᱤᱱᱫᱩ ᱮ ᱚᱞ ᱞᱮᱫᱟ, " 'ᱵᱚᱸᱜᱟ ᱟᱜ ᱟᱯᱱᱟᱨ ᱫᱤᱥᱚᱢ' ᱨᱮᱭᱟᱜ ᱟᱨᱥᱤ-ᱞᱮᱠᱟ ᱞᱮᱜᱩᱱ ᱠᱚ, ᱪᱤᱛᱟᱹᱨ-ᱯᱚᱛᱚᱵ ᱞᱮᱠᱟᱱ ᱡᱷᱤᱞ ᱟᱲᱮ ᱟᱨ ᱱᱟᱹᱬᱠᱚᱲ ᱫᱟᱨᱮ ᱛᱮ ᱮᱥᱮᱫ ᱟᱠᱟᱱ ᱠᱮᱱᱟᱞ ᱠᱚᱨᱮ ᱢᱤᱫ ᱠᱨᱩᱡᱽ ᱫᱚ ᱫᱤᱥᱚᱢ ᱨᱮ ᱡᱚᱛᱚ ᱠᱷᱚᱱ ᱨᱟᱹᱥᱠᱟᱹ ᱟᱱ ᱪᱷᱩᱴᱤ ᱢᱟᱱᱟᱣ ᱨᱮᱭᱟᱜ ᱯᱟᱹᱨᱩᱠᱷᱤᱭᱟᱹ ᱠᱟᱱᱟ ᱾ ᱥᱟᱸᱜᱷᱟᱨᱤᱭᱟᱹ ᱠᱚᱣᱟᱜ ᱪᱷᱩᱴᱤ ᱨᱮ ᱢᱤᱫ ᱠᱨᱩᱡᱽ ᱥᱮᱞᱮᱫᱚᱜ ᱠᱷᱟᱹᱛᱤᱨ, ᱟᱹᱨᱤᱪᱟᱹᱞᱤ ᱠᱮᱴᱴᱩᱵᱷᱟᱞᱞᱟᱢ ᱫᱚ ᱠᱮᱨᱟᱞᱟ ᱴᱩᱨᱤᱡᱚᱢ ᱨᱮᱭᱟᱜ ᱪᱤᱱᱦᱟᱹ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾"[᱒]
᱙᱐０ ᱠᱷᱚᱱ ᱵᱟᱹᱲᱛᱤ ᱠᱮᱴᱴᱩᱵᱷᱟᱞᱞᱟᱢ ᱵᱮᱠᱣᱟᱴᱟᱨ ᱨᱮ ᱪᱟᱞᱟᱜ ᱠᱟᱱᱟ ᱟᱨ ᱟᱭᱢᱟ ᱰᱟᱦᱟᱨ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱴᱩᱨᱤᱥᱴ ᱠᱚ ᱛᱟᱞᱟ ᱨᱮ ᱧᱩᱛᱩᱢᱟᱱᱟ ᱾[᱘]
ᱴᱩᱨ ᱚᱯᱟᱨᱮᱴᱚᱨ ᱠᱚ ᱱᱟᱣᱟ ᱱᱟᱣᱟ ᱚᱯᱥᱚᱱ ᱠᱚ ᱟᱹᱜᱩ ᱟᱠᱟᱫᱟ ᱾ ᱠᱟᱱᱱᱩᱨ ᱦᱚᱱᱚᱛ ᱴᱩᱨᱤᱡᱚᱢ ᱠᱟᱣᱩᱱᱥᱤᱞ ᱫᱚ ᱠᱟᱴᱴᱟᱢᱯᱟᱞᱞᱤ ᱨᱮ ᱢᱤᱫ ᱯᱨᱟᱭᱵᱷᱮᱴ ᱨᱤᱥᱳᱨᱴ ᱥᱟᱶ ᱢᱤᱫ 'ᱱᱟᱫᱤ ᱫᱚᱨᱥᱚᱱ' (ᱜᱟᱰᱟ ᱧᱮᱞ) ᱠᱟᱹᱢᱤᱦᱚᱨᱟᱭ ᱮᱦᱚᱵ ᱟᱠᱟᱫᱟ ᱡᱟᱦᱟᱸ ᱫᱚ ᱴᱩᱨᱤᱡᱚᱢ ᱞᱟᱦᱟᱭ ᱟᱨ ᱦᱚᱲ ᱠᱚ ᱵᱷᱟᱞᱟᱯᱟᱴᱴᱟᱱᱟᱢ ᱜᱟᱰᱟ ᱵᱟᱵᱚᱛ ᱵᱟᱰᱟᱭ ᱚᱪᱚ ᱞᱟᱹᱜᱤᱫ ᱢᱤᱫ ᱠᱩᱨᱩᱢᱩᱴᱩ ᱠᱟᱱᱟ ᱾[᱙]
ᱠᱟᱞᱩᱨ-ᱠᱟᱫᱽᱵᱷᱟᱱᱛᱷᱨᱟ ᱨᱳᱰ ᱨᱮ ᱢᱤᱫ ᱠᱮᱴᱴᱩᱵᱷᱟᱞᱞᱟᱢ ᱨᱮ ᱢᱤᱫ ᱥᱤᱯᱷᱩᱰ ᱦᱳᱴᱮᱞ ᱡᱷᱤᱡ ᱟᱠᱟᱱᱟ ᱾[᱑᱐]
ᱪᱤᱛᱟᱹᱨ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱟᱥᱮᱱᱡᱚᱨ ᱠᱚ ᱥᱟᱶ ᱢᱤᱫ ᱥᱟᱫᱷᱟᱨᱚᱱ ᱯᱷᱮᱨᱤ
ᱴᱚᱴᱷᱟᱠᱤᱭᱟᱹ ᱦᱚᱲ ᱠᱚ ᱦᱟᱹᱠᱩ ᱥᱟᱵ ᱟᱨ ᱯᱷᱮᱨᱤ ᱥᱮᱵᱟ ᱞᱟᱹᱜᱤᱫ ᱰᱷᱚᱝᱜᱟ ᱠᱚ ᱵᱮᱵᱷᱟᱨᱮᱫᱟ
ᱵᱮᱠᱣᱟᱴᱟᱨ ᱨᱮ ᱰᱷᱚᱝᱜᱟ ᱟᱨ ᱜᱮᱰᱮ ᱠᱚ
ᱢᱤᱫ ᱠᱮᱴᱴᱩᱵᱷᱟᱞᱞᱟᱢ ᱨᱮ ᱥᱟᱯᱲᱟᱣ ᱟᱠᱟᱱ ᱡᱚᱢᱟᱜ
ᱢᱤᱫ ᱠᱮᱴᱴᱩᱵᱷᱟᱞᱞᱟᱢ ᱠᱷᱚᱱ ᱧᱮᱱᱮᱞ
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 Ayub, Akber (ed), Kerala: Maps & More, Backwaters, 2006 edition 2007 reprint, p. 47, Stark World Publishing, Bangalore, ISBN 81-902505-2-3
- 1 2 Radhakrishnan, S. Anil. "Cruising along in designer houseboats". The Hindu, 11 March 2002. Archived from the original on 2 February 2008. Retrieved 2008-01-06.
{{cite web}}: CS1 maint: unfit URL (link) - ↑ "The boat-makers of Beypore". The Hindu. 6 July 2013. Retrieved 17 April 2018 – via www.thehindu.com.
- ↑ "Ship building in Beypore". amartya.de. Archived from the original on 25 April 2012. Retrieved 17 April 2018.
- ↑ "Cargo boats". Worldviewer. Archived from the original on 29 October 2007. Retrieved 2008-01-05.
- ↑ "Unforgettable house boat ride". Alleppey. Travel Division of Kerala.com. Archived from the original on 2007-09-10. Retrieved 2008-01-05.
- ↑ Mathew, Mony K. "Going beyond God's own country". The Hindu Business Line, 13 July 2000. Archived from the original on 20 December 2007. Retrieved 2008-01-08.
{{cite web}}: CS1 maint: unfit URL (link) - ↑ Abraham, Tanya. "Eco-friendly boats to ply backwaters". The Hindu, 31 October 2005. Archived from the original on 20 May 2009. Retrieved 2008-01-06.
{{cite web}}: CS1 maint: unfit URL (link) - ↑ "Valapattanam attracting tourists". The Hindu, 13 March 2006. Archived from the original on 11 July 2011. Retrieved 2008-01-06.
{{cite web}}: CS1 maint: unfit URL (link) - ↑ Priyadershini, S. (13 December 2007). "Fish on the boat eating out". The Hindu.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱠᱮᱴᱴᱩᱵᱷᱟᱞᱞᱟᱢ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |