ᱠᱷᱩᱥᱵᱤᱨ ᱠᱳᱣᱨ
ᱠᱷᱩᱥᱵᱤᱨ ᱠᱚᱣᱨ (ᱡᱟᱱᱟᱢ ᱙ ᱡᱩᱞᱟᱭ ᱑᱙᱙᱓) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱢᱤᱫ ᱒᱐ ᱠᱤᱞᱚᱢᱤᱴᱚᱨ ᱨᱮᱥᱣᱟᱠᱚᱨ ᱾ ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱒᱐᱑᱒ ᱮᱥᱤᱭᱟᱱ ᱡᱩᱱᱤᱭᱚᱨ ᱮᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱑᱐,᱐᱐᱐-ᱢᱤᱴᱚᱨ (᱖.᱒ ᱢᱟᱭᱤᱞ) ᱨᱮ ᱵᱨᱳᱸᱡᱽ ᱡᱤᱛᱠᱟᱹᱨ ᱠᱟᱛᱮ ᱧᱩᱛᱩᱢ ᱮ ᱟᱢᱮᱴ ᱠᱮᱫᱟ, ᱡᱟᱦᱟᱸ ᱫᱚ ᱠᱚᱞᱳᱢᱵᱳ, ᱥᱨᱤᱞᱚᱝᱠᱟ ᱨᱮ ᱫᱚᱦᱚ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱒᱐ ᱠᱤᱞᱚᱢᱤᱴᱚᱨ ᱛᱷᱚᱠ ᱨᱮ ᱒᱐᱑᱓ ᱡᱮᱜᱮᱛ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱑:᱓᱔:᱒᱘ ᱚᱠᱛᱚ ᱮᱢ ᱠᱟᱛᱮ ᱓᱙ ᱟᱱᱟᱜ ᱴᱷᱟᱶ ᱮ ᱯᱩᱨᱟᱹᱣ ᱞᱮᱫᱟ ᱾ ᱡᱟᱯᱟᱱ ᱨᱮ ᱒᱐᱑᱔ ᱮᱥᱤᱭᱟᱱ ᱣᱟᱠᱤᱝ ᱪᱟᱢᱯᱤᱭᱟᱱᱥᱤᱯ ᱨᱮ, ᱩᱱᱤ ᱑:᱓᱓:᱐᱗ ᱚᱠᱛᱚ ᱥᱟᱶ ᱫᱚᱥᱟᱨ ᱮ ᱦᱮᱡ ᱮᱱᱟ ᱟᱨ ᱟᱡᱟᱜ ᱑:᱓᱓:᱓᱗ ᱡᱟᱹᱛᱤᱭᱟᱹᱨᱤ ᱨᱮᱠᱚᱰ ᱮ ᱵᱷᱟᱹᱜᱤ ᱠᱮᱫᱟ ᱾ ᱚᱱᱟ ᱥᱮᱨᱢᱟ ᱨᱮᱜᱮ, ᱩᱱᱤ ᱫᱚ ᱮᱥᱤᱭᱟᱱ ᱜᱮᱢᱥ ᱨᱮ ᱥᱤᱞᱵᱷᱚᱨ ᱡᱤᱛᱠᱟᱹᱨ ᱟᱠᱟᱫ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱛᱤᱨᱞᱟᱹᱭ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱡᱮᱜᱮᱛ ᱡᱟᱠᱟᱛ ᱠᱷᱮᱞᱚᱸᱰ ᱜᱷᱚᱴᱚᱱ ᱨᱮ ᱟᱡᱟᱜ ᱞᱮᱛᱟᱲ ᱡᱤᱛᱠᱟᱹᱨ ᱛᱟᱭᱚᱢ ᱒᱐᱑᱗ ᱨᱮ ᱚᱨᱡᱩᱱᱟ ᱥᱤᱨᱯᱷᱟᱹ ᱮ ᱧᱟᱢ ᱠᱮᱫᱟ ᱾
ᱠᱷᱩᱥᱵᱤᱨ ᱠᱚᱣᱨ ᱫᱚ ᱮᱝᱜᱽᱞᱤᱭᱟᱱ ᱢᱮᱰᱮᱞ-ᱦᱟᱱᱴ ᱠᱚᱢᱯᱟᱹᱱᱤ ᱦᱚᱛᱮᱛᱮ ᱥᱚᱦᱚᱫ ᱧᱟᱢ ᱟᱠᱟᱫᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱣᱨ ᱟᱢᱨᱤᱛᱥᱟᱨ ᱥᱩᱨ ᱨᱟᱥᱩᱞᱯᱩᱨ ᱠᱟᱞᱟᱱ ᱧᱩᱛᱩᱢᱟᱱ ᱢᱤᱫ ᱟᱹᱛᱩ ᱠᱷᱚᱱ ᱮ ᱦᱮᱡ ᱟᱠᱟᱱᱟ ᱾ ᱟᱡᱟᱜ ᱜᱷᱟᱨᱚᱸᱡᱽ ᱪᱟᱹᱥᱤ ᱥᱟᱶᱛᱟ ᱨᱮ ᱢᱮᱱᱟᱜᱼᱟ ᱾ ᱟᱡ ᱟᱭᱳ ᱡᱟᱥᱵᱤᱨ ᱠᱚᱣᱨ ᱩᱱᱤ ᱯᱨᱳᱯᱷᱮᱥᱚᱱᱟᱞ ᱞᱮᱠᱟᱛᱮ ᱠᱷᱮᱞᱚᱸᱰ ᱦᱟᱛᱟᱣ ᱞᱟᱹᱜᱤᱫ ᱮ ᱩᱫᱽᱜᱟᱹᱣ ᱞᱮᱫᱮᱭᱟ ᱾ ᱩᱱᱤ ᱛᱩᱨᱩᱭ ᱥᱮᱨᱢᱟ ᱩᱢᱮᱨ ᱨᱮ ᱟᱡ ᱵᱟᱵᱟᱭ ᱵᱤᱫᱟᱹᱭ ᱮᱢ ᱠᱮᱫᱮᱭᱟ ᱟᱨ ᱟᱡ ᱟᱭᱳ ᱦᱚᱛᱮᱛᱮ ᱦᱟᱨᱟ ᱵᱩᱨᱩ ᱦᱩᱭ ᱞᱮᱱᱟ ᱾
᱒᱐᱐᱘ ᱨᱮ, ᱩᱱᱤ ᱟᱡᱟᱜ ᱨᱮᱥ ᱵᱮᱭᱟᱨᱯᱷᱩᱴ ᱮ ᱯᱩᱨᱟᱹᱣ ᱠᱮᱫᱟ ᱪᱮᱫᱟᱜ ᱥᱮ ᱩᱱᱤ ᱥᱩᱡ ᱠᱤᱨᱤᱧ ᱨᱮ ᱵᱟᱭ ᱫᱟᱲᱮ ᱞᱮᱱᱟ ᱾ ᱚᱱᱟ ᱵᱮᱜᱚᱨ ᱦᱚᱸ ᱩᱱᱤ ᱕ ᱠᱤᱞᱚᱢᱤᱴᱚᱨ ᱟᱨ ᱑᱐ ᱠᱤᱞᱚᱢᱤᱴᱚᱨ ᱜᱷᱚᱴᱚᱱ ᱨᱮ ᱡᱩᱱᱤᱭᱚᱨ ᱡᱟᱹᱛᱤᱭᱟᱹᱨᱤ ᱨᱮᱠᱚᱰ ᱦᱚᱸᱭ ᱟᱢᱮᱴ ᱠᱮᱫᱟ ᱾ ᱡᱟᱹᱛᱤᱭᱟᱹᱨᱤ ᱡᱩᱱᱤᱭᱚᱨ ᱥᱚᱨᱠᱤᱴ ᱨᱮ ᱥᱟᱠᱥᱮᱥᱯᱷᱩᱞ ᱯᱟᱨᱯᱷᱳᱨᱢᱮᱱᱥ ᱛᱟᱭᱚᱢ, ᱩᱱᱤ ᱡᱮᱜᱮᱛ ᱡᱟᱠᱟᱛ ᱥᱚᱨᱠᱤᱴ ᱨᱮ ᱱᱟᱯᱟᱭ ᱞᱮᱠᱟᱛᱮᱭ ᱯᱟᱨᱯᱷᱳᱨᱢ ᱠᱮᱫᱟ ᱾ ᱭᱩᱛᱷ ᱮᱥᱤᱭᱟᱱ ᱜᱮᱢᱥ ᱨᱮ ᱫᱚᱥᱟᱨ ᱟᱨ ᱡᱩᱱᱤᱭᱚᱨ ᱮᱥᱤᱭᱟᱱ ᱜᱮᱢᱥ (᱒᱐᱑᱒) ᱨᱮ ᱛᱮᱥᱟᱨ ᱾ ᱩᱱᱤ ᱡᱟᱯᱟᱱ ᱨᱮ ᱥᱤᱱᱤᱭᱚᱨ ᱣᱟᱠᱤᱝ ᱮᱥᱤᱭᱟᱱ ᱪᱟᱢᱯᱤᱭᱟᱱᱥᱤᱯ ᱨᱮ ᱢᱤᱫ ᱠᱮᱴᱮᱡ ᱕ ᱟᱱᱟᱜ ᱴᱷᱟᱶ ᱨᱮᱭ ᱯᱨᱚᱫᱚᱨᱥᱚᱱ ᱠᱮᱫᱟ ᱾
ᱮᱛᱚᱦᱚᱵ ᱥᱮᱪᱮᱫ ᱨᱮ ᱩᱱᱤ ᱟᱡᱤᱡ ᱠᱳᱪ ᱵᱟᱞᱫᱮᱵ ᱥᱤᱝ ᱦᱚᱛᱮᱛᱮ ᱫᱤᱥᱟᱹᱭ ᱮᱢᱟᱫᱮ ᱛᱟᱦᱮᱸᱱᱟ ᱾ ᱛᱟᱭᱚᱢ ᱛᱮ ᱠᱳᱪ ᱮᱞᱮᱠᱡᱮᱸᱰᱟᱨ ᱟᱨᱴᱥᱤᱵᱟᱥᱮᱵ ᱟᱨ ᱟᱡᱟᱭ ᱨᱟᱛᱤ ᱩᱱᱤ ᱛᱟᱭᱚᱢ ᱦᱮᱯᱨᱟᱣ ᱨᱮ ᱫᱤᱥᱟᱹ ᱠᱚ ᱮᱢᱟᱫᱮᱭᱟ ᱾
᱒᱐᱑᱓ ᱢᱟᱥᱠᱳ ᱡᱮᱜᱮᱛ ᱪᱟᱢᱯᱤᱭᱟᱱᱥᱤᱯ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱣᱨ ᱢᱟᱥᱠᱳ ᱡᱮᱜᱮᱛ ᱪᱟᱢᱯᱤᱭᱟᱱᱥᱤᱯ (᱒᱐᱑᱓) ᱚᱠᱛᱮ ᱨᱮ ᱛᱤᱨᱞᱟᱹ ᱒᱐ ᱠᱤᱞᱚᱢᱤᱴᱚᱨ ᱣᱟᱠ ᱨᱮ ᱟᱡᱟᱜ ᱯᱟᱨᱥᱚᱱᱟᱞ ᱵᱮᱥᱴ ᱟᱨ ᱡᱟᱹᱛᱤᱭᱟᱹᱨᱤ ᱨᱮᱠᱚᱰ ᱮ ᱵᱷᱟᱹᱜᱤ ᱠᱮᱫᱟ, ᱡᱟᱦᱟᱸ ᱨᱮ ᱑:᱓᱔:᱒᱘ ᱚᱠᱛᱚ ᱮᱢ ᱦᱩᱭ ᱞᱮᱱᱟ ᱾ ᱩᱱᱤ ᱜᱷᱚᱴᱚᱱ ᱚᱠᱛᱮ ᱓᱙ ᱟᱱᱟᱜ ᱴᱷᱟᱶ ᱨᱮᱭ ᱯᱩᱨᱟᱹᱣ ᱞᱮᱫᱟ ᱾
᱒᱐᱑᱔ ᱮᱥᱤᱭᱟᱱ ᱜᱮᱢᱥ, ᱤᱸᱪᱮᱭᱳᱱ (ᱯᱤᱟᱨᱠᱮ) ᱠᱚᱣᱨ ᱟᱡᱟᱜ ᱯᱟᱨᱥᱚᱱᱟᱞ ᱵᱮᱥᱴ ᱵᱷᱟᱹᱜᱤ ᱠᱟᱛᱮ ᱟᱨ ᱚᱱᱟ ᱥᱟᱶ ᱢᱤᱫ ᱱᱟᱣᱟ ᱡᱟᱹᱛᱤᱭᱟᱹᱨᱤ ᱨᱮᱠᱚᱰ ᱵᱮᱱᱟᱣ ᱠᱟᱛᱮ ᱮᱥᱤᱭᱟᱱ ᱜᱮᱢᱥ ᱨᱮ ᱒᱐ ᱠᱤᱞᱚᱢᱤᱴᱚᱨ ᱨᱮᱥ ᱣᱟᱠ ᱥᱤᱞᱵᱷᱚᱨ ᱢᱮᱰᱟᱞ ᱡᱤᱛᱠᱟᱹᱨ ᱟᱠᱟᱫ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱛᱤᱨᱞᱟᱹᱭ ᱵᱮᱱᱟᱣ ᱮᱱᱟ ᱾ ᱟᱢᱨᱤᱛᱥᱟᱨ ᱨᱤᱱᱤᱡ ᱒᱑ ᱥᱮᱨᱢᱟ ᱩᱢᱮᱨᱟᱱ ᱠᱷᱮᱞᱚᱸᱰᱤᱭᱟᱹ ᱢᱟᱨᱟᱛᱷᱚᱱ ᱠᱳᱨᱥ ᱨᱮ ᱫᱚᱥᱟᱨ ᱴᱷᱟᱶ ᱨᱮ ᱯᱩᱨᱟᱹᱣ ᱠᱟᱛᱮ ᱟᱡᱟᱜ ᱑:᱓᱓:᱓᱗ ᱢᱟᱬᱟᱝ ᱨᱮᱱᱟᱜ ᱯᱟᱨᱥᱚᱱᱟᱞ ᱵᱮᱥᱴ ᱠᱷᱚᱱ ᱑:᱓᱓:᱐᱗ ᱚᱠᱛᱚ ᱮᱢ ᱠᱟᱛᱮ ᱵᱷᱟᱹᱜᱤ ᱠᱮᱫᱟ, ᱱᱚᱣᱟ ᱫᱚ ᱡᱟᱹᱛᱤᱭᱟᱹᱨᱤ ᱨᱮᱠᱚᱰ ᱦᱚᱸ ᱛᱟᱦᱮᱸ ᱠᱟᱱᱟ ᱾
᱒᱐᱑᱖ ᱨᱤᱭᱳ ᱚᱞᱤᱢᱯᱤᱠ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱖ ᱚᱞᱤᱢᱯᱤᱠ ᱨᱮ ᱩᱱᱤ ᱒᱐ ᱠᱤᱞᱚᱢᱤᱴᱚᱨ ᱨᱮᱥ ᱣᱟᱠ ᱨᱮ ᱕᱔ ᱟᱱᱟᱜ ᱴᱷᱟᱶ ᱮ ᱯᱩᱥᱴᱟᱹᱣ ᱠᱮᱫᱟ ᱟᱨ ᱚᱱᱟ ᱞᱮᱠᱟᱛᱮ ᱧᱩᱛᱩᱢᱟᱱ ᱡᱮᱜᱮᱛ ᱡᱟᱠᱟᱛ ᱠᱷᱮᱞᱚᱸᱰ ᱪᱟᱢᱯᱤᱭᱟᱱᱥᱤᱯ ᱨᱮ ᱢᱤᱫ ᱪᱤᱱᱦᱟᱹᱣ ᱵᱮᱱᱟᱣ ᱠᱮᱫᱟ ᱾ ᱩᱱᱤ ᱨᱮᱥ ᱨᱮᱱᱟᱜ ᱥᱟᱹᱜᱤᱧ ᱯᱩᱨᱟᱹᱣ ᱞᱟᱹᱜᱤᱫ ᱑ ᱴᱟᱲᱟᱝ, ᱔᱐ ᱢᱤᱱᱤᱴ ᱟᱨ ᱓᱐ ᱥᱮᱠᱮᱱᱰ ᱮ ᱦᱟᱛᱟᱣ ᱞᱮᱫᱟ ᱡᱟᱦᱟᱸ ᱫᱚ ᱟᱡᱟᱜ ᱢᱟᱬᱟᱝ ᱡᱟᱹᱛᱤᱭᱟᱹᱨᱤ ᱨᱮᱠᱚᱰ ᱠᱷᱚᱱ ᱥᱟᱹᱜᱤᱧ ᱜᱮ ᱛᱟᱦᱮᱸ ᱠᱟᱱᱟ ᱾
᱒᱐᱑᱘ ᱠᱚᱢᱚᱱᱣᱮᱞᱛᱷ ᱜᱮᱢᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱥᱴᱨᱮᱞᱤᱭᱟ ᱨᱮ ᱦᱩᱭ ᱟᱠᱟᱱ ᱒᱑ ᱟᱱᱟᱜ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ, ᱩᱱᱤ ᱛᱤᱨᱞᱟᱹ ᱒᱐ ᱠᱤᱞᱚᱢᱤᱴᱚᱨ ᱨᱮᱥᱣᱟᱠ ᱤᱵᱷᱮᱱᱴ ᱨᱮ ᱯᱩᱱᱟᱜ ᱴᱷᱟᱶ ᱮ ᱯᱩᱨᱟᱹᱣ ᱞᱮᱫᱟ ᱡᱟᱦᱟᱸ ᱨᱮ ᱩᱱᱤ ᱑ ᱴᱟᱲᱟᱝ, ᱓᱙ ᱢᱤᱱᱤᱴ ᱟᱨ ᱒᱑ ᱥᱮᱠᱮᱱᱰ ᱚᱠᱛᱚ ᱮ ᱮᱢ ᱞᱮᱫᱟ ᱾