ᱡᱟᱹᱛᱟᱱ ᱪᱤᱨ ᱩᱰᱟᱹᱣᱜ ᱦᱤᱯᱤᱲ ᱦᱤᱯᱤᱲ

ᱮᱴᱟᱜ ᱛᱟᱹᱨᱤ ᱨᱮ ᱫᱤᱥᱚᱢ ᱛᱟᱦᱮᱸ ᱠᱟᱱᱟ,

ᱫᱩᱠᱷ ᱦᱟᱞᱟᱠ ᱥᱟᱶᱨᱮ ᱛᱟᱦᱮᱸ ᱠᱟᱱᱟ,

ᱫᱤᱥᱚᱢ ᱯᱷᱩᱨᱜᱟᱹᱞ ᱮᱱᱟ ᱵᱟᱹᱱᱩᱜ ᱥᱤᱠᱤᱲ,

ᱡᱟᱹᱛᱟᱱ ᱯᱮ ᱨᱚᱝ ᱪᱤᱨ ᱦᱚᱸ ᱦᱤᱯᱤᱲ ᱦᱤᱯᱤᱲ ᱿

ᱱᱟᱦᱟᱜ ᱱᱚᱝᱠᱟᱱ ᱠᱟᱹᱢᱤ ᱱᱟᱯᱟᱭ ᱞᱟᱹᱜᱤᱫ,

ᱡᱟᱹᱛᱤ ᱱᱟᱜᱟᱢ ᱨᱮ ᱡᱤᱣᱤᱫ ᱛᱟᱦᱮᱱ ᱞᱟᱹᱜᱤᱫ,

ᱠᱟᱱᱣᱟ ᱠᱟᱱᱛᱟᱢ ᱠᱟᱹᱢᱤᱢ ᱵᱟᱹᱱᱩᱜ ᱥᱤᱠᱤᱲ,

ᱡᱟᱹᱛᱟᱱ ᱯᱮ ᱨᱚᱝ ᱪᱤᱨ ᱦᱚᱸ ᱦᱤᱯᱤᱲ ᱦᱤᱯᱤᱲ ᱿

ᱨᱮᱸᱜᱮᱡ ᱛᱮᱛᱟᱝ ᱱᱟᱦᱟᱜ ᱵᱟᱹᱱᱩᱜ ᱛᱟᱦᱮᱱ,

ᱡᱟᱹᱛᱤ ᱡᱤᱛᱠᱟᱹᱨ ᱞᱟᱹᱜᱤᱫ ᱢᱚᱱ ᱫᱚ ᱛᱟᱦᱮᱱ,

ᱥᱤᱧᱚᱛ ᱥᱟᱨᱦᱟᱣ ᱚᱠᱨᱟᱲ ᱵᱟᱹᱱᱩᱜ ᱥᱤᱠᱤᱲ,

ᱡᱟᱹᱛᱟᱱ ᱯᱮ ᱨᱚᱝ ᱪᱤᱨ ᱦᱚᱸ ᱦᱤᱯᱤᱲ ᱦᱤᱯᱤᱲ ᱿

ᱡᱚᱛᱚ ᱵᱚᱭᱦᱟ ᱟᱵᱚ ᱵᱟᱹᱱᱩᱜ ᱠᱚᱣᱟᱱ ᱪᱷᱤᱭᱟᱱ,

ᱥᱟᱱᱟᱢ ᱱᱟᱯᱟᱭ ᱞᱟᱹᱜᱤᱫ ᱟᱵᱚ ᱨᱤᱱᱠᱚ ᱪᱤᱭᱟᱱ,

ᱡᱚᱲᱛᱮ ᱟᱯᱱᱟᱨ ᱠᱟᱠᱚ ᱵᱚᱛᱚᱨ ᱵᱟᱹᱱᱩᱜ ᱥᱤᱠᱤᱲ,

ᱡᱟᱹᱛᱟᱱ ᱯᱮ ᱨᱚᱝ ᱪᱤᱨ ᱦᱚᱸ ᱦᱤᱯᱤᱲ ᱦᱤᱯᱤᱲ ᱿

ᱫᱤᱥᱚᱢ ᱨᱮ ᱵᱮᱱᱟᱣ ᱟᱵᱚ ᱠᱟᱹᱨᱜᱟᱲ ᱟᱹᱰᱤᱜᱟᱱ,

ᱡᱮᱢᱚᱱ ᱵᱮᱱᱟᱣ ᱟᱵᱚ ᱱᱟᱱᱟ ᱦᱩᱱᱟᱹᱨ ᱟᱹᱰᱤᱜᱟᱱ,

ᱵᱮᱱᱟᱣᱟᱜ ᱟᱠᱚ ᱵᱟᱵᱚᱦᱤ ᱵᱚᱛᱚᱨ ᱵᱟᱹᱱᱩᱜ ᱥᱤᱠᱤᱲ, ᱡᱟᱹᱛᱟᱱ ᱯᱮ ᱨᱚᱝ ᱪᱤᱨ ᱦᱚᱸ ᱦᱤᱯᱤᱲ ᱦᱤᱯᱤᱲ ᱿

ᱛᱩᱢᱟᱹᱞ-ᱢᱚᱬᱮ ᱪᱟᱱᱟᱪ ᱯᱚᱛᱚᱵ ᱾

ᱯᱚᱛᱚᱵ ᱧᱩᱛᱩᱢ - ᱯᱟᱹᱨᱥᱤ ᱵᱟᱦᱟ ᱾

ᱯᱟᱨᱥᱟᱞ ᱠᱮᱫᱤᱡ - ᱳᱰᱤᱥᱟ ᱥᱚᱨᱠᱟᱨ ᱾