ᱡᱟᱯᱟᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱡᱟᱯᱟᱱ ᱨᱮᱭᱟᱜᱽ ᱯᱚᱛᱠᱟ

ᱡᱟᱯᱟᱱ (Japanese: 日本 Nippon [ɲippoɴ] or Nihon [ɲihoɴ]; formally 日本国  Nippon-koku or Nihon-koku, meaning "State of Japan") ᱫᱚ ᱯᱩᱨᱩᱵᱽ ᱮᱥᱤᱭᱟ ᱨᱮᱱᱟᱜ ᱢᱤᱫᱴᱮᱱ ᱫᱤᱥᱚᱢ ᱠᱟᱱᱟ᱾ ᱦᱚᱲᱟᱜ ᱮᱞᱮᱞ ᱞᱮᱠᱟᱛᱮ ᱱᱤᱭᱟᱹ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱑᱐ ᱟᱜ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾ ᱡᱟᱯᱟᱱ ᱨᱮᱱᱟᱜ ᱨᱟᱡᱽᱜᱚᱲ ᱫᱚ ᱴᱳᱠᱤᱭᱳ ᱠᱟᱱᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱝᱨᱮᱡᱤ ᱟᱹᱲᱟᱹ ᱡᱟᱯᱟᱱ ᱫᱚ ᱡᱟᱯᱟᱱᱤ ᱧᱩᱛᱩᱢ ᱱᱤᱦᱚᱱ (日本) ᱨᱮᱱᱟᱜ ᱞᱟᱦᱟ ᱢᱟᱱᱰᱟᱨᱤᱱ ᱪᱤᱱᱟ ᱥᱮ ᱩ ᱪᱤᱱᱟ ᱠᱷᱚᱡ ᱦᱮᱡ ᱠᱟᱱᱟ᱾ ᱡᱟᱯᱟᱱᱤ ᱠᱚ ᱫᱚ ᱟᱹᱠᱩ ᱟᱹᱠᱩ ᱵᱷᱤᱛᱨᱤᱨᱮ ᱱᱤᱦᱚᱱᱡᱤᱱ (日本人?) ᱢᱮᱱᱛᱮ ᱠᱩ ᱞᱮᱠᱷᱟᱜ-ᱟ᱾ ᱟᱨ ᱟᱠᱩᱣᱟᱜ ᱜᱚᱜᱚ ᱯᱟᱹᱨᱥᱤ ᱫᱚ ᱱᱤᱦᱚᱝᱜᱚ (日本語?) ᱠᱩ ᱢᱮᱛᱟᱜ-ᱟ᱾

ᱡᱤᱥᱩᱣᱟᱜ ᱡᱟᱱᱟᱢ ᱓᱐᱐᱐᱐ ᱚᱵᱫᱚ ᱞᱟᱦᱟᱨᱮᱱᱟᱜ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱡᱟᱯᱟᱱᱤ ᱫᱤᱯ ᱢᱟᱞᱟᱨᱮ ᱦᱚᱲ ᱠᱩ ᱛᱟᱸᱦᱮᱸᱱ ᱠᱟᱱ ᱛᱟᱸᱦᱮᱸᱱᱟ᱾ ᱤᱱᱟᱹ ᱛᱟᱭᱚᱢ ᱑᱔᱐᱐᱐ ᱚᱵᱫᱚ ᱥᱮᱡ ᱥᱮᱸᱫᱨᱟ ᱦᱚᱲ ᱠᱩ ᱛᱟᱸᱦᱮᱸᱱ ᱠᱟᱱ ᱛᱟᱸᱦᱮᱸᱱᱟ᱾ ᱱᱩᱠᱩ ᱵᱷᱤᱛᱨᱤᱨᱮ ᱟᱱᱚ ᱚᱠᱛᱚ ᱨᱮᱱ ᱟᱭᱱᱩ ᱟᱨ ᱤᱭᱟᱢᱟᱛᱳ ᱡᱟᱹᱛ ᱨᱮᱱ ᱦᱚᱲ ᱦᱚᱸᱠᱩ ᱛᱟᱸᱦᱮᱸᱠᱟᱱᱟ᱾[᱑][᱒] ᱱᱩᱠᱩ ᱦᱚᱲ ᱫᱚ ᱰᱸᱰᱦᱚᱨ ᱨᱮᱠᱚ ᱛᱟᱸᱦᱮᱸᱱ ᱠᱟᱱ ᱛᱟᱸᱦᱮᱸᱱᱟ᱾ ᱪᱟᱥ ᱵᱟᱥ ᱜᱮ ᱱᱩᱠᱩᱣᱟᱜ ᱠᱟᱹᱢᱤ ᱫᱚ ᱛᱟᱸᱦᱮᱸᱠᱟᱱᱟ᱾[᱓]

ᱪᱤᱱᱟ ᱯᱚᱛᱚᱵ ᱵᱩᱠ ᱚᱵ ᱦᱟᱱ ᱨᱮ ᱡᱟᱯᱟᱱ ᱨᱮᱱᱟᱜ ᱯᱩᱭᱞᱩ ᱚᱞ ᱟᱠᱟᱱ ᱱᱟᱜᱟᱢ ᱫᱚ ᱧᱟᱢ ᱟᱠᱟᱱᱟ᱾[᱔] ᱠᱳᱨᱤᱭᱟ ᱨᱮᱱᱟᱜ ᱵᱟᱭᱮᱠᱡᱮ ᱠᱷᱚᱡ ᱡᱟᱯᱟᱱ ᱨᱮᱫᱚ ᱵᱩᱫᱫᱷᱚ ᱫᱷᱚᱨᱚᱢ ᱨᱮᱱᱟᱜ ᱮᱛᱦᱚᱵ ᱦᱩᱭ ᱞᱮᱱᱟ᱾ ᱛᱚᱵᱮ ᱛᱟᱭᱚᱢ ᱫᱟᱨᱟᱢᱛᱮ ᱪᱤᱱ ᱠᱷᱚᱡ ᱜᱮ ᱵᱳᱣᱫᱷᱳ ᱫᱷᱚᱨᱚᱢ ᱫᱚ ᱡᱟᱯᱟᱱᱨᱮ ᱡᱟᱹᱥᱛᱤ ᱯᱟᱥᱱᱟᱣ ᱟᱠᱟᱱᱟ᱾[᱕]

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱨᱚᱥᱟᱱᱛ ᱢᱟᱦᱟᱫᱚᱨᱭᱟ ᱠᱚᱲᱟᱢ ᱨᱮ ᱡᱟᱯᱟᱱ ᱫᱚᱨᱮᱭᱟ, ᱯᱩᱨᱩᱵᱽ ᱥᱮᱡ ᱪᱤᱱ, ᱩᱛᱟᱹᱨ ᱠᱳᱨᱤᱭᱟ, ᱫᱟᱹᱠᱷᱤᱱ ᱠᱳᱨᱤᱭᱟ ᱟᱨ ᱨᱟᱥᱤᱭᱟ ᱠᱷᱚᱡ ᱯᱩᱨᱩᱵᱽ ᱩᱛᱟᱹᱨ ᱥᱮᱡ ᱳᱠᱷᱳᱛᱥᱠ ᱫᱚᱨᱮᱭᱟ ᱠᱷᱚᱡ ᱛᱟᱭᱚᱣᱟᱱ ᱫᱷᱟᱹᱵᱤᱡ ᱡᱟᱯᱟᱱ ᱥᱤᱢᱟᱱᱟ ᱫᱚ᱾ ᱡᱟᱯᱟᱱ ᱨᱮᱱᱟᱜ ᱗᱓ ᱥᱟᱭᱠᱚᱨᱟ ᱜᱮ ᱵᱤᱨ ᱠᱟᱱᱟ᱾ ᱚᱱᱚ ᱛᱮᱜᱮ ᱫᱚᱨᱮᱭᱟ ᱟᱲᱮ ᱥᱚᱢᱟᱱ ᱡᱟᱜᱟᱨᱮ ᱟᱹᱰᱤ ᱥᱟᱸᱜᱮ ᱦᱚᱲ ᱢᱮᱱᱟᱜ ᱠᱩᱣᱟ᱾ ᱡᱟᱯᱟᱱ ᱨᱮ ᱟᱹᱰᱤ ᱡᱟᱹᱥᱛᱤ ᱥᱮᱸᱜᱮᱞ ᱵᱩᱨᱩ ᱢᱮᱱᱟᱜ-ᱟ᱾ ᱡᱟᱯᱟᱱ ᱨᱮᱫᱚ ᱑᱐᱘ ᱜᱚᱴᱟᱝ ᱥᱮᱸᱜᱮᱞ ᱵᱩᱨᱩ ᱢᱮᱱᱟᱜ-ᱟ᱾ ᱚᱱᱚ ᱠᱷᱟᱹᱛᱤᱨ ᱡᱟᱯᱟᱱ ᱨᱮᱫᱚ ᱟᱹᱰᱤ ᱡᱟᱹᱥᱛᱤ ᱫᱷᱟᱹᱨᱛᱤ ᱞᱟᱲᱟᱣ ᱥᱮ ᱥᱩᱱᱟᱢᱤ ᱞᱮᱠᱟᱱ ᱜᱷᱚᱴᱚᱱᱟ ᱦᱩᱭᱩᱜ-ᱟ᱾

ᱟᱹᱨᱤᱪᱟᱹᱞᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱯᱟᱱ ᱨᱮᱫᱚ ᱱᱟᱱᱟᱦᱩᱱᱟᱹᱨ ᱟᱹᱨᱤᱪᱟᱹᱞᱤ ᱢᱮᱥᱟᱞ ᱟᱠᱟᱱᱟ ᱪᱮᱫᱟᱜ ᱡᱮ ᱫᱷᱟᱹᱨᱛᱤ ᱨᱮᱱᱟᱜ ᱟᱭᱢᱟ ᱞᱮᱠᱟᱱ ᱟᱹᱨᱤᱪᱟᱹᱞᱤ ᱜᱮ ᱱᱚᱸᱰᱮ ᱫᱚ ᱢᱮᱥᱟᱦᱟᱠᱟᱱᱟ᱾ ᱮᱥᱤᱭᱟ ᱟᱨ ᱤᱣᱨᱳᱯ ᱨᱮᱱᱟᱜ ᱟᱭᱢᱟ ᱟᱹᱨᱤᱪᱟᱹᱞᱤ ᱱᱚᱸᱰᱮ ᱵᱚᱞᱚᱦᱟᱠᱟᱱᱟ᱾ ᱟᱫᱚ ᱱᱮᱛᱟᱨ ᱫᱚ ᱟᱹᱠᱩᱣᱟ ᱟᱹᱨᱤᱪᱟᱹᱞᱤ ᱜᱮ ᱡᱟᱹᱥᱛᱤ ᱡᱟᱹᱥᱛᱤ ᱠᱩ ᱢᱟᱱᱟᱣ ᱟᱜᱩᱭᱮᱛ ᱛᱮ ᱡᱟᱯᱟᱱ ᱨᱮᱱᱟᱜ ᱟᱯᱱᱟᱨ ᱟᱹᱨᱤᱪᱟᱹᱞᱤ ᱜᱮ ᱪᱟᱹᱞᱩ ᱟᱠᱟᱱᱟ᱾ ᱫᱚᱥᱟᱨ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱚᱠᱛᱚᱨᱮ ᱵᱟᱨᱦᱮ ᱟᱹᱨᱤᱪᱟᱹᱞᱤ ᱠᱩ ᱵᱚᱱᱫᱷ ᱟᱠᱟᱫᱟ᱾

ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱯᱟᱱ ᱨᱮᱫᱚ ᱵᱟᱨᱮᱭᱟ ᱫᱷᱚᱨᱚᱢ ᱥᱤᱱᱛᱚ ᱟᱨ ᱵᱳᱣᱫᱷᱳ ᱜᱮ ᱡᱟᱹᱥᱛᱤ ᱠᱩ ᱢᱟᱱᱣᱟ᱾ ᱥᱤᱱᱛᱳ ᱟᱨ ᱵᱳᱣᱫᱷᱳ ᱫᱷᱚᱨᱚᱢ ᱢᱤᱫ ᱥᱟᱶᱛᱮ ᱞᱟᱦᱟ ᱦᱮᱡ ᱟᱠᱟᱱᱟ᱾

ᱟᱨᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Government
Travel
General information

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Matsumara, Hirofumi; Dodo, Yukio; Dodo, Yukio (২০০৯)। "Dental characteristics of Tohoku residents in Japan: implications for biological affinity with ancient Emishi"Anthropological Science 117 (2): 95–105। ডিওআই:10.1537/ase.080325
  2. Hammer, Michael F., et al.; Karafet, TM; Park, H; Omoto, K; Harihara, S; Stoneking, M; Horai, S (২০০৬)। "Dual origins of the Japanese: common ground for hunter-gatherer and farmer Y chromosomes"Journal of Human Genetics 51 (1): 47–58। ডিওআই:10.1007/s10038-005-0322-0। পিএমআইডি 16328082
  3. Travis, John। "Jomon Genes"। University of Pittsburgh। সংগৃহীত জানুয়ারি ১৫, ২০১১।
  4. Takashi, Okazaki; Goodwin, Janet (১৯৯৩)। "Japan and the continent"। The Cambridge history of Japan, Volume 1: Ancient Japan। Cambridge: Cambridge University Press। পৃ: ২৭৫। আইএসবিএন 0-521-22352-0।
  5. Brown, Delmer M., সম্পাদক (১৯৯৩)। The Cambridge History of Japan। Cambridge University Press। পৃ: 140–149।