ᱡᱟᱨᱤᱱᱟ ᱦᱟᱥᱢᱤ
.jpg)
ᱡᱟᱨᱤᱱᱟ ᱦᱟᱥᱢᱤ (ᱡᱟᱱᱟᱢ ᱧᱩᱛᱩᱢ ᱨᱟᱥᱤᱫ; ᱑᱖ ᱡᱩᱞᱟᱭ ᱑᱙᱓᱗ – ᱒᱕ ᱮᱯᱨᱤᱞ ᱒᱐᱒᱐), ᱡᱟᱦᱟᱸᱭ ᱫᱚ ᱯᱨᱳᱯᱷᱮᱥᱚᱱᱟᱞ ᱞᱮᱠᱟᱛᱮ ᱡᱟᱨᱤᱱᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ, ᱩᱱᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱢᱮᱨᱤᱠᱟᱱ ᱟᱨᱴᱤᱥᱴ ᱟᱨ ᱯᱨᱤᱱᱴᱢᱮᱠᱟᱨ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱱᱤᱭᱩ ᱭᱳᱨᱠ ᱥᱤᱴᱤ ᱨᱮ ᱵᱮᱥ ᱟᱠᱟᱱ ᱛᱟᱦᱮᱸᱫ᱾ ᱟᱡᱟᱜ ᱠᱟᱹᱢᱤ ᱫᱚ ᱰᱨᱚᱭᱤᱝ, ᱯᱨᱤᱱᱴᱢᱮᱠᱤᱝ ᱟᱨ ᱥᱠᱚᱞᱯᱪᱚᱨ ᱨᱮ ᱯᱟᱥᱱᱟᱣ ᱟᱠᱟᱱ ᱛᱟᱦᱮᱸᱫ᱾ ᱢᱤᱱᱤᱢᱟᱞᱤᱥᱴ ᱢᱩᱵᱷᱢᱮᱱᱴ ᱥᱟᱶ ᱡᱩᱲᱟᱹᱣ ᱟᱠᱟᱱ ᱟᱡᱟᱜ ᱠᱟᱹᱢᱤ ᱫᱚ ᱟᱵᱽᱥᱴᱨᱟᱠᱴ ᱟᱨ ᱡᱤᱭᱳᱢᱮᱴᱨᱤᱠ ᱨᱩᱯ ᱠᱚ ᱵᱮᱵᱷᱟᱨ ᱠᱟᱛᱮ ᱧᱮᱧᱮᱞᱤᱭᱟᱹ ᱴᱷᱮᱱ ᱠᱷᱚᱱ ᱢᱤᱫ ᱫᱷᱟᱨᱢᱤᱠ ᱨᱤᱭᱮᱠᱥᱚᱱ ᱵᱮᱱᱟᱣ ᱞᱟᱹᱜᱤᱫ ᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ᱾
ᱡᱤᱭᱚᱱ ᱪᱩᱨᱤᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱨᱤᱱᱟ ᱨᱟᱥᱤᱫ ᱫᱚ ᱑᱖ ᱡᱩᱞᱟᱭ ᱑᱙᱓᱗ ᱨᱮ ᱟᱞᱤᱜᱚᱲ, ᱥᱤᱧᱚᱛ ᱨᱮ ᱥᱮᱠᱷ ᱟᱵᱽᱫᱩᱨ ᱨᱟᱥᱤᱫ ᱴᱷᱮᱱ ᱡᱟᱱᱟᱢ ᱞᱮᱱ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱟᱞᱤᱜᱚᱲ ᱢᱩᱥᱞᱤᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱷᱮᱠᱟᱞᱴᱤ ᱮ ᱛᱟᱦᱮᱸ ᱠᱟᱱᱟ, ᱟᱨ ᱯᱷᱟᱦᱢᱤᱫᱟ ᱵᱮᱜᱚᱢ ᱴᱷᱮᱱ, ᱡᱟᱦᱟᱸᱭ ᱫᱚ ᱢᱤᱫ ᱚᱲᱟᱜ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾ ᱡᱟᱨᱤᱱᱟ ᱫᱚ ᱑᱙᱕᱘ ᱨᱮ ᱟᱞᱤᱜᱚᱲ ᱢᱩᱥᱞᱤᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱜᱚᱱᱤᱛ ᱨᱮ ᱰᱤᱜᱽᱨᱤ ᱮ ᱧᱟᱢ ᱠᱮᱫᱟ, ᱵᱤᱮᱥ (ᱦᱳᱱᱚᱨᱥ)᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱛᱷᱟᱭᱤᱞᱮᱱᱰ ᱨᱮ ᱟᱨ ᱯᱮᱨᱤᱥ ᱨᱮᱱᱟᱜ ᱮᱴᱮᱞᱤᱭᱚᱨ ᱑᱗ ᱥᱴᱩᱰᱤᱭᱳ ᱨᱮ ᱟᱹᱰᱤ ᱞᱮᱠᱟᱱ ᱯᱨᱤᱱᱴᱢᱮᱠᱤᱝ ᱢᱮᱛᱷᱚᱰ ᱮ ᱯᱟᱲᱦᱟᱣ ᱠᱮᱫᱟ, ᱥᱴᱮᱱᱞᱤ ᱣᱤᱞᱤᱭᱚᱢ ᱦᱮᱴᱟᱨ ᱴᱷᱮᱱ ᱮᱯᱨᱮᱱᱴᱤᱥᱤᱝ ᱠᱟᱛᱮ, ᱟᱨ ᱡᱟᱯᱟᱱ ᱨᱮᱱᱟᱜ ᱴᱳᱠᱤᱭᱳ ᱨᱮ ᱯᱨᱤᱱᱴᱢᱮᱠᱟᱨ ᱴᱳᱥᱤ ᱭᱳᱥᱤᱫᱟ ᱥᱟᱶ ᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱫᱚ ᱱᱤᱭᱩ ᱭᱳᱨᱠ ᱥᱤᱴᱤ ᱨᱮ ᱛᱟᱦᱮᱸ ᱠᱟᱛᱮᱭ ᱠᱟᱹᱢᱤ ᱠᱮᱫᱟ᱾
᱑᱙᱘᱐ ᱜᱮᱞᱟᱝ ᱚᱠᱛᱚ ᱨᱮ ᱡᱟᱨᱤᱱᱟ ᱫᱚ ᱱᱤᱭᱩ ᱭᱳᱨᱠ ᱯᱷᱮᱢᱤᱱᱤᱥᱴ ᱟᱨᱴ ᱤᱱᱥᱴᱤᱴᱭᱩᱴ ᱨᱮᱱ ᱵᱳᱨᱰ ᱢᱮᱢᱵᱚᱨ ᱞᱮᱠᱟᱛᱮ ᱥᱮᱵᱟ ᱮᱢ ᱠᱮᱫᱟ ᱟᱨ ᱮᱯᱷᱤᱞᱤᱭᱮᱴᱮᱰ ᱣᱤᱢᱮᱱᱥ ᱥᱮᱱᱴᱟᱨ ᱯᱷᱚᱨ ᱞᱟᱨᱱᱤᱝ ᱨᱮ ᱯᱮᱯᱟᱨᱢᱮᱠᱤᱝ ᱣᱚᱨᱠᱥᱚᱯ ᱨᱤᱱ ᱤᱱᱥᱴᱨᱚᱠᱴᱚᱨ ᱮ ᱛᱟᱦᱮᱸ ᱠᱟᱱᱟ᱾ ᱯᱷᱮᱢᱤᱱᱤᱥᱴ ᱟᱨᱴ ᱡᱚᱨᱱᱟᱞ ᱦᱮᱨᱮᱥᱤᱡᱽ ᱨᱮᱱᱟᱜ ᱮᱰᱤᱴᱚᱨᱤᱭᱟᱞ ᱵᱳᱨᱰ ᱨᱮ ᱛᱟᱦᱮᱸ ᱠᱟᱛᱮ ᱩᱱᱤ ᱫᱚ "ᱛᱷᱚᱨᱰ ᱣᱚᱨᱞᱰ ᱣᱤᱢᱮᱱ" ᱤᱥᱭᱩ ᱨᱮ ᱮᱱᱮᱢ ᱮ ᱮᱢ ᱠᱮᱫᱟ᱾
ᱡᱟᱨᱤᱱᱟ ᱫᱚ ᱒᱕ ᱮᱯᱨᱤᱞ ᱒᱐᱒᱐ ᱨᱮ ᱞᱚᱱᱰᱚᱱ ᱨᱮ ᱟᱞᱡᱷᱟᱭᱢᱟᱨ ᱨᱮᱱᱟᱜ ᱦᱟᱹᱴᱤᱧ ᱠᱟᱹᱴᱤᱡ ᱠᱟᱛᱮ ᱜᱩᱨ ᱮᱱᱟᱭ᱾
᱑᱖ ᱡᱩᱞᱟᱭ ᱒᱐᱒᱓ ᱨᱮ, ᱡᱟᱨᱤᱱᱟᱭᱟᱜ ᱠᱟᱹᱢᱤ ᱠᱷᱚᱱ ᱤᱱᱥᱯᱟᱭᱟᱨ ᱟᱠᱟᱱ ᱢᱤᱫ ᱜᱩᱜᱚᱞ ᱰᱩᱰᱞ ᱫᱚ ᱩᱱᱤᱭᱟᱜ ᱘᱖ ᱟᱱᱟᱜ ᱡᱟᱱᱟᱢ ᱢᱟᱦᱟ ᱢᱟᱱᱟᱣ ᱞᱟᱹᱜᱤᱫ ᱯᱟᱨᱥᱟᱞ ᱦᱩᱭ ᱞᱮᱱ ᱛᱟᱦᱮᱸᱫ᱾
ᱠᱟᱹᱨᱤᱜᱚᱞ ᱞᱮᱠᱟᱛᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱨᱤᱱᱟᱭᱟᱜ ᱟᱨᱴ ᱫᱚ ᱟᱡᱟᱜ ᱢᱩᱥᱞᱤᱢ ᱨᱮ ᱡᱟᱱᱟᱢ ᱟᱠᱟᱱ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱞᱮᱠᱟᱛᱮ ᱩᱯᱨᱩᱢ ᱦᱚᱛᱮᱛᱮ ᱵᱟᱰᱟᱭ ᱧᱟᱢ ᱞᱮᱱ ᱛᱟᱦᱮᱸᱫ, ᱚᱱᱟ ᱥᱟᱶᱛᱮ ᱡᱤᱭᱚᱱ ᱫᱚ ᱡᱟᱭᱜᱟ ᱠᱷᱚᱱ ᱡᱟᱭᱜᱟ ᱫᱟᱬᱟᱱ ᱨᱮ ᱠᱷᱮᱢᱟᱣ ᱠᱮᱫᱟ᱾ ᱩᱱᱤ ᱫᱚ ᱤᱥᱞᱟᱢᱤᱠ ᱫᱷᱚᱨᱢᱤᱠ ᱥᱟᱡᱟᱣ ᱠᱷᱚᱱ ᱵᱷᱤᱡᱩᱣᱟᱞ ᱮᱞᱤᱢᱮᱱᱴ ᱵᱮᱵᱷᱟᱨ ᱠᱮᱫᱟ, ᱵᱤᱥᱮᱥ ᱠᱟᱛᱮ ᱤᱥᱞᱟᱢᱤᱠ ᱟᱨᱠᱤᱴᱮᱠᱪᱟᱨ ᱨᱮ ᱵᱟᱹᱲᱛᱤ ᱧᱟᱢᱚᱜ ᱠᱟᱱ ᱥᱟᱫᱷᱟᱨᱚᱱ ᱡᱤᱭᱳᱢᱮᱴᱨᱤ᱾ ᱟᱡᱟᱜ ᱞᱟᱦᱟᱱᱛᱤ ᱠᱟᱹᱢᱤ ᱨᱮᱱᱟᱜ ᱟᱵᱽᱥᱴᱨᱟᱠᱴ ᱟᱨ ᱥᱯᱮᱭᱟᱨ ᱡᱤᱭᱳᱢᱮᱴᱨᱤᱠ ᱥᱴᱟᱭᱤᱞ ᱫᱚ ᱥᱳᱞ ᱞᱮᱣᱤᱴ ᱞᱮᱠᱟᱱ ᱢᱤᱱᱤᱢᱟᱞᱤᱥᱴ ᱥᱟᱶ ᱛᱩᱞᱟᱹ ᱡᱚᱠᱷᱟ ᱦᱩᱭ ᱟᱠᱟᱱᱟ᱾
ᱡᱟᱨᱤᱱᱟᱭᱟᱜ ᱠᱟᱹᱢᱤ ᱫᱚ ᱚᱲᱟᱜ ᱨᱮᱱᱟᱜ ᱠᱚᱱᱥᱮᱯᱴ ᱮ ᱛᱚᱞᱟᱥ ᱠᱮᱫᱟ ᱢᱤᱫ ᱯᱷᱞᱩᱣᱤᱰ, ᱟᱵᱽᱥᱴᱨᱟᱠᱴ ᱡᱟᱭᱜᱟ ᱞᱮᱠᱟᱛᱮ ᱡᱟᱦᱟᱸ ᱫᱚ ᱯᱷᱤᱡᱤᱠᱟᱞᱤᱴᱤ ᱥᱮ ᱞᱳᱠᱮᱥᱚᱱ ᱠᱷᱚᱱ ᱵᱟᱦᱨᱮ ᱛᱟᱦᱮᱸᱱᱟ᱾ ᱟᱡᱟᱜ ᱠᱟᱹᱢᱤ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱢᱩᱵᱷᱢᱮᱱᱴ, ᱰᱟᱭᱟᱥᱯᱳᱨᱟ ᱟᱨ ᱮᱠᱥᱟᱭᱤᱞ ᱞᱮᱠᱟᱱ ᱩᱭᱦᱟᱹᱨ ᱠᱚ ᱞᱟᱹᱜᱤᱫ ᱥᱤᱢᱵᱳᱞ ᱮ ᱥᱮᱞᱮᱫ ᱠᱟᱫᱟ᱾ ᱡᱮᱞᱮᱠᱟ, ᱟᱡᱟᱜ ᱣᱩᱰᱵᱞᱳᱠ ᱯᱨᱤᱱᱴ ᱯᱮᱯᱟᱨ ᱞᱟᱭᱤᱠ ᱥᱠᱤᱱ ᱫᱚ ᱢᱤᱫ ᱦᱮᱸᱫᱮ ᱞᱚᱦᱚᱫ ᱞᱟᱭᱤᱱ ᱩᱫᱩᱜ ᱟᱠᱟᱫᱟ ᱡᱟᱦᱟᱸ ᱫᱚ ᱢᱤᱫ ᱯᱩᱸᱰ ᱯᱟᱹᱪᱷᱞᱟᱹ ᱵᱮᱠᱜᱽᱨᱟᱣᱩᱱᱰ ᱪᱮᱛᱟᱱ ᱥᱮᱫ ᱛᱟᱭᱚᱢ ᱠᱟᱛᱮ ᱠᱟᱛᱮ ᱥᱟᱦᱟ ᱟᱠᱟᱱᱟ, ᱯᱟᱱᱟ ᱞᱟᱛᱟᱨ ᱡᱚᱡᱚᱢ ᱠᱚᱨᱱᱟᱨ ᱠᱷᱚᱱ ᱪᱮᱛᱟᱱ ᱞᱮᱝᱜᱟ ᱠᱚᱨᱱᱟᱨ ᱥᱮᱫ᱾ ᱱᱚᱣᱟ ᱞᱟᱭᱤᱱ ᱨᱮ ᱢᱤᱫ ᱠᱟᱨᱴᱳᱜᱽᱨᱟᱯᱷᱤᱠ ᱠᱣᱟᱞᱤᱴᱤ ᱢᱮᱱᱟᱜᱼᱟ ᱡᱟᱦᱟᱸ ᱫᱚ, ᱯᱟᱱᱟ ᱨᱮᱱᱟᱜ ᱨᱤᱱᱫ ᱠᱟᱛᱮ ᱟᱨ ᱮᱝᱜᱩᱞᱟᱨ ᱦᱟᱹᱴᱤᱧ ᱨᱮ ᱵᱟᱨᱭᱟ ᱡᱟᱭᱜᱟ ᱛᱟᱞᱟ ᱨᱮ ᱢᱤᱫ ᱵᱳᱨᱰᱟᱨ ᱮ ᱥᱟᱡᱮᱥᱴ ᱮᱫᱟ, ᱥᱮ ᱯᱟᱞᱮᱫ ᱢᱤᱫ ᱴᱳᱯᱳᱜᱽᱨᱟᱯᱷᱤᱠ ᱪᱟᱨᱴ ᱢᱤᱫ ᱡᱚᱨᱱᱤ ᱨᱮᱱᱟᱜ ᱡᱟᱦᱟᱸ ᱫᱚ ᱱᱤᱛ ᱦᱚᱸ ᱵᱟᱝ ᱯᱩᱨᱟᱹᱣ ᱟᱠᱟᱱᱟ᱾ ᱟᱡᱟᱜ ᱫᱤᱞᱞᱤ ᱥᱤᱨᱤᱡᱽ ᱞᱟᱹᱜᱤᱫ, ᱩᱱᱤ ᱫᱚ ᱥᱟᱡᱟᱦᱟᱱᱟᱵᱟᱫᱽ ᱥᱚᱦᱚᱨ ᱨᱮᱱᱟᱜ ᱮᱱᱜᱽᱨᱮᱵᱤᱝ ᱪᱮᱛᱟᱱ ᱵᱮᱥ ᱠᱟᱛᱮ ᱢᱤᱫ ᱣᱩᱰᱠᱟᱴ ᱯᱨᱤᱱᱴ ᱮ ᱵᱮᱱᱟᱣ ᱠᱮᱫᱟ ᱡᱮᱞᱮᱠᱟ ᱱᱚᱣᱟ ᱫᱚ ᱑᱘᱕᱗ ᱨᱮᱱᱟᱜ ᱥᱤᱡᱽ ᱢᱟᱬᱟᱝ ᱨᱮ ᱛᱤᱸᱜᱩ ᱛᱟᱦᱮᱸ ᱠᱟᱱᱟ᱾