ᱡᱟᱠᱟᱨ
| ᱡᱟᱠᱟᱨ བྱ་ཀར་ | |
|---|---|
| ᱵᱟᱡᱟᱨ | |
 ᱡᱟᱠᱟᱨ | |
  ᱡᱟᱠᱟᱨ | |
| Coordinates: 27°33′0″N 90°44′0″E / 27.55000°N 90.73333°ECoordinates: 27°33′0″N 90°44′0″E / 27.55000°N 90.73333°E | |
| ᱫᱤᱥᱚᱢ |  Bhutan |
| ᱦᱚᱱᱚᱛ | ᱵᱩᱢᱛᱷᱟᱝ |
| ᱩᱥᱩᱞ | 2587 ᱢᱤᱴᱚᱨ (8488 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2017) |
| • ᱞᱮᱠᱷᱟᱜᱩᱴ | ᱖,᱒᱔᱓ |
| BTT (ᱭᱩᱴᱤᱥᱤ+06:00) | |
ᱡᱟᱠᱟᱨ (ᱡᱚᱝᱠᱷᱟ: བྱ་ཀར་; ᱤᱝᱞᱤᱥ: Jakar) ᱫᱚ ᱵᱷᱩᱴᱟᱱ ᱨᱮᱱᱟᱜ ᱛᱟᱞᱟ-ᱥᱟᱢᱟᱝ ᱴᱚᱴᱷᱟ ᱨᱮ ᱢᱮᱱᱟᱜ ᱢᱤᱫ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱵᱩᱢᱛᱷᱟᱝ ᱦᱚᱱᱚᱛ ᱨᱮᱱᱟᱜ ᱦᱚᱱᱚᱛ ᱨᱟᱡᱽᱜᱟᱲ (ᱡᱚᱝᱠᱷᱟᱜᱽ ᱛᱷᱨᱚᱢᱰᱮ) ᱠᱟᱱᱟ ᱟᱨ ᱡᱟᱠᱟᱨ ᱡᱚᱝ ᱨᱮᱱᱟᱜ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱫᱚ ᱴᱚᱴᱷᱟᱠᱤᱭᱟᱹ ᱡᱚᱝ ᱠᱤᱞᱟ ᱠᱟᱱᱟ ᱾[᱑] ᱡᱟᱠᱟᱨ ᱧᱩᱛᱩᱢ ᱨᱮᱱᱟᱜ ᱢᱮᱱᱮᱛ ᱫᱚ "ᱯᱩᱸᱰ ᱪᱮᱬᱮ" ᱠᱟᱱᱟ, ᱡᱟᱦᱟᱸ ᱫᱚ ᱱᱚᱣᱟ ᱨᱮᱱᱟᱜ ᱛᱷᱟᱯᱚᱱ ᱠᱟᱹᱦᱱᱤ ᱥᱟᱞᱟᱜ ᱡᱚᱲᱟᱣ ᱢᱮᱱᱟᱜᱼᱟ ᱾ ᱱᱚᱣᱟ ᱠᱟᱹᱦᱱᱤ ᱞᱮᱠᱟᱛᱮ, ᱑᱕᱔᱙ ᱥᱮᱨᱢᱟ ᱨᱮ ᱢᱤᱫ ᱯᱩᱸᱰ ᱪᱮᱬᱮ ᱢᱤᱫ ᱢᱚᱴᱷ ᱵᱮᱱᱟᱣ ᱞᱟᱹᱜᱤᱫ ᱥᱟᱹᱜᱩᱱ ᱴᱷᱟᱶ ᱮ ᱩᱫᱩᱜ ᱞᱮᱫ ᱛᱟᱦᱮᱸᱫ ᱾[᱒]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱵᱟᱡᱟᱨ ᱫᱚ ᱪᱚᱠᱷᱚᱨ ᱞᱦᱟᱠᱷᱟᱝ ᱨᱮᱱᱟᱜ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱦᱩᱰᱤᱧ ᱢᱚᱱᱫᱤᱨ ᱠᱟᱱᱟ ᱾ ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱨᱟᱡᱟ ᱥᱤᱱᱫᱷᱩ ᱨᱟᱡᱟ ᱦᱟᱜ "ᱢᱮᱬᱦᱮᱫ ᱚᱲᱟᱜ" ᱨᱮᱱᱟᱜ ᱴᱷᱟᱶ ᱞᱮᱠᱟᱛᱮ ᱪᱤᱱᱦᱟᱹ ᱢᱮᱱᱟᱜᱼᱟ, ᱡᱟᱦᱟᱸᱭ ᱫᱚ ᱗᱔᱖ ᱥᱟᱞᱮ ᱨᱮ ᱜᱩᱨᱩ ᱨᱤᱢᱯᱚᱪᱮ ᱫᱚ ᱵᱷᱩᱴᱟᱱ ᱛᱮ ᱯᱩᱭᱞᱩ ᱫᱷᱟᱣ ᱮ ᱱᱮᱣᱛᱟ ᱞᱮᱫᱮ ᱛᱟᱦᱮᱸᱫ ᱾[᱓][᱔] ᱱᱤᱛᱚᱜᱟᱜ ᱫᱚᱞᱟᱱ ᱫᱚ ᱑᱔ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮ ᱛᱮᱨᱛᱚᱱ ᱫᱚᱨᱡᱮ ᱞᱤᱝᱯᱟ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱᱟ ᱢᱮᱱᱛᱮ ᱞᱟᱹᱭ ᱟᱠᱟᱱᱟ ᱾ ᱡᱟᱠᱟᱨ ᱨᱮᱱᱟᱜ ᱛᱷᱟᱯᱚᱱ ᱠᱟᱹᱦᱱᱤ ᱞᱮᱠᱟᱛᱮ, ᱑᱕᱔᱙ ᱥᱮᱨᱢᱟ ᱨᱮ ᱢᱤᱫ ᱯᱩᱸᱰ ᱪᱮᱬᱮ ᱢᱚᱴᱷ ᱵᱮᱱᱟᱣ ᱞᱟᱹᱜᱤᱫ ᱥᱟᱹᱜᱩᱱ ᱴᱷᱟᱶ ᱮ ᱩᱫᱩᱜ ᱞᱮᱫᱼᱟ ᱾ ᱚᱱᱟᱛᱮ ᱱᱚᱣᱟ ᱵᱟᱥᱟ ᱴᱷᱟᱶ ᱨᱮᱱᱟᱜ ᱧᱩᱛᱩᱢ ᱫᱚ "ᱡᱟᱠᱟᱨ" ᱫᱚᱦᱚ ᱮᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱯᱩᱸᱰ ᱪᱮᱬᱮ" ᱠᱟᱱᱟ ᱾[᱒] ᱵᱟᱡᱟᱨ ᱥᱩᱨ ᱨᱮ ᱟᱭᱢᱟ ᱜᱟᱱ ᱵᱩᱫᱫᱷᱚ ᱫᱷᱚᱨᱚᱢ ᱨᱮᱱᱟᱜ ᱯᱚᱵᱤᱛᱨᱚ ᱴᱷᱟᱶ ᱠᱚ ᱢᱮᱱᱟᱜᱼᱟ, ᱡᱮᱞᱮᱠᱟ ᱠᱩᱨᱡᱮ ᱞᱦᱟᱠᱷᱟᱝ, ᱡᱟᱦᱟᱸ ᱨᱮ ᱜᱩᱨᱩ ᱨᱤᱢᱯᱚᱪᱮ ᱭᱟᱜ ᱦᱚᱲᱢᱚ ᱪᱷᱟᱯ ᱢᱮᱱᱟᱜᱼᱟ; ᱡᱟᱢᱵᱮ ᱞᱦᱟᱠᱷᱟᱝ, ᱡᱟᱦᱟᱸ ᱫᱚ ᱨᱟᱡᱟ ᱥᱚᱝᱴᱮᱱ ᱜᱟᱢᱯᱚ ᱦᱚᱛᱮᱛᱮ ᱢᱤᱫ ᱧᱤᱫᱟᱹ ᱨᱮ ᱵᱮᱱᱟᱣ ᱞᱮᱱ ᱑᱐᱘ ᱢᱚᱱᱫᱤᱨ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ; ᱟᱨ ᱛᱟᱢᱥᱤᱝ ᱞᱦᱟᱠᱷᱟᱝ, ᱡᱟᱦᱟᱸ ᱫᱚ ᱛᱮᱨᱛᱚᱱ ᱯᱚᱫᱽᱢᱚ ᱞᱤᱝᱯᱟ (᱑᱔᱕᱐-᱑᱕᱒᱑) ᱦᱚᱛᱮᱛᱮ ᱛᱷᱟᱯᱚᱱ ᱞᱮᱱᱟ ᱾[᱕] ᱚᱱᱟ ᱥᱟᱶᱛᱮ, ᱫᱤᱥᱚᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱚᱱᱟᱥᱴᱤᱠ ᱠᱚᱞᱮᱡᱽ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ, ᱞᱦᱚᱫᱽᱨᱟᱠ ᱠᱷᱟᱨᱪᱷᱩ ᱢᱚᱱᱟᱥᱴᱨᱤ, ᱡᱟᱠᱟᱨ ᱪᱮᱛᱟᱱ ᱨᱮ ᱢᱮᱱᱟᱜᱼᱟ ᱾
ᱚᱛᱱᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱠᱟᱨ ᱫᱚ ᱛᱟᱞᱢᱟ ᱵᱩᱢᱛᱷᱟᱝ ᱨᱮᱱᱟᱜ ᱪᱷᱚᱠᱷᱚᱨ ᱜᱮᱣᱚᱜᱽ ᱵᱷᱤᱛᱤᱨ ᱨᱮ ᱵᱩᱢᱛᱷᱟᱝ (ᱪᱚᱠᱷᱚᱨ) ᱵᱮᱰᱟ ᱨᱮ ᱢᱮᱱᱟᱜᱼᱟ ᱾[᱒] ᱮᱱᱛᱮ ᱨᱮᱦᱚᱸ, ᱥᱟᱥᱚᱱ ᱪᱟᱪᱞᱟᱣ ᱞᱮᱠᱟᱛᱮ, ᱡᱟᱠᱟᱨ ᱫᱚ ᱜᱮᱣᱚᱜᱽ ᱵᱷᱤᱛᱤᱨ ᱨᱮ ᱢᱤᱫ ᱵᱷᱮᱜᱟᱨ ᱛᱷᱨᱚᱢᱰᱮ (ᱱᱚᱜᱚᱨᱯᱟᱞᱤᱠᱟ) ᱠᱟᱱᱟ ᱾ ᱪᱷᱚᱠᱷᱚᱨ ᱜᱮᱣᱚᱜᱽ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱚᱯᱷᱤᱥ ᱫᱚ ᱡᱟᱠᱟᱨ ᱨᱮᱱᱟᱜ ᱮᱛᱚᱢ ᱥᱟᱵᱽ-ᱟᱨᱵᱟᱱ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾[᱑][᱖] ᱡᱟᱠᱟᱨ ᱨᱮᱱᱟᱜ ᱮᱛᱚᱢ ᱨᱮ ᱣᱟᱝᱪᱩᱠ ᱥᱮᱱᱴᱮᱱᱤᱭᱟᱞ ᱯᱟᱨᱠ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱷᱩᱴᱟᱱ ᱨᱮᱱᱟᱜ ᱢᱤᱫ ᱨᱟᱠᱷᱟ ᱫᱚᱦᱚ ᱴᱚᱴᱷᱟ ᱠᱟᱱᱟ ᱾[᱗]
ᱦᱚᱭ ᱦᱤᱥᱤᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱠᱟᱨ ᱨᱮ ᱫᱚ ᱥᱟᱵᱽ-ᱴᱨᱚᱯᱤᱠᱟᱞ ᱦᱟᱭᱞᱮᱱᱰ ᱦᱚᱭ ᱦᱤᱥᱤᱫ (Köppen: Cwb) ᱢᱮᱱᱟᱜᱼᱟ ᱾
| ᱪᱟᱸᱫᱚ | ᱡᱟᱱ | ᱯᱷᱮᱵᱽ | ᱢᱟᱨᱪ | ᱮᱯᱨᱤᱞ | ᱢᱮ | ᱡᱩᱱ | ᱡᱩᱞᱟᱭ | ᱟᱜᱚᱥᱴ | ᱥᱮᱯ | ᱚᱠᱴᱚ | ᱱᱚᱵᱷ | ᱰᱤᱥ | ᱥᱮᱨᱢᱟ |
|---|---|---|---|---|---|---|---|---|---|---|---|---|---|
| ᱨᱮᱠᱚᱨᱰ ᱞᱟᱯᱷᱟᱝ °C (°F) | 18.5 (65.3) | 20.0 (68.0) | 23.0 (73.4) | 24.0 (75.2) | 25.5 (77.9) | 28.0 (82.4) | 27.0 (80.6) | 27.0 (80.6) | 26.5 (79.7) | 24.0 (75.2) | 22.0 (71.6) | 19.0 (66.2) | 28.0 (82.4) |
| ᱫᱤᱱᱟᱹᱢ ᱞᱟᱯᱷᱟᱝ °C (°F) | 11.4 (52.5) | 13.0 (55.4) | 15.3 (59.5) | 17.5 (63.5) | 19.7 (67.5) | 21.9 (71.4) | 22.7 (72.9) | 22.7 (72.9) | 21.6 (70.9) | 18.8 (65.8) | 15.5 (59.9) | 12.9 (55.2) | 17.8 (63.9) |
| ᱫᱤᱱᱟᱹᱢ ᱟᱱᱩᱢᱟᱱ °C (°F) | 3.8 (38.8) | 6.0 (42.8) | 8.7 (47.7) | 11.7 (53.1) | 14.6 (58.3) | 17.5 (63.5) | 18.6 (65.5) | 18.5 (65.3) | 17.1 (62.8) | 12.9 (55.2) | 8.4 (47.1) | 5.0 (41.0) | 11.9 (53.4) |
| ᱫᱤᱱᱟᱹᱢ ᱞᱟᱛᱟᱨ °C (°F) | −3.9 (25.0) | −1.1 (30.0) | 2.1 (35.8) | 5.9 (42.6) | 9.5 (49.1) | 13.0 (55.4) | 14.4 (57.9) | 14.2 (57.6) | 12.5 (54.5) | 7.0 (44.6) | 1.3 (34.3) | −2.9 (26.8) | 6.0 (42.8) |
| ᱨᱮᱠᱚᱨᱰ ᱞᱟᱛᱟᱨ °C (°F) | −13.0 (8.6) | −11.0 (12.2) | −7.0 (19.4) | −2.5 (27.5) | 0.0 (32.0) | 3.0 (37.4) | 10.0 (50.0) | 9.5 (49.1) | 4.5 (40.1) | −5.0 (23.0) | −10.0 (14.0) | −13.5 (7.7) | −13.5 (7.7) |
| ᱫᱟᱜ ᱡᱟᱹᱲᱤ mm (ᱤᱸᱪ) | 5.9 (0.23) | 10.6 (0.42) | 34.2 (1.35) | 66.6 (2.62) | 94.4 (3.72) | 97.6 (3.84) | 155.9 (6.14) | 138.7 (5.46) | 89.1 (3.51) | 57.3 (2.26) | 6.9 (0.27) | 1.9 (0.07) | 759.1 (29.89) |
| ᱯᱷᱮᱰᱟᱛ ᱑: National Center for Hydrology and Meteorology[᱘] | |||||||||||||
| ᱯᱷᱮᱰᱟᱛ ᱒: World Meteorological Organization[᱙] | |||||||||||||
ᱥᱟᱜᱟᱲᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱠᱟᱨ ᱫᱚ ᱢᱤᱫ ᱮᱛᱚᱢ-ᱠᱚᱧᱮ ᱥᱚᱲᱚᱠ ᱦᱚᱛᱮᱛᱮ ᱡᱚᱲᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱵᱷᱩᱴᱟᱱ ᱨᱮᱱᱟᱜ ᱢᱩᱬᱩᱛ ᱨᱟᱡᱽᱰᱟᱦᱟᱨ ᱞᱮᱴᱨᱟᱞ ᱨᱚᱰ ᱥᱟᱞᱟᱜ ᱡᱚᱲᱟᱣ ᱢᱮᱱᱟᱜᱼᱟ ᱾[᱑᱐] ᱡᱟᱠᱟᱨ ᱨᱮ ᱫᱚ ᱵᱟᱛᱷᱯᱟᱞᱟᱛᱷᱟᱝ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ ᱾ ᱱᱚᱣᱟ ᱩᱰᱟᱹᱱ ᱰᱟᱹᱦᱤ ᱫᱚ ᱨᱚᱭᱮᱞ ᱵᱷᱩᱴᱟᱱᱤᱡᱽ ᱥᱚᱨᱠᱟᱨᱟᱜ ᱑᱐ ᱟᱱᱟᱜ ᱢᱚᱬᱮ ᱥᱮᱨᱢᱟᱠᱤᱭᱟᱹ ᱯᱞᱟᱱ (᱒᱐᱐᱘) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱚᱠᱴᱚᱵᱚᱨ ᱒᱐᱑᱐ ᱨᱮ ᱡᱷᱤᱡ ᱨᱮᱱᱟᱜ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱦᱟᱥᱟ ᱨᱮᱱᱟᱜ ᱥᱴᱮᱵᱤᱞᱤᱴᱤ, ᱜᱟᱰᱟ ᱰᱟᱭᱵᱷᱚᱨᱥᱚᱱ, ᱯᱷᱚᱸᱰᱤᱝ ᱟᱨ ᱞᱮᱵᱚᱨ ᱠᱷᱟᱹᱛᱤᱨ ᱟᱹᱰᱤ ᱜᱟᱱ ᱵᱤᱞᱚᱢ ᱦᱩᱭ ᱞᱮᱱᱟ ᱾ ᱰᱨᱩᱠ ᱮᱭᱟᱨ ᱟᱨ ᱛᱟᱥᱤ ᱮᱭᱟᱨ ᱵᱟᱱᱟᱨ ᱜᱮ ᱑᱗ ᱰᱤᱥᱮᱢᱵᱚᱨ ᱒᱐᱑᱑ ᱨᱮ ᱵᱟᱛᱷᱯᱟᱞᱟᱛᱷᱟᱝ ᱞᱟᱹᱜᱤᱫ ᱩᱰᱟᱹᱣ ᱠᱤᱱ ᱮᱦᱚᱵ ᱠᱮᱫᱼᱟ ᱾
ᱢᱩᱬᱩᱛ ᱧᱮᱞᱡᱚᱝ ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱠᱟᱨ ᱡᱚᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱖᱖᱗ ᱥᱟᱞᱮ ᱨᱮ ᱵᱮᱱᱟᱣ ᱟᱠᱟᱱ ᱡᱟᱠᱟᱨ ᱡᱚᱝ ᱫᱚ ᱡᱟᱠᱟᱨ ᱵᱟᱡᱟᱨ ᱪᱮᱛᱟᱱ ᱨᱮ ᱢᱮᱱᱟᱜ ᱢᱤᱫ ᱩᱥᱩᱞ ᱡᱟᱭᱜᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱡᱚᱝ ᱠᱤᱞᱟ ᱫᱚ ᱱᱤᱛᱚᱜ ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱛᱟᱞᱢᱟ ᱠᱟᱱᱟ ᱾ ᱱᱚᱣᱟ ᱫᱚ ᱵᱷᱩᱴᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱡᱚᱝ ᱦᱩᱭ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱜᱚᱴᱟᱯᱟᱲᱟ ᱫᱚ ᱑,᱕᱐᱐ ᱢᱤᱴᱚᱨ (᱔,᱙᱐᱐ ᱯᱷᱩᱴ) ᱠᱷᱚᱱ ᱰᱷᱮᱨ ᱢᱮᱱᱟᱜᱼᱟ ᱾[᱒]
ᱫᱟᱬᱟᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱩᱢᱛᱷᱟᱝ (ᱪᱚᱠᱷᱚᱨ) ᱵᱮᱰᱟ ᱨᱮ ᱢᱮᱱᱟᱜ ᱠᱷᱟᱹᱛᱤᱨ, ᱱᱚᱣᱟ ᱴᱚᱴᱷᱟ ᱫᱚ ᱢᱤᱫ ᱧᱩᱛᱩᱢᱟᱱ ᱫᱟᱬᱟᱱ ᱴᱷᱟᱶ ᱠᱟᱱᱟ ᱾ ᱚᱱᱟᱛᱮ ᱱᱚᱣᱟ ᱵᱟᱡᱟᱨ ᱨᱮ ᱟᱭᱢᱟ ᱱᱟᱯᱟᱭ ᱦᱚᱴᱮᱞ ᱟᱨ ᱠᱨᱟᱯᱷᱴ ᱫᱚᱠᱟᱱ ᱠᱚ ᱢᱮᱱᱟᱜᱼᱟ, ᱟᱨ ᱟᱭᱢᱟ ᱜᱮᱥᱴ ᱦᱟᱣᱩᱥ ᱦᱚᱸ ᱢᱮᱱᱟᱜᱼᱟ ᱾ ᱵᱟᱡᱟᱨ ᱫᱚ ᱪᱟᱢᱠᱷᱟᱨ ᱧᱩᱛᱩᱢᱟᱱ ᱴᱚᱴᱷᱟ ᱨᱮ ᱢᱤᱫ ᱛᱟᱞᱟ ᱚᱲᱟᱜ ᱨᱮᱱᱟᱜ ᱥᱚᱲᱚᱠ ᱨᱮ ᱢᱮᱱᱟᱜᱼᱟ ᱾ ᱒᱐᱑᱐ ᱥᱟᱞᱮ ᱨᱮ ᱰᱮᱠᱤᱞᱤᱝ ᱴᱚᱴᱷᱟ ᱨᱮ ᱯᱮ ᱛᱟᱞᱟ ᱨᱮᱱᱟᱜ ᱱᱟᱣᱟ ᱵᱟᱡᱟᱨ ᱵᱮᱱᱟᱣ ᱨᱮᱱᱟᱜ ᱯᱞᱟᱱ ᱛᱟᱦᱮᱸ ᱠᱟᱱᱟ ᱾
ᱞᱟᱠᱪᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱠᱟᱨ, ᱵᱩᱢᱛᱷᱟᱝ ᱦᱚᱱᱚᱛ ᱟᱨ ᱚᱱᱟ ᱨᱮᱱᱟᱜ ᱯᱩᱲᱥᱤ ᱠᱚ ᱞᱮᱠᱟᱜᱮ, ᱞᱟᱠᱪᱟᱨ ᱞᱮᱠᱟᱛᱮ ᱥᱟᱢᱟᱝ ᱵᱷᱩᱴᱟᱱ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱡᱚᱝᱠᱷᱟ ᱫᱚ ᱡᱟᱹᱛᱤᱭᱟᱹᱨᱤ ᱯᱟᱹᱨᱥᱤ ᱠᱟᱱᱟ, ᱢᱮᱱᱠᱷᱟᱱ ᱴᱚᱴᱷᱟᱠᱤᱭᱟᱹ ᱯᱟᱹᱨᱥᱤ ᱠᱚ ᱢᱩᱫᱽ ᱨᱮ ᱵᱩᱢᱛᱷᱟᱝ ᱟᱨ ᱵᱨᱚᱠᱠᱟᱛ ᱥᱮᱞᱮᱫ ᱢᱮᱱᱟᱜᱼᱟ ᱾ ᱡᱟᱠᱟᱨ ᱫᱚ ᱟᱡᱟᱜ ᱱᱟᱯᱟᱭ ᱟᱨ ᱨᱚᱝ-ᱵᱮᱨᱚᱝ ᱩᱱ ᱨᱮᱱᱟᱜ ᱡᱤᱱᱤᱥ ᱠᱚ ᱞᱟᱹᱜᱤᱫ ᱜᱚᱴᱟ ᱵᱷᱩᱴᱟᱱ ᱨᱮ ᱧᱩᱛᱩᱢᱟᱱ ᱜᱮᱭᱟ, ᱡᱟᱦᱟᱸ ᱫᱚ ᱭᱮᱛᱷᱨᱟ ᱠᱚ ᱢᱮᱛᱟᱜᱼᱟ ᱾
ᱟᱥᱲᱟ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱝᱠᱷᱟᱜᱽ ᱨᱮ ᱑᱙ ᱜᱚᱴᱟᱝ ᱟᱥᱲᱟ ᱢᱮᱱᱟᱜᱼᱟ ᱾ ᱱᱚᱸᱰᱮ ᱵᱟᱨᱭᱟ ᱦᱟᱭᱚᱨ ᱥᱮᱠᱮᱱᱰᱟᱨᱤ ᱟᱥᱲᱟ, ᱯᱮᱭᱟ ᱢᱤᱰᱤᱞ ᱥᱮᱠᱮᱱᱰᱟᱨᱤ ᱟᱥᱲᱟ ᱟᱨ ᱵᱟᱨᱭᱟ ᱞᱳᱣᱟᱨ ᱥᱮᱠᱮᱱᱰᱟᱨᱤ ᱟᱥᱲᱟ ᱢᱮᱱᱟᱜᱼᱟ ᱟᱨ ᱵᱟᱹᱲᱛᱤ ᱫᱚ ᱠᱚᱢᱭᱩᱱᱤᱴᱤ ᱟᱥᱲᱟ ᱠᱟᱱᱟ ᱾
ᱜᱮᱞᱟᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱩᱢᱛᱷᱟᱝ ᱵᱟᱡᱟᱨ ᱨᱮᱱᱟᱜ ᱯᱚᱥᱴ ᱚᱯᱷᱤᱥ
ᱡᱟᱠᱟᱨ ᱥᱩᱨ ᱨᱮᱱᱟᱜ ᱚᱲᱟᱜ ᱠᱚ
ᱡᱟᱠᱟᱨ ᱥᱚᱲᱚᱠ
ᱱᱚᱣᱟ ᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 "Approved Thromdes & Boundaries". Ministry of Works and Human Settlements. Archived from the original on 2017-04-15. Retrieved 2011-08-09.
- 1 2 3 4 Brown, Lindsay (2007). Bhutan. Lonely Planet. p. 168. ISBN 978-1-74059-529-2.
- ↑ Hattaway, Paul (2004). Peoples of the Buddhist World. William Carey Library. p. 30. ISBN 0-87808-361-8.
- ↑ Worden, Robert L. (1991). "Arrival of Buddhism". In Savada, Andrea Matles (ed.). Bhutan: A Country Study. Federal Research Division.
- ↑ Padel, Ruth (2006). Tigers in Red Weather. Bloomsbury Publishing USA. pp. 139–40. ISBN 0-8027-1544-3.
- ↑ "Chiwogs in Bumthang" (PDF). Election Commission, Government of Bhutan. 2011. Retrieved 2011-07-28.
- ↑ "Parks of Bhutan". Bhutan Trust Fund for Environmental Conservation. Retrieved 2011-03-26.
- ↑ "Climate Data Book of Bhutan, 2018". National Center for Hydrology and Meteorology. Retrieved 2025-02-20.
- ↑ "World Weather Information Service – Bumthang". World Meteorological Organization. Retrieved 2023-08-24.
- ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>tag; no text was provided for refs namedChiwogs
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱡᱟᱠᱟᱨ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |