ᱠᱳᱢᱚᱞ ᱥᱟᱦ

Full name
	ᱠᱳᱢᱚᱞ ᱨᱟᱡᱽᱭᱚ ᱞᱚᱠᱥᱢᱤ ᱫᱮᱵᱤ ᱥᱟᱦ

ᱠᱳᱢᱚᱞ ᱨᱟᱡᱽᱭᱚ ᱞᱚᱠᱷᱢᱤ ᱫᱮᱵᱤ ᱥᱟᱦ
ᱠᱳᱢᱚᱞ ᱨᱟᱡᱽᱭᱚ ᱞᱚᱠᱷᱢᱤ ᱫᱮᱵᱤ ᱥᱟᱦ
	ᱠᱩᱣᱤᱱ ᱠᱳᱢᱚᱞ ᱑᱙᱘᱕ ᱥᱮᱨᱢᱟ ᱨᱮ ᱱᱮᱯᱟᱞ ᱨᱮ
ᱱᱮᱯᱟᱞ ᱨᱤᱱᱤᱡ ᱨᱟᱹᱱᱤ ᱵᱟᱹᱦᱩ
Reign	᱔ ᱡᱩᱱ ᱒᱐᱐᱑ – ᱒᱘ ᱢᱮᱭ ᱒᱐᱐᱘
Coronation	᱔ ᱡᱩᱱ ᱒᱐᱐᱑
ᱡᱟᱱᱟᱢ	ᱠᱳᱢᱚᱞ ᱨᱟᱱᱟ; ᱑᱘ ᱯᱷᱮᱵᱽᱨᱩᱣᱟᱨᱤ ᱑᱙᱕᱑ (᱗᱕ ᱥᱮᱨᱢᱟ); ᱵᱟᱜᱽᱢᱟᱛᱤ, ᱠᱟᱴᱷᱢᱟᱱᱰᱩ, ᱱᱮᱯᱟᱞ
Spouse	ᱱᱮᱯᱟᱞ ᱨᱤᱱᱤᱡ ᱜᱭᱟᱱᱮᱱᱫᱨᱚ
Issue	ᱯᱟᱨᱚᱥ, ᱱᱮᱯᱟᱞ ᱨᱤᱱᱤᱡ ᱢᱩᱠᱩᱴ ᱨᱟᱡᱽ ᱠᱩᱢᱟᱨ; ᱨᱟᱡᱽ ᱠᱩᱢᱟᱨᱤ ᱯᱨᱮᱨᱟᱱᱟ
Full name
Full name
	ᱠᱳᱢᱚᱞ ᱨᱟᱡᱽᱭᱚ ᱞᱚᱠᱥᱢᱤ ᱫᱮᱵᱤ ᱥᱟᱦ
House	ᱨᱟᱱᱟ (by birth); ᱥᱟᱦ (by marriage)
ᱟᱯᱟᱛ	ᱠᱮᱸᱫᱽᱨᱚ ᱥᱟᱢᱥᱮᱨ ᱡᱟᱝ ᱵᱟᱦᱟᱫᱩᱨ ᱨᱟᱱᱟ
ᱮᱸᱜᱟᱛ	ᱥᱨᱤ ᱨᱟᱡᱽᱭᱚ ᱞᱚᱠᱷᱢᱤ ᱫᱮᱵᱤ ᱥᱟᱦ
ᱫᱷᱚᱨᱚᱢ	ᱦᱤᱱᱫᱩ

ᱠᱳᱢᱚᱞ (ᱱᱮᱯᱟᱞᱤ: कोमल राज्य लक्ष्मी देवी शाह) (ᱡᱟᱱᱟᱢ ᱑᱘ ᱯᱷᱮᱵᱨᱩᱣᱟᱨᱤ ᱑᱙᱕᱑) ᱫᱚ ᱱᱮᱯᱟᱞᱤ ᱨᱟᱡᱟ ᱜᱷᱟᱨᱚᱸᱡᱽ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱒᱘ ᱢᱮ ᱒᱐᱐᱘ ᱨᱮ ᱨᱟᱡᱽᱥᱟᱦᱤ ᱢᱩᱪᱟᱹᱫ ᱦᱟᱹᱵᱤᱡ ᱱᱮᱯᱟᱞ ᱨᱤᱱᱤᱡ ᱨᱟᱡᱟ ᱜᱭᱟᱱᱮᱱᱫᱨᱚ ᱭᱤᱜ ᱵᱟᱹᱦᱩ ᱞᱮᱠᱟᱛᱮ ᱱᱮᱯᱟᱞ ᱨᱤᱱᱤᱡ ᱢᱩᱪᱟᱹᱫ ᱨᱟᱹᱱᱤ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱠᱳᱢᱚᱞ ᱥᱟᱦ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜ ᱠᱟᱱᱟᱭ ᱾

ᱡᱤᱭᱚᱱ

ᱠᱳᱢᱚᱞ ᱫᱚ ᱵᱟᱜᱽᱢᱚᱛᱤ, ᱠᱟᱴᱷᱢᱟᱱᱰᱩ ᱨᱮ ᱨᱟᱱᱟ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ, ᱩᱱᱤ ᱫᱚ ᱠᱮᱸᱫᱽᱨᱚ ᱥᱚᱢᱥᱮᱨ ᱡᱚᱝ ᱵᱚᱦᱟᱫᱩᱨ ᱨᱟᱱᱟ (᱑᱙᱒᱗-᱑᱙᱘᱒) ᱟᱨ ᱟᱡ ᱟᱭᱳ ᱨᱟᱡᱽᱭᱚ ᱞᱚᱠᱷᱢᱤ ᱫᱮᱵᱤ ᱥᱟᱦ (᱑᱙᱒᱘-᱒᱐᱐᱕) ᱛᱤᱠᱤᱱᱤᱡ ᱠᱩᱲᱤ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱᱟᱭ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱟᱡᱟᱜ ᱥᱮᱪᱮᱫ ᱫᱚ ᱥᱮᱸᱴ ᱢᱮᱨᱤ ᱟᱥᱲᱟ, ᱡᱚᱣᱟᱞᱚᱠᱷᱮᱞ, ᱥᱮᱸᱴ ᱦᱮᱞᱮᱱ ᱠᱚᱱᱵᱷᱮᱸᱴ, ᱠᱟᱨᱥᱤᱭᱟᱝ, ᱥᱤᱧᱚᱛ ᱟᱨ ᱠᱟᱞᱟᱱᱤᱫᱷᱤ ᱥᱚᱝᱜᱤᱛ ᱢᱚᱦᱟᱵᱤᱫᱭᱟᱞᱚᱭ, ᱠᱟᱴᱷᱢᱟᱱᱰᱩ ᱨᱮ ᱦᱩᱭ ᱞᱮᱱᱟ ᱾

ᱠᱳᱢᱚᱞᱤᱡ ᱢᱟᱨᱟᱝ ᱢᱤᱥᱤᱨᱟ ᱟᱭᱥᱣᱚᱨᱭᱟ ᱫᱚ ᱱᱮᱯᱟᱞ ᱨᱤᱱᱤᱡ ᱨᱟᱡᱟ ᱵᱤᱨᱮᱱᱫᱨᱚ ᱥᱟᱶ ᱵᱟᱯᱞᱟ ᱞᱮᱱᱟᱭ, ᱡᱟᱦᱟᱸᱭ ᱫᱚ ᱜᱭᱟᱱᱮᱱᱫᱨᱚ ᱭᱤᱡ ᱵᱚᱭᱦᱟ ᱛᱟᱦᱮᱸ ᱠᱟᱱᱟᱭ ᱾ ᱟᱭᱥᱣᱚᱨᱭᱟ ᱫᱚ ᱑ ᱡᱩᱱ ᱒᱐᱐᱑ ᱨᱮ ᱯᱮᱞᱮᱥ ᱦᱚᱲ ᱠᱚ ᱜᱚᱡ ᱞᱮᱫᱮᱭᱟ ᱾ ᱢᱚᱦᱚᱞ ᱨᱮ ᱦᱩᱭ ᱟᱠᱟᱱ ᱯᱷᱟᱭᱨᱤᱝ ᱨᱮ ᱠᱳᱢᱚᱞ ᱫᱚ ᱜᱚᱡ ᱮᱱᱟᱭ ᱟᱨ ᱩᱱᱤ ᱫᱚ ᱯᱩᱱ ᱦᱟᱯᱛᱟ ᱦᱟᱹᱵᱤᱡ ᱟᱥᱯᱟᱛᱟᱞ ᱨᱮ ᱛᱟᱦᱮᱸᱱ ᱞᱟᱹᱠᱛᱤ ᱮᱱᱟᱭ ᱾^[᱑]

᱒᱐᱐᱑ ᱥᱟᱞ ᱨᱮᱱᱟᱜ ᱦᱚᱲ ᱠᱚ ᱜᱚᱡ ᱨᱮᱱᱟᱜ ᱚᱨᱡᱚ ᱞᱮᱠᱟᱛᱮ, ᱨᱟᱡᱟ ᱵᱤᱨᱮᱱᱫᱨᱚ, ᱢᱩᱠᱩᱴ ᱨᱟᱡᱽ ᱵᱤᱨᱮᱱᱫᱨᱚ, ᱭᱩᱵᱽᱨᱟᱡᱽ ᱫᱤᱯᱮᱱᱫᱨᱚ (ᱡᱟᱦᱟᱸᱭ ᱫᱚ ᱛᱤᱱᱟᱹᱝ ᱚᱠᱛᱚ ᱞᱟᱹᱜᱤᱫ ᱩᱱᱤᱭᱟᱜ ᱚᱱᱚᱬᱦᱤᱭᱟᱭ ᱛᱟᱦᱮᱸ ᱠᱟᱱᱟ) ᱟᱨ ᱨᱟᱡᱟᱠᱩᱢᱟᱨ ᱱᱤᱨᱚᱡᱚᱱ ᱟᱜ ᱜᱩᱨ ᱛᱟᱭᱚᱢ ᱠᱳᱢᱚᱞᱤᱡ ᱡᱟᱶᱟᱭ ᱜᱭᱟᱱᱮᱱᱫᱨᱚ ᱜᱚᱫᱽᱫᱤ ᱨᱮᱭ ᱛᱟᱦᱮᱸ ᱮᱱᱟ ᱾ ᱱᱚᱝᱠᱟ ᱛᱮ ᱠᱳᱢᱚᱞ ᱫᱚ ᱱᱮᱯᱟᱞ ᱨᱤᱱᱤᱡ ᱢᱚᱦᱟᱨᱟᱹᱱᱤ ᱮ ᱵᱮᱱᱟᱣ ᱮᱱᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱠᱳᱢᱚᱞᱤᱡ ᱦᱩᱰᱤᱧ ᱢᱤᱥᱤᱨᱟ ᱯᱨᱮᱠᱥᱟ ᱦᱚᱸ ᱥᱟᱦ ᱵᱚᱝᱥᱚ ᱜᱭᱟᱱᱮᱱᱫᱨᱚ ᱟᱨ ᱵᱤᱨᱮᱱᱫᱨᱚ ᱛᱤᱠᱤᱱᱤᱡ ᱵᱚᱭᱦᱟ ᱨᱟᱡᱩᱠᱩᱢᱟᱨ ᱫᱷᱤᱨᱮᱱᱫᱨᱚ ᱥᱟᱶᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱯᱮᱞᱮᱥ ᱦᱚᱲ ᱠᱚ ᱜᱚᱡ ᱨᱮ ᱜᱚᱡ ᱞᱮᱱᱟ ᱾ ᱑᱙᱙᱑ ᱥᱟᱞᱮ ᱨᱮ ᱩᱱᱠᱩ ᱫᱚ ᱠᱚ ᱵᱟᱯᱞᱟ ᱮᱱᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱯᱨᱮᱠᱥᱟ ᱫᱚ ᱑᱒ ᱱᱚᱵᱷᱮᱢᱵᱚᱨ ᱒᱐᱐᱑ ᱨᱮ ᱢᱤᱫᱴᱟᱹᱝ ᱦᱮᱞᱤᱠᱚᱯᱴᱟᱨ ᱜᱷᱚᱴᱚᱱ ᱨᱮ ᱜᱚᱡ ᱮᱱᱟᱭ ᱾

ᱨᱟᱹᱱᱤ ᱠᱳᱢᱚᱞ ᱫᱚ ᱑ ᱢᱮ ᱑᱙᱗᱐ ᱥᱟᱞ ᱨᱮ ᱠᱟᱴᱷᱢᱟᱱᱰᱩ ᱨᱮ ᱟᱡ ᱨᱤᱱ ᱫᱚᱥᱟᱨ ᱢᱟᱢᱚ ᱦᱟᱛᱚᱢ ᱵᱚᱭᱦᱟ ᱱᱮᱯᱟᱞ ᱨᱤᱱᱤᱡ ᱨᱟᱡᱽ ᱠᱩᱢᱟᱨ ᱜᱭᱟᱱᱮᱱᱫᱨᱚ ᱥᱟᱶ ᱵᱟᱯᱞᱟ ᱞᱮᱱᱟᱭ ᱾ ᱟᱠᱚ ᱨᱤᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ:

ᱯᱟᱨᱚᱥ ᱥᱟᱦ (ᱡᱟᱱᱟᱢ ᱓᱐ ᱰᱤᱥᱮᱢᱵᱚᱨ ᱑᱙᱗᱑, ᱠᱟᱴᱷᱢᱟᱱᱰᱩ ᱨᱮ)
ᱯᱨᱮᱨᱟᱱᱟ ᱥᱟᱦ ᱥᱤᱝ ( ᱡᱟᱱᱟᱢ ᱒᱐ ᱯᱷᱮᱵᱨᱩᱣᱟᱨᱤ ᱑᱙᱗᱘, ᱠᱟᱴᱷᱢᱟᱱᱰᱩ ᱨᱮ) ᱾

ᱨᱟᱡᱟ ᱥᱟᱸᱜᱷᱟᱨ ᱪᱟᱵᱟᱭ ᱢᱮ

ᱱᱮᱯᱟᱞᱤ ᱥᱚᱝᱥᱚᱫᱽ ᱫᱚ ᱒᱘ ᱰᱤᱥᱮᱢᱵᱚᱨ ᱒᱐᱐᱗ ᱨᱮ ᱢᱟᱨᱮ ᱢᱟᱣᱳᱣᱟᱫᱤ ᱵᱤᱫᱽᱨᱚᱦ ᱠᱚ ᱥᱟᱶ ᱥᱟᱱᱛᱤ ᱵᱩᱡᱷᱟᱹᱣ ᱞᱮᱠᱟᱛᱮ ᱨᱟᱡᱟ ᱥᱟᱸᱜᱷᱟᱨ ᱢᱩᱪᱟᱹᱫ ᱞᱟᱹᱜᱤᱫ ᱒᱗᱐-᱓ ᱵᱷᱚᱴ ᱮ ᱧᱟᱢ ᱞᱮᱫᱼᱟ ᱾^[᱒]

᱒᱘ ᱢᱮ ᱒᱐᱐᱘ ᱨᱮ ᱨᱟᱡᱟ ᱥᱟᱸᱜᱷᱟᱨ ᱫᱚ ᱥᱚᱨᱠᱟᱨᱤ ᱞᱮᱠᱟᱛᱮ ᱢᱩᱪᱟᱹᱫ ᱮᱱᱟ ᱟᱨ ᱚᱱᱟ ᱴᱷᱟᱶ ᱨᱮ ᱢᱤᱫ ᱫᱷᱚᱨᱚᱢ ᱵᱟᱹᱱᱤᱡ ᱯᱷᱮᱰᱮᱨᱮᱥᱚᱱ ᱜᱟᱱᱨᱟᱡᱽᱭᱚ ᱛᱷᱟᱯᱚᱱ ᱮᱱᱟ ᱾^[᱓]

ᱥᱟᱹᱠᱷᱭᱟᱹᱛ

↑ "Nepal queen leaves hospital". 27 June 2001 – via news.bbc.co.uk.
↑ "Vote to abolish Nepal's monarchy". 28 December 2007 – via news.bbc.co.uk.
↑ "Nepal votes to abolish monarchy". 28 May 2008 – via news.bbc.co.uk.

[1] "Nepal queen leaves hospital". 27 June 2001 – via news.bbc.co.uk.

[2] "Vote to abolish Nepal's monarchy". 28 December 2007 – via news.bbc.co.uk.

[3] "Nepal votes to abolish monarchy". 28 May 2008 – via news.bbc.co.uk.

[᱑]

[᱒]

[᱓]