ᱡᱟᱱᱛᱷᱟᱲ
ᱥᱟᱱᱛᱟᱞ ᱠᱚ ᱫᱚ ᱟᱠᱚᱣᱟᱜ ᱫᱷᱚᱨᱚᱢ ᱯᱟ.ᱛᱭᱟ.ᱣ ᱞᱮᱠᱟ ᱛᱮ ᱡᱟᱦᱟᱱ ᱡᱚᱢᱟᱜ ᱜᱤ ᱡᱚᱢ ᱞᱟᱦᱟᱨᱮ ᱟᱠᱚ ᱨᱮᱱ ᱵᱟᱝᱜᱟ-ᱵᱩᱨᱩ ᱴᱷᱮᱱ ᱠᱚ ᱥᱚᱯᱨᱚᱫᱟ᱾ ᱱᱚᱣᱟ ᱯᱟᱹᱛᱤᱭᱟᱹᱣ ᱠᱷᱚᱱ ᱜᱤ ᱟᱸᱜᱷᱟᱲ ᱪᱟᱸᱫᱚ ᱨᱮ ᱱᱟᱶᱟ ᱦᱩᱲᱩ ᱚᱲᱟᱜ ᱨᱮ ᱨᱟᱠᱟᱵ ᱞᱟᱦᱟ ᱵᱚᱝᱜᱟ-ᱵᱩᱨᱩ ᱠᱳ ᱥᱚᱯᱨᱚᱫ ᱟᱠᱚᱣᱟ᱾ ᱱᱚᱣᱟ ᱫᱷᱚᱨᱚᱢ ᱥᱮᱨᱣᱟ ᱫᱚ ᱯᱚᱨᱚᱵᱽ ᱞᱮᱠᱟᱛᱮ ᱠᱳ ᱢᱟᱱᱟᱣᱟ᱾ ᱚᱠᱟ ᱫᱚ ᱥᱟᱱᱛᱟᱞ ᱠᱚ ᱢᱮᱛᱟᱜᱼᱟ ᱡᱟᱱᱛᱷᱟᱲ ᱯᱚᱨᱚᱵᱽ᱾ ᱡᱟᱦᱟᱸ ᱨᱮᱭᱟᱜ ᱵᱟᱝᱟᱞᱤ ᱵᱷᱟᱨᱥᱚᱱ ᱫᱚ ᱱᱚᱵᱟᱱᱱᱚ ᱠᱟᱱᱟ᱾ ᱟᱭᱢᱟ ᱥᱟᱱᱛᱟᱞ ᱜᱤ ᱡᱟᱱᱛᱷᱟᱲ ᱟᱹᱲᱟᱹ ᱵᱚᱫᱚᱞ ᱛᱮ ᱞᱚᱵᱟᱱ ᱟᱹᱲᱟᱹ ᱠᱚ ᱵᱮᱵᱚᱦᱟᱨᱟ᱾
ᱡᱟᱦᱮᱨ ᱛᱷᱟᱱ ᱨᱮ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱹᱧᱡᱽᱦᱤ ᱵᱟᱵᱟ ᱜᱚᱰᱮᱴ ᱦᱚᱛᱮᱛᱮ ᱟᱛᱩ ᱨᱮᱱ ᱡᱚᱛᱚ ᱦᱚᱲ ᱦᱚᱦᱚ ᱠᱟᱛᱮ ᱡᱟᱱᱛᱷᱟᱲ ᱨᱮᱭᱟᱜ ᱢᱟᱹᱦᱤᱛ ᱴᱷᱟᱹᱣᱠᱟᱹᱭᱟᱭ᱾ ᱟᱸᱜᱷᱟᱲ ᱪᱟᱸᱫᱚ ᱢᱩᱞᱩᱜ ᱛᱟᱭᱚᱢ ᱡᱟᱱᱛᱷᱟᱲ ᱦᱩᱭ ᱵᱟᱲᱟᱜᱼᱟ᱾ ᱴᱷᱟᱹᱣᱠᱟᱹ ᱫᱤᱱ ᱨᱮ ᱱᱟᱭᱠᱮ ᱵᱟᱵᱟ ᱡᱟᱦᱟᱸᱴᱟᱜ ᱠᱷᱮᱛ ᱨᱮᱱᱟᱜ ᱵᱮᱞᱮ ᱦᱩᱲᱩ ᱢᱤᱫ ᱡᱟᱭᱜᱟ ᱨᱮ ᱛᱤᱸᱜᱩ ᱠᱟᱛᱮ ᱛᱤᱱᱟᱹᱜ ᱜᱟᱱᱮ ᱜᱮᱫ ᱫᱟᱲᱮᱜ ᱯᱮ ᱫᱷᱟᱣᱮ ᱜᱮᱫᱟ᱾ ᱚᱱᱟ ᱫᱤᱯᱤᱞ ᱤᱫᱤ ᱠᱟᱛᱮᱜ ᱡᱟᱦᱮᱨ ᱛᱷᱟᱱ ᱨᱮ ᱵᱚᱝᱜᱟ-ᱵᱩᱨᱩ ᱠᱳᱭ ᱥᱚᱯᱨᱚᱫ ᱟᱠᱚᱣᱟ᱾ ᱱᱚᱣᱟ ᱥᱟᱶᱛᱮ, ᱟᱛᱩ ᱨᱮᱱ ᱡᱚᱛᱚ ᱦᱚᱲ ᱛᱮ ᱠᱤᱨᱤᱧ ᱟᱠᱟᱫ ᱥᱤᱢ ᱵᱟᱝᱠᱷᱟᱱ ᱢᱮᱨᱚᱢ ᱵᱟᱝᱠᱷᱟᱱ ᱥᱩᱠᱨᱤ ᱵᱟᱝᱠᱷᱟᱱ ᱵᱷᱤᱰᱤ ᱡᱟᱦᱮᱨ ᱛᱷᱟᱱ ᱨᱮ ᱠᱳ ᱵᱚᱝᱜᱟᱭᱮᱭᱟ᱾ ᱱᱚᱣᱟ ᱚᱠᱛᱚ ᱨᱮ, ᱡᱟᱦᱮᱨ ᱛᱷᱟᱱ ᱨᱮ ᱥᱩᱢᱩᱝ ᱦᱮᱨᱮᱞ ᱠᱳ ᱜᱤ ᱠᱳ ᱛᱟᱦᱮᱱᱟ᱾ ᱵᱚᱝᱜᱟ ᱟᱠᱟᱱ ᱫᱟᱸᱲᱮ ᱥᱳᱲᱮ ᱠᱟᱛᱮᱜ ᱠᱚ ᱡᱚᱢᱟ᱾
ᱢᱟᱹᱧᱡᱽᱦᱤ ᱛᱷᱟᱱ ᱨᱮ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱦᱮᱨ ᱛᱷᱟᱱ ᱨᱮ ᱵᱚᱝᱜᱟ-ᱵᱩᱨᱩ ᱯᱩᱨᱟᱹᱣ ᱛᱟᱭᱚᱢ ᱢᱟᱹᱧᱡᱽᱦᱤ ᱵᱟᱵᱟ ᱫᱚ ᱱᱟᱭᱠᱮ ᱴᱷᱮᱱ ᱠᱷᱚᱱ ᱱᱟᱥᱮ ᱦᱩᱲᱩ ᱦᱟᱛᱟᱣ ᱠᱟᱛᱮᱜ ᱢᱟᱹᱧᱡᱽᱦᱤ ᱛᱷᱟᱱ ᱨᱮ ᱢᱟᱹᱧᱡᱽᱦᱤ ᱵᱚᱝᱜᱟ ᱧᱩᱛᱩᱢ ᱛᱮᱭ ᱵᱚᱝᱜᱟᱭᱟ᱾
ᱟᱛᱳ ᱦᱚᱲᱟᱜ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱱᱟ ᱛᱟᱭᱚᱢ ᱟᱛᱩ ᱦᱚᱲ ᱠᱳ ᱟᱠᱚᱣᱟᱜ ᱠᱷᱮᱛ ᱠᱷᱚᱱ ᱦᱩᱲᱩ ᱚᱲᱟᱜ ᱛᱮ ᱠᱳ ᱨᱟᱠᱟᱵᱟ᱾ ᱦᱲᱩ ᱤᱨ ᱞᱟᱦᱟᱨᱮ ᱪᱟᱱᱫᱚ ᱵᱟᱵᱟ ᱠᱳ ᱱᱮᱦᱚᱨ ᱟᱭᱟ᱾ ᱚᱱᱟ ᱛᱟᱭᱚᱢ, ᱢᱤᱫ ᱡᱟᱭᱜᱟ ᱨᱮ ᱛᱤᱝᱜᱩᱱ ᱠᱟᱛᱮᱜ ᱯᱮ ᱛᱚᱦᱚᱵᱽ ᱦᱩᱲᱩᱭ ᱜᱮᱫᱟ᱾ ᱚᱱᱟ ᱦᱩᱲᱩ ᱫᱤᱯᱤᱞ ᱠᱟᱛᱮᱜ ᱚᱲᱟᱜ ᱛᱮᱭ ᱟᱹᱜᱩᱭᱟ᱾ ᱚᱱᱟᱛᱮ ᱛᱟᱵᱮᱱ, ᱠᱷᱤᱨ, ᱯᱤᱴᱷᱟᱹ ᱮᱢᱟᱱ ᱛᱮᱭᱟᱜ ᱠᱳ ᱵᱮᱱᱟᱣᱟ᱾ ᱚᱱᱟᱠᱳ ᱗ ᱵᱷᱟᱹᱣᱛᱤ ᱨᱮ ᱥᱟᱯᱲᱟᱣ ᱠᱟᱛᱮᱜ ᱵᱷᱤᱛᱨᱤ ᱚᱲᱟᱜ ᱨᱮ ᱦᱟᱯᱲᱟᱢ ᱟᱨ ᱢᱟᱨᱟᱝᱵᱩᱨᱩ ᱧᱩᱛᱩᱢ ᱛᱮ ᱠᱳ ᱵᱚᱝᱜᱟᱭᱟ᱾ ᱚᱱᱟ ᱛᱟᱭᱚᱢ ᱗ ᱯᱷᱩᱸᱲᱩᱜ ᱛᱮ ᱚᱱᱠᱟ ᱜᱤ ᱦᱟᱺᱰᱤᱭ ᱪᱚᱰᱚᱨᱟ᱾ ᱪᱚᱰᱚᱨ ᱥᱟᱨᱮᱡ ᱦᱟᱺᱰᱤ ᱢᱤᱫᱼᱴᱮᱱ ᱯᱷᱩᱸᱲᱩᱜ ᱨᱮ ᱫᱩᱞ ᱡᱟᱣᱨᱟ ᱠᱟᱛᱮᱜᱼᱮ ᱧᱩᱭᱟ᱾ ᱵᱷᱟᱹᱣᱛᱤ ᱠᱷᱚᱱ ᱵᱚᱝᱜᱟ ᱟᱠᱟᱱᱟᱜ ᱫᱚ ᱮᱠᱮᱱ ᱜᱷᱟᱨᱚᱡᱽ ᱨᱮᱱ ᱦᱚᱲ ᱠᱚ ᱡᱚᱢᱟ᱾ ᱜᱷᱟᱨᱚᱡᱽ ᱵᱟᱦᱨᱮ ᱨᱮᱱ ᱦᱚᱲ ᱫᱚ ᱵᱟᱠᱚ ᱮᱢᱟᱠᱚᱣᱟ᱾
ᱵᱟᱸᱠᱷᱮᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱱᱛᱷᱟᱲ ᱵᱚᱝᱜᱟᱼᱵᱩᱨᱩ ᱨᱮ ᱡᱟᱦᱮᱨ ᱛᱷᱟᱱ, ᱢᱟᱹᱧᱡᱽᱦᱤ ᱛᱷᱟᱱ ᱟᱨ ᱚᱲᱟᱜ ᱨᱮ ᱵᱚᱝᱜᱟ ᱚᱠᱛ ᱠᱳ ᱱᱮᱦᱚᱨᱟ - ᱱᱟᱣᱟ ᱦᱩᱲᱩ ᱢᱚᱡᱽ ᱛᱮ ᱨᱟᱠᱟᱵᱚᱜ ᱢᱟ, ᱱᱟᱣᱟ ᱦᱩᱲᱩ ᱨᱮᱱᱟᱜ ᱱᱟᱣᱟ ᱪᱟᱣᱞᱮ ᱡᱚᱢ ᱠᱟᱛᱮᱜ ᱨᱩᱣᱟᱹ ᱦᱟᱥᱳ ᱠᱳ ᱟᱞᱚ ᱦᱩᱭᱩᱜ ᱢᱟ᱾
ᱯᱷᱮᱰᱮᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱤᱥᱨᱚᱲ - ᱥᱟᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ᱾
- ᱦᱚᱲ ᱠᱳᱨᱮᱱ ᱢᱟᱨᱮ ᱦᱟᱯᱲᱟᱢ ᱠᱳ ᱨᱮᱭᱟᱜ ᱠᱟᱛᱷᱟ - ᱠᱚᱞᱮᱭᱟᱱ ᱜᱩᱨᱩ᱾
- ᱥᱟᱱᱛᱟᱞ ᱥᱚᱢᱟᱡ ᱳ ᱨᱤᱛᱤᱱᱤᱛᱤ - ᱜᱟᱵᱨᱤᱭᱮᱞ ᱦᱟᱸᱥᱫᱟ᱾
- ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱱᱚᱣᱜᱟᱸ ᱡᱮᱹᱞᱟ ᱨᱮᱱᱟᱜ ᱱᱤᱭᱟᱢᱚᱛᱯᱩᱨ ᱩᱯᱚᱡᱮᱹᱞᱟ ᱨᱮᱱᱟᱜ ᱯᱩᱝᱜᱤ ᱟᱛᱩ ᱨᱮᱱᱟᱜ ᱡᱟᱱᱛᱷᱟᱲ᱾
- ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱨᱟᱡᱽᱥᱟᱦᱤ ᱡᱮᱹᱞᱟ ᱨᱮᱱᱟᱜ ᱛᱟᱱᱳᱨ ᱩᱯᱚᱡᱮᱹᱞᱟ ᱨᱮᱱᱟᱜ ᱯᱟᱪᱚᱱᱫᱚᱨ ᱟᱛᱩ ᱨᱮᱱᱟᱜ ᱡᱟᱱᱛᱷᱟᱲ᱾
- ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱱᱚᱣᱜᱟᱸ ᱡᱮᱹᱞᱟ ᱨᱮᱱᱟᱜ ᱱᱤᱭᱟᱢᱚᱛᱯᱩᱨ ᱩᱯᱚᱡᱮᱹᱞᱟ ᱨᱮᱱᱟᱜ ᱱᱮᱦᱮᱱᱫᱟ ᱟᱛᱩ ᱨᱮᱱᱟᱜ ᱡᱟᱱᱛᱷᱟᱲ᱾
- ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱫᱤᱱᱟᱩᱽᱯᱩᱨ ᱡᱮᱹᱞᱟ ᱨᱮᱱᱟᱜ ᱠᱟᱦᱟᱨᱳᱞ ᱩᱯᱡᱮᱹᱞᱟ ᱨᱮᱱᱟᱜ ᱪᱚᱠᱯᱨᱟᱱᱠᱨᱤᱥᱱᱚ ᱟᱛᱩ ᱨᱮᱱᱟᱜ ᱡᱟᱱᱛᱷᱟᱲ᱾
- ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱫᱤᱱᱟᱩᱽᱯᱩᱨ ᱡᱮᱹᱞᱟ ᱨᱮᱱᱟᱜ ᱵᱤᱨᱚᱞ ᱩᱯᱡᱮᱹᱞᱟ ᱨᱮᱱᱟᱜ ᱡᱷᱤᱱᱟᱭᱠᱩᱸᱲᱤ ᱟᱛᱩ ᱨᱮᱱᱟᱜ ᱡᱟᱱᱛᱷᱟᱲ᱾