ᱡᱚᱥᱚᱫᱷᱚᱨᱟ ᱵᱟᱜᱽᱪᱤ
ᱡᱚᱥᱚᱫᱷᱚᱨᱟ ᱵᱟᱜᱽᱪᱤ (᱑᱙᱓᱗ ᱨᱮ ᱠᱚᱞᱠᱟᱛᱟ ᱨᱮ ᱡᱟᱱᱟᱢ – ᱙ ᱡᱟᱱᱩᱣᱟᱨᱤ ᱒᱐᱑᱕) ᱫᱚ ᱢᱤᱫ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱯᱨᱚᱯᱷᱮᱥᱚᱨ, ᱚᱱᱚᱞᱤᱭᱟᱹ, ᱥᱚᱢᱟᱞᱚᱪᱚᱠ ᱟᱨ ᱠᱟᱹᱢᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱡᱟᱫᱚᱵᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱛᱤᱨᱞᱟᱹ ᱯᱟᱲᱦᱟᱣ ᱟᱥᱲᱟ (School of Women's Studies) ᱨᱮᱱ ᱛᱷᱟᱯᱚᱱᱤᱭᱟᱹ ᱟᱨ ᱫᱤᱥᱟᱹᱩᱫᱩᱜᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤᱭᱟᱜ ᱚᱞ ᱟᱠᱟᱫ ᱯᱚᱛᱚᱵ ᱠᱚ ᱢᱩᱸᱫᱽ ᱨᱮ ᱞᱚᱵᱷᱰ ᱮᱱᱰ ᱚᱱᱞᱚᱵᱷᱰ – ᱫᱟ ᱜᱟᱨᱞ ᱪᱟᱭᱤᱞᱰ (Loved and Unloved – The Girl Child) ᱟᱨ ᱴᱨᱟᱣᱢᱟ ᱮᱱᱰ ᱴᱨᱟᱭᱟᱢᱯᱷ – ᱡᱮᱱᱰᱟᱨ ᱮᱱᱰ ᱯᱟᱨᱴᱤᱥᱚᱱ ᱤᱱ ᱤᱥᱴᱟᱨᱱ ᱤᱱᱰᱤᱭᱟ (Trauma and Triumph – Gender and Partition in Eastern India) ᱢᱮᱱᱟᱜᱼᱟ᱾ ᱩᱱᱤ ᱫᱚ ᱥᱟᱪᱮᱛᱱᱟ (Sachetana) ᱧᱩᱛᱩᱢᱟᱱ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱜᱟᱶᱛᱟ ᱦᱚᱸᱭ ᱵᱮᱨᱮᱫ ᱞᱮᱫᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱜᱽᱪᱤ ᱫᱚ ᱑᱙᱓᱗ ᱨᱮ ᱠᱚᱞᱠᱟᱛᱟ ᱨᱮ ᱡᱟᱱᱟᱢ ᱞᱮᱱᱟ᱾[᱑] ᱩᱱᱤ ᱫᱚ ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ, ᱠᱚᱞᱠᱟᱛᱟ (ᱩᱱ ᱡᱚᱠᱷᱚᱡ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱩᱲᱟᱹᱭ ᱛᱟᱦᱮᱸ ᱠᱟᱱᱟ), ᱥᱚᱢᱚᱨᱵᱷᱤᱞ ᱠᱚᱞᱮᱡᱽ, ᱚᱠᱥᱯᱷᱚᱨᱰ, ᱟᱨ ᱱᱤᱣ ᱦᱚᱞ, ᱠᱮᱢᱵᱽᱨᱤᱡᱽ ᱨᱮᱭ ᱥᱮᱪᱮᱫ ᱞᱮᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱜᱽᱪᱤ ᱫᱚ ᱑᱙᱖᱔ ᱨᱮ ᱡᱟᱫᱚᱵᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱤᱝᱞᱤᱥ ᱯᱟᱲᱦᱟᱣ ᱮᱦᱚᱵ ᱠᱮᱫᱟ, ᱞᱮᱰᱤ ᱵᱨᱟᱵᱳᱨᱱ ᱠᱚᱞᱮᱡᱽ, ᱠᱚᱞᱠᱟᱛᱟ ᱨᱮ ᱤᱝᱞᱤᱥ ᱯᱟᱲᱦᱟᱣ ᱛᱟᱭᱚᱢ᱾ ᱩᱱᱤ ᱫᱚ ᱑᱙᱘᱘ ᱨᱮ ᱡᱟᱫᱚᱵᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱛᱤᱨᱞᱟᱹ ᱯᱟᱲᱦᱟᱣ ᱟᱥᱲᱟ ᱨᱮᱱ ᱛᱷᱟᱯᱚᱱᱤᱭᱟᱹ-ᱫᱤᱥᱟᱹᱩᱫᱩᱜᱤᱡ ᱮ ᱵᱮᱱᱟᱣ ᱮᱱᱟ᱾ ᱑᱙᱙᱗ ᱨᱮ ᱡᱤᱨᱟᱹᱣ ᱮᱱ ᱛᱟᱭᱚᱢ, ᱩᱱᱤ ᱫᱚ ᱛᱤᱨᱞᱟᱹ ᱯᱟᱲᱦᱟᱣ ᱟᱥᱲᱟ ᱨᱮ ᱮᱢᱮᱨᱤᱴᱚᱥ ᱯᱨᱚᱯᱷᱮᱥᱚᱨ ᱞᱮᱠᱟᱛᱮᱭ ᱯᱟᱲᱦᱟᱣ ᱠᱮᱫᱟ᱾
ᱵᱟᱜᱽᱪᱤ ᱫᱚ ᱑᱙᱘᱓ ᱠᱷᱚᱱ ᱤᱝᱞᱤᱥ ᱵᱤᱵᱷᱟᱜᱽ ᱨᱮ ᱯᱨᱚᱯᱷᱮᱥᱚᱨ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫᱟ, ᱑᱙᱘᱖ ᱠᱷᱚᱱ ᱑᱙᱘᱘ ᱫᱷᱟᱹᱵᱤᱡ ᱵᱤᱵᱷᱟᱜᱽ ᱨᱮᱱ ᱢᱩᱬᱩᱛ ᱮ ᱛᱟᱦᱮᱸ ᱠᱟᱱᱟ, ᱟᱨ ᱟᱹᱰᱤ ᱞᱟᱹᱠᱛᱤᱭᱟᱱ ᱮᱛᱚᱦᱚᱵ ᱥᱮᱨᱢᱟ ᱠᱚᱨᱮ ᱤᱭᱩᱡᱤᱥᱤ ᱥᱯᱮᱥᱤᱭᱟᱞ ᱮᱥᱤᱥᱴᱮᱱᱥ ᱯᱨᱚᱜᱽᱨᱟᱢ ᱮ ᱥᱟᱯᱲᱟᱣ ᱠᱮᱫᱟ, ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱤᱝᱞᱤᱥ ᱨᱮ ᱥᱮᱱᱴᱟᱨ ᱯᱷᱚᱨ ᱮᱰᱵᱷᱟᱱᱥᱰ ᱥᱴᱟᱰᱤᱡᱽ ᱮ ᱵᱮᱱᱟᱣ ᱮᱱᱟ᱾ ᱩᱱᱤᱭᱟᱜ ᱠᱷᱚᱸᱫᱽᱨᱚᱸᱫᱽ ᱨᱮᱭᱟᱜ ᱢᱩᱬ ᱴᱚᱴᱷᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱛᱤᱨᱞᱟᱹ ᱯᱟᱲᱦᱟᱣ, ᱛᱤᱨᱞᱟᱹ ᱚᱞ ᱠᱚ, ᱑᱙ ᱥᱟᱭᱟᱱᱟᱜ ᱤᱝᱞᱤᱥ ᱟᱨ ᱵᱟᱝᱞᱟ ᱥᱟᱶᱦᱮᱫ, ᱵᱟᱝᱞᱟ ᱨᱮ ᱯᱚᱡᱤᱴᱤᱵᱷᱤᱡᱤᱢ (Positivism) ᱨᱮᱭᱟᱜ ᱧᱟᱢ, ᱟᱭᱳ ᱦᱚᱯᱚᱱ ᱥᱟᱹᱜᱟᱹᱭ ᱟᱨ ᱥᱤᱧᱚᱛ ᱦᱟᱹᱴᱤᱧ᱾ ᱥᱟᱶ ᱛᱮ ᱥᱟᱯᱲᱟᱣᱤᱡ ᱥᱩᱵᱷᱳᱨᱚᱧᱡᱚᱱ ᱫᱟᱥᱜᱩᱯᱛᱟ ᱥᱟᱶ, ᱩᱱᱤ ᱫᱚ ᱦᱟᱹᱴᱤᱧ ᱚᱠᱛᱮ ᱟᱨ ᱛᱟᱭᱚᱢ ᱨᱮ ᱵᱟᱝᱞᱟ ᱛᱤᱨᱞᱟᱹ ᱠᱚᱣᱟᱜ ᱟᱠᱟᱞ ᱠᱚ ᱠᱷᱚᱸᱫᱽᱨᱚᱸᱫᱽ ᱟᱨ ᱥᱟᱜᱟᱲ ᱡᱟᱣᱨᱟ ᱠᱚ ᱨᱮᱱ ᱯᱩᱭᱞᱩ ᱯᱟᱹᱨᱩᱠᱷᱤᱭᱟᱹ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾
ᱩᱱᱤ ᱫᱚ ᱵᱟᱝᱞᱟ ᱛᱤᱨᱞᱟᱹ ᱚᱱᱚᱞᱤᱭᱟᱹ ᱨᱤᱯᱨᱤᱱᱴ ᱥᱤᱨᱤᱡᱽ ᱮ ᱮᱦᱚᱵ ᱠᱮᱫᱟ, ᱡᱟᱦᱟᱸ ᱫᱚ ᱡᱟᱫᱚᱵᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱛᱤᱨᱞᱟᱹ ᱯᱟᱲᱦᱟᱣ ᱟᱥᱲᱟ ᱦᱚᱛᱮᱛᱮ ᱥᱟᱯᱲᱟᱣ ᱦᱩᱭᱩᱜ ᱠᱟᱱᱟ᱾
ᱯᱨᱚᱯᱷᱮᱥᱚᱨ ᱥᱟᱡᱽᱱᱤ ᱢᱩᱠᱷᱟᱨᱡᱤ ᱟᱨ ᱥᱩᱯᱨᱤᱭᱟ ᱪᱚᱣᱫᱷᱩᱨᱤ, ᱱᱩᱠᱩ ᱫᱚ ᱩᱱᱤᱭᱟᱜ ᱜᱟᱛᱮ ᱟᱨ ᱱᱚᱣᱟ ᱵᱤᱵᱷᱟᱜᱽ ᱨᱮᱱ ᱜᱟᱶᱛᱟ ᱠᱟᱹᱢᱤᱭᱟᱹ ᱠᱤᱱ ᱛᱟᱦᱮᱸ ᱠᱟᱱᱟ, ᱒᱐᱐᱒ ᱨᱮ ᱩᱱᱤ ᱞᱟᱹᱜᱤᱫ ᱢᱤᱫ ᱧᱩᱛᱩᱢᱟᱱ ᱯᱷᱮᱥᱴᱥᱨᱤᱯᱷᱴ (Festschrift) ᱠᱤᱱ ᱥᱟᱯᱲᱟᱣ ᱠᱮᱫᱟ: ᱥᱟᱶᱦᱮᱫ ᱟᱨ ᱡᱟᱱᱟᱝ: ᱡᱚᱥᱚᱫᱷᱚᱨᱟ ᱵᱟᱜᱽᱪᱤ ᱞᱟᱹᱜᱤᱫ ᱯᱟᱨᱦᱟᱣ (Literature and Gender: Essays for Jasodhara Bagchi)᱾ ᱱᱚᱣᱟ ᱨᱮ ᱡᱟᱦᱟᱸᱭ ᱠᱚ ᱜᱚᱲᱚ ᱠᱚ ᱮᱢ ᱞᱮᱫᱟ ᱩᱱᱠᱩ ᱫᱚ ᱵᱟᱜᱽᱪᱤ ᱨᱮᱱ ᱢᱟᱱᱟᱣ ᱟᱠᱟᱫ ᱢᱟᱪᱮᱫ, ᱜᱟᱛᱮ, ᱢᱟᱨᱮ ᱯᱟᱹᱴᱷᱩᱣᱟᱹ ᱟᱨ ᱜᱟᱶᱛᱟ ᱠᱟᱹᱢᱤᱭᱟᱹ ᱠᱚ ᱛᱟᱦᱮᱸ ᱠᱟᱱᱟ, ᱡᱮᱞᱮᱠᱟ ᱯᱤᱴᱟᱨ ᱰᱨᱚᱱᱠᱮ (Peter Dronke), ᱠᱤᱴᱤ ᱥᱠᱟᱣᱞᱟᱨ ᱫᱟᱛᱟ (Kitty Scoular Datta), ᱦᱤᱢᱟᱱᱤ ᱵᱮᱱᱟᱨᱡᱤ (Himani Bannerji), ᱢᱟᱞᱤᱱᱤ ᱵᱷᱚᱴᱟᱪᱟᱨᱭᱟ (Malini Bhattacharya), ᱥᱤᱞᱟ ᱞᱟᱦᱤᱨᱤ ᱪᱚᱣᱫᱷᱩᱨᱤ (Sheila Lahiri Choudhury), ᱥᱩᱯᱨᱤᱭᱟ ᱪᱚᱣᱫᱷᱩᱨᱤ (Supriya Chaudhuri), ᱛᱟᱱᱤᱠᱟ ᱥᱚᱨᱠᱟᱨ (Tanika Sarkar), ᱵᱷᱟᱥᱣᱟᱛᱤ ᱪᱚᱠᱨᱚᱵᱚᱨᱛᱤ (Bhaswati Chakravorty), ᱟᱨ ᱟᱫᱤᱛᱤ ᱫᱟᱥᱜᱩᱯᱛᱟ (Aditi Dasgupta)᱾
ᱯᱨᱚᱯᱷᱮᱥᱚᱨ ᱵᱟᱜᱽᱪᱤ ᱫᱚ ᱜᱚᱡ ᱫᱷᱟᱹᱵᱤᱡ ᱤᱝᱞᱤᱥ ᱵᱤᱵᱷᱟᱜᱽ ᱨᱮ ᱥᱮᱢᱤᱱᱟᱨ ᱟᱨ ᱵᱷᱟᱥᱚᱱ ᱠᱚᱨᱮ ᱥᱮᱞᱮᱫ ᱛᱟᱦᱮᱸ ᱮᱱᱟ, ᱟᱨ ᱡᱤᱨᱟᱹᱣ ᱮᱱ ᱛᱟᱭᱚᱢ ᱠᱤᱪᱷᱩ ᱥᱮᱨᱢᱟ ᱫᱷᱟᱹᱵᱤᱡ ᱱᱚᱣᱟ ᱨᱮᱱ ᱵᱳᱨᱰ ᱳᱯᱷ ᱥᱴᱟᱰᱤᱡᱽ ᱨᱮᱱ ᱦᱚᱸ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ᱾ ᱠᱤᱪᱷᱩ ᱚᱠᱛᱚ ᱵᱷᱤᱛᱨᱤ ᱨᱮᱜᱮ, ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱟᱨ ᱟᱡ ᱨᱮᱱ ᱯᱟᱹᱴᱷᱩᱣᱟᱹ ᱠᱚ ᱞᱟᱹᱜᱤᱫ ᱟᱹᱰᱤ ᱜᱟᱱ ᱫᱩᱞᱟᱹᱲ ᱛᱟᱦᱮᱸ ᱠᱟᱱ ᱛᱟᱭᱟ ᱚᱱᱟ ᱞᱟᱹᱜᱤᱫ ᱩᱨᱩᱢ ᱮ ᱧᱟᱢ ᱠᱮᱫᱟ᱾ ᱠᱷᱚᱸᱫᱽᱨᱚᱸᱫᱽ ᱨᱮᱭᱟᱜ ᱠᱟᱞᱪᱟᱨ ᱵᱟᱲᱦᱟᱣ ᱜᱮ ᱡᱟᱫᱚᱵᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱤᱝᱞᱤᱥ ᱵᱤᱵᱷᱟᱜᱽ ᱨᱮ ᱩᱱᱤᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱜᱚᱲᱚ ᱢᱮᱱᱛᱮ ᱠᱚ ᱢᱟᱱᱟᱣᱟ᱾
᱒᱐᱑᱔ ᱨᱮ, ᱠᱚᱞᱠᱟᱛᱟ ᱵᱩᱠ ᱯᱷᱮᱭᱟᱨ (Kolkata Book Fair) ᱨᱮᱱ ᱥᱟᱯᱲᱟᱣᱤᱡ ᱠᱚ ᱟᱡᱟᱜ ᱯᱚᱛᱚᱵ, ᱯᱚᱨᱤᱡᱟᱭᱤ ᱱᱟᱨᱤ ᱳ ᱢᱟᱱᱵᱟᱫᱷᱤᱠᱟᱨ (Parijayee Nari O Manabadhikar) (ᱤᱸᱜᱽᱨᱟᱹᱡᱤ: Migrating Women and Human Rights) ᱨᱮᱭᱟᱜ ᱪᱷᱟᱯᱟ ᱵᱚᱸᱫᱽ ᱠᱮᱫᱟ, ᱪᱮᱫᱟᱜ ᱥᱮ ᱚᱱᱟ ᱫᱚ "ᱵᱟᱹᱲᱤᱡ" ᱜᱮ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱠᱟᱛᱷᱟ ᱟᱡ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱛᱤᱥᱛᱟ ᱵᱟᱜᱽᱪᱤ ᱞᱟᱹᱭ ᱠᱮᱫᱟ᱾
ᱡᱤᱨᱟᱹᱣ ᱮᱱ ᱛᱟᱭᱚᱢ, ᱩᱱᱤ ᱫᱚ ᱥᱤᱧᱚᱛ ᱨᱮ ᱟᱹᱰᱤ ᱜᱟᱱ ᱠᱚᱱᱯᱷᱮᱨᱮᱱᱥ ᱨᱮ ᱥᱮᱞᱮᱫ ᱮᱱᱟ ᱟᱨ ᱡᱟᱫᱚᱵᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱤᱝᱞᱤᱥ ᱵᱤᱵᱷᱟᱜᱽ ᱥᱟᱶ ᱥᱩᱨ ᱥᱩᱯᱩᱨ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱ ᱛᱟᱭᱟ᱾
ᱠᱟᱹᱢᱤᱭᱟᱹ (Activism)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱠᱚᱞᱠᱟᱛᱟ ᱨᱮ ᱥᱟᱪᱮᱛᱱᱟ ᱧᱩᱛᱩᱢᱟᱱ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱜᱟᱶᱛᱟ ᱨᱮᱱ ᱛᱷᱟᱯᱚᱱᱤᱭᱟᱹ ᱠᱚ ᱢᱩᱸᱫᱽ ᱨᱮ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱚᱠᱴᱚᱵᱚᱨ ᱒᱐᱐᱑ ᱠᱷᱚᱱ ᱮᱯᱨᱤᱞ ᱒᱐᱐᱘ ᱫᱷᱟᱹᱵᱤᱡ ᱯᱟᱪᱮ ᱵᱟᱝᱞᱟ ᱛᱤᱨᱞᱟᱹ ᱠᱚᱢᱤᱥᱚᱱ ᱨᱮᱱ ᱪᱮᱭᱟᱨᱯᱟᱨᱥᱚᱱ ᱦᱚᱸᱭ ᱛᱟᱦᱮᱸ ᱠᱟᱱᱟ᱾[᱒][᱓]
ᱵᱟᱜᱽᱪᱤ ᱫᱚ ᱒᱐᱑᱔ ᱨᱮᱭᱟᱜ ᱦᱚᱠ ᱠᱳᱞᱳᱨᱳᱵᱽ ᱦᱤᱞᱟᱹᱣᱱᱟ (Hok Kolorob movement) ᱨᱮ ᱜᱚᱲᱚᱭ ᱮᱢ ᱞᱮᱫᱟ, ᱡᱟᱫᱚᱵᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱦᱤᱞᱟᱹᱣᱱᱟ ("ᱵᱟᱝᱞᱟ ᱨᱮ ᱟᱹᱰᱤ ᱞᱮᱠᱟᱱ ᱨᱟᱦᱟ ᱛᱟᱦᱮᱸ ᱠᱚᱜ ᱢᱟ") ᱡᱟᱦᱟᱸ ᱫᱚ ᱡᱟᱫᱚᱵᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱤᱫ ᱠᱩᱲᱤ ᱯᱟᱹᱴᱷᱩᱣᱟᱹ ᱪᱮᱛᱟᱱ ᱨᱮ ᱵᱟᱹᱲᱤᱡ ᱠᱟᱹᱢᱤ ᱨᱮᱭᱟᱜ ᱴᱷᱤᱠ ᱟᱨ ᱩᱥᱟᱹᱨᱟ ᱛᱚᱞᱟᱥ ᱠᱚ ᱠᱷᱚᱡᱽ ᱠᱟᱱ ᱛᱟᱦᱮᱸᱫ᱾ ᱩᱱᱤ ᱫᱚ ᱰᱷᱟᱱᱛᱟᱞᱟ ᱨᱮ ᱠᱩᱲᱤ ᱠᱚ ᱵᱟᱹᱲᱤᱡ ᱠᱟᱹᱢᱤ ᱟᱨ ᱨᱮᱯ ᱨᱮᱭᱟᱜ ᱛᱚᱞᱟᱥ ᱦᱩᱭᱩᱜ ᱢᱟ ᱢᱮᱱᱛᱮ ᱯᱟᱪᱮ ᱵᱟᱝᱞᱟ ᱛᱤᱨᱞᱟᱹ ᱠᱚᱢᱤᱥᱚᱱ ᱯᱟᱦᱴᱟ ᱠᱷᱚᱱ ᱦᱚᱸᱭ ᱨᱚᱲ ᱨᱟᱠᱟᱵ ᱞᱮᱫᱟ᱾[᱔]
ᱩᱱᱤ ᱫᱚ ᱮᱢᱮᱨᱤᱴᱚᱥ ᱯᱨᱚᱯᱷᱮᱥᱚᱨ ᱠᱚᱣᱟᱜ ᱢᱚᱬᱮ ᱦᱚᱲ ᱜᱟᱫᱮᱞ ᱨᱮᱱ ᱦᱚᱸ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱠᱚ ᱯᱟᱪᱮ ᱵᱟᱝᱞᱟ ᱨᱮᱱ ᱜᱚᱵᱷᱚᱨᱱᱚᱨ ᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱪᱟᱱᱥᱮᱞᱚᱨ ᱠᱮᱥᱟᱨᱤ ᱱᱟᱛᱷ ᱛᱨᱤᱯᱟᱴᱷᱤ ᱥᱟᱶ ᱧᱟᱯᱟᱢ ᱠᱟᱛᱮ ᱱᱟᱦᱟᱜ ᱵᱷᱟᱭᱤᱥ-ᱪᱟᱱᱥᱮᱞᱚᱨ ᱵᱤᱨᱩᱫᱽ ᱨᱮ ᱠᱚ ᱵᱤᱨᱚᱫᱽ ᱞᱮᱫᱟ᱾
ᱜᱚᱡ ᱟᱨ ᱫᱟᱭᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱜᱽᱪᱤ ᱫᱚ ᱙ ᱡᱟᱱᱩᱣᱟᱨᱤ ᱒᱐᱑᱕ ᱥᱟᱹᱜᱟᱛ ᱵᱮᱲᱟ ᱨᱮᱭ ᱜᱚᱡ ᱮᱱᱟ, ᱩᱱ ᱡᱚᱠᱷᱟᱡ ᱩᱱᱤ ᱫᱚ ᱗᱗ ᱥᱮᱨᱢᱟ ᱩᱢᱮᱨ ᱨᱮᱭ ᱛᱟᱦᱮᱸ ᱠᱟᱱᱟ᱾
ᱯᱩᱱᱟᱨᱱᱟᱵᱟ (Punarnaba), ᱢᱤᱫ ᱜᱚᱲᱚ ᱮᱢᱚᱜ ᱜᱟᱶᱛᱟ ᱡᱟᱦᱟᱸ ᱵᱟᱜᱽᱪᱤ ᱥᱟᱶ ᱟᱹᱰᱤ ᱥᱩᱨ ᱥᱩᱯᱩᱨ ᱡᱩᱲᱟᱹᱭ ᱛᱟᱦᱮᱸ ᱠᱟᱱ ᱛᱟᱭᱟ, ᱒᱐᱑᱕ ᱠᱷᱚᱱ ᱜᱚᱴᱟ ᱥᱮᱨᱢᱟ ᱜᱮ ᱡᱚᱥᱚᱫᱷᱚᱨᱟ ᱵᱟᱜᱽᱪᱤ ᱩᱭᱦᱟᱹᱨ ᱠᱟᱹᱢᱤᱦᱚᱨᱟ ᱠᱚ ᱥᱟᱯᱲᱟᱣ ᱮᱫᱟ, ᱡᱟᱦᱟᱸ ᱨᱮ ᱵᱟᱜᱽᱪᱤ ᱩᱭᱦᱟᱹᱨ ᱛᱮ ᱵᱷᱟᱥᱚᱱ ᱦᱚᱸ ᱥᱮᱞᱮᱫ ᱛᱟᱦᱮᱸᱱᱟ᱾[᱕] ᱡᱚᱥᱚᱫᱷᱚᱨᱟ ᱵᱟᱜᱽᱪᱤ ᱩᱭᱦᱟᱹᱨ ᱦᱟᱨᱰᱥᱤᱯᱷ ᱯᱷᱚᱸᱰ (Jasodhara Bagchi Memorial Hardship Fund) ᱫᱚ ᱒᱐᱑᱙ ᱨᱮ ᱵᱟᱜᱽᱪᱤ ᱨᱮᱱ ᱜᱷᱟᱨᱚᱸᱡᱽ ᱦᱚᱲ ᱠᱚᱣᱟᱜ ᱜᱚᱲᱚ ᱛᱮ ᱡᱟᱫᱚᱵᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱤᱝᱞᱤᱥ ᱵᱤᱵᱷᱟᱜᱽ ᱨᱮ ᱵᱮᱨᱮᱫ ᱦᱩᱭ ᱞᱮᱱᱟ, ᱡᱟᱦᱟᱸ ᱫᱚ ᱵᱤᱵᱷᱟᱜᱽ ᱨᱮᱱ ᱯᱟᱹᱴᱷᱩᱣᱟᱹ ᱠᱚ ᱢᱩᱸᱫᱽ ᱨᱮ ᱦᱩᱭᱩᱜ ᱠᱟᱱ ᱦᱟᱨᱠᱮᱛ ᱠᱚᱨᱮ ᱜᱚᱲᱚ ᱮᱢ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ᱾[᱖]
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱠᱟᱹᱣᱰᱤ ᱟᱹᱨᱤ ᱯᱟᱹᱨᱩᱠᱷᱤᱭᱟᱹ (economist) ᱟᱢᱤᱭᱟ ᱠᱩᱢᱟᱨ ᱵᱟᱜᱽᱪᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ TNN (January 10, 2015). "Jashodhara Bagchi passes away". Times of India. Retrieved 12 July 2021.
- ↑ "West Bengal Commission of Women | » History".
- ↑ Das, Manjulika (2004). "Women's groups in India call on men to take more active role in contraception". BMJ. 329 (7464): 476.9. doi:10.1136/bmj.329.7464.476-h. PMC 515233. PMID 15331463. Retrieved 12 July 2021.
- ↑ "Dhantala incident: six women molested and raped, says WBWC". ZeeNews. Retrieved 12 July 2021.
- ↑ "Log In or Sign Up to View". www.facebook.com.
- ↑ "Abhijit Gupta". www.facebook.com. Retrieved 2019-02-03.