ᱠᱷᱤᱨ

ᱠᱷᱤᱨ
	ᱢᱤᱫ ᱵᱟᱹᱴᱤ ᱠᱷᱤᱨ
ᱮᱴᱟᱜ ᱧᱩᱛᱩᱢ	ᱠᱷᱤᱨᱟᱢ, ᱫᱩᱫᱽᱯᱟᱠ, ᱢᱤᱴᱷᱟ ᱵᱷᱟᱛ
ᱞᱮᱠᱟᱱ	ᱯᱩᱰᱤᱝ
ᱠᱚᱨᱥ	ᱦᱮᱲᱮᱢ ᱡᱚᱢᱟᱜ
ᱡᱟᱱᱟᱢ ᱴᱷᱟᱶ	ᱮᱛᱚᱢ ᱮᱥᱤᱭᱟ
ᱢᱩᱬ ᱤᱱᱜᱨᱤᱰᱮᱸᱴ	ᱪᱟᱣᱞᱮ, ᱛᱳᱣᱟ, ᱪᱤᱱᱤ, ᱮᱞᱟᱪᱤ, ᱜᱩᱲ, ᱡᱟᱯᱷᱨᱟᱱ, ᱯᱤᱥᱛᱟ ᱵᱟᱫᱟᱢ ᱥᱮ ᱠᱟᱴᱷ ᱵᱟᱫᱟᱢ
ᱞᱮᱠᱟᱱ ᱵᱷᱮᱯᱮᱫ	ᱥᱤᱢᱟᱹᱭ (ᱥᱮᱢᱤᱭᱟ) ᱠᱷᱤᱨ, ᱡᱚᱵᱽ ᱠᱷᱤᱨ, ᱠᱟᱫᱫᱩ ᱠᱤ ᱠᱷᱤᱨ, ᱯᱟᱞ (ᱛᱳᱣᱟ) ᱯᱟᱭᱟᱥᱟᱢ, ᱯᱟᱭᱮᱥ, ᱪᱷᱟᱱᱟᱨ ᱯᱟᱭᱮᱥ (ᱪᱷᱟᱱᱟ ᱥᱮ ᱯᱟᱱᱤᱨ ᱛᱮ ᱵᱮᱱᱟᱣᱟᱜ ᱯᱟᱭᱮᱥ)
ᱡᱚᱢᱟᱜ ᱫᱟᱲᱮ(Food energy); (per serving)	᱒᱔᱙ kcal
	Cookbook: ᱠᱷᱤᱨ at Wikibooks; Media related to Media: ᱠᱷᱤᱨ at Wikimedia Commons;

ᱠᱷᱤᱨ, ᱯᱟᱭᱮᱥ, ᱯᱷᱮᱱᱱᱤ, ᱥᱮ ᱯᱟᱭᱟᱥᱟᱢ ᱫᱚ ᱢᱤᱫ ᱯᱩᱰᱤᱝ ᱥᱮ ᱫᱟᱠᱟ ᱢᱟᱹᱱᱰᱤ (ᱟᱥᱚᱠᱟᱭ ᱛᱮ ᱪᱟᱣᱞᱮ ᱯᱩᱰᱤᱝ) ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛᱤᱭᱟᱹ ᱩᱯᱚᱢᱚᱦᱟᱫᱮᱥ ᱨᱮ ᱟᱹᱰᱤ ᱧᱩᱛᱩᱢᱟᱱᱟ, ᱥᱟᱫᱷᱟᱨᱚᱱ ᱞᱮᱠᱟᱛᱮ ᱛᱳᱣᱟ, ᱪᱤᱱᱤ ᱥᱮ ᱜᱩᱲ, ᱟᱨ ᱪᱟᱣᱞᱮ ᱦᱮᱰᱮᱡ ᱠᱟᱛᱮ ᱵᱮᱱᱟᱣᱜᱼᱟ ᱾ ᱱᱚᱣᱟ ᱨᱮ ᱨᱚᱦᱚᱲ ᱡᱚ, ᱵᱟᱫᱟᱢ, ᱮᱞᱟᱭᱪᱤ ᱟᱨ ᱡᱟᱯᱷᱨᱟᱱ ᱢᱮᱥᱟ ᱠᱟᱛᱮ ᱟᱨᱦᱚᱸ ᱥᱤᱵᱤᱞ ᱵᱮᱱᱟᱣ ᱜᱟᱱᱚᱜᱼᱟ ᱾ ᱪᱟᱣᱞᱮ ᱵᱚᱫᱚᱞ ᱛᱮ, ᱱᱚᱣᱟ ᱨᱮ ᱨᱟᱹᱯᱩᱫ ᱜᱚᱦᱚᱢ, ᱥᱤᱢᱟᱹᱭ (ᱥᱮᱵᱷᱟᱭ), ᱥᱟᱜᱩ, ᱥᱮ ᱴᱮᱯᱤᱭᱳᱠᱟ (ᱥᱟᱵᱩᱫᱟᱱᱟ) ᱛᱟᱦᱮᱸ ᱫᱟᱲᱮᱭᱟᱜᱼᱟ ᱾^[᱑]

ᱠᱚᱧᱮ ᱥᱤᱧᱚᱛ ᱨᱮ, ᱱᱚᱣᱟ ᱫᱚ ᱟᱭᱢᱟ ᱞᱮᱠᱟᱛᱮ ᱵᱮᱱᱟᱣᱜᱼᱟ ᱾ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱵᱷᱟᱨᱥᱚᱱ ᱫᱚ ᱪᱟᱣᱞᱮ ᱟᱨ ᱥᱤᱢᱟᱹᱭ (ᱥᱮᱢᱤᱭᱟ) ᱛᱮ ᱵᱮᱱᱟᱣᱟᱜ ᱠᱟᱱᱟ ᱾^[᱒] ᱱᱮᱯᱟᱞ ᱨᱮ, ᱠᱷᱤᱨ ᱫᱚ ᱟᱹᱰᱤ ᱜᱟᱰᱷᱟ ᱜᱮ ᱛᱟᱦᱮᱸᱱᱟ ᱟᱨ ᱟᱹᱰᱤ ᱠᱚᱢ ᱡᱤᱱᱤᱥ ᱵᱮᱵᱷᱟᱨᱚᱜᱼᱟ ᱾^[᱓]

ᱟᱹᱲᱟᱹ ᱥᱤᱨᱡᱚᱱ

ᱠᱷᱤᱨ ᱟᱹᱲᱟᱹ ᱫᱚ ᱥᱚᱸᱥᱠᱨᱤᱛ ᱟᱹᱲᱟᱹ ᱠᱷᱤᱨᱟ (क्षीर) ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱛᱳᱣᱟ ᱥᱮ "ᱛᱳᱣᱟ-ᱛᱮ ᱵᱮᱱᱟᱣᱟᱜ ᱡᱚᱢᱟᱜ" ᱠᱟᱱᱟ ᱾^[᱔]^[᱕] ᱠᱷᱤᱨ ᱫᱚ ᱦᱮᱲᱮᱢ ᱪᱟᱣᱞᱮ ᱯᱩᱰᱤᱝ ᱨᱮᱭᱟᱜ ᱢᱟᱨᱮ ᱧᱩᱛᱩᱢ ᱦᱚᱸ ᱠᱟᱱᱟ ᱾^[᱖]

ᱮᱛᱚᱢ ᱥᱤᱧᱚᱛ ᱨᱮ ᱠᱷᱤᱨ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱ ᱯᱟᱭᱟᱥᱟᱢ ᱟᱹᱲᱟᱹ ᱫᱚ ᱥᱚᱸᱥᱠᱨᱤᱛ ᱟᱹᱲᱟᱹ ᱯᱟᱭᱟᱥᱟ (पायस) ᱠᱷᱚᱱ ᱥᱤᱨᱡᱚᱱ ᱟᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ "ᱛᱳᱣᱟ" ᱥᱮ ᱛᱳᱣᱟ ᱛᱮ ᱵᱮᱱᱟᱣ ᱡᱚᱢᱟᱜ ᱠᱟᱱᱟ ᱾ ᱱᱚᱣᱟ ᱟᱹᱲᱟᱹ ᱫᱚ ᱟᱭᱢᱟ ᱴᱚᱴᱷᱟᱠᱤᱭᱟᱹ ᱯᱟᱹᱨᱥᱤ ᱠᱚᱨᱮ ᱩᱛᱱᱟᱹᱣ ᱟᱠᱟᱱᱟ, ᱡᱮᱞᱮᱠᱟ ᱢᱟᱞᱟᱭᱟᱞᱟᱢ (പായസം, pāyasaṁ), ᱛᱮᱞᱩᱜᱩ (పాయసం, pāyasaṁ), ᱠᱚᱱᱱᱚᱰ (ಪಾಯಸ, pāyasa), ᱟᱨ ᱛᱟᱢᱤᱞ (பாயசம், pāyacam) ᱾^[᱗]

ᱮᱛᱚᱦᱚᱵ

ᱠᱮᱨᱟᱞᱟ ᱨᱮᱭᱟᱜ "ᱫᱟ ᱞᱮᱡᱮᱱᱰ ᱚᱯᱷ ᱪᱮᱥᱵᱳᱨᱰ" ᱧᱩᱛᱩᱢᱟᱱ ᱢᱤᱫ ᱠᱟᱹᱦᱱᱤ ᱞᱮᱠᱟᱛᱮ ᱢᱤᱫ ᱦᱟᱲᱟᱢ ᱥᱟᱹᱫᱷᱩ, ᱡᱟᱦᱟᱸᱭ ᱫᱚ ᱩᱠᱩ ᱨᱩᱯ ᱨᱮ ᱠᱨᱤᱥᱱᱚ ᱮ ᱛᱟᱦᱮᱸ ᱠᱟᱱᱟ, ᱟᱢᱵᱟᱞᱟᱯᱩᱡᱷᱟ ᱨᱮᱱ ᱨᱟᱡᱟ (ᱪᱮᱥ ᱮᱱᱮᱡ ᱨᱮ ᱨᱟᱹᱥᱠᱟᱹ ᱟᱱᱤᱡ) ᱢᱤᱫ ᱮᱱᱮᱡ ᱞᱟᱹᱜᱤᱫ ᱮ ᱪᱮᱞᱮᱧᱡᱽ ᱞᱮᱫᱮᱭᱟ ᱾ ᱥᱟᱹᱫᱷᱩ ᱩᱫᱽᱜᱟᱹᱣ ᱮᱢᱟᱭ ᱞᱟᱹᱜᱤᱫ, ᱨᱟᱡᱟ ᱫᱚ ᱦᱟᱲᱟᱢ ᱦᱚᱲᱟᱜ ᱠᱷᱚᱡᱽ ᱞᱮᱠᱟᱛᱮ ᱡᱟᱦᱟᱸᱱᱟᱜ ᱜᱮ ᱮᱢᱚᱜ ᱨᱮᱭᱟᱜ ᱮ ᱞᱟᱹᱭ ᱞᱮᱫᱟ ᱾ ᱥᱟᱹᱫᱷᱩ ᱫᱚ ᱟᱹᱰᱤ ᱱᱟᱯᱟᱭ ᱛᱮ ᱠᱤᱪᱷᱩ ᱪᱟᱣᱞᱮ ᱡᱟᱝ ᱮ ᱠᱷᱚᱡᱽ ᱠᱮᱫᱟ ᱢᱮᱱᱠᱷᱟᱱ ᱢᱤᱫ ᱥᱚᱨᱛᱚ ᱥᱟᱶ: ᱨᱟᱡᱟ ᱫᱚ ᱪᱮᱥ ᱨᱮᱭᱟᱜ ᱯᱩᱭᱞᱩ ᱚᱲᱟᱜ ᱨᱮ ᱢᱤᱫᱴᱟᱹᱝ ᱪᱟᱣᱞᱮ ᱡᱟᱝ ᱮ ᱫᱚᱦᱚᱭᱟ ᱟᱨ ᱛᱟᱭᱚᱢ ᱨᱮᱭᱟᱜ ᱡᱚᱛᱚ ᱚᱲᱟᱜ ᱨᱮ ᱚᱱᱟ ᱨᱮᱭᱟᱜ ᱵᱟᱨ ᱜᱩᱱ ᱮ ᱫᱚᱦᱚ ᱤᱫᱤᱭᱟ ᱾

ᱠᱨᱤᱥᱱᱚ, ᱥᱟᱹᱫᱷᱩ ᱞᱮᱠᱟᱛᱮ, ᱮᱱᱮᱡ ᱮ ᱡᱤᱛᱠᱟᱹᱨ ᱮᱱᱟ ᱟᱨ ᱨᱟᱡᱟ ᱫᱚ ᱪᱟᱣᱞᱮ ᱡᱟᱝ ᱫᱚᱦᱚᱭ ᱮᱦᱚᱵ ᱠᱮᱫᱟ ᱾ ᱡᱚᱠᱷᱚᱱ ᱩᱱᱤ ᱚᱱᱟ ᱠᱚᱭ ᱫᱚᱦᱚ ᱤᱫᱤ ᱠᱮᱫᱟ, ᱩᱱᱤ ᱪᱟᱣᱞᱮ ᱨᱮᱭᱟᱜ ᱮᱞ ᱟᱹᱰᱤ ᱩᱥᱟᱹᱨᱟ ᱵᱟᱹᱲᱛᱤᱜ ᱧᱮᱞ ᱛᱮᱭ ᱦᱟᱦᱟᱲᱟ ᱮᱱᱟ ᱾ ᱢᱩᱪᱟᱹᱫ ᱨᱮ, ᱚᱱᱟ ᱮᱞ ᱫᱚ ᱴᱨᱤᱞᱤᱭᱚᱱ ᱨᱮ ᱥᱮᱴᱮᱨ ᱮᱱᱟ ᱾ ᱠᱨᱤᱥᱱᱚ ᱟᱡᱟᱜ ᱥᱟᱹᱨᱤ ᱨᱩᱯ ᱮ ᱩᱫᱩᱜ ᱠᱮᱫᱟ ᱟᱨ ᱨᱟᱡᱟ ᱫᱚᱭ ᱢᱮᱛᱟᱫᱮᱭᱟ ᱡᱮ ᱟᱞᱟᱯᱯᱩᱡᱷᱟ ᱦᱚᱱᱚᱛ ᱨᱮ ᱱᱤᱛᱚᱜᱟᱜ ᱟᱢᱵᱟᱞᱟᱯᱩᱡᱷᱟ ᱠᱨᱤᱥᱱᱚ ᱢᱚᱱᱫᱤᱨ ᱨᱮ ᱦᱤᱡᱩᱜ ᱠᱟᱱ ᱡᱚᱛᱚ ᱛᱤᱨᱛᱷᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱠᱷᱤᱨ ᱮ ᱮᱢᱟ ᱠᱚᱢᱟ, ᱡᱟᱦᱟᱸ ᱫᱚ ᱱᱤᱛ ᱦᱚᱸ ᱱᱚᱣᱟ ᱦᱩᱠᱩᱢ ᱮ ᱯᱟᱸᱡᱟᱭᱮᱫᱟ ᱾^[᱘]

ᱡᱚᱢᱟᱜ ᱱᱟᱜᱟᱢᱤᱭᱟᱹ ᱠᱮ. ᱴᱤ. ᱟᱪᱟᱭᱟ ᱟᱜ ᱢᱮᱱ ᱞᱮᱠᱟᱛᱮ, ᱠᱷᱤᱨ (ᱥᱮ ᱯᱟᱭᱟᱥᱟᱢ, ᱡᱟᱦᱟᱸ ᱞᱮᱠᱟ ᱱᱚᱣᱟ ᱮᱛᱚᱢ ᱥᱤᱧᱚᱛ ᱨᱮ ᱵᱟᱰᱟᱭᱚᱜᱼᱟ) ᱫᱚ ᱢᱟᱨᱮ ᱥᱤᱧᱚᱛ ᱨᱮ ᱢᱤᱫ ᱧᱩᱛᱩᱢᱟᱱ ᱡᱚᱢᱟᱜ ᱛᱟᱦᱮᱸ ᱠᱟᱱᱟ ᱾ ᱢᱟᱨᱮ ᱥᱤᱧᱚᱛᱤᱭᱟᱹ ᱥᱟᱶᱦᱮᱫ ᱨᱮ ᱯᱩᱭᱞᱩ ᱫᱷᱟᱣ ᱚᱞ ᱟᱠᱟᱱ, ᱱᱚᱣᱟ ᱫᱚ ᱪᱟᱣᱞᱮ, ᱛᱳᱣᱟ ᱟᱨ ᱪᱤᱱᱤ ᱨᱮᱭᱟᱜ ᱢᱮᱥᱟ ᱛᱟᱦᱮᱸ ᱠᱟᱱᱟ ᱾ ᱯᱟᱭᱟᱥᱟᱢ ᱫᱚ ᱟᱥᱚᱠᱟᱭ ᱛᱮ ᱦᱤᱱᱫᱩ ᱢᱚᱱᱫᱤᱨ ᱠᱚᱨᱮ ᱢᱤᱫ ᱢᱩᱬᱩᱛ ᱡᱚᱢᱟᱜ ᱦᱚᱸ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱱᱚᱣᱟ ᱫᱚ ᱵᱷᱚᱠᱛᱚ ᱠᱚ ᱴᱷᱮᱱ ᱯᱨᱚᱥᱟᱫᱽ ᱞᱮᱠᱟᱛᱮ ᱮᱢᱚᱜ ᱠᱟᱱ ᱛᱟᱦᱮᱸᱫ ᱾^[᱙]

ᱪᱤᱛᱟᱹᱨ ᱠᱚ

ᱨᱚᱦᱚᱲ ᱡᱚ ᱟᱨ ᱵᱟᱫᱟᱢ ᱪᱮᱛᱟᱱ ᱨᱮ ᱮᱢ ᱟᱠᱟᱱ ᱠᱷᱤᱨ
ᱠᱷᱤᱨ
ᱯᱟᱞ ᱯᱟᱭᱟᱥᱟᱢ
ᱥᱤᱢᱟᱹᱭ ᱥᱟᱶ ᱠᱷᱤᱨ (ᱥᱮᱵᱷᱤᱭᱟᱱ ᱠᱷᱤᱨ, ᱥᱮᱢᱤᱭᱟ ᱯᱟᱭᱟᱥᱟᱢ ᱥᱮ ᱥᱮᱢᱟᱭ ᱠᱚ ᱢᱮᱛᱟᱜᱼᱟ)
ᱥᱤᱢᱟᱹᱭ ᱠᱷᱤᱨ

ᱥᱟᱹᱠᱷᱭᱟᱹᱛ

↑ "Best rated puddings in the world". www.tasteatlas.com.
↑ "Best rated puddings in the world". www.tasteatlas.com.
↑ "Have No Fear, You Can Make Kheer Here! – The Wesleyan Argus" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 16 September 2025. Retrieved 18 September 2025.
↑ Monier-Williams, Sir Monier (1872). A Sanskṛit-English Dictionary Etymologically and Philologically Arranged: With Special Reference to Greek, Latin, Gothic, German, Anglo-Saxon, and Other Cognate Indo-European Languages (in ᱟᱝᱜᱽᱨᱮᱡᱤ). Clarendon Press.
↑ "Kheer: An Essential Dish | Civilization of India". people.smu.edu. Retrieved 10 September 2024.
↑ "DS group enters dairy market, with 'ksheer' - Hindustan Times". 20 December 2013. Archived from the original on 20 December 2013. Retrieved 10 September 2024.
↑ "payasam". Oxford English Dictionary.
↑ "History of Indian Food". Haldiram USA. 24 June 2020. Archived from the original on 18 November 2018. Retrieved 25 April 2024.
↑ "A truly international dessert". Hindustan Times. 3 October 2009.

[:0-1] "Best rated puddings in the world". www.tasteatlas.com.

[:02-2] "Best rated puddings in the world". www.tasteatlas.com.

[3] "Have No Fear, You Can Make Kheer Here! – The Wesleyan Argus" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 16 September 2025. Retrieved 18 September 2025.

[4] Monier-Williams, Sir Monier (1872). A Sanskṛit-English Dictionary Etymologically and Philologically Arranged: With Special Reference to Greek, Latin, Gothic, German, Anglo-Saxon, and Other Cognate Indo-European Languages (in ᱟᱝᱜᱽᱨᱮᱡᱤ). Clarendon Press.

[5] "Kheer: An Essential Dish | Civilization of India". people.smu.edu. Retrieved 10 September 2024.

[6] "DS group enters dairy market, with 'ksheer' - Hindustan Times". 20 December 2013. Archived from the original on 20 December 2013. Retrieved 10 September 2024.

[7] "payasam". Oxford English Dictionary.

[8] "History of Indian Food". Haldiram USA. 24 June 2020. Archived from the original on 18 November 2018. Retrieved 25 April 2024.

[ht-9] "A truly international dessert". Hindustan Times. 3 October 2009.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]