ᱡᱚᱥᱮᱵᱽ ᱢᱟᱨᱰᱤ
| ᱡᱚᱥᱮᱵᱽ ᱢᱟᱨᱰᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱙᱕᱐ (ᱟᱱᱩᱢᱟᱱᱤᱠ) ᱫᱚᱨᱜᱟᱯᱟᱲᱟ, ᱠᱟᱸᱠᱚᱱᱦᱟᱴ, ᱜᱚᱫᱟᱜᱟᱹᱲᱤ ᱩᱯᱚᱡᱮᱞᱟ, ᱨᱟᱡᱽᱥᱟᱦᱤ ᱦᱚᱱᱚᱛ, ᱵᱟᱝᱞᱟᱫᱮᱥ |
| ᱫᱤᱥᱚᱢᱤᱭᱟᱹ | ᱵᱟᱝᱞᱟᱫᱮᱥᱤ |
| ᱠᱟᱹᱢᱤ | ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱡ |
| ᱧᱩᱢᱱᱟᱢ | ᱑᱙᱗᱑ ᱵᱟᱝᱞᱟᱫᱮᱥ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱮᱱᱮᱢ |
| ᱦᱚᱯᱚᱱ | ᱒ |
ᱡᱚᱥᱮᱵᱽ ᱢᱟᱨᱰᱤ (English: Joseb Mardi) ᱫᱚ ᱵᱟᱝᱞᱟᱫᱮᱥ ᱨᱮᱱ ᱢᱤᱫ ᱥᱟᱱᱛᱟᱲ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱡ (ᱢᱩᱠᱛᱤ ᱡᱚᱫᱽᱫᱷᱟ) ᱠᱟᱱᱟᱭ᱾ ᱩᱱᱤ ᱫᱚ ᱑᱙᱗᱑ ᱵᱟᱝᱞᱟᱫᱮᱥ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱗ ᱱᱚᱢᱵᱚᱨ ᱥᱮᱠᱴᱚᱨ ᱨᱮᱭ ᱞᱟᱹᱲᱦᱟᱹᱭ ᱞᱮᱫᱟ᱾[᱑]
ᱯᱩᱭᱞᱩ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱥᱮᱵᱽ ᱢᱟᱨᱰᱤ ᱭᱟᱜ ᱡᱟᱱᱟᱢ ᱟᱹᱛᱩ ᱫᱚ ᱨᱟᱡᱽᱥᱟᱦᱤ ᱦᱚᱱᱚᱛ ᱨᱮᱱᱟᱜ ᱜᱚᱫᱟᱜᱟᱹᱲᱤ ᱩᱯᱚᱡᱮᱞᱟ ᱨᱮᱭᱟᱜ ᱠᱟᱸᱠᱚᱱᱦᱟᱴ ᱨᱮ ᱢᱮᱱᱟᱜ ᱫᱚᱨᱜᱟᱯᱟᱲᱟ ᱨᱮ ᱛᱟᱦᱮᱸ ᱠᱟᱱᱟ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱵᱟᱯᱞᱟ ᱠᱟᱛᱮ ᱛᱟᱱᱚᱨ ᱩᱯᱚᱡᱮᱞᱟ ᱨᱮᱱᱟᱜ ᱱᱚᱵᱚᱱᱚᱵᱤ ᱟᱹᱛᱩ ᱨᱮᱭ ᱜᱤᱨᱟᱹᱵᱟᱥ ᱮᱱᱟ᱾ ᱑᱙᱗᱑ ᱥᱮᱨᱢᱟ ᱨᱮ ᱩᱱᱤᱭᱟᱜ ᱩᱢᱮᱨ ᱫᱚ ᱑᱘-᱒᱐ ᱥᱮᱨᱢᱟ ᱛᱟᱦᱮᱸ ᱠᱟᱱᱟ᱾
ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱗᱑ ᱥᱮᱨᱢᱟ ᱨᱮ ᱛᱤᱱ ᱡᱚᱠᱷᱚᱡ ᱵᱟᱝᱞᱟᱫᱮᱥ ᱨᱮ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱮᱛᱚᱦᱚᱵ ᱮᱱᱟ, ᱩᱱ ᱡᱚᱠᱷᱚᱡ ᱡᱚᱥᱮᱵᱽ ᱢᱟᱨᱰᱤ ᱫᱚ ᱱᱟᱣᱟ ᱜᱮᱭ ᱵᱟᱯᱞᱟ ᱞᱮᱱ ᱛᱟᱦᱮᱸᱫ᱾ ᱫᱤᱥᱚᱢ ᱞᱟᱹᱜᱤᱫ ᱩᱱᱤ ᱚᱲᱟᱜ ᱫᱩᱣᱟᱹᱨ ᱵᱟᱹᱜᱤ ᱠᱟᱛᱮ ᱞᱟᱹᱲᱦᱟᱹᱭ ᱨᱮᱭ ᱥᱮᱞᱮᱫ ᱞᱮᱱᱟ᱾ ᱛᱟᱱᱚᱨ ᱨᱮᱱ ᱢᱩᱠᱛᱤᱡᱚᱫᱽᱫᱷᱟ ᱠᱚᱢᱟᱱᱰᱟᱨ ᱱᱩᱨᱩᱞ ᱤᱥᱞᱟᱢ ᱟᱜ ᱧᱮᱞ ᱡᱚᱛᱚᱱ ᱨᱮ ᱩᱱᱤ ᱫᱚ ᱢᱩᱠᱛᱤ ᱵᱟᱹᱦᱤᱱᱤ ᱨᱮ ᱧᱩᱛᱩᱢ ᱮ ᱚᱞ ᱚᱪᱚ ᱞᱮᱫᱟ᱾ ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱜᱚᱣᱲ ᱟᱨ ᱥᱤᱞᱤᱜᱩᱲᱤ ᱨᱮ ᱢᱤᱫ ᱪᱟᱸᱫᱚ ᱞᱟᱹᱲᱦᱟᱹᱭ ᱨᱮᱱᱟᱜ ᱴᱨᱮᱱᱤᱝ ᱮ ᱦᱟᱛᱟᱣ ᱞᱮᱫᱟ᱾ ᱩᱱᱤ ᱫᱚ ᱗ ᱱᱚᱢᱵᱚᱨ ᱥᱮᱠᱴᱚᱨ ᱨᱮ ᱞᱟᱹᱲᱦᱟᱹᱭ ᱞᱮᱫᱟᱭ, ᱡᱟᱦᱟᱸ ᱫᱚ ᱫᱤᱱᱟᱡᱽᱯᱩᱨ ᱦᱚᱱᱚᱛ, ᱵᱚᱜᱩᱲᱟ ᱦᱚᱱᱚᱛ, ᱨᱟᱡᱽᱥᱟᱦᱤ ᱦᱚᱱᱚᱛ ᱟᱨ ᱯᱟᱵᱽᱱᱟ ᱦᱚᱱᱚᱛ ᱨᱮᱱᱟᱜ ᱴᱚᱴᱷᱟ ᱠᱚ ᱤᱫᱤ ᱠᱟᱛᱮ ᱵᱮᱱᱟᱣ ᱞᱮᱱᱟ᱾[᱑] ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱜᱨᱮᱱᱮᱰ ᱨᱮᱱᱟᱜ ᱯᱤᱱ ᱰᱟᱴᱟ ᱛᱮ ᱚᱨ ᱚᱰᱚᱠ ᱛᱮ ᱩᱱᱤᱭᱟᱜ ᱥᱟᱢᱟᱝ ᱨᱮᱱᱟᱜ ᱵᱟᱨᱭᱟ ᱰᱟᱴᱟ ᱦᱚᱸ ᱧᱩᱨ ᱞᱮᱱ ᱛᱟᱭᱟ᱾ ᱑᱙᱗᱑ ᱥᱮᱨᱢᱟ ᱨᱮᱱᱟᱜ ᱑᱘ ᱱᱚᱵᱷᱮᱢᱵᱚᱨ ᱩᱱᱠᱩ ᱫᱚ ᱛᱟᱱᱚᱨ ᱛᱷᱟᱱᱟ ᱠᱚ ᱟᱠᱨᱚᱢᱚᱱ ᱞᱮᱫᱟ ᱟᱨ ᱵᱚᱱᱫᱤ ᱟᱠᱟᱱ ᱢᱩᱠᱛᱤ ᱡᱚᱫᱽᱫᱷᱟ ᱠᱚᱠᱚ ᱪᱷᱟᱰᱟᱣ ᱞᱮᱫ ᱠᱚᱣᱟ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱛᱚᱜ ᱫᱚ ᱩᱱᱤ ᱨᱟᱡᱽᱥᱟᱦᱤ ᱦᱚᱱᱚᱛ ᱨᱮᱱᱟᱜ ᱛᱟᱱᱚᱨ ᱩᱯᱚᱡᱮᱞᱟ ᱨᱮ ᱟᱡ ᱨᱮᱱ ᱜᱷᱟᱨᱚᱸᱡᱽ ᱥᱟᱶ ᱮ ᱛᱟᱦᱮᱸᱱ ᱠᱟᱱᱟ᱾ ᱟᱡ ᱨᱮᱱ ᱢᱤᱫ ᱠᱚᱲᱟ ᱟᱨ ᱢᱤᱫ ᱠᱩᱲᱤ ᱢᱮᱱᱟᱜ ᱠᱤᱱᱟ᱾ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱩᱱᱤ ᱫᱚ ᱢᱩᱠᱛᱤ ᱡᱚᱫᱽᱫᱷᱟ ᱵᱷᱟᱛᱟ ᱦᱚᱸᱭ ᱧᱟᱢᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 Alam, Khan Md. Rabiul (05 Dec 2025). "'দেশের পক্ষ নিয়েছি': সাঁওতাল মুক্তিযোদ্ধা জসেব মার্ডির দুঃসাহসিক যুদ্ধজীবন" (in Bengali). bdnews24.com. Retrieved 11 December 2025.
{{cite news}}: Check date values in:|date=(help)