ᱡᱟᱛᱨᱟ ᱵᱷᱚᱜᱚᱛ
| ᱡᱟᱛᱨᱟ ᱵᱷᱚᱜᱚᱛ | |
|---|---|
 ᱨᱟᱺᱪᱤ ᱦᱚᱱᱚᱛ ᱨᱮ ᱵᱤᱨ ᱡᱟᱛᱨᱟ ᱛᱟᱱᱟ ᱵᱷᱚᱜᱚᱛ ᱟᱜ ᱢᱩᱴᱷᱟᱹᱱ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱟᱛᱨᱟ ᱩᱨᱟᱶ ᱥᱮᱯᱴᱮᱢᱵᱚᱨ ᱑᱘᱘᱘ ᱪᱤᱝᱨᱤ ᱱᱟᱣᱟᱴᱳᱞᱤ, ᱨᱟᱺᱪᱤ ᱦᱚᱱᱚᱛ (ᱱᱤᱛᱚᱜ ᱫᱚ ᱜᱩᱢᱞᱟ ᱦᱚᱱᱚᱛ), ᱡᱷᱟᱨᱠᱷᱚᱸᱰ |
| ᱜᱩᱨ | ᱑᱙᱑᱖ ᱪᱤᱝᱨᱤ ᱱᱟᱣᱟᱴᱳᱞᱤ, ᱡᱷᱟᱨᱠᱷᱚᱸᱰ |
| ᱫᱤᱥᱚᱢᱤᱭᱟᱹ | ᱵᱷᱟᱨᱚᱛᱤᱭᱟᱹ |
| ᱮᱴᱟᱜ ᱧᱩᱛᱩᱢ | ᱛᱟᱱᱟ ᱵᱷᱚᱜᱚᱛ |
| ᱠᱟᱹᱢᱤ | ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱡ, ᱥᱟᱶᱛᱟ ᱥᱩᱥᱟᱹᱨᱤᱭᱟᱹ |
| ᱧᱩᱢᱱᱟᱢ | ᱛᱟᱱᱟ ᱵᱷᱚᱜᱚᱛ ᱞᱟᱲᱟᱣᱱᱟ |
ᱡᱟᱛᱨᱟ ᱵᱷᱚᱜᱚᱛ (᱑᱘᱘᱘–᱑᱙᱑᱖) ᱫᱚ ᱢᱤᱫ ᱵᱷᱟᱨᱚᱛᱤᱭᱟᱹ ᱟᱹᱫᱤᱵᱟᱹᱥᱤ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱡ ᱟᱨ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱠᱟᱱᱟᱭ᱾[᱑] ᱩᱱᱤ ᱫᱚ ᱩᱨᱟᱶ ᱟᱹᱫᱤᱵᱟᱹᱥᱤ ᱠᱚ ᱢᱩᱫᱽ ᱨᱮ ᱛᱟᱱᱟ ᱵᱷᱚᱜᱚᱛ ᱞᱟᱲᱟᱣᱱᱟ ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ ᱠᱟᱱᱟᱭ᱾[᱒]
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱛᱨᱟ ᱵᱷᱚᱜᱚᱛ (ᱡᱟᱦᱟᱸᱭ ᱫᱚ ᱡᱟᱛᱨᱟ ᱩᱨᱟᱶ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱭᱟ) ᱟᱜ ᱡᱟᱱᱟᱢ ᱫᱚ ᱑᱘᱘᱘ ᱥᱮᱨᱢᱟ ᱨᱮᱱᱟᱜ ᱥᱮᱯᱴᱮᱢᱵᱚᱨ ᱪᱟᱸᱫᱚ ᱨᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱜᱩᱢᱞᱟ ᱦᱚᱱᱚᱛ ᱨᱮ ᱢᱮᱱᱟᱜ ᱪᱤᱝᱨᱤ ᱱᱟᱣᱟᱴᱳᱞᱤ ᱟᱹᱛᱩ ᱨᱮ ᱦᱩᱭ ᱞᱮᱱᱟ᱾[᱓] ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱠᱳᱫᱟᱞ ᱩᱨᱟᱶ ᱟᱨ ᱟᱭᱳ ᱟᱜ ᱧᱩᱛᱩᱢ ᱫᱚ ᱞᱤᱵᱽᱨᱤ ᱛᱟᱦᱮᱸ ᱠᱟᱱᱟ᱾
ᱛᱟᱱᱟ ᱵᱷᱚᱜᱚᱛ ᱞᱟᱲᱟᱣᱱᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱑᱔ ᱥᱮᱨᱢᱟ ᱨᱮ ᱡᱟᱛᱨᱟ ᱵᱷᱚᱜᱚᱛ ᱫᱚ ᱛᱟᱱᱟ ᱵᱷᱚᱜᱚᱛ ᱞᱟᱲᱟᱣᱱᱟ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ᱾[᱔] ᱱᱚᱣᱟ ᱞᱟᱲᱟᱣᱱᱟ ᱫᱚ ᱵᱨᱤᱴᱤᱥ ᱨᱟᱡᱽ ᱟᱨ ᱡᱟᱹᱢᱤᱱᱫᱟᱨ ᱠᱚᱣᱟᱜ ᱱᱟᱦᱟᱪᱟᱨ ᱵᱤᱨᱩᱫᱽ ᱨᱮ ᱢᱤᱫ ᱟᱦᱤᱸᱥᱟ ᱞᱟᱲᱟᱣᱱᱟ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱹᱫᱤᱵᱟᱹᱥᱤ ᱠᱚ ᱢᱩᱫᱽ ᱨᱮ ᱦᱟᱺᱰᱤ-ᱯᱟᱹᱣᱨᱟᱹ ᱵᱟᱹᱜᱤ, ᱟᱨᱟᱜᱼᱥᱟᱠᱟᱢ ᱡᱚᱢ (vegetarianism) ᱟᱨ ᱥᱟᱶᱛᱟ ᱥᱩᱥᱟᱹᱨ ᱞᱟᱹᱜᱤᱫ ᱥᱮᱪᱮᱫ ᱮ ᱮᱢ ᱞᱮᱫ ᱠᱚᱣᱟ᱾[᱑] ᱱᱚᱣᱟ ᱞᱟᱲᱟᱣᱱᱟ ᱫᱚ ᱛᱟᱭᱚᱢ ᱛᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱥᱟᱶ ᱦᱚᱸ ᱡᱚᱲᱟᱣ ᱞᱮᱱᱟ, ᱪᱮᱫᱟᱜ ᱥᱮ ᱛᱟᱱᱟ ᱵᱷᱚᱜᱚᱛ ᱠᱚᱫᱚ ᱜᱟᱱᱫᱷᱤᱭᱟᱹ ᱵᱷᱟᱵᱽᱱᱟ ᱛᱮᱠᱚ ᱟᱹᱰᱤ ᱠᱚ ᱞᱟᱦᱟ ᱞᱮᱱᱟ᱾[᱕]
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱑᱖ ᱥᱮᱨᱢᱟ ᱨᱮ ᱡᱟᱛᱨᱟ ᱵᱷᱚᱜᱚᱛ ᱫᱚ ᱟᱡᱟᱜ ᱡᱟᱱᱟᱢ ᱟᱹᱛᱩ ᱨᱮᱜᱮ ᱵᱚᱸᱜᱟ ᱛᱟᱞᱟ ᱞᱮᱱᱟᱭ᱾ ᱵᱨᱤᱴᱤᱥ ᱥᱚᱨᱠᱟᱨ ᱟᱜ ᱡᱤᱦᱚᱞ ᱨᱮ ᱟᱹᱰᱤ ᱵᱟᱹᱲᱤᱡ ᱥᱟᱥᱮᱛ ᱠᱷᱟᱹᱛᱤᱨ ᱛᱮ ᱡᱤᱦᱚᱞ ᱠᱷᱚᱱ ᱪᱷᱟᱹᱰᱤ ᱛᱟᱭᱚᱢ ᱟᱹᱰᱤ ᱞᱚᱜᱚᱱ ᱜᱮ ᱩᱱᱤᱭᱟᱜ ᱜᱩᱨ ᱦᱩᱭ ᱞᱮᱱᱟ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 Srivastava, A. R. N. (2007). Tribal Freedom Fighters of India (in ᱟᱝᱜᱽᱨᱮᱡᱤ). Ministry of Information & Broadcasting. ISBN 9788123025216.
- ↑ "जतरा भगत एवं टाना आन्दोलन". Vikaspedia (in ᱦᱤᱱᱫᱤ). Retrieved 2024-02-13.
- 1 2 "तीर्थ स्थल बनकर रह गया जतरा टाना भगत का पैतृक गांव ¨चगरी". Dainik Jagran (in ᱦᱤᱱᱫᱤ). Retrieved 2024-02-13.
- ↑ Pal, Sanchari (2016-08-13). "14 Forgotten Folk Uprisings That Prepared the Ground for Indian Independence". The Better India (in ᱟᱝᱜᱽᱨᱮᱡᱤ). Retrieved 2024-02-13.[permanent dead link]
- ↑ Ravi, Salman. "जिनके लिए तिरंगा भगवान है". BBC News (in ᱦᱤᱱᱫᱤ). Retrieved 2024-02-13.[permanent dead link]