ᱡᱟᱢᱥᱮᱫᱽᱯᱩᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱡᱟᱢᱥᱮᱫᱽᱯᱩᱨ
ᱴᱟᱴᱟᱱᱚᱜᱚᱨ
ᱢᱮᱴᱨᱚᱯᱚᱞᱤᱴᱟᱱ
ᱡᱟᱢᱥᱮᱫᱽᱯᱩᱨ
TATA STEEL011.jpg
J.R.D. Tata Stadium.jpg
TCE BUILDING.jpg
Bat Island11.jpg
Kadma Sonari Link Road.jpg
Sakchi Golchakkar.jpg
Clockwise from top: Sakchi Golchakkar(Roundabout), TCE Building, 1 km Walker's Path (Sonari-Kadma Link Road), View of Tata Steel Plant from JRD Tata Sports Complex, Bat Island in Jayanti Sarovar, JRD Tata Sports Complex
ᱮᱴᱟᱜ ᱧᱩᱛᱩᱢ: ᱢᱮᱬᱦᱮᱫ ᱥᱚᱦᱚᱨ
ᱡᱟᱢᱥᱮᱫᱽᱯᱩᱨ is located in Jharkhand
ᱡᱟᱢᱥᱮᱫᱽᱯᱩᱨ
ᱡᱟᱢᱥᱮᱫᱽᱯᱩᱨ
ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱞᱚᱠᱮᱥᱚᱱ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ
Coordinates: 22°47′N 86°12′E / 22.783°N 86.200°E / 22.783; 86.200Coordinates: 22°47′N 86°12′E / 22.783°N 86.200°E / 22.783; 86.200
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱡᱷᱟᱨᱠᱷᱚᱸᱰ
ᱦᱚᱱᱚᱛ ᱥᱟᱢᱟᱝ ᱥᱤᱝᱵᱷᱩᱢ
ᱥᱤᱱᱤᱭᱟᱹᱨ ᱥᱩᱯᱨᱤᱱᱴᱮᱱᱰᱮᱸᱴ ᱯᱩᱞᱤᱥ ᱥᱨᱤ ᱟᱱᱩᱯ ᱵᱤᱨᱛᱷᱟᱨᱮ (IPS)
ᱰᱤᱯᱴᱤ ᱠᱚᱢᱤᱥᱱᱚᱨ ᱥᱨᱤ ᱟᱢᱤᱛ ᱠᱩᱢᱟᱨ (IAS)
ᱵᱩᱱᱤᱭᱟᱹᱫᱤᱭᱟᱹ ᱡᱟᱢᱥᱮᱫᱽᱡᱤ ᱴᱟᱴᱟ
ᱮᱨᱤᱭᱟ [᱑]
 • ᱢᱮᱴᱨᱚᱯᱚᱞᱤᱴᱟᱱ 224 ᱠᱤᱢᱤ (86 ᱜᱟᱺᱴ ᱢᱟᱭᱤᱞ)
ᱩᱥᱩᱞ 159 ᱢᱤᱴᱚᱨ (522 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)[᱒]
 • ᱢᱮᱴᱨᱚᱯᱚᱞᱤᱴᱟᱱ ᱑,᱓᱓᱗,᱑᱓᱑
 • ᱰᱮᱱᱥᱤᱴᱤ 6000/ᱠᱤᱢᱤ2 (15000/ᱜᱟᱺᱴ ᱢᱟᱹᱭᱤᱞ)
 • ᱢᱟᱦᱟᱱᱟᱜᱟᱨ ᱖᱓᱑,᱓᱖᱔
IST (UTC+5:30)
ᱯᱤᱱ ᱠᱳᱰ ᱘᱓᱑᱐᱐᱑ ᱠᱷᱚᱱ ᱘᱓᱑xxx
ᱴᱮᱞᱤᱯᱷᱚᱱ ᱠᱳᱰ +᱙᱑-᱖᱕᱗
ᱜᱟᱹᱰᱤ ᱨᱤᱡᱤᱥᱴᱨᱤ JH-05
ᱥᱮᱪᱮᱫ ᱘᱕.᱙᱔%
ᱥᱚᱨᱠᱟᱨᱤ ᱯᱟᱹᱨᱥᱤ[᱓] ᱦᱤᱱᱫᱤ
ᱫᱚᱥᱟᱨ ᱯᱟᱹᱨᱥᱤ ᱥᱟᱱᱛᱟᱲᱤ, ᱦᱚ, ᱠᱩᱲᱩᱠᱷ, ᱢᱩᱱᱰᱟ, ᱠᱷᱟᱨᱤᱭᱟ, ᱱᱟᱜᱽᱯᱩᱨᱤ, ᱯᱟᱱᱪᱟᱯᱟᱨᱜᱟᱱᱤᱭᱟ, ᱠᱷᱚᱨᱴᱷᱟ, ᱠᱩᱨᱢᱟᱞᱤ, ᱤᱝᱜᱽᱞᱤᱥ, ᱵᱟᱸᱜᱟᱞᱤ, ᱩᱰᱤᱭᱟ ᱯᱚᱧᱡᱟᱵᱤ ᱟᱨ ᱩᱨᱫᱩ,[᱔]
ᱣᱮᱵᱽᱥᱟᱭᱤᱴ www.jamshedpur.nic.in

ᱡᱟᱢᱥᱮᱫᱽᱯᱩᱨ ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱤᱱᱰᱟᱥᱴᱨᱤᱭᱟᱞ ᱥᱚᱦᱚᱨ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱜᱮᱭᱟ ᱟᱨ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮ ᱟᱹᱰᱤ ᱥᱟᱝᱜᱮ ᱦᱚᱲ ᱮᱞ ᱥᱚᱦᱚᱨ ᱜᱩᱴ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱴᱷᱟᱯᱚᱱ (ᱴᱟᱴᱟ ᱜᱩᱴ ᱨᱤᱱᱤᱡ ᱯᱷᱚᱩᱱᱰᱟᱨ) ᱡᱟᱢᱥᱮᱫᱽᱡᱤ ᱴᱟᱴᱟ ᱟᱜ ᱤᱫᱤ ᱛᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱟᱨ ᱟᱡᱟᱜ ᱧᱩᱛᱩᱢ ᱨᱮ ᱦᱚᱸ ᱱᱚᱣᱟ ᱧᱩᱛᱩᱢ ᱫᱚᱦᱚ ᱞᱮᱱᱟ ᱛᱟᱦᱮᱸᱫ ᱾ ᱯᱷᱩᱨᱪᱟᱹ ᱥᱟᱨᱵᱷᱮ ᱒᱐᱒᱐ ᱨᱮ ᱡᱟᱢᱥᱮᱫᱽᱯᱩᱨ ᱫᱚ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱯᱷᱩᱨᱪᱟᱹ ᱥᱚᱦᱚᱨ ᱞᱮᱠᱟᱛᱮ ᱴᱷᱟᱶ ᱮ ᱧᱟᱢ ᱞᱮᱫᱼᱟ ᱛᱟᱦᱮᱸᱫ ᱾[᱕] ᱡᱟᱢᱥᱮᱫᱽᱯᱩᱨ ᱫᱚ ᱯᱷᱩᱨᱪᱟᱹ ᱥᱤᱧᱚᱛ ᱥᱟᱨᱵᱷᱮ ᱒᱐᱑᱙ ᱨᱮ[᱖] ᱥᱤᱧᱚᱛ ᱨᱮᱱᱟᱜ ᱑᱕ ᱟᱱᱟᱜ ᱟᱹᱰᱤ ᱯᱷᱩᱨᱪᱟᱹ ᱥᱚᱦᱚᱨ ᱨᱮᱱᱟᱜ ᱫᱟᱣ ᱮ ᱧᱟᱢ ᱞᱮᱫᱼᱟ ᱛᱟᱦᱮᱸᱫ ᱟᱨ ᱒᱐᱑᱐ ᱨᱮ ᱥᱤᱧᱚᱛ ᱨᱮᱱᱟᱜ ᱗ ᱟᱱᱟᱜ ᱟᱹᱰᱤ ᱯᱷᱩᱨᱪᱟᱹ ᱥᱚᱦᱚᱨ ᱛᱟᱦᱮᱸ ᱠᱟᱱᱟ ᱾[᱗]

ᱱᱚᱣᱟ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱟᱨ ᱓᱖ ᱟᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱨᱤ ᱜᱩᱴ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱪᱷᱚᱴᱟᱱᱟᱜᱽᱯᱩᱨ ᱨᱮᱱᱟᱜ ᱵᱩᱨᱩ ᱴᱷᱟᱶ ᱨᱮ ᱯᱨᱟᱠᱨᱤᱛᱤ ᱛᱟᱦᱮᱱ ᱛᱷᱟᱱ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱯᱨᱟᱠᱨᱤᱛᱤ ᱫᱚᱞᱢᱟ ᱵᱩᱨᱩ (Picturesque Dalma Hills) ᱛᱮ ᱜᱷᱮᱨᱟᱣ ᱟᱠᱟᱱᱟ ᱟᱨ ᱥᱚᱵᱚᱨᱱᱟᱠᱟ ᱟᱨ ᱠᱷᱟᱲᱟᱝ ᱜᱟᱰᱟ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾

ᱪᱷᱟᱹᱴᱭᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱑᱙ ᱥᱟᱞᱮ ᱨᱮ ᱞᱳᱨᱰ ᱪᱮᱢᱥᱯᱷᱚᱨᱰ ᱫᱚ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱠᱮᱫᱼᱟ, ᱚᱱᱟ ᱞᱟᱦᱟ ᱨᱮ ᱚᱸᱰᱮ ᱥᱟᱠᱪᱤ ᱧᱩᱛᱩᱢᱟᱱ ᱟᱹᱛᱩ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱱᱟᱜᱟᱨ ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ (Founder) ᱡᱟᱢᱥᱮᱫᱽᱡᱤ ᱴᱟᱴᱟ,ᱡᱟᱦᱟᱸᱭᱟᱜ ᱟᱜ ᱡᱟᱱᱟᱢ ᱢᱟᱦᱟᱸ ᱫᱚ ᱢᱟᱱᱟᱣᱟ ᱓ ᱢᱟᱨᱪ ᱦᱤᱞᱚᱜ ᱢᱟᱱᱟᱣᱟ [᱘], ᱩᱱᱤᱭᱟᱜ ᱢᱟᱹᱱ ᱥᱟᱨᱦᱟᱣ ᱞᱮᱠᱟᱛᱮ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱧᱩᱛᱩᱢ ᱠᱚ ᱫᱚᱦᱚ ᱠᱮᱫᱼᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱢᱥᱮᱫᱽᱯᱩᱨ ᱥᱚᱦᱚᱨ

ᱡᱟᱢᱥᱮᱫᱽᱯᱩᱨ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱫ ᱨᱮ ᱢᱮᱱᱟᱜᱼᱟ ᱟᱨ ᱳᱰᱤᱥᱟ ᱟᱨ ᱯᱚᱪᱷᱤᱢ ᱵᱟᱸᱜᱽᱞᱟ ᱯᱚᱱᱚᱛ ᱠᱷᱚᱱ ᱮᱥᱮᱫ ᱟᱠᱟᱱᱟ ᱾ ᱥᱚᱦᱚᱨ ᱨᱮᱱᱟᱜ ᱩᱥᱩᱞ ᱑᱓᱕ ᱢᱤᱴᱚᱨ ᱨᱮ ᱢᱮᱱᱟᱜᱼᱟ ᱾[᱙] ᱚᱠᱟ ᱫᱷᱟᱵᱤᱡ ᱥᱤᱢᱟᱹ ᱑᱒᱙ ᱢᱤᱴᱚᱨ ᱠᱷᱚᱱ ᱑᱕᱑ ᱢᱤᱴᱚᱨ ᱫᱷᱟᱵᱤᱡ ᱢᱮᱱᱟᱜᱼᱟ ᱾[᱑᱐] ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱜᱩᱴ ᱚᱛᱱᱚᱜ ᱚᱥᱟᱨ ᱵᱤᱥᱟᱨ ᱒᱒᱔ ᱫᱚᱦᱨᱟ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾[᱑᱑]ᱡᱟᱢᱥᱮᱫᱽᱯᱩᱨ ᱢᱩᱬ ᱞᱮᱠᱟᱛᱮ ᱢᱤᱫ ᱵᱩᱨᱩ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱟᱨ ᱯᱟᱪᱮ ᱠᱷᱚᱱ ᱥᱟᱢᱟᱝ ᱥᱮᱫ ᱥᱮᱱᱚᱜ ᱠᱟᱱᱟ ᱫᱚᱞᱢᱟ ᱵᱩᱨᱩ ᱛᱮ ᱮᱥᱮᱫ ᱟᱠᱟᱱᱟ ᱟᱨ ᱡᱷᱩᱨ ᱵᱤᱨ ᱛᱮ ᱮᱥᱮᱫ ᱟᱠᱟᱱᱟ ᱾ ᱥᱚᱦᱚᱨ ᱥᱩᱨ ᱨᱮᱱᱟᱜ ᱮᱢᱟᱱ ᱦᱩᱰᱤᱧ ᱵᱩᱨᱩ ᱩᱥᱩᱞ ᱩᱜᱟᱢ ᱵᱩᱨᱩ ᱟᱨ ᱡᱟᱫᱩᱜᱚᱲᱟᱼᱢᱚᱥᱟᱵᱩᱱᱤ ᱵᱩᱨᱩ ᱴᱷᱟᱶ ᱢᱮᱱᱟᱜᱼᱟ ᱾[᱑᱒] ᱥᱚᱦᱚᱨ ᱢᱟᱨᱟᱝ ᱪᱷᱚᱴᱟ ᱱᱟᱜᱽᱯᱩᱨ ᱵᱩᱨᱩ ᱴᱚᱴᱷᱟ ᱨᱮᱱᱟᱜ ᱢᱤᱫ ᱴᱷᱟᱶ ᱦᱚᱸ ᱢᱮᱱᱟᱜᱼᱟ ᱾ ᱱᱚᱱᱟ ᱴᱚᱴᱷᱟ ᱫᱮᱰᱟᱢᱮᱱᱴᱟᱨᱮ (sedimentary), ᱢᱮᱴᱟᱢᱚᱨᱯᱷᱤᱠ (metamorphic) ᱟᱨ ᱫᱷᱟᱨᱣᱟᱬ ᱡᱩᱜᱽ ᱠᱷᱚᱱ ᱥᱟᱹᱜᱟᱹᱭ ᱥᱮᱸᱜᱮᱞ ᱪᱟᱹᱴᱟᱹᱱᱤ ᱛᱮ ᱵᱮᱱᱟᱣ ᱟᱠᱟᱱᱟ ᱾

ᱡᱟᱢᱥᱮᱫᱽᱯᱩᱨ ᱠᱷᱟᱲᱟᱝ ᱜᱟᱰᱟ ᱟᱨ ᱥᱚᱵᱚᱨᱱᱟᱠᱟ ᱜᱟᱰᱟ ᱨᱮᱱᱟᱜ ᱡᱚᱲᱟᱜ ᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱾ ᱥᱚᱵᱚᱨᱱᱟᱠᱟ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱢᱩᱬ ᱜᱟᱰᱟ ᱠᱟᱱᱟ, ᱱᱚᱣᱟ ᱯᱟᱪᱮ ᱠᱷᱚᱱ ᱮᱛᱚᱢᱼᱥᱟᱢᱟᱝ ᱥᱮᱫ ᱨᱮ ᱞᱤᱸᱡᱤᱱ ᱠᱟᱱᱟ ᱾ ᱮᱢᱟᱱ ᱦᱩᱰᱤᱧ ᱜᱟᱰᱟ, ᱟᱥᱚᱠᱟᱭ ᱞᱮᱠᱟᱛᱮ ᱜᱚᱲᱚ ᱤᱡ ᱜᱟᱰᱟ, ᱱᱚᱣᱟ ᱴᱚᱴᱷᱟ ᱨᱮ ᱥᱚᱵᱚᱨᱱᱟᱠᱟ ᱜᱟᱰᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱠᱷᱟᱲᱟᱝ ᱜᱟᱰᱟ ᱮᱛᱚᱢ ᱠᱷᱚᱱ ᱞᱤᱸᱡᱤᱱ ᱠᱟᱱᱟ ᱟᱨ ᱰᱟᱢᱩᱱᱦᱟᱱᱤ ᱛᱷᱟᱱ ᱨᱮ ᱥᱚᱵᱚᱨᱱᱟᱠᱟ ᱜᱟᱰᱟ ᱨᱮ ᱛᱚᱯᱚᱞ ᱟᱠᱟᱱᱟ ᱾ ᱵᱟᱨᱭᱟ ᱜᱟᱰᱟ ᱥᱚᱦᱚᱨ ᱞᱟᱹᱜᱤᱫ ᱛᱮ ᱧᱩᱧᱩ ᱞᱟᱹᱜᱤᱫ ᱫᱟᱦ ᱟᱨ Ground water ᱨᱮᱱᱟᱜ ᱢᱩᱬ ᱵᱮᱵᱚᱥᱛᱟ ᱠᱟᱱᱟ ᱾ ᱥᱚᱦᱚᱨ ᱫᱷᱟᱨᱮ ᱥᱩᱨ ᱨᱮ ᱵᱷᱤᱱᱮ ᱵᱷᱤᱱᱮ ᱦᱮᱡ ᱠᱟᱛᱮ ᱟᱹᱰᱤ ᱜᱟᱱ ᱡᱷᱤᱞ ᱦᱚᱸ ᱢᱮᱱᱟᱜᱼᱟ ᱾ ᱚᱱᱰᱮ ᱠᱷᱚᱱ ᱢᱩᱬ ᱫᱚᱞᱢᱟ ᱥᱤᱢᱟᱹ ᱟᱨ ᱠᱷᱟᱲᱟᱝ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱤᱛᱟᱹᱨᱟᱢᱯᱩᱨ ᱟᱦᱟᱨ ᱛᱟᱞᱟ ᱨᱮ ᱰᱤᱢᱱᱟ ᱡᱷᱤᱞ ᱢᱮᱱᱟᱜᱼᱟ ᱾ ᱱᱚᱣᱟ ᱱᱤᱭᱟᱹ ᱴᱚᱴᱷᱟ ᱨᱮᱱᱟᱜ ᱢᱤᱫ ᱢᱩᱬ ᱧᱮᱞᱡᱚᱝ ᱴᱷᱟᱶ ᱢᱮᱱᱟᱜᱼᱟ ᱾[᱑᱓] ᱱᱚᱣᱟ ᱵᱟᱱᱟᱨ ᱥᱚᱦᱚᱨ ᱨᱮ ᱧᱩ ᱫᱟᱦ ᱞᱟᱹᱜᱤᱫ ᱟᱦᱟᱨ ᱞᱮᱠᱟᱛᱮ ᱦᱚᱸ ᱠᱟᱹᱢᱤ ᱮᱫᱼᱟ ᱾

ᱥᱚᱦᱚᱨ (ᱰᱤᱥᱤᱡᱩᱣᱟᱥ) deciduous ᱞᱮᱠᱟ ᱵᱤᱨ ᱴᱚᱴᱷᱟ ᱨᱮᱱᱟᱜ ᱤᱞᱟᱠᱟ ᱨᱮ ᱦᱤᱡᱩᱜ ᱟ ᱟᱨ ᱜᱩᱴ ᱤᱞᱟᱠᱟ ᱨᱮᱱᱟᱜ ᱓᱓% ᱴᱷᱟᱶ ᱨᱮ ᱦᱟᱹᱨᱭᱟᱹᱲ ᱨᱮᱱᱟᱜ ᱟᱱᱩᱢᱟᱱ (estimated) ᱢᱮᱱᱟᱜᱼᱟ ᱾[᱑᱔]

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱢᱥᱮᱫᱽᱯᱩᱨ ᱥᱚᱦᱚᱨ ᱥᱠᱟᱭᱞᱟᱭᱤᱱ

ᱥᱤᱧᱚᱛ ᱥᱟᱹᱦᱤᱛ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱡᱟᱢᱥᱮᱫᱽᱯᱩᱨ ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱖᱒᱙,᱖᱕᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ,[᱑᱕] ᱟᱫᱚ ᱡᱟᱢᱥᱮᱫᱽᱯᱩᱨ ᱥᱚᱦᱨᱤ ᱜᱩᱴ ᱨᱤᱱ ᱦᱚᱲ ᱮᱞ ᱑,᱓᱓᱗,᱑᱓᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱑᱖] ᱥᱚᱨᱠᱟᱨᱟᱜ ᱴᱚᱨᱢᱤᱞᱳᱡᱤ ᱞᱮᱠᱟᱛᱮ ᱥᱚᱦᱚᱨ ᱫᱚ ᱢᱤᱞᱤᱭᱚᱱ ᱥᱟᱶᱛᱮ ᱥᱚᱦᱨᱤ ᱜᱩᱴ ᱞᱮᱠᱟᱛᱮ ᱧᱩᱛᱩᱢ ᱟᱠᱟᱱᱟ ᱾[᱑᱗] ᱠᱚᱲᱟ ᱟᱜ ᱦᱚᱲ ᱮᱞ ᱕᱒.᱑% ᱟᱨ ᱛᱤᱨᱞᱟᱹ ᱟᱜ ᱔᱗.᱙% ᱢᱮᱱᱟᱜᱼᱟ ᱾ ᱟᱹᱫᱤᱵᱟᱹᱥᱤ ᱟᱜ ᱦᱚᱲ ᱮᱞ ᱒᱘% ᱢᱮᱱᱟᱜᱼᱟ ᱾ ᱡᱟᱢᱥᱮᱫᱽᱯᱩᱨ ᱨᱮ ᱥᱮᱪᱮᱫ ᱫᱚᱨ ᱘᱙.᱔᱑% ᱢᱮᱱᱟᱜᱼᱟ ᱼ ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱗᱔% ᱠᱷᱚᱱ ᱰᱮᱦᱮᱨ ᱜᱮᱭᱟ ᱾ ᱡᱟᱢᱥᱮᱫᱽᱯᱩᱨ ᱨᱮ, ᱑᱑.᱕% ᱦᱚᱲ ᱮᱞ ᱛᱩᱨᱩᱭ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾[᱑᱘]

ᱥᱚᱦᱨᱤ ᱥᱟᱥᱚᱱ ᱪᱟᱪᱞᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱵᱤᱞᱤ ᱵᱟᱜᱟᱱ, ᱡᱟᱢᱥᱮᱫᱽᱯᱩᱨ

ᱥᱚᱦᱚᱨ ᱨᱮᱱᱟᱜ ᱱᱚᱜᱽᱨᱤᱠ ᱥᱟᱥᱚᱱ ᱪᱟᱪᱞᱟᱣ ᱟᱹᱰᱤ ᱢᱟᱨᱟᱝ ᱡᱟᱢᱥᱮᱫᱽᱯᱩᱨ ᱢᱟᱦᱟᱱᱚᱜᱚᱨ ᱴᱚᱴᱷᱟ, ᱡᱷᱟᱨᱠᱷᱚᱸᱰ ᱥᱚᱨᱠᱟᱨ ᱴᱷᱮᱱ ᱢᱮᱱᱟᱜᱼᱟ ᱾

ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱮᱞ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱟᱴᱟᱱᱚᱜᱚᱨ ᱡᱚᱸᱠᱥᱚᱱ

ᱴᱟᱴᱟᱱᱚᱜᱚᱨ ᱡᱚᱸᱠᱥᱚᱱ ᱮᱛᱚᱢ ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱪᱚᱠᱨᱚᱫᱷᱚᱨᱯᱩᱨ ᱠᱷᱚᱸᱰ ᱨᱮ ᱢᱤᱫᱴᱟᱝ ᱨᱮᱞᱣᱮ ᱡᱚᱸᱠᱥᱚᱱ ᱟᱨ ᱮᱼ᱑ ᱛᱷᱚᱠ (A-1 category) ᱨᱮᱱᱟᱜ ᱢᱳᱰᱟᱞ ᱥᱴᱮᱥᱚᱱ ᱠᱟᱱᱟ ᱾ ᱥᱚᱦᱚᱨ ᱨᱮᱱᱟᱜ ᱮᱢᱟᱱ ᱨᱮᱞᱣᱮ ᱥᱴᱮᱥᱚᱱ ᱟᱫᱤᱛᱯᱩᱨ, ᱜᱟᱹᱢᱦᱟᱹᱨᱤᱭᱟᱹ ᱠᱟᱱᱰᱨᱟ, ᱜᱚᱵᱤᱸᱫᱽᱯᱩᱨ ᱮᱢᱟᱱ ᱢᱮᱱᱟᱜᱼᱟ ᱾

ᱥᱚᱲᱚᱠ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱱᱜᱚ ᱵᱟᱥ ᱥᱴᱮᱱᱰ (ᱡᱟᱢᱥᱮᱫᱽᱯᱩᱨ ᱵᱟᱥ ᱴᱟᱨᱢᱤᱱᱟᱞ)
ᱟᱫᱤᱛᱯᱩᱨ, ᱡᱟᱢᱥᱮᱫᱽᱯᱩᱨ ᱨᱮ ᱴᱟᱴᱟ ᱠᱟᱱᱰᱨᱟ ᱥᱚᱲᱚᱠ

ᱡᱟᱢᱥᱮᱫᱽᱯᱩᱨ ᱫᱚ ᱡᱟᱹᱛᱤᱭᱟᱹᱨᱤ ᱟᱨ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱤᱫᱤ ᱛᱮ ᱥᱤᱧᱚᱛ ᱨᱮᱱᱟᱜ ᱮᱢᱟᱱ ᱴᱷᱟᱶ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ᱢᱩᱬ ᱨᱟᱡᱽᱰᱟᱦᱟᱨ ᱢᱮᱱᱟᱜᱼᱟ :

  • ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱓ (NH-33) ᱛᱮ ᱥᱚᱦᱚᱨ ᱫᱚ ᱡᱚᱲᱟᱣ ᱟᱠᱟᱱᱟ ᱟᱨ ᱱᱚᱣᱟ ᱢᱩᱢᱵᱟᱭ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱟᱨ ᱢᱟᱲᱟᱝ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱒ (NH 32) ᱨᱮ ᱡᱚᱲᱟᱣ ᱟᱠᱟᱱᱟ, ᱱᱚᱣᱟ ᱠᱚᱞᱠᱟᱛᱟ, ᱫᱤᱞᱞᱤ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱒ (NH-2), ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱓ (NH-33) ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖ (NH-6) ᱠᱷᱚᱱ ᱡᱚᱲᱟᱣ ᱟᱠᱟᱱᱟ, ᱱᱚᱣᱟ ᱠᱷᱚᱲᱚᱜᱽᱯᱩᱨ, ᱠᱚᱞᱠᱟᱛᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
  • ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱒ (NH-32) ᱡᱟᱢᱥᱮᱫᱽᱯᱩᱨ ᱫᱚ ᱫᱷᱟᱱᱵᱟᱫᱽ, ᱞᱮᱠᱟᱛᱮ ᱵᱚᱠᱟᱨᱚ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
  • ᱴᱟᱴᱟᱼᱠᱟᱱᱰᱨᱟ ᱰᱟᱦᱟᱨ ᱡᱟᱢᱥᱮᱫᱽᱯᱩᱨ ᱫᱚ ᱜᱟᱹᱢᱦᱟᱹᱨᱤᱭᱟᱹ ᱞᱮᱠᱟᱛᱮ ᱠᱟᱱᱰᱨᱟ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
  • ᱢᱟᱨᱤᱱ ᱰᱨᱟᱭᱤᱵᱽ, ᱡᱟᱢᱥᱮᱫᱽᱯᱩᱨ ᱟᱫᱤᱛᱯᱩᱨ ᱴᱚᱞ ᱵᱽᱨᱤᱡᱽ ᱫᱚ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱯᱟᱪᱮ ᱰᱟᱦᱟᱨ ᱞᱮᱠᱟᱛᱮ ᱠᱟᱫᱽᱢᱟ, ᱥᱚᱱᱟᱨᱤ ᱞᱮᱠᱟᱛᱮ ᱢᱟᱱᱜᱚ ᱡᱚᱲᱟᱣ ᱟᱠᱟᱱᱟ ᱾

ᱩᱰᱟᱹᱱ ᱰᱟᱹᱦᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱱᱟᱨᱤ ᱩᱰᱟᱹᱱ ᱰᱟᱹᱦᱤ ᱱᱤᱛᱚᱜ ᱢᱮᱱᱟᱜ ᱦᱟᱱᱛᱟᱨᱟ ᱥᱚᱦᱚᱨ ᱥᱮᱵᱟ ᱞᱟᱹᱜᱤᱫ ᱛᱮ ᱾ ᱱᱚᱣᱟ ᱥᱚᱦᱚᱨ ᱨᱮᱱᱟᱜ ᱥᱚᱱᱟᱨᱤ ᱴᱚᱴᱷᱟ ᱨᱮ ᱒᱕ ᱮᱠᱟᱲ ᱴᱚᱴᱷᱟ ᱨᱮ ᱟᱴᱮᱫ ᱟᱠᱟᱱᱟ ᱾ ᱩᱰᱟᱹᱱ ᱰᱟᱹᱦᱤ ᱟᱜ ᱪᱟᱪᱞᱟᱣ ᱢᱩᱬ ᱞᱮᱠᱟᱛᱮ ᱴᱟᱴᱟ ᱜᱩᱴ ᱟᱜ ᱪᱟᱨᱴᱨᱰ ᱩᱰᱟᱹᱜ ᱜᱟᱹᱰᱤ ᱟᱜᱩ ᱞᱟᱹᱜᱤᱫ ᱠᱟᱹᱢᱤᱭᱟ ᱾ ᱠᱟᱹᱡ ᱫᱤᱱ ᱫᱚ ᱦᱩᱭ ᱮᱱᱟ ᱡᱟᱢᱥᱮᱫᱽᱯᱩᱨ ᱠᱷᱚᱱ ᱠᱚᱞᱠᱟᱛᱟ ᱩᱰᱟᱹᱣᱜᱼᱟ ᱠᱟᱱᱟ ᱛᱟᱦᱮᱸᱫ ᱾

ᱥᱟᱹᱠᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Jamshedpur city total area". 
  2. "Census 2011". The Registrar General & Census Commissioner, India. Retrieved 21 ᱢᱮ 2016. 
  3. "Report of the Commissioner for linguistic minorities: 50th report (July 2012 to June 2013)" (PDF). Commissioner for Linguistic Minorities, Ministry of Minority Affairs, Government of India. Archived from the original (PDF) on 8 ᱡᱩᱞᱟᱭ 2016. Retrieved 26 ᱰᱤᱥᱮᱢᱵᱚᱨ 2014. 
  4. http://www.bihardays.com/jharkhands-11-second-languages-will-create-new-jobs-enrich-national-culture/
  5. [ https://www.thehindu.com/sci-tech/health/indore-jamshedpur-lead-swachh-2020-table/article30446172.ece]
  6. "Swachh Survekshan2019". swachhsurvekshan2019.org. Retrieved 2019-11-17. 
  7. "Jamshedpur ranked 7th clean city in country". The Financial Express (in ᱟᱝᱜᱽᱨᱮᱡᱤ). 2010-05-13. Retrieved 2019-11-17. 
  8. https://timesofindia.indiatimes.com/city/jamshedpur/tata-steel-to-host-179th-founders-day-celebration/articleshow/63094371.cms
  9. "Jamshedpur India – Jamshedpur Jharkhand, Jamshedpur City, Jamshedpur Guide, Jamshedpur Location". Iloveindia.com. Retrieved 13 ᱡᱩᱞᱟᱭ 2012. 
  10. "Site Information for 42799 in Jamshedpur, BR, India". 22.816667;86.183333: Weather.gladstonefamily.net. 21 ᱡᱩᱱ 2012. Retrieved 13 ᱡᱩᱞᱟᱭ 2012. 
  11. [᱑] Archived ᱙ ᱮᱯᱨᱤᱞ ᱒᱐᱐᱙ at the Wayback Machine.
  12. kanika das (1 ᱡᱟᱱᱩᱣᱟᱨᱤ 1970). "Jadugoda -Mosabani Range". Maps.google.co.in. Retrieved 13 ᱡᱩᱞᱟᱭ 2012. 
  13. "Profile of Adityapur Industrial Area & AIADA". Aiadaonline.com. Retrieved 13 ᱡᱩᱞᱟᱭ 2012. 
  14. "Jamshedpur Geography". Mapsofindia.com. Retrieved 13 ᱡᱩᱞᱟᱭ 2012. 
  15. "Cities having population 1 lakh and above" (PDF). Census of India 2011. Retrieved 9 ᱥᱮᱯᱴᱮᱢᱵᱚᱨ 2019. 
  16. "Urban Agglomerations/Cities having population 1 lakh and above" (PDF). Census of India 2011. Retrieved 9 ᱥᱮᱯᱴᱮᱢᱵᱚᱨ 2019. 
  17. http://www.censusindia.gov.in/2011-prov-results/paper2/data_files/India2/1.%20Data%20Highlight.pdf
  18. http://www.censusindia.gov.in/2011-prov-results/paper2/data_files/india2/Million_Plus_UAs_Cities_2011.pdf

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱠᱚᱞᱦᱟᱱ ᱛᱷᱚᱱᱚᱛ