ᱡᱟᱞᱮᱦ ᱮᱥᱯᱷᱟᱦᱟᱱᱤ

ᱡᱟᱞᱮᱦ ᱮᱥᱯᱷᱟᱦᱟᱱᱤ
ᱡᱟᱞᱮᱦ ᱮᱥᱯᱷᱟᱦᱟᱱᱤ
	ᱡᱟᱞᱮᱦ ᱮᱥᱯᱷᱟᱦᱟᱱᱤ ᱑᱙᱓᱗ ᱨᱮ
ᱢᱩᱬ ᱧᱩᱛᱩᱢ	ژاله اصفهانی
ᱡᱟᱱᱟᱢ	Expression error: ᱵᱟᱝ ᱧᱮᱞ ᱴᱷᱤᱠᱚᱜᱠᱟᱱ ᱪᱤᱱᱦᱟᱹ ᱠᱚ "{"., ᱑᱙᱒᱑; ᱤᱥᱯᱷᱟᱦᱟᱱ, ᱤᱨᱟᱱ
ᱜᱩᱨ	᱒᱙ ᱱᱚᱵᱷᱮᱢᱵᱚᱨ ᱒᱐᱐᱗ (ᱩᱢᱮᱨ Error: Need valid year, month, day ᱥᱮᱨᱢᱟ); ᱞᱚᱱᱰᱚᱱ, ᱤᱝᱞᱚᱸᱰ
ᱥᱮᱪᱮᱫ ᱟᱥᱲᱟ	ᱵᱟᱠᱩ ᱯᱚᱱᱚᱛ ᱡᱮᱜᱮᱛ ᱵᱤᱨᱫᱟᱹᱜᱟᱲ ; ᱞᱳᱢᱳᱱᱳᱥᱳᱵᱷ ᱢᱚᱥᱠᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱡᱤᱭᱚᱱ ᱥᱚᱦᱮᱫ	ᱥᱟᱢᱥ-ᱟᱞ-ᱫᱤᱱ ᱵᱟᱫᱤ ᱛᱟᱵᱽᱨᱤᱡᱤ (m. 1946)
ᱦᱚᱯᱚᱱ	᱒

ᱡᱟᱞᱮᱦ ᱮᱥᱯᱷᱟᱦᱟᱱᱤ (ᱯᱷᱟᱨᱥᱤ: ژاله اصفهانی‎‎; ᱑᱙᱒᱑ – ᱒᱙ ᱱᱚᱵᱷᱮᱢᱵᱚᱨ ᱒᱐᱐᱗) ᱫᱚ ᱢᱤᱫ ᱤᱨᱟᱱᱤ ᱚᱱᱚᱬᱦᱤᱭᱟᱹ ᱟᱨ ᱥᱟᱶᱦᱮᱫ ᱥᱠᱚᱞᱟᱨ ᱮ ᱛᱟᱦᱮᱸ ᱠᱟᱱᱟᱭ ᱾

ᱮᱛᱚᱦᱚᱵ ᱡᱤᱭᱚᱱ

ᱡᱟᱞᱮᱦ ᱮᱥᱯᱷᱟᱦᱟᱱᱤ (ᱮᱛᱷᱟᱞ ᱞᱮᱠᱟᱛᱮ ᱨᱮᱡᱤᱥᱴᱟᱨ ᱟᱠᱟᱱ) ᱫᱚ ᱑᱙᱒᱑ ᱥᱟᱞᱮ ᱨᱮ ᱤᱥᱯᱷᱟᱦᱟᱱ ᱨᱮ ᱢᱤᱫ ᱡᱟᱹᱢᱤᱫᱟᱹᱨ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱵᱮᱦᱮᱥᱛ ᱟᱭᱤᱱ ᱟᱥᱲᱟ ᱨᱮᱭ ᱯᱟᱲᱦᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱚᱱᱟ ᱚᱠᱛᱚ ᱨᱮ ᱵᱽᱨᱤᱴᱤᱥ ᱢᱤᱥᱚᱱᱟᱨᱤ ᱠᱚ ᱪᱟᱞᱟᱣᱮᱫ ᱛᱟᱦᱮᱸᱫ, ᱟᱨ ᱛᱮᱦᱨᱟᱱ ᱨᱮᱭᱟᱜ ᱱᱩᱨᱵᱟᱠᱷᱥ ᱦᱟᱭ ᱤᱥᱠᱩᱞ ᱨᱮᱭ ᱯᱟᱲᱦᱟᱣ ᱞᱮᱱᱟ ᱾ ᱟᱡ ᱵᱟᱵᱟ ᱫᱚ ᱟᱡᱟᱜ ᱟᱥᱲᱟ ᱪᱟᱞᱟᱜ ᱵᱟᱭ ᱠᱩᱥᱤᱭᱟᱜ ᱛᱟᱦᱮᱸᱫ, ᱮᱥᱯᱷᱟᱦᱟᱱᱤ ᱟᱡᱟᱜ ᱥᱮᱪᱮᱫ ᱨᱮ ᱢᱩᱬᱩᱛ ᱮᱱᱮᱢ ᱞᱟᱹᱜᱤᱫ ᱟᱡ ᱟᱭᱳ ᱥᱟᱨᱦᱟᱣ ᱮ ᱮᱢᱟᱫᱮᱭᱟ ᱾ ᱮᱥᱯᱷᱟᱦᱟᱱᱤ ᱮᱭᱟᱭ ᱥᱮᱨᱢᱟ ᱩᱢᱮᱨ ᱨᱮ ᱯᱩᱭᱞᱩ ᱫᱷᱟᱣ ᱚᱱᱚᱬᱦᱮ ᱚᱞ ᱮ ᱮᱦᱚᱵ ᱞᱮᱫᱼᱟ ᱾ ᱩᱱᱤ ᱦᱟᱭ ᱤᱥᱠᱩᱞ ᱨᱮ ᱯᱟᱲᱦᱟᱣᱜ ᱠᱟᱱ ᱚᱠᱛᱚ ᱨᱮᱜᱮ ᱟᱡᱟᱜ ᱚᱱᱚᱬᱦᱮ ᱠᱚ ᱟᱠᱷᱛᱟᱨ, ᱥᱮᱯᱟᱱᱛᱟ ᱟᱨ ᱵᱟᱠᱷᱛᱟᱨ ᱞᱮᱠᱟᱱ ᱠᱷᱚᱵᱚᱨ ᱠᱟᱜᱚᱡᱽ ᱠᱚᱨᱮ ᱪᱷᱟᱯᱟ ᱞᱮᱱᱟ ᱾ ᱮᱥᱯᱷᱟᱦᱟᱱᱤ ᱭᱟᱜ ᱯᱩᱭᱞᱩ ᱚᱱᱚᱬᱦᱮ ᱛᱩᱢᱟᱹᱞ, ᱜᱳᱞᱦᱟ-ᱭᱮ ᱠᱷᱳᱫᱽᱨᱩ ᱫᱚ ᱑᱙᱔᱕ ᱥᱟᱞᱮ ᱨᱮ ᱛᱮᱦᱨᱟᱱ ᱨᱮ ᱯᱟᱨᱥᱟᱞ ᱞᱮᱱᱟ ᱾^[᱑] ᱟᱥᱲᱟ ᱠᱷᱚᱱ ᱜᱨᱮᱡᱩᱭᱮᱴ ᱮᱱ ᱛᱟᱭᱚᱢ, ᱩᱱᱤ ᱡᱟᱹᱛᱤᱭᱟᱹᱨᱤ ᱵᱮᱸᱠ ᱨᱮᱭ ᱠᱟᱹᱢᱤ ᱞᱮᱫᱼᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱮᱠᱟᱣᱩᱱᱴᱮᱱᱴ ᱞᱮᱠᱟᱛᱮ ᱵᱟᱦᱟᱞ ᱟᱠᱟᱱ ᱯᱮᱭᱟ ᱠᱩᱲᱤ ᱦᱚᱯᱚᱱ ᱢᱩᱸᱫᱽ ᱨᱮ ᱢᱤᱫᱴᱟᱹᱝ ᱮ ᱛᱟᱦᱮᱸ ᱠᱟᱱᱟ ᱾^[᱒]

ᱠᱮᱨᱤᱭᱚᱨ

᱑᱙᱔᱖ ᱥᱟᱞᱮ ᱨᱮ ᱛᱮᱦᱨᱟᱱ ᱨᱮ ᱤᱨᱟᱱ ᱨᱤᱱ ᱚᱱᱚᱞᱤᱭᱟᱹ ᱠᱚᱣᱟᱜ ᱯᱩᱭᱞᱩ ᱠᱚᱝᱜᱽᱨᱮᱥ ᱦᱩᱭ ᱞᱮᱱᱟ, ᱟᱨ ᱮᱥᱯᱷᱟᱦᱟᱱᱤ ᱫᱚ ᱮᱠᱞᱟ ᱠᱩᱲᱤ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱚᱸᱰᱮᱭ ᱥᱮᱞᱮᱫ ᱞᱮᱱᱟ, ᱟᱨ ᱒᱐᱐᱐ ᱦᱚᱲ ᱠᱚ ᱥᱟᱢᱟᱝ ᱨᱮ ᱢᱤᱫ ᱚᱱᱚᱬᱦᱮᱭ ᱯᱟᱲᱦᱟᱣ ᱞᱮᱫᱼᱟ ᱾^[᱔] ᱤᱱᱟᱹ ᱥᱮᱨᱢᱟ ᱜᱮ, ᱩᱱᱤ ᱠᱚᱢᱭᱩᱱᱤᱥᱴ ᱛᱩᱫᱮᱦ ᱯᱟᱨᱴᱤ ᱚᱯᱷ ᱤᱨᱟᱱ ᱨᱤᱱᱤᱡ ᱥᱚᱦᱮᱫ ᱟᱨ ᱯᱟᱦᱞᱟᱵᱷᱤ ᱥᱚᱨᱠᱟᱨ ᱨᱤᱱᱤᱡ ᱵᱤᱨᱳᱫᱷᱤ ᱥᱟᱢᱥ-ᱟᱞ-ᱫᱤᱱ ᱵᱟᱫᱤ ᱛᱟᱵᱽᱨᱤᱡᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾ ᱥᱟᱦ ᱢᱚᱦᱚᱢᱢᱚᱫᱽ ᱨᱮᱡᱟ ᱯᱟᱦᱞᱟᱵᱷᱤ ᱜᱚᱡ ᱨᱮᱭᱟᱜ ᱵᱟᱝ ᱥᱟᱠᱥᱮᱥ ᱠᱩᱨᱩᱢᱩᱴᱩ ᱛᱟᱭᱚᱢ ᱛᱤᱱ ᱡᱚᱦᱚᱜ ᱛᱩᱫᱮᱦ ᱯᱟᱨᱴᱤ ᱠᱚ ᱵᱚᱸᱫᱽ ᱠᱮᱫᱼᱟ, ᱩᱱ ᱡᱚᱦᱚᱜ ᱱᱩᱠᱤᱱ ᱡᱩᱨᱤ-ᱯᱟᱹᱨᱤ ᱫᱚ ᱥᱳᱵᱷᱤᱭᱮᱴ ᱭᱩᱱᱤᱭᱚᱱ ᱛᱮᱠᱤᱱ ᱧᱤᱨ ᱪᱟᱞᱟᱣ ᱮᱱᱟ, ᱟᱨ ᱵᱟᱠᱩ ᱨᱮᱠᱤᱱ ᱵᱟᱥᱟ ᱮᱱᱟ ᱾ ᱚᱸᱰᱮ ᱛᱟᱦᱮᱸᱱ ᱚᱠᱛᱚ ᱨᱮ, ᱮᱥᱯᱷᱟᱦᱟᱱᱤ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱡᱟᱱᱟᱢ ᱮ ᱮᱢᱟᱫ ᱠᱤᱱᱟ ᱟᱨ ᱑᱙᱕᱒ ᱥᱟᱞᱮ ᱨᱮ ᱵᱟᱠᱩ ᱯᱚᱱᱚᱛ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱯᱷᱤᱞᱳᱞᱳᱡᱤ ᱯᱷᱮᱠᱟᱞᱴᱤ ᱠᱷᱚᱱ ᱮ ᱜᱨᱮᱡᱩᱭᱮᱴ ᱞᱮᱱᱟ ᱾ ᱑᱙᱕᱔ ᱥᱟᱞᱮ ᱨᱮ, ᱜᱷᱟᱨᱚᱸᱡᱽ ᱫᱚ ᱢᱚᱥᱠᱚ ᱛᱮᱠᱚ ᱩᱪᱟᱹᱲ ᱮᱱᱟ ᱾ ᱩᱱᱤ ᱞᱳᱢᱳᱱᱳᱥᱳᱵᱷ ᱢᱚᱥᱠᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱤᱨᱟᱱ ᱨᱮ ᱱᱟᱦᱟᱜ ᱚᱱᱚᱬᱦᱮ ᱧᱩᱛᱩᱢᱟᱱ ᱟᱡᱟᱜ ᱰᱚᱠᱴᱚᱨᱟᱞ ᱛᱷᱮᱥᱤᱥ ᱥᱟᱠᱥᱮᱥ ᱥᱟᱶᱛᱮᱭ ᱰᱤᱯᱷᱮᱱᱰ ᱞᱮᱫᱼᱟ ᱾ ᱑᱙᱖᱐ ᱠᱷᱚᱱ ᱑᱙᱘᱐ ᱫᱷᱟᱹᱵᱤᱡ, ᱮᱥᱯᱷᱟᱦᱟᱱᱤ ᱢᱤᱫ ᱥᱟᱶᱦᱮᱫ ᱥᱠᱚᱞᱟᱨ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫᱼᱟ ᱟᱨ ᱢᱮᱠᱥᱤᱢ ᱜᱳᱨᱠᱤ ᱞᱤᱴᱮᱨᱮᱪᱚᱨ ᱤᱱᱥᱴᱤᱴᱤᱭᱩᱴ ᱨᱮ ᱯᱷᱟᱨᱥᱤ ᱮ ᱯᱟᱲᱦᱟᱣ ᱞᱮᱫᱼᱟ ᱾ ᱚᱸᱰᱮ ᱛᱟᱦᱮᱸᱱ ᱚᱠᱛᱚ ᱨᱮ, ᱩᱱᱤ ᱵᱷᱮᱜᱟᱨ ᱵᱷᱮᱜᱟᱨ ᱚᱱᱚᱬᱦᱤᱭᱟᱹ ᱟᱨ ᱱᱟᱦᱟᱜ ᱯᱷᱟᱨᱥᱤ ᱚᱱᱚᱬᱦᱮ ᱨᱮᱭᱟᱜ ᱟᱭᱢᱟ ᱯᱟᱦᱴᱟ ᱪᱮᱛᱟᱱ ᱨᱮ ᱠᱚᱢ ᱥᱮ ᱠᱚᱢ ᱯᱩᱱᱭᱟᱹ ᱠᱷᱚᱸᱫᱽᱨᱚᱸᱫᱽ ᱯᱨᱚᱡᱮᱠᱴ ᱮ ᱯᱩᱨᱟᱹᱣ ᱞᱮᱫᱼᱟ, ᱡᱟᱦᱟᱸ ᱢᱩᱸᱫᱽ ᱨᱮ ᱡᱚᱛᱚ ᱠᱷᱚᱱ ᱢᱩᱬᱩᱛ ᱫᱚ ᱤᱨᱟᱱ, ᱟᱯᱷᱜᱟᱱᱤᱥᱛᱟᱱ ᱟᱨ ᱛᱟᱡᱤᱠᱤᱥᱛᱟᱱ ᱨᱮ ᱢᱚᱰᱟᱨᱱᱤᱥᱴ ᱯᱚᱭᱮᱴᱤᱠᱥ ᱨᱮᱭᱟᱜ ᱩᱛᱱᱟᱹᱣ ᱤᱫᱤ ᱠᱟᱛᱮ ᱯᱟᱲᱦᱟᱣ ᱛᱟᱦᱮᱸ ᱠᱟᱱᱟ ᱾^[᱑]^[᱕] ᱨᱟᱥᱤᱭᱟ ᱨᱮ ᱛᱟᱦᱮᱸᱱ ᱚᱠᱛᱚ ᱨᱮ, ᱩᱱᱤ ᱯᱷᱟᱨᱥᱤ ᱥᱟᱶᱦᱮᱫ ᱨᱤᱱᱤᱡ ᱮᱠᱞᱟ ᱠᱩᱲᱤ ᱦᱚᱯᱚᱱ ᱞᱮᱠᱟᱛᱮ ᱩᱯᱨᱩᱢ ᱮ ᱛᱟᱦᱮᱸ ᱠᱟᱱᱟ ᱾ ᱮᱥᱯᱷᱟᱦᱟᱱᱤ ᱫᱚ ᱯᱷᱟᱨᱥᱤ ᱨᱚᱲᱚᱲ ᱦᱚᱲ ᱠᱚ ᱛᱟᱞᱟ ᱨᱮ ᱥᱟᱶᱦᱮᱫ ᱜᱚᱯᱚᱲᱚ ᱯᱟᱥᱱᱟᱣ ᱟᱨ ᱚᱱᱟ ᱤᱫᱤ ᱠᱟᱛᱮ ᱜᱟᱞᱢᱟᱨᱟᱣ ᱮᱢ ᱞᱟᱹᱜᱤᱫ ᱛᱮ ᱛᱟᱡᱤᱠᱤᱥᱛᱟᱱ, ᱟᱯᱷᱜᱟᱱᱤᱥᱛᱟᱱ ᱟᱨ ᱮᱴᱟᱜ ᱛᱟᱞᱢᱟ ᱮᱥᱤᱭᱟ ᱫᱤᱥᱚᱢ ᱠᱚᱛᱮ ᱟᱭᱢᱟ ᱫᱷᱟᱣ ᱮ ᱫᱟᱬᱟ ᱞᱮᱫᱼᱟ ᱾^[᱔] ᱛᱟᱡᱤᱠᱤᱥᱛᱟᱱ ᱨᱮ, ᱮᱥᱯᱷᱟᱦᱟᱱᱤ ᱨᱟᱥᱤᱭᱟᱱ ᱟᱨ ᱟᱡᱮᱨᱤ ᱛᱩᱨᱠᱤᱥ ᱛᱮ ᱚᱞ ᱟᱠᱟᱱ ᱚᱱᱚᱬᱦᱮ ᱠᱚᱦᱚᱸᱭ ᱯᱟᱨᱥᱟᱞ ᱞᱮᱫᱼᱟ, ᱥᱟᱶᱛᱮ ᱥᱤᱨᱤᱞᱤᱠ ᱯᱟᱹᱨᱥᱤ ᱛᱮ ᱮᱭᱟᱭ ᱜᱚᱴᱟᱝ ᱯᱷᱟᱨᱥᱤ ᱛᱩᱢᱟᱹᱞ ᱮ ᱯᱟᱨᱥᱟᱞ ᱞᱮᱫᱼᱟ ᱾ ᱚᱱᱟ ᱥᱟᱶᱛᱮ, ᱩᱱᱤ ᱟᱭᱢᱟ ᱜᱟᱭᱟᱱ ᱠᱟᱹᱢᱤ ᱠᱚᱭ ᱚᱞ ᱞᱮᱫᱼᱟ, ᱡᱟᱦᱟᱸ ᱢᱩᱸᱫᱽ ᱨᱮ ᱢᱤᱫᱴᱟᱹᱝ ᱫᱚ ᱑᱙᱕᱙ ᱟᱨ ᱑᱙᱖᱐ ᱥᱟᱞᱮ ᱨᱮ ᱫᱩᱥᱟᱱᱵᱮ ᱨᱮ ᱚᱯᱮᱨᱟᱴᱤᱠ ᱨᱩᱯ ᱛᱮ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾^[᱑]^[᱖]

ᱤᱨᱟᱱᱤ ᱤᱥᱞᱟᱢᱤᱠ ᱨᱤᱵᱷᱳᱞᱩᱥᱚᱱ ᱮᱛᱚᱦᱚᱵ ᱮᱱ ᱛᱟᱭᱚᱢ, ᱮᱥᱯᱷᱟᱦᱟᱱᱤ ᱟᱨ ᱟᱡᱟᱜ ᱜᱷᱟᱨᱚᱸᱡᱽ ᱑᱙᱘᱐ ᱥᱟᱞᱮ ᱨᱮ ᱤᱨᱟᱱ ᱠᱚ ᱨᱩᱣᱟᱹᱲ ᱦᱮᱡ ᱮᱱᱟ ᱾ ᱮᱥᱯᱷᱟᱦᱟᱱᱤ ᱭᱟᱜ ᱫᱤᱥᱚᱢ ᱚᱰᱚᱠ ᱚᱠᱛᱚ ᱨᱮ, ᱯᱟᱨᱵᱷᱤᱡᱽ ᱱᱟᱛᱮᱞ-ᱠᱷᱟᱱᱞᱟᱨᱤ ᱟᱡᱟᱜ ᱥᱳᱠᱷᱟᱱ ᱯᱟᱛᱷᱟᱢ ᱨᱮ ᱟᱡᱟᱜ ᱟᱭᱢᱟ ᱚᱱᱚᱬᱦᱮᱭ ᱯᱟᱨᱥᱟᱞ ᱞᱮᱫᱼᱟ ᱾ ᱟᱡᱟᱜ ᱯᱩᱭᱞᱩ ᱫᱤᱥᱚᱢ ᱚᱰᱚᱠ ᱚᱱᱚᱬᱦᱮ ᱛᱩᱢᱟᱹᱞ, ᱡᱮᱱᱫᱟ ᱨᱩᱫᱽ, ᱑᱙᱖᱕ ᱥᱟᱞᱮ ᱨᱮ ᱢᱚᱥᱠᱚ ᱨᱮ ᱯᱟᱨᱥᱟᱞ ᱞᱮᱱᱟ ᱾ ᱱᱚᱶᱟ ᱛᱩᱢᱟᱹᱞ ᱫᱚ ᱠᱤᱪᱷᱩ ᱫᱤᱱ ᱦᱟᱹᱴᱤᱧ ᱛᱟᱭᱚᱢ ᱤᱨᱟᱱ ᱨᱮ ᱠᱚ ᱵᱚᱸᱫᱽ ᱠᱮᱫᱼᱟ, ᱢᱮᱱᱠᱷᱟᱱ ᱨᱤᱵᱷᱳᱞᱩᱥᱚᱱ ᱛᱟᱭᱚᱢ ᱑᱙᱘᱑ ᱥᱟᱞᱮ ᱨᱮ ᱛᱮᱦᱨᱟᱱ ᱨᱮ ᱫᱚᱦᱲᱟ ᱠᱚ ᱪᱷᱟᱯᱟ ᱞᱮᱫᱼᱟ ᱾ ᱩᱱᱤ ᱨᱩᱣᱟᱹᱲ ᱦᱮᱡ ᱛᱟᱭᱚᱢ ᱛᱮᱦᱨᱟᱱ ᱨᱮ ᱟᱜᱟᱨ ᱦᱮᱡᱟᱨ ᱠᱟᱞᱟᱢ ᱫᱟᱥᱛᱟᱢ ᱮ ᱯᱟᱨᱥᱟᱞ ᱞᱮᱫᱼᱟ ᱾ ᱨᱩᱣᱟᱹᱲ ᱦᱮᱡ ᱨᱮᱭᱟᱜ ᱵᱟᱨ ᱥᱮᱨᱢᱟ ᱛᱟᱭᱚᱢ, ᱤᱨᱟᱱ ᱨᱮ ᱛᱩᱫᱮᱦ ᱯᱟᱨᱴᱤ ᱫᱚᱦᱲᱟ ᱛᱮᱠᱚ ᱵᱚᱸᱫᱽ ᱠᱮᱫᱼᱟ ᱟᱨ ᱮᱥᱯᱷᱟᱦᱟᱱᱤ ᱟᱨ ᱟᱡᱟᱜ ᱜᱷᱟᱨᱚᱸᱡᱽ ᱵᱟᱝ ᱠᱩᱥᱤ ᱛᱮ ᱟᱨᱦᱚᱸ ᱠᱚ ᱩᱪᱟᱹᱲ ᱮᱱᱟ, ᱱᱤᱭᱟᱹ ᱫᱷᱟᱣ ᱫᱚ ᱞᱚᱱᱰᱚᱱ ᱛᱮ, ᱡᱟᱦᱟᱸ ᱨᱮ ᱩᱱᱤ ᱟᱡᱟᱜ ᱵᱟᱹᱠᱤ ᱡᱤᱭᱚᱱ ᱮ ᱠᱷᱟᱸᱰᱟᱣ ᱞᱮᱫᱼᱟ ᱾

ᱛᱟᱭᱚᱢ ᱡᱤᱭᱚᱱ ᱟᱨ ᱜᱩᱨ

ᱞᱚᱱᱰᱚᱱ ᱨᱮ ᱛᱟᱦᱮᱸᱱ ᱚᱠᱛᱚ ᱨᱮ, ᱮᱥᱯᱷᱟᱦᱟᱱᱤ ᱟᱡᱟᱜ ᱚᱞ ᱨᱮ ᱟᱡᱟᱜ ᱚᱠᱛᱚᱭ ᱮᱢ ᱞᱮᱫᱼᱟ, ᱡᱟᱦᱟᱸ ᱨᱮ ᱑᱐ ᱜᱚᱴᱟᱝ ᱢᱩᱬᱩᱛ ᱚᱱᱚᱬᱦᱮ ᱯᱚᱛᱚᱵ ᱮ ᱯᱟᱨᱥᱟᱞ ᱞᱮᱫᱼᱟ ᱾ ᱟᱡᱟᱜ ᱡᱤᱭᱚᱱ ᱠᱟᱹᱦᱱᱤ ᱥᱟᱭᱟ-ᱭᱮ ᱥᱟᱞᱦᱟ ᱒᱐᱐᱐ ᱥᱟᱞᱮ ᱨᱮ ᱯᱟᱨᱥᱟᱞ ᱞᱮᱱᱟ ᱾ ᱒᱐᱐᱖ ᱥᱟᱞᱮ ᱨᱮ, ᱮᱥᱯᱷᱟᱦᱟᱱᱤ ᱭᱟᱜ ᱚᱱᱚᱬᱦᱮ ᱨᱮᱭᱟᱜ ᱢᱤᱫ ᱵᱟᱪᱷᱟᱣ ᱨᱮᱭᱟᱜ ᱯᱩᱭᱞᱩ ᱤᱝᱞᱤᱥ ᱛᱚᱨᱡᱚᱢᱟ ᱫᱚ ᱟᱡᱤᱡ ᱜᱟᱛᱮ ᱨᱩᱦᱤ ᱥᱟᱦᱯᱷᱤ ᱦᱚᱛᱮᱛᱮ ᱢᱟᱭᱜᱽᱨᱮᱴᱤᱝ ᱵᱟᱨᱰᱥ ᱧᱩᱛᱩᱢ ᱛᱮ ᱚᱞ ᱞᱮᱱᱟ ᱾

᱒᱙ ᱱᱚᱵᱷᱮᱢᱵᱚᱨ ᱒᱐᱐৭ ᱨᱮ, ᱮᱥᱯᱷᱟᱦᱟᱱᱤ ᱘᱖ ᱥᱮᱨᱢᱟ ᱩᱢᱮᱨ ᱨᱮ ᱞᱚᱱᱰᱚᱱ ᱨᱮᱭ ᱜᱩᱨ ᱮᱱᱟ ᱾ ᱩᱱᱤ ᱫᱚ ᱟᱡ ᱨᱤᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹᱭ ᱵᱟᱹᱜᱤ ᱟᱫ ᱠᱤᱱᱟ ᱾

ᱥᱟᱹᱠᱷᱭᱟᱹᱛ

1 2 3 Vajdi, Shadab (20 July 2009). "ESFAHANI, Jaleh". Encyclopedia Iranica.
↑ Yousef, Saeed (2022). "Shahnāz A'lāmī". Women Poets Iranica. Archived from the original on 2024-11-10. Retrieved 2024-11-08.
↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; refs with no name must have content.
1 2 "Jaleh Esfahani". The Times. 18 December 2007. ^[᱓](subscription required)
↑ Karimi-Hakkak, Ahmad (8 January 2008). "Jaleh Mohajer-Esfahani". The Guardian.
↑ Farroḵzād, Purān (2002). Kārhā-ye zanān-e Irāni az diruz tā emruz. Tehran. p. 97.

[EI-1] 1 2 3 Vajdi, Shadab (20 July 2009). "ESFAHANI, Jaleh". Encyclopedia Iranica.

[2] Yousef, Saeed (2022). "Shahnāz A'lāmī". Women Poets Iranica. Archived from the original on 2024-11-10. Retrieved 2024-11-08.

[3] ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; refs with no name must have content.

[Times-4] 1 2 "Jaleh Esfahani". The Times. 18 December 2007. ^[᱓](subscription required)

[Guardian-5] Karimi-Hakkak, Ahmad (8 January 2008). "Jaleh Mohajer-Esfahani". The Guardian.

[6] Farroḵzād, Purān (2002). Kārhā-ye zanān-e Irāni az diruz tā emruz. Tehran. p. 97.

[᱑]

[᱒]

[᱔]

[᱕]

[᱖]

[᱓]