ᱡᱟᱢᱟ ᱢᱚᱥᱡᱤᱫᱽ, ᱫᱤᱞᱞᱤ

ᱡᱟᱢᱟ ᱢᱚᱥᱡᱤᱫᱽ
ᱡᱟᱢᱟ ᱢᱚᱥᱡᱤᱫᱽ
	The mosque exterior, in 2008
Religion
Affiliation	ᱥᱩᱱᱱᱤ ᱤᱥᱞᱟᱢ
Rite	ᱦᱟᱱᱟᱯᱤ
Ecclesiastical or organizational status	Congregational mosque
Leadership	Syed Ahmed Bukhari; (ᱥᱟᱦᱤ ᱤᱢᱟᱢ); Syed Shaban Bukhari; (Naib Shahi Imam);
Status	Active
Location
Location	ᱢᱟᱨᱮ ᱫᱤᱞᱞᱤ, ᱛᱟᱞᱢᱟ ᱫᱤᱞᱞᱤ
Country	ᱥᱤᱧᱚᱛ
	ᱥᱤᱧᱚᱛ ᱨᱮ ᱴᱷᱟᱶ
Geographic coordinates	28°39′03″N 77°14′00″E / 28.6507°N 77.2334°ECoordinates: 28°39′03″N 77°14′00″E / 28.6507°N 77.2334°E
Architecture
Type	ᱢᱚᱥᱡᱤᱫᱽ ᱟᱨᱠᱤᱴᱮᱪᱟᱨ
Style	ᱤᱱᱰᱳᱼᱤᱥᱞᱟᱢᱤᱠ; ᱢᱩᱜᱚᱞ;
Completed	1656
Construction cost	ᱪᱷᱟᱸᱪ:IDR1 million
Specifications
Direction of façade	West
Capacity	25,000 worshippers
Length	40 metres (130 ft)
Width	27 metres (89 ft)
Dome(s)	3
Minaret(s)	2
Minaret height	41 metres (135 ft)
Materials	ᱟᱨᱟᱜ ᱦᱟᱥᱟ, ᱢᱟᱨᱵᱟᱞ
Website
	Jama Masjid

ᱢᱚᱥᱡᱤᱫᱽ-ᱤ-ᱡᱟᱦᱟᱱ-ᱱᱩᱢᱟ ᱡᱟᱦᱟᱸ ᱫᱚ ᱡᱟᱢᱟ ᱢᱟᱥᱡᱤᱫᱽ (ᱩᱨᱫᱩ: جامع مسجد) ᱧᱩᱛᱩᱢ ᱛᱮ ᱦᱚᱸ ᱵᱟᱰᱟᱭᱚᱜᱼᱟ, ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱩᱱᱱᱤ ᱢᱚᱥᱡᱤᱫᱽ ᱠᱟᱱᱟ ᱾^[᱑]

ᱱᱚᱣᱟ ᱫᱚ ᱢᱩᱜᱚᱞ ᱥᱟᱥᱚᱱᱤᱭᱟᱹ ᱥᱟᱦ ᱡᱟᱦᱟᱸᱱ ᱑᱖᱔᱔ ᱠᱷᱚᱱ ᱑᱖᱕᱖ ᱵᱷᱤᱛᱨᱤ ᱨᱮ ᱵᱮᱱᱟᱣ ᱞᱮᱫᱼᱟ, ᱟᱨ ᱱᱚᱣᱟ ᱨᱮᱱᱟᱜ ᱯᱩᱭᱞᱩ ᱤᱢᱟᱢ ᱥᱟᱭᱮᱫᱽ ᱟᱵᱽᱫᱩᱞ ᱜᱟᱯᱷᱩᱨ ᱥᱟᱦ ᱵᱩᱠᱷᱟᱨᱤ ᱦᱚᱛᱮᱛᱮ ᱮᱛᱚᱦᱚᱵ ᱞᱮᱱᱟ ᱾ ᱥᱟᱦᱡᱟᱦᱟᱱᱟᱵᱟᱫᱽ (ᱱᱮᱛᱟᱨ ᱫᱤᱞᱞᱤ ᱢᱟᱨᱮ) ᱨᱮᱱᱟᱜ ᱢᱩᱜᱚᱞ ᱨᱟᱡᱽᱜᱟᱲ ᱨᱮ ᱢᱮᱱᱟᱜ ᱱᱚᱣᱟ ᱫᱚ ᱑᱘᱕᱗ ᱨᱮ ᱢᱩᱜᱚᱞ ᱥᱟᱢᱨᱟᱡᱽᱭᱚ ᱨᱮᱱᱟᱜ ᱢᱩᱪᱟᱹᱫ ᱫᱷᱟᱹᱵᱤᱡ ᱢᱩᱜᱚᱞ ᱥᱟᱥᱚᱱᱤᱭᱟᱹ ᱠᱚᱣᱟᱜ ᱥᱟᱢᱨᱟᱡᱽᱭᱚ ᱢᱚᱥᱡᱤᱫᱽ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱼᱟ ᱾ ᱡᱟᱢᱟ ᱢᱚᱥᱡᱤᱫᱽ ᱫᱚ ᱥᱤᱧᱚᱛ ᱨᱮ ᱤᱥᱞᱟᱢᱤᱠ ᱫᱟᱲᱮ ᱨᱮᱱᱟᱜ ᱢᱤᱫ ᱪᱤᱱᱦᱟᱹ ᱞᱮᱠᱟᱛᱮ ᱠᱚ ᱢᱟᱱᱟᱣᱮᱫ ᱛᱟᱦᱮᱸᱫ, ᱚᱱᱟ ᱥᱟᱶᱛᱮ ᱱᱚᱣᱟ ᱫᱚ ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮᱱᱟᱜ ᱟᱹᱰᱤ ᱜᱟᱱ ᱞᱟᱹᱠᱛᱤᱭᱟᱱ ᱚᱠᱛᱚ ᱨᱮ ᱨᱟᱡᱽᱟᱹᱨᱤ ᱞᱟᱹᱜᱤᱫ ᱦᱚᱸ ᱢᱤᱫ ᱴᱷᱟᱶ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱱᱮᱛᱟᱨ ᱦᱚᱸ ᱵᱮᱵᱷᱟᱨᱚᱜ ᱠᱟᱱᱟ, ᱟᱨ ᱱᱚᱣᱟ ᱫᱚ ᱫᱤᱞᱞᱤ ᱨᱮᱱᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱴᱷᱟᱶ ᱠᱟᱱᱟ, ᱡᱟᱦᱟᱸ ᱫᱚ ᱫᱤᱞᱞᱤ ᱢᱟᱨᱮ ᱨᱮᱱᱟᱜ ᱦᱚᱨᱟ ᱥᱟᱶ ᱟᱹᱰᱤ ᱥᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱱᱚᱣᱟ ᱢᱚᱥᱡᱤᱫᱽ ᱨᱮᱱᱟᱜ ᱵᱮᱱᱟᱣ ᱫᱚ ᱡᱟᱹᱛᱤᱭᱟᱹᱨᱤ ᱞᱟᱹᱠᱛᱤᱭᱟᱱ ᱢᱚᱱᱩᱢᱮᱱᱴ ᱠᱟᱱᱟ ᱾^[᱒]

ᱧᱩᱛᱩᱢ

ᱱᱚᱣᱟ ᱢᱚᱥᱡᱤᱫᱽ ᱨᱮᱱᱟᱜ ᱵᱟᱨᱭᱟ ᱧᱩᱛᱩᱢ ᱢᱮᱱᱟᱜᱼᱟ ᱾ ᱥᱟᱦ ᱡᱟᱦᱟᱸᱱ ᱮᱢᱟᱫ ᱢᱟᱨᱮ ᱧᱩᱛᱩᱢ ᱫᱚ ᱢᱟᱥᱡᱤᱫᱽ-ᱤ-ᱡᱮᱦᱟᱸᱱ-ᱱᱩᱢᱟ ᱠᱟᱱᱟ, ᱡᱟᱦᱟᱸ ᱫᱚ "ᱢᱚᱥᱡᱤᱫᱽ ᱡᱟᱦᱟᱸ ᱜᱚᱴᱟ ᱫᱷᱟᱹᱨᱛᱤ ᱨᱮ ᱧᱮᱞᱚᱜᱼᱟ" ᱢᱮᱱᱛᱮ ᱠᱚ ᱢᱮᱛᱟᱜᱼᱟ, ᱥᱚᱢᱵᱷᱚᱵ ᱫᱚ ᱡᱟᱢ-ᱮ-ᱡᱮᱦᱟᱸᱱ ᱱᱩᱢᱟ ᱨᱮᱱᱟᱜ ᱩᱫᱷᱟᱹᱨᱚᱱ ᱠᱟᱱᱟ ᱾ ᱟᱨ ᱢᱤᱫᱴᱟᱹᱝ ᱫᱚ ᱡᱟᱹᱥᱛᱤ ᱵᱮᱵᱷᱟᱨᱚᱜ ᱠᱟᱱ ᱡᱟᱢᱟ ᱢᱟᱥᱡᱤᱫᱽ (ᱩᱨᱫᱩ: جامع مسجد, ᱟᱨᱚᱵᱤᱠ ᱠᱷᱚᱱ ᱱᱚᱣᱟ ᱨᱮᱱᱟᱜ ᱢᱮᱱᱮᱛ ᱫᱚ "ᱠᱚᱸᱜᱽᱨᱮᱜᱮᱥᱱᱟᱞ ᱢᱚᱥᱡᱤᱫᱽ") ᱠᱟᱱᱟ, ᱡᱟᱦᱟᱸ ᱫᱚ ᱟᱹᱛᱩ ᱴᱚᱞᱟ ᱨᱮ ᱦᱚᱲ ᱠᱚ ᱛᱟᱞᱟ ᱨᱮ ᱦᱮᱡ ᱞᱮᱱᱟ ᱾ ᱡᱟᱢᱟ ᱢᱟᱥᱡᱤᱫᱽ ᱧᱩᱛᱩᱢ ᱫᱚ ᱱᱚᱣᱟ ᱢᱚᱥᱡᱤᱫᱽ ᱞᱟᱹᱜᱤᱫ ᱵᱟᱝ ᱠᱟᱱᱟ, ᱗ ᱥᱟᱭᱟᱫᱤ ᱠᱷᱚᱱ ᱱᱚᱣᱟ ᱫᱚ ᱠᱚᱢᱭᱩᱱᱤᱴᱤ ᱢᱚᱥᱡᱤᱫᱽ ᱥᱮ ᱥᱩᱠᱨᱤ ᱢᱚᱥᱡᱤᱫᱽ ᱢᱮᱱᱛᱮ ᱠᱚ ᱵᱮᱵᱷᱟᱨᱮᱫ ᱠᱟᱱ ᱛᱟᱦᱮᱸᱫ, ᱚᱱᱟ ᱞᱟᱹᱜᱤᱫ ᱟᱹᱰᱤ ᱜᱟᱱ ᱫᱷᱟᱹᱨᱛᱤ ᱨᱮ ᱱᱚᱣᱟ ᱧᱩᱛᱩᱢ ᱟᱨ ᱱᱚᱣᱟ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱨᱩᱯ ᱢᱮᱱᱟᱜᱼᱟ ᱾

ᱴᱷᱟᱶ

ᱱᱚᱣᱟ ᱢᱚᱥᱡᱤᱫᱽ ᱫᱚ ᱥᱟᱦᱡᱟᱦᱟᱱᱟᱵᱟᱫᱽ ᱨᱮᱱᱟᱜ ᱱᱟᱜᱟᱢᱤᱭᱟᱹ ᱥᱚᱦᱚᱨ ᱵᱷᱤᱛᱨᱤ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱱᱮᱛᱟᱨ ᱫᱤᱞᱞᱤ ᱢᱟᱨᱮ ᱴᱚᱴᱷᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱢᱚᱥᱡᱤᱫᱽ ᱥᱟᱢᱟᱝ ᱨᱮ ᱞᱟᱞ ᱠᱤᱞᱟ ᱟᱨ ᱥᱩᱱᱮᱦᱨᱤ ᱢᱚᱥᱡᱤᱫᱽ ᱢᱮᱱᱟᱜᱼᱟ ᱾ ᱫᱤᱞᱞᱤ ᱢᱟᱨᱮ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱴᱷᱟᱶ ᱠᱷᱚᱱ ᱢᱤᱫᱴᱟᱹᱝ ᱞᱮᱠᱟᱛᱮ, ᱡᱟᱢᱟ ᱢᱟᱥᱡᱤᱫᱽ ᱫᱚ ᱟᱹᱰᱤ ᱜᱟᱱ ᱵᱮᱯᱟᱨ ᱛᱟᱞᱢᱟ ᱠᱚ ᱛᱮ ᱮᱥᱮᱫ ᱟᱠᱟᱱᱟ, ᱡᱮᱞᱮᱠᱟ ᱱᱟᱜᱟᱢᱤᱭᱟᱹ ᱪᱟᱸᱫᱽᱱᱤ ᱪᱚᱣᱠ ^[᱓]᱾ ᱥᱤᱧᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱞᱟᱹᱲᱦᱟᱹᱭᱤᱭᱟᱹ ᱟᱵᱩᱞ ᱠᱟᱞᱟᱢ ᱟᱡᱟᱫᱽ ᱟᱜ ᱛᱚᱵᱟᱨ ᱫᱚ ᱢᱚᱥᱡᱤᱫᱽ ᱥᱩᱨ ᱨᱮ ᱢᱮᱱᱟᱜᱼᱟ ᱾

ᱱᱟᱜᱟᱢ

ᱵᱮᱱᱟᱣ ᱟᱨ ᱢᱩᱜᱚᱞ ᱚᱠᱛᱚ

ᱢᱩᱜᱚᱞ ᱥᱟᱥᱚᱱᱤᱭᱟᱹ ᱥᱟᱦ ᱡᱟᱦᱟᱸᱱ ᱑᱖᱕᱐ ᱟᱨ ᱑᱖᱕᱖ ᱛᱟᱞᱟ ᱨᱮ ᱡᱟᱢᱟ ᱢᱟᱥᱡᱤᱫᱽ ᱮ ᱵᱮᱱᱟᱣ ᱠᱮᱫᱼᱟ, ᱡᱟᱦᱟᱸ ᱫᱚ ᱥᱟᱦᱡᱟᱦᱟᱱᱟᱵᱟᱫᱽ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱴᱷᱟᱶ ᱨᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱕,᱐᱐᱐ ᱜᱟᱱ ᱠᱟᱹᱢᱤᱭᱟᱹ ᱠᱚ ᱵᱮᱱᱟᱣ ᱞᱮᱫᱼᱟ ᱾^[᱔]^[᱕] ᱱᱚᱣᱟ ᱠᱟᱹᱢᱤ ᱨᱮ ᱥᱤᱧᱚᱛᱤᱭᱟᱹ, ᱟᱨᱚᱵᱤ, ᱯᱟᱨᱥᱤ, ᱛᱩᱨᱠᱤ ᱟᱨ ᱤᱣᱨᱚᱯᱤᱭᱟᱹ ᱠᱚ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱠᱟᱹᱢᱤ ᱫᱚ ᱥᱟᱦ ᱡᱟᱦᱟᱸᱱ ᱟᱜ ᱨᱟᱡᱽ ᱚᱠᱛᱚ ᱨᱮᱱᱟᱜ ᱣᱟᱡᱤᱨ (ᱥᱮ ᱢᱟᱨᱟᱝ ᱢᱚᱱᱛᱨᱤ) ᱥᱟᱫᱩᱞᱟᱦ ᱠᱷᱟᱱ ᱟᱨ ᱥᱟᱦ ᱡᱟᱦᱟᱸᱱ ᱟᱜ ᱚᱲᱟᱜ ᱨᱮᱱᱟᱜ ᱠᱚᱢᱯᱴᱨᱚᱞᱟᱨ ᱯᱷᱟᱡᱤᱞ ᱠᱷᱟᱱ ᱟᱜ ᱧᱮᱞ ᱫᱚᱦᱚ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱚᱠᱛᱚ ᱨᱮ ᱱᱚᱣᱟ ᱵᱮᱱᱟᱣ ᱨᱮ ᱜᱮᱞ ᱞᱟᱠᱷ (ᱢᱤᱫ ᱢᱤᱞᱤᱭᱚᱱ) ᱴᱟᱠᱟ ᱠᱷᱚᱨᱪᱟ ᱦᱩᱭ ᱞᱮᱱᱟ ᱾ ᱢᱚᱥᱡᱤᱫᱽ ᱫᱚ ᱒᱓ ᱡᱩᱞᱟᱭ ᱑᱖᱕᱖ ᱨᱮ ᱥᱟᱭᱮᱫᱽ ᱟᱵᱽᱫᱩᱞ ᱜᱟᱯᱷᱩᱨ ᱥᱟᱦ ᱵᱩᱠᱷᱟᱨᱤ ᱦᱚᱛᱮᱛᱮ ᱮᱛᱚᱦᱚᱵ ᱞᱮᱱᱟ, ᱩᱱᱤ ᱫᱚ ᱩᱡᱽᱵᱮᱠᱤᱥᱛᱟᱱ ᱨᱮᱱᱟᱜ ᱵᱩᱠᱷᱟᱨᱟ ᱠᱷᱚᱱ ᱮ ᱦᱮᱡ ᱞᱮᱱᱟ ᱾ ᱥᱟᱦ ᱡᱟᱦᱟᱸᱱ ᱩᱱᱤ ᱫᱚ ᱢᱚᱥᱡᱤᱫᱽ ᱨᱮᱱᱟᱜ ᱥᱟᱦᱤ ᱤᱢᱟᱢ (ᱨᱟᱡᱽ ᱤᱢᱟᱢ) ᱵᱮᱱᱟᱣ ᱞᱟᱹᱜᱤᱫ ᱮ ᱱᱮᱣᱛᱟ ᱞᱮᱫᱮᱭᱟ ᱾^[᱖]

ᱥᱟᱦ ᱡᱟᱦᱟᱸᱱ ᱟᱜ ᱚᱠᱛᱚ ᱨᱮ ᱱᱚᱣᱟ ᱢᱚᱥᱡᱤᱫᱽ ᱫᱚ ᱢᱩᱪᱟᱹᱫ ᱨᱮ ᱵᱮᱱᱟᱣ ᱟᱠᱟᱱ ᱢᱚᱱᱩᱢᱮᱱᱴ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱵᱮᱱᱟᱣ ᱯᱩᱨᱟᱹᱣ ᱮᱱ ᱛᱟᱭᱚᱢ ᱱᱚᱣᱟ ᱫᱚ ᱢᱩᱜᱚᱞ ᱥᱟᱢᱨᱟᱡᱽᱭᱚ ᱢᱩᱪᱟᱹᱫ ᱫᱷᱟᱹᱵᱤᱡ ᱥᱟᱥᱚᱱᱤᱭᱟᱹ ᱠᱚᱣᱟᱜ ᱨᱟᱡᱽ ᱢᱚᱥᱡᱤᱫᱽ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱼᱟ ᱾ ᱥᱩᱠᱨᱤ ᱢᱟᱦᱟᱸ ᱨᱮ ᱥᱤᱧ ᱵᱮᱲᱟ ᱨᱮᱱᱟᱜ ᱫᱩᱣᱟᱹᱨ ᱚᱠᱛᱚ ᱨᱮ ᱢᱩᱜᱚᱞ ᱥᱟᱥᱚᱱᱤᱭᱟᱹ ᱠᱷᱩᱛᱵᱟ ᱮ ᱯᱟᱲᱦᱟᱣᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱩᱱᱤᱭᱟᱜ ᱥᱟᱥᱚᱱ ᱫᱚ ᱠᱟᱹᱱᱩᱱᱤ ᱞᱮᱠᱟᱛᱮ ᱥᱟᱹᱵᱤᱛ ᱮᱫ ᱛᱟᱦᱮᱸᱫ ᱾ ᱚᱱᱟ ᱞᱟᱹᱜᱤᱫ ᱱᱚᱣᱟ ᱢᱚᱥᱡᱤᱫᱽ ᱫᱚ ᱥᱤᱧᱚᱛ ᱨᱮ ᱢᱩᱜᱚᱞ ᱥᱟᱨᱵᱷᱚᱵᱚᱢ ᱫᱟᱲᱮ ᱨᱮᱱᱟᱜ ᱪᱤᱱᱦᱟᱹ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱨᱟᱡᱽᱟᱹᱨᱤ ᱞᱟᱹᱠᱛᱤ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱥᱟᱦᱡᱟᱦᱟᱱᱟᱵᱟᱫᱽ ᱨᱮᱱᱟᱜ ᱦᱚᱲ ᱠᱚ ᱞᱟᱹᱜᱤᱫ ᱦᱚᱸ ᱥᱟᱶᱛᱟ ᱡᱤᱭᱚᱱ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱛᱟᱞᱢᱟ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱦᱚᱲ ᱠᱚ ᱞᱟᱹᱜᱤᱫ ᱡᱟᱹᱛ ᱵᱷᱮᱜᱮᱫ ᱠᱷᱚᱱ ᱵᱟᱦᱨᱮ ᱦᱮᱡ ᱠᱟᱛᱮ ᱥᱟᱹᱜᱟᱹᱭ ᱡᱚᱲᱟᱣ ᱨᱮᱱᱟᱜ ᱡᱟᱭᱜᱟᱭ ᱮᱢᱟᱫ ᱠᱚ ᱛᱟᱦᱮᱸᱫ ᱾ ᱑᱗᱕᱗ ᱨᱮ, ᱠᱷᱩᱛᱵᱟ ᱫᱚ ᱚᱦᱢᱚᱫᱽ ᱥᱟᱦ ᱫᱩᱨᱨᱟᱱᱤ ᱟᱜ ᱧᱩᱛᱩᱢ ᱛᱮ ᱯᱟᱲᱦᱟᱣ ᱦᱩᱭ ᱞᱮᱱᱟ, ᱡᱟᱦᱟᱸᱭ ᱫᱚ ᱟᱯᱜᱟᱱᱤᱥᱛᱟᱱ ᱨᱮᱱ ᱡᱤᱛᱠᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱫᱚ ᱥᱟᱥᱚᱱᱤᱭᱟᱹ ᱟᱞᱚᱢᱜᱤᱨ ᱫᱚᱥᱟᱨ ᱫᱤᱞᱞᱤ ᱮ ᱱᱮᱣᱛᱟ ᱞᱮᱫᱮᱭᱟ ᱾

ᱥᱟᱹᱠᱷᱭᱟᱹᱛ

↑ "Jama Masjid, Delhi". Cultural India website. n.d. Archived from the original on 5 December 2023. Retrieved 19 May 2017.
↑ "List of Ancient Monuments and Archaeological Sites and Remains of Delhi". Archaeological Survey of India. Retrieved 2018-10-02.
↑ "Shahjahanabad: How a planned city came undone". Hindustan Times (in ᱟᱝᱜᱽᱨᱮᱡᱤ). 2018-01-27. Retrieved 2021-09-12.
↑ Lews, Robert. "Jama Masjid of Delhi". Britannica.
↑ Asher, Catherine B. (1992). The New Cambridge History of India: Architecture of Mughal India. Cambridge University Press. p. 193. ISBN 978-0-521-26728-1.
↑ Marathas and Panipat by Hari Ram Gupta (1961) pg. 326