Jump to content

ᱡᱚᱱᱰᱤᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱡᱚᱱᱰᱤᱥ
ᱮᱴᱟᱜ ᱧᱩᱛᱩᱢ ᱠᱚᱤᱠᱴᱮᱨᱟᱥ[᱑]
ᱯᱮᱱᱠᱨᱤᱭᱟᱴᱤᱠ ᱠᱮᱱᱥᱚᱨ ᱠᱷᱟᱹᱛᱤᱨ ᱦᱟᱨᱛᱟ ᱨᱮ ᱦᱩᱭ ᱟᱠᱟᱱ ᱡᱚᱱᱰᱤᱥ
ᱨᱟᱹᱲ
ᱵᱤᱥᱮᱥᱚᱛᱛᱚᱜᱟᱥᱴᱨᱳᱮᱱᱴᱮᱨᱳᱞᱳᱡᱤ, ᱦᱮᱯᱟᱴᱳᱞᱳᱡᱤ, ᱥᱮᱱᱮᱨᱟᱞ ᱥᱟᱨᱡᱟᱨᱤ
ᱞᱚᱠᱠᱷᱚᱱᱦᱟᱨᱛᱟ ᱟᱨ ᱢᱮᱫ ᱥᱟᱥᱟᱝ ᱨᱚᱝ ᱦᱩᱭᱩᱜ, ᱵᱟᱵᱟ[᱒][᱓]
ᱚᱡᱮᱵᱤᱞᱤᱨᱩᱵᱤᱱ ᱰᱷᱮᱨᱚᱜ[᱓]
ᱨᱤᱥᱠ ᱯᱷᱮᱠᱴᱚᱨᱯᱮᱱᱠᱨᱤᱭᱟᱴᱤᱠ ᱠᱮᱱᱥᱚᱨ, ᱯᱮᱱᱠᱨᱤᱭᱟᱴᱟᱭᱴᱤᱥ, ᱞᱤᱵᱷᱟᱨ ᱟᱡᱟᱨ, ᱠᱤᱪᱷᱩ ᱥᱟᱶᱷᱟ ᱟᱡᱟᱨ
ᱟᱡᱟᱨ ᱴᱷᱟᱹᱣᱠᱟᱹᱭ ᱦᱚᱨᱟᱢᱟᱭᱟᱢ ᱵᱤᱞᱤᱨᱩᱵᱤᱱ, ᱞᱤᱵᱷᱟᱨ ᱯᱮᱱᱮᱞ[᱓]
Differential diagnosisᱠᱮᱨᱳᱴᱤᱱᱮᱢᱤᱭᱟ, ᱨᱤᱯᱷᱟᱢᱯᱤᱱ ᱡᱚᱢ[᱔]
ᱛᱤᱠᱤᱪᱷᱟᱹᱚᱱᱟ ᱨᱮᱱᱟᱜ ᱢᱩᱲᱩᱛ ᱠᱟᱨᱚᱱ ᱞᱮᱠᱟᱛᱮ[᱕]

ᱡᱚᱱᱰᱤᱥ, ᱡᱟᱦᱟᱸ ᱫᱚ ᱤᱠᱴᱮᱨᱟᱥ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜ-ᱟ, ᱦᱟᱨᱛᱟ ᱟᱨ ᱢᱮᱫ ᱨᱮᱱᱟᱜ ᱥᱟᱥᱟᱝ ᱟᱨᱵᱟᱝ ᱠᱚᱢ ᱫᱷᱟᱨᱟ ᱦᱟᱹᱨᱤᱭᱟᱹᱲ ᱨᱚᱝ ᱠᱟᱱᱟ ᱡᱟᱦᱟᱸ ᱫᱚ ᱵᱤᱞᱤᱨᱩᱵᱤᱱ ᱰᱷᱮᱨᱚᱜ ᱠᱷᱟᱹᱛᱤᱨ ᱦᱩᱭᱩᱜ-ᱟ᱾[᱓][᱖] ᱦᱟᱨᱟ ᱟᱠᱟᱱ ᱦᱚᱲ ᱴᱷᱮᱱ ᱡᱚᱱᱰᱤᱥ ᱦᱩᱭᱩᱜ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱦᱤᱢ ᱢᱮᱴᱟᱵᱳᱞᱤᱡᱚᱢ, ᱞᱤᱵᱷᱟᱨ ᱵᱟᱹᱲᱤᱡᱚᱜ, ᱟᱨᱵᱟᱝ ᱵᱤᱞᱤᱭᱟᱨᱤ ᱴᱨᱟᱠᱴ ᱮᱴᱠᱮᱴᱚᱬᱮ ᱥᱟᱶ ᱡᱚᱲᱟᱣ ᱟᱠᱟᱱ ᱟᱡᱟᱨ᱾[᱗] ᱦᱟᱨᱟ ᱟᱠᱟᱱ ᱦᱚᱲ ᱴᱷᱮᱱ ᱡᱚᱱᱰᱤᱥ ᱫᱚ ᱟᱹᱰᱤ ᱠᱚᱢ ᱜᱮ ᱧᱮᱞᱚᱜ-ᱟ, ᱢᱮᱱᱠᱷᱟᱱ ᱜᱤᱫᱽᱨᱟᱹ ᱠᱚ ᱴᱷᱮᱱ ᱡᱚᱱᱰᱤᱥ ᱫᱚ ᱥᱟᱫᱷᱟᱨᱚᱱ ᱜᱮᱭᱟ, ᱟᱢᱫᱟᱡᱽ ᱘᱐% ᱜᱤᱫᱽᱨᱟᱹ ᱡᱟᱱᱟᱢ ᱠᱟᱛᱮ ᱯᱩᱭᱞᱩ ᱦᱟᱯᱛᱟ ᱨᱮ ᱱᱚᱣᱟ ᱛᱮ ᱠᱚ ᱟᱡᱟᱨᱚᱜ-ᱟ᱾[᱘] ᱡᱚᱱᱰᱤᱥ ᱨᱮᱱᱟᱜ ᱡᱟᱹᱥᱛᱤ ᱧᱮᱞᱚᱜ ᱠᱟᱱ ᱞᱚᱠᱷᱚᱱ ᱠᱚᱫᱚ ᱦᱩᱭᱩᱜ ᱠᱟᱱᱟ ᱵᱟᱵᱟ,[᱒] ᱯᱟᱸᱰᱩ ᱨᱚᱝ ᱤᱡ, ᱟᱨ ᱜᱟᱹᱲᱷᱟᱹ ᱟᱹᱨᱩᱵ᱾[᱔] ᱢᱟᱭᱟᱢ ᱨᱮ ᱵᱤᱞᱤᱨᱩᱵᱤᱱ ᱨᱮᱱᱟᱜ ᱥᱟᱫᱷᱟᱨᱚᱱ ᱞᱮᱵᱷᱮᱞ ᱫᱚ ᱑.᱐ mg/dl (᱑᱗ μmol/L) ᱠᱷᱚᱱ ᱠᱚᱢ ᱛᱟᱦᱮᱸᱱᱟ, ᱢᱮᱱᱠᱷᱟᱱ ᱒-᱓ mg/dl (᱓᱔-᱕᱑ μmol/L) ᱠᱷᱚᱱ ᱰᱷᱮᱨ ᱞᱮᱱᱠᱷᱟᱱ ᱡᱚᱱᱰᱤᱥ ᱦᱩᱭᱩᱜ-ᱟ᱾[᱔][᱙] ᱢᱟᱭᱟᱢ ᱨᱮ ᱰᱷᱮᱨ ᱵᱤᱞᱤᱨᱩᱵᱤᱱ ᱫᱚ ᱵᱟᱨ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱟᱠᱟᱱᱟ: ᱟᱱᱠᱚᱱᱡᱩᱜᱮᱴᱮᱰ ᱟᱨ ᱠᱚᱱᱡᱩᱜᱮᱴᱮᱰ ᱵᱤᱞᱤᱨᱩᱵᱤᱱ᱾[᱑᱐] ᱡᱚᱱᱰᱤᱥ ᱨᱮᱱᱟᱜ ᱠᱟᱨᱚᱱ ᱠᱚᱫᱚ ᱥᱟᱫᱷᱟᱨᱚᱱ ᱠᱷᱚᱱ ᱮᱦᱚᱵ ᱠᱟᱛᱮ ᱜᱚᱡ ᱦᱟᱹᱵᱤᱡ ᱦᱩᱭ ᱫᱟᱲᱮᱭᱟᱜ-ᱟ᱾[᱑᱐] ᱟᱱᱠᱚᱱᱡᱩᱜᱮᱴᱮᱰ ᱵᱤᱞᱤᱨᱩᱵᱤᱱ ᱰᱷᱮᱨᱚᱜ ᱨᱮᱱᱟᱜ ᱠᱟᱨᱚᱱ ᱫᱚ ᱟᱨᱟᱜ ᱢᱟᱭᱟᱢ ᱥᱮᱞ ᱰᱷᱮᱨ ᱨᱟᱹᱯᱩᱫᱚᱜ, ᱢᱟᱨᱟᱝ ᱠᱷᱟᱢᱪᱟᱣ, ᱜᱤᱞᱵᱟᱨᱴ ᱥᱤᱱᱰᱨᱳᱢ ᱞᱮᱠᱟᱱ ᱡᱮᱱᱮᱴᱤᱠ ᱦᱟᱞᱚᱛ, ᱟᱭᱢᱟ ᱜᱷᱟᱹᱲᱤᱡ ᱨᱮᱸᱜᱮᱡ ᱛᱟᱦᱮᱸᱱ, ᱱᱟᱣᱟ ᱡᱟᱱᱟᱢ ᱜᱤᱫᱽᱨᱟᱹ ᱡᱚᱱᱰᱤᱥ, ᱟᱨᱵᱟᱝ ᱛᱷᱟᱭᱨᱳᱭᱮᱰ ᱮᱴᱠᱮᱴᱚᱬᱮ ᱦᱩᱭ ᱫᱟᱲᱮᱭᱟᱜ-ᱟ᱾[᱔][᱑᱐] ᱠᱚᱱᱡᱩᱜᱮᱴᱮᱰ ᱵᱤᱞᱤᱨᱩᱵᱤᱱ ᱰᱷᱮᱨᱚᱜ ᱨᱮᱱᱟᱜ ᱠᱟᱨᱚᱱ ᱫᱚ ᱞᱤᱵᱷᱟᱨ ᱟᱡᱟᱨ ᱡᱮᱞᱮᱠᱟ ᱥᱤᱨᱳᱥᱤᱥ ᱟᱨᱵᱟᱝ ᱦᱮᱯᱟᱴᱟᱭᱴᱤᱥ, ᱥᱟᱶᱷᱟ ᱟᱡᱟᱨ, ᱨᱟᱱ ᱠᱚ, ᱟᱨᱵᱟᱝ ᱵᱟᱭᱤᱞ ᱰᱟᱠᱴ ᱮᱥᱮᱫᱚᱜ[᱔] ᱦᱩᱭ ᱫᱟᱲᱮᱭᱟᱜ-ᱟ, ᱡᱟᱦᱟᱸ ᱨᱮ ᱜᱚᱞᱥᱴᱳᱱ, ᱠᱮᱱᱥᱚᱨ, ᱟᱨᱵᱟᱝ ᱯᱮᱱᱠᱨᱤᱭᱟᱴᱟᱭᱴᱤᱥ ᱥᱮᱞᱮᱫ ᱛᱟᱦᱮᱸ ᱫᱟᱲᱮᱭᱟᱜ-ᱟ᱾[᱔] ᱮᱴᱟᱜ ᱦᱟᱞᱚᱛ ᱠᱚᱦᱚᱸ ᱦᱟᱨᱛᱟ ᱥᱟᱥᱟᱝ ᱫᱟᱲᱮᱭᱟᱜ-ᱟ, ᱢᱮᱱᱠᱷᱟᱱ ᱚᱱᱟ ᱫᱚ ᱡᱚᱱᱰᱤᱥ ᱫᱚ ᱵᱟᱝ ᱠᱟᱱᱟ, ᱡᱮᱞᱮᱠᱟ ᱠᱮᱨᱳᱴᱤᱱᱮᱢᱤᱭᱟ, ᱡᱟᱦᱟᱸ ᱫᱚ ᱠᱮᱨᱳᱴᱤᱱ ᱢᱮᱱᱟᱜ ᱡᱚᱢᱟᱜ ᱰᱷᱮᱨ ᱡᱚᱢ ᱞᱮᱠᱷᱟᱱ ᱦᱩᱭᱩᱜ-ᱟ — ᱟᱨᱵᱟᱝ ᱨᱤᱯᱷᱟᱢᱯᱤᱱ ᱞᱮᱠᱟᱱ ᱨᱟᱱ ᱠᱷᱟᱹᱛᱤᱨ᱾[᱔] ᱡᱚᱱᱰᱤᱥ ᱨᱮᱱᱟᱜ ᱨᱟᱱ ᱫᱚ ᱟᱥᱚᱠᱟᱭ ᱛᱮ ᱚᱱᱟ ᱨᱮᱱᱟᱜ ᱢᱩᱲᱩᱛ ᱠᱟᱨᱚᱱ ᱪᱮᱛᱟᱱ ᱨᱮ ᱴᱷᱟᱹᱣᱠᱟᱹᱣᱚᱜ-ᱟ᱾[᱕] ᱡᱩᱫᱤ ᱵᱟᱭᱤᱞ ᱰᱟᱠᱴ ᱮᱥᱮᱫ ᱟᱠᱟᱱᱟ, ᱛᱚᱵᱮ ᱥᱟᱨᱡᱟᱨᱤ ᱞᱟᱹᱠᱛᱤᱭᱟ; ᱵᱟᱝᱠᱷᱟᱱ, ᱢᱮᱰᱤᱠᱟᱞ ᱢᱮᱱᱮᱡᱽᱢᱮᱱᱴ ᱞᱟᱹᱠᱛᱤᱭᱟ᱾[᱕] ᱢᱮᱰᱤᱠᱟᱞ ᱢᱮᱱᱮᱡᱽᱢᱮᱱᱴ ᱨᱮ ᱥᱟᱶᱷᱟ ᱟᱡᱟᱨ ᱨᱮᱱᱟᱜ ᱴᱤᱠᱟᱹᱥ ᱟᱨ ᱡᱚᱱᱰᱤᱥ ᱵᱟᱹᱲᱛᱤ ᱚᱪᱚᱭᱮᱫ ᱨᱟᱱ ᱠᱚ ᱵᱚᱱᱫᱚ ᱥᱮᱞᱮᱫ ᱛᱟᱦᱮᱸ ᱫᱟᱲᱮᱭᱟᱜ-ᱟ᱾[᱕] ᱱᱟᱣᱟ ᱡᱟᱱᱟᱢ ᱜᱤᱫᱽᱨᱟᱹ ᱠᱚᱣᱟᱜ ᱡᱚᱱᱰᱤᱥ ᱫᱚ ᱯᱷᱳᱴᱳᱛᱷᱮᱨᱟᱯᱤ ᱟᱨᱵᱟᱝ ᱮᱠᱥᱪᱮᱸᱡᱽ ᱴᱨᱟᱱᱥᱯᱷᱤᱭᱩᱡᱚᱱ ᱛᱮ ᱴᱤᱠᱟᱹᱥ ᱜᱟᱱᱚᱜ-ᱟ ᱡᱩᱫᱤ ᱵᱤᱞᱤᱨᱩᱵᱤᱱ ᱔-᱒᱑ mg/dl (᱖᱘-᱓᱖᱕ μmol/L) ᱠᱷᱚᱱ ᱰᱷᱮᱨᱚᱜ-ᱟ᱾[᱙] ᱵᱟᱵᱟ ᱠᱚᱢ ᱞᱟᱹᱜᱤᱫ ᱜᱚᱞᱵᱞᱮᱰᱟᱨ ᱰᱨᱮᱱᱤᱝ, ᱟᱨᱥᱳᱰᱤᱭᱳᱠᱥᱤᱠᱳᱞᱤᱠ ᱮᱥᱤᱰ, ᱟᱨᱵᱟᱝ ᱱᱟᱞᱴᱨᱮᱠᱥᱳᱱ ᱞᱮᱠᱟᱱ ᱚᱯᱤᱭᱚᱭᱮᱰ ᱮᱱᱴᱟᱜᱳᱱᱤᱥᱴ ᱠᱚ ᱜᱚᱲᱚ ᱮᱢ ᱫᱟᱲᱮᱭᱟᱜ-ᱟ᱾[᱒] 'ᱡᱚᱱᱰᱤᱥ ᱟᱹᱲᱟᱹ ᱫᱚ ᱯᱷᱨᱮᱸᱪ ᱯᱟᱹᱨᱥᱤ ᱨᱮᱱᱟᱜ jaunisse ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ 'ᱥᱟᱥᱟᱝ ᱟᱡᱟᱨ'᱾[᱑᱑][᱑᱒]

ᱮᱦᱚᱵᱚᱜ ᱟᱨ ᱪᱤᱱᱦᱟᱹ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
G6PD ᱠᱚᱢ ᱠᱷᱟᱹᱛᱤᱨ ᱢᱮᱫ ᱨᱮᱱᱟᱜ ᱢᱮᱫ ᱥᱟᱥᱟᱝ ᱟᱠᱟᱱ ᱢᱤᱫ ᱔ ᱥᱮᱨᱢᱟ ᱨᱤᱱᱤᱡ ᱠᱚᱲᱟ ᱜᱤᱫᱽᱨᱟᱹ

ᱦᱟᱨᱟ ᱟᱠᱟᱱ ᱦᱚᱲ ᱠᱚ ᱴᱷᱮᱱ ᱡᱚᱱᱰᱤᱥ ᱨᱮᱱᱟᱜ ᱡᱟᱹᱥᱛᱤ ᱧᱮᱞᱚᱜ ᱠᱟᱱ ᱪᱤᱱᱦᱟᱹ ᱠᱚᱫᱚ ᱦᱩᱭᱩᱜ ᱠᱟᱱᱟ ᱢᱮᱫ ᱨᱮᱱᱟᱜ ᱯᱩᱸᱰ ᱦᱤᱸᱥ (ᱥᱠᱞᱮᱨᱟ) ᱟᱨ ᱦᱟᱨᱛᱟ ᱥᱟᱥᱟᱝ ᱨᱚᱝ ᱦᱩᱭᱩᱜ,[᱑᱓] ᱥᱠᱞᱮᱨᱟ ᱨᱮ ᱤᱠᱴᱮᱨᱟᱥ ᱛᱟᱦᱮᱸᱱ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱢᱟᱭᱟᱢ ᱨᱮ ᱵᱤᱞᱤᱨᱩᱵᱤᱱ ᱨᱮᱱᱟᱜ ᱞᱮᱵᱷᱮᱞ ᱠᱚᱢ ᱠᱷᱚᱱ ᱠᱚᱢ ᱓ mg/dl ᱢᱮᱱᱟᱜ-ᱟ᱾ ᱮᱴᱟᱜ ᱥᱟᱫᱷᱟᱨᱚᱱ ᱪᱤᱱᱦᱟᱹ ᱠᱚ ᱢᱩᱫᱽ ᱨᱮ ᱜᱟᱹᱲᱷᱟᱹ ᱟᱹᱨᱩᱵ (ᱵᱤᱞᱤᱨᱩᱵᱤᱱᱩᱨᱤᱭᱟ) ᱟᱨ ᱯᱟᱸᱰᱩ (ᱮᱠᱳᱞᱤᱭᱟ) ᱥᱩᱱᱩᱢᱟᱱ ᱤᱡ (ᱥᱴᱤᱭᱟᱴᱳᱨᱤᱭᱟ) ᱥᱮᱞᱮᱫ ᱢᱮᱱᱟᱜ-ᱟ᱾[᱑᱔] ᱵᱤᱞᱤᱨᱩᱵᱤᱱ ᱫᱚ ᱦᱟᱨᱛᱟ ᱨᱮ ᱵᱟᱵᱟ ᱚᱪᱚᱭᱟᱭ, ᱚᱱᱟᱛᱮ ᱡᱚᱱᱰᱤᱥ ᱥᱟᱶᱛᱮ ᱟᱹᱰᱤ ᱡᱩᱨ ᱵᱟᱵᱟ ᱦᱚᱸ ᱦᱩᱭᱩᱜ-ᱟ᱾[᱑᱕][᱑᱖] ᱢᱮᱫ ᱨᱮᱱᱟᱜ ᱠᱚᱱᱡᱚᱝᱠᱴᱤᱵᱷᱟ ᱨᱮ ᱵᱤᱞᱤᱨᱩᱵᱤᱱ ᱡᱟᱣᱨᱟ ᱦᱩᱭᱩᱜ ᱨᱮᱱᱟᱜ ᱫᱟᱲᱮ ᱰᱷᱮᱨ ᱛᱟᱦᱮᱸᱱᱟ ᱪᱮᱫᱟᱜ ᱥᱮ ᱱᱚᱣᱟ ᱨᱮ ᱤᱞᱟᱥᱴᱤᱱ ᱰᱷᱮᱨ ᱛᱟᱦᱮᱸᱱᱟ᱾ ᱚᱱᱟᱛᱮ, ᱢᱟᱭᱟᱢ ᱨᱮ ᱵᱤᱞᱤᱨᱩᱵᱤᱱ ᱱᱟᱥᱮ ᱰᱷᱮᱨ ᱞᱮᱱ ᱨᱮᱦᱚᱸ ᱥᱠᱞᱮᱨᱟ ᱥᱟᱥᱟᱝᱚᱜ ᱧᱮᱞ ᱠᱟᱛᱮ ᱮᱛᱚᱦᱚᱵ ᱨᱮᱜᱮ ᱵᱟᱰᱟᱭ ᱧᱟᱢᱚᱜ-ᱟ᱾ ᱥᱮᱫᱟᱭ ᱠᱷᱚᱱ ᱱᱚᱣᱟ ᱫᱚ ᱥᱠᱞᱮᱨᱟᱞ ᱤᱠᱴᱮᱨᱟᱥ ᱠᱚ ᱢᱮᱛᱟᱜ ᱠᱟᱱᱟ, ᱢᱮᱱᱠᱷᱟᱱ ᱱᱚᱣᱟ ᱧᱩᱛᱩᱢ ᱫᱚ ᱴᱷᱤᱠ ᱫᱚ ᱵᱟᱝ ᱠᱟᱱᱟ, ᱪᱮᱫᱟᱜ ᱥᱮ ᱵᱤᱞᱤᱨᱩᱵᱤᱱ ᱫᱚ ᱥᱠᱞᱮᱨᱟ ᱪᱮᱛᱟᱱ ᱨᱮ ᱢᱮᱱᱟᱜ ᱠᱚᱱᱡᱚᱝᱠᱴᱤᱵᱷᱟᱞ ᱯᱚᱨᱚᱛ ᱨᱮ ᱡᱟᱣᱨᱟᱜ-ᱟ᱾ ᱚᱱᱟᱛᱮ, "ᱢᱮᱫ ᱨᱮᱱᱟᱜ ᱯᱩᱸᱰ ᱦᱤᱸᱥ" ᱥᱟᱥᱟᱝᱚᱜ ᱞᱟᱹᱜᱤᱫ ᱥᱟᱹᱨᱤ ᱟᱹᱲᱟᱹ ᱫᱚ ᱦᱩᱭᱩᱜ ᱠᱟᱱᱟ ᱠᱚᱱᱡᱚᱝᱠᱴᱤᱵᱷᱟᱞ ᱤᱠᱴᱮᱨᱟᱥ᱾[᱑᱗] ᱦᱮᱸᱫᱮ ᱦᱟᱨᱛᱟ ᱟᱱ ᱦᱚᱲ ᱠᱚ ᱴᱷᱮᱱ ᱡᱚᱱᱰᱤᱥ ᱫᱚ ᱦᱟᱨᱛᱟ ᱨᱮ ᱩᱱᱟᱹᱜ ᱞᱚᱜᱚᱱ ᱵᱟᱝ ᱧᱮᱞᱧᱟᱢᱚᱜ-ᱟ ᱟᱨ ᱱᱚᱣᱟ ᱫᱚ ᱥᱠᱞᱮᱨᱟ, ᱛᱤ ᱛᱷᱟᱯᱟ, ᱡᱟᱸᱜᱟ ᱛᱷᱟᱯᱟ, ᱟᱨ ᱢᱚᱪᱟ ᱵᱷᱤᱛᱤᱨ ᱨᱮ ᱧᱮᱞ ᱞᱮᱠᱷᱟᱱ ᱵᱷᱟᱹᱜᱤ ᱥᱟᱹᱦᱤᱡ ᱵᱟᱰᱟᱭᱚᱜ-ᱟ᱾ ᱱᱚᱣᱟ ᱵᱷᱮᱜᱟᱨ ᱵᱷᱮᱜᱟᱨ ᱦᱟᱞᱚᱛ ᱠᱚ ᱵᱩᱡᱷᱟᱹᱣ ᱞᱟᱹᱜᱤᱫ ᱥᱮᱪᱮᱫ ᱥᱟᱢᱟᱱ ᱠᱚᱨᱮ ᱱᱮᱛᱟᱨ ᱱᱚᱣᱟ ᱠᱚ ᱞᱟᱹᱭ ᱥᱚᱫᱚᱨᱚᱜ ᱠᱟᱱᱟ ᱡᱮᱢᱚᱱ ᱡᱚᱛᱚ ᱞᱮᱠᱟᱱ ᱦᱚᱲ ᱠᱚᱣᱟᱜ ᱴᱷᱤᱠ ᱥᱟᱹᱦᱤᱡ ᱵᱤᱱᱤᱰ ᱦᱩᱭ ᱫᱟᱲᱮᱭᱟᱜ-ᱢᱟ᱾[᱑᱘][᱑᱙] ᱜᱤᱫᱽᱨᱟᱹ ᱚᱠᱛᱚ ᱨᱮ ᱡᱚᱱᱰᱤᱥ ᱨᱮᱱᱟᱜ ᱢᱤᱫᱴᱟᱹᱝ ᱟᱹᱰᱤ ᱠᱚᱢ ᱧᱮᱞᱚᱜ ᱠᱟᱱ ᱪᱤᱱᱦᱟᱹ ᱫᱚ ᱦᱩᱭᱩᱜ ᱠᱟᱱᱟ ᱥᱟᱥᱟᱝ ᱟᱨᱵᱟᱝ ᱦᱟᱹᱨᱤᱭᱟᱹᱲ ᱰᱟᱴᱟ ᱧᱮᱞᱚᱜ᱾ ᱦᱟᱨᱟᱜ ᱠᱟᱱ ᱜᱤᱫᱽᱨᱟᱹ ᱠᱚ ᱴᱷᱮᱱ, ᱵᱤᱞᱤᱨᱩᱵᱤᱱ ᱰᱷᱮᱨ ᱞᱮᱱᱠᱷᱟᱱ ᱰᱟᱴᱟ ᱠᱮᱴᱮᱡᱚᱜ ᱚᱠᱛᱚ ᱨᱮ ᱵᱤᱞᱤᱨᱩᱵᱤᱱ ᱡᱟᱣᱨᱟ ᱠᱷᱟᱹᱛᱤᱨ ᱰᱟᱴᱟ ᱥᱟᱥᱟᱝ ᱟᱨᱵᱟᱝ ᱦᱟᱹᱨᱤᱭᱟᱹᱲ ᱨᱚᱝ ᱦᱩᱭ ᱫᱟᱲᱮᱭᱟᱜ-ᱟ᱾[᱒᱐] ᱱᱚᱣᱟ ᱫᱚ ᱜᱤᱫᱽᱨᱟᱹ ᱠᱚ ᱴᱷᱮᱱ ᱦᱩᱭ ᱫᱟᱲᱮᱭᱟᱜ-ᱟ, ᱢᱮᱱᱠᱷᱟᱱ ᱦᱟᱨᱟ ᱟᱠᱟᱱ ᱦᱚᱲ ᱠᱚ ᱴᱷᱮᱱ ᱞᱤᱵᱷᱟᱨ ᱟᱡᱟᱨ ᱠᱷᱟᱹᱛᱤᱨ ᱰᱟᱴᱟ ᱨᱚᱝ ᱵᱚᱫᱚᱞ ᱫᱚ ᱵᱟᱝ ᱧᱮᱞᱚᱜ-ᱟ᱾ ᱮᱛᱚᱦᱚᱵ ᱦᱟᱨᱟᱜ ᱚᱠᱛᱚ ᱨᱮ ᱢᱟᱭᱟᱢ ᱨᱮ ᱠᱚᱱᱡᱩᱜᱮᱴᱮᱰ ᱵᱤᱞᱤᱨᱩᱵᱤᱱ ᱰᱷᱮᱨ ᱞᱮᱱᱠᱷᱟᱱ ᱰᱟᱴᱟ ᱨᱮᱱᱟᱜ ᱮᱱᱟᱢᱮᱞ ᱦᱚᱸ ᱠᱚᱢ ᱛᱟᱦᱮᱸ ᱫᱟᱲᱮᱭᱟᱜ-ᱟ (ᱰᱮᱱᱴᱟᱞ ᱦᱟᱭᱯᱳᱯᱞᱟᱥᱤᱭᱟ)᱾[᱒᱑]

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ Ziebert M (2009). "Jaundice". In Torre DM, Lamb GC, van Ruiswyk J, Schapira RM (eds.). Kochar's Clinical Medicine for Students (in ᱟᱝᱜᱽᱨᱮᱡᱤ). Lippincott Williams & Wilkins. p. 101. ISBN 978-0-7817-6699-9.
  2. 1 2 3 Bassari R, Koea JB (February 2015). "Jaundice associated pruritis: a review of pathophysiology and treatment". World Journal of Gastroenterology. 21 (5): 1404–1413. doi:10.3748/wjg.v21.i5.1404. PMC 4316083. PMID 25663760.
  3. 1 2 3 4 "Jaundice". MedlinePlus, US National Library of Medicine. 25 June 2025. Retrieved 24 October 2025.
  4. 1 2 3 4 5 6 7 Roger J (2004). Oxford Textbook of Primary Medical Care (in ᱟᱝᱜᱽᱨᱮᱡᱤ). Oxford University Press. p. 758. ISBN 978-0-19-856782-0. Archived from the original on 2017-09-08.
  5. 1 2 3 4 Ferri FF (2014). Ferri's Clinical Advisor 2015: 5 Books in 1 (in ᱟᱝᱜᱽᱨᱮᱡᱤ). Elsevier Health Sciences. p. 672. ISBN 978-0-323-08430-7. Archived from the original on 2017-09-08.
  6. ↑ Buttaro TM, Trybulski JA, Polgar-Bailey P, Sandberg-Cook J (2012). Primary Care: A Collaborative Practice (in ᱟᱝᱜᱽᱨᱮᱡᱤ) (4th ed.). Elsevier Health Sciences. p. 690. ISBN 978-0-323-07585-5. Archived from the original on 2017-09-08.
  7. ↑ Al-Tubaikh JA (2017). Internal Medicine. doi:10.1007/978-3-319-39747-4. ISBN 978-3-319-39746-7.
  8. ↑ Kaplan, Michael; Hammerman, Cathy (2017). "Hereditary Contribution to Neonatal Hyperbilirubinemia". Fetal and Neonatal Physiology. pp. 933–942.e3. doi:10.1016/b978-0-323-35214-7.00097-4. ISBN 978-0-323-35214-7.
  9. 1 2 Maisels MJ (March 2015). "Managing the jaundiced newborn: a persistent challenge". CMAJ. 187 (5): 335–343. doi:10.1503/cmaj.122117. PMC 4361106. PMID 25384650.
  10. 1 2 3 Winger J, Michelfelder A (September 2011). "Diagnostic approach to the patient with jaundice". Primary Care. 38 (3): viii, 469–482. doi:10.1016/j.pop.2011.05.004. PMID 21872092.
  11. ↑ Dr. Chase's Family Physician, Farrier, Bee-keeper, and Second Receipt Book: Being an Entirely New and Complete Treatise ... (in ᱟᱝᱜᱽᱨᱮᱡᱤ). Chase Publishing Company. 1873. p. 542. Archived from the original on 2017-09-08.
  12. ↑ Sullivan, Kara M.; Gourley, Glenn R. (2011). "Jaundice". Pediatric Gastrointestinal and Liver Disease. pp. 176–186.e3. doi:10.1016/b978-1-4377-0774-8.10017-x. ISBN 978-1-4377-0774-8.
  13. ↑ Gondal B, Aronsohn A (December 2016). "A Systematic Approach to Patients with Jaundice". Seminars in Interventional Radiology. 33 (4): 253–258. doi:10.1055/s-0036-1592331. PMC 5088098. PMID 27904243.
  14. ↑ Goroll AH (2009). Primary care medicine: office evaluation and management of the adult patient (6th ed.). Philadelphia: Wolters Kluwer Health/Lippincott Williams & Wilkins. p. 496. ISBN 978-0-7817-7513-7. Archived from the original on 2017-09-08.
  15. ↑ James WD (2006). Andrews' diseases of the skin: clinical dermatology. Berger, Timothy G.; Elston, Dirk M.; Odom, Richard B. (10th ed.). Philadelphia: Saunders Elsevier. ISBN 0-7216-2921-0. OCLC 62736861.
  16. ↑ Bassari R, Koea JB (February 2015). "Jaundice associated pruritis: a review of pathophysiology and treatment". World Journal of Gastroenterology. 21 (5): 1404–1413. doi:10.3748/wjg.v21.i5.1404. PMC 4316083. PMID 25663760.
  17. ↑ McGee SR (2018). "Jaundice". Evidence-Based Physical Diagnosis (4th ed.). Philadelphia: Elsevier. pp. 59–68. ISBN 978-0-323-39276-1.
  18. ↑ Malone Mukwende (2020). "Mind the Gap: A handbook of clinical signs in Black and Brown skin". St George's University of London. doi:10.24376/rd.sgul.12769988.v1. Retrieved 2025-05-19.
  19. ↑ Ferdinand, Joshua (2024). "Recognising Clinical Signs and Symptoms on Black, Asian and Minority Ethnic (BAME) Skin Types". Atomic Academia. doi:10.62594/LTHW5053. {{cite journal}}: Check |doi= value (help)
  20. ↑ Neville BW (2012). Oral and Maxillofacial Pathology (3rd ed.). Singapore: Elsevier. p. 798. ISBN 978-981-4371-07-0.
  21. ↑ Amin SB, Karp JM, Benzley LP (May 2010). "Unconjugated hyperbilirubinemia and early childhood caries in a diverse group of neonates". American Journal of Perinatology. 27 (5): 393–397. doi:10.1055/s-0029-1243314. PMC 3264945. PMID 20013583.
"https://sat.wikipedia.org/w/index.php?title=ᱡᱚᱱᱰᱤᱥ&oldid=191721" ᱠᱷᱚᱱ ᱧᱟᱢ ᱟᱹᱜᱩᱭ