ᱡᱩᱵᱮᱫᱟ ᱨᱟᱦᱤᱢᱛᱩᱞᱟ

ᱡᱩᱵᱮᱫᱟ ᱦᱟᱵᱤᱵᱽ ᱨᱟᱦᱤᱢᱛᱩᱞᱟ (᱑᱒ ᱚᱜᱚᱥᱴ ᱑᱙᱑᱗ – ᱕ ᱡᱩᱞᱟᱭ ᱒᱐᱑᱕), ᱡᱟᱱᱟᱢ ᱡᱩᱵᱮᱫᱟ ᱥᱩᱞᱛᱟᱱ ᱪᱤᱱᱚᱭ ᱵᱳᱢᱵᱮ ᱨᱮ ᱢᱤᱫ ᱮᱠᱴᱤᱵᱷᱤᱥᱴ ᱟᱨ ᱥᱟᱶᱛᱟᱨᱤ ᱠᱟᱹᱢᱤᱭᱟᱹ ᱢᱩᱬ ᱞᱮᱠᱟᱛᱮ ᱠᱟᱨᱟᱪᱤ ᱠᱷᱚᱱ ᱵᱟᱦᱨᱮ ᱨᱮ ᱛᱟᱦᱮᱸ ᱠᱟᱱᱟ ᱾^[᱑] ᱩᱱᱤ ᱫᱚ ᱭᱩ.ᱠᱮ. ᱨᱮ ᱚᱞ-ᱤᱱᱰᱤᱭᱟ ᱢᱩᱥᱞᱤᱢ ᱞᱤᱜᱽ ᱨᱤᱱᱤᱡ ᱯᱨᱮᱥᱤᱰᱮᱱᱴ ᱟᱨ ᱚᱞ ᱯᱟᱠᱤᱥᱛᱟᱱ ᱛᱤᱨᱞᱟᱹ ᱠᱚᱣᱟᱜ ᱮᱥᱚᱥᱤᱭᱮᱥᱚᱱ ᱨᱤᱱᱤᱡ ᱛᱷᱟᱯᱚᱱᱤᱭᱟᱹ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱨᱮᱥᱤᱰᱮᱱᱴ ᱟᱭᱩᱵᱽ ᱠᱷᱟᱱ ᱦᱚᱛᱮᱛᱮ ᱟᱡᱟᱜ ᱥᱟᱨᱵᱷᱤᱥ ᱞᱟᱹᱜᱤᱫ ᱥᱤᱛᱟᱨᱟ-ᱮ-ᱠᱷᱤᱫᱽᱢᱚᱛ (ᱥᱟᱨᱵᱷᱤᱥ ᱨᱮᱱᱟᱜ ᱤᱥᱴᱟᱨ) ᱛᱮᱠᱚ ᱥᱟᱨᱦᱟᱣ ᱠᱮᱫᱮᱭᱟ ᱾

ᱱᱤᱡᱮᱨ ᱡᱤᱭᱚᱱ

ᱡᱩᱵᱮᱫᱟ ᱪᱤᱱᱚᱭ ᱫᱚ ᱑᱙᱓᱕ ᱥᱟᱞᱮ ᱨᱮ ᱦᱟᱵᱤᱵᱽ ᱨᱟᱦᱤᱢᱛᱩᱞᱟ ᱥᱟᱶ ᱮ ᱵᱟᱯᱞᱟ ᱮᱱᱟ ᱾^[᱒] ᱚᱱᱟ ᱯᱚᱭᱮᱱᱴ ᱠᱷᱚᱱ ᱩᱱᱤ ᱫᱚ ᱵᱨᱤᱴᱤᱥ ᱥᱤᱧᱚᱛ ᱨᱮ ᱢᱩᱥᱞᱤᱢ ᱛᱤᱨᱞᱟᱹ ᱠᱚ ᱜᱚᱲᱚ ᱮᱢ ᱞᱟᱹᱜᱤᱫ ᱢᱤᱫ ᱮᱠᱴᱤᱵᱷ ᱥᱟᱶᱛᱟᱨᱤ ᱵᱷᱟᱹᱞᱟᱹᱭ ᱥᱟᱢᱟᱝ ᱮ ᱦᱟᱛᱟᱣ ᱠᱮᱫᱟ, ᱚᱱᱟ ᱛᱟᱭᱚᱢ ᱯᱟᱠᱤᱥᱛᱟᱱ ᱵᱮᱱᱟᱣ ᱛᱟᱭᱚᱢ ᱢᱩᱬ ᱞᱮᱠᱟᱛᱮ ᱥᱮᱪᱮᱫ ᱨᱮ ᱟᱹᱪᱩᱨᱚᱜ ᱠᱟᱱ ᱟᱭᱢᱟ ᱜᱟᱱ ᱛᱤᱨᱞᱟᱹ ᱩᱛᱱᱟᱹᱣ ᱯᱨᱚᱡᱮᱠᱴ ᱦᱩᱭ ᱞᱮᱱᱟ ᱾

ᱜᱷᱟᱨᱚᱸᱡᱽ ᱥᱟᱢᱟᱝ ᱨᱮ, ᱡᱩᱵᱮᱫᱟ ᱨᱟᱦᱤᱢᱛᱩᱞᱟ ᱨᱤᱱ ᱵᱟᱵᱟ ᱥᱩᱞᱛᱟᱱ ᱪᱤᱱᱚᱭ ᱫᱚ ᱢᱤᱫ ᱵᱮᱯᱟᱨᱤ ᱮ ᱛᱟᱦᱮᱸ ᱠᱟᱱᱟ ᱟᱨ ᱵᱳᱢᱵᱮ ᱨᱤᱱ ᱢᱮᱭᱚᱨ ᱮ ᱛᱟᱦᱮᱸ ᱠᱟᱱᱟ [᱑᱙᱓᱘-᱓᱙] ᱾ ᱦᱟᱵᱤᱵᱽ ᱤᱵᱽᱨᱟᱦᱤᱢ ᱨᱟᱦᱤᱢᱛᱩᱞᱟ ᱥᱟᱶ ᱟᱡᱟᱜ ᱵᱟᱯᱞᱟ ᱠᱷᱚᱱ ᱯᱮᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ ᱚᱱᱟ ᱫᱚ ᱵᱟᱨᱭᱟ ᱠᱚᱲᱟ ᱟᱨ ᱢᱤᱫ ᱠᱩᱲᱤ ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱠᱟᱹᱢᱤ

ᱩᱱᱤ ᱫᱚ ᱥᱟᱹᱭᱤᱫᱽ ᱚᱯᱷ ᱡᱤᱥᱟᱥ ᱮᱸᱰ ᱢᱮᱨᱤ, ᱵᱳᱢᱵᱮ (ᱱᱤᱛᱚᱜ ᱚᱠᱛᱚ ᱨᱮᱱᱟᱜ ᱢᱩᱢᱵᱟᱭ) ᱨᱮ ᱮᱛᱚᱦᱚᱵ ᱥᱮᱪᱮᱫ ᱮ ᱧᱟᱢ ᱠᱮᱫᱟ, ᱚᱱᱟ ᱛᱟᱭᱚᱢ ᱠᱩᱭᱤᱱ ᱢᱮᱨᱤ ᱨᱮᱱᱟᱜ ᱥᱠᱩᱞ ᱨᱮ ᱢᱮᱴᱨᱤᱠᱩᱞᱮᱥᱚᱱ ᱦᱩᱭ ᱮᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱮᱞᱯᱷᱤᱱᱥᱴᱚᱱ ᱠᱚᱞᱮᱡᱽ ᱨᱮ ᱥᱮᱞᱮᱫ ᱮᱱᱟ ᱡᱟᱦᱟᱸ ᱨᱮ ᱩᱱᱤ ᱫᱚ ᱵᱮᱪᱮᱞᱚᱨ ᱚᱯᱷ ᱟᱨᱴᱥ ᱰᱤᱜᱽᱨᱤ ᱮ ᱦᱟᱛᱟᱣ ᱠᱮᱫᱟ ᱾

ᱡᱩᱵᱮᱫᱟ ᱨᱟᱦᱤᱢᱛᱩᱞᱟ ᱫᱚ ᱚᱞ ᱯᱟᱠᱤᱥᱛᱟᱱ ᱛᱤᱨᱞᱟᱹ ᱠᱚᱣᱟᱜ ᱮᱥᱚᱥᱤᱭᱮᱥᱚᱱ (APWA) ᱨᱤᱱ ᱛᱷᱟᱯᱚᱱᱤᱭᱟᱹ ᱥᱚᱦᱮᱫ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱪᱮᱫᱟᱜ ᱥᱮ ᱩᱱᱤ ᱫᱚ ᱑᱙᱔᱗ ᱨᱮ ᱦᱟᱹᱴᱤᱧ ᱨᱮ ᱭᱩᱱᱟᱭᱴᱮᱰ ᱠᱤᱝᱰᱚᱢ ᱨᱮ ᱛᱟᱦᱮᱸ ᱠᱟᱱᱟ, ᱚᱱᱟ ᱞᱟᱹᱜᱤᱫ ᱩᱱᱤ ᱫᱚ APWA ᱭᱩ.ᱠᱮ. ᱨᱤᱱᱤᱡ ᱯᱩᱭᱞᱩ ᱯᱨᱮᱥᱤᱰᱮᱱᱴ ᱮ ᱵᱮᱱᱟᱣ ᱮᱱᱟ ᱾ ᱑᱙᱔᱗ ᱥᱟᱞᱮ ᱨᱮ ᱯᱟᱠᱤᱥᱛᱟᱱ ᱯᱷᱩᱨᱜᱟᱹᱞ ᱛᱟᱭᱚᱢ ᱩᱱᱤ ᱫᱚ ᱭᱩᱱᱟᱭᱴᱮᱰ ᱠᱤᱝᱰᱚᱢ ᱨᱮ ᱡᱤᱱᱟᱦᱟᱜ ᱚᱞ-ᱤᱱᱰᱤᱭᱟ ᱢᱩᱥᱞᱤᱢ ᱞᱤᱜᱽ ᱨᱤᱱᱤᱡ ᱯᱩᱭᱞᱩ ᱯᱨᱮᱥᱤᱰᱮᱱᱴ ᱮ ᱛᱟᱦᱮᱸ ᱠᱟᱱᱟ ᱾

ᱩᱱᱤ ᱫᱚ ᱑᱙᱕᱓ ᱥᱟᱞᱮ ᱨᱮ ᱯᱟᱠᱤᱥᱛᱟᱱ ᱮ ᱨᱩᱣᱟᱹᱲ ᱮᱱᱟ ᱟᱨ APWA ᱥᱟᱶ ᱟᱡᱟᱜ ᱠᱟᱹᱢᱤ ᱮ ᱪᱟᱞᱟᱣ ᱫᱚᱦᱚ ᱠᱮᱫᱟ ᱾ ᱩᱱᱤ ᱫᱚ ᱟᱯᱷᱨᱳ-ᱮᱥᱤᱭᱟ ᱠᱚᱱᱯᱷᱚᱨᱮᱱᱥ ᱟᱨ ᱪᱤᱱ ᱨᱮ ᱥᱚᱝᱜᱚᱴᱷᱚᱱ ᱨᱮᱱᱟᱜ ᱟᱭᱢᱟ ᱰᱮᱞᱤᱜᱮᱥᱚᱱ ᱮ ᱟᱹᱭᱩᱨ ᱠᱮᱫᱟ ᱾ ᱡᱩᱵᱮᱫᱟ ᱫᱚ ᱥᱤᱱᱫᱷ APWA (᱑᱙᱕᱓-᱕᱔) ᱨᱤᱱᱤᱡ ᱯᱨᱮᱥᱤᱰᱮᱱᱴ ᱮ ᱛᱟᱦᱮᱸ ᱠᱟᱱᱟ - ᱛᱟᱭᱚᱢ ᱛᱮ ᱩᱱᱤ ᱫᱚ ᱵᱟᱭᱤᱥ ᱯᱨᱮᱥᱤᱰᱮᱱᱴ APWA ᱱᱮᱥᱱᱟᱞ (᱑᱙᱕᱕-᱕᱘) ᱮ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱪᱮᱭᱟᱨᱢᱮᱱ APWA ᱠᱳᱴᱮᱡ ᱤᱱᱰᱟᱥᱴᱨᱤ (᱑᱙᱕᱖-᱗᱔) ᱨᱮᱱᱟᱜ ᱯᱚᱫᱽ ᱦᱚᱸ ᱮ ᱦᱟᱛᱟᱣ ᱠᱮᱫᱟ ᱾ ᱢᱩᱪᱟᱹᱫ ᱨᱮ ᱩᱱᱤ ᱫᱚ ᱪᱮᱭᱟᱨᱢᱮᱱ, ᱠᱟᱨᱟᱪᱤ APWA (᱑᱙᱙᱑-᱙᱗) ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱠᱟᱨᱟᱪᱤ ᱨᱮ ᱯᱟᱠᱤᱥᱛᱟᱱ ᱟᱢᱮᱨᱤᱠᱟᱱ ᱠᱚᱞᱪᱚᱨᱟᱞ ᱥᱮᱱᱴᱟᱨ ᱨᱮ ᱥᱮᱠᱨᱮᱴᱟᱨᱤ ᱨᱮᱱᱟᱜ ᱯᱚᱫᱽ ᱦᱚᱸ ᱮ ᱦᱟᱛᱟᱣ ᱠᱮᱫᱟ ᱾^[᱓]^[᱔]

ᱥᱤᱨᱯᱷᱟᱹ

ᱵᱮᱜᱚᱢ ᱨᱟᱦᱤᱢᱛᱩᱞᱟ ᱫᱚ ᱑᱙᱖᱐ ᱥᱟᱞᱮ ᱨᱮ ᱯᱟᱠᱤᱥᱛᱟᱱ ᱨᱤᱱ ᱯᱨᱮᱥᱤᱰᱮᱱᱴ ᱟᱭᱩᱵᱽ ᱠᱷᱟᱱ ᱦᱚᱛᱮᱛᱮ ᱥᱤᱛᱟᱨᱟ-ᱮ-ᱠᱷᱤᱫᱽᱢᱟᱛ (ᱥᱟᱨᱵᱷᱤᱥ ᱨᱮᱱᱟᱜ ᱤᱥᱴᱟᱨ) ᱛᱮᱠᱚ ᱥᱟᱨᱦᱟᱣ ᱠᱮᱫᱮᱭᱟ ᱯᱟᱠᱤᱥᱛᱟᱱ ᱨᱮ ᱛᱤᱨᱞᱟᱹ ᱠᱚᱣᱟᱜ ᱥᱚᱝᱜᱚᱴᱷᱚᱱ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱟᱨ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱥᱮᱞᱮᱫ ᱠᱟᱛᱮ 'ᱣᱮᱥᱴ ᱯᱟᱠᱤᱥᱛᱟᱱ ᱯᱷᱮᱢᱤᱞᱤ ᱞᱳᱥ' ᱪᱮᱛᱟᱱ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱾

ᱜᱩᱨ

ᱡᱩᱵᱮᱫᱟ ᱦᱟᱵᱤᱵᱽ ᱨᱟᱦᱤᱢᱛᱩᱞᱟ ᱕ ᱡᱩᱞᱟᱭ ᱒᱐᱑᱕ ᱨᱮ ᱙᱗ ᱵᱚᱪᱷᱚᱨ ᱩᱢᱮᱨ ᱨᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱠᱟᱨᱟᱪᱤ ᱨᱮ ᱜᱩᱨ ᱮᱱᱟᱭ ᱾^[᱕]

ᱥᱟᱹᱠᱷᱭᱟᱹᱛ

↑ "The Queen of Hearts: Zubeida Habib Rahimtoola". The Express Tribune (newspaper). 19 July 2015. Retrieved 19 January 2020.
↑ "Zubeida Rahimtoola - From The Herald archives". Herald Scotland. 14 December 2001. Retrieved 20 January 2020.
↑ "Pakistan American Cultural Center (PACC) founding members". Pakistan American Cultural Center (PACC) website. Retrieved 19 January 2020.
↑ Zarina Patel (14 August 2019). "The unsung heroes of Pakistan Movement". Business Recorder (newspaper). Retrieved 19 January 2020.
↑ "Begum Zubeida Habib passes away". Dawn (newspaper). 8 July 2015. Retrieved 19 January 2020.

ᱵᱟᱦᱨᱮ ᱡᱚᱱᱚᱲ

[ET-1] "The Queen of Hearts: Zubeida Habib Rahimtoola". The Express Tribune (newspaper). 19 July 2015. Retrieved 19 January 2020.

[2] "Zubeida Rahimtoola - From The Herald archives". Herald Scotland. 14 December 2001. Retrieved 20 January 2020.

[3] "Pakistan American Cultural Center (PACC) founding members". Pakistan American Cultural Center (PACC) website. Retrieved 19 January 2020.

[BR-4] Zarina Patel (14 August 2019). "The unsung heroes of Pakistan Movement". Business Recorder (newspaper). Retrieved 19 January 2020.

[dawn-5] "Begum Zubeida Habib passes away". Dawn (newspaper). 8 July 2015. Retrieved 19 January 2020.

[᱑]

[᱒]

[᱓]

[᱔]

[᱕]