ᱡᱟᱨᱤᱱᱟ ᱣᱟᱦᱟᱵᱽ
ᱡᱟᱨᱤᱱᱟ ᱣᱟᱦᱟᱵᱽ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱤᱱᱫᱤ ᱟᱨ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱨᱮ ᱢᱩᱬᱩᱛ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟᱭ ᱾ ᱪᱤᱴᱪᱳᱨ ᱟᱨ ᱜᱳᱯᱟᱞ ᱠᱨᱤᱥᱱᱟ ᱨᱮ ᱠᱨᱤᱴᱤᱠᱟᱞ ᱞᱮᱠᱟᱛᱮ ᱥᱟᱨᱦᱟᱣᱱᱟ ᱨᱳᱞ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ ᱦᱤᱱᱫᱤ ᱟᱨ ᱢᱟᱞᱟᱭᱟᱞᱚᱢ ᱥᱤᱱᱮᱢᱟ ᱨᱮ ᱢᱟᱫᱟᱱᱳᱞᱥᱟᱵᱟᱢ, ᱪᱟᱢᱟᱨᱟᱢ, ᱯᱟᱞᱟᱝᱜᱟᱞ ᱟᱨ ᱟᱫᱟᱢᱤᱱᱴᱮ ᱢᱟᱠᱟᱱ ᱟᱵᱩ ᱞᱮᱠᱟᱱ ᱯᱷᱤᱞᱢ ᱥᱟᱶ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱣᱟᱦᱟᱵᱽ ᱫᱚ ᱵᱤᱥᱟᱠᱷᱟᱯᱟᱴᱱᱟᱢ, ᱟᱱᱫᱷᱨᱟ ᱯᱨᱚᱫᱮᱥ ᱨᱮ ᱢᱤᱫ ᱢᱩᱥᱞᱤᱢ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱟᱡᱟᱜ ᱟᱭᱳ ᱟᱲᱟᱝ ᱛᱮᱞᱩᱜᱩ ᱨᱮ ᱱᱟᱯᱟᱭ ᱜᱮᱭᱟᱭ, ᱩᱨᱫᱩ, ᱦᱤᱱᱫᱤ ᱟᱨ ᱤᱸᱜᱽᱞᱤᱥ ᱵᱮᱜᱚᱨ ᱾ ᱩᱱᱤ ᱫᱚ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱤᱱᱥᱴᱤᱪᱩᱴ ᱚᱯᱷ ᱤᱱᱰᱤᱭᱟ (FTII), ᱯᱩᱱᱮ ᱨᱮᱭ ᱴᱨᱮᱱ ᱦᱩᱭ ᱟᱠᱟᱱᱟ ᱾ ᱣᱟᱦᱟᱵ ᱨᱤᱱ ᱯᱮᱭᱟ ᱫᱟᱹᱭ ᱟᱨ ᱢᱤᱫ ᱵᱚᱭᱦᱟ ᱢᱮᱱᱟᱜ ᱠᱚᱣᱟ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱤᱞᱢ ᱯᱨᱚᱰᱩᱭᱩᱥᱚᱨ ᱨᱟᱡᱽ ᱠᱟᱯᱩᱨ ᱴᱷᱮᱱ ᱠᱷᱚᱱ ᱟᱡᱟᱜ ᱧᱮᱞ ᱵᱟᱵᱚᱛ ᱱᱮᱜᱮᱴᱤᱵᱽ ᱯᱷᱤᱰᱵᱮᱠ ᱧᱟᱢ ᱛᱟᱭᱚᱢ, ᱣᱟᱦᱟᱵ ᱫᱚ ᱟᱡᱟᱜ ᱧᱮᱞ ᱪᱮᱛᱟᱱ ᱨᱮᱭ ᱠᱟᱹᱢᱤ ᱠᱮᱫᱟ ᱟᱨ ᱯᱷᱤᱞᱢ ᱯᱟᱨᱴᱤ ᱟᱨ ᱤᱵᱷᱮᱸᱴ ᱨᱮᱭ ᱦᱟᱡᱟᱨ ᱮᱱᱟ ᱾ ᱩᱱᱤ ᱫᱚ ᱢᱩᱪᱟᱹᱫ ᱨᱮ ᱠᱚ ᱧᱮᱞ ᱠᱮᱫᱮᱭᱟ ᱟᱨ ᱯᱷᱤᱞᱢ ᱨᱮ ᱠᱚ ᱠᱟᱥᱴ ᱠᱮᱫᱮᱭᱟ ᱾ ᱩᱱᱤ ᱫᱚ ᱵᱟᱥᱩ ᱪᱟᱴᱟᱨᱡᱤ ᱟᱜ ᱪᱤᱴ ᱪᱳᱨ (᱑᱙᱗᱖) ᱨᱮ ᱯᱩᱭᱞᱩ ᱞᱤᱰᱤᱝ ᱨᱚᱞ ᱛᱟᱭᱚᱢ ᱟᱜᱟᱨ, ᱡᱟᱡᱽᱵᱟᱛ, ᱥᱟᱣᱟᱱ ᱠᱳ ᱟᱟᱱᱮ ᱫᱳ, ᱟᱨ ᱨᱟᱭᱤᱥ ᱡᱟᱫᱟ ᱞᱮᱠᱟᱱ ᱯᱷᱤᱞᱢ ᱨᱮ ᱛᱟᱞᱟ-ᱛᱷᱟᱠᱟᱛ ᱠᱩᱲᱤ ᱞᱮᱠᱟᱛᱮ ᱠᱚ ᱠᱟᱥᱴ ᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱜᱷᱟᱨᱚᱱᱰᱟ (᱑᱙᱗᱗) ᱞᱟᱹᱜᱤᱫ ᱵᱮᱥᱴ ᱮᱠᱴᱨᱮᱥ ᱠᱟᱴᱮᱜᱚᱨᱤ ᱨᱮ ᱢᱤᱫ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱞᱟᱹᱜᱤᱫ ᱱᱳᱢᱤᱱᱮᱴ ᱦᱩᱭ ᱞᱮᱱᱟᱭ ᱾ ᱩᱱᱤ ᱫᱚ ᱟᱹᱰᱤ ᱜᱟᱱ ᱢᱟᱞᱟᱭᱟᱞᱚᱢ, ᱛᱮᱞᱩᱜᱩ, ᱛᱟᱢᱤᱞ, ᱯᱷᱤᱞᱢ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾ ᱣᱟᱦᱟᱵ ᱫᱚ ᱒᱐᱐᱙ ᱨᱮ ᱠᱮᱞᱮᱱᱰᱟᱨ ᱥᱟᱶ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱨᱮ ᱨᱩᱣᱟᱹᱲ ᱦᱮᱡ ᱮᱱᱟ ᱟᱨ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱨᱮ ᱠᱟᱹᱢᱤ ᱫᱚᱦᱚ ᱟᱠᱟᱫᱟᱭ ᱾ ᱩᱱᱤ ᱫᱚ ᱱᱤᱛᱚᱜ ᱦᱚᱸ ᱠᱨᱤᱴᱤᱠᱟᱞ ᱞᱮᱠᱟᱛᱮ ᱥᱟᱨᱦᱟᱣ ᱦᱩᱭ ᱟᱠᱟᱱ ᱟᱫᱟᱢᱤᱱᱴᱮ ᱢᱟᱠᱟᱱ ᱟᱵᱩ ᱨᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱠᱚ ᱩᱭᱦᱟᱹᱨ ᱮᱭᱟ ᱾ ᱩᱱᱤ ᱫᱚ ᱢᱟᱭ ᱱᱮᱢ ᱤᱡ ᱠᱷᱟᱱ ᱨᱮ ᱨᱤᱡᱣᱟᱱ ᱠᱷᱟᱱ ᱨᱤᱱ ᱟᱭᱳ ᱞᱮᱠᱟᱛᱮ ᱦᱚᱸᱭ ᱧᱮᱞ ᱞᱮᱱᱟ (ᱥᱟᱦᱨᱩᱠᱷ ᱠᱷᱟᱱ ᱤᱡ ᱠᱮᱨᱮᱠᱴᱟᱨ) ᱾ ᱣᱟᱦᱟᱵ ᱫᱚ ᱱᱤᱛᱚᱜ ᱴᱮᱞᱤᱵᱤᱡᱚᱱ ᱥᱤᱨᱤᱭᱟᱞ ᱨᱮ ᱢᱟᱨᱮ ᱨᱳᱞ ᱮ ᱯᱞᱮᱭ ᱮᱫᱟ ᱾
ᱯᱟᱨᱥᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱣᱟᱦᱟᱵᱽ ᱫᱚ ᱮᱠᱴᱟᱨ ᱟᱫᱤᱛᱭᱟ ᱯᱟᱱᱪᱳᱞᱤ ᱥᱟᱶ ᱠᱟᱞᱟᱱᱠ ᱠᱟ ᱴᱤᱠᱟ ᱨᱮᱱᱟᱜ ᱥᱮᱴ ᱨᱮ ᱧᱟᱯᱟᱢ ᱞᱮᱱᱟᱭ ᱾ ᱩᱱᱠᱩ ᱫᱚ ᱑᱙᱘᱖ ᱨᱮ ᱠᱤᱱ ᱵᱟᱯᱞᱟ ᱮᱱᱟ ᱟᱨ ᱩᱱᱠᱩ ᱨᱤᱱ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱥᱟᱱᱟ ᱟᱨ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱥᱩᱨᱟᱡᱽ ᱢᱮᱱᱟᱜ ᱠᱤᱱᱟ ᱾ ᱟᱠᱚᱣᱟᱜ ᱦᱟᱞᱪᱟᱞ ᱵᱟᱯᱞᱟ, ᱟᱡ ᱡᱟᱶᱟᱭ ᱟᱜ ᱴᱮᱢᱯᱟᱨ ᱟᱨ ᱟᱱᱯᱷᱮᱭᱛᱷᱯᱷᱩᱞ ᱨᱮᱱᱟᱜ ᱟᱯᱣᱟᱦ ᱨᱮᱱᱟᱜ ᱠᱷᱚᱵᱚᱨ ᱜᱳᱥᱤᱯ ᱠᱳᱞᱚᱢ ᱨᱮ ᱛᱟᱦᱮᱸ ᱟᱠᱟᱱᱟ ᱾ ᱣᱟᱦᱟᱵ ᱨᱤᱱ ᱠᱩᱲᱤ ᱜᱤᱫᱽᱨᱟᱹ ᱢᱤᱫ ᱮᱠᱴᱨᱮᱥ ᱠᱟᱱᱟᱭ ᱾ ᱟᱡ ᱨᱤᱱ ᱠᱚᱲᱟ ᱜᱤᱫᱽᱨᱟᱹ, ᱥᱩᱨᱟᱡᱽ, ᱡᱤᱭᱟ ᱠᱷᱟᱱ ᱤᱡ ᱜᱩᱡ ᱨᱮ ᱡᱩᱱ ᱒᱐᱑᱓ ᱨᱮ ᱠᱚ ᱮᱨᱮᱥᱴ ᱞᱮᱫᱮ ᱛᱟᱦᱮᱸᱫ ᱾ ᱩᱱᱤ ᱫᱚ ᱥᱩᱱᱤᱞ ᱥᱮᱴᱴᱤ ᱤᱡ ᱠᱩᱲᱤ ᱜᱤᱫᱽᱨᱟᱹ ᱟᱛᱷᱤᱭᱟ ᱥᱮᱴᱴᱤ ᱥᱟᱶ ᱒᱐᱑᱕ ᱨᱮ ᱦᱤᱨᱚ ᱯᱷᱤᱞᱢ ᱨᱮ ᱟᱡᱟᱜ ᱵᱳᱞᱤᱣᱩᱰ ᱰᱮᱵᱭᱩ ᱮ ᱵᱮᱱᱟᱣ ᱠᱮᱫᱼᱟ ᱾
᱒᱐᱒᱔ ᱨᱮ, ᱩᱱᱤ ᱫᱚ ᱟᱡ ᱡᱟᱶᱟᱭ ᱟᱨ ᱟᱡ ᱨᱤᱱ ᱠᱚᱲᱟ ᱜᱤᱫᱽᱨᱟᱹ ᱵᱤᱵᱟᱫᱽ ᱚᱠᱛᱚ ᱨᱮᱭ ᱥᱚᱢᱚᱨᱛᱷᱟᱱ ᱠᱮᱫ ᱠᱤᱱᱟ ᱾