ᱡᱟᱨᱤᱱ ᱥᱤᱦᱟᱵᱽ
ᱡᱟᱨᱤᱱ ᱥᱤᱦᱟᱵᱽ (ᱡᱟᱱᱟᱢ ᱑᱕ ᱚᱜᱚᱥᱴ ᱑᱙᱙᱔) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱨᱮᱭ ᱧᱮᱞᱚᱜᱼᱟ ᱾ ᱩᱱᱤ ᱫᱚ ᱒᱐᱑᱙ ᱥᱯᱟᱭ ᱛᱷᱨᱤᱞᱟᱨ ᱥᱤᱨᱤᱡᱽ ᱫᱟ ᱯᱷᱮᱢᱤᱞᱤ ᱢᱮᱱ ᱨᱮ ᱟᱡᱟᱜ ᱵᱨᱮᱠᱟᱣᱩᱴ ᱨᱚᱞ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ, ᱡᱟᱦᱟᱸ ᱨᱮ ᱩᱱᱤ ᱥᱟᱦᱟᱭᱟ ᱢᱮᱨᱤ ᱮ ᱯᱞᱮ ᱟᱠᱟᱫᱟ, ᱢᱤᱫ ᱱᱚᱨᱥ ᱡᱟᱦᱟᱸᱭ ᱫᱚ ᱥᱳ ᱨᱮᱱᱟᱜ ᱯᱞᱳᱴ ᱨᱮ ᱟᱹᱰᱤ ᱞᱟᱹᱠᱛᱤᱭᱟᱱ ᱮ ᱛᱟᱦᱮᱸ ᱠᱟᱱᱟ ᱾
ᱩᱛᱛᱟᱨ ᱯᱨᱚᱫᱮᱥ ᱨᱮ ᱡᱟᱱᱟᱢ ᱟᱠᱟᱱ ᱟᱨ ᱟᱭᱤᱟᱭᱤᱴᱤ ᱢᱟᱫᱽᱨᱟᱥ ᱠᱷᱚᱱ ᱜᱨᱮᱡᱩᱣᱮᱴ ᱡᱟᱨᱤᱱ ᱥᱤᱦᱟᱵᱽ ᱫᱚ ᱫᱟ ᱯᱷᱮᱢᱤᱞᱤ ᱢᱮᱱ ᱥᱟᱶ ᱟᱡᱟᱜ ᱥᱠᱨᱤᱱ ᱰᱮᱵᱭᱩ ᱮ ᱵᱮᱱᱟᱣ ᱠᱮᱫᱟ ᱾ ᱒᱐᱒᱓ ᱨᱮ, ᱡᱟᱨᱤᱱ ᱫᱚ ᱛᱨᱤᱥᱟᱝᱠᱩ (᱒᱐᱒᱓) ᱯᱷᱤᱞᱢ ᱛᱟᱞᱟ ᱛᱮ ᱢᱟᱞᱟᱭᱟᱞᱚᱢ ᱥᱤᱱᱮᱢᱟ ᱨᱮ ᱮᱱᱴᱨᱤ ᱠᱮᱫᱟ ᱟᱨ ᱚᱱᱟ ᱠᱷᱚᱱ ᱵᱤ ᱓᱒ ᱢᱩᱛᱷᱟᱞ ᱔᱔ ᱵᱷᱟᱨᱮ (᱒᱐᱒᱓) ᱟᱨ ᱟᱛᱛᱟᱢ (᱒᱐᱒᱔) ᱯᱷᱤᱞᱢ ᱨᱮᱭ ᱮᱛᱚᱦᱚᱵ ᱠᱮᱫᱟ ᱾ ᱩᱱᱤ ᱫᱚ ᱟᱛᱛᱟᱢ ᱞᱟᱹᱜᱤᱫ ᱵᱮᱥᱴ ᱮᱠᱴᱨᱮᱥ ᱞᱟᱹᱜᱤᱫ ᱠᱮᱨᱟᱞᱟ ᱯᱷᱤᱞᱢ ᱠᱨᱤᱴᱤᱠᱥ ᱮᱥᱳᱥᱤᱭᱮᱥᱚᱱ ᱟᱣᱟᱨᱰ ᱨᱤᱱᱤᱡ ᱧᱟᱢᱤᱭᱟᱹ ᱠᱟᱱᱟᱭ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱛᱚᱦᱚᱵ ᱠᱷᱚᱱ ᱜᱮ ᱠᱮᱨᱟᱞᱟ ᱨᱤᱱᱤᱡ ᱢᱩᱞᱱᱤᱣᱟᱥᱤ, ᱡᱟᱨᱤᱱ ᱫᱚ ᱩᱛᱛᱟᱨ ᱯᱨᱚᱫᱮᱥ ᱨᱮ ᱡᱟᱱᱟᱢ ᱞᱮᱱᱟ ᱟᱨ ᱛᱟᱭᱚᱢ ᱛᱮ ᱩᱱᱤ ᱟᱥᱟᱢ, ᱠᱟᱨᱱᱟᱴᱟᱠ ᱟᱨ ᱛᱟᱢᱤᱞᱱᱟᱰᱩ ᱞᱮᱠᱟᱱ ᱯᱚᱱᱚᱛ ᱛᱮ ᱩᱪᱟᱹᱲ ᱞᱮᱱᱟ ᱪᱮᱫᱟᱜ ᱥᱮ ᱩᱱᱤ ᱵᱟᱵᱟ ᱫᱚ ᱮᱭᱟᱨ ᱯᱷᱳᱨᱥ ᱨᱮ ᱠᱟᱹᱢᱤᱭᱟᱹ ᱛᱟᱦᱮᱸ ᱠᱟᱱᱟ ᱾ ᱦᱤᱱᱫᱤ ᱫᱚ ᱯᱩᱭᱞᱩ ᱯᱟᱹᱨᱥᱤ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱩᱱᱤ ᱯᱟᱲᱦᱟᱣ ᱟᱨ ᱚᱞ ᱪᱮᱫ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱭᱤᱟᱭᱤᱴᱤ ᱢᱟᱫᱽᱨᱟᱥ ᱨᱮ ᱮᱢᱮ ᱤᱝᱜᱽᱞᱤᱥ ᱨᱮ ᱢᱚᱬᱮ ᱥᱮᱨᱢᱟ ᱡᱤᱞᱤᱧ ᱤᱱᱴᱮᱜᱽᱨᱮᱴᱮᱰ ᱯᱨᱳᱜᱽᱨᱟᱢ ᱨᱮ ᱮᱱᱨᱳᱞ ᱞᱮᱱᱟ, ᱯᱟᱹᱨᱥᱤ ᱟᱨ ᱥᱟᱦᱤᱛᱭᱟ ᱞᱟᱹᱜᱤᱫ ᱩᱱᱠᱩᱣᱟᱜ ᱯᱮᱥᱚᱱ ᱮ ᱵᱟᱹᱲᱛᱤ ᱠᱟᱛᱮ ᱟᱨ ᱛᱟᱭᱚᱢ ᱛᱮ ᱮᱠᱴᱤᱝ, ᱚᱞ ᱟᱨ ᱱᱟᱴᱚᱠ ᱰᱟᱭᱨᱮᱠᱴ ᱞᱟᱹᱜᱤᱫ ᱪᱮᱱᱱᱟᱭ ᱨᱮ ᱮᱭᱟᱭ ᱥᱮᱨᱢᱟ ᱮ ᱠᱷᱮᱢᱟᱣ ᱠᱮᱫᱼᱟ ᱾ ᱟᱡᱟᱜ ᱠᱚᱞᱮᱡᱽ ᱫᱤᱱ ᱚᱠᱛᱚ, ᱡᱟᱨᱤᱱ ᱫᱚ ᱛᱷᱤᱭᱮᱴᱚᱨ ᱨᱮ ᱟᱹᱰᱤ ᱮᱠᱴᱤᱵ ᱮ ᱛᱟᱦᱮᱸ ᱠᱟᱱᱟ ᱟᱨ ᱥᱚᱨᱴ ᱯᱷᱤᱞᱢ ᱨᱮᱭ ᱦᱟᱹᱴᱤᱧ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱡ ᱛᱮ ᱮᱭᱟᱭ ᱥᱮᱨᱢᱟ ᱞᱟᱹᱜᱤᱫ ᱛᱷᱤᱭᱮᱴᱚᱨ ᱮ ᱯᱟᱹᱣᱨᱤ ᱟᱠᱟᱫᱼᱟ ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱨᱤᱱ ᱥᱤᱦᱟᱵᱽ ᱫᱚ ᱒᱐᱑᱙ ᱦᱤᱱᱫᱤ ᱥᱯᱟᱭ ᱛᱷᱨᱤᱞᱟᱨ ᱥᱤᱨᱤᱡ ᱫᱟ ᱯᱷᱮᱢᱤᱞᱤ ᱢᱮᱱ ᱥᱟᱶ ᱟᱡᱟᱜ ᱥᱠᱨᱤᱱ ᱰᱮᱵᱭᱩ ᱮ ᱵᱮᱱᱟᱣ ᱠᱮᱫᱼᱟ ᱾ ᱥᱤᱨᱤᱡᱽ ᱫᱚ ᱟᱢᱮᱡᱚᱱ ᱯᱨᱟᱭᱤᱢ ᱨᱮ ᱥᱴᱨᱤᱢ ᱦᱩᱭ ᱞᱮᱱᱟ ᱟᱨ ᱩᱱᱤ ᱢᱟᱞᱟᱭᱟᱞᱤ ᱱᱚᱨᱥ ᱨᱮᱱᱟᱜ ᱟᱡᱟᱜ ᱯᱳᱨᱴᱨᱮᱭᱟᱞ ᱞᱟᱹᱜᱤᱫ ᱢᱚᱦᱚᱛᱵᱚᱯᱩᱨᱱ ᱫᱷᱮᱭᱟᱱ ᱮ ᱦᱟᱢᱮᱴ ᱠᱮᱫᱼᱟ ᱾ ᱒᱐᱒᱑ ᱨᱮ, ᱩᱱᱤ ᱟᱠᱟᱨᱥᱷ ᱠᱷᱩᱨᱟᱱᱟ ᱫᱟᱨᱟᱭ ᱰᱟᱭᱨᱮᱠᱴ ᱯᱷᱤᱞᱢ ᱨᱟᱥᱢᱤ ᱨᱳᱠᱮᱴ ᱨᱮᱭ ᱧᱮᱞ ᱞᱮᱱᱟ ᱟᱨ ᱒᱐᱒᱒ ᱨᱮ ᱩᱱᱤ ᱢᱟᱫᱷᱩᱨ ᱵᱷᱟᱱᱰᱟᱨᱠᱟᱨ ᱫᱟᱨᱟᱭ ᱰᱟᱭᱨᱮᱠᱴ ᱤᱱᱰᱤᱭᱟ ᱞᱚᱠᱰᱟᱣᱩᱱ ᱨᱮᱭ ᱯᱷᱤᱪᱟᱨ ᱦᱩᱭ ᱞᱮᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱴᱤᱵᱷᱤ ᱥᱤᱨᱤᱡ ᱡᱩᱜᱟᱫᱤᱥᱛᱟᱱ ᱨᱮ ᱠᱚ ᱠᱟᱥᱴ ᱠᱮᱫᱮᱭᱟ ᱾
᱒᱐᱒᱓ ᱨᱮ, ᱡᱟᱨᱤᱱ ᱫᱚ ᱟᱪᱩᱛᱷ ᱵᱤᱱᱟᱭᱟᱠ ᱫᱟᱨᱟᱭ ᱰᱟᱭᱨᱮᱠᱴ ᱯᱷᱤᱞᱢ ᱛᱨᱤᱥᱟᱝᱠᱩ ᱛᱟᱞᱟ ᱛᱮ ᱢᱟᱞᱟᱭᱟᱞᱚᱢ ᱥᱤᱱᱮᱢᱟ ᱨᱮ ᱮᱱᱴᱨᱤ ᱠᱮᱫᱟ, ᱥᱩᱢᱤ ᱱᱟᱭᱟᱨ ᱠᱮᱨᱮᱠᱴᱟᱨ ᱯᱳᱨᱴᱨᱮᱭ ᱠᱟᱛᱮ ᱾ ᱚᱱᱟ ᱥᱮᱨᱢᱟ ᱜᱮ, ᱩᱱᱤ ᱥᱨᱩᱛᱤ ᱥᱟᱨᱟᱱᱭᱟᱢ ᱫᱟᱨᱟᱭ ᱰᱟᱭᱨᱮᱠᱴ ᱮᱴᱟᱜ ᱢᱤᱫ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱵᱤ ᱓᱒ ᱢᱩᱛᱷᱟᱞ ᱔᱔ ᱵᱷᱟᱨᱮ ᱨᱮ ᱥᱴᱟᱨ ᱠᱮᱫᱟ ᱡᱟᱦᱟᱸ ᱫᱚ ᱠᱮᱨᱟᱞᱟ ᱥᱴᱮᱴ ᱯᱷᱤᱞᱢ ᱰᱮᱵᱷᱮᱞᱚᱯᱢᱮᱸᱴ ᱠᱳᱨᱯᱳᱨᱮᱥᱚᱱ ᱫᱟᱨᱟᱭ ᱯᱨᱳᱰᱭᱩᱥ ᱦᱩᱭ ᱟᱠᱟᱱᱟ, ᱡᱟᱦᱟᱸ ᱨᱮ ᱩᱱᱤ ᱤᱢᱟᱱ ᱨᱮᱱᱟᱜ ᱨᱳᱞ ᱮ ᱯᱞᱮ ᱠᱮᱫᱟ ᱾ ᱒᱐᱒᱔ ᱨᱮ ᱩᱱᱤ ᱟᱱᱟᱸᱫᱽ ᱮᱠᱟᱨᱥᱤ ᱫᱟᱨᱟᱭ ᱰᱟᱭᱨᱮᱠᱴ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱟᱛᱛᱟᱢ ᱨᱮ ᱯᱷᱤᱢᱮᱞ ᱞᱤᱰ ᱠᱮᱨᱮᱠᱴᱟᱨ ᱮ ᱯᱞᱮ ᱠᱮᱫᱟ ᱾ ᱩᱱᱤ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱵᱤ ᱓᱒ ᱢᱩᱛᱷᱟᱞ ᱔᱔ ᱵᱷᱮᱨᱮ ᱟᱨ ᱟᱛᱛᱟᱢ ᱨᱮ ᱟᱡᱟᱜ ᱯᱟᱨᱯᱷᱳᱨᱢᱮᱱᱥ ᱞᱟᱹᱜᱤᱫ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ ᱨᱮ ᱥᱟᱨᱦᱟᱣᱱᱟ ᱮ ᱧᱟᱢ ᱠᱮᱫᱟ ᱡᱟᱦᱟᱸ ᱨᱮ ᱩᱱᱤ ᱠᱟᱨᱡᱽᱟᱹᱨᱤ ᱴᱷᱟᱶ ᱨᱮ ᱦᱟᱨᱟᱱ ᱥᱟᱢᱟᱝ ᱮᱫ ᱠᱟᱱ ᱠᱮᱨᱮᱠᱴᱟᱨ ᱮ ᱥᱚᱫᱚᱨ ᱠᱮᱫᱟ ᱾