ᱠᱳᱞᱤᱭᱟᱫᱽᱠᱟ
ᱠᱳᱞᱤᱭᱟᱫᱽᱠᱟ (ᱪᱷᱟᱸᱪ:Lang-uk; ᱪᱷᱟᱸᱪ:Lang-be; Russian: колядка; ᱪᱷᱟᱸᱪ:Lang-pl) ᱫᱚ ᱦᱩᱭᱩᱜ ᱠᱟᱱᱟ ᱥᱟᱢᱟᱝ ᱥᱞᱟᱵᱷᱤᱠ, ᱛᱟᱞᱢᱟ ᱤᱣᱨᱳᱯ ᱟᱨ ᱥᱟᱢᱟᱝ ᱤᱣᱨᱳᱯ ᱨᱮᱱᱟᱜ ᱫᱤᱥᱚᱢ ᱠᱚᱨᱮ ᱠᱨᱤᱥᱢᱟᱥ ᱯᱟᱨᱟᱵᱽ ᱚᱠᱛᱚ ᱨᱮ ᱥᱮᱨᱮᱧᱚᱜ ᱠᱟᱱ ᱢᱤᱫ ᱞᱮᱠᱟᱱ ᱥᱮᱨᱣᱟ ᱥᱮᱨᱮᱧ ᱠᱟᱱᱟ ᱾ ᱱᱚᱣᱟ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱱᱚᱣᱟ ᱥᱮᱨᱮᱧ ᱛᱟᱞᱟ ᱛᱮ ᱡᱟᱦᱟᱸ ᱱᱟᱯᱟᱭ ᱠᱟᱛᱷᱟ ᱠᱚ ᱢᱮᱱᱚᱜᱼᱟ, ᱚᱱᱟ ᱫᱚ ᱥᱟᱹᱨᱤ ᱩᱛᱟᱹᱨᱚᱜᱼᱟ ᱾ ᱠᱳᱞᱤᱭᱟᱫᱽᱠᱟ ᱥᱮᱨᱮᱧ ᱫᱚ ᱠᱳᱞᱤᱭᱟᱫᱩᱵᱷᱟᱱᱤᱭᱟ (koliaduvannia) ᱥᱮᱨᱣᱟ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱦᱚᱲ ᱠᱚ (ᱵᱟᱹᱲᱛᱤ ᱠᱟᱭᱛᱮ ᱜᱤᱫᱽᱨᱟᱹ ᱟᱨ ᱡᱩᱣᱟᱹᱱ ᱠᱚ) ᱢᱤᱫᱴᱟᱝ ᱤᱯᱤᱞ ᱥᱟᱵ ᱠᱟᱛᱮ ᱚᱲᱟᱜ ᱚᱲᱟᱜ ᱠᱚ ᱫᱟᱬᱟᱱᱟ ᱟᱨ ᱚᱲᱟᱜ ᱦᱚᱲ ᱠᱚ ᱥᱮᱨᱮᱧ ᱛᱟᱞᱟ ᱛᱮ ᱡᱚᱦᱟᱨ ᱠᱚ ᱪᱟᱞ ᱟᱠᱚᱣᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱳᱞᱤᱭᱟᱫᱽᱠᱟ ᱫᱚ ᱠᱤᱭᱮᱵᱷᱟᱱ ᱨᱩᱥ ᱨᱮ ᱤᱥᱟᱹᱭ ᱫᱷᱚᱨᱚᱢ ᱦᱮᱡ ᱞᱟᱦᱟ ᱠᱷᱚᱱ ᱜᱮ ᱥᱮᱨᱮᱧ ᱟᱹᱜᱩ ᱦᱤᱡᱩᱜ ᱠᱟᱱᱟ ᱾ ᱚᱱᱟ ᱚᱠᱛᱚ ᱨᱮ ᱱᱚᱣᱟ ᱥᱮᱨᱮᱧ ᱫᱚ ᱥᱤᱨᱡᱚᱱ, ᱥᱤᱨᱡᱚᱱ ᱨᱮᱱᱟᱜ ᱜᱷᱚᱴᱚᱱ ᱠᱚ ᱟᱨ ᱫᱷᱟᱹᱨᱛᱤ ᱨᱮᱱᱟᱜ ᱜᱚᱲᱦᱚᱱ ᱵᱟᱵᱚᱛ ᱛᱮ ᱛᱟᱦᱮᱸ ᱠᱟᱱᱟ ᱾ ᱤᱥᱟᱹᱭ ᱫᱷᱚᱨᱚᱢ ᱦᱮᱡ ᱮᱱ ᱛᱟᱭᱚᱢ, ᱱᱚᱣᱟ ᱥᱮᱨᱮᱧ ᱨᱮ ᱫᱷᱚᱨᱚᱢ ᱟᱨ ᱵᱟᱭᱵᱮᱞ ᱨᱮᱱᱟᱜ ᱠᱟᱹᱦᱱᱤ ᱠᱚ, ᱵᱟᱹᱲᱛᱤ ᱠᱟᱭᱛᱮ ᱡᱤᱥᱩ ᱢᱟᱹᱥᱤ ᱭᱟᱜ ᱡᱟᱱᱟᱢ ᱵᱟᱵᱚᱛ ᱛᱮ ᱥᱮᱞᱮᱫ ᱮᱱᱟ ᱾ ᱥᱳᱵᱷᱤᱭᱮᱛ ᱤᱣᱱᱤᱭᱚᱱ ᱥᱟᱥᱚᱱ ᱚᱠᱛᱚ ᱨᱮ ᱤᱣᱠᱨᱮᱱ ᱨᱮ ᱱᱚᱣᱟ ᱥᱮᱨᱮᱧ ᱫᱚ ᱢᱟᱱᱟ ᱛᱟᱦᱮᱸ ᱠᱟᱱᱟ ᱾ ᱥᱚᱨᱠᱟᱨ ᱱᱚᱣᱟ ᱫᱷᱚᱨᱚᱢ ᱥᱟᱶ ᱡᱚᱲᱟᱣ ᱠᱟᱹᱢᱤ ᱢᱮᱱᱛᱮ ᱵᱟᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱫ, ᱚᱱᱟᱛᱮ ᱦᱚᱲ ᱠᱚ ᱱᱚᱣᱟ ᱫᱚ ᱜᱩᱯᱩᱛ ᱛᱮ ᱥᱮᱨᱮᱧ ᱮᱫ ᱛᱟᱦᱮᱸᱫ ᱾
ᱥᱮᱨᱮᱧ ᱨᱮᱱᱟᱜ ᱥᱟᱛᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱣᱠᱨᱮᱱ ᱨᱮ ᱠᱳᱞᱤᱭᱟᱫᱽᱠᱟ ᱥᱮᱨᱮᱧ ᱠᱚᱫᱚ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱥᱟᱛᱟᱢ ᱠᱚ ᱪᱮᱛᱟᱱ ᱨᱮ ᱦᱩᱭ ᱫᱟᱲᱮᱭᱟᱜᱼᱟ: ᱫᱮᱵᱽ-ᱫᱮᱵᱤ ᱟᱨ ᱢᱟᱨᱮ ᱠᱟᱹᱦᱱᱤ (Mythology) ᱱᱟᱜᱟᱢ (History) ᱪᱟᱥ-ᱵᱟᱥ (Agriculture) ᱫᱩᱞᱟᱹᱲ ᱟᱨ ᱵᱟᱯᱞᱟ (Love and marriage) ᱫᱤᱱᱟᱹᱢ ᱡᱤᱭᱚᱱ ᱟᱨ ᱞᱟᱸᱫᱟ ᱜᱟᱹᱭᱱᱟᱹᱭ (Everyday life and humour)