ᱡᱟᱦᱨᱟ ᱮᱞᱦᱟᱢ
| ᱡᱟᱦᱨᱟ ᱮᱞᱦᱟᱢ | |
|---|---|
| ᱧᱩᱛᱩᱢ | زهرا الهام |
| ᱡᱟᱱᱟᱢ ᱧᱩᱛᱩᱢ | ᱡᱟᱦᱨᱟ ᱮᱞᱦᱟᱢ |
| ᱡᱟᱱᱟᱢ | 2002 (age 23–24) ᱜᱷᱟᱡᱽᱱᱤ ᱯᱚᱱᱚᱛ |
| ᱢᱩᱬ | ᱟᱯᱷᱜᱟᱱᱤᱥᱛᱟᱱ |
| ᱡᱮᱱᱨᱮᱥ | ᱦᱚᱲ ᱥᱮᱨᱮᱧ |
| ᱚᱠᱩᱯᱮᱥᱚᱱ | ᱥᱮᱨᱮᱧᱤᱭᱟᱹ |
| ᱵᱟᱡᱽᱱᱟ | ᱰᱚᱢᱵᱩᱨᱟ |
| ᱠᱟᱹᱢᱤ ᱚᱠᱛᱚ | ᱒᱐᱑᱘–ᱱᱤᱛ ᱫᱷᱟᱹᱵᱤᱡ |
ᱡᱟᱦᱨᱟ ᱮᱞᱦᱟᱢ (ᱡᱟᱱᱟᱢ ᱒᱐᱐᱒) ᱫᱚ ᱢᱤᱫ ᱟᱯᱷᱜᱟᱱ ᱥᱮᱨᱮᱧᱤᱭᱟᱹ ᱠᱟᱱᱟᱭ ᱾ ᱱᱩᱭ ᱫᱚ ᱨᱤᱭᱟᱞᱤᱴᱤ ᱥᱮᱨᱮᱧ ᱦᱮᱯᱨᱟᱣ ᱟᱯᱷᱜᱟᱱ ᱤᱥᱴᱟᱨ ᱨᱮ ᱡᱤᱛᱠᱟᱹᱨ ᱟᱠᱟᱱ ᱯᱩᱭᱞᱩ ᱛᱤᱨᱞᱟᱹ ᱦᱤᱥᱟᱹᱵᱽ ᱛᱮ ᱵᱟᱰᱟᱭᱚᱜᱼᱟᱭ ᱾ ᱦᱟᱡᱟᱨᱟ ᱜᱩᱴ ᱨᱮᱱ ᱮᱞᱦᱟᱢ ᱫᱚ ᱒᱐᱒᱑ ᱛᱟᱞᱤᱵᱟᱱ ᱟᱠᱨᱚᱢᱚᱱ ᱛᱟᱭᱚᱢ ᱚᱥᱴᱨᱮᱞᱤᱭᱟ ᱨᱮ ᱟᱥᱨᱟᱭ ᱧᱟᱢ ᱟᱠᱟᱫᱟ ᱟᱨ ᱚᱸᱰᱮ ᱠᱷᱚᱱ ᱜᱮ ᱟᱡᱟᱜ ᱥᱮᱨᱮᱧ ᱡᱤᱭᱚᱱ ᱮ ᱛᱚᱸᱜᱮ ᱫᱚᱦᱚ ᱟᱠᱟᱫᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱞᱦᱟᱢ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱᱟᱜ ᱜᱷᱟᱡᱽᱱᱤ ᱯᱚᱱᱚᱛ ᱨᱮᱭᱟᱜ ᱜᱷᱟᱡᱽᱱᱤ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱦᱟᱡᱟᱨᱟ ᱡᱟᱹᱛᱤ ᱜᱩᱴ ᱨᱮᱱ ᱠᱟᱱᱟᱭ ᱾[᱑] ᱟᱯᱷᱜᱟᱱ ᱯᱚᱯ ᱥᱮᱨᱮᱧᱤᱭᱟᱹ ᱟᱨᱤᱭᱟᱱᱟ ᱥᱟᱭᱤᱫᱽ ᱟᱜ ᱭᱩᱴᱭᱩᱵᱽ ᱵᱷᱤᱰᱤᱭᱚ ᱟᱨ ᱦᱟᱨᱟ ᱵᱩᱨᱩᱜ ᱚᱠᱛᱚ ᱟᱯᱷᱜᱟᱱ ᱤᱥᱴᱟᱨ ᱧᱮᱞ ᱠᱟᱛᱮ ᱮᱞᱦᱟᱢ ᱫᱚ ᱥᱮᱨᱮᱧᱤᱭᱟᱹ ᱵᱮᱱᱟᱣᱜ ᱞᱟᱹᱜᱤᱫ ᱮ ᱩᱱᱩᱫᱩᱜ (inspired) ᱮ ᱧᱟᱢ ᱞᱮᱫᱟ ᱾[᱒] ᱢᱤᱫ ᱥᱮᱨᱮᱧ ᱨᱩ-ᱚᱨᱚᱝ ᱵᱟᱰᱚᱦᱤ ᱵᱮᱱᱟᱣᱜ ᱨᱮᱱᱟᱜ ᱠᱩᱠᱢᱩ ᱨᱮ ᱮᱞᱦᱟᱢ ᱨᱮᱱ ᱟᱭᱳ-ᱵᱟᱵᱟ ᱟᱜ ᱜᱚᱲᱚ ᱛᱟᱦᱮᱸ ᱠᱟᱱᱟ ᱾[᱓]
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱘ ᱥᱮᱨᱢᱟ ᱨᱮ ᱟᱯᱷᱜᱟᱱ ᱤᱥᱴᱟᱨ ᱨᱮᱱᱟᱜ ᱜᱮᱞᱯᱩᱱ (᱑᱔) ᱟᱱᱟᱜ ᱥᱤᱡᱤᱱ ᱨᱮ ᱢᱤᱫ ᱦᱮᱯᱨᱟᱣᱤᱭᱟᱹ ᱞᱮᱠᱟᱛᱮ ᱥᱮᱞᱮᱫ ᱠᱟᱛᱮ ᱮᱞᱦᱟᱢ ᱟᱜ ᱥᱮᱨᱮᱧ ᱡᱤᱭᱚᱱ ᱮᱛᱚᱦᱚᱵ ᱞᱮᱱᱟ ᱾ ᱮᱞᱦᱟᱢ ᱟᱨ ᱟᱡ ᱨᱮᱱ ᱜᱤᱫᱽᱨᱟᱹ ᱚᱠᱛᱚ ᱨᱮᱱ ᱜᱟᱛᱮ ᱥᱤᱫᱤᱠᱟ ᱢᱟᱫᱟᱫᱽᱜᱚᱨ ᱫᱚ ᱞᱟᱭᱤᱵᱽ ᱥᱳ ᱞᱟᱹᱜᱤᱫ ᱵᱟᱪᱷᱟᱣ ᱟᱠᱟᱱ ᱵᱟᱨᱭᱟ ᱛᱤᱨᱞᱟᱹ ᱠᱤᱱ ᱛᱟᱦᱮᱸ ᱠᱟᱱᱟ; ᱩᱱᱠᱤᱱᱟᱜ ᱱᱚᱣᱟ ᱦᱮᱯᱨᱟᱣ ᱨᱮᱱᱟᱜ ᱚᱠᱛᱚ ᱫᱚ ᱛᱟᱭᱚᱢ ᱛᱮ ᱒᱐᱒᱒ ᱨᱮᱱᱟᱜ ᱰᱚᱠᱩᱢᱮᱱᱴᱟᱨᱤ ᱮᱱᱰ ᱤᱥᱴᱤᱞ ᱟᱭ ᱥᱤᱝ (And Still I Sing) ᱨᱮ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾[᱔] ᱥᱳ ᱨᱮ ᱛᱟᱦᱮᱸᱱ ᱚᱠᱛᱚ, ᱮᱞᱦᱟᱢ ᱫᱚ ᱟᱡᱟᱜ ᱩᱥᱩᱞ ᱟᱲᱟᱝ ᱟᱨ ᱦᱟᱡᱟᱨᱟ ᱞᱟᱠᱪᱟᱨ ᱥᱮᱨᱮᱧ ᱞᱟᱹᱜᱤᱫ ᱮ ᱵᱟᱰᱟᱭ ᱧᱟᱢ ᱞᱮᱱᱟ ᱾ ᱒᱐᱑᱙ ᱨᱮ, ᱡᱩᱞᱟᱞᱟ ᱦᱟᱥᱤᱢᱤ (᱒᱐᱑᱗) ᱛᱟᱭᱚᱢ ᱟᱯᱷᱜᱟᱱ ᱤᱥᱴᱟᱨ ᱨᱮᱱᱟᱜ ᱯᱷᱟᱭᱱᱮᱞ ᱨᱮ ᱥᱮᱴᱮᱨ ᱟᱠᱟᱱ ᱫᱚᱥᱟᱨ ᱛᱤᱨᱞᱟᱹᱭ ᱵᱮᱱᱟᱣ ᱞᱮᱱᱟ; ᱦᱟᱥᱤᱢᱤ ᱫᱚ ᱥᱟᱭᱤᱫᱽ ᱡᱟᱢᱟᱞ ᱢᱩᱵᱟᱨᱤᱡᱽ ᱴᱷᱮᱱ ᱮ ᱦᱟᱨᱟᱣ ᱚᱪᱚ ᱞᱮᱱᱟ ᱾[᱓] ᱥᱳ ᱨᱮ ᱛᱟᱦᱮᱸᱱ ᱚᱠᱛᱚ, ᱮᱞᱦᱟᱢ ᱫᱚ ᱩᱱᱠᱩ ᱨᱩᱲᱤᱵᱟᱹᱫᱤ ᱦᱚᱲ ᱠᱚ ᱵᱤᱨᱩᱫᱽ ᱨᱮᱭ ᱨᱚᱲ ᱞᱮᱫᱟ ᱡᱟᱦᱟᱸᱭ ᱠᱚ ᱫᱚ ᱩᱱᱤ ᱟᱨ ᱢᱟᱫᱟᱫᱽᱜᱚᱨ ᱟᱜ ᱥᱳ ᱨᱮ ᱥᱮᱞᱮᱫᱚᱜ ᱠᱚ ᱮᱴᱠᱮᱴᱚᱬᱮ ᱠᱟᱱ ᱛᱟᱦᱮᱸᱫ, ᱟᱨ ᱩᱱᱤ ᱫᱚ ᱟᱯᱷᱜᱟᱱ ᱤᱥᱴᱟᱨ ᱨᱮ ᱠᱷᱟᱹᱞᱤ ᱠᱚᱲᱟ ᱠᱚᱣᱟᱜ ᱡᱤᱛᱠᱟᱹᱨᱚᱜ ᱨᱮᱭᱟᱜ ᱫᱷᱟᱨᱟ ᱵᱚᱫᱚᱞ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱥᱚᱫᱚᱨ ᱞᱮᱫᱟ ᱾[᱑] "ᱦᱤᱥᱠᱟᱹ ᱠᱚᱲᱟ ᱠᱚᱣᱟᱜ ᱠᱚᱲᱟᱢ ᱯᱚᱥᱟᱜ" ᱨᱮᱭᱟᱜ ᱩᱱᱤᱭᱟᱜ ᱢᱤᱫ ᱠᱟᱛᱷᱟ ᱥᱳᱥᱤᱭᱟᱞ ᱢᱤᱰᱤᱭᱟ ᱨᱮ ᱟᱹᱰᱤ ᱵᱷᱟᱭᱨᱟᱞ ᱞᱮᱱᱟ, ᱟᱨ ᱛᱷᱟᱱᱤᱭᱚ ᱢᱤᱰᱤᱭᱟ ᱨᱮ ᱱᱚᱣᱟ ᱨᱮᱱᱟᱜ ᱥᱟᱨᱦᱟᱣ ᱟᱨ ᱱᱤᱱᱫᱟᱹ ᱵᱟᱱᱟᱨ ᱜᱮ ᱦᱩᱭ ᱞᱮᱱᱟ ᱾[᱕] ᱯᱷᱟᱭᱱᱮᱞ ᱨᱮ, ᱮᱞᱦᱟᱢ ᱫᱚ ᱣᱟᱥᱤᱢ ᱟᱱᱣᱟᱨᱤ ᱦᱟᱨᱟᱣ ᱠᱟᱛᱮ ᱟᱯᱷᱜᱟᱱ ᱤᱥᱴᱟᱨ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱡᱤᱛᱠᱟᱹᱨᱤᱭᱟᱹᱭ ᱵᱮᱱᱟᱣ ᱞᱮᱱᱟ ᱾[᱖] ᱡᱤᱛᱠᱟᱹᱨ ᱛᱟᱭᱚᱢ ᱟᱡᱟᱜ ᱜᱟᱞᱢᱟᱨᱟᱣ ᱨᱮ ᱩᱱᱤᱭ ᱢᱮᱱ ᱠᱮᱫᱟ "ᱛᱮᱦᱮᱧ, ᱤᱧ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮᱱ ᱥᱟᱱᱟᱢ ᱠᱩᱲᱤ ᱠᱚᱣᱟᱜ ᱯᱨᱚᱛᱤᱱᱤᱫᱷᱤᱛᱚ ᱭᱮᱫᱟ᱾ ᱛᱮᱦᱮᱧ, ᱠᱷᱟᱹᱞᱤ ᱡᱟᱦᱨᱟ ᱮᱞᱦᱟᱢ ᱫᱚ ᱵᱟᱝ, ᱵᱤᱪᱠᱚᱢ ᱟᱯᱷᱜᱟᱱᱤᱥᱛᱟᱱ ᱨᱮᱱ ᱥᱟᱱᱟᱢ ᱠᱩᱲᱤ ᱠᱚᱠᱚ ᱡᱤᱛᱠᱟᱹᱨ ᱟᱠᱟᱱᱟ"᱾[᱓][᱑][᱕]
ᱡᱤᱛᱠᱟᱹᱨ ᱛᱟᱭᱚᱢ, ᱮᱞᱦᱟᱢ ᱫᱚ ᱵᱟᱢᱤᱭᱟᱱ ᱨᱮ ᱰᱟᱢᱵᱚᱨᱟ ᱯᱚᱨᱚᱵᱽ ᱨᱮ ᱥᱮᱨᱮᱧ ᱮ ᱥᱚᱫᱚᱨ ᱞᱮᱫᱟ, ᱡᱟᱦᱟᱸᱨᱮ ᱩᱱᱤ ᱫᱚ ᱦᱟᱡᱟᱨᱟ ᱞᱟᱠᱪᱟᱨ ᱥᱮᱨᱮᱧ ᱠᱚᱭ ᱥᱮᱨᱮᱧ ᱞᱮᱫᱟ, ᱟᱨ ᱭᱩᱴᱭᱩᱵᱽ ᱨᱮ "ᱠᱟᱛᱟᱜᱷᱟᱱᱤ ᱥᱚᱝ", "ᱭᱟᱞᱞᱟ ᱭᱟᱞᱞᱟ", ᱟᱨ "ᱥᱟᱫᱽ ᱠᱚᱱ" ᱞᱮᱠᱟᱱ ᱟᱭᱢᱟ ᱥᱮᱨᱮᱧ ᱮ ᱨᱤᱞᱤᱡᱽ ᱞᱮᱫᱟ ᱾[᱗][᱘] ᱒᱐᱒᱑ ᱨᱮᱱᱟᱜ ᱟᱜᱚᱥᱴ ᱪᱟᱸᱫᱚ ᱨᱮ ᱠᱟᱵᱩᱞ ᱧᱩᱨᱩᱜ ᱨᱮᱱᱟᱜ ᱠᱤᱪᱷᱩ ᱫᱤᱱ ᱢᱟᱲᱟᱝ ᱟᱯᱷᱜᱟᱱᱤᱥᱛᱟᱱ ᱮ ᱵᱟᱹᱜᱤᱭᱟᱫ ᱛᱟᱭᱚᱢ ᱮᱞᱦᱟᱢ ᱟᱜ ᱠᱟᱹᱢᱤ ᱡᱤᱭᱚᱱ ᱫᱚ ᱴᱷᱟᱠᱮᱫ ᱞᱮᱱᱟ; ᱩᱱᱤ ᱫᱚ ᱵᱩᱨᱠᱷᱟ ᱦᱚᱨᱚᱜ ᱠᱟᱛᱮ ᱟᱡᱟᱜ ᱩᱯᱨᱩᱢ ᱫᱟᱱᱟᱝ ᱠᱟᱛᱮ ᱯᱟᱠᱤᱥᱛᱟᱱ ᱥᱤᱢᱟᱹᱭ ᱯᱟᱨᱚᱢ ᱞᱮᱱᱟ ᱡᱟᱦᱟᱸ ᱨᱮ ᱟᱡ ᱨᱮᱱ ᱜᱷᱟᱨᱚᱸᱡᱽ ᱨᱮᱱ ᱦᱚᱲ ᱠᱚ ᱢᱟᱲᱟᱝ ᱠᱷᱚᱱ ᱜᱮ ᱨᱮᱯᱷᱭᱩᱡᱤ (refugees) ᱞᱮᱠᱟᱛᱮ ᱠᱚ ᱛᱟᱦᱮᱸ ᱠᱟᱱᱟ ᱾[᱔][᱒] ᱒᱐᱒᱒ ᱨᱮ, ᱮᱞᱦᱟᱢ ᱫᱚ ᱚᱥᱴᱨᱮᱞᱤᱭᱟ ᱨᱮ ᱟᱥᱨᱟᱭ ᱧᱟᱢ ᱠᱮᱫᱟ, ᱟᱨ ᱱᱤᱛᱚᱜ ᱫᱚ ᱢᱮᱞᱵᱚᱨᱱ ᱨᱮ ᱛᱟᱦᱮᱸᱱ ᱠᱟᱱᱟᱭ, ᱡᱟᱦᱟᱸᱨᱮ ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱫᱚᱲᱦᱟ ᱛᱮᱭ ᱮᱛᱚᱦᱚᱵ ᱠᱮᱫᱟ ᱟᱨ ᱚᱱᱟ ᱥᱮᱨᱢᱟ ᱜᱮ "ᱢᱟᱞᱤᱥᱛᱟᱱᱤ ᱥᱚᱝ" ᱥᱮᱨᱮᱧ ᱮ ᱨᱤᱞᱤᱡᱽ ᱞᱮᱫᱟ ᱾[᱒] ᱒᱐᱒᱓ ᱨᱮ, ᱮᱞᱦᱟᱢ ᱮ ᱞᱟᱹᱭ ᱥᱚᱫᱚᱨ ᱠᱮᱫᱟ ᱡᱮ ᱩᱱᱤ ᱫᱚ ᱟᱯᱷᱜᱟᱱ ᱦᱚᱲ ᱥᱮᱨᱮᱧᱤᱭᱟᱹ ᱦᱟᱢᱤᱫᱽ ᱥᱟᱠᱷᱤᱡᱟᱫᱟ ᱥᱟᱶ ᱚᱥᱴᱨᱮᱞᱤᱭᱟ ᱟᱨ ᱱᱤᱣᱡᱤᱞᱮᱱᱰ ᱨᱮᱱᱟᱜ ᱴᱩᱨ ᱨᱮ ᱥᱮᱞᱮᱫᱚᱜᱼᱟᱭ ᱾
ᱮᱞᱦᱟᱢ ᱫᱚ ᱡᱟᱥᱴᱤᱱ ᱵᱤᱵᱚᱨ, ᱥᱮᱞᱮᱱᱟ ᱜᱚᱢᱮᱡᱽ, ᱟᱨᱤᱭᱟᱱᱟ ᱥᱟᱭᱤᱫᱽ, ᱥᱨᱮᱭᱟ ᱜᱷᱳᱥᱟᱞ, ᱟᱨ ᱚᱨᱤᱡᱤᱛ ᱥᱤᱝ ᱛᱟᱠᱚ ᱫᱚ ᱟᱡ ᱨᱮᱱ ᱥᱮᱨᱮᱧ ᱨᱮᱱ ᱩᱱᱩᱫᱩᱜ ᱞᱮᱠᱟᱛᱮᱭ ᱞᱟᱹᱭ ᱥᱚᱫᱚᱨ ᱟᱠᱟᱫ ᱠᱚᱣᱟ ᱾[᱓][᱔]
ᱢᱤᱰᱤᱭᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱞᱦᱟᱢ ᱫᱚ ᱒᱐᱒᱒ ᱥᱮᱨᱢᱟ ᱨᱮᱱᱟᱜ ᱰᱚᱠᱩᱢᱮᱱᱴᱟᱨᱤ ᱮᱱᱰ ᱤᱥᱴᱤᱞ ᱟᱭ ᱥᱤᱝ (And Still I Sing) ᱨᱮ ᱟᱹᱰᱤ ᱵᱟᱹᱲᱛᱤ ᱧᱮᱞ ᱧᱟᱢᱚᱜᱼᱟᱭ, ᱱᱚᱣᱟ ᱨᱮ ᱟᱡ ᱥᱟᱶ ᱟᱯᱷᱜᱟᱱ ᱤᱥᱴᱟᱨ ᱨᱮᱱ ᱦᱮᱯᱨᱟᱣᱤᱭᱟᱹ ᱥᱤᱫᱤᱠᱟ ᱢᱟᱫᱟᱫᱽᱜᱚᱨ ᱟᱨ ᱡᱚᱡᱽ ᱟᱨᱤᱭᱟᱱᱟ ᱥᱟᱭᱤᱫᱽ ᱦᱚᱸ ᱢᱮᱱᱟᱜ ᱠᱤᱱᱟ, ᱡᱟᱦᱟᱸᱭ ᱫᱚ ᱮᱞᱦᱟᱢ ᱟᱨ ᱢᱟᱫᱟᱫᱽᱜᱚᱨ ᱨᱮᱱ ᱩᱱᱩᱫᱩᱜᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾[᱔] ᱱᱚᱣᱟ ᱰᱚᱠᱩᱢᱮᱱᱴᱟᱨᱤ ᱫᱚ ᱦᱚᱴ ᱤᱥᱯᱨᱤᱝᱥ ᱰᱚᱠᱩᱢᱮᱱᱴᱟᱨᱤ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱟᱨ ᱥᱤᱰᱱᱤ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱥᱟᱶᱛᱮ ᱟᱭᱢᱟ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱩᱫᱩᱜ ᱥᱚᱫᱚᱨ ᱟᱠᱟᱱᱟ ᱾[᱙][᱑᱐]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 "Meet Zahra Elham, the woman who won 'Afghan American Idol' for the first time". Gulf News (in ᱟᱝᱜᱽᱨᱮᱡᱤ). 22 March 2019. Retrieved 15 January 2023.
- 1 2 3 Story, Hannah (31 August 2022). "Hazara singer Zahra Elham escaped the Taliban. A year on, she's restarting her career in Australia". ABC News (in ᱚᱥᱴᱨᱮᱞᱤᱭᱟᱱ ᱟᱝᱜᱽᱨᱮᱡᱤ). Retrieved 15 January 2023.
- 1 2 3 4 O'Grady, Siobhán (23 March 2019). "For first time, a woman won Afghanistan's version of 'American Idol'". The Washington Post (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). ISSN 0190-8286. Retrieved 15 January 2023.
- 1 2 3 4 McMillan, Lian (1 December 2022). "These singers fought to inspire women's rights on Afghan Star season 14. Then the Taliban returned". CBC.ca. Retrieved 15 January 2023.
- 1 2 "هفت رویداد فرهنگی خبرساز نودوهفت افغانستان". BBC Persian (in ᱯᱟᱹᱨᱥᱤᱭᱟᱭ). 27 March 2019. Retrieved 16 January 2023.
- ↑ "Afghan Star Season 14 - Grand Finale". Afghan Star (in ᱟᱝᱜᱽᱨᱮᱡᱤ). 26 March 2019. Archived from the original on 16 January 2023. Retrieved 16 January 2023.
- ↑ "Zahra Elham Official - YouTube". www.youtube.com. Retrieved 2023-01-17.
- ↑ And Still I Sing (2022). Directed by Fazila Amiri.
- ↑ "31st Hot Springs Documentary Film Festival". hsdff2022.eventive.org. Retrieved 2023-01-17.
- ↑ "And Still I Sing". Sydney Film Festival (in ᱟᱝᱜᱽᱨᱮᱡᱤ). Archived from the original on 2023-01-17. Retrieved 2023-01-17.