ᱡᱭᱳᱛᱤ ᱦᱮᱜᱽᱲᱮ
| ᱡᱭᱳᱛᱤ ᱦᱮᱜᱽᱲᱮ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Sirsi, Karnataka |
| ᱠᱟᱹᱢᱤ | Musician |
| ᱡᱤᱭᱚᱱ ᱥᱚᱦᱮᱫ | G.H. Hegde |
| ᱦᱚᱯᱚᱱ | 1 |
| Musical career | |
| ᱡᱮᱱᱨᱮᱥ | |
| ᱵᱟᱡᱽᱱᱟ | |
| ᱞᱮᱵᱮᱞ | ASA Music (2012) |
| ᱣᱮᱵᱽᱥᱟᱭᱤᱴ | http://www.jyotihegde.com |
ᱡᱭᱳᱛᱤ ᱦᱮᱜᱽᱲᱮ ᱨᱩᱫᱽᱨᱚ ᱣᱤᱬᱟ ᱟᱨ ᱠᱷᱚᱸᱰᱟᱨᱵᱥᱱᱤ ᱜᱷᱚᱨᱟᱱᱮ ᱨᱤᱱᱤᱡ ᱢᱤᱫ ᱥᱤᱛᱟᱨ ᱵᱟᱡᱟᱣ ᱯᱟᱯᱟᱴᱤᱭᱟᱹᱭ ᱠᱚᱞᱟᱠᱟᱨ ᱮ ᱛᱟᱦᱮᱸᱜ ᱠᱟᱱᱟᱭ ᱾[᱑] ᱩᱱᱤ ᱫᱚ ᱑᱒ ᱥᱮᱨᱢᱟ ᱠᱷᱚᱱ ᱜᱮ ᱵᱟᱡᱟᱣ ᱮ ᱪᱮᱫ ᱠᱮᱫᱟᱭ ᱟᱨ ᱫᱷᱟᱨᱣᱟᱲ ᱨᱮᱱᱟᱜ ᱠᱚᱨᱱᱟᱴᱚᱠ ᱨᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱟᱡᱟᱣ ᱨᱮ ᱯᱚᱨᱟᱥᱱᱟᱛᱚᱠ ᱞᱮᱫ ᱟᱭ᱾ ᱵᱤᱫᱩᱥᱤ ᱡᱭᱳᱛᱤ ᱦᱮᱜᱽᱲᱮ ᱡᱮᱜᱮᱛ ᱨᱮ ᱨᱩᱫᱽᱨᱚ ᱣᱤᱬᱟ ᱨᱮᱱᱟᱜ ᱯᱩᱭᱞᱩ ᱟᱨ ᱢᱤᱫ ᱜᱮ ᱥᱩᱢᱩᱝ ᱛᱤᱨᱞᱟᱹ ᱣᱟᱫᱚᱠ ᱵᱟᱡᱟᱣᱤᱡ ᱮ ᱛᱟᱦᱮᱸᱜ ᱠᱟᱱᱟᱭ ᱾ ᱩᱱᱤ ᱫᱚ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱥᱟᱶ ᱨᱩᱫᱽᱨᱚ ᱣᱤᱬᱟ ᱟᱨ ᱥᱤᱛᱟᱨ ᱨᱮᱱᱟᱜ ᱜᱨᱮᱴ ᱮ ᱚᱨᱴᱡᱥᱴ ᱠᱟᱱᱟᱭ ᱟᱨ ᱫᱤᱱᱟᱹᱢ ᱞᱮᱠᱟ ᱜᱮ ᱥᱮᱨᱮᱧ ᱥᱟᱶ ᱵᱟᱡᱟᱣ ᱟᱭᱢᱟ ᱜᱟᱱ ᱯᱨᱚᱜᱨᱟᱢ ᱞᱟᱹᱜᱤᱫ ᱛᱮᱭ ᱵᱟᱰᱟᱭᱚᱜ ᱠᱟᱱᱟᱭ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱭᱳᱛᱤ ᱦᱮᱜᱽᱲᱮ ᱦᱟᱜ ᱡᱟᱱᱟᱢ ᱟᱨ ᱦᱟᱨᱟ - ᱵᱳᱨᱳ ᱫᱚ ᱥᱤᱨᱥᱤ ᱨᱮ ᱦᱩᱭ ᱟᱠᱟᱱ ᱛᱟᱭᱟ ᱾ ᱡᱟᱦᱟᱸ ᱫᱚ ᱠᱚᱨᱱᱟᱴᱚᱠ ᱨᱮᱱᱟᱜ ᱮᱛᱚᱢ ᱠᱚᱱᱱᱚᱲ ᱦᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱡᱚᱠᱷᱚᱱ ᱩᱱᱤ ᱑᱒ ᱥᱮᱨᱢᱟ ᱩᱢᱮᱨ ᱨᱮᱱ ᱮ ᱛᱟᱦᱮᱸᱜ ᱠᱟᱱᱟᱭ ᱛᱚᱠᱷᱚᱱ ᱩᱱᱤ ᱟᱡ ᱵᱟᱡᱟᱣ ᱠᱚᱭ ᱪᱮᱫᱚᱜ ᱮ ᱮᱦᱚᱵ ᱞᱮᱫᱟᱭ᱾ ᱑᱖ ᱥᱮᱨᱢᱟ ᱩᱢᱮᱨ ᱨᱮᱱᱟᱜ ᱛᱟᱲᱟᱢ ᱰᱟᱦᱟᱨ ᱨᱮ ᱨᱩᱫᱽᱨᱚ ᱣᱤᱬᱟ ᱨᱮᱱᱟᱜ ᱪᱮᱫᱚᱜ ᱮ ᱮᱦᱚᱵ ᱮᱱᱟᱭ ᱾ ᱩᱱᱤᱭᱟᱜ ᱵᱟᱯᱞᱟ ᱡᱤ ᱮᱥ ᱦᱮᱜᱽᱲᱮ ᱥᱟᱶ ᱦᱩᱭ ᱞᱮᱱ ᱛᱟᱭᱟ ᱟᱨ ᱩᱱᱤ ᱨᱮᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱭ ᱛᱟᱭᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱮᱨᱮᱧ ᱵᱟᱡᱟᱣ ᱨᱮ ᱡᱭᱳᱛᱤ ᱦᱟᱜ ᱥᱮᱪᱮᱫ ᱫᱚ ᱑᱖ ᱥᱮᱨᱢᱟ ᱩᱢᱮᱨ ᱨᱮ ᱯᱚᱸᱰᱮᱛ ᱜᱩᱨ ᱟᱠᱟᱱ ᱵᱤᱸᱫᱩ ᱢᱟᱫᱷᱚᱣ ᱯᱟᱴᱷᱚᱠ ᱦᱟᱜ ᱛᱟᱲᱟᱢ ᱰᱟᱦᱟᱨ ᱨᱮᱭ ᱮᱦᱚᱵ ᱞᱮᱫ ᱟᱭ ᱾ ᱨᱩᱫᱽᱨᱚ ᱣᱤᱬᱟ ᱟᱨ ᱥᱤᱛᱟᱨ ᱨᱮ ᱑᱕ ᱥᱮᱨᱢᱟ ᱛᱟᱭᱚᱢ ᱢᱮᱭᱨᱟ ᱛᱷᱟᱱ ᱥᱮᱪᱮᱫ ᱨᱮ ᱩᱛᱠᱨᱤᱥᱴᱟ ᱞᱟᱹᱜᱤᱫ ᱛᱮ ᱩᱱᱤᱭᱟᱜ ᱛᱮᱛᱟᱝ ᱵᱟᱲᱦᱟᱣ ᱮᱱᱟ ᱟᱨ ᱩᱱᱤ ᱫᱚ ᱯᱚᱸᱰᱮᱛ ᱤᱸᱫᱩᱫᱷᱚᱨ ᱱᱤᱨᱚᱫᱤ ᱥᱟᱶ ᱫᱷᱩᱨᱣᱚᱯᱚᱫᱽ ᱥᱮᱭᱞᱤ ᱨᱮ ᱛᱟᱦᱮᱸ ᱮᱱᱟᱭ ᱾ ᱩᱱᱤ ᱫᱚ ᱨᱩᱫᱽᱨᱚ ᱣᱤᱬᱟ ᱨᱮ ᱱᱭᱩ ᱫᱤᱞᱞᱤ ᱨᱮᱱᱟᱜ ᱵᱟᱰᱟᱭᱤᱡ ᱨᱩᱫᱽᱨᱚ ᱣᱤᱬᱟ ᱢᱟᱥᱴᱚᱨ ᱩᱥᱛᱚᱫᱽ ᱟᱥᱚᱫᱽ ᱚᱞᱤ ᱠᱷᱟᱱ ᱟᱨ ᱢᱩᱢᱵᱟᱭ ᱨᱮᱱ ᱩᱥᱛᱚᱫᱽ ᱵᱟᱦᱟᱩᱫᱤᱱ ᱰᱟᱜᱚᱨ ᱥᱮᱡ ᱠᱷᱚᱱ ᱛᱟᱲᱟᱢ ᱰᱟᱦᱟᱨ ᱮ ᱧᱟᱢ ᱠᱮᱫ ᱟᱭ ᱾ ᱜᱩᱨᱩ - ᱪᱮᱠᱟ ᱟᱹᱨᱤᱪᱟᱹᱞᱤ ᱩᱱᱤᱭᱟᱜ ᱦᱚᱛᱮᱛᱮ ᱩᱱᱤᱭᱟᱜ ᱦᱩᱱᱟᱹᱨ ᱨᱮ ᱥᱟᱱᱟᱢ ᱥᱨᱚᱸᱫᱷᱟᱡᱟᱞᱤ ᱨᱮᱱᱟᱜ ᱨᱩᱯ ᱨᱮ ᱡᱟᱦᱟᱸ ᱦᱩᱱᱟᱹᱨ ᱨᱮ ᱩᱱᱤ ᱫᱚ ᱢᱚᱦᱟᱨᱚᱛ ᱮ ᱧᱟᱢ ᱞᱮᱫ ᱟᱭ᱾ ᱵᱤᱫᱩᱥᱤ ᱡᱽᱭᱳᱛᱤ ᱦᱮᱜᱽᱲᱮ ᱫᱚ ᱯᱩᱭᱞᱩ ᱟᱨ ᱥᱩᱢᱩᱝ ᱛᱤᱨᱞᱟᱹ ᱨᱤᱱᱤᱡ ᱫᱚ ᱨᱩᱫᱽᱨᱚ ᱣᱤᱬᱟ ᱨᱤᱱᱤᱡ ᱠᱷᱤᱞᱚᱱᱰᱤᱭ ᱵᱟᱡᱟᱣᱤᱡ ᱡᱮᱜᱮᱛ ᱡᱟᱠᱟᱛ ᱨᱮ ᱱᱩᱭ ᱮ ᱛᱟᱦᱮᱸᱜ ᱠᱟᱱᱟᱭ ᱾
ᱥᱤᱨᱯᱷᱟᱹ ᱟᱨ ᱩᱯᱩᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱭᱳᱛᱤ ᱦᱮᱜᱽᱲᱮ ᱫᱚ ᱟᱭᱢᱟ ᱜᱟᱱ ᱚᱣᱟᱨᱰ ᱮ ᱡᱤᱛᱠᱟᱹᱨ ᱟᱠᱟᱱᱟᱭ ᱡᱮᱞᱮᱠᱟ ᱱᱤᱫᱷᱤ ᱚᱣᱟᱨᱰ, ᱠᱟᱞᱟ ᱪᱮᱛᱱᱟ ᱟᱨ ᱫᱷᱨᱩᱯᱟᱫᱽᱢᱟᱱᱤ ᱾[᱒]
ᱰᱤᱥᱠᱚ ᱜᱨᱟᱯᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱨᱮᱭᱟᱨ ᱤᱱᱥᱴᱨᱩᱢᱮᱴᱥ - ᱨᱩᱫᱽᱨᱚ ᱣᱤᱬᱟ (Rare Instruments - Rudra Veena) (ASA Music, 2012)[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Jyoti Hegde Biography". Retrieved 2014-06-01.
- ↑ "Jyoti Hegde Profile" (PDF). Archived from the original (PDF) on 2014-06-05. Retrieved 2014-06-01.
- ↑ "Rare Instruments - Rudra Veena". Archived from the original on 2014-06-02. Retrieved 2014-06-01.