ᱡᱚᱭᱚᱥᱨᱤ ᱱᱟᱭᱥᱟᱫᱷ ᱨᱟᱭᱡᱤ
ᱡᱚᱭᱚᱥᱨᱤ ᱱᱟᱭᱥᱟᱫᱷ ᱨᱟᱭᱡᱤ (᱑᱘᱙᱕–᱑᱙᱘᱕) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱠᱟᱹᱢᱤᱭᱟᱹ, ᱥᱟᱶᱛᱟ ᱠᱟᱹᱢᱤᱭᱟᱹ, ᱥᱩᱫᱷᱟᱹᱨᱤᱭᱟᱹ ᱟᱨ ᱨᱟᱡᱽᱟᱹᱨᱤᱭᱟᱹ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱵᱚᱢᱵᱮ ᱥᱚᱵᱚᱨᱵᱚᱱ ᱥᱤᱴ ᱠᱷᱚᱱ ᱑ ᱟᱱᱟᱜ ᱞᱳᱠ ᱥᱚᱵᱷᱟ ᱨᱮᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱭᱚᱥᱨᱤ ᱫᱚ ᱒᱖ ᱚᱠᱴᱚᱵᱚᱨ ᱑᱘᱙᱕ ᱨᱮ ᱥᱩᱨᱚᱛ ᱨᱮ ᱥᱟᱨ ᱢᱚᱱᱩᱵᱷᱟᱭ ᱢᱮᱦᱛᱟ ᱴᱷᱮᱱ ᱡᱟᱱᱟᱢ ᱞᱮᱱᱟ ᱟᱨ ᱟᱡᱟᱜ ᱪᱮᱛᱟᱱ ᱥᱴᱚᱰᱤ ᱞᱟᱹᱜᱤᱫ ᱵᱚᱲᱳᱫᱟ ᱠᱚᱞᱮᱡᱽ ᱮ ᱥᱮᱱ ᱞᱮᱱᱟ᱾[᱑]
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡᱟᱜ ᱥᱟᱶᱛᱟ ᱠᱟᱹᱢᱤ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱ ᱨᱟᱭᱡᱤ ᱫᱚ ᱑᱙᱑᱙ ᱨᱮ ᱵᱚᱢᱵᱮ ᱯᱨᱮᱥᱤᱰᱮᱱᱥᱤ ᱣᱤᱢᱮᱱᱥ ᱠᱟᱣᱩᱱᱥᱤᱞ ᱨᱮᱱ ᱪᱮᱭᱟᱨᱯᱟᱨᱥᱚᱱ ᱮ ᱵᱮᱱᱟᱣ ᱮᱱᱟ᱾ ᱵᱟᱝ-ᱜᱚᱲᱚ ᱦᱤᱞᱟᱹᱣ (᱑᱙᱓᱐) ᱚᱠᱛᱮ ᱩᱱᱤ ᱫᱚ ᱵᱟᱦᱨᱮ ᱫᱤᱥᱚᱢ ᱡᱤᱱᱤᱥ ᱠᱚ ᱟᱹᱠᱷᱨᱤᱧ ᱮᱫ ᱫᱩᱠᱟᱱ ᱠᱚ ᱵᱚᱸᱫᱽ ᱨᱮᱭ ᱦᱟᱹᱴᱤᱧ ᱮ ᱦᱟᱛᱟᱣ ᱠᱮᱫᱟ ᱟᱨ ᱵᱨᱤᱴᱤᱥ ᱟᱹᱭᱩᱨᱤᱭᱟᱹ ᱦᱚᱛᱮᱛᱮ ᱠᱩᱭᱤᱴ ᱤᱱᱰᱤᱭᱟ ᱢᱩᱵᱷᱢᱮᱱᱴ (᱑᱙᱔᱒) ᱚᱠᱛᱮ ᱛᱩᱨᱩᱭ ᱪᱟᱸᱫᱳ ᱞᱟᱹᱜᱤᱫ ᱠᱟᱨᱟᱜᱟᱨ ᱨᱮ ᱠᱚ ᱵᱚᱸᱫᱽ ᱠᱮᱫᱮᱭᱟ᱾ ᱥᱣᱟᱫᱮᱥᱷᱤ ᱡᱤᱱᱤᱥ ᱠᱚ ᱦᱟᱛᱟᱣ ᱨᱮ ᱯᱨᱮᱨᱚᱱᱟ ᱮᱢ ᱞᱟᱹᱜᱤᱫ ᱩᱱᱤ ᱫᱚ ᱮᱠᱥᱤᱵᱤᱥᱚᱱ ᱥᱟᱯᱲᱟᱣ ᱨᱮᱭ ᱜᱚᱲᱚ ᱠᱮᱫᱟ ᱟᱨ ᱛᱤᱨᱞᱟᱹ ᱠᱚᱣᱟᱜ ᱠᱳ-ᱚᱯᱟᱨᱮᱴᱤᱵᱽ ᱥᱴᱳᱨ ᱮ ᱵᱮᱱᱟᱣ ᱠᱮᱫᱟ᱾
ᱥᱤᱧᱚᱛ ᱯᱷᱩᱨᱜᱟᱹᱞ ᱮ ᱧᱟᱢ ᱠᱮᱫ ᱛᱟᱭᱚᱢ ᱩᱱᱤ ᱫᱚ ᱵᱚᱢᱵᱮ ᱥᱚᱵᱚᱨᱵᱚᱱ ᱠᱚᱱᱥᱴᱤᱴᱭᱩᱮᱱᱥᱤ ᱠᱷᱚᱱ ᱯᱩᱭᱞᱩ ᱡᱮᱱᱮᱨᱟᱞ ᱤᱞᱮᱠᱥᱚᱱ ᱨᱮᱭ ᱦᱟᱹᱴᱤᱧ ᱠᱮᱫᱟ ᱟᱨ ᱑ ᱟᱱᱟᱜ ᱞᱳᱠ ᱥᱚᱵᱷᱟ ᱨᱮᱱ ᱥᱚᱦᱮᱫ ᱮ ᱵᱮᱱᱟᱣ ᱮᱱᱟ᱾ ᱩᱱᱤ ᱫᱚ ᱜᱤᱫᱽᱨᱟᱹ ᱠᱚᱣᱟᱜ ᱠᱚᱞᱭᱟᱱ ᱞᱟᱹᱜᱤᱫ ᱤᱱᱰᱤᱭᱟᱱ ᱠᱟᱣᱩᱱᱥᱤᱞ ᱨᱮᱱ ᱵᱩᱱᱤᱭᱟᱹᱫᱤᱭᱟᱹ ᱥᱚᱦᱮᱫ ᱠᱷᱚᱱ ᱢᱤᱫᱴᱟᱹᱝ ᱮ ᱛᱟᱦᱮᱸ ᱠᱟᱱᱟ᱾ ᱑᱙᱘᱐ ᱨᱮ ᱩᱱᱤ ᱫᱚ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚᱣᱟᱜ ᱩᱛᱱᱟᱹᱣ ᱟᱨ ᱠᱚᱞᱭᱟᱱ ᱞᱟᱹᱜᱤᱫ ᱡᱚᱢᱱᱟᱞᱟᱞ ᱵᱟᱡᱟᱡ ᱮᱣᱟᱨᱰ ᱠᱚ ᱮᱢᱟᱫᱮᱭᱟ᱾[᱒]
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱑᱘ ᱨᱮ ᱮᱱ. ᱮᱢ. ᱨᱟᱭᱡᱤ ᱥᱟᱶᱛᱮ ᱵᱟᱯᱞᱟ ᱞᱮᱱᱟ ᱟᱨ ᱩᱱᱤ ᱴᱷᱮᱱ ᱠᱷᱚᱱ ᱯᱩᱱᱭᱟᱹ ᱜᱤᱫᱽᱨᱟᱹ ᱠᱚ ᱦᱩᱭ ᱞᱮᱱ ᱛᱟᱭᱟ᱾ ᱩᱱᱤ ᱫᱚ ᱑᱙᱘᱕ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Members Bioprofile: Raiji, Shrimati Jayashri". Lok Sabha. Retrieved 26 November 2017.
- ↑ "Smt. Jayashri Raiji". Jamnalal Bajaj Foundation. Retrieved 26 November 2017.
- ↑ Mankekar, Kamla (2002). Women Pioneers in India's Renaissance, as I Remember her: Contributions from Eminent women of present-day India. National Book Trust, India. p. ix. ISBN 978-81-237-3766-9.