ᱡᱟᱢᱟ ᱢᱚᱥᱡᱤᱫᱽ, ᱯᱷᱟᱛᱮᱦᱯᱩᱨ ᱥᱤᱠᱨᱤ

ᱡᱟᱢᱟ ᱢᱚᱥᱡᱤᱫᱽ
ᱡᱟᱢᱟ ᱢᱚᱥᱡᱤᱫᱽ
	The mosque in 2000
Religion
Affiliation	ᱥᱩᱱᱱᱤ ᱤᱥᱞᱟᱢ
Sect	ᱥᱩᱯᱤᱥᱢ (ᱪᱤᱥᱛᱳ ᱳᱰᱟᱨ)
Ecclesiastical or organisational status	Congregational mosque
Status	Active[clarification needed]বিষয়শ্রেণী:সমস্ত পাতাসমূহ পরিষ্করণ প্রয়োজনবিষয়শ্রেণী:Articles with invalid date parameter in template
Location
Location	ᱯᱷᱟᱛᱮᱦᱯᱩᱨ, ᱟᱜᱽᱨᱟ ᱦᱚᱱᱚᱛ, ᱩᱛᱛᱟᱨ ᱯᱨᱟᱫᱮᱥ
Country	ᱥᱤᱧᱚᱛ
	Location of the mosque in Uttar Pradesh
Administration	Archaeological Survey of India
Geographic coordinates	27°05′42″N 77°39′46″E / 27.09500°N 77.66278°ECoordinates: 27°05′42″N 77°39′46″E / 27.09500°N 77.66278°E
Architecture
Type	Mosque architecture
Style	ᱤᱱᱰᱤ ᱤᱥᱞᱟᱢᱤᱠ; ᱢᱩᱜᱚᱞ;
Founder	ᱟᱠᱵᱟᱨ
Specifications
Length	165.2 m (542 ft)
Width	133.6 m (438 ft)
Dome(s)	ᱯᱮᱭᱟ
Shrine(s)	Several, including:; Tomb of Salim Chishti; Tomb of ᱤᱥᱞᱟᱢ ᱠᱷᱟᱱ; Other members of the ᱪᱤᱥᱛᱤ family;
Materials	ᱟᱨᱟᱜ ᱫᱷᱤᱨᱤ, ᱢᱟᱨᱵᱟᱞ, ᱥᱞᱮᱴ

ᱡᱟᱢᱟ ᱢᱚᱥᱡᱤᱫᱽ ᱫᱚ ᱑᱖ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱱᱟᱜ ᱢᱤᱫ ᱥᱩᱯᱷᱤ ᱡᱟᱹᱨᱩᱢ ᱢᱚᱥᱡᱤᱫᱽ ᱟᱨ ᱫᱟᱨᱜᱟᱦ ᱠᱚᱢᱯᱞᱮᱠᱥ ᱠᱟᱱᱟ, ᱡᱟᱦᱟᱸ ᱫᱚ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱟᱜᱽᱨᱟ ᱦᱚᱱᱚᱛ ᱨᱮ ᱢᱮᱱᱟᱜ ᱯᱷᱟᱛᱮᱦᱯᱩᱨ ᱥᱤᱠᱨᱤ ᱨᱮ ᱢᱮᱱᱟᱜ ᱤᱭᱩᱱᱮᱥᱠᱚ ᱨᱮᱱᱟᱜ ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱠᱟᱱᱟ ᱾ ᱱᱚᱣᱟ ᱫᱚ ᱢᱩᱜᱚᱞ ᱥᱟᱥᱚᱱᱤᱭᱟᱹ ᱟᱠᱵᱚᱨ ᱦᱚᱛᱮᱛᱮ ᱵᱮᱱᱟᱣ ᱞᱮᱱᱟ, ᱟᱨ ᱵᱮᱱᱟᱣ ᱚᱠᱛᱚ ᱨᱮ ᱱᱚᱣᱟ ᱫᱚ ᱥᱟᱢᱨᱟᱡᱽᱭᱚ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱚᱥᱡᱤᱫᱽ ᱛᱟᱦᱮᱸ ᱠᱟᱱᱟ ᱾ ᱡᱟᱢᱟ ᱢᱚᱥᱡᱤᱫᱽ ᱨᱮᱱᱟᱜ ᱰᱤᱡᱟᱭᱤᱱ ᱫᱚ ᱟᱭᱢᱟ ᱯᱨᱤ-ᱢᱩᱜᱚᱞ ᱥᱩᱞᱛᱟᱱᱟᱛ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱢᱟᱨᱮ ᱢᱚᱥᱡᱤᱫᱽ ᱠᱷᱚᱱ ᱦᱟᱛᱟᱣ ᱦᱩᱭ ᱟᱠᱟᱱᱟ, ᱟᱨ ᱛᱟᱭᱚᱢ ᱛᱮ ᱢᱩᱜᱚᱞ ᱟᱨᱠᱤᱴᱮᱠᱪᱟᱨ ᱨᱮ ᱱᱚᱣᱟ ᱫᱚ ᱢᱤᱫ ᱞᱟᱹᱠᱛᱤᱭᱟᱱ ᱢᱟᱬᱟᱝ ᱫᱟᱹᱭᱠᱟ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱼᱟ ᱾

ᱢᱚᱥᱡᱤᱫᱽ, ᱯᱷᱟᱛᱮᱦᱯᱩᱨ ᱥᱤᱠᱨᱤ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ, ᱡᱟᱹᱛᱤᱭᱟᱹᱨᱤ ᱞᱟᱹᱠᱛᱤᱭᱟᱱ ᱢᱚᱱᱩᱢᱮᱱᱴ ᱠᱟᱱᱟ, ᱡᱟᱦᱟᱸ ᱫᱚ ᱟᱨᱠᱤᱭᱚᱞᱚᱡᱤᱠᱟᱞ ᱥᱟᱨᱵᱷᱮ ᱚᱯᱷ ᱤᱱᱰᱤᱭᱟ ᱦᱚᱛᱮᱛᱮ ᱪᱟᱪᱞᱟᱣ ᱦᱩᱭᱩᱜ ᱠᱟᱱᱟ ᱾^[᱑] ᱢᱚᱥᱡᱤᱫᱽ ᱠᱚᱢᱯᱞᱮᱠᱥ ᱨᱮ ᱧᱩᱛᱩᱢᱟᱱ ᱮᱴᱟᱜ ᱢᱚᱱᱩᱢᱮᱱᱴ ᱠᱚᱫᱚ ᱵᱩᱞᱚᱸᱫᱽ ᱫᱟᱨᱣᱟᱡᱟ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱚᱥᱡᱤᱫᱽ ᱨᱮᱱᱟᱜ ᱮᱛᱚᱢ ᱫᱩᱣᱟᱹᱨ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟ, ᱟᱨ ᱥᱟᱞᱤᱢ ᱪᱤᱥᱛᱤ ᱟᱜ ᱛᱚᱵᱟᱨ, ᱢᱤᱫ ᱥᱚᱸᱛ, ᱡᱟᱦᱟᱸᱭᱟᱜ ᱢᱟᱱᱚᱛ ᱨᱮ ᱱᱚᱣᱟ ᱢᱚᱥᱡᱤᱫᱽ ᱫᱚ ᱵᱮᱱᱟᱣ ᱦᱩᱭ ᱟᱠᱟᱱᱟ ᱾

ᱱᱟᱜᱟᱢ

ᱟᱠᱵᱚᱨ ᱯᱷᱟᱛᱮᱦᱯᱩᱨ ᱥᱤᱠᱨᱤ ᱨᱮᱱᱟᱜ ᱟᱡᱟᱜ ᱱᱟᱣᱟ ᱨᱟᱡᱽᱜᱟᱲ ᱥᱚᱦᱚᱨ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱡᱟᱢᱟ ᱢᱚᱥᱡᱤᱫᱽ ᱮ ᱵᱮᱱᱟᱣ ᱞᱟᱹᱜᱤᱫ ᱮ ᱟᱫᱮᱥ ᱞᱮᱫᱼᱟ ᱾ ᱱᱚᱣᱟ ᱵᱮᱱᱟᱣ ᱫᱚ ᱥᱚᱦᱚᱨ ᱨᱮ ᱵᱮᱱᱟᱣ ᱟᱠᱟᱱ ᱯᱩᱭᱞᱩ ᱴᱷᱟᱶ ᱠᱷᱚᱱ ᱢᱤᱫᱴᱟᱹᱝ ᱛᱟᱦᱮᱸ ᱠᱟᱱᱟ, ᱟᱨ ᱚᱱᱟ ᱨᱮᱱᱟᱜ ᱟᱯᱱᱟᱨ ᱚᱞ ᱚᱞ ᱞᱮᱠᱟᱛᱮ ᱑᱕᱗᱑ ᱟᱨ ᱑᱕᱗᱔ ᱛᱟᱞᱟ ᱨᱮ ᱯᱩᱨᱟᱹᱣ ᱞᱮᱱᱟ ᱾ ᱱᱚᱣᱟ ᱢᱚᱥᱡᱤᱫᱽ ᱫᱚ ᱥᱩᱯᱷᱤ ᱥᱮᱠᱷ ᱥᱟᱞᱤᱢ ᱪᱤᱥᱛᱤ ᱟᱜ ᱢᱟᱱᱚᱛ ᱨᱮ ᱵᱮᱱᱟᱣ ᱞᱮᱱᱟ, ᱩᱱᱤ ᱫᱚ ᱟᱠᱵᱚᱨ ᱨᱮᱱ ᱫᱷᱚᱨᱚᱢ ᱩᱯᱚᱫᱮᱥᱤ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱥᱮᱠᱷ ᱨᱮᱱ ᱜᱷᱟᱨᱚᱸᱡᱽ ᱞᱟᱹᱜᱤᱫ ᱢᱤᱫ ᱠᱷᱟᱱᱠᱟᱦ (ᱢᱚᱱᱟᱥᱴᱤᱠ ᱟᱥᱲᱟ) ᱞᱮᱠᱟᱛᱮ ᱦᱚᱸ ᱠᱟᱹᱢᱤ ᱞᱟᱹᱜᱤᱫ ᱮ ᱵᱮᱱᱟᱣ ᱞᱮᱫᱼᱟ ᱾ ᱚᱱᱟ ᱚᱠᱛᱚ ᱨᱮ, ᱱᱚᱣᱟ ᱫᱚ ᱟᱹᱰᱤ ᱜᱟᱱ ᱚᱱᱚᱞᱤᱭᱟᱹ ᱟᱨ ᱦᱚᱨ ᱛᱟᱲᱟᱢ ᱦᱚᱲ ᱠᱚ ᱦᱚᱛᱮᱛᱮ ᱱᱚᱣᱟ ᱨᱮᱱᱟᱜ ᱪᱚᱨᱚᱠ ᱟᱨ ᱜᱚᱨᱚᱵ ᱞᱟᱹᱜᱤᱫ ᱠᱚ ᱥᱟᱨᱦᱟᱣ ᱞᱮᱫᱼᱟ ᱾

ᱟᱠᱵᱚᱨ ᱟᱜ ᱫᱷᱚᱨᱚᱢ ᱰᱤᱡᱟᱭᱤᱱ ᱨᱮ ᱱᱚᱣᱟ ᱢᱚᱥᱡᱤᱫᱽ ᱫᱚ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱼᱟ ᱾ ᱑᱕᱗᱙ ᱨᱮ, ᱩᱱᱤ ᱫᱚ ᱯᱷᱟᱛᱮᱦᱯᱩᱨ ᱥᱤᱠᱨᱤ ᱨᱮᱱ ᱦᱚᱲ ᱠᱚ ᱥᱮᱞᱮᱫ ᱠᱟᱛᱮ ᱢᱤᱫ ᱡᱩᱢᱤᱫᱽ ᱫᱩᱣᱟᱹᱨ ᱞᱟᱹᱜᱤᱫ ᱠᱷᱩᱛᱵᱟ ᱮ ᱮᱢ ᱠᱮᱫᱼᱟ ᱾ ᱩᱱᱤ ᱨᱮᱱ ᱟᱫᱚᱢ ᱜᱷᱟᱨᱚᱸᱡᱽ ᱦᱚᱲ ᱱᱚᱣᱟ ᱫᱚ ᱠᱚ ᱪᱤᱠᱟᱹ ᱠᱮᱫᱼᱟ, ᱢᱮᱱᱠᱷᱟᱱ ᱠᱷᱩᱛᱵᱟ ᱯᱟᱲᱦᱟᱣ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱫᱷᱚᱨᱚᱢ ᱢᱩᱠᱷᱤᱭᱟᱹ (ᱡᱮᱞᱮᱠᱟ ᱤᱢᱟᱢ) ᱠᱚ ᱞᱟᱹᱜᱤᱫ ᱨᱩᱠᱷᱤᱭᱟᱹ ᱫᱚᱦᱚ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱟᱨ ᱚᱱᱟ ᱞᱟᱹᱜᱤᱫ ᱩᱞᱮᱢᱟ ᱦᱚᱛᱮᱛᱮ ᱱᱚᱣᱟ ᱫᱚ ᱢᱤᱫ ᱨᱟᱰᱤᱠᱟᱞ ᱞᱮᱠᱟᱛᱮ ᱵᱟᱰᱟᱭ ᱞᱮᱱᱟ ᱾ ᱟᱠᱵᱚᱨ ᱫᱚ ᱦᱚᱲ ᱠᱚᱣᱟᱜ ᱫᱩᱣᱟᱹᱨ ᱨᱮ ᱥᱮᱞᱮᱫ ᱮᱱᱟ, ᱟᱨ ᱱᱚᱣᱟ ᱦᱚᱸ ᱧᱮᱞ ᱦᱩᱭ ᱮᱱᱟ ᱡᱮ ᱩᱱᱤ ᱢᱚᱥᱡᱤᱫᱽ ᱨᱮᱱᱟᱜ ᱪᱷᱟᱛᱟᱢ ᱮ ᱡᱚᱜᱮᱫ ᱠᱟᱱ ᱛᱟᱦᱮᱸᱫ ᱾^[᱒] ᱠᱟᱣᱩᱨᱤ-ᱵᱟᱣᱟᱨ ᱮ ᱞᱟᱹᱭ ᱟᱹᱫᱤᱭᱟ ᱡᱮ ᱱᱚᱣᱟ ᱡᱚᱛᱚ ᱠᱟᱹᱢᱤ ᱟᱠᱵᱚᱨ ᱟᱜ ᱦᱤᱸᱥ ᱛᱟᱦᱮᱸ ᱠᱟᱱᱟ, ᱩᱱᱤ ᱢᱚᱥᱡᱤᱫᱽ ᱵᱮᱵᱷᱟᱨ ᱠᱟᱛᱮ ᱟᱡ ᱫᱚ ᱢᱤᱫ ᱥᱟᱫᱷᱟᱨᱚᱱ ᱥᱟᱥᱚᱱᱤᱭᱟᱹ ᱵᱟᱝ ᱠᱟᱛᱮ ᱢᱤᱫ ᱫᱤᱵᱽᱭᱟ ᱥᱟᱨᱵᱷᱚᱵᱚᱢ ᱞᱮᱠᱟᱛᱮ ᱩᱫᱩᱜ ᱥᱚᱫᱚᱨ ᱥᱟᱹᱛ ᱮᱫ ᱛᱟᱦᱮᱸᱫ ᱾

ᱯᱷᱟᱛᱮᱦᱯᱩᱨ ᱥᱤᱠᱨᱤ ᱨᱮᱱᱟᱜ ᱡᱟᱢᱟ ᱢᱚᱥᱡᱤᱫᱽ ᱫᱚ ᱟᱠᱵᱚᱨ ᱟᱜ ᱥᱟᱥᱚᱱ ᱛᱟᱭᱚᱢ "ᱢᱩᱜᱚᱞ ᱵᱤᱨᱟᱥᱚᱛ ᱟᱨ ᱜᱚᱨᱚᱵᱽ ᱨᱮᱱᱟᱜ ᱪᱤᱱᱦᱟᱹ" ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱟᱠᱵᱚᱨ ᱨᱮᱱ ᱦᱚᱯᱚᱱ ᱟᱨ ᱩᱛᱛᱟᱨᱟᱫᱷᱤᱠᱟᱨᱤ ᱡᱟᱦᱟᱸᱜᱤᱨ ᱱᱚᱣᱟ ᱢᱚᱥᱡᱤᱫᱽ ᱮ ᱟᱹᱰᱤ ᱥᱟᱨᱦᱟᱣ ᱞᱮᱫᱼᱟ, ᱩᱱᱤ ᱱᱚᱣᱟ ᱫᱚ ᱟᱡ ᱵᱟᱵᱟ ᱦᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨᱠᱤᱴᱮᱠᱪᱟᱨ ᱠᱟᱹᱢᱤ ᱠᱷᱚᱱ ᱢᱤᱫᱴᱟᱹᱝ ᱮ ᱢᱮᱛᱟᱣᱟᱫᱼᱟ ᱾ ᱡᱟᱦᱟᱸᱜᱤᱨ ᱑᱖᱑᱙ ᱨᱮ ᱯᱷᱟᱛᱮᱦᱯᱩᱨ ᱥᱤᱠᱨᱤ ᱨᱮ ᱛᱟᱦᱮᱸᱱ ᱚᱠᱛᱚ ᱟᱡ ᱨᱮᱱ ᱦᱚᱯᱚᱱ ᱠᱷᱩᱨᱨᱚᱢ ᱥᱟᱶ ᱱᱚᱣᱟ ᱢᱚᱥᱡᱤᱫᱽ ᱠᱚᱢᱯᱞᱮᱠᱥ ᱤᱫᱤ ᱠᱟᱛᱮ ᱟᱹᱰᱤ ᱜᱟᱱ ᱠᱟᱛᱷᱟᱭ ᱨᱚᱲ ᱠᱮᱫᱼᱟ ᱾ ᱠᱷᱩᱨᱨᱚᱢ ᱫᱚ ᱢᱩᱜᱚᱞ ᱥᱟᱥᱚᱱᱤᱭᱟᱹ ᱥᱟᱦ ᱡᱟᱦᱟᱸᱱ ᱵᱮᱱᱟᱣ ᱮᱱᱟ, ᱟᱨ ᱱᱚᱣᱟ ᱢᱚᱥᱡᱤᱫᱽ ᱟᱡᱟᱜ ᱫᱤᱞᱞᱤ ᱨᱮᱱᱟᱜ ᱡᱟᱢᱟ ᱢᱚᱥᱡᱤᱫᱽ ᱞᱟᱹᱜᱤᱫ ᱢᱚᱰᱮᱞ ᱞᱮᱠᱟᱛᱮ ᱵᱟᱰᱟᱭ ᱦᱚᱪᱚ ᱠᱮᱫᱼᱟ ᱾

ᱟᱨᱠᱤᱴᱮᱠᱪᱟᱨ

ᱡᱟᱢᱟ ᱢᱚᱥᱡᱤᱫᱽ ᱫᱚ ᱵᱩᱨᱩ ᱴᱚᱴᱷᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱴᱷᱟᱶ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱷᱟᱛᱮᱦᱯᱩᱨ ᱥᱤᱠᱨᱤ ᱥᱟᱭᱤᱴ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱪᱮᱛᱟᱱ ᱨᱮ ᱩᱥᱩᱞ ᱯᱞᱤᱸᱛᱷ ᱨᱮ ᱫᱚᱦᱚ ᱦᱩᱭ ᱟᱠᱟᱱᱟ, ᱡᱟᱦᱟᱸ ᱫᱚ ᱢᱤᱫ ᱵᱟᱨᱟᱵᱟᱹᱨᱤ ᱴᱷᱟᱶ ᱮᱢ ᱞᱟᱹᱜᱤᱫ ᱵᱮᱱᱟᱣ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱢᱚᱥᱡᱤᱫᱽ ᱠᱚᱢᱯᱞᱮᱠᱥ ᱫᱚ ᱮᱥᱮᱫ ᱠᱟᱸᱛ ᱛᱮ ᱮᱥᱮᱫ ᱟᱠᱟᱱᱟ; ᱮᱛᱚᱢ ᱠᱟᱸᱛ ᱠᱷᱚᱱ ᱵᱟᱦᱨᱮ ᱨᱮ ᱢᱤᱫ ᱢᱟᱨᱟᱝ ᱵᱟᱣᱞᱤ (ᱚᱠᱴᱟᱜᱚᱱᱟᱞ ᱯᱟᱦᱴᱟ ᱛᱮ ᱪᱟᱞᱟᱜ ᱵᱟᱹᱵᱩᱞ) ᱢᱮᱱᱟᱜᱼᱟ ᱾ ᱯᱷᱟᱛᱮᱦᱯᱩᱨ ᱥᱤᱠᱨᱤ ᱨᱮᱱᱟᱜ ᱵᱟᱹᱠᱤ ᱞᱮᱠᱟ, ᱱᱚᱣᱟ ᱢᱚᱥᱡᱤᱫᱽ ᱦᱚᱸ ᱴᱚᱴᱷᱟ ᱨᱮ ᱧᱟᱢᱚᱜ ᱠᱟᱱ ᱟᱨᱟᱜ ᱫᱷᱤᱨᱤ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱨᱮ ᱦᱟᱹᱲᱤᱭᱟᱹᱨ ᱫᱷᱤᱨᱤ, ᱢᱟᱨᱵᱟᱞ ᱟᱨ ᱥᱞᱮᱴ ᱦᱚᱸ ᱥᱟᱡᱟᱣ ᱞᱟᱹᱜᱤᱫ ᱵᱮᱵᱷᱟᱨ ᱦᱩᱭ ᱟᱠᱟᱱᱟ, ᱟᱨ ᱱᱚᱣᱟ ᱨᱮ ᱯᱟᱨᱥᱤ ᱟᱨ ᱟᱨᱚᱵᱤᱠ ᱚᱞ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱾

ᱱᱚᱣᱟ ᱵᱮᱱᱟᱣ ᱚᱠᱛᱚ ᱨᱮ, ᱱᱚᱣᱟ ᱢᱚᱥᱡᱤᱫᱽ ᱫᱚ ᱢᱩᱜᱚᱞ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱤᱥᱞᱟᱢᱤ, ᱦᱤᱱᱫᱩ ᱟᱨ ᱡᱮᱭᱱ ᱟᱨᱠᱤᱴᱮᱠᱪᱟᱨ ᱨᱮᱱᱟᱜ ᱢᱮᱥᱟ ᱠᱟᱱᱟ, ᱡᱟᱦᱟᱸ ᱨᱮ ᱜᱩᱡᱽᱨᱟᱴᱤ ᱨᱮᱱᱟᱜ ᱥᱚᱡᱷᱮ ᱚᱨᱥᱚᱝ ᱢᱮᱱᱟᱜᱼᱟ ᱾ ᱟᱥᱮᱨ ᱮ ᱞᱟᱹᱭ ᱟᱹᱫᱤᱭᱟ ᱡᱮ ᱱᱚᱣᱟ ᱢᱚᱥᱡᱤᱫᱽ ᱫᱚ ᱢᱟᱱᱰᱩ ᱨᱮ ᱡᱟᱢᱟ ᱢᱚᱥᱡᱤᱫᱽ ᱠᱷᱚᱱ ᱟᱨ ᱪᱟᱸᱫᱮᱨᱤ ᱨᱮ ᱡᱟᱢᱟ ᱢᱚᱥᱡᱤᱫᱽ ᱠᱷᱚᱱ ᱦᱟᱹᱴᱤᱧ ᱮ ᱦᱟᱛᱟᱣ ᱟᱠᱟᱫᱼᱟ, ᱱᱚᱣᱟ ᱵᱟᱱᱟᱨ ᱜᱮ ᱯᱨᱤ-ᱢᱩᱜᱚᱞ ᱵᱮᱱᱟᱣ ᱠᱟᱱᱟ ᱾ ᱟᱞᱯᱷᱤᱭᱮᱨᱤ ᱦᱚᱸ ᱯᱨᱤ-ᱢᱩᱜᱚᱞ ᱡᱟᱢᱟ ᱢᱟᱥᱡᱤᱫᱽ ᱠᱷᱚᱱ ᱤᱱᱥᱯᱤᱨᱮᱥᱟᱱ ᱮ ᱧᱮᱞ ᱧᱟᱢᱮᱫ ᱠᱟᱱᱟ, ᱢᱮᱱᱠᱷᱟᱱ ᱚᱱᱟ ᱵᱚᱫᱚᱞ ᱛᱮ ᱱᱩᱠᱩ ᱟᱴᱟᱞᱟ ᱟᱨ ᱪᱟᱢᱯᱟᱱᱮᱨ ᱨᱮ ᱢᱮᱱᱟᱜ ᱠᱚ ᱵᱟᱰᱟᱭ ᱦᱚᱪᱚ ᱠᱮᱫ ᱠᱚᱣᱟ ᱾

ᱫᱩᱣᱟᱹᱨ

ᱱᱚᱣᱟ ᱢᱚᱥᱡᱤᱫᱽ ᱠᱚᱢᱯᱞᱮᱠᱥ ᱨᱮ ᱯᱮᱭᱟ ᱫᱩᱣᱟᱹᱨ ᱛᱮ ᱵᱚᱞᱚ ᱦᱩᱭᱩᱜᱼᱟ ᱾ ᱥᱟᱢᱟᱝ ᱫᱩᱣᱟᱹᱨ, ᱡᱟᱦᱟᱸ ᱫᱚ ᱵᱟᱫᱽᱥᱟᱦᱤ ᱫᱟᱨᱣᱟᱡᱟ (ᱤᱢᱯᱮᱨᱤᱭᱟᱞ ᱜᱮᱴ) ᱢᱮᱱᱛᱮ ᱵᱟᱰᱟᱭᱚᱜᱼᱟ, ᱟᱠᱵᱚᱨ ᱱᱚᱣᱟ ᱢᱚᱥᱡᱤᱫᱽ ᱨᱮ ᱵᱚᱞᱚᱱ ᱞᱟᱹᱜᱤᱫ ᱮ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱠᱟᱴ ᱢᱚᱡᱮᱠ ᱵᱮᱵᱷᱟᱨ ᱠᱟᱛᱮ ᱥᱟᱡᱟᱣ ᱦᱩᱭ ᱟᱠᱟᱱᱟ ᱾ ᱠᱚᱧᱮ ᱟᱨ ᱮᱛᱚᱢ ᱫᱩᱣᱟᱹᱨ ᱱᱟᱜᱟᱢ ᱨᱮ ᱢᱤᱫ ᱞᱮᱠᱟ ᱜᱮ ᱧᱮᱞᱚᱜ ᱠᱟᱱ ᱛᱟᱦᱮᱸᱱᱟ - ᱢᱮᱱᱠᱷᱟᱱ, ᱑᱕᱗᱓ ᱨᱮ ᱮᱛᱚᱢ ᱫᱩᱣᱟᱹᱨ ᱫᱚ ᱟᱠᱵᱚᱨ ᱜᱩᱡᱽᱨᱟᱴ ᱨᱮ ᱟᱡᱟᱜ ᱯᱷᱟᱹᱫᱤ ᱞᱟᱹᱲᱦᱟᱹᱭ ᱨᱮ ᱡᱤᱛᱠᱟᱹᱨᱚᱜ ᱞᱟᱹᱜᱤᱫ ᱵᱩᱞᱚᱸᱫᱽ ᱫᱟᱨᱣᱟᱡᱟ (ᱩᱥᱩᱞ ᱫᱩᱣᱟᱹᱨ) ᱞᱮᱠᱟᱛᱮ ᱵᱮᱱᱟᱣ ᱨᱩᱣᱟᱹᱲ ᱠᱮᱫᱼᱟ ᱾ ᱱᱚᱣᱟ ᱫᱚ ᱟᱹᱰᱤ ᱧᱩᱛᱩᱢᱟᱱ ᱫᱩᱣᱟᱹᱨ ᱠᱟᱱᱟ ᱟᱨ ᱟᱡ ᱛᱮᱜᱮ ᱢᱤᱫ ᱢᱚᱱᱩᱢᱮᱱᱴ ᱠᱟᱱᱟ, ᱡᱟᱦᱟᱸ ᱫᱚ ᱚᱲᱟᱜ ᱨᱮᱱᱟᱜ ᱟᱹᱰᱤ ᱜᱟᱱ ᱛᱟᱞᱟ ᱨᱮ ᱦᱚᱞᱣᱮᱡ ᱟᱨ ᱠᱚᱴᱷᱟ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱾ ᱟᱥᱮᱨ ᱮ ᱞᱟᱹᱭᱟ ᱡᱮ ᱱᱚᱣᱟ ᱫᱚ ᱟᱹᱰᱤ ᱜᱮ ᱥᱚᱢᱵᱷᱚᱵ ᱢᱮᱱᱟᱜᱼᱟ ᱡᱮ ᱱᱚᱣᱟ ᱫᱩᱣᱟᱹᱨ ᱫᱚ ᱟᱠᱵᱚᱨ ᱟᱜ ᱪᱤᱥᱛᱤ ᱚᱰᱟᱨ ᱥᱟᱶ ᱥᱟᱹᱜᱟᱹᱭ ᱮ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱵᱮᱱᱟᱣ ᱦᱩᱭ ᱟᱠᱟᱱᱟ ᱾

ᱥᱟᱹᱠᱷᱭᱟᱹᱛ

↑ "List of Ancient Monuments and Archaeological Sites and Remains of Agra". Archaeological Survey of India. Archived from the original on 21 July 2011. Retrieved 2016-11-19.
↑ Kavuri-Bauer, Santhi (2019-01-02). "The Impact of Akhlaq-i Nasiri on the Forms and Spaces of Akbar's Fatehpur Sikri". South Asian Studies (in ᱟᱝᱜᱽᱨᱮᱡᱤ). 35 (1): 43–62. doi:10.1080/02666030.2019.1605574. ISSN 0266-6030.

ᱵᱟᱦᱨᱮ ᱡᱚᱱᱚᱲ

[1] "List of Ancient Monuments and Archaeological Sites and Remains of Agra". Archaeological Survey of India. Archived from the original on 21 July 2011. Retrieved 2016-11-19.

[:0-2] Kavuri-Bauer, Santhi (2019-01-02). "The Impact of Akhlaq-i Nasiri on the Forms and Spaces of Akbar's Fatehpur Sikri". South Asian Studies (in ᱟᱝᱜᱽᱨᱮᱡᱤ). 35 (1): 43–62. doi:10.1080/02666030.2019.1605574. ISSN 0266-6030.

[᱑]

[᱒]