ᱡᱟᱢᱟ ᱢᱟᱥᱡᱤᱫᱽ, ᱚᱦᱢᱚᱫᱟᱵᱟᱫᱽ
| ᱡᱟᱢᱟ ᱢᱟᱥᱡᱤᱫᱽ | |
|---|---|
 2013 ᱢᱚᱥᱡᱤᱫᱽ ᱟᱨ ᱨᱟᱪᱟ | |
| Religion | |
| Affiliation | ᱤᱥᱞᱟᱢ |
| Ecclesiastical or organisational status | ᱢᱚᱥᱡᱤᱫᱽ!-- or |
| Status | Active |
| Location | |
| Location | ᱢᱟᱨᱮ ᱚᱦᱢᱚᱫᱟᱵᱟᱫᱽ, ᱜᱩᱡᱽᱨᱟᱴ |
| Country | ᱥᱤᱧᱚᱛ |
| Lua error in ᱢᱳᱰᱩᱞ:Location_map at line 522: Unable to find the specified location map definition: "Module:Location map/data/India Ahmedabad" does not exist. | |
| Geographic coordinates | 23°01′26″N 72°35′14″E / 23.023822°N 72.587222°ECoordinates: 23°01′26″N 72°35′14″E / 23.023822°N 72.587222°E |
| Architecture | |
| Type | ᱢᱚᱥᱡᱤᱫᱽ ᱟᱨᱠᱤᱴᱮᱪᱟᱨ |
| Style | |
| Founder | ᱟᱦᱢᱟᱫᱽ ᱥᱟᱦ I |
| Completed | ᱪᱷᱟᱸᱪ:AH |
| Specifications | |
| Dome(s) | 15 |
| Minaret(s) | Two (since damaged) |
| Materials | ᱥᱟᱥᱟᱝ ᱫᱷᱤᱨᱤ |
ᱡᱟᱢᱟ ᱢᱟᱥᱡᱤᱫᱽ (ᱡᱟᱦᱟᱸ ᱨᱮᱭᱟᱜ ᱥᱟᱶᱦᱮᱫ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱡᱟᱹᱨᱩᱢ ᱢᱟᱥᱡᱤᱫᱽ ᱵᱟᱝᱢᱟ ᱡᱟᱢᱤ ᱢᱟᱥᱡᱤᱫᱽ), ᱱᱚᱣᱟ ᱫᱚ ᱢᱤᱫ ᱡᱟᱹᱨᱩᱢ ᱢᱟᱥᱡᱤᱫᱽ ᱠᱟᱱᱟ, ᱡᱟᱦᱟᱸ ᱫᱚ ᱜᱩᱡᱽᱨᱟᱴ ᱯᱚᱱᱚᱛ ᱨᱮᱭᱟᱜ ᱚᱦᱢᱚᱫᱟᱵᱟᱫᱽ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱑᱔᱒᱔ ᱥᱟᱞᱮ ᱨᱮ ᱚᱦᱢᱚᱫᱽ ᱥᱟᱦ ᱑ ᱟᱜ ᱥᱟᱥᱚᱱ ᱚᱠᱛᱮ ᱨᱮ ᱵᱮᱱᱟᱣ ᱞᱮᱱᱟ ᱾ ᱛᱟᱞᱢᱟ ᱢᱤᱦᱨᱟᱵᱽ ᱨᱮ ᱢᱮᱱᱟᱜ ᱚᱞ ᱫᱚ ᱮ.ᱮᱪ. ᱘᱒᱗ (᱑᱔᱒᱓/᱑᱔᱒᱔ ᱥᱤ.ᱤ.), ᱑ ᱥᱟᱨᱟᱨ ᱵᱟᱝᱢᱟ ᱔ ᱡᱟᱱᱩᱣᱟᱨᱤ ᱦᱤᱞᱚᱜ ᱥᱩᱞᱛᱟᱱ ᱚᱦᱢᱚᱫᱽ ᱥᱟᱦ ᱑ ᱦᱚᱛᱮᱛᱮ ᱢᱟᱥᱡᱤᱫᱽ ᱨᱮᱭᱟᱜ ᱮᱛᱚᱦᱚᱵ ᱮ ᱩᱫᱜᱷᱟᱴᱚᱱ ᱟᱠᱟᱫᱟ ᱾ ᱱᱚᱣᱟ ᱢᱟᱥᱡᱤᱫᱽ ᱫᱚ ᱢᱟᱨᱮ ᱫᱤᱣᱟᱹᱨ ᱟᱠᱟᱱ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱟᱨ ᱱᱚᱣᱟ ᱫᱚ ᱵᱷᱟᱫᱽᱨᱟ ᱯᱷᱚᱨᱴ ᱴᱚᱴᱷᱟ ᱠᱷᱚᱱ ᱵᱟᱦᱨᱮ ᱨᱮ ᱢᱮᱱᱟᱜᱼᱟ ᱾ ᱢᱟᱨᱮ ᱫᱤᱣᱟᱹᱨ ᱟᱠᱟᱱ ᱥᱚᱦᱚᱨ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱠᱚᱣᱟᱨᱴᱟᱨ ᱵᱟᱝᱢᱟ ᱯᱚᱞ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱟᱨ ᱡᱟᱢᱤ ᱢᱟᱥᱡᱤᱫᱽ ᱫᱚ ᱜᱟᱱᱫᱷᱤ ᱨᱚᱰ ᱨᱮ ᱧᱟᱢᱚᱜᱼᱟ ᱾ ᱨᱚᱰ ᱨᱮᱭᱟᱜ ᱮᱛᱚᱢ ᱥᱮᱫ ᱛᱮ, ᱢᱟᱥᱡᱤᱫᱽ ᱫᱚ ᱛᱤᱱ ᱫᱟᱨᱣᱟᱡᱟ ᱵᱟᱝᱢᱟ ᱛᱨᱤᱯᱚᱞᱤᱭᱟ ᱜᱮᱴ ᱠᱷᱚᱱ ᱠᱤᱪᱷᱩ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱵᱮᱱᱟᱣ ᱫᱚ ᱡᱟᱹᱛᱤᱭᱟᱹᱨᱤ ᱢᱚᱦᱚᱛ ᱨᱮᱭᱟᱜ ᱢᱤᱫ ᱪᱤᱱᱦᱟᱹ ᱠᱟᱱᱟ ᱾[᱑]
ᱡᱟᱢᱟ ᱢᱟᱥᱡᱤᱫᱽ ᱫᱚ ᱚᱦᱢᱚᱫᱽ ᱥᱟᱦ ᱑ ᱟᱜ ᱥᱟᱥᱚᱱ ᱚᱠᱛᱮ ᱨᱮ ᱵᱮᱱᱟᱣ ᱟᱠᱟᱱ ᱢᱚᱬᱮ ᱟᱱᱟᱜ ᱢᱟᱥᱡᱤᱫᱽ ᱵᱮᱱᱟᱣ ᱛᱟᱦᱮᱸ ᱠᱟᱱᱟ ᱾ ᱢᱟᱲᱟᱝ ᱢᱟᱥᱡᱤᱫᱽ ᱠᱚᱫᱚ ᱵᱟᱝ ᱠᱷᱟᱱ ᱦᱩᱰᱤᱧ ᱜᱮ ᱛᱟᱦᱮᱸ ᱠᱟᱱᱟ ᱵᱟᱝᱢᱟ ᱱᱤᱡᱮᱨ ᱠᱟᱹᱢᱤ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ ᱾ ᱡᱟᱢᱟ ᱢᱟᱥᱡᱤᱫᱽ ᱫᱚ ᱱᱚᱣᱟ ᱨᱮᱭᱟᱜ ᱢᱟᱲᱟᱝ ᱨᱮᱱᱟᱜ ᱠᱷᱚᱱ ᱯᱩᱨᱟᱹ ᱵᱤᱨᱩᱫᱷ ᱜᱮ ᱛᱟᱦᱮᱸ ᱠᱟᱱᱟ ᱡᱮ ᱱᱚᱣᱟ ᱫᱚ ᱢᱤᱫ ᱢᱟᱨᱟᱝ, ᱟᱹᱰᱤ ᱢᱚᱡᱽ ᱵᱮᱱᱟᱣ ᱠᱟᱱᱟ ᱾ ᱢᱟᱥᱡᱤᱫᱽ ᱠᱚᱢᱯᱞᱮᱠᱥ ᱨᱮ ᱢᱤᱫ ᱢᱟᱨᱟᱝ ᱯᱟᱠᱟ ᱠᱩᱨᱩᱢᱩᱴᱩ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱯᱮᱭᱟ ᱵᱷᱮᱜᱟᱨ ᱰᱟᱦᱟᱨ ᱠᱷᱚᱱ ᱵᱚᱞᱚ ᱫᱟᱲᱮᱭᱟᱜᱼᱟ ᱾[᱒] ᱠᱩᱨᱩᱢᱩᱴᱩ ᱨᱮ ᱛᱟᱞᱟ ᱨᱮ ᱢᱤᱫ ᱚᱵᱽᱞᱩᱥᱚᱱ ᱴᱮᱸᱠ ᱢᱮᱱᱟᱜᱼᱟ ᱾ ᱵᱤᱞᱰᱤᱝ ᱨᱮᱭᱟᱜ ᱯᱟᱪᱮ ᱥᱮᱫ ᱨᱮ ᱯᱨᱮᱭᱟᱨ ᱦᱚᱞ ᱨᱮᱭᱟᱜ ᱚᱲᱟᱜ ᱢᱮᱱᱟᱜᱼᱟ ᱾ ᱡᱚᱛᱚ ᱢᱟᱥᱡᱤᱫᱽ ᱜᱮ ᱜᱩᱡᱽᱨᱟᱴ ᱥᱴᱟᱭᱤᱞ ᱟᱨᱠᱤᱴᱮᱠᱪᱚᱨ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ ᱚᱱᱟ ᱨᱮᱭᱟᱜ ᱪᱤᱱᱦᱟᱹ ᱠᱟᱱᱟ ᱾
ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱦᱢᱚᱫᱟᱵᱟᱫᱽ ᱨᱮᱭᱟᱜ ᱡᱟᱢᱟ ᱢᱟᱥᱡᱤᱫᱽ ᱫᱚ ᱱᱚᱣᱟ ᱚᱠᱛᱚ ᱨᱮ ᱵᱮᱱᱟᱣ ᱟᱠᱟᱱ ᱥᱤᱧᱚᱛᱤᱭᱟᱹ ᱩᱯᱢᱟᱦᱟᱫᱤᱥᱚᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱟᱥᱡᱤᱫᱽ ᱠᱟᱱᱟ ᱾[᱓] ᱱᱚᱣᱟ ᱫᱚ ᱢᱟᱨᱮ ᱫᱤᱣᱟᱹᱨ ᱟᱠᱟᱱ ᱥᱚᱦᱚᱨ ᱨᱮᱭᱟᱜ ᱛᱟᱞᱟ ᱨᱮ ᱢᱮᱱᱟᱜᱼᱟ ᱾ ᱢᱟᱥᱡᱤᱫᱽ ᱨᱮᱭᱟᱜ ᱠᱚᱧᱮ ᱫᱤᱣᱟᱹᱨ ᱫᱚ ᱢᱤᱫ ᱯᱨᱚᱥᱮᱥᱚᱱᱟᱞ ᱰᱟᱦᱟᱨ ᱥᱟᱶ ᱢᱮᱱᱟᱜᱼᱟ ᱾ ᱥᱩᱞᱛᱟᱱ ᱚᱦᱢᱚᱫᱽ ᱥᱟᱦ ᱑ ᱦᱚᱛᱮᱛᱮ ᱵᱟᱰᱟᱭ ᱠᱟᱛᱮ ᱢᱤᱫ ᱢᱩᱬ ᱯᱞᱟᱱ ᱨᱮᱭᱟᱜ ᱦᱤᱸᱥ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱ, ᱱᱚᱣᱟ ᱢᱟᱥᱡᱤᱫᱽ ᱫᱚ ᱯᱨᱚᱥᱮᱥᱚᱱᱟᱞ ᱮᱠᱥᱤᱥ ᱨᱮᱭᱟᱜ ᱠᱚᱧᱮ ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱮᱫᱟᱱ-ᱤ ᱥᱟᱦ ᱠᱷᱚᱱ ᱯᱮᱭᱟ ᱟᱨᱪ ᱥᱟᱶ ᱫᱩᱣᱟᱹᱨ ᱨᱮ ᱪᱟᱞᱟᱜ ᱠᱟᱱᱟ, ᱛᱤᱱ ᱫᱟᱨᱣᱟᱡᱟ ᱾ ᱢᱤᱫ ᱦᱚᱲ ᱫᱚ ᱢᱤᱫ ᱪᱟᱹᱴᱟᱱᱤ ᱵᱮᱵᱷᱟᱨ ᱠᱟᱛᱮ ᱠᱚᱧᱮ ᱠᱷᱚᱱ ᱢᱟᱥᱡᱤᱫᱽ ᱨᱮ ᱵᱚᱞᱚ ᱫᱟᱲᱮᱭᱟᱜᱼᱟ ᱾ ᱢᱟᱥᱡᱤᱫᱽ ᱨᱮᱭᱟᱜ ᱥᱟᱢᱟᱝ ᱨᱮ ᱵᱟᱫᱽᱥᱟᱦ-ᱠᱟ-ᱦᱟᱡᱤᱨᱟ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱚᱦᱢᱚᱫᱽ ᱥᱟᱦ ᱟᱜ ᱴᱚᱢᱵᱽ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜᱼᱟ ᱾ ᱱᱚᱣᱟ ᱫᱚ ᱚᱦᱢᱚᱫᱽ ᱥᱟᱦ ᱑, ᱩᱱᱤ ᱨᱮᱱ ᱦᱚᱯᱚᱱ ᱟᱨ ᱜᱚᱲᱚᱢ ᱦᱚᱯᱚᱱ ᱟᱜ ᱴᱚᱢᱵᱽ ᱠᱟᱱᱟ ᱾ ᱴᱚᱢᱵᱽ ᱫᱚ ᱡᱟᱢᱟ ᱢᱟᱥᱡᱤᱫᱽ ᱞᱮᱠᱟᱱ ᱟᱨᱠᱤᱴᱮᱠᱪᱚᱨᱟᱞ ᱥᱴᱟᱭᱤᱞ ᱮ ᱵᱮᱵᱷᱟᱨ ᱟᱠᱟᱫᱟ ᱵᱮᱥ ᱠᱟᱛᱮ ᱦᱚᱸ ᱡᱟᱢᱟ ᱢᱟᱥᱡᱤᱫᱽ ᱯᱩᱨᱟᱹᱣ ᱠᱟᱛᱮ ᱛᱟᱭᱚᱢ ᱮᱛᱚᱦᱚᱵ ᱞᱮᱱᱟ ᱾ ᱠᱤᱪᱷᱩ ᱞᱮᱠᱟᱱ ᱟᱨᱠᱤᱴᱮᱠᱪᱚᱨᱟᱞ ᱯᱷᱤᱪᱚᱨ ᱨᱮ ᱟᱭᱢᱟ ᱰᱚᱢ, ᱮᱱᱠᱞᱚᱡᱰ ᱠᱚᱞᱚᱢᱱᱮᱰ ᱠᱚᱨᱴ ᱟᱨ ᱯᱤᱭᱚᱨᱥ ᱥᱠᱨᱤᱱ ᱰᱤᱣᱟᱹᱨ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱾ ᱵᱮᱥ ᱠᱟᱛᱮ ᱦᱚᱸ ᱴᱚᱢᱵᱽ ᱫᱚ ᱚᱠᱟ ᱱᱚᱵᱷᱮᱞ ᱟᱨᱠᱤᱴᱮᱠᱪᱚᱨᱟᱞ ᱯᱷᱤᱪᱚᱨ ᱵᱟᱭ ᱵᱮᱵᱷᱟᱨ ᱟᱠᱟᱫᱟ, ᱱᱚᱣᱟ ᱫᱚ ᱚᱦᱢᱚᱫᱟᱵᱟᱫᱽ ᱨᱮ ᱱᱚᱝᱠᱟᱱᱟᱜ ᱯᱩᱭᱞᱩ ᱠᱟᱱᱟ ᱾ ᱥᱩᱨ ᱨᱮ ᱥᱩᱞᱛᱟᱱ ᱚᱦᱢᱚᱫᱽ ᱥᱟᱦ ᱑ ᱨᱮᱱ ᱨᱟᱹᱱᱤ ᱟᱨ ᱮᱴᱟᱜ ᱮᱨᱟ ᱠᱚᱣᱟᱜ ᱴᱚᱢᱵᱽ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱨᱟᱹᱱᱤ ᱱᱚ ᱦᱟᱡᱤᱨᱚ ᱵᱟᱝᱢᱟ ᱦᱟᱡᱤᱨᱟ ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱴᱚᱢᱵᱽ ᱫᱚ ᱚᱦᱢᱚᱫᱽ ᱥᱟᱦ ᱟᱜ ᱴᱚᱢᱵᱽ ᱞᱮᱠᱟᱱ ᱟᱨᱠᱤᱴᱮᱠᱪᱚᱨᱟᱞ ᱥᱴᱟᱭᱤᱞ ᱜᱮᱭ ᱵᱮᱵᱷᱟᱨ ᱟᱠᱟᱫᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱟᱭᱚᱢ ᱫᱤᱱ ᱨᱮ ᱴᱚᱴᱷᱟᱣᱟᱨᱤ ᱚᱫᱷᱤᱠᱟᱨᱤ ᱠᱚ ᱢᱟᱥᱡᱤᱫᱽ ᱨᱮᱭᱟᱜ ᱚᱨᱤᱡᱤᱱᱟᱞ ᱩᱯᱟᱫᱟᱱ ᱠᱚ ᱵᱟᱧᱪᱟᱣ ᱫᱚᱦᱚ ᱥᱟᱶᱛᱮ ᱚᱱᱟ ᱵᱮᱱᱟᱣ ᱫᱚ ᱵᱟᱧᱪᱟᱣ ᱫᱚᱦᱚ ᱞᱟᱹᱜᱤᱫ ᱠᱚ ᱞᱟᱹᱲᱦᱟᱹᱭ ᱮᱫᱟ ᱡᱟᱦᱟᱸ ᱫᱚ ᱯᱩᱡᱟᱹ ᱦᱚᱲ ᱞᱟᱹᱜᱤᱫ ᱛᱮ ᱱᱤᱛ ᱦᱟᱹᱵᱤᱡ ᱪᱟᱹᱞᱩ ᱢᱮᱱᱟᱜᱼᱟ ᱾ ᱥᱩᱱᱱᱤ ᱢᱩᱥᱞᱤᱢ ᱣᱟᱠᱯᱷ ᱠᱚᱢᱤᱴᱤ ᱫᱚ ᱢᱟᱥᱡᱤᱫᱽ ᱨᱮᱭᱟᱜ ᱠᱩᱨᱩᱢᱩᱴᱩ ᱨᱮᱭᱟᱜ ᱚᱨᱤᱡᱤᱱᱟᱞ ᱥᱮᱸᱰᱥᱴᱚᱱ ᱯᱷᱞᱚᱨᱤᱝ ᱫᱚ ᱢᱟᱨᱵᱚᱞ ᱯᱷᱞᱚᱨᱤᱝ ᱥᱟᱶ ᱵᱚᱫᱚᱞ ᱟᱠᱟᱫᱟ ᱾ ᱢᱟᱥᱡᱤᱫᱽ ᱨᱮᱭᱟᱜ ᱠᱩᱨᱩᱢᱩᱴᱩ ᱛᱟᱞᱟ ᱨᱮ ᱢᱮᱱᱟᱜ ᱦᱚᱣᱡᱽ (ᱴᱮᱸᱠ) ᱦᱚᱸ, ᱡᱟᱦᱟᱸ ᱯᱩᱡᱟᱹ ᱠᱚ ᱯᱨᱮᱭᱟᱨ ᱢᱟᱲᱟᱝ ᱣᱩᱫᱩ ᱨᱮᱭᱟᱜ ᱠᱟᱹᱢᱤ ᱠᱚ ᱯᱩᱨᱟᱹᱣᱟ, ᱚᱱᱟ ᱦᱚᱸ ᱨᱤᱞᱮ ᱟᱠᱟᱱᱟ ᱾ ᱡᱷᱟᱨᱠᱷᱚᱸᱰ ᱨᱮ ᱟᱭᱨᱚᱱ ᱯᱷᱨᱮᱢ ᱠᱚ ᱞᱟᱜᱟᱣ ᱮᱱᱟ ᱾ ᱥᱤᱧᱚᱛ ᱨᱮᱭᱟᱜ ᱟᱨᱠᱤᱭᱚᱞᱚᱡᱤᱠᱟᱞ ᱥᱚᱥᱟᱭᱤᱴᱤ ᱫᱚ ᱥᱩᱱᱱᱤ ᱢᱩᱥᱞᱤᱢ ᱣᱟᱠᱯᱷ ᱠᱚᱢᱤᱴᱤ ᱨᱮᱱ ᱥᱚᱦᱮᱫ ᱟᱨ ᱴᱚᱴᱷᱟᱣᱟᱨᱤ ᱦᱚᱲ ᱠᱚ ᱵᱤᱨᱩᱫᱷ ᱨᱮ ᱟᱨᱠᱤᱭᱚᱞᱚᱡᱤᱠᱟᱞ ᱢᱚᱱᱩᱢᱮᱸᱴ ᱟᱨ ᱟᱨᱠᱤᱭᱚᱞᱚᱡᱤᱠᱟᱞ ᱥᱟᱭᱤᱴ ᱨᱮᱢᱮᱱᱥ ᱮᱠᱴ ᱨᱮ ᱵᱟᱹᱲᱤᱡ ᱠᱟᱹᱢᱤ ᱠᱚ ᱠᱚᱨᱟᱣ ᱟᱠᱟᱫᱟ ᱢᱮᱱᱛᱮ ᱟᱭᱢᱟ ᱠᱚᱢᱯᱞᱮᱱ ᱮ ᱯᱷᱟᱭᱤᱞ ᱟᱠᱟᱫᱟ ᱾ ᱥᱩᱱᱱᱤ ᱢᱩᱥᱞᱤᱢ ᱣᱟᱠᱯᱷ ᱠᱚᱢᱤᱴᱤ ᱫᱚ ᱢᱮᱱ ᱟᱠᱟᱫᱟ, "ᱮ.ᱮᱥ.ᱟᱭᱤ. ᱴᱷᱮᱱ ᱰᱷᱟᱹᱞᱩ ᱵᱟᱧᱪᱟᱣ ᱞᱟᱹᱜᱤᱫ ᱫᱟᱲᱮ ᱦᱚᱸ ᱵᱟᱹᱱᱩᱜ-ᱟ ᱟᱨ ᱤᱪᱷᱟᱹ ᱦᱚᱸ ᱵᱟᱹᱱᱩᱜ-ᱟ ᱾ ᱱᱚᱣᱟ ᱢᱚᱱᱩᱢᱮᱸᱴ ᱨᱮ ᱵᱟᱹᱲᱛᱤ ᱠᱟᱛᱮ ᱢᱟᱥᱡᱤᱫᱽ ᱠᱚᱫᱚ ᱱᱤᱛ ᱦᱚᱸ ᱵᱮᱵᱷᱟᱨᱚᱜ ᱠᱟᱱᱟ ᱾ ᱡᱚᱠᱷᱚᱱ ᱮ.ᱮᱥ.ᱟᱭᱤ. ᱢᱤᱫ ᱨᱟᱹᱯᱩᱫᱚᱜ ᱠᱟᱱ ᱢᱚᱱᱩᱢᱮᱸᱴ ᱨᱮᱭᱟᱜ ᱨᱤᱯᱮᱭᱟᱨ ᱮ ᱵᱷᱩᱞᱟᱹᱜᱼᱟ, ᱩᱱ ᱠᱷᱚᱱ ᱠᱟᱹᱢᱤ ᱠᱚᱨᱟᱣ ᱨᱮᱭᱟᱜ ᱫᱟᱹᱭᱛᱚ ᱫᱚ ᱟᱞᱮ ᱪᱮᱛᱟᱱ ᱨᱮ ᱦᱤᱡᱩᱜᱼᱟ ᱾ ᱟᱞᱮ ᱯᱨᱮᱭᱟᱨ ᱞᱟᱹᱜᱤᱫ ᱦᱤᱡᱩᱜ ᱠᱟᱱ ᱦᱚᱲ ᱠᱚ ᱵᱩᱱᱤᱭᱟᱹᱫᱤ ᱥᱩᱵᱤᱫᱷᱟ ᱮᱢ ᱠᱷᱚᱱ ᱫᱟᱹᱲ ᱫᱚ ᱵᱟᱞᱮ ᱫᱟᱲᱮᱭᱟᱜᱼᱟ" ᱮ.ᱮᱥ.ᱟᱭᱤ. ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱫᱟᱹᱵᱤ ᱨᱮᱭᱟᱜ ᱵᱟᱵᱚᱛ ᱨᱮ ᱾
ᱟᱨᱠᱤᱴᱮᱠᱪᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱦᱢᱚᱫᱟᱵᱟᱫᱽ ᱫᱚ ᱒᱖ ᱯᱷᱮᱵᱽᱨᱩᱣᱟᱨᱤ ᱑᱔᱑᱑ ᱨᱮ ᱵᱮᱱᱟᱣ ᱞᱮᱱᱟ, ᱫᱤᱞᱞᱤ ᱨᱮ ᱢᱩᱥᱞᱤᱢ ᱥᱟᱥᱚᱱ ᱠᱷᱚᱱ ᱥᱟᱺᱜᱤᱧ ᱨᱮ ᱾ ᱱᱚᱣᱟ ᱠᱷᱟᱹᱛᱤᱨ ᱛᱮ ᱚᱦᱢᱚᱫᱟᱵᱟᱫᱽ ᱫᱚ ᱟᱡᱟᱜ ᱯᱨᱚᱵᱷᱤᱱᱥᱤᱭᱟᱞ ᱥᱴᱟᱭᱤᱞ ᱨᱮᱭᱟᱜ ᱟᱨᱠᱤᱴᱮᱠᱪᱚᱨ ᱮ ᱵᱤᱠᱟᱥ ᱫᱟᱲᱮᱭᱟᱫᱟ ᱾ ᱚᱦᱢᱚᱫᱟᱵᱟᱫᱽ ᱨᱮᱭᱟᱜ ᱯᱨᱚᱵᱷᱤᱱᱥᱤᱭᱟᱞ ᱥᱴᱟᱭᱤᱞ ᱨᱮᱭᱟᱜ ᱟᱨᱠᱤᱴᱮᱠᱪᱚᱨ ᱫᱚ ᱟᱹᱰᱤ ᱜᱟᱱ ᱜᱩᱡᱽᱨᱟᱴ ᱥᱴᱟᱭᱤᱞ ᱠᱚ ᱢᱮᱛᱟᱜᱼᱟ, ᱯᱚᱱᱚᱛ ᱨᱮᱭᱟᱜ ᱧᱩᱛᱩᱢ ᱞᱮᱠᱟᱛᱮ ᱾ ᱜᱩᱡᱽᱨᱟᱴ ᱥᱴᱟᱭᱤᱞ ᱨᱮᱭᱟᱜ ᱟᱨᱠᱤᱴᱮᱠᱪᱚᱨ, ᱟᱨ ᱚᱱᱟᱛᱮ ᱚᱦᱢᱚᱫᱟᱵᱟᱫᱽ ᱨᱮᱭᱟᱜ ᱟᱨᱠᱤᱴᱮᱠᱪᱚᱨ ᱥᱴᱟᱭᱤᱞ ᱫᱚ ᱤᱱᱫᱚ-ᱤᱥᱞᱟᱢᱤᱠ ᱟᱨ ᱯᱟᱨᱟᱢᱯᱟᱨᱤᱠ ᱦᱤᱱᱫᱩ ᱢᱚᱱᱫᱤᱨ ᱟᱨᱠᱤᱴᱮᱠᱪᱚᱨᱟᱞ ᱩᱯᱟᱫᱟᱱ ᱠᱚ ᱢᱮᱥᱟ ᱢᱮᱱᱟᱜᱼᱟ ᱾ ᱵᱮᱥ ᱠᱟᱛᱮ ᱦᱚᱸ ᱜᱩᱡᱽᱨᱟᱴ ᱥᱴᱟᱭᱤᱞ ᱨᱮᱭᱟᱜ ᱟᱨᱠᱤᱴᱮᱠᱪᱚᱨ ᱫᱚ ᱑᱕ ᱥᱟᱭᱟᱱᱟᱜ ᱥᱮᱨᱢᱟ ᱨᱮ ᱟᱨ ᱚᱱᱟ ᱛᱟᱭᱚᱢ ᱵᱟᱹᱲᱛᱤ ᱮᱱᱟ, ᱢᱟᱨᱩ-ᱜᱩᱨᱡᱚᱨᱟ ᱥᱴᱟᱭᱤᱞ, ᱑᱑ ᱠᱷᱚᱱ ᱑᱓ ᱥᱟᱭᱟᱱᱟᱜ ᱥᱮᱨᱢᱟ ᱨᱮ, ᱜᱩᱡᱽᱨᱟᱴ ᱤᱥᱞᱟᱢᱤᱠ ᱟᱨᱠᱤᱴᱮᱠᱪᱚᱨ ᱥᱴᱟᱭᱤᱞ ᱞᱟᱹᱜᱤᱫ ᱢᱤᱫ ᱢᱤᱥᱟᱹᱞ ᱛᱟᱦᱮᱸ ᱠᱟᱱᱟ ᱪᱮᱫᱟᱜ ᱥᱮ ᱚᱦᱢᱚᱫᱽ ᱥᱟᱦ ᱑ ᱫᱟᱲᱮᱭ ᱧᱟᱢ ᱠᱟᱛᱮ ᱚᱦᱢᱚᱫᱟᱵᱟᱫᱽ ᱵᱮᱱᱟᱣ ᱢᱟᱲᱟᱝ ᱜᱩᱡᱽᱨᱟᱴ ᱨᱮ ᱤᱥᱞᱟᱢ ᱢᱤᱫ ᱥᱟᱭᱟᱱᱟᱜ ᱥᱮᱨᱢᱟ ᱠᱷᱚᱱ ᱛᱟᱦᱮᱸ ᱠᱟᱱᱟ ᱾ ᱚᱦᱢᱚᱫᱽ ᱥᱟᱦ ᱯᱤᱨᱤᱭᱚᱰ ᱢᱟᱲᱟᱝ ᱜᱩᱡᱽᱨᱟᱴ ᱨᱮ ᱮᱛᱚᱦᱚᱵ ᱢᱟᱥᱡᱤᱫᱽ ᱠᱚᱫᱚ ᱵᱟᱹᱲᱛᱤ ᱠᱟᱛᱮ ᱞᱩᱴᱮᱨᱟ ᱢᱚᱱᱫᱤᱨ ᱢᱟᱴᱤᱨᱤᱭᱟᱞ ᱠᱷᱚᱱ ᱠᱚ ᱵᱮᱱᱟᱣ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱢᱟᱥᱡᱤᱫᱽ ᱞᱮᱠᱟᱱ ᱥᱴᱨᱚᱠᱪᱚᱨ ᱨᱮ ᱠᱚ ᱵᱚᱫᱚᱞ ᱠᱟᱛᱮᱫ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "List of Ancient Monuments and Archaeological Sites and Remains of Gujarat". Archaeological Survey of India. Retrieved 2016-11-18.
- ↑ Michell, George; Shah, Snehal; Burton-Page, John; Mehta, Dinesh (1988). Ahmadabad. Bombay: Marg Publications. ISBN 81-85026-03-3. OCLC 19990437.
- ↑ "Jami' Masjid of Ahmadabad". Archnet. Retrieved 2021-05-03.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
Media related to ᱡᱟᱢᱟ ᱢᱟᱥᱡᱤᱫᱽ, ᱚᱦᱢᱚᱫᱟᱵᱟᱫᱽ at Wikimedia Commons
- "Official website". Archived from the original on 2014-02-08.