ᱡᱚᱢᱥᱤᱢ ᱵᱤᱱᱛᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱡᱚᱢᱥᱤᱢ ᱵᱤᱱᱛᱤ

ᱡᱚᱢᱥᱤᱢ ᱵᱤᱱᱛᱤ ᱫᱚ ᱡᱚᱢᱥᱤᱢ ᱡᱚᱦᱚᱜ ᱠᱚ ᱵᱤᱱᱛᱤᱭᱟ ᱾ ᱱᱚᱣᱟ ᱫᱚ ᱢᱤᱫ ᱧᱤᱫᱟ. ᱵᱷᱤᱛᱨᱤ ᱨᱮ ᱵᱤᱱᱛᱤ ᱪᱟᱵᱟ ᱦᱩᱭᱩᱜᱼᱟ ᱾ ᱟᱨ ᱮᱛᱚᱦᱚᱵ ᱛᱮ ᱵᱤᱞᱚᱢ ᱜᱚᱫᱚᱜ ᱨᱮᱦᱚᱸ ᱧᱤᱫᱟ. ᱵᱷᱤᱛᱨᱤ ᱨᱮᱜᱮ ᱪᱟᱵᱟ ᱦᱩᱭᱩᱜᱼᱟ ᱾ ᱵᱟᱝ ᱨᱮᱦᱚᱸ ᱵᱚᱸᱜᱟ ᱵᱳᱨᱳ ᱠᱚ ᱦᱟ.ᱴᱤᱧᱚᱜ ᱫᱷᱟ.ᱵᱤᱡ ᱫᱚ ᱵᱤᱱᱛᱤ ᱛᱮᱜᱮ ᱦᱩᱭᱩᱜᱼᱟ ᱾

ᱫᱷᱩᱲᱤ ᱫᱷᱟ.ᱨᱛᱤ ᱨᱮᱭᱟᱜ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱤᱥᱚᱢ ᱫᱚ ᱦᱤᱦᱤᱲᱤ ᱯᱤᱯᱤᱲᱤ ᱛᱟᱦᱮᱸ ᱠᱟᱱᱟ ᱫᱟᱜ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱢᱟ.ᱱᱢᱤ, ᱪᱮᱬᱮ ᱪᱤᱯᱨᱩᱜ, ᱡᱤᱭᱟ.ᱞᱤ ᱪᱤᱞᱤ ᱦᱚᱸ ᱵᱟᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱤᱥᱚᱢ ᱨᱮ ᱞᱩᱜᱩ ᱵᱩᱨᱩ ᱜᱷᱟᱱᱴᱟ ᱵᱟ.ᱲᱤ ᱛᱟᱦᱮᱸ ᱠᱟᱱᱟ ᱾ ᱪᱟᱢᱯᱟᱠᱤᱭᱟ. ᱫᱟᱨᱮ ᱛᱟᱦᱮᱸ ᱠᱟᱱᱟ ᱟᱨ ᱞᱟᱲ ᱱᱟ.ᱬᱤ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱷᱟ.ᱨᱛᱤ ᱯᱩᱨᱤ ᱨᱮᱫᱚ ᱢᱮᱱ ᱞᱮᱠᱷᱟᱱ ᱪᱤᱞᱤ ᱦᱚᱸ ᱵᱟᱠᱚ ᱛᱟᱦᱮᱸ ᱠᱟᱱᱟ ᱾ ᱚᱱᱠᱟ ᱜᱮ ᱥᱮᱨᱢᱟ ᱯᱩᱨᱤ ᱨᱮᱦᱚᱸ ᱪᱤᱞᱤ ᱦᱚᱸ ᱵᱟᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱷᱟ.ᱨᱛᱤ ᱯᱩᱨᱤ ᱨᱮ ᱦᱤᱥᱤᱫ ᱦᱤᱥᱤᱫ ᱦᱚᱭ ᱚᱰᱚᱠ ᱮᱱᱟ ᱾ ᱚᱱᱟ ᱦᱤᱥᱤᱫ ᱦᱚᱭ ᱨᱮ ᱵᱟ.ᱞᱤ ᱢᱮᱥᱟ ᱮᱱᱟ ᱾ ᱚᱱᱟ ᱵᱟ.ᱞᱤ ᱪᱚᱴ ᱥᱮᱫ ᱚᱴᱟᱝ ᱨᱟᱠᱟᱵ ᱠᱟᱛᱮ ᱡᱷᱤᱯᱤᱨ ᱡᱷᱤᱯᱤᱨ ᱮ ᱡᱟ.ᱲᱤ ᱠᱮᱜᱼᱟ ᱾ ᱚᱱᱟ ᱫᱟᱜ ᱥᱟᱶᱛᱮ ᱟᱨ ᱦᱚᱸ ᱥᱟᱰᱮ ᱚᱰᱚᱠ ᱮᱱᱟ ᱟᱨ ᱞᱩᱜᱩ ᱵᱩᱨᱩ ᱜᱷᱟᱱᱴᱟ ᱵᱟ.ᱲᱤ ᱠᱷᱚᱱ ᱞᱚᱞᱚ ᱦᱚᱭ ᱚᱰᱚᱠ ᱮᱱᱟ ᱾ ᱱᱚᱣᱟ ᱠᱚ ᱢᱚᱬᱮ ᱜᱚᱴᱟᱝ ᱫᱩᱨᱤᱵᱽ ᱢᱤᱫ ᱮᱱᱛᱮ ᱢᱟᱨᱟᱝ ᱵᱟ.ᱨᱰᱩ ᱞᱮᱠᱟ ᱡᱩᱛ ᱮᱱᱟ ᱾ ᱟᱫᱚ ᱜᱚᱴᱟ ᱫᱷᱟ.ᱨᱛᱤ ᱟ.ᱪᱩᱨ ᱮᱱᱟ ᱾ ᱚᱠᱟ ᱥᱮᱫ ᱦᱚᱸ ᱟᱫᱚ ᱵᱟᱝ ᱥᱟᱦᱟ ᱫᱟᱲᱮᱭᱟᱫ ᱛᱮ ᱚᱛ ᱥᱮᱨᱢᱟ ᱢᱚᱧᱪᱚ ᱢᱤᱫ ᱮᱱᱟ ᱾ ᱮᱱᱠᱷᱟᱱ ᱚᱱᱟ ᱵᱟ.ᱨᱰᱩ ᱠᱷᱚᱱ ᱜᱮ ᱫᱮᱵᱽᱜᱩᱱ ᱠᱚᱫᱚ ᱠᱚ ᱡᱟᱱᱟᱢ ᱮᱱᱟ ᱾ ᱟᱫᱚ ᱚᱱᱟ ᱦᱚᱭ ᱵᱟ.ᱨᱰᱩ ᱦᱟ.ᱨᱥᱩᱲ ᱮᱱ ᱛᱮᱜᱮ ᱟᱨ ᱦᱚᱸ ᱪᱮᱬᱮ ᱪᱤᱯᱨᱩᱜ ᱠᱚ ᱵᱮᱱᱟᱣ ᱮᱱᱟ ᱾ ᱥᱟᱶᱛᱮ ᱡᱮᱛᱮ ᱞᱮᱠᱟᱱ ᱡᱤᱵᱽ ᱡᱟᱱᱣᱟ ᱠᱚᱠᱚ ᱵᱮᱱᱟᱣ ᱮᱱᱟ ᱾ ᱩᱱ ᱡᱚᱦᱚᱜ ᱫᱚ ᱵᱚᱸᱜᱟ ᱵᱳᱨᱳ ᱠᱚᱫᱚ ᱩᱫᱽᱢᱟ. ᱨᱮᱜᱮ ᱠᱚ ᱫᱩᱲᱩᱵ ᱛᱟᱦᱮᱸᱱ ᱾ ᱚᱱᱟᱛᱮ ᱢᱤᱫᱴᱟ.ᱝ ᱪᱟᱺᱣᱨᱤᱭᱟ. ᱢᱮᱞᱟ ᱵᱮᱱᱟᱣ ᱠᱚ ᱮᱦᱚᱵ ᱠᱮᱜᱼᱟ ᱾

ᱪᱟ.ᱶᱨᱤᱭᱟ. ᱢᱮᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱛᱚ ᱫᱮᱵᱽᱜᱩᱱ ᱠᱚ ᱢᱤᱫ ᱠᱟᱛᱮ ᱜᱮ ᱪᱟᱺᱣᱨᱤᱭᱟ. ᱢᱮᱞᱟ ᱠᱚ ᱵᱮᱱᱟᱣ ᱡᱩᱛ ᱠᱮᱜᱼᱟ ᱾ ᱟᱫᱚ ᱚᱱᱟ ᱪᱟ.ᱶᱨᱤᱭᱟ. ᱢᱮᱞᱟᱨᱮ ᱫᱤᱱ ᱦᱤᱞᱚᱜ ᱢᱟᱨᱟᱝ ᱴᱷᱟ.ᱠᱩᱨ ᱡᱚᱛᱚ ᱦᱚᱲ ᱮ ᱦᱚᱦᱚ ᱡᱟᱣᱨᱟ ᱠᱚᱣᱟ ᱾ ᱟᱠᱚ ᱪᱮᱫ ᱞᱮᱠᱟᱛᱮ ᱠᱚ ᱟ.ᱥᱩᱞᱚᱜᱼᱟ ᱚᱱᱟ ᱠᱚ ᱜᱟᱞᱚᱪ ᱡᱚᱝᱼᱟ ᱾ ᱟ.ᱰᱤ ᱞᱮᱠᱟ ᱠᱚ ᱫᱤᱥᱟ.ᱭ ᱜᱮᱭᱟ, ᱢᱤᱢᱤᱫ ᱫᱷᱟᱣ ᱫᱚ ᱛᱚᱲᱮ ᱥᱩᱛᱟ.ᱢ ᱛᱮᱠᱚ ᱟᱬᱜᱚᱱᱟ ᱟᱨ ᱠᱚ ᱧᱮᱞᱟ ᱢᱩᱧᱪᱩᱯᱩᱨᱤ ᱫᱚ ᱟ.ᱰᱤ ᱱᱟᱯᱟᱭ ᱜᱮᱭᱟ ᱾ ᱫᱟᱬᱟ ᱵᱟᱲᱟ ᱠᱟᱛᱮ ᱠᱚ ᱧᱮᱞᱟ ᱪᱤᱞᱤ ᱦᱚᱸ ᱵᱟ.ᱱᱩᱜ ᱠᱚᱣᱟ ᱾ ᱢᱮᱱᱠᱷᱟᱱ ᱧᱮᱞ ᱠᱮᱜᱼᱟ ᱠᱚ ᱞᱩᱜᱩ ᱵᱩᱨᱩ ᱜᱷᱟᱱᱴᱟ ᱵᱟ.ᱲᱤ ᱢᱮᱱᱛᱮ ᱢᱤᱫ ᱟ.ᱰᱤ ᱱᱟᱯᱟᱭ ᱡᱟᱭᱜᱟ ᱢᱮᱱᱟᱜᱼᱟ ᱾

ᱵᱤᱸᱫᱤ ᱨᱟ.ᱱᱤᱭᱟᱜ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱫ ᱢᱟᱨᱟᱝ ᱩᱛᱟ. ᱨ ᱵᱤᱸᱫᱤ ᱨᱟ.ᱱᱤ ᱥᱮᱨᱢᱟ ᱯᱩᱨᱤ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱴᱷᱟ.ᱠᱩᱨ ᱠᱚ ᱞᱮᱠᱟ ᱜᱮ ᱩᱱᱤ ᱦᱚᱸ ᱛᱚᱲᱮ ᱥᱩᱛᱟ.ᱢ ᱛᱮ ᱫᱷᱟ.ᱨᱛᱤ ᱯᱩᱨᱤᱭ ᱟᱬᱜᱚ ᱮᱱᱟ ᱚᱱᱟ ᱧᱮᱧᱮᱞ ᱾ ᱩᱱᱤ ᱫᱚ ᱫᱟᱬᱟ ᱫᱟᱬᱟ ᱛᱮ ᱢᱤᱫ ᱢᱟᱨᱟᱝ ᱵᱟᱲᱮ ᱫᱟᱨᱮᱭ ᱧᱟᱢ ᱠᱮᱜᱼᱟ ᱾ ᱟᱫᱚ ᱚᱱᱟ ᱫᱟᱨᱮ ᱟᱨ ᱵᱟᱸᱫᱚ ᱱᱟ.ᱬᱤ ᱠᱚᱨᱮ ᱜᱚᱴᱟᱭ ᱜᱟᱜ ᱟ.ᱪᱩᱨᱮᱜᱼᱟ ᱾ ᱜᱟᱜ ᱟ.ᱪᱩᱨᱮᱫ ᱡᱚᱦᱚᱜ ᱥᱮᱨᱢᱟ ᱯᱩᱨᱤ ᱠᱷᱚᱱ ᱵᱟᱨᱭᱟ ᱯᱚᱛᱟᱢ ᱪᱮᱬᱮ ᱠᱤᱱ ᱟᱬᱜᱚ ᱦᱮᱡ ᱮᱱᱟ ᱾ ᱧᱮᱞ ᱟ.ᱠᱤᱱ ᱚᱱᱟ ᱵᱟᱲᱮ ᱫᱟᱨᱮ ᱥᱩᱨ ᱨᱮᱜᱮ ᱜᱮᱞᱵᱟᱨ ᱵᱤᱜᱷᱟ. ᱚᱛᱮᱛ ᱨᱮ ᱫᱷᱩᱵᱤ ᱛᱟᱥᱟᱫ ᱚᱢᱚᱱ ᱟᱠᱟᱱᱟ ᱞᱮᱜᱮᱡ ᱞᱮᱜᱮᱡ ᱾ ᱩᱱᱠᱤᱱ ᱚᱸᱰᱮ ᱠᱤᱱ ᱟᱬᱜᱚ ᱮᱱᱟ ᱾ ᱵᱤᱸᱫᱤ ᱨᱟ.ᱱᱤ ᱫᱚ ᱚᱱᱟ ᱵᱟᱲᱮ ᱫᱟᱨᱮ ᱠᱷᱚᱱ ᱮ ᱧᱮᱞᱮᱫ ᱠᱤᱱᱟ ᱾ ᱧᱮᱞᱮᱫ ᱠᱤᱱᱟᱭ ᱟ.ᱰᱤ ᱥᱮᱬᱟ ᱥᱮᱬᱟ ᱟ.ᱠᱤᱱ, ᱧᱟᱢ ᱮ ᱠᱷᱟᱱ ᱠᱤᱱ ᱡᱚᱢ ᱜᱚᱫ ᱠᱟᱭ ᱞᱮᱠᱟ ᱾ ᱩᱱᱠᱤᱱ ᱯᱚᱛᱟᱢ ᱫᱚ ᱫᱷᱩᱲᱤ ᱛᱟᱥᱟᱫ ᱜᱮᱨ ᱠᱷᱟᱺᱰᱭᱟ. ᱠᱟᱛᱮ ᱞᱩᱜᱩ ᱵᱩᱨᱩ ᱥᱮᱫ ᱠᱤᱱ ᱤᱫᱤ ᱠᱮᱜᱼᱟ ᱾ ᱵᱤᱸᱫᱤ ᱫᱚ ᱵᱚᱛᱚᱨ ᱛᱮ ᱚᱱᱟ ᱵᱟᱲᱮ ᱫᱟᱨᱮ ᱜᱚᱴᱟᱭ ᱜᱟᱜ ᱮᱥᱮᱫ ᱠᱮᱜᱼᱟ ᱾ ᱡᱮᱢᱚᱱ ᱟᱞᱚ ᱠᱤᱱ ᱡᱚᱢ ᱫᱟᱲᱮ ᱟᱭ ᱢᱟ ᱾ ᱱᱚᱛᱮ ᱵᱟᱲᱮ ᱫᱟᱨᱮ ᱦᱚᱸ ᱜᱟᱜ ᱮᱥᱮᱫᱚᱜ ᱠᱟᱱᱟ ᱧᱮᱞ ᱠᱟᱛᱮ ᱦᱚᱸ ᱵᱚᱛᱚᱨ ᱮᱱᱟᱭ ᱾ ᱟᱫᱚ ᱵᱟᱲᱮ ᱫᱟᱨᱮ ᱫᱚ ᱵᱤᱸᱫᱤ ᱨᱟ.ᱱᱤᱭ ᱱᱮᱦᱚᱸᱨ ᱠᱮᱫᱮᱭᱟ ᱾ ᱵᱟᱲᱮ ᱫᱟᱨᱮᱭᱟᱜ ᱨᱟᱜ ᱟᱸᱡᱚᱢ ᱛᱮ ᱵᱤᱸᱫᱤ ᱦᱚᱸᱭ ᱫᱟᱭᱟ ᱮᱱᱟ ᱟᱫᱚ ᱯᱚᱛᱟᱢ ᱦᱚᱸᱭ ᱧᱮᱞ ᱠᱮᱫ ᱠᱤᱱᱟ ᱵᱟ.ᱠᱤᱱ ᱦᱮᱡ ᱞᱮᱱᱟ ᱾ ᱮᱱᱠᱷᱟᱱ ᱵᱚᱛᱚᱨ ᱛᱟᱭ ᱪᱟᱵᱟ ᱮᱱᱟ ᱾ ᱤᱱᱟ. ᱠᱷᱟᱱ ᱵᱟᱲᱮ ᱫᱟᱨᱮ ᱨᱟᱲᱟ ᱨᱩᱣᱟ.ᱲ ᱦᱚᱴᱚ ᱠᱟᱫᱛᱮ ᱥᱮᱨᱢᱟ ᱛᱮᱭ ᱨᱩᱣᱟ.ᱲ ᱮᱱᱟ ᱾

ᱫᱷᱟ.ᱨᱛᱤ ᱨᱮ ᱪᱟ.ᱶᱨᱤᱭᱟ. ᱢᱮᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱸᱜᱟ ᱵᱳᱨᱳ ᱠᱚ ᱢᱩᱧᱪᱩᱯᱩᱨᱤ ᱨᱮᱭᱟᱜ ᱞᱩᱜᱩ ᱵᱩᱨᱩ ᱟ.ᱰᱤ ᱠᱚ ᱠᱩᱥᱤᱭᱟᱫ ᱛᱮ ᱚᱸᱰᱮ ᱢᱤᱫᱴᱟ.ᱝ ᱯᱚᱫᱽ ᱡᱚᱝ ᱨᱮᱭᱟᱜ ᱠᱚ ᱜᱚᱴᱟ ᱠᱮᱜᱼᱟ ᱟᱨ ᱚᱸᱰᱮ ᱦᱚᱸ ᱥᱮᱨᱢᱟ ᱯᱩᱨᱤ ᱞᱮᱠᱟᱱᱟᱜ ᱪᱟ.ᱶᱨᱤᱭᱟ. ᱢᱮᱞᱟ ᱠᱚ ᱵᱮᱱᱟᱣ ᱠᱮᱜᱼᱟ ᱾

ᱞᱤᱴᱟ. ᱜᱚᱰᱮᱛ ᱮ ᱦᱩᱭ ᱮᱱᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟ.ᱶᱨᱤᱭᱟ. ᱢᱮᱞᱟ ᱠᱚ ᱵᱮᱱᱟᱣ ᱠᱮᱫ ᱠᱷᱟᱱ ᱟᱫᱚ ᱛᱟᱞᱟ ᱛᱟᱞᱟ ᱨᱮ ᱵᱚᱸᱜᱟ ᱵᱳᱨᱳ ᱠᱚ ᱥᱮᱨᱢᱟ ᱯᱩᱨᱤ ᱠᱷᱚᱱ ᱫᱷᱟ.ᱨᱛᱤ ᱛᱮᱠᱚ ᱟᱬᱜᱚᱱᱟ ᱾ ᱢᱩᱧᱪᱩᱯᱩᱨᱤ ᱠᱚ ᱫᱟᱬᱟ ᱤᱫᱤᱭᱟ ᱟᱨ ᱟᱨ ᱢᱟᱨᱟᱝ ᱴᱷᱟ.ᱠᱩᱨ ᱜᱮ ᱦᱚᱦᱚ ᱡᱟᱣᱨᱟ ᱠᱚᱣᱟᱭ ᱟᱨ ᱨᱚᱯᱚᱲ ᱟᱠᱚ ᱾ ᱱᱚᱝᱠᱟ ᱦᱚᱦᱚ ᱦᱚᱦᱚ ᱛᱮ ᱢᱟᱨᱟᱝ ᱴᱷᱟ.ᱠᱩᱨ ᱫᱚᱭ ᱞᱟᱸᱜᱟ ᱪᱟᱵᱟ ᱮᱱᱟ ᱟᱫᱚᱭ ᱢᱮᱱᱮᱜᱼᱟ ᱤᱧ ᱫᱚ ᱛᱤᱱᱟ.ᱜ ᱫᱤᱱ ᱤᱧ ᱦᱚᱦᱚᱭ ᱛᱟᱵᱚᱱᱟ ᱾ ᱢᱤᱫᱴᱟ.ᱝ ᱦᱚᱜᱦᱚᱭᱤᱡ ᱵᱚᱱ ᱛᱤᱸᱜᱩ ᱮᱭᱟ ᱾ ᱟᱫᱚ ᱜᱚᱰᱮᱛ ᱛᱤᱸᱜᱩ ᱮ ᱞᱟ.ᱜᱤᱫ ᱠᱚ ᱡᱟᱣᱨᱟ ᱮᱱᱟ ᱾ ᱫᱮᱵᱚᱝᱥᱤ ᱡᱚᱫᱩ ᱵᱚᱝᱥᱤ ᱠᱚ ᱠᱩᱞᱤ ᱠᱮᱫ ᱠᱤᱱᱟ, ᱩᱱᱠᱤᱱ ᱵᱟ.ᱠᱤᱱ ᱫᱟᱲᱮᱭᱟᱜᱼᱟ ᱢᱮᱱᱛᱮ ᱠᱤᱱ ᱢᱮᱱ ᱠᱮᱜᱼᱟ ᱾ ᱫᱟᱛᱟ ᱵᱤᱫᱷᱟᱛᱟ ᱠᱚ ᱠᱩᱞᱤ ᱠᱮᱫᱮᱭᱟ ᱩᱱᱤ ᱦᱚᱸ ᱚᱦᱚ ᱜᱮᱭ ᱞᱟ.ᱭ ᱠᱮᱜᱼᱟ ᱾ ᱟᱫᱚ ᱡᱚᱛᱚ ᱠᱚᱛᱮ ᱜᱮ ᱞᱤᱴᱟ. ᱠᱚ ᱠᱩᱞᱤ ᱠᱮᱫᱮᱭᱟ ᱾ ᱞᱤᱴᱟ.ᱭ ᱢᱮᱱ ᱠᱮᱜᱼᱟ ᱤᱧ ᱫᱚ ᱚᱦᱚᱧ ᱞᱟ.ᱭ ᱠᱮᱭᱟ, ᱤᱧ ᱫᱟ.ᱭ ᱤᱧ ᱠᱩᱞᱤ ᱞᱮᱜᱮ ᱾ ᱩᱱᱤᱭ ᱨᱮᱵᱮᱱ ᱠᱷᱟᱱ ᱠᱟ.ᱢᱤᱭᱟ.ᱧ ᱾ ᱟᱫᱚ ᱠᱚ ᱢᱮᱛᱟᱫ ᱫᱮᱭᱟ, ᱫᱩ ᱮᱱᱠᱷᱟᱱ ᱠᱩᱞᱤ ᱟ.ᱜᱩᱭᱮᱢ ᱾ ᱞᱤᱴᱟ.᱾ᱟᱡ ᱫᱟ.ᱭ ᱮ ᱢᱮᱛᱟ ᱫᱮᱭᱟ, ᱫᱟ.ᱭ ᱜᱚᱰᱮᱛ ᱠᱟ.ᱢᱤᱧ ᱠᱟ.ᱢᱤᱭᱟ ᱥᱮ ᱵᱟᱝ ? ᱟᱡ ᱫᱟ.ᱭ ᱮ ᱢᱮᱱ ᱠᱮᱜᱼᱟ, ᱟᱢ ᱜᱮ ᱵᱩᱡᱷᱟ.ᱣ ᱢᱮ ᱵᱟ.ᱵᱩ, ᱟᱢᱟᱜ ᱦᱚᱸᱛᱚ ᱠᱟ.ᱢᱤ ᱢᱮᱱᱟᱜᱼᱟ ᱾ ᱞᱤᱴᱟ. ᱴᱷᱟ.ᱠᱩᱨ ᱴᱷᱮᱱ ᱥᱮᱱ ᱠᱟᱛᱮᱭ ᱢᱮᱱᱠᱮᱜᱼᱟ, ᱠᱟ.ᱢᱤ ᱜᱮᱭᱟ.ᱧ ᱴᱷᱟ.ᱠᱩᱨ ᱤᱠᱷᱟ.ᱱ ᱧᱩᱛ ᱧᱤᱫᱟ. ᱮᱠᱞᱟ ᱫᱟᱬᱟ ᱛᱮ ᱦᱩᱭ ᱟᱧᱟ ᱾ ᱚᱱᱟᱛᱮ ᱟᱢᱟᱜ ᱠᱟ.ᱯᱤ ᱮᱢ ᱛᱮ ᱦᱩᱭ ᱟᱢᱟ ᱾ ᱴᱷᱟ.ᱠᱩᱨ ᱦᱚᱸ ᱞᱤᱴᱟ. ᱦᱟᱜ ᱥᱟᱦᱟᱥ ᱧᱮᱞ ᱠᱟᱛᱮ ᱟ.ᱰᱤ ᱡᱩᱨ ᱮ ᱠᱩᱥᱤ ᱮᱱᱟ ᱟᱨ ᱟᱡᱟᱜ ᱥᱟᱢᱟᱱᱚᱢ ᱠᱟ.ᱯᱤ ᱦᱚᱸᱭ ᱮᱢᱟ ᱟᱫᱮᱭᱟ ᱾ ᱤᱱᱟ. ᱦᱤᱞᱚᱜ ᱠᱷᱚᱱ ᱫᱚ ᱞᱤᱴᱟ. ᱜᱮ ᱡᱚᱛᱚ ᱫᱮᱵᱽᱜᱩᱱ ᱠᱚ ᱚᱱᱟ ᱪᱟ.ᱶᱨᱤᱭᱟ. ᱢᱮᱞᱟ ᱛᱮᱭ ᱦᱚᱦᱚ ᱡᱟᱣᱨᱟ ᱠᱮᱫ ᱠᱚᱣᱟ ᱾ ᱡᱟᱣᱨᱟ ᱠᱟᱛᱮ ᱪᱟᱥ ᱵᱟᱥ ᱨᱮᱭᱟᱜ ᱠᱚ ᱛᱷᱩᱛᱤᱭᱟ, ᱟᱨ ᱱᱚᱛᱮ ᱢᱩᱧᱪᱩᱯᱩᱨᱤ ᱨᱮᱭᱟᱜ ᱠᱟᱛᱷᱟ ᱦᱚᱸ ᱠᱚ ᱨᱚᱯᱚᱲᱟ ᱾ ᱢᱩᱧᱪᱩᱯᱩᱨᱤ ᱱᱟᱯᱟᱭ ᱜᱮᱭᱟ ᱤᱠᱷᱟ.ᱱ ᱪᱤᱠᱟ.ᱛᱮ ᱚᱱᱟ ᱥᱚᱵᱷᱟᱜᱼᱟ ᱚᱱᱟ ᱦᱚᱸᱠᱚ ᱩᱭᱦᱟ.ᱨ ᱟ.ᱪᱩᱨᱟ ᱾

ᱫᱷᱟ.ᱨᱛᱤ ᱨᱮ ᱡᱤᱭᱟ.ᱞᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱮᱵᱽᱜᱩᱱ ᱠᱚᱫᱚ ᱪᱟ.ᱶᱨᱤᱭᱟ. ᱢᱮᱞᱟᱨᱮ ᱫᱩᱯᱲᱩᱵ ᱠᱚ ᱪᱟᱞᱟᱣ ᱤᱫᱤᱭᱮᱫ ᱜᱮᱭᱟ ᱾ ᱢᱩᱧᱪᱩᱯᱩᱨᱤ ᱪᱤᱠᱟ. ᱛᱮ ᱥᱚᱵᱷᱟᱜᱼᱟ ᱚᱱᱟ ᱠᱚ ᱨᱚᱯᱚᱲᱟ ᱾ ᱟᱫᱚ ᱟᱠᱚ ᱟᱠᱚ ᱛᱟᱞᱟᱨᱮ ᱢᱟᱯᱟᱱᱟᱣ ᱠᱚᱢ ᱤᱫᱤᱜ ᱠᱟᱱ ᱧᱮᱞ ᱛᱮ ᱞᱤᱴᱟ. ᱠᱚ ᱢᱮᱛᱟᱭᱟ, ᱟᱵᱚ ᱛᱟᱞᱟᱨᱮ ᱢᱟᱯᱟᱱᱟᱣ ᱠᱚ ᱠᱚᱢ ᱤᱫᱤᱜ ᱠᱟᱱ ᱫᱚ ᱪᱤᱞᱤ ᱠᱷᱟᱱ ᱫᱚ ᱟᱵᱚ ᱠᱚ ᱢᱟᱱᱟᱣ ᱵᱚᱱᱟ ᱾ ᱢᱩᱧᱪᱩᱯᱩᱨᱤ ᱨᱮ ᱪᱤᱞᱤ ᱫᱚ ᱚᱱᱠᱟᱱ ᱠᱚ ᱵᱚᱱ ᱵᱮᱱᱟᱣ ᱠᱚᱣᱟ ᱡᱟᱦᱟᱸᱭ ᱫᱚ ᱟᱵᱚ ᱠᱚ ᱢᱟᱱᱟᱣ ᱵᱚᱱᱟ ᱾ ᱚᱱᱟ ᱠᱚ ᱩᱭᱦᱟ.ᱨ ᱠᱟᱛᱮ ᱞᱤᱴᱟ. ᱫᱚ ᱢᱩᱧᱪᱩᱯᱩᱨᱤ ᱛᱮᱭ ᱟᱬᱜᱚ ᱮᱱᱟ ᱛᱚᱲᱮ ᱥᱩᱛᱟ.ᱢ ᱛᱮ ᱾ ᱚᱸᱰᱮ ᱢᱤᱫᱴᱟ.ᱝ ᱦᱟ.ᱯᱩᱜ ᱪᱮᱬᱮᱭ ᱵᱮᱱᱟᱣ ᱠᱮᱫᱮᱭᱟ ᱾ ᱟᱨ ᱢᱤᱫᱴᱟ.ᱝ ᱠᱩᱞ ᱮ ᱵᱮᱱᱟᱣ ᱠᱮᱫᱮᱭᱟ ᱾ ᱩᱱᱠᱩ ᱫᱚ ᱪᱟ.ᱶᱨᱤᱭᱟ. ᱢᱮᱞᱟ ᱛᱮ ᱦᱟ.ᱡᱩᱜ ᱦᱚᱨ ᱦᱚᱨ ᱛᱮᱭ ᱫᱚᱦᱚ ᱤᱫᱤ ᱠᱮᱫ ᱠᱚᱣᱟ ᱾ ᱟᱫᱚ ᱥᱮᱨᱢᱟ ᱠᱷᱚᱱ ᱫᱮᱵᱽᱜᱩᱱ ᱠᱚᱭ ᱦᱚᱦᱚ ᱟ.ᱜᱩ ᱠᱮᱫ ᱠᱚᱣᱟ ᱾

ᱡᱚᱠᱷᱚᱱ ᱩᱱᱠᱩ ᱛᱚᱲᱮ ᱥᱩᱛᱟ.ᱢ ᱛᱮ ᱟᱬᱜᱚ ᱠᱟᱛᱮ ᱞᱤᱴᱟ. ᱛᱟᱭᱚᱢ ᱛᱟᱭᱚᱢ ᱛᱮᱠᱚ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱩᱱᱠᱩ ᱦᱟᱥᱟ ᱨᱤᱱ ᱵᱮᱱᱟᱣ ᱠᱚᱠᱚ ᱧᱟᱢ ᱤᱫᱤ ᱠᱮᱫ ᱠᱚᱣᱟ ᱾ ᱟᱫᱚ ᱞᱤᱴᱟ. ᱠᱚ ᱠᱩᱞᱤᱭᱮ ᱠᱟᱱᱟ, ᱱᱩᱠᱩ ᱫᱚ ᱚᱠᱚᱭ ᱮ ᱵᱮᱱᱟᱣ ᱟᱠᱟᱫ ᱠᱚᱣᱟ ? ᱞᱤᱴᱟ.ᱭ ᱢᱮᱱ ᱠᱮᱜᱼᱟ, ᱤᱧ ᱜᱮ ᱾ ᱞᱤᱴᱟ. ᱩᱱᱨᱮ ᱴᱷᱟ.ᱠᱩᱨ ᱮ ᱢᱮᱛᱟ ᱫᱮᱭᱟ, ᱢᱟᱥᱮ ᱱᱩᱠᱩ ᱫᱚ ᱡᱤᱣᱤ ᱮᱢᱟ ᱠᱚᱢ ᱾ ᱴᱷᱟ.ᱠᱩᱨ ᱟᱫᱚ ᱞᱟᱦᱟ ᱨᱮᱭ ᱛᱟᱦᱮᱸ ᱠᱟᱱ ᱦᱟ.ᱯᱩᱜ ᱪᱮᱬᱮ ᱡᱤᱣᱤᱭ ᱮᱢᱟ ᱫᱮᱭᱟ ᱾ ᱦᱟ.ᱯᱩᱜ ᱪᱮᱬᱮ ᱦᱚᱸ ᱡᱤᱣᱤ ᱧᱟᱢ ᱠᱟᱛᱮ ᱞᱤᱵ ᱞᱟᱵ ᱫᱮᱵᱽᱜᱩᱱ ᱠᱚ ᱥᱟᱢᱟᱝ ᱨᱮᱭ ᱩᱰᱟ.ᱣ ᱟ.ᱪᱩᱨ ᱜᱚᱫ ᱮᱱᱟ ᱟ.ᱰᱤ ᱨᱟ.ᱥᱠᱟ. ᱜᱮ ᱟᱨ ᱟ.ᱰᱤ ᱪᱮᱦᱨᱟ ᱜᱮ ᱾ ᱦᱟ.ᱯᱩᱜ ᱪᱮᱬᱮ ᱫᱚ ᱢᱩᱧᱪᱩᱯᱩᱨᱤ ᱠᱷᱚᱱ ᱥᱮᱨᱢᱟ ᱫᱷᱟ.ᱵᱤᱡ ᱜᱚᱴᱟᱭ ᱩᱰᱟ.ᱣ ᱟ.ᱪᱩᱨᱮᱱᱟ ᱾ ᱮᱱᱠᱷᱟᱱ ᱜᱮ ᱫᱮᱵᱽᱜᱩᱱ ᱠᱚ ᱟ.ᱰᱤ ᱵᱟ.ᱲᱛᱤ ᱠᱚ ᱠᱩᱥᱤ ᱮᱱᱟ ᱾ ᱢᱮᱱ ᱠᱮᱜᱼᱟ ᱠᱚ ᱵᱟᱝᱼᱟ ᱞᱤᱴᱟ. ᱱᱩᱭ ᱫᱚᱢ ᱵᱮᱱᱟᱣ ᱜᱟᱱ ᱟᱠᱟᱫᱮᱭᱟ, ᱢᱩᱧᱪᱩᱯᱩᱨᱤ ᱟᱨ ᱥᱮᱨᱢᱟ ᱯᱩᱨᱤ ᱜᱚᱴᱟᱯᱟᱲᱟ ᱜᱮ ᱥᱚᱵᱷᱟᱜ ᱟᱭ ᱾ ᱤᱱᱟ. ᱛᱟᱭᱚᱢ ᱫᱚ ᱟᱺᱰᱤᱭᱟ. ᱰᱟᱸᱜᱽᱨᱟ ᱵᱮᱱᱟᱣ ᱠᱟᱛᱮ ᱡᱤᱣᱤ ᱠᱚ ᱮᱢᱟᱫᱮᱭᱟ ᱾ ᱩᱱᱤ ᱦᱚᱸ ᱴᱷᱟ.ᱠᱩᱨ ᱠᱚ ᱥᱟᱢᱟᱝ ᱛᱮ ᱦᱚᱸᱠᱟ ᱟᱛᱮᱭ ᱫᱚᱱ ᱵᱟᱲᱟ ᱠᱮᱜᱼᱟ ᱾ ᱠᱩᱞ ᱦᱚᱸ ᱡᱤᱣᱤ ᱮᱢᱟᱫᱮᱭᱟᱭ ᱾ ᱩᱱᱤ ᱦᱚᱸ ᱦᱩᱸᱠᱨᱟ.ᱣ ᱟᱛᱮ ᱚᱱᱠᱟ ᱜᱮᱭ ᱫᱚᱱ ᱵᱟᱲᱟ ᱠᱮᱜᱼᱟ ᱾ ᱱᱩᱠᱩ ᱧᱮᱞ ᱛᱮ ᱫᱮᱵᱽᱜᱩᱱ ᱠᱚ ᱟ.ᱰᱤ ᱡᱩᱨ ᱠᱚ ᱠᱩᱥᱤ ᱮᱱᱟ ᱾ ᱢᱮᱱ ᱠᱮᱜᱼᱟ ᱠᱚ ᱱᱤᱛᱚᱜ ᱫᱚ ᱮᱱᱠᱷᱟᱱ ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱫᱚ ᱥᱚᱵᱷᱟᱜ ᱜᱮ ᱛᱟᱵᱚᱱᱟ ᱾ ᱞᱤᱴᱟ. ᱠᱚ ᱢᱮᱛᱟ ᱫᱮᱭᱟ, ᱢᱟ ᱛᱚᱵᱮ ᱠᱷᱟᱱ ᱞᱤᱴᱟ. ᱱᱩᱠᱩ ᱫᱚ ᱟᱢ ᱜᱮ ᱧᱮᱞ ᱠᱚ ᱛᱟᱵᱚᱱ ᱢᱮ ᱾ ᱚᱱᱠᱟ ᱢᱮᱱ ᱠᱟᱛᱮ ᱫᱮᱵᱽᱜᱩᱱ ᱠᱚᱫᱚ ᱟᱫᱚ ᱥᱮᱨᱢᱟ ᱯᱩᱨᱤ ᱛᱮᱠᱚ ᱨᱟᱠᱟᱵ ᱨᱩᱣᱟ.ᱲ ᱮᱱᱟ ᱾

ᱚᱱᱟ ᱥᱮᱨᱢᱟ ᱯᱩᱨᱤ ᱨᱮᱭᱟᱜ ᱪᱟ.ᱶᱨᱤᱭᱟ. ᱢᱮᱞᱟᱨᱮ ᱡᱟᱣ ᱞᱮᱠᱟ ᱜᱮ ᱨᱚᱯᱚᱲ ᱟᱠᱚ ᱪᱟᱥ ᱠᱟ.ᱢᱤ ᱠᱚ ᱤᱫᱤ ᱠᱟᱛᱮ ᱾ ᱟᱨ ᱱᱚᱛᱮ ᱢᱩᱧᱪᱩᱯᱩᱨᱤ ᱨᱮ ᱪᱤᱞᱤ ᱪᱤᱞᱤ ᱠᱚ ᱵᱮᱱᱟᱣ ᱠᱚᱣᱟ ᱚᱱᱟ ᱤᱫᱤ ᱠᱟᱛᱮ ᱦᱚᱸ ᱠᱚ ᱩᱭᱦᱟ.ᱨᱟ ᱾

ᱢᱟ.ᱱᱢᱤ ᱵᱮᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱤᱴᱟ. ᱜᱳᱥᱟᱸᱭ ᱮ ᱦᱩᱫᱤᱥ ᱧᱟᱢ ᱠᱮᱜᱼᱟ ᱫᱚ ᱱᱩᱠᱩ ᱡᱤᱭᱟ.ᱞᱤ ᱛᱮᱫᱚ ᱱᱷᱟᱜ ᱟᱠᱚ ᱢᱟᱱᱟᱣ ᱫᱚ ᱵᱟᱠᱚ ᱧᱟᱢᱟ ᱾ ᱚᱱᱟᱛᱮ ᱟᱠᱚ ᱢᱟᱱᱟᱣ ᱦᱚᱪᱚᱜ ᱞᱟ.ᱜᱤᱫ ᱦᱟᱥᱟ ᱛᱮ ᱵᱟᱨᱮᱭᱟ ᱢᱟ.ᱱᱢᱤᱭ ᱵᱮᱱᱟᱣ ᱠᱮᱫ ᱠᱤᱱᱟ ᱾ ᱵᱮᱱᱟᱣ ᱠᱟᱛᱮ ᱥᱮᱨᱢᱟᱯᱩᱨᱤᱭ ᱥᱮᱱ ᱮᱱᱟ ᱴᱷᱟ.ᱠᱩᱨ ᱴᱷᱮᱱ ᱡᱤᱣᱤ ᱪᱟᱞ ᱦᱚᱪᱚ ᱮ ᱞᱟ.ᱜᱤᱫ ᱾ ᱦᱮᱡ ᱠᱟᱛᱮ ᱠᱤᱱ ᱧᱮᱞ ᱠᱤᱱᱟ ᱫᱟᱛᱟ ᱟᱨ ᱵᱤᱫᱷᱟᱛᱟ ᱫᱚ ᱩᱱᱠᱤᱱ ᱠᱤᱱ ᱠᱚᱞᱥᱟ ᱪᱚᱣᱟᱜ ᱟᱠᱟᱫ ᱠᱤᱱᱟ ᱾ ᱞᱤᱴᱟ.ᱭ ᱮ ᱢᱮᱱ ᱠᱮᱜᱼᱟ, ᱴᱷᱟ.ᱠᱩᱨ ᱤᱧ ᱢᱟ ᱵᱮᱥ ᱜᱮᱧ ᱵᱮᱱᱟᱣ ᱦᱚᱴᱚ ᱞᱮᱫ ᱠᱤᱱᱟ ᱾ ᱢᱮᱱᱠᱷᱟᱱ ᱚᱠᱚᱭ ᱪᱚᱠᱚ ᱨᱟ.ᱯᱩᱫ ᱦᱚᱴᱚ ᱟᱠᱟᱫ ᱠᱤᱱᱟ ᱾ ᱛᱮᱦᱮᱧ ᱫᱚ ᱡᱤᱣᱤ ᱟᱞᱚᱢ ᱮᱢᱟ ᱠᱤᱱᱟ ᱦᱟᱯᱮ ᱟᱨ ᱦᱩᱧ ᱵᱮᱱᱟᱣ ᱞᱮᱠᱤᱱ ᱜᱮ ᱾ ᱟᱫᱚ ᱴᱷᱟ.ᱠᱩᱨ ᱫᱚ ᱥᱮᱨᱢᱟ ᱛᱮᱭ ᱨᱩᱣᱟ.ᱲ ᱮᱱᱟ ᱾

ᱫᱚᱥᱟᱨ ᱦᱤᱞᱚᱜ ᱞᱤᱴᱟ. ᱫᱚ ᱵᱮᱱᱟᱣ ᱦᱚᱴᱚ ᱠᱟᱛᱮ ᱥᱮᱨᱢᱟᱯᱩᱨᱤᱭ ᱪᱟᱞᱟᱣ ᱮᱱᱟ ᱴᱷᱟ.ᱠᱩᱨ ᱦᱚᱦᱚ ᱾ ᱨᱩᱣᱟ.ᱲ ᱦᱟ.ᱡᱩᱜ ᱞᱟᱦᱟ ᱨᱮᱜᱮ ᱟᱨ ᱦᱚᱸ ᱫᱟᱛᱟ ᱵᱤᱫᱷᱟᱛᱟ ᱫᱚ ᱩᱱᱠᱤᱱ ᱮ ᱨᱟ.ᱯᱩᱫ ᱦᱚᱴᱚ ᱟᱠᱟᱫ ᱠᱤᱱᱟ ᱾ ᱤᱱᱟ. ᱦᱤᱞᱚᱜ ᱦᱚᱸ ᱴᱷᱟ.ᱠᱩᱨ ᱡᱤᱣᱤ ᱫᱚ ᱵᱟᱭ ᱮᱢᱟ ᱦᱟᱫ ᱠᱤᱱᱟ ᱾ ᱛᱮᱥᱟᱨ ᱦᱤᱞᱚᱜ ᱦᱚᱸ ᱚᱱᱠᱟ ᱜᱮ ᱴᱷᱟ.ᱠᱩᱨ ᱦᱚᱦᱚ ᱟ.ᱜᱩ ᱵᱟᱲᱟ ᱮ ᱛᱮᱜᱮ ᱟᱨ ᱦᱚᱸᱭ ᱨᱟ.ᱯᱩᱫ ᱦᱚᱴᱚ ᱟᱠᱟᱫ ᱠᱤᱱᱟ ᱾ ᱟᱫᱚ ᱞᱤᱴᱟ.ᱭ ᱢᱮᱱ ᱠᱮᱜ-ᱟ , ᱯᱮ ᱢᱟᱦᱟᱸ ᱡᱚᱠᱷᱚᱱ ᱨᱟ.ᱯᱩᱫ ᱜᱮᱞᱟᱝ ᱦᱮᱡ ᱧᱟᱢ ᱠᱮᱫ ᱠᱤᱱᱟ, ᱛᱮᱦᱮᱧ ᱫᱚ ᱠᱷᱚᱸᱡᱟ ᱵᱟᱲᱟ ᱞᱮᱠᱤᱱ ᱜᱤᱧ ᱜᱟᱱᱚᱜ ᱠᱷᱟᱱ ᱠᱤᱱ ᱱᱤᱝᱠᱟ. ᱨᱮᱜᱮ ᱡᱤᱣᱤ ᱮᱢ ᱦᱚᱴᱚ ᱟ.ᱠᱤᱱ ᱢᱮ ᱾ ᱜᱟᱱᱚᱜ ᱞᱮᱠᱟ ᱠᱤᱱ ᱧᱮᱞ ᱮᱱ ᱠᱷᱟᱱ ᱟᱫᱚ ᱞᱤᱴᱟ.ᱭ ᱢᱮᱱ ᱠᱮᱜ-ᱟ, ᱴᱷᱟ.ᱠᱩᱨ , ᱡᱤᱣᱤ ᱮᱢᱟ ᱠᱤᱱ ᱢᱮ ᱾ ᱟᱫᱚ ᱴᱷᱟ.ᱠᱩᱨ ᱫᱚ ᱚᱝ ᱫᱟᱲᱮ ᱛᱮ ᱩᱱᱠᱤᱱ ᱡᱤᱣᱤᱭ ᱮᱢᱟᱫ ᱠᱤᱱᱟ ᱾ ᱟᱫᱚ ᱵᱮᱨᱮᱫ ᱮᱱᱟ ᱠᱤᱱ ᱟᱨ ᱱᱟᱯᱟᱭ ᱜᱮ ᱠᱤᱱ ᱧᱮᱞ ᱮᱱᱟ ᱾ (ᱞᱤᱴᱟ. ᱱᱚᱝᱠᱟᱭ ᱠᱷᱚᱸᱡᱟ ᱵᱟᱲᱟ ᱞᱮᱫ ᱵᱚᱱ ᱠᱷᱟ.ᱛᱤᱨ ᱜᱮ ᱟᱵᱚᱣᱟᱜ ᱰᱟᱸᱰᱟ, ᱦᱚᱴᱚᱜ, ᱛᱤ , ᱡᱟᱸᱜᱟ ᱫᱚ ᱠᱷᱚᱸᱡᱟ ᱠᱷᱚᱸᱡᱟ ᱜᱮ ᱩᱱ ᱠᱷᱚᱱ  ᱛᱟᱦᱮᱸ ᱮᱱᱟ ᱾ ) ᱩᱱ ᱡᱚᱦᱚᱜ ᱴᱷᱟ.ᱠᱩᱨ ᱮ ᱢᱮᱱ ᱠᱮᱜ-ᱟ, ᱢᱟ ᱞᱤᱴᱟ. ᱱᱩᱠᱤᱱ ᱫᱚ ᱟᱢ ᱜᱮ ᱧᱮᱞ ᱟ.ᱠᱤᱱ ᱛᱟᱵᱚᱱ ᱢᱮ ᱾ ᱡᱟᱦᱟᱸᱭ ᱠᱚ ᱟᱞᱚ ᱠᱚ ᱥᱤᱠᱤᱲ ᱟ.ᱠᱤᱱ ᱢᱟ, ᱟᱞᱚ ᱠᱚ ᱜᱚᱡ ᱠᱤᱱ ᱢᱟ ᱾ ᱞᱤᱴᱟ. ᱦᱚᱸ ᱴᱷᱟ.ᱠᱩᱨᱟᱜ ᱠᱟᱛᱷᱟ ᱨᱮ ᱩᱱᱠᱤᱱ ᱦᱟᱨᱟ ᱵᱩᱨᱩ ᱠᱟ.ᱢᱤᱭ ᱦᱟᱛᱟᱣ ᱠᱮᱜ-ᱟ ᱾ ᱟᱨ ᱮ ᱢᱮᱱ ᱠᱮᱜ-ᱟ, ᱴᱷᱟ.ᱠᱩᱨ ᱱᱩᱠᱤᱱ ᱢᱟ ᱡᱚᱢᱟᱜ ᱧᱩᱣᱟᱜ ᱮᱢ ᱦᱩᱭᱩᱜ-ᱟ, ᱤᱠᱷᱟ.ᱱ ᱱᱚᱰᱮ ᱢᱟ ᱵᱟ.ᱱᱩᱜ ᱾ ᱡᱚᱢᱟᱜ ᱟ.ᱜᱩ ᱞᱟ.ᱜᱤᱫ ᱥᱮᱨᱢᱟ ᱜᱮ ᱥᱮᱱᱚᱜ ᱦᱩᱭᱩᱜ-ᱟ ᱾ ᱞᱟᱛᱟᱨ ᱨᱮ ᱡᱟᱦᱟᱸᱱᱟᱜ ᱠᱚᱠᱚ ᱪᱤᱠᱟ. ᱮᱢᱟᱱ ᱠᱤᱱᱟ, ᱚᱱᱟᱛᱮ ᱟᱢᱟᱜ ᱥᱟᱢᱟᱱᱚᱢ ᱰᱤᱲᱢᱤᱢ ᱮᱢᱚᱜ ᱠᱷᱟᱱ ᱥᱮᱨᱢᱟᱯᱩᱨᱤᱧ ᱥᱮᱱᱚᱜ ᱡᱚᱦᱚᱜ ᱰᱤᱲᱢᱤ ᱛᱮᱧ ᱦᱟ.ᱨᱩᱵ ᱦᱚᱴᱚ ᱠᱟ.ᱠᱤᱱᱟ ᱾ ᱴᱷᱟ.ᱠᱩᱨ ᱦᱚᱸ ᱟᱡᱟᱜ ᱚᱱᱟ ᱥᱟᱢᱟᱱᱚᱢ ᱰᱤᱲᱢᱤᱭ ᱮᱢ ᱮᱱᱟ ᱾ ᱞᱤᱴᱟ. ᱡᱮᱠᱷᱚᱱ ᱟ.ᱠᱤᱱᱟᱜ ᱡᱚᱢᱟᱜ ᱟ.ᱜᱩ ᱥᱮᱨᱢᱟᱯᱩᱨᱤ ᱛᱮᱭ ᱥᱮᱱᱚᱜ-ᱟ ᱩᱱ ᱡᱚᱦᱚᱜ ᱫᱚ ᱥᱟᱢᱟᱱᱚᱢ ᱰᱤᱲᱢᱤ ᱛᱮᱭ ᱦᱟ.ᱨᱩᱵ ᱦᱚᱴᱚ ᱠᱟ.ᱠᱤᱱᱟ ᱾