ᱡᱚᱭᱯᱟᱞ ᱥᱤᱝ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
joypal
ᱧᱩᱛᱩᱢ ᱡᱚᱭᱯᱟᱞ ᱥᱤᱝ ᱢᱩᱱᱰᱟ
ᱡᱟᱱᱟᱢ_ᱢᱟᱹᱦᱤᱛ ᱑᱙᱐᱓/᱐1/᱐᱓
ᱡᱟᱱᱟᱢ_ᱴᱷᱟᱶ ᱴᱟᱠᱨᱟ ᱯᱟᱦᱟᱱᱴᱚᱞᱤ,
ᱨᱟᱺᱪᱤ, ᱡᱷᱟᱨᱠᱷᱚᱸᱰ, ᱥᱤᱧᱚᱛ [᱑]
ᱜᱩᱨ_ᱢᱟᱹᱦᱤᱛ ᱑᱙᱗᱐/᱐᱓/2᱐
ᱜᱩᱨ_ᱴᱷᱟᱶ ᱫᱤᱞᱞᱤ, ᱥᱤᱧᱚᱛ
ᱴᱷᱟᱶ Field hockey, Formations,Defender
ᱠᱞᱚᱵᱽ ᱑ Wimbledon Hockey Club
ᱮᱴᱟᱜ ᱧᱩᱛᱩᱢ ᱢᱟᱨᱟᱝ ᱜᱚᱢᱠᱮ

ᱡᱚᱭᱯᱟᱞ ᱥᱤᱝ

ᱡᱟᱱᱟᱢ :- ᱡᱚᱭᱯᱟᱞ ᱥᱤᱝ ᱫᱚ ᱵᱤᱦᱟᱨ ᱯᱚᱱᱚᱛ ᱴᱟᱠᱨᱟ ᱟ.ᱛᱩᱨᱮ ᱓. ᱓. ᱑᱙᱐᱓ ᱥᱟᱞᱮᱨᱮ ᱡᱟᱱᱟᱢ ᱞᱮᱱᱟ ᱾ ᱟᱡᱤᱡ ᱡᱟᱱᱟᱢ ᱵᱟᱵᱟ ᱫᱚ ᱚᱱᱟ ᱫᱤᱜᱽᱵᱷᱟᱜᱽ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱦᱚᱲ ᱜᱮᱭ ᱛᱟᱦᱮᱸ ᱠᱟᱱᱟ ᱾

ᱚᱞᱚᱜ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱑᱐ ᱥᱟᱞᱮᱨᱮ ᱚᱞᱚᱜ ᱟᱥᱲᱟ ᱥᱮᱱᱚᱜ ᱫᱚᱭ ᱮᱛᱚᱦᱚᱵ ᱠᱮᱜᱼᱟ ᱾ ᱚᱞᱚᱜ ᱞᱟ.ᱜᱤᱫ ᱫᱚ ᱨᱟᱧᱪᱤ ᱡᱤᱞᱞᱟ ᱥᱮᱸᱴᱯᱟᱞ ᱟᱥᱲᱟᱭ ᱥᱮᱱ ᱮᱱᱟ ᱾ ᱚᱱᱟ ᱟᱥᱲᱟ ᱨᱮ ᱟ.ᱰᱤ ᱱᱟᱯᱟᱭ ᱛᱮᱜᱮ ᱯᱟᱲᱦᱟᱣ ᱠᱟᱛᱮ ᱑᱙᱑᱙ ᱥᱟᱞᱮᱨᱮ ᱚᱸᱰᱮ ᱚᱞᱚᱜ ᱫᱚᱭ ᱥᱟ.ᱛ ᱠᱮᱜᱼᱟ ᱾ ᱚᱞᱚᱜ ᱨᱮ ᱟ.ᱰᱤ ᱱᱟᱯᱟᱭ ᱜᱮ ᱚᱨᱡᱚᱭ ᱧᱟᱢ ᱠᱮᱫ ᱠᱷᱟ.ᱛᱤᱨ ᱥᱮᱸᱴᱯᱟᱞ ᱟᱥᱲᱟ ᱨᱤᱱᱤᱡ ᱯᱨᱤᱸᱥᱯᱟᱞ ᱢᱟ.ᱱ ᱠᱟᱱᱟᱱ ᱠᱨᱟᱱ ᱜᱨᱟᱵᱽ ᱑᱙᱑᱙ ᱥᱟᱞᱮᱨᱮ ᱪᱮᱛᱟᱱ ᱚᱞᱚᱜ ᱞᱟ.ᱜᱤᱫ ᱛᱮ ᱤᱸᱜᱽᱞᱚᱸᱰ ᱮ ᱠᱩᱞ ᱠᱮᱫᱮᱭᱟ ᱾

ᱤᱸᱜᱽᱞᱚᱸᱰ ᱨᱮ ᱚᱞᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱭᱯᱟᱞ ᱥᱤᱝ ᱫᱚ ᱨᱟᱧᱪᱤ ᱡᱤᱞᱞᱟ ᱥᱮᱸᱴᱯᱟᱞ ᱟᱥᱲᱟ ᱨᱮ ᱚᱞᱚᱜ ᱥᱟ.ᱛ ᱠᱟᱛᱮ ᱪᱮᱛᱟᱱ ᱚᱞᱚᱜ ᱞᱟ.ᱜᱤᱫ ᱤᱸᱜᱽᱞᱚᱸᱰ ᱚᱞᱚᱜ ᱮ ᱥᱮᱱ ᱮᱱᱟ ᱾ ᱚᱸᱰᱮ ᱦᱚᱸ ᱟ.ᱰᱤ ᱱᱟᱯᱟᱭ ᱜᱮᱭ ᱚᱞ ᱯᱟᱲᱦᱟᱣᱜ ᱠᱟᱱ ᱛᱟᱦᱮᱸᱫ ᱾ ᱟᱡᱟᱜ ᱱᱟᱯᱟᱭ ᱚᱞ ᱯᱟᱲᱦᱟᱣ ᱠᱷᱟ.ᱛᱤᱨ ᱨᱩᱥᱛᱟᱱ ᱥᱠᱚᱞᱟᱨᱥᱤᱯ ᱦᱚᱸᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾

ᱠᱷᱮᱞᱚᱸᱰ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱞᱚᱜ ᱯᱟᱲᱦᱟᱣ ᱨᱮ ᱡᱮᱢᱚᱱ ᱯᱟ.ᱨᱩᱠᱷᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱪᱤᱸᱰᱩ ᱮᱱᱮᱡ, ᱠᱤᱨᱠᱮᱴ ᱮᱱᱮᱡ ᱥᱟᱶᱛᱮ ᱦᱚᱠᱤ ᱮᱱᱮᱡ ᱨᱮᱦᱚᱸ ᱛᱮᱢᱚᱱ ᱜᱮ ᱨᱩᱥᱤᱠᱟᱭ ᱛᱟᱦᱮᱸ ᱠᱟᱱᱟ ᱾ ᱵᱤᱨᱫᱟ.ᱜᱟᱲ ᱨᱮ ᱯᱟᱲᱦᱟᱣᱜ ᱚᱠᱛᱚ ᱦᱚᱠᱤ ᱮᱱᱮᱡ ᱨᱮ ᱫᱟᱣ ᱦᱚᱸᱭ ᱧᱟᱢ ᱞᱮᱜᱼᱟ ᱾ ᱚᱱᱟ ᱥᱟᱶᱛᱮ ᱦᱚᱠᱤ ᱮᱱᱮᱡ ᱨᱤᱱᱤᱡ ᱢᱩᱲᱩᱛᱟᱱ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱦᱚᱠᱤ ᱠᱷᱮᱞᱚᱸᱰ ᱨᱮᱫᱚ ᱟ.ᱰᱤ ᱱᱟᱯᱟᱭ ᱧᱩᱛᱩᱢ ᱮ ᱟᱨᱡᱟᱣ ᱞᱮᱜᱼᱟ ᱾

ᱵᱤᱞᱟ.ᱛ ᱠᱷᱚᱱ ᱡᱚᱭᱯᱟᱞ ᱥᱤᱝ ᱮᱢ. ᱮ. ᱥᱟ.ᱛ ᱠᱟᱛᱮ ᱵᱤᱦᱟᱨ ᱯᱚᱱᱚᱛ ᱛᱮᱭ ᱨᱩᱣᱟ.ᱲ ᱦᱮᱡ ᱮᱱᱟ ᱾ ᱑᱙᱒᱘ ᱥᱟᱞᱧᱮ ᱡᱚᱭᱯᱟᱞ ᱥᱤᱝ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱦᱚᱠᱤ ᱠᱷᱮᱞᱚᱸᱰ ᱨᱮ ᱢᱩᱲᱩᱛᱟᱱ ᱞᱮᱠᱟ ᱛᱮᱠᱚ ᱠᱷᱚᱸᱡᱟ ᱠᱟᱫᱮᱭᱟ ᱾ ᱢᱩᱲᱩᱛᱟᱱ ᱛᱟᱦᱮᱸ ᱠᱟᱱ ᱚᱠᱛᱚ ᱚᱢᱚᱥᱛᱚᱨ ᱰᱟᱞᱢ ᱚᱞᱤᱢᱯᱤᱠ ᱮᱱᱮᱡ ᱨᱮ ᱵᱷᱟᱨᱚᱛᱤᱭᱟ. ᱦᱚᱠᱤ ᱴᱤᱢ ᱡᱚᱛᱚ ᱠᱷᱚᱱ ᱥᱚᱨᱮᱥ ᱞᱮᱱ ᱛᱟᱦᱮᱸᱱ ᱾ ᱩᱱᱠᱷᱚᱱ ᱜᱮ ᱡᱚᱭᱯᱟᱞ ᱥᱤᱝ ᱫᱚ ᱫᱷᱟ.ᱨᱛᱤ ᱨᱮ ᱢᱤᱫ ᱢᱟᱨᱟᱝ ᱠᱷᱮᱞᱚᱸᱰᱤᱭᱟ.ᱞᱮᱠᱟᱛᱮᱭ ᱧᱩᱛᱩᱢ ᱞᱮᱱ ᱛᱟᱦᱮᱸᱱ ᱾

ᱠᱟ.ᱢᱤᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱓᱖ ᱥᱟᱞᱮᱨᱮ ᱟ.ᱫᱤᱵᱟ.ᱥᱤ ᱢᱚᱦᱟᱥᱚᱵᱷᱟᱨᱮ ᱥᱮᱞᱮᱫ ᱠᱟᱛᱮ ᱛᱤᱱᱟ.ᱝ ᱫᱤᱱ ᱜᱟᱱ ᱫᱚ ᱚᱱᱟ ᱥᱚᱵᱷᱟ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱢᱚᱦᱟᱥᱚᱵᱷᱟ ᱨᱮᱱᱟᱜ ᱠᱟ.ᱢᱤ ᱠᱚᱦᱚᱸ ᱟ.ᱰᱤ ᱱᱟᱯᱟᱭ ᱛᱮᱭ ᱛᱚᱨᱟᱣ ᱞᱮᱜᱼᱟ ᱾ ᱛᱤᱱᱟ.ᱝ ᱫᱤᱱ ᱛᱟᱭᱚᱢ ᱑᱙᱕᱐ ᱥᱟᱞᱮᱨᱮ ᱟ.ᱫᱤᱵᱟ.ᱥᱤ ᱢᱚᱦᱟᱥᱚᱵᱷᱟ ᱠᱷᱚᱱ ᱡᱷᱟᱨᱠᱚᱸᱰ ᱯᱟ.ᱨᱥᱤ ᱢᱮᱱᱛᱮ ᱠᱤᱱ ᱧᱩᱛᱩᱢ ᱠᱮᱜᱼᱟ ᱾ ᱚᱱᱟ ᱨᱮᱦᱚᱸ ᱟᱡ ᱜᱮ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱕᱒ ᱥᱟᱞᱮᱨᱮ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱮᱛᱚᱦᱚᱵ ᱥᱟᱱᱟᱞᱟ ᱨᱮ ᱡᱷᱟᱨᱠᱚᱸᱰ ᱯᱟ.ᱨᱥᱤ ᱯᱟᱦᱴᱟ ᱠᱷᱚᱱ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱛᱮ ᱓᱒ ᱦᱚᱲ ᱮᱢ. ᱮᱞ. ᱮ ᱞᱮᱠᱟᱛᱮ ᱡᱤᱛᱠᱟ.ᱨ ᱠᱟᱛᱮᱭ ᱠᱩᱞ ᱠᱮᱫ ᱠᱚᱣᱟ ᱾ ᱡᱟᱭᱯᱟᱞ ᱥᱤᱝ ᱦᱚᱸ ᱫᱤᱞᱞᱤ ᱥᱚᱢᱵᱤᱫᱷᱟᱱ ᱨᱮ ᱮᱢ. ᱯᱤ. ᱞᱮᱠᱟᱛᱮ ᱴᱷᱟᱶ ᱮ ᱧᱟᱢ ᱠᱮᱜᱼᱟ ᱾

ᱛᱤᱱᱟ.ᱝ ᱜᱟᱱ ᱫᱚ ᱵᱚᱨᱢᱟᱭᱤᱞ ᱥᱩᱱᱩᱢ ᱠᱚᱢᱯᱟ.ᱱᱤ ᱨᱮ ᱦᱚᱸᱭ ᱪᱟ.ᱠᱨᱤ ᱞᱮᱜᱼᱟ ᱾ ᱵᱤᱠᱟᱱᱤ ᱨᱮ ᱯᱨᱤᱸᱥᱯᱟᱞ ᱪᱟ.ᱠᱨᱤ ᱦᱚᱸᱭ ᱪᱟ.ᱠᱨᱤ ᱞᱮᱜᱼᱟ ᱾ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱥᱚᱢᱵᱤᱫᱷᱟᱱ ᱯᱚᱨᱤᱥᱚᱫᱽ ᱨᱮᱦᱚᱸ ᱥᱚᱦᱮᱛ ᱞᱮᱠᱟ ᱛᱮᱭ ᱛᱟᱦᱮᱸ ᱠᱟᱱᱟ ᱾ ᱑᱙᱖᱓ ᱥᱟᱞᱮᱨᱮ ᱡᱷᱟᱨᱠᱚᱸᱰ ᱯᱟ.ᱨᱥᱤ ᱫᱚ ᱡᱚᱭᱯᱟᱞ ᱥᱤᱝ ᱠᱚᱸᱜᱽᱨᱮᱥ ᱯᱟᱴᱤ ᱥᱟᱶ ᱮ ᱢᱮᱥᱟ ᱠᱟᱫᱼᱟ ᱾ ᱤᱠᱷᱟ.ᱱ ᱢᱚᱱᱮ ᱡᱤᱣᱤ ᱛᱟᱭ ᱫᱚ ᱵᱟᱝ ᱢᱮᱥᱟ ᱞᱮᱱᱟ ᱾ ᱪᱮᱫᱟᱜ ᱥᱮ ᱠᱚᱸᱜᱨᱮᱥ ᱯᱟᱴᱤ ᱨᱮᱫᱚ ᱮᱠᱷᱮᱱ ᱫᱤᱠᱩ ᱠᱚ ᱛᱟᱦᱮᱸ ᱠᱟᱱᱟ ᱾ ᱛᱚᱵᱮ ᱱᱚᱶᱟ ᱢᱮᱥᱟ ᱠᱟᱜ ᱨᱮᱭᱟᱜ ᱢᱩᱬᱩᱛ ᱮᱛᱮᱫ ᱦᱚᱸ ᱢᱮᱱᱟᱜ ᱜᱮᱭᱟ ᱾

ᱡᱚᱭᱯᱟᱞ ᱥᱤᱝ ᱫᱚ ᱚᱞ ᱜᱩᱨᱩ ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱠᱷᱚᱱ ᱫᱚ ᱵᱟᱨ ᱥᱮᱨᱢᱟᱭ ᱦᱩᱰᱤᱧ ᱜᱮᱭᱟ ᱾ ᱚᱞ ᱪᱤᱠᱤ ᱪᱮᱛᱟᱱ ᱨᱮᱦᱚᱸ ᱡᱚᱭᱯᱟᱞ ᱥᱤᱝ ᱟᱜ ᱫᱚ ᱟ.ᱰᱤ ᱜᱮ ᱫᱩᱞᱟ.ᱲ ᱛᱟᱦᱮᱸ ᱠᱟᱱᱟ ᱾ ᱪᱮᱫᱟᱜ ᱥᱮ ᱡᱚᱭᱯᱟᱞ ᱥᱤᱝ ᱫᱚ ᱯᱮ ᱴᱟᱲᱟᱝ ᱨᱮᱜᱮ ᱚᱞ ᱪᱤᱠᱤ ᱫᱚᱭ ᱪᱮᱫ ᱥᱟ.ᱛ ᱞᱮᱜᱼᱟ ᱾ ᱡᱚᱭᱯᱟᱞ ᱥᱤᱝ ᱜᱮ ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱚᱞ ᱜᱩᱨᱩ ᱢᱮᱱᱛᱮᱭ ᱧᱩᱢ ᱦᱟᱞᱟᱝ ᱞᱮᱫᱮᱭᱟ ᱾ ᱱᱩᱭ ᱡᱟᱦᱟᱸ ᱨᱮᱜᱮ ᱟᱨᱵᱟᱝ ᱢᱤᱫᱩᱱ ᱟᱠᱷᱲᱟ ᱠᱚᱨᱮᱭ ᱢᱮᱱ ᱟ.ᱜᱩ ᱟᱠᱟᱜᱼᱟ, ᱟᱵᱚ ᱡᱮᱛᱮ ᱦᱟᱱᱛᱟᱲ, ᱞᱟᱲᱠᱟ, ᱢᱩᱸᱰᱟ., ᱟᱨᱵᱟᱝ ᱵᱤᱨᱦᱚᱲ ᱡᱚᱛᱚ ᱟ.ᱫᱤᱵᱟ.ᱥᱤ ᱠᱚ ᱡᱩᱢᱤᱫᱽ ᱛᱟᱦᱮᱸ ᱦᱩᱭ ᱟᱵᱚᱱᱟ ᱾ ᱟᱨ ᱚᱞ ᱪᱤᱠᱤ ᱦᱚᱸ ᱢᱟᱱᱟᱣ ᱟᱨ ᱵᱟᱛᱟᱣ ᱦᱩᱭ ᱟᱵᱚᱱᱟ ᱾ ᱥᱚᱨᱠᱟᱨ ᱮ ᱦᱟᱛᱟᱣ ᱟᱨ ᱵᱟᱭ ᱦᱟᱛᱟᱣ ᱤᱠᱷᱟ.ᱱ ᱚᱱᱟ ᱢᱟᱬᱟᱝ ᱨᱮ ᱟᱵᱚ ᱢᱟᱬᱟᱝ ᱵᱟᱛᱟᱣ ᱦᱟᱛᱟᱣ ᱦᱩᱭ ᱟᱵᱚᱱᱟ ᱾ ᱚᱱᱟ ᱥᱟᱶᱛᱮ ᱱᱚᱶᱟ ᱦᱚᱸᱭ ᱢᱮᱱ ᱦᱚᱴᱚ ᱞᱮᱜᱼᱟ, " ᱠᱷᱟ.ᱞᱤ ᱱᱤᱱᱟ.ᱝ ᱥᱩᱢᱩᱝ ᱛᱮᱫᱚ ᱵᱟᱝ ᱜᱟᱱᱚᱜᱼᱟ, ᱡᱟᱦᱟᱸ ᱛᱤᱱ ᱵᱷᱩᱨ ᱟᱵᱚ ᱚᱞ ᱪᱤᱠᱤ ᱛᱮ ᱵᱟᱵᱚ ᱚᱞᱼᱛᱚᱞ ᱟᱠᱟᱱᱟ ᱩᱱ ᱵᱷᱩᱨ ᱫᱚ ᱱᱚᱶᱟ ᱫᱤᱥᱚᱢ ᱨᱮ ᱦᱚᱲ ᱢᱮᱱᱛᱮ ᱦᱚᱲ ᱵᱟᱵᱚ ᱞᱮᱠᱷᱟᱜᱼᱟ ᱥᱮ ᱵᱟᱠᱚ ᱢᱟᱱᱟᱣ ᱵᱟᱛᱟᱣ ᱵᱚᱱᱟ ᱾ ᱪᱮᱫᱟᱜ ᱥᱮ ᱚᱞᱼᱛᱚᱞ ᱟᱨ ᱚᱞ ᱨᱚᱲ ᱵᱟᱝ ᱠᱷᱟᱱ ᱚᱠᱟ ᱡᱟ.ᱛᱤ ᱦᱚᱸ ᱛᱤᱥ ᱨᱮᱦᱚᱸ ᱵᱟᱝ ᱛᱤᱸᱜᱩ ᱠᱮᱴᱮᱡ ᱠᱚᱜᱼᱟ ᱾ " ᱥᱟᱶᱛᱟ ᱞᱟ.ᱜᱤᱫ ᱱᱩᱱᱟ.ᱝ ᱫᱩᱞᱟ.ᱲ ᱛᱟᱦᱮᱸ ᱠᱟᱱ ᱛᱟ.ᱠᱤᱱᱟ ᱾ ᱥᱟᱶᱛᱟ ᱩᱛᱱᱟ.ᱣ, ᱡᱟ.ᱛᱤ ᱫᱷᱚᱨᱚᱢ ᱩᱛᱱᱟ.ᱣ, ᱟᱨ ᱵᱟᱝ ᱫᱤᱥᱚᱢ ᱩᱛᱱᱟ.ᱣ ᱠᱟ.ᱢᱤ ᱨᱮᱜᱮ ᱠᱤᱱ ᱦᱟᱲᱟᱢ ᱪᱟᱵᱟ ᱞᱮᱱᱟ ᱾

ᱵᱚᱸᱜᱟ ᱫᱤᱥᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱫᱤᱥᱚᱢ ᱟ.ᱯᱱᱟ.ᱛ ᱠᱟᱛᱮ ᱒᱒ ᱥᱮᱨᱢᱟ ᱛᱟᱭᱚᱢ ᱠᱷᱟᱱ ᱜᱮ ᱢᱟ.ᱱ ᱡᱚᱭᱯᱟᱞ ᱥᱤᱝ ᱛᱤᱠᱤᱱ ᱫᱚ ᱢᱟ. ᱒᱐. ᱓. ᱑᱙᱗᱐ ᱥᱟᱞᱮᱨᱮ ᱟᱵᱚ ᱥᱟᱢᱟᱝ ᱠᱷᱚᱱ ᱫᱚᱠᱤᱱ ᱥᱮᱨᱢᱟ ᱫᱤᱥᱚᱢ ᱟᱨᱵᱟᱝ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱟᱡ ᱜᱮᱥᱮᱭ ᱵᱚᱸᱜᱟ ᱫᱤᱥᱚᱢ ᱮᱱᱟ, ᱤᱠᱷᱟ.ᱱ ᱟᱡᱟᱜ ᱠᱩᱨᱩᱢᱩᱴᱩ ᱟ.ᱰᱤ ᱜᱟᱱ ᱠᱟ.ᱢᱤᱭ ᱛᱤᱸᱜᱩ ᱠᱮᱴᱮᱡ ᱦᱚᱴᱚ ᱠᱟᱫᱼᱟ ᱾ ᱡᱚᱭᱯᱟᱞ ᱥᱤᱝ ᱟᱵᱚ ᱠᱚ ᱥᱟᱢᱟᱝ ᱨᱮ ᱵᱟ.ᱱᱩᱜ ᱮ ᱨᱮᱦᱚᱸ ᱟᱵᱚ ᱠᱚ ᱥᱟᱢᱟᱝ ᱨᱮ ᱡᱷᱟᱞᱠᱟᱣᱜ ᱠᱟᱱ ᱡᱟ.ᱛᱤ ᱥᱟᱶᱛᱟ ᱨᱮᱜᱮ ᱟᱡ ᱦᱚᱸᱭ ᱡᱷᱟᱞᱠᱟᱣᱜ ᱠᱟᱱᱟ ᱾ ᱚᱱᱟᱛᱮ ᱱᱚᱶᱟ ᱫᱷᱟ.ᱨᱛᱤ ᱛᱟᱦᱮᱸᱱ ᱵᱷᱩᱨ ᱟᱡ ᱦᱚᱸ ᱱᱚᱶᱟ ᱡᱟ.ᱛᱤ ᱥᱟᱶᱛᱟ ᱫᱚ ᱵᱟᱭ ᱦᱤᱲᱤᱧ ᱫᱟᱲᱮ ᱟᱭᱟ ᱾

ᱵᱟᱨᱦᱮ ᱡᱚᱲᱟᱣᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. http://www.open.ac.uk/researchprojects/makingbritain/content/jaipal-singh