ᱡᱟᱥᱢᱤᱱ ᱥᱟᱸᱫᱽᱞᱟᱥ
| ᱡᱟᱥᱢᱤᱱ ᱥᱟᱸᱫᱽᱞᱟᱥ | |
|---|---|
 Sandlas in 2016 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱔ ᱥᱮᱯᱴᱮᱢᱵᱚᱨ ᱑᱙᱘᱕
[᱑] ᱡᱟᱞᱟᱱᱫᱟᱹᱨ, ᱯᱚᱧᱡᱟᱵᱽ, ᱥᱤᱧᱚᱛ |
| ᱱᱟᱹᱜᱟᱹᱨᱤᱭᱟᱹ | ᱟᱢᱮᱨᱤᱠᱟᱱ |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | 2008–ᱱᱤᱛ |
| Musical career | |
| ᱡᱮᱱᱨᱮᱥ |
|
| ᱵᱟᱡᱽᱱᱟ | Vocals |
| ᱞᱮᱵᱮᱞ | Sony Music India[᱒] |
| ᱣᱮᱵᱽᱥᱟᱭᱤᱴ | https://www.jasminesandlas.com/ |
ᱡᱟᱥᱢᱤᱱ ᱠᱚᱣᱨ ᱥᱟᱸᱫᱽᱞᱟᱥ (ᱡᱟᱱᱟᱢ ᱔ ᱥᱮᱯᱴᱮᱢᱵᱚᱨ ᱑᱙᱘᱕) ᱫᱚ ᱢᱤᱫ ᱟᱢᱮᱨᱤᱠᱟᱱ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ, ᱴᱮᱞᱤᱵᱤᱡᱚᱱ ᱦᱚᱲ, ᱯᱟᱨᱯᱷᱚᱨᱢᱟᱨ, ᱥᱮᱨᱮᱧ ᱚᱞᱚᱜᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱩᱬᱩᱛ ᱞᱮᱠᱟᱛᱮ ᱯᱟᱧᱡᱟᱵᱤ ᱥᱮᱨᱮᱧ ᱮ ᱥᱮᱨᱮᱧᱟ᱾[᱑][᱓][᱔] ᱥᱟᱸᱫᱽᱞᱟᱥ ᱫᱚ ᱡᱟᱞᱟᱱᱫᱷᱟᱨ, ᱥᱤᱧᱚᱛ ᱨᱮᱭ ᱡᱟᱱᱟᱢ ᱞᱮᱱᱟ ᱟᱨ ᱥᱴᱚᱠᱴᱚᱱ, ᱠᱮᱞᱤᱯᱷᱳᱨᱱᱤᱭᱟ ᱨᱮᱭ ᱦᱟᱨᱟ ᱵᱩᱨᱩ ᱞᱮᱱᱟ᱾ ᱥᱟᱸᱫᱽᱞᱟᱥ ᱟᱜ ᱯᱩᱭᱞᱩ ᱥᱮᱨᱮᱧ, "ᱢᱩᱥᱠᱟᱱ" (᱒᱐᱐᱘), ᱫᱚ ᱟᱹᱰᱤ ᱜᱮ ᱦᱤᱴ ᱞᱮᱱᱟ᱾ ᱒᱐᱑᱔ ᱥᱟᱞᱮ ᱨᱮ, ᱩᱱᱤ ᱫᱚ "ᱭᱟᱨ ᱱᱟ ᱢᱤᱞᱮᱭ" ᱥᱮᱨᱮᱧ ᱛᱟᱞᱟᱛᱮ ᱠᱤᱠ ᱯᱷᱤᱞᱢ ᱞᱟᱹᱜᱤᱫ ᱟᱡᱟᱜ ᱵᱚᱞᱤᱣᱩᱰ ᱯᱞᱮᱵᱮᱠ ᱥᱮᱨᱮᱧ ᱠᱮᱨᱤᱭᱟᱨ ᱮ ᱮᱛᱚᱦᱚᱵ ᱞᱮᱫᱟ᱾ ᱨᱤᱞᱤᱡᱽ ᱠᱟᱛᱮᱜᱮ "ᱭᱟᱨ ᱱᱟ ᱢᱤᱞᱮᱭ" ᱫᱚ ᱟᱹᱰᱤ ᱜᱮ ᱯᱟᱥᱱᱟᱣ ᱞᱮᱱᱟ, ᱪᱟᱨᱴ ᱨᱮ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱱᱟ ᱟᱨ ᱥᱟᱸᱫᱽᱞᱟᱥ ᱟᱡᱟᱜ ᱥᱮᱨᱮᱧ ᱦᱩᱱᱟᱹᱨ ᱞᱟᱹᱜᱤᱫ ᱟᱹᱰᱤ ᱜᱟᱱ ᱧᱩᱛᱩᱢ ᱮ ᱠᱚᱢᱟᱣ ᱞᱮᱫᱟ᱾ ᱩᱱᱤ ᱫᱚ ᱟᱭᱢᱟ ᱥᱤᱨᱯᱷᱟᱹ ᱦᱚᱸᱭ ᱧᱟᱢ ᱟᱠᱟᱫᱟ, ᱡᱟᱦᱟᱸ ᱨᱮ "᱒᱐᱑᱖ ᱥᱟᱞᱮ ᱨᱮᱱᱟᱜ ᱡᱚᱛᱚ ᱠᱷᱚᱱ ᱦᱚᱲᱠᱩᱥᱤ ᱥᱮᱨᱮᱧ", "᱒᱐᱑᱖ ᱥᱟᱞᱮ ᱨᱮᱱᱟᱜ ᱡᱚᱛᱚ ᱠᱷᱚᱱ ᱦᱚᱲᱠᱩᱥᱤ ᱥᱮᱨᱮᱧ – ᱯᱤᱴᱤᱥᱤ ᱯᱟᱧᱡᱟᱵᱤ ᱯᱷᱤᱞᱢ ᱮᱣᱟᱨᱰᱥ" ᱟᱨ ᱥᱚᱨᱮᱥ ᱛᱤᱨᱞᱟᱹ ᱯᱞᱮᱵᱮᱠ ᱞᱟᱹᱜᱤᱫ ᱥᱠᱨᱤᱱ ᱮᱣᱟᱨᱰ ᱥᱮᱞᱮᱫ ᱢᱮᱱᱟᱜᱼᱟ᱾ ᱩᱱᱤ ᱫᱚ ᱴᱮᱰᱮᱠᱥ ᱴᱚᱠᱥ, ᱮᱢᱴᱤᱵᱷᱤ ᱠᱚᱠ ᱥᱴᱩᱰᱤᱭᱳ ᱟᱨ ᱥᱯᱳᱠᱮᱱ ᱣᱚᱨᱰ ᱯᱞᱮᱴᱯᱷᱚᱨᱢ ᱨᱮᱦᱚᱸᱭ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱯᱟᱹᱪᱷᱞᱟᱹ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱥᱢᱤᱱ ᱠᱚᱣᱨ ᱥᱟᱸᱫᱽᱞᱟᱥ ᱫᱚ ᱑᱙᱘᱕ ᱥᱟᱞᱮ ᱨᱮ ᱯᱟᱧᱡᱟᱵᱽ, ᱥᱤᱧᱚᱛ ᱨᱮᱱᱟᱜ ᱡᱟᱞᱟᱱᱫᱷᱟᱨ ᱨᱮ ᱢᱤᱫ ᱯᱟᱧᱡᱟᱵᱤ ᱥᱤᱠᱷ ᱞᱟᱵᱟᱱᱟ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱮᱸᱜᱟᱛ ᱫᱚ ᱠᱟᱹᱴᱤᱡ ᱩᱢᱮᱨ ᱨᱮᱜᱮ ᱥᱮᱨᱮᱧ ᱞᱟᱹᱜᱤᱫ ᱥᱴᱮᱡᱽ ᱨᱮᱭ ᱫᱮᱡᱚᱜ ᱠᱟᱱ ᱛᱟᱦᱮᱸᱫ᱾ ᱟᱥᱲᱟ ᱫᱤᱱ ᱨᱮ ᱩᱱᱤ ᱫᱚ ᱟᱭᱢᱟ ᱥᱮᱨᱮᱧ ᱦᱮᱯᱨᱟᱣ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱩᱱ ᱚᱠᱛᱚ ᱨᱮᱜᱮ ᱩᱱᱤ ᱫᱚ ᱟᱭᱢᱟ ᱯᱟᱧᱡᱟᱵᱤ ᱯᱷᱚᱞᱠ ᱥᱮᱨᱮᱧᱤᱭᱟᱹ ᱠᱷᱚᱱ ᱮ ᱚᱨᱥᱚᱝ ᱞᱮᱱᱟ᱾ ᱑᱒ ᱟᱨ ᱑᱓ ᱵᱚᱪᱷᱚᱨ ᱩᱢᱮᱨ ᱨᱮ ᱩᱱᱤ ᱟᱨ ᱟᱡᱟᱜ ᱜᱷᱟᱨᱚᱸᱡᱽ ᱫᱚ ᱠᱮᱞᱤᱯᱷᱳᱨᱱᱤᱭᱟ ᱠᱚ ᱪᱟᱞᱟᱣ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱣᱮᱥᱴ ᱠᱚᱥᱴ ᱥᱮᱨᱮᱧ ᱠᱷᱚᱱ ᱮ ᱚᱨᱥᱚᱝ ᱞᱮᱱᱟ᱾ ᱩᱱᱤ ᱫᱚ ᱑᱖ ᱵᱚᱪᱷᱚᱨ ᱩᱢᱮᱨ ᱨᱮᱜᱮ ᱥᱮᱨᱮᱧ ᱚᱞ ᱮ ᱮᱛᱚᱦᱚᱵ ᱞᱮᱫᱟ᱾
ᱥᱮᱨᱮᱧ ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱟᱞᱤ ᱜᱤᱞ ᱚᱞ ᱟᱠᱟᱫ "ᱫᱤ ᱰᱟᱭᱢᱚᱸᱰ" ᱮᱞᱵᱚᱢ ᱨᱮᱱᱟᱜ ᱟᱡᱟᱜ ᱯᱩᱭᱞᱩ ᱥᱮᱨᱮᱧ "ᱢᱩᱥᱠᱟᱱ" ᱫᱚ ᱡᱮᱜᱮᱛ ᱡᱟᱠᱟᱛ ᱨᱮ ᱟᱹᱰᱤ ᱥᱚᱨᱮᱥ ᱮᱱᱟ᱾ ᱒᱐᱑᱒ ᱥᱟᱞᱮ ᱨᱮ ᱩᱱᱤ ᱫᱚ ᱨᱮᱯᱟᱨ ᱵᱚᱦᱮᱢᱤᱭᱟ ᱥᱟᱶᱛᱮ "ᱜᱩᱞᱟᱵᱤ" ᱧᱩᱛᱩᱢᱟᱱ ᱢᱤᱫ ᱮᱞᱵᱚᱢ ᱮ ᱵᱮᱱᱟᱣ ᱞᱮᱫᱟ᱾ "ᱜᱩᱞᱟᱵᱤ" ᱮᱞᱵᱚᱢ ᱨᱤᱞᱤᱡᱽ ᱛᱟᱭᱚᱢ ᱩᱱᱤ ᱫᱚ ᱢᱩᱬᱩᱛ ᱯᱟᱧᱡᱟᱵᱤ ᱥᱮᱨᱮᱧ ᱤᱱᱰᱟᱥᱴᱨᱤ ᱠᱷᱚᱱ ᱩᱯᱨᱩᱢ ᱮ ᱧᱟᱢ ᱮᱛᱚᱦᱚᱵ ᱠᱮᱫᱟ᱾ ᱒᱐᱑᱕ ᱥᱟᱞᱮ ᱨᱮ ᱡᱟᱥᱢᱤᱱ ᱥᱟᱸᱫᱽᱞᱟᱥ ᱫᱚ "ᱯᱟᱧᱡᱟᱵ ᱫᱮ ᱡᱟᱣᱟᱠ" ᱧᱩᱛᱩᱢᱟᱱ ᱢᱤᱫ ᱥᱤᱝᱜᱚᱞ ᱮ ᱩᱪᱷᱟᱹᱱ ᱠᱮᱫᱟ᱾ ᱡᱟᱥᱢᱤᱱᱟᱜ ᱠᱮᱨᱤᱭᱟᱨ ᱫᱚ ᱒᱐᱐᱘ ᱥᱟᱞᱮ ᱨᱮ "ᱫᱤ ᱰᱟᱭᱢᱚᱸᱰ" ᱧᱩᱛᱩᱢᱟᱱ ᱟᱱᱰᱟᱨᱜᱽᱨᱟᱩᱸᱰ ᱮᱞᱵᱚᱢ ᱠᱷᱚᱱ ᱮᱛᱚᱦᱚᱵ ᱞᱮᱱᱟ᱾ ᱟᱡᱟᱜ ᱵᱚᱞᱤᱣᱩᱰ ᱯᱞᱮᱵᱮᱠ ᱥᱮᱨᱮᱧ ᱠᱮᱨᱤᱭᱟᱨ ᱫᱚ ᱠᱤᱠ ᱠᱷᱚᱱ ᱮᱛᱚᱦᱚᱵ ᱞᱮᱱᱟ, ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱫᱚ ᱭᱳ ᱭᱳ ᱦᱟᱹᱱᱤ ᱥᱤᱝ ᱥᱟᱶᱛᱮ "ᱰᱮᱵᱷᱤᱞ-ᱭᱟᱨ ᱱᱟ ᱢᱤᱞᱮᱭ" ᱧᱩᱛᱩᱢᱟᱱ ᱥᱮᱨᱮᱧ ᱮ ᱥᱮᱨᱮᱧ ᱞᱮᱫᱟ᱾[᱕]
᱒᱐᱑᱒: ᱜᱩᱞᱟᱵᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱒ ᱥᱟᱞᱮ ᱨᱮ ᱥᱳᱱᱤ ᱢᱤᱭᱩᱡᱤᱠ ᱠᱚᱢᱯᱟᱹᱱᱤ ᱦᱚᱛᱮᱛᱮ ᱜᱩᱞᱟᱵᱤ ᱮᱞᱵᱚᱢ ᱩᱪᱷᱟᱹᱱ ᱞᱮᱱᱟ᱾
᱒᱐᱑᱔: ᱵᱚᱞᱤᱣᱩᱰ ᱨᱮ ᱵᱚᱞᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱔ ᱥᱟᱞᱮ ᱨᱮ ᱩᱱᱤ ᱫᱚ ᱭᱳ ᱭᱳ ᱦᱟᱹᱱᱤ ᱥᱤᱝ ᱥᱟᱶᱛᱮ ᱠᱤᱠ ᱯᱷᱤᱞᱢ ᱨᱮ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ ᱞᱮᱠᱟᱛᱮ ᱵᱚᱞᱤᱣᱩᱰ ᱨᱮᱭ ᱵᱚᱞᱚᱭᱮᱱᱟ᱾
᱒᱐᱑᱖
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱥᱢᱤᱱ ᱫᱚ ᱵᱟᱨᱭᱟ ᱥᱤᱝᱜᱚᱞ "ᱤᱥᱠ ᱫᱟ ᱥᱩᱴᱴᱟ" ᱟᱨ "ᱨᱟᱛ ᱡᱟᱥᱟᱱ ᱫᱤ" ᱯᱷᱤᱞᱢ ᱣᱟᱱ ᱱᱟᱭᱤᱴ ᱥᱴᱮᱸᱰ ᱟᱨ ᱡᱳᱨᱟᱣᱟᱨ ᱞᱟᱹᱜᱤᱫ ᱮ ᱮᱢ ᱟᱠᱟᱫᱟ᱾
ᱡᱟᱥᱢᱤᱱ ᱫᱚ ᱮᱢᱴᱤᱵᱷᱤ ᱤᱱᱰᱤᱭᱟ ᱨᱮᱱᱟᱜ ᱮᱸᱡᱮᱞᱥ ᱚᱯᱷ ᱨᱚᱠ ᱧᱩᱛᱩᱢᱟᱱ ᱛᱤᱨᱞᱟᱹ ᱠᱚᱣᱟᱜ ᱫᱟᱲᱮ ᱤᱫᱤ ᱠᱟᱛᱮ ᱵᱮᱱᱟᱣ ᱟᱠᱟᱱ ᱴᱤᱵᱷᱤ ᱥᱤᱨᱤᱡᱽ ᱨᱮᱦᱚᱸ ᱢᱮᱱᱟᱭᱟ᱾ ᱡᱟᱥᱢᱤᱱ ᱫᱚ ᱯᱮᱭᱟ ᱮᱴᱟᱜ ᱟᱨᱴᱤᱥᱴ ᱥᱟᱶᱛᱮ ᱢᱩᱢᱵᱟᱭ ᱠᱷᱚᱱ ᱟᱴᱟᱨᱤ ᱵᱚᱰᱚᱨ (ᱜᱩᱡᱽᱨᱟᱴ, ᱨᱟᱡᱚᱥᱛᱷᱟᱱ, ᱩᱛᱛᱚᱨ ᱯᱨᱚᱫᱮᱥ, ᱯᱟᱧᱡᱟᱵᱽ ᱛᱟᱞᱟᱛᱮ) ᱫᱟᱲᱟᱱ ᱠᱟᱛᱮ ᱥᱮᱴᱮᱨ ᱞᱮᱱᱟ, ᱡᱟᱦᱟᱸ ᱨᱮ ᱟᱹᱛᱩ ᱴᱚᱞᱟ ᱟᱨ ᱥᱚᱦᱚᱨ ᱠᱚᱨᱮᱱᱟᱜ ᱡᱟᱭᱜᱟ ᱠᱚ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱥᱟᱸᱜᱷᱟᱨ ᱚᱠᱛᱚ ᱨᱮ ᱩᱱᱠᱩ ᱫᱚ ᱟᱭᱢᱟ ᱫᱟᱲᱮᱭᱟᱱ ᱛᱤᱨᱞᱟᱹ ᱠᱚ ᱥᱟᱶ ᱠᱚ ᱧᱟᱯᱟᱢ ᱞᱮᱱᱟ ᱡᱟᱦᱟᱸᱭ ᱠᱚ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱴᱚᱴᱷᱟ ᱨᱮ ᱟᱠᱚᱣᱟᱜ ᱱᱟᱯᱟᱭ ᱠᱟᱹᱦᱱᱤ ᱠᱚ ᱚᱞ ᱟᱠᱟᱫᱟ ᱟᱨ ᱟᱠᱚᱣᱟᱜ ᱨᱚᱲ ᱫᱚ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱠᱚ ᱨᱚᱲ ᱟᱨ ᱵᱤᱪᱟᱨ ᱞᱟᱹᱜᱤᱫ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ᱾ ᱡᱚᱛᱚ ᱮᱯᱤᱥᱚᱰ ᱨᱮᱦᱚᱸ ᱢᱤᱫ ᱵᱤᱥᱮᱥ ᱥᱮᱨᱮᱧ ᱛᱟᱦᱮᱸᱱᱟ᱾ ᱥᱤᱡᱚᱱ ᱑ ᱨᱮᱱᱟᱜ ᱯᱩᱭᱞᱩ ᱮᱯᱤᱥᱚᱰ ᱫᱚ ᱓᱑ ᱡᱩᱞᱟᱭ ᱒᱐᱑᱖ ᱨᱮ ᱩᱪᱷᱟᱹᱱ ᱞᱮᱱᱟ᱾
᱒᱐᱒᱐: ᱱᱩᱛᱩᱢ ᱨᱮ ᱪᱮᱫ ᱢᱮᱱᱟᱜᱼᱟ?
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱒᱐ ᱥᱟᱞᱮ ᱨᱮ ᱟᱡᱟᱜ ᱛᱮᱥᱟᱨ ᱮᱞᱵᱚᱢ ᱣᱟᱴᱥ ᱤᱱ ᱮ ᱱᱮᱢ ᱫᱚ ᱥᱟᱸᱫᱽᱞᱟᱥᱟᱜ ᱟᱡᱟᱜ ᱤᱭᱩᱴᱤᱵᱽ ᱪᱮᱱᱮᱞ ᱨᱮ ᱩᱪᱷᱟᱹᱱ ᱞᱮᱱᱟ᱾ ᱮᱞᱵᱚᱢ ᱫᱚ ᱤᱱᱴᱮᱱᱥ ᱟᱨ ᱦᱟᱨᱠ ᱠᱤᱱ ᱵᱮᱱᱟᱣ ᱞᱮᱫᱟ᱾ ᱱᱚᱣᱟ ᱨᱮᱱᱟᱜ ᱪᱤᱛᱟᱹᱨ ᱫᱚ ᱫᱤᱠᱥᱟ ᱮ ᱵᱮᱱᱟᱣ ᱞᱮᱫᱟ ᱟᱨ ᱮᱱᱤᱢᱮᱥᱚᱱ ᱫᱚ ᱵᱷᱤᱮᱯᱷᱮᱠᱥ ᱠᱟᱞᱟᱠᱟᱨ ᱮ ᱵᱮᱱᱟᱣ ᱞᱮᱫᱟ᱾
᱒᱐᱒᱑: ᱫᱤ ᱜᱽᱨᱮᱴ ᱯᱟᱧᱡᱟᱵᱤ ᱮᱠᱥᱯᱮᱨᱤᱢᱮᱱᱴ ᱴᱤᱡᱤᱮᱢᱤ ᱫᱚ ᱢᱤᱫ ᱮᱠᱥᱯᱮᱨᱤᱢᱮᱱᱴ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱡᱟᱥᱢᱤᱱ ᱥᱟᱸᱫᱽᱞᱟᱥ ᱮ ᱮᱛᱚᱦᱚᱵ ᱞᱮᱫᱟ ᱱᱚᱣᱟ ᱧᱮᱞ ᱞᱟᱹᱜᱤᱫ ᱪᱮᱫ ᱞᱮᱠᱟᱱ ᱥᱮᱨᱮᱧ ᱦᱚᱲ ᱠᱚ ᱠᱩᱥᱤᱭᱟᱜ ᱠᱟᱱᱟ ᱚᱱᱟ ᱤᱫᱤ ᱠᱟᱛᱮ ᱟᱡᱟᱜ ᱢᱮᱱ ᱠᱚ ᱴᱷᱤᱠ ᱟᱥᱮ ᱵᱟᱝ᱾ ᱱᱚᱣᱟ ᱨᱮ ᱙ ᱜᱚᱴᱟᱝ ᱥᱮᱨᱮᱧ ᱛᱟᱦᱮᱸ ᱠᱟᱱᱟ᱾ ᱯᱩᱭᱞᱩ ᱥᱮᱨᱮᱧ "ᱜᱟᱱᱟ ᱪᱟᱞᱮ ᱭᱟ ᱱᱟ" ᱫᱚ ᱘ ᱢᱟᱨᱪ ᱒᱐᱒᱑ ᱨᱮ ᱨᱤᱞᱤᱡᱽ ᱞᱮᱱᱟ ᱟᱨ ᱢᱩᱪᱟᱹᱫ ᱥᱮᱨᱮᱧ "ᱫᱤᱞ ᱛᱩᱴᱴᱮᱭᱟ" ᱫᱚ ᱑᱐ ᱯᱷᱮᱵᱽᱨᱩᱣᱟᱨᱤ ᱒᱐᱒᱒ ᱨᱮ ᱨᱤᱞᱤᱡᱽ ᱞᱮᱱᱟ᱾
᱒᱐᱒᱒
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱥᱢᱤᱱ ᱥᱟᱸᱫᱽᱞᱟᱥ ᱫᱚ ᱟᱡᱟᱜ ᱡᱟᱱᱟᱢ ᱢᱟᱦᱟᱸ ᱨᱮ "ᱴᱤᱱᱤ" ᱧᱩᱛᱩᱢᱟᱱ ᱢᱤᱫ ᱤᱯᱤ (EP) ᱮ ᱨᱤᱞᱤᱡᱽ ᱞᱮᱫᱟ, ᱡᱟᱦᱟᱸ ᱨᱮ ᱔ ᱜᱚᱴᱟᱝ ᱥᱮᱨᱮᱧ ᱛᱟᱦᱮᱸ ᱠᱟᱱᱟ: "ᱭᱟᱠᱤᱱ", "ᱠᱮᱦᱱᱫᱟ ᱦᱤ ᱱᱟᱦᱤ", "ᱦᱟᱣᱟ ᱵᱤᱪᱷ" ᱟᱨ "ᱠᱮᱦᱨᱤ ᱜᱟᱞᱤ।"
ᱥᱟᱸᱫᱽᱞᱟᱥ ᱫᱚ ᱗ ᱱᱚᱵᱷᱮᱢᱵᱚᱨ ᱨᱮ "ᱡᱤ ᱡᱮᱦᱟ ᱠᱟᱨᱫᱟ" ᱧᱩᱛᱩᱢᱟᱱ ᱢᱤᱫ ᱥᱤᱝᱜᱚᱞ ᱮ ᱨᱤᱞᱤᱡᱽ ᱞᱮᱫᱟ᱾
᱒᱐᱒᱓
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱥᱢᱤᱱᱟᱜ ᱱᱮᱥᱟᱞᱮᱱᱟᱜ ᱯᱩᱭᱞᱩ ᱯᱨᱚᱡᱮᱠᱴ ᱫᱚ "ᱡᱮᱦᱨᱤ ᱵᱷᱮ" ᱠᱚ ᱢᱮᱛᱟᱜᱼᱟ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱜᱤᱯᱤ ᱜᱽᱨᱮᱣᱟᱞᱟᱜ ᱨᱚᱲ ᱦᱚᱸ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱴᱨᱮᱠ ᱫᱚ "ᱢᱤᱛᱨᱟᱱ ᱫᱟ ᱱᱟ ᱪᱟᱞᱫᱟ" ᱯᱷᱤᱞᱢ ᱠᱷᱚᱱ ᱛᱟᱦᱮᱸ ᱠᱟᱱᱟ ᱟᱨ ᱓᱐ ᱡᱟᱱᱩᱣᱟᱨᱤ ᱨᱮ ᱚᱰᱚᱠ ᱞᱮᱱᱟ᱾
ᱡᱟᱟᱱᱤ ᱚᱞ ᱟᱠᱟᱫ "ᱤᱛᱛᱟᱨ" ᱫᱚ ᱗ ᱢᱟᱨᱪ ᱨᱮ ᱨᱤᱞᱤᱡᱽ ᱞᱮᱱᱟ᱾ ᱵᱤ ᱯᱨᱟᱠ ᱫᱚ ᱥᱮᱨᱮᱧ ᱨᱮᱱᱟᱜ ᱨᱟᱦᱟ ᱮ ᱵᱮᱱᱟᱣ ᱞᱮᱫᱟ᱾
ᱥᱮᱨᱮᱧ ᱤᱱᱰᱟᱥᱴᱨᱤ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱡᱟᱥᱢᱤᱱ ᱫᱚ ᱣᱩᱢᱮᱱ ᱥᱚᱝᱨᱟᱭᱤᱴᱚᱨᱥ ᱦᱚᱞ ᱚᱯᱷ ᱯᱷᱮᱢ ᱨᱮᱠᱚ ᱥᱮᱞᱮᱫ ᱠᱮᱫᱮᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ "VOICES TO RECKON WITH: 8) Jasmine Sandlas, 28, California". Hindustan Times. 26 December 2013. Retrieved 25 May 2016.
- ↑ "Jasmine Sandlas released Tere Vangu". The Times of India. 4 December 2015. Retrieved 25 May 2016.
- ↑ Singh, Deepali (16 April 2016). "Jasmine Sandlas: Meet Honey Singh's favourite 'phone' recording artist!". DNA India. Retrieved 25 May 2016.
- ↑ Venkat, Vaivasvat (29 December 2012). "Ludhiana goes international to ring in New Year...would invite rapper Bohemia, Jasmine Sandlas and DJ Hitesh". The Times of India. Retrieved 25 May 2016.
- ↑ N, TN (14 July 2014). "'Devil' song from 'Kick': Nargis Fakhri's hot item number". The Times of India. Retrieved 25 May 2016.