Jump to content

ᱡᱮᱜᱮᱛᱟᱹᱨᱤ ᱢᱚᱱᱮ ᱥᱟᱶᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱡᱮᱜᱮᱛᱟᱹᱨᱤ ᱢᱚᱱᱮ ᱥᱟᱶᱟᱨ ᱫᱚ "ᱯᱟᱲᱦᱟᱣ, ᱠᱷᱚᱸᱫᱽᱨᱚᱱ ᱟᱨ ᱠᱟᱹᱢᱤᱦᱚᱨᱟ ᱨᱮᱭᱟᱜ ᱚᱱᱟ ᱴᱚᱴᱷᱟ ᱠᱟᱱᱟ ᱡᱟᱦᱟᱸ ᱫᱚ ᱜᱚᱴᱟ ᱫᱷᱟᱹᱨᱛᱤ ᱨᱮᱱ ᱥᱟᱱᱟᱢ ᱦᱚᱲ ᱠᱚ ᱞᱟᱹᱜᱤᱫ ᱢᱚᱱᱮ ᱥᱟᱶᱟᱨ ᱩᱛᱱᱟᱹᱣ ᱟᱨ ᱢᱚᱱᱮ ᱥᱟᱶᱟᱨ ᱨᱮ ᱥᱚᱢᱟᱱ ᱦᱟᱢᱮᱴ ᱪᱮᱛᱟᱱ ᱨᱮ ᱯᱩᱭᱞᱩ ᱫᱷᱮᱭᱟᱱ ᱮ ᱮᱢᱚᱜᱼᱟ᱾"[᱑] ᱱᱚᱶᱟ ᱴᱚᱴᱷᱟ ᱫᱚ ᱜᱚᱴᱟ ᱫᱷᱟᱹᱨᱛᱤ ᱨᱮ ᱢᱚᱱᱮ ᱥᱟᱶᱟᱨ ᱟᱡᱟᱨ ᱨᱮᱭᱟᱜ ᱴᱮᱠᱟᱣ ᱫᱟᱨᱟᱢ, ᱡᱚᱛᱚᱱ ᱟᱨ ᱛᱤᱠᱤᱪᱷᱟ ᱩᱛᱱᱟᱹᱣ ᱥᱟᱶᱛᱮ, ᱱᱚᱝᱠᱟᱱ ᱟᱡᱟᱨ ᱥᱟᱶ ᱡᱤᱭᱚᱱ ᱠᱷᱟᱸᱰᱟᱣᱮᱫ ᱠᱟᱱ ᱦᱚᱲ ᱠᱚᱣᱟᱜ ᱡᱤᱭᱚᱱ ᱨᱮᱭᱟᱜ ᱜᱩᱱ ᱩᱛᱱᱟᱹᱣ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢᱚᱜᱼᱟ᱾[᱒] ᱱᱚᱶᱟ ᱫᱚ ᱟᱭᱢᱟ ᱫᱷᱟᱣ ᱚᱱᱟ ᱦᱚᱲ ᱠᱚ ᱪᱮᱛᱟᱱ ᱨᱮ ᱡᱳᱨ ᱮᱢᱚᱜᱼᱟ ᱡᱟᱦᱟᱸᱭ ᱫᱚ ᱠᱚᱢ-ᱩᱯᱟᱹᱭ ᱴᱷᱟᱶ ᱠᱚᱨᱮ ᱠᱚ ᱛᱟᱦᱮᱸᱱᱟ ᱟᱨ ᱢᱚᱱᱮ ᱥᱟᱶᱟᱨ ᱛᱤᱠᱤᱪᱷᱟ ᱟᱹᱰᱤ ᱠᱚᱢ ᱠᱚ ᱧᱟᱢᱟ᱾ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱡᱮᱜᱮᱛᱟᱹᱨᱤ ᱥᱟᱶᱟᱨ ᱞᱮᱠᱟ ᱜᱮ,[᱓] ᱡᱮᱜᱮᱛᱟᱹᱨᱤ ᱢᱚᱱᱮ ᱥᱟᱶᱟᱨ ᱫᱚ ᱢᱤᱫ ᱱᱟᱶᱟ-ᱩᱯᱚᱱᱤᱵᱮᱥᱤᱠ ᱥᱮ "ᱢᱤᱥᱚᱱᱟᱨᱤ" ᱯᱨᱚᱡᱮᱠᱴ ᱞᱮᱠᱟᱛᱮ ᱥᱟᱢᱟᱞᱚᱪᱚᱱᱟ ᱦᱩᱭ ᱟᱠᱟᱱᱟ᱾[᱔][᱕][᱖][᱗][᱘][᱙] ᱢᱟᱹᱱᱢᱤᱭᱟᱜ ᱟᱹᱱᱟᱹᱭᱠᱟᱹᱣ ᱟᱨ ᱛᱤᱠᱤᱪᱷᱟ ᱨᱮᱭᱟᱜ ᱢᱮᱰᱤᱠᱟᱞᱟᱭᱡᱮᱥᱚᱱ ᱫᱚ ᱴᱚᱴᱷᱟᱠᱤᱭᱟᱹ ᱩᱱᱩᱭᱦᱟᱹᱨ ᱟᱨ ᱵᱩᱜᱤ ᱨᱮᱭᱟᱜ ᱦᱚᱨᱟ ᱠᱚ ᱵᱟᱝ ᱢᱟᱱᱟᱣ ᱠᱷᱟᱹᱛᱤᱨ ᱦᱚᱸ ᱥᱟᱢᱟᱞᱚᱪᱚᱱᱟ ᱟᱠᱟᱱᱟ᱾[᱖] ᱮᱴᱟᱜ ᱠᱚᱫᱚ ᱨᱟᱱ ᱠᱚᱢᱯᱟᱹᱱᱤ ᱠᱚ ᱥᱩᱢᱩᱝ ᱵᱟᱹᱲᱛᱤ ᱜᱨᱟᱦᱚᱠ ᱧᱟᱢ ᱞᱟᱹᱜᱤᱫ ᱡᱮᱜᱮᱛᱟᱹᱨᱤ ᱵᱟᱡᱟᱨ ᱨᱮ ᱵᱚᱞᱚᱱ ᱠᱷᱟᱹᱛᱤᱨ ᱠᱚ ᱥᱟᱢᱟᱞᱚᱪᱚᱱᱟ ᱟᱠᱟᱫ ᱠᱚᱣᱟ᱾[᱔][᱕][᱖][᱗][᱘][᱙][᱑᱐] ᱡᱩᱫᱤᱦᱚᱸ ᱡᱮᱜᱮᱛᱟᱹᱨᱤ ᱢᱚᱱᱮ ᱥᱟᱶᱟᱨ ᱴᱚᱴᱷᱟ ᱨᱮ ᱟᱭᱢᱟ ᱦᱚᱲ ᱴᱚᱴᱷᱟᱠᱤᱭᱟᱹ ᱦᱚᱲ ᱠᱚ ᱦᱚᱛᱮᱛᱮ ᱥᱮ ᱩᱱᱠᱩ ᱥᱟᱶ ᱢᱤᱫ ᱠᱟᱛᱮ ᱵᱮᱱᱟᱣ ᱟᱠᱟᱱ ᱥᱟᱭᱠᱳᱥᱳᱥᱤᱭᱟᱞ ᱮᱱᱮᱢ ᱠᱚ ᱯᱟᱲᱦᱟᱣᱟ, ᱢᱮᱱᱠᱷᱟᱱ ᱠᱟᱹᱢᱤᱭᱟᱹ ᱟᱨ ᱚᱠᱛᱚ ᱞᱮᱠᱟᱱ ᱨᱤᱥᱳᱨᱥ ᱨᱮᱭᱟᱜ ᱚᱵᱷᱟᱵᱽ ᱠᱷᱟᱹᱛᱤᱨ, ᱨᱟᱱ ᱮᱢ ᱫᱚ ᱟᱭᱢᱟ ᱫᱷᱟᱣ ᱡᱟᱹᱥᱛᱤ ᱠᱚᱢ-ᱠᱷᱚᱨᱚᱪ ᱟᱱᱟᱜ ᱢᱮᱱᱛᱮ ᱧᱮᱞᱚᱜᱼᱟ᱾[᱑᱑][᱑᱒] ᱱᱟᱦᱟᱜ ᱥᱮᱨᱢᱟ ᱠᱚᱨᱮ, ᱥᱟᱶᱛᱟ-ᱴᱮᱦᱟᱸᱰ, ᱯᱟᱥᱱᱟᱣ ᱜᱟᱱᱚᱜ, ᱟᱨ ᱴᱮᱠᱥᱚᱭ ᱮᱱᱮᱢ ᱠᱚ ᱵᱮᱱᱟᱣ ᱪᱮᱛᱟᱱ ᱨᱮ ᱡᱳᱨ ᱮᱢ ᱦᱩᱭ ᱟᱠᱟᱱᱟ᱾

᱒᱐᱑᱙ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱚᱛᱱᱚᱜᱟᱱ ᱴᱚᱴᱷᱟ ᱠᱚᱨᱮ ᱢᱚᱱᱮ ᱟᱡᱟᱨ ᱛᱮ ᱠᱚᱥᱴᱚᱜ ᱠᱟᱱ ᱦᱚᱲ ᱠᱚᱣᱟᱜ ᱥᱟᱭᱠᱚᱲᱟ

ᱡᱮᱜᱮᱛᱟᱹᱨᱤ ᱢᱚᱱᱮ ᱥᱟᱶᱟᱨ ᱴᱚᱴᱷᱟ ᱨᱮᱭᱟᱜ ᱜᱩᱴ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱥᱟᱱᱟᱢ ᱫᱤᱥᱚᱢ ᱠᱚᱨᱮ ᱢᱚᱱᱮ ᱥᱟᱶᱟᱨ ᱚᱵᱚᱥᱛᱟ ᱤᱫᱤ ᱠᱟᱛᱮ ᱵᱟᱰᱟᱭᱡᱚᱝ ᱠᱟᱛᱷᱟ ᱮᱢ ᱠᱟᱛᱮ, ᱟᱨ ᱚᱱᱟ ᱴᱷᱟᱹᱣᱠᱟᱹ ᱞᱟᱹᱠᱛᱤ ᱠᱚ ᱯᱩᱨᱟᱹᱣ ᱞᱟᱹᱜᱤᱫ ᱠᱚᱢ-ᱠᱷᱚᱨᱚᱪ ᱟᱱ ᱮᱱᱮᱢ ᱵᱮᱱᱟᱣ ᱞᱟᱹᱜᱤᱫ ᱢᱚᱱᱮ ᱥᱟᱶᱟᱨ ᱡᱚᱛᱚᱱ ᱨᱮᱭᱟᱜ ᱞᱟᱹᱠᱛᱤ ᱠᱚ ᱪᱤᱱᱦᱟᱹᱣ ᱠᱟᱛᱮ ᱜᱚᱴᱟ ᱫᱷᱟᱹᱨᱛᱤ ᱨᱮ ᱢᱚᱱᱮ ᱥᱟᱶᱟᱨ ᱠᱮᱴᱮᱡ᱾[᱑᱓][᱑᱔][᱑᱕]

ᱟᱡᱟᱨ ᱨᱮᱭᱟᱜ ᱡᱮᱜᱮᱛᱟᱹᱨᱤ ᱵᱚᱡᱷᱟ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱐᱒ ᱨᱮ ᱑᱐᱐,᱐᱐᱐ ᱦᱚᱲ ᱮᱞ ᱯᱤᱪᱷᱤ ᱱᱤᱣᱨᱳᱥᱟᱭᱠᱤᱭᱟᱴᱨᱤᱠ ᱚᱵᱚᱥᱛᱟ ᱠᱚ ᱞᱟᱹᱜᱤᱫ ᱫᱤᱵᱽᱭᱟᱝ-ᱥᱟᱡᱟᱣ ᱡᱤᱭᱚᱱ ᱥᱮᱨᱢᱟ:
  ᱰᱟᱴᱟ ᱵᱟᱹᱱᱩᱜᱼᱟ
  ᱑᱐ ᱠᱷᱚᱱ ᱠᱚᱢ
  ᱑᱐–᱒᱐
  ᱒᱐–᱓０
  ᱓᱐–᱔᱐
  ᱔᱐–᱕０
  ᱕０–᱖᱐
  ᱖０–᱘᱐
  ᱘᱐–᱑᱐０
  ᱑᱐᱐–᱑᱒᱐
  ᱑᱒０–᱑᱔᱐
  ᱑᱔０–᱑᱕᱐
  ᱑᱕０ ᱠᱷᱚᱱ ᱡᱟᱹᱥᱛᱤ

ᱢᱚᱱᱮ, ᱱᱤᱣᱨᱳᱞᱚᱡᱤᱠᱟᱞ, ᱟᱨ ᱱᱤᱥᱟᱹ ᱵᱮᱵᱷᱟᱨ ᱨᱮᱭᱟᱜ ᱟᱡᱟᱨ ᱠᱚ ᱫᱚ ᱟᱡᱟᱨ ᱨᱮᱭᱟᱜ ᱡᱮᱜᱮᱛᱟᱹᱨᱤ ᱵᱚᱡᱷᱟ (ᱡᱤ.ᱵᱤ.ᱰᱤ) ᱨᱮ ᱢᱤᱫ ᱢᱟᱨᱟᱝ ᱮᱱᱮᱢ ᱮᱢᱚᱜᱼᱟ᱾[᱑᱖] ᱱᱚᱶᱟ ᱫᱚ ᱢᱤᱫ ᱴᱷᱟᱹᱣᱠᱟᱹ ᱟᱡᱟᱨ/ᱵᱮᱢᱟᱨ ᱞᱟᱹᱜᱤᱫ ᱮᱢ ᱟᱠᱟᱱ ᱫᱤᱵᱽᱭᱟᱝ-ᱥᱟᱡᱟᱣ ᱡᱤᱭᱚᱱ ᱥᱮᱨᱢᱟ (ᱰᱤ.ᱮ.ᱮᱞ.ᱣᱟᱭ) ᱨᱮᱭᱟᱜ ᱢᱤᱫ ᱡᱮᱜᱮᱛᱟᱹᱨᱤ ᱢᱟᱯ ᱠᱟᱱᱟ, ᱡᱟᱦᱟᱸ ᱫᱚ ᱜᱩᱴ ᱦᱚᱲ ᱮᱞ ᱵᱷᱤᱛᱨᱤ ᱨᱮ ᱫᱤᱵᱽᱭᱟᱝ ᱥᱟᱶ ᱠᱷᱟᱸᱰᱟᱣ ᱟᱠᱟᱱ ᱥᱮᱨᱢᱟ ᱟᱨ ᱱᱚᱶᱟ ᱟᱡᱟᱨ ᱠᱷᱟᱹᱛᱤᱨ ᱱᱚᱥᱴᱚ ᱟᱠᱟᱱ ᱡᱤᱭᱚᱱ ᱥᱮᱨᱢᱟ ᱨᱮᱭᱟᱜ ᱡᱚᱜᱽ ᱠᱟᱱᱟ᱾ ᱱᱤᱣᱨᱳᱥᱟᱭᱠᱤᱭᱟᱴᱨᱤᱠ ᱚᱵᱚᱥᱛᱟ ᱠᱚᱫᱚ ᱟᱡᱟᱨ ᱨᱮᱭᱟᱜ ᱡᱮᱜᱮᱛᱟᱹᱨᱤ ᱵᱚᱡᱷᱟ ᱨᱮᱭᱟᱜ ᱑᱔% ᱦᱟᱢᱮᱴᱟ᱾ ᱵᱟᱝ-ᱩᱪᱟᱹᱲᱚᱜ ᱟᱡᱟᱨ ᱠᱚ ᱢᱩᱫᱽ ᱨᱮ, ᱱᱚᱶᱟ ᱠᱚᱫᱚ ᱰᱤ.ᱮ.ᱮᱞ.ᱣᱟᱭ ᱨᱮᱭᱟᱜ ᱒᱘% ᱦᱟᱢᱮᱴᱟ – ᱡᱟᱦᱟᱸ ᱫᱚ ᱠᱟᱨᱰᱤᱭᱳᱵᱷᱟᱥᱠᱤᱣᱞᱟᱨ ᱟᱡᱟᱨ ᱥᱮ ᱠᱮᱱᱥᱟᱨ ᱠᱷᱚᱱ ᱦᱚᱸ ᱡᱟᱹᱥᱛᱤ ᱠᱟᱱᱟ᱾ ᱢᱮᱱᱠᱷᱟᱱ, ᱱᱚᱶᱟ ᱟᱸᱫᱟᱡᱽ ᱟᱠᱟᱱᱟ ᱡᱮ ᱟᱡᱟᱨ ᱨᱮᱭᱟᱜ ᱡᱮᱜᱮᱛᱟᱹᱨᱤ ᱵᱚᱡᱷᱟ ᱨᱮ ᱢᱚᱱᱮ ᱟᱡᱟᱨ ᱠᱚᱨᱮᱱᱟᱜ ᱥᱟᱹᱨᱤ ᱮᱱᱮᱢ ᱫᱚ ᱟᱨᱦᱚᱸ ᱡᱟᱹᱥᱛᱤ ᱜᱮᱭᱟ, ᱡᱟᱦᱟᱸ ᱫᱚ ᱦᱚᱲᱢᱚ ᱟᱨ ᱢᱚᱱᱮ ᱟᱡᱟᱨ ᱨᱮᱭᱟᱜ ᱟᱸᱴ ᱡᱚᱯᱚᱲᱟᱣ ᱟᱨ ᱢᱤᱫ ᱥᱟᱶᱛᱮ ᱧᱮᱞᱚᱜ ᱠᱷᱟᱹᱛᱤᱨ ᱠᱟᱱᱟ᱾ ᱜᱚᱴᱟ ᱫᱷᱟᱹᱨᱛᱤ ᱨᱮ, ᱡᱟᱣ ᱥᱮᱨᱢᱟ ᱜᱮ ᱢᱤᱫ ᱢᱤᱞᱤᱭᱚᱱ ᱜᱟᱱ ᱦᱚᱲ ᱟᱯᱱᱟᱨ ᱛᱮᱠᱚ ᱜᱚᱡᱚᱜᱼᱟ, ᱟᱨ ᱱᱚᱶᱟ ᱫᱚ ᱡᱩᱣᱟᱹᱱ ᱠᱚ ᱛᱟᱞᱟ ᱨᱮ ᱜᱩᱡᱩᱜ ᱨᱮᱭᱟᱜ ᱛᱮᱥᱟᱨ ᱢᱩᱬᱩᱛ ᱠᱟᱨᱚᱱ ᱠᱟᱱᱟ᱾ ᱜᱚᱴᱟ ᱫᱷᱟᱹᱨᱛᱤ ᱨᱮ ᱥᱟᱶᱟᱨ-ᱡᱚᱯᱚᱲᱟᱣ ᱚᱵᱚᱥᱛᱟ ᱠᱚ ᱠᱷᱟᱹᱛᱤᱨ ᱫᱤᱵᱽᱭᱟᱝ ᱨᱮᱭᱟᱜ ᱡᱚᱛᱚ ᱠᱷᱚᱱ ᱞᱟᱹᱠᱛᱤᱭᱟᱱ ᱠᱟᱨᱚᱱ ᱠᱚ ᱢᱩᱫᱽ ᱨᱮ ᱤᱭᱩᱱᱤᱯᱳᱞᱟᱨ ᱰᱤᱯᱨᱮᱥᱚᱱ, ᱯᱟᱹᱣᱨᱟᱹ ᱵᱮᱵᱷᱟᱨ, ᱥᱤᱡᱳᱯᱷᱨᱮᱱᱤᱭᱟ, ᱵᱟᱭᱯᱳᱞᱟᱨ ᱰᱤᱯᱨᱮᱥᱚᱱ ᱟᱨ ᱰᱤᱢᱮᱱᱥᱤᱭᱟ ᱥᱮᱞᱮᱫ ᱢᱮᱱᱟᱜᱼᱟ᱾ ᱠᱚᱢ- ᱟᱨ ᱛᱟᱞᱟᱢᱟᱞᱟ-ᱟᱭ ᱫᱤᱥᱚᱢ ᱠᱚᱨᱮ, ᱱᱚᱶᱟ ᱚᱵᱚᱥᱛᱟ ᱠᱚᱫᱚ ᱥᱟᱱᱟᱢ ᱫᱤᱵᱽᱭᱟᱝ-ᱡᱚᱯᱚᱲᱟᱣ ᱥᱟᱶᱟᱨ ᱚᱵᱚᱥᱛᱟ ᱠᱚᱨᱮᱱᱟᱜ ᱜᱩᱴ ᱑᱙.᱑% ᱮ ᱦᱟᱢᱮᱴᱟ᱾[᱑᱗]

ᱯᱚᱞ ᱟᱨ ᱢᱳᱥᱟᱨ ᱟᱜ ᱢᱮᱴᱟ-ᱵᱤᱥᱞᱮᱥᱚᱱ ᱞᱮᱠᱟᱛᱮ, ᱩᱥᱩᱞ ᱟᱭ ᱵᱟᱝ-ᱥᱚᱢᱟᱱ ᱟᱨ ᱠᱷᱟᱨᱟᱯ ᱵᱮ-ᱨᱳᱡᱽᱜᱟᱨ ᱨᱩᱠᱷᱤᱭᱟᱹ ᱢᱮᱱᱟᱜ ᱫᱤᱥᱚᱢ ᱠᱚᱨᱮ ᱵᱮ-ᱨᱳᱡᱽᱜᱟᱨ ᱦᱚᱲ ᱠᱚ ᱛᱟᱞᱟ ᱨᱮ ᱢᱚᱱᱮ ᱥᱟᱶᱟᱨ ᱨᱮᱭᱟᱜ ᱚᱨᱡᱚ ᱟᱹᱰᱤ ᱵᱟᱹᱲᱤᱡ ᱜᱮᱭᱟ᱾[᱑᱘] ᱢᱤᱫᱴᱟᱹᱝ ᱚᱱᱚᱞ ᱫᱟᱹᱵᱤ ᱟᱠᱟᱫᱟ ᱡᱮ ᱱᱚᱶᱟ ᱠᱚ ᱫᱤᱥᱚᱢ ᱨᱮᱭᱟᱜ ᱗᱖%-᱘᱕% ᱫᱚ ᱥᱮᱵᱟ ᱵᱟᱝ ᱠᱚ ᱮᱢ ᱫᱟᱲᱮᱭᱟᱜᱼᱟ᱾[᱑᱙][᱒᱐] ᱟᱸᱫᱟᱡᱽ ᱑᱔% ᱠᱤᱥᱳᱨ-ᱠᱤᱥᱳᱨᱤ ᱠᱚᱣᱟᱜ ᱦᱚᱸ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱢᱮᱱᱟᱜᱼᱟ᱾[᱒᱑]

ᱫᱷᱟᱹᱨᱛᱤ ᱨᱮᱱᱟᱜ ᱴᱚᱴᱷᱟ ᱞᱮᱠᱟᱛᱮ ᱢᱚᱱᱮ ᱥᱟᱶᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱟᱛᱟᱨ-ᱥᱟᱦᱟᱨᱟ ᱟᱯᱷᱨᱤᱠᱟ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱱᱮ ᱟᱡᱟᱨ ᱠᱚ ᱟᱨ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚᱫᱚ ᱛᱟᱭᱚᱢ ᱟᱠᱟᱱ ᱟᱯᱷᱨᱤᱠᱟᱱ ᱫᱤᱥᱚᱢ ᱠᱚᱨᱮ ᱟᱹᱰᱤ ᱯᱟᱥᱱᱟᱣ ᱟᱠᱟᱱ ᱪᱤᱱᱛᱟᱹ ᱠᱟᱱᱟ, ᱮᱱᱛᱮᱨᱮᱦᱚᱸ ᱱᱚᱶᱟ ᱮᱴᱠᱮᱴᱚᱬᱮ ᱠᱚᱫᱚ ᱟᱹᱰᱤ ᱡᱟᱹᱥᱛᱤ ᱵᱟᱝ ᱢᱟᱱᱟᱣ ᱵᱟᱛᱟᱣ ᱦᱩᱭᱩᱜ ᱠᱟᱱᱟ, ᱪᱮᱫᱟᱜ ᱥᱮ ᱟᱯᱷᱨᱤᱠᱟ ᱨᱮ ᱢᱚᱱᱮ ᱥᱟᱶᱟᱨ ᱡᱚᱛᱚᱱ ᱫᱚ ᱮᱴᱟᱜ, ᱯᱟᱪᱮᱛᱤᱭᱟᱹ ᱫᱤᱥᱚᱢ ᱠᱚ ᱠᱷᱚᱱ ᱥᱴᱮᱴᱤᱥᱴᱤᱠᱥ ᱞᱮᱠᱟᱛᱮ ᱠᱚᱢ ᱫᱷᱮᱭᱟᱱ ᱮᱢᱚᱜᱚᱜ ᱠᱟᱱᱟ᱾ ᱢᱚᱱᱮ ᱟᱡᱟᱨ ᱠᱷᱟᱹᱛᱤᱨ ᱵᱟᱹᱲᱛᱤᱜ ᱠᱟᱱ ᱜᱩᱡᱩᱜ ᱮᱞ ᱫᱚ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱛᱮ ᱠᱚᱥᱴᱚᱜ ᱠᱟᱱ ᱟᱯᱷᱨᱤᱠᱟᱱ ᱦᱚᱲ ᱠᱚ ᱞᱟᱹᱜᱤᱫ ᱩᱛᱱᱟᱹᱣ ᱟᱠᱟᱱ ᱢᱚᱱᱮ ᱥᱟᱶᱟᱨ ᱡᱚᱛᱚᱱ ᱟᱹᱨᱤ ᱟᱨ ᱛᱤᱠᱤᱪᱷᱟ ᱨᱮ ᱞᱟᱦᱟᱱᱛᱤ ᱨᱮᱭᱟᱜ ᱟᱹᱰᱤ ᱞᱟᱹᱠᱛᱤᱭᱟᱱ ᱫᱟᱹᱵᱤ ᱮ ᱩᱫᱩᱜ ᱥᱚᱫᱚᱨᱟ᱾[᱒᱒]

ᱛᱟᱭᱚᱢ ᱟᱠᱟᱱ ᱟᱯᱷᱨᱤᱠᱟᱱ ᱫᱤᱥᱚᱢ ᱠᱚᱫᱚ ᱦᱚᱲᱢᱚ ᱨᱩᱣᱟᱹ, ᱟᱡᱟᱨ, ᱯᱩᱥᱴᱤ ᱚᱵᱷᱟᱵᱽ, ᱟᱨ ᱵᱟᱹᱲᱤᱡ ᱚᱵᱚᱥᱛᱟ ᱠᱷᱟᱹᱛᱤᱨ ᱟᱹᱰᱤ ᱵᱟᱹᱲᱛᱤ ᱮᱴᱠᱮᱴᱚᱬᱮ ᱨᱮ ᱢᱮᱱᱟᱜ ᱠᱚᱣᱟ ᱡᱮ ᱢᱚᱱᱮ ᱥᱟᱶᱟᱨ ᱡᱚᱛᱚᱱ ᱨᱮᱭᱟᱜ ᱚᱵᱷᱟᱵᱽ ᱫᱚ ᱯᱩᱭᱞᱩ ᱴᱷᱟᱶ ᱵᱟᱝ ᱮᱢ ᱟᱠᱟᱱᱟ, ᱡᱟᱦᱟᱸ ᱫᱚ ᱟᱯᱷᱨᱤᱠᱟ ᱨᱮᱱ ᱦᱚᱲ ᱮᱞ ᱪᱮᱛᱟᱱ ᱨᱮ ᱢᱤᱫ ᱩᱱᱩᱨᱩᱢ ᱚᱨᱥᱚᱝ ᱟᱹᱜᱩᱭ ᱞᱟᱹᱜᱤᱫ ᱮᱴᱠᱮᱴᱚᱬᱮ ᱮ ᱵᱮᱱᱟᱣᱟ᱾ ᱑᱙᱘᱘ ᱟᱨ ᱑᱙᱙᱐ ᱥᱟᱞᱮ ᱨᱮ, ᱟᱯᱷᱨᱤᱠᱟ ᱨᱮ ᱡᱮᱜᱮᱛ ᱥᱟᱶᱟᱨ ᱜᱟᱶᱛᱟ ᱨᱮᱱ ᱥᱚᱦᱮᱫ ᱫᱤᱥᱚᱢ ᱠᱚ ᱦᱚᱛᱮᱛᱮ ᱵᱟᱨᱭᱟ ᱢᱩᱞ ᱯᱨᱚᱥᱛᱟᱵᱽ ᱞᱟᱹᱜᱩ ᱞᱮᱱᱟ᱾ ᱮ.ᱮᱯᱷ.ᱟᱨ/ᱟᱨ.ᱥᱤ᱓᱙/ᱟᱨ᱑ ᱟᱨ ᱮ.ᱮᱯᱷ.ᱟᱨ/ᱟᱨ.ᱥᱤ᱔᱐/ᱟᱨ᱙ ᱫᱚ ᱟᱯᱷᱨᱤᱠᱟ ᱨᱮᱱ ᱦᱚᱲ ᱠᱚ ᱪᱮᱛᱟᱱ ᱨᱮ ᱱᱚᱶᱟ ᱨᱮᱭᱟᱜ ᱵᱟᱹᱲᱛᱤᱜ ᱠᱟᱱ ᱚᱨᱥᱚᱝ ᱠᱚ ᱥᱟᱞᱟᱜ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱴᱷᱟᱹᱣᱠᱟᱹ ᱟᱯᱷᱨᱤᱠᱟᱱ ᱴᱚᱴᱷᱟ ᱠᱚᱨᱮ ᱢᱚᱱᱮ ᱥᱟᱶᱟᱨ ᱡᱚᱛᱚᱱ ᱨᱮᱭᱟᱜ ᱚᱵᱚᱥᱛᱟ ᱩᱛᱱᱟᱹᱣ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱞᱮᱫᱟ᱾[᱒᱓] ᱢᱮᱱᱠᱷᱟᱱ, ᱱᱚᱶᱟ ᱧᱟᱢ ᱞᱮᱱᱟ ᱡᱮ ᱱᱚᱶᱟ ᱱᱟᱶᱟ ᱟᱹᱨᱤ ᱠᱚᱫᱚ ᱟᱯᱷᱨᱤᱠᱟ ᱨᱮ ᱢᱚᱱᱮ ᱥᱟᱶᱟᱨ ᱨᱮᱭᱟᱜ ᱚᱵᱚᱥᱛᱟ ᱪᱮᱛᱟᱱ ᱨᱮ ᱟᱹᱰᱤ ᱠᱚᱢ ᱚᱨᱥᱚᱝ ᱮ ᱮᱢ ᱞᱮᱫᱟ, ᱡᱟᱦᱟᱸ ᱠᱷᱟᱹᱛᱤᱨ ᱢᱩᱪᱟᱹᱫ ᱨᱮ ᱠᱷᱚᱡᱚᱜ ᱠᱟᱱ ᱠᱚᱢᱚᱜ ᱵᱚᱫᱚᱞ ᱛᱮ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚᱨᱮ ᱵᱟᱹᱲᱛᱤ ᱧᱮᱞ ᱞᱮᱱᱟ, ᱟᱨ ᱱᱚᱶᱟ ᱫᱚ ᱪᱟᱪᱞᱟᱣ ᱞᱟᱹᱜᱤᱫ ᱢᱤᱫ ᱚᱥᱚᱢᱵᱷᱚᱵᱽ ᱮᱴᱠᱮᱴᱚᱬᱮ ᱞᱮᱠᱟ ᱧᱮᱞᱮᱱᱟ᱾

ᱟᱯᱷᱨᱤᱠᱟ ᱨᱮ, ᱟᱭᱢᱟ ᱥᱟᱶᱛᱟ-ᱞᱟᱠᱪᱟᱨᱟᱱ ᱟᱨ ᱡᱤᱣᱤᱵᱟᱫᱟᱱ ᱩᱯᱟᱫᱟᱱ ᱠᱚ ᱫᱚ ᱢᱚᱱᱮ ᱨᱮᱭᱟᱜ ᱞᱟᱹᱲᱦᱟᱹᱭ ᱮ ᱵᱟᱹᱲᱛᱤ ᱟᱠᱟᱫᱟ, ᱟᱨ ᱚᱱᱟ ᱥᱟᱶᱛᱮ ᱟᱯᱷᱨᱤᱠᱟᱱ ᱦᱚᱲ ᱠᱚᱣᱟᱜ ᱢᱮᱫ ᱨᱮ ᱱᱚᱶᱟ ᱨᱮᱭᱟᱜ ᱞᱚᱜᱚᱱ ᱢᱚᱦᱚᱛ ᱮ ᱫᱟᱱᱟᱝ ᱟᱠᱟᱫᱟ᱾ ᱵᱮ-ᱨᱳᱡᱽᱜᱟᱨ, ᱦᱤᱝᱥᱟ, ᱠᱨᱟᱭᱤᱢ (ᱠᱟᱹᱭ), ᱫᱷᱚᱨᱥᱚᱱ, ᱟᱨ ᱟᱡᱟᱨ ᱨᱮᱭᱟᱜ ᱵᱟᱹᱲᱛᱤᱜ ᱠᱟᱱ ᱦᱟᱨ ᱫᱚ ᱟᱭᱢᱟ ᱫᱷᱟᱣ ᱱᱤᱥᱟᱹ ᱵᱮᱵᱷᱟᱨ ᱥᱟᱶ ᱡᱚᱯᱚᱲᱟᱣ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱚᱱᱮ ᱟᱡᱟᱨ ᱨᱮᱭᱟᱜ ᱦᱟᱨ ᱮ ᱵᱟᱹᱲᱛᱤ ᱚᱪᱚᱭᱟ᱾[᱒᱔] ᱚᱱᱟ ᱥᱟᱶᱛᱮ, ᱮᱪ.ᱟᱭ.ᱵᱷᱤ/ᱮᱰᱥ, ᱤᱵᱳᱞᱟ ᱢᱟᱨᱟᱝ ᱟᱡᱟᱨ, ᱟᱨ ᱢᱮᱞᱮᱨᱤᱭᱟ ᱞᱮᱠᱟᱱ ᱦᱚᱲᱢᱚ ᱨᱮᱭᱟᱜ ᱟᱡᱟᱨ ᱠᱚᱫᱚ ᱟᱭᱢᱟ ᱫᱷᱟᱣ ᱟᱡᱟᱨ ᱨᱮ ᱯᱟᱲᱟᱣ ᱟᱠᱟᱱ ᱦᱚᱲ ᱠᱚ ᱪᱮᱛᱟᱱ ᱨᱮ ᱡᱤᱞᱤᱧ ᱚᱠᱛᱚ ᱨᱮᱭᱟᱜ ᱢᱚᱱᱮ ᱨᱮᱭᱟᱜ ᱚᱨᱥᱚᱝ ᱮ ᱫᱚᱦᱚᱭᱟ ᱡᱟᱦᱟᱸ ᱫᱚ ᱟᱠᱚᱣᱟᱜ ᱥᱮᱨᱣᱟᱣᱟᱱ ᱞᱟᱠᱪᱟᱨᱟᱱ ᱯᱟᱹᱛᱭᱟᱹᱣ ᱠᱷᱟᱹᱛᱤᱨ ᱟᱯᱷᱨᱤᱠᱟᱱ ᱥᱟᱶᱛᱟ ᱠᱚᱨᱮ ᱵᱟᱝ ᱩᱱᱩᱨᱩᱢ ᱛᱟᱦᱮᱸᱱᱟ᱾ ᱥᱮᱨᱣᱟᱣᱟᱱ ᱟᱯᱷᱨᱤᱠᱟᱱ ᱯᱟᱹᱛᱭᱟᱹᱣ ᱠᱚᱫᱚ ᱢᱚᱱᱮ ᱟᱡᱟᱨ ᱫᱚ ᱟᱞᱳᱠᱤᱠ ᱫᱟᱲᱮ ᱠᱷᱟᱹᱛᱤᱨ ᱦᱩᱭᱩᱜ ᱠᱟᱱᱟ ᱢᱮᱱᱛᱮ ᱩᱭᱦᱟᱹᱨ ᱮ ᱥᱤᱨᱡᱟᱹᱣ ᱟᱠᱟᱫᱟ, ᱡᱟᱦᱟᱸ ᱫᱚ ᱵᱟᱝ-ᱥᱟᱫᱷᱟᱨᱚᱱ ᱵᱮᱵᱷᱟᱨ ᱠᱚ ᱞᱟᱹᱜᱤᱫ ᱜᱚᱲᱚᱭᱟᱱ ᱥᱮ ᱡᱩᱠᱛᱤᱭᱟᱱ ᱨᱩᱣᱟᱹᱲ ᱮ ᱴᱮᱠᱟᱣᱟ᱾ ᱫᱟᱹᱭᱠᱟᱹ ᱞᱮᱠᱟᱛᱮ, ᱤᱵᱳᱞᱟ ᱫᱚ ᱟᱯᱷᱨᱤᱠᱟ ᱨᱮ ᱟᱹᱰᱤ ᱡᱳᱨ ᱯᱟᱥᱱᱟᱣᱮᱱ ᱡᱚᱠᱷᱮᱡ ᱟᱨ ᱢᱩᱪᱟᱹᱫ ᱨᱮ ᱟᱢᱮᱨᱤᱠᱟ ᱨᱮ ᱯᱟᱥᱱᱟᱣᱮᱱ ᱡᱚᱠᱷᱮᱡ ᱢᱤᱰᱤᱭᱟ ᱨᱮᱭᱟᱜ ᱟᱹᱰᱤ ᱫᱷᱮᱭᱟᱱ ᱮ ᱧᱟᱢ ᱞᱮᱫᱟ, ᱢᱮᱱᱠᱷᱟᱱ, ᱠᱷᱚᱸᱫᱽᱨᱚᱸᱫᱤᱭᱟᱹ ᱠᱚᱫᱚ ᱟᱯᱷᱨᱤᱠᱟᱱ ᱦᱟᱛᱟᱝ ᱪᱮᱛᱟᱱ ᱨᱮ ᱱᱚᱶᱟ ᱨᱮᱭᱟᱜ ᱢᱚᱱᱮ ᱨᱮᱭᱟᱜ ᱚᱨᱥᱚᱝ ᱪᱮᱛᱟᱱ ᱨᱮ ᱚᱠᱟ ᱦᱚᱸ ᱫᱷᱮᱭᱟᱱ ᱵᱟᱝ ᱠᱚ ᱮᱢ ᱞᱮᱫᱟ᱾ ᱟᱹᱰᱤ ᱵᱟᱹᱲᱛᱤ ᱪᱤᱱᱛᱟᱹ, ᱫᱩᱠᱷ ᱥᱟᱶ ᱞᱟᱹᱲᱦᱟᱹᱭ, ᱵᱟᱝ-ᱟᱯᱱᱟᱨ ᱟᱨ ᱵᱮ-ᱫᱟᱲᱮ ᱨᱮᱭᱟᱜ ᱟᱹᱭᱠᱟᱹᱣ, ᱟᱯᱱᱟᱨ ᱛᱮ ᱜᱩᱡᱩᱜ ᱥᱮᱫ ᱤᱫᱤᱭᱮᱫ ᱠᱟᱱ ᱪᱤᱱᱛᱟᱹ, ᱯᱤ.ᱴᱤ.ᱮᱥ.ᱰᱤ, ᱟᱨ ᱟᱨᱦᱚᱸ ᱟᱭᱢᱟ ᱠᱟᱛᱷᱟ ᱠᱚᱫᱚ ᱤᱵᱳᱞᱟ ᱞᱮᱠᱟᱱ ᱟᱡᱟᱨ ᱨᱮᱭᱟᱜ ᱛᱤᱱᱟᱹᱜ ᱜᱟᱱ ᱧᱩᱢ ᱟᱠᱟᱱ ᱚᱨᱥᱚᱝ ᱠᱟᱱᱟ᱾[᱒᱕] ᱱᱚᱶᱟ ᱢᱟᱨᱟᱝ ᱟᱡᱟᱨ ᱠᱚᱫᱚ ᱦᱤᱡᱩᱜ-ᱟ ᱟᱨ ᱪᱟᱞᱟᱜ-ᱟ, ᱢᱮᱱᱠᱷᱟᱱ ᱢᱚᱱᱮ ᱥᱟᱶᱟᱨ ᱪᱮᱛᱟᱱ ᱨᱮ ᱚᱱᱟ ᱠᱚᱨᱮᱱᱟᱜ ᱡᱤᱞᱤᱧ ᱚᱨᱥᱚᱝ ᱫᱚ ᱦᱤᱡᱩᱜ ᱠᱟᱱ ᱥᱮᱨᱢᱟ ᱠᱚᱨᱮ ᱦᱚᱸ ᱛᱟᱦᱮᱸᱱᱟ, ᱟᱨ ᱠᱟᱹᱢᱤ ᱨᱮᱭᱟᱜ ᱚᱵᱷᱟᱵᱽ ᱠᱷᱟᱹᱛᱤᱨ ᱡᱤᱣᱤ ᱦᱚᱸ ᱪᱟᱞᱟᱜ ᱠᱟᱱᱟ᱾ ᱞᱟᱭᱵᱮᱨᱤᱭᱟ ᱞᱮᱠᱟᱱ ᱫᱤᱥᱚᱢ ᱠᱚᱨᱮ ᱞᱟᱹᱲᱦᱟᱹᱭ ᱛᱟᱭᱚᱢ ᱟᱹᱰᱤ ᱵᱟᱹᱲᱤᱡ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱷᱟᱹᱛᱤᱨ ᱥᱟᱭᱠᱤᱭᱟᱴᱨᱤᱠ ᱜᱚᱲᱚ ᱞᱟᱹᱜᱤᱫ ᱠᱟᱹᱣᱰᱤᱭᱟᱹᱨᱤ ᱯᱷᱟᱱᱰ ᱮᱢᱚᱜ ᱨᱮᱭᱟᱜ ᱛᱤᱱᱟᱹᱜ ᱜᱟᱱ ᱠᱩᱨᱩᱢᱩᱴᱩ ᱦᱩᱭ ᱟᱠᱟᱱᱟ, ᱢᱮᱱᱠᱷᱟᱱ ᱟᱹᱰᱤ ᱡᱟᱹᱥᱛᱤ ᱞᱟᱵᱷ ᱫᱚ ᱵᱟᱝ ᱦᱩᱭ ᱞᱮᱱᱟ᱾ ᱠᱟᱹᱣᱰᱤᱟᱹᱨᱤ ᱠᱟᱨᱚᱱ ᱠᱚ ᱵᱟᱹᱜᱤ ᱠᱟᱛᱮ ᱦᱚᱸ, ᱛᱟᱭᱚᱢ ᱟᱠᱟᱱ ᱫᱤᱥᱚᱢ ᱠᱚᱨᱮ ᱢᱚᱱᱮ ᱥᱟᱶᱟᱨ ᱨᱮᱭᱟᱜ ᱮᱱᱮᱢ ᱠᱚ ᱞᱟᱹᱜᱩ ᱟᱨ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱢᱚᱱᱮ ᱥᱟᱶᱟᱨ ᱪᱟᱪᱞᱟᱣ ᱫᱚ ᱟᱹᱰᱤ ᱟᱸᱴ ᱜᱮᱭᱟ ᱪᱮᱫᱟᱜ ᱥᱮ ᱚᱸᱰᱮ ᱛᱟᱦᱮᱸᱱ ᱠᱟᱱ ᱦᱚᱲ ᱠᱚᱫᱚ ᱯᱟᱪᱮᱛᱤᱭᱟᱹ ᱥᱟᱭᱠᱤᱭᱟᱴᱨᱤ ᱨᱮ ᱵᱟᱝ ᱠᱚ ᱯᱟᱹᱛᱭᱟᱹᱣᱟ᱾ ᱱᱚᱶᱟ ᱦᱚᱸ ᱫᱤᱥᱟᱹ ᱫᱚᱦᱚ ᱞᱟᱹᱠᱛᱤᱭᱟᱱᱟ ᱡᱮ ᱢᱚᱱᱮ ᱥᱟᱬᱮᱥ ᱟᱨ ᱵᱟᱝ-ᱥᱟᱫᱷᱟᱨᱚᱱ ᱵᱮᱵᱷᱟᱨ ᱨᱮᱭᱟᱜ ᱥᱟᱶᱛᱟ-ᱞᱟᱠᱪᱟᱨᱟᱱ ᱢᱚᱰᱮᱞ ᱫᱚ ᱞᱟᱠᱪᱟᱨ ᱵᱷᱮᱜᱟᱨ ᱠᱚᱨᱮᱱᱟᱜ ᱩᱯᱟᱫᱟᱱ ᱠᱚ ᱪᱮᱛᱟᱱ ᱨᱮ ᱴᱮᱦᱟᱸᱰ ᱟᱠᱟᱱᱟ᱾[᱒᱖] ᱱᱚᱶᱟ ᱠᱷᱟᱹᱛᱤᱨ ᱢᱚᱱᱮ ᱥᱟᱶᱟᱨ ᱨᱮᱭᱟᱜ ᱵᱟᱝ-ᱥᱟᱫᱷᱟᱨᱚᱱ ᱚᱵᱚᱥᱛᱟ ᱠᱚᱫᱚ, ᱯᱟᱪᱮᱛᱤᱭᱟᱹ ᱵᱮᱵᱷᱟᱨ ᱟᱨ ᱞᱟᱠᱪᱟᱨ ᱟᱹᱨᱤ ᱠᱚ ᱥᱟᱶ ᱛᱩᱞᱟᱹᱡᱚᱠᱷᱟ ᱞᱮᱠᱷᱟᱱ, ᱞᱟᱠᱪᱟᱨ ᱨᱮᱭᱟᱜ ᱥᱟᱫᱷᱟᱨᱚᱱ ᱵᱮᱵᱷᱟᱨ ᱠᱷᱟᱹᱛᱤᱨ ᱟᱨᱦᱚᱸ ᱡᱟᱹᱥᱛᱤ ᱫᱟᱱᱟᱝ ᱨᱮ ᱛᱟᱦᱮᱸᱱᱟ᱾

ᱢᱚᱱᱮ ᱟᱨ ᱦᱚᱲᱢᱚ ᱨᱮᱭᱟᱜ ᱟᱡᱟᱨ ᱛᱟᱞᱟ ᱨᱮᱭᱟᱜ ᱱᱚᱶᱟ ᱥᱟᱹᱜᱟᱹᱭ ᱫᱚ ᱢᱤᱫ ᱪᱟᱞᱟᱜ ᱠᱟᱱ ᱪᱚᱠᱨᱚ ᱠᱟᱱᱟ ᱡᱟᱦᱟᱸ ᱫᱚ ᱱᱤᱛ ᱫᱷᱟᱹᱵᱤᱡ ᱵᱟᱝ ᱨᱟᱹᱯᱩᱫ ᱟᱠᱟᱱᱟ᱾ ᱡᱚᱠᱷᱚᱱ ᱟᱭᱢᱟ ᱜᱟᱶᱛᱟ ᱟᱯᱷᱨᱤᱠᱟ ᱨᱮ ᱦᱚᱲᱢᱚ ᱥᱟᱶᱟᱨ ᱤᱫᱤ ᱠᱟᱛᱮ ᱮᱴᱠᱮᱴᱚᱬᱮ ᱠᱚ ᱥᱚᱞᱦᱮ ᱞᱟᱹᱜᱤᱫ ᱠᱚ ᱠᱩᱨᱩᱢᱩᱴᱩᱭᱮᱫᱟ, ᱪᱮᱫᱟᱜ ᱥᱮ ᱱᱚᱶᱟ ᱮᱴᱠᱮᱴᱚᱬᱮ ᱠᱚᱫᱚ ᱯᱩᱥᱴᱟᱹᱣ ᱥᱟᱺᱦᱤᱡ ᱧᱮᱞᱚᱜᱼᱟ ᱟᱨ ᱪᱤᱱᱦᱟᱹᱣ ᱜᱟᱱᱚᱜᱼᱟ, ᱟᱡᱟᱨ ᱨᱮ ᱯᱟᱲᱟᱣ ᱟᱠᱟᱱ ᱦᱚᱲ ᱠᱚ ᱪᱮᱛᱟᱱ ᱨᱮ ᱛᱟᱦᱮᱸᱱ ᱠᱟᱱ ᱵᱷᱤᱛᱨᱤ ᱢᱚᱱᱮ ᱨᱮᱭᱟᱜ ᱚᱨᱥᱚᱝ ᱠᱚ ᱥᱟᱢᱟᱝ ᱞᱟᱹᱜᱤᱫ ᱟᱹᱰᱤ ᱠᱚᱢ ᱠᱟᱹᱢᱤ ᱦᱟᱛᱟᱣ ᱟᱠᱟᱱᱟ᱾ ᱱᱚᱶᱟ ᱵᱟᱰᱟᱭ ᱟᱠᱟᱱᱟ ᱡᱮ ᱟᱯᱷᱨᱤᱠᱟ ᱨᱮ ᱟᱭᱢᱟ ᱢᱚᱱᱮ ᱟᱡᱟᱨ ᱨᱮ ᱢᱮᱱᱟᱜ ᱦᱚᱲ ᱠᱚᱫᱚ ᱟᱫᱷᱭᱟᱛᱢᱤᱠ ᱥᱮ ᱫᱷᱚᱨᱚᱢ ᱟᱹᱭᱩᱨᱤᱭᱟᱹ ᱠᱚ ᱴᱷᱮᱱ ᱠᱷᱚᱱ ᱜᱚᱲᱚ ᱠᱚ ᱯᱟᱸᱡᱟᱭᱟ, ᱢᱮᱱᱠᱷᱟᱱ ᱱᱚᱶᱟ ᱨᱮᱭᱟᱜ ᱢᱩᱬᱩᱛ ᱠᱟᱨᱚᱱ ᱫᱚ ᱦᱩᱭᱩᱜ ᱠᱟᱱᱟ ᱫᱷᱟᱹᱨᱛᱤ ᱨᱮᱭᱟᱜ ᱮᱴᱟᱜ ᱫᱤᱥᱚᱢ ᱠᱚ ᱥᱟᱶ ᱛᱩᱞᱟᱹᱡᱚᱠᱷᱟ ᱞᱮᱠᱷᱟᱱ ᱟᱭᱢᱟ ᱟᱯᱷᱨᱤᱠᱟᱱ ᱫᱤᱥᱚᱢ ᱠᱚᱨᱮ ᱢᱚᱱᱮ ᱥᱟᱶᱟᱨ ᱯᱟᱹᱨᱩᱠᱤᱭᱟᱹ ᱠᱚᱣᱟᱜ ᱟᱹᱰᱤ ᱚᱵᱷᱟᱵᱽ ᱢᱮᱱᱟᱜᱼᱟ᱾ ᱯᱟᱲᱦᱟᱣ ᱠᱚ ᱩᱫᱩᱜ ᱟᱠᱟᱫᱟ ᱡᱮ, ᱥᱩᱢᱩᱝ ᱤᱛᱷᱤᱭᱳᱯᱤᱭᱟ ᱨᱮ ᱜᱮ, "᱖᱑ ᱢᱤᱞᱤᱭᱚᱱ ᱦᱚᱲ ᱮᱞ ᱞᱟᱹᱜᱤᱫ ᱥᱩᱢᱩᱝ ᱑᱐ ᱜᱚᱴᱟᱝ ᱥᱟᱭᱠᱤᱭᱟᱴᱨᱤᱥᱴ ᱢᱮᱱᱟᱜ ᱠᱚᱣᱟ"᱾[᱒᱓] ᱡᱩᱫᱤᱦᱚᱸ ᱱᱚᱶᱟ ᱠᱷᱚᱸᱫᱽᱨᱚᱱ ᱦᱩᱭᱩᱜ ᱛᱟᱭᱚᱢ ᱠᱷᱚᱱ ᱮᱞᱠᱷᱟ ᱠᱚᱫᱚ ᱱᱤᱦᱟᱹᱛ ᱜᱮ ᱵᱚᱫᱚᱞ ᱟᱠᱟᱱᱟ, ᱜᱚᱴᱟ ᱟᱯᱷᱨᱤᱠᱟ ᱨᱮ ᱢᱚᱱᱮ ᱥᱟᱬᱮᱥ ᱯᱟᱹᱨᱩᱠᱤᱭᱟᱹ ᱠᱚᱣᱟᱜ ᱚᱵᱷᱟᱵᱽ ᱫᱚ ᱪᱟᱞᱟᱜ ᱠᱟᱱ ᱜᱮᱭᱟ, ᱡᱟᱦᱟᱸ ᱨᱮ ᱑᱐᱐,᱐᱐᱐ ᱦᱚᱲ ᱯᱤᱪᱷᱤ ᱙.᱐ ᱯᱟᱹᱨᱩᱠᱤᱭᱟᱹ ᱠᱚᱣᱟᱜ ᱡᱮᱜᱮᱛᱟᱹᱨᱤ ᱮᱞᱠᱷᱟ ᱥᱟᱶ ᱛᱩᱞᱟᱹᱡᱚᱠᱷᱟ ᱞᱮᱠᱷᱟᱱ ᱱᱤᱛᱚᱜ ᱑᱐᱐,᱐᱐᱐ ᱦᱚᱲ ᱯᱤᱪᱷᱤ ᱮᱵᱷᱟᱨᱮᱡᱽ ᱑.᱔ ᱢᱚᱱᱮ ᱥᱟᱶᱟᱨ ᱠᱟᱹᱢᱤᱭᱟᱹ ᱢᱮᱱᱟᱜ ᱠᱚᱣᱟ᱾[᱒᱗] ᱚᱱᱟ ᱥᱟᱶᱛᱮ, ᱥᱴᱮᱴᱤᱥᱴᱤᱠᱥ ᱩᱫᱩᱜᱮᱫᱟ ᱡᱮ "ᱢᱚᱱᱮ ᱥᱟᱶᱟᱨ ᱟᱣᱩᱴᱯᱮᱥᱮᱱᱴ ᱥᱩᱵᱤᱫᱷᱟ ᱠᱚᱨᱮ ᱫᱟᱬᱟᱱ ᱨᱮᱭᱟᱜ ᱡᱮᱜᱮᱛᱟᱹᱨᱤ ᱥᱮᱨᱢᱟᱠᱤᱭᱟᱹ ᱦᱟᱨ ᱫᱚ ᱑᱐᱐,᱐᱐᱐ ᱦᱚᱲ ᱮᱞ ᱯᱤᱪᱷᱤ ᱑,᱐᱕᱑ ᱠᱟᱱᱟ," ᱡᱚᱠᱷᱚᱱ "ᱟᱯᱷᱨᱤᱠᱟ ᱨᱮ ᱱᱚᱶᱟ ᱦᱟᱨ ᱫᱚ ᱑᱐᱐,᱐᱐᱐ ᱯᱤᱪᱷᱤ ᱑᱔" ᱫᱟᱬᱟᱱ ᱠᱟᱱᱟ᱾ ᱟᱯᱷᱨᱤᱠᱟ ᱨᱮᱭᱟᱜ ᱚᱨᱫᱷᱮᱠ ᱜᱟᱱ ᱫᱤᱥᱚᱢ ᱨᱮ ᱡᱟᱦᱟᱸᱱᱟᱜ ᱞᱮᱠᱟᱱ ᱢᱚᱱᱮ ᱥᱟᱶᱟᱨ ᱟᱹᱨᱤ ᱢᱮᱱᱟᱜᱼᱟ, ᱢᱮᱱᱠᱷᱟᱱ, ᱱᱚᱶᱟ ᱟᱹᱨᱤ ᱠᱚᱫᱚ ᱟᱹᱰᱤ ᱡᱟᱹᱥᱛᱤ ᱵᱟᱝ ᱢᱟᱱᱟᱣ ᱵᱟᱛᱟᱣ ᱦᱩᱭᱩᱜᱼᱟ,[᱒᱔] ᱪᱮᱫᱟᱜ ᱥᱮ ᱟᱯᱷᱨᱤᱠᱟ ᱨᱮᱱ ᱥᱚᱨᱠᱟᱨ "ᱢᱚᱱᱮ ᱥᱟᱶᱟᱨ ᱪᱮᱛᱟᱱ ᱨᱮ ᱜᱩᱴ ᱥᱟᱶᱟᱨ ᱵᱟᱡᱮᱴ ᱨᱮᱭᱟᱜ ᱑% ᱠᱷᱚᱱ ᱦᱚᱸ ᱠᱚᱢ" ᱮ ᱠᱷᱚᱨᱚᱪᱟ᱾[᱒᱘] ᱟᱥᱚᱠᱟᱭ ᱛᱮ ᱥᱤᱭᱮᱨᱟ ᱞᱤᱭᱳᱱ ᱨᱮ, ᱢᱚᱱᱮ ᱟᱡᱟᱨ ᱛᱮ ᱠᱚᱥᱴᱚᱜ ᱠᱟᱱ ᱟᱸᱫᱟᱡᱽ ᱙᱘.᱘% ᱦᱚᱲ ᱵᱟᱝ ᱛᱤᱠᱤᱪᱷᱟ ᱛᱮᱠᱚ ᱛᱟᱦᱮᱸᱱᱟ, ᱮᱵᱷᱟᱨᱮᱡᱽ ᱠᱷᱚᱱ ᱦᱚᱸ ᱟᱹᱰᱤ ᱠᱚᱢ ᱢᱟᱱᱚᱠ ᱨᱮᱭᱟᱜ ᱢᱤᱫ ᱥᱟᱭᱠᱤᱭᱟᱴᱨᱤᱠ ᱦᱟᱥᱯᱟᱛᱟᱞ ᱵᱮᱱᱟᱣ ᱛᱟᱭᱚᱢ ᱦᱚᱸ, ᱡᱟᱦᱟᱸ ᱫᱚ ᱮᱱᱮᱢ ᱨᱮᱭᱟᱜ ᱞᱟᱹᱠᱛᱤ ᱟᱨᱦᱚᱸᱭ ᱩᱫᱩᱜ ᱥᱚᱫᱚᱨᱟ᱾[᱒᱗] ᱟᱯᱷᱨᱤᱠᱟ ᱨᱮ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚ ᱥᱟᱞᱟᱜ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱥᱩᱢᱩᱝ ᱟᱹᱰᱤ ᱠᱚᱢ ᱥᱚᱡᱷᱮ ᱠᱟᱹᱢᱤ ᱦᱟᱛᱟᱣ ᱟᱠᱟᱱᱟ ᱚᱱᱠᱟ ᱫᱚ ᱵᱟᱝ, ᱢᱮᱱᱠᱷᱟᱱ ᱱᱚᱶᱟ ᱤᱫᱤ ᱠᱟᱛᱮ ᱪᱤᱨᱜᱟᱹᱞ ᱯᱟᱥᱱᱟᱣ ᱟᱨ ᱜᱩᱡᱩᱜ ᱴᱮᱠᱟᱣ ᱫᱟᱨᱟᱢ ᱞᱟᱹᱜᱤᱫ ᱱᱚᱶᱟ ᱥᱟᱛᱟᱢ ᱪᱮᱛᱟᱱ ᱨᱮ ᱟᱹᱰᱤ ᱠᱚᱢ ᱠᱷᱚᱸᱫᱽᱨᱚᱸᱫᱽ ᱦᱚᱸ ᱦᱩᱭ ᱟᱠᱟᱱᱟ᱾ ᱞᱮᱱᱥᱮᱴ ᱜᱞᱳᱵᱟᱞ ᱦᱮᱞᱛᱷ (Lancet Global Health)[᱒᱘] ᱢᱟᱱᱟᱣ ᱵᱟᱛᱟᱣᱮᱫᱟ ᱡᱮ ᱟᱯᱷᱨᱤᱠᱟ ᱨᱮ ᱦᱚᱲᱢᱚ ᱥᱟᱶᱟᱨ ᱪᱮᱛᱟᱱ ᱨᱮ ᱑,᱐᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱪᱷᱟᱯᱟ ᱟᱠᱟᱱ ᱚᱱᱚᱞ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱢᱚᱱᱮ ᱥᱟᱶᱟᱨ ᱤᱫᱤ ᱠᱟᱛᱮ ᱜᱟᱞᱢᱟᱨᱟᱣᱮᱫ ᱕᱐ ᱠᱷᱚᱱ ᱦᱚᱸ ᱠᱚᱢ ᱚᱱᱚᱞ ᱢᱮᱱᱟᱜᱼᱟ᱾ ᱟᱨ ᱦᱚᱲᱢᱚ ᱥᱟᱶᱟᱨ ᱟᱨ ᱢᱚᱱᱮ ᱥᱟᱶᱟᱨ ᱢᱩᱫᱽ ᱨᱮ ᱯᱩᱭᱞᱩ ᱴᱷᱟᱶ ᱮᱢᱚᱜ ᱨᱮᱭᱟᱜ ᱱᱚᱶᱟ ᱟᱸᱴ ᱮᱴᱠᱮᱴᱚᱬᱮ ᱫᱚ ᱟᱨᱦᱚᱸ ᱵᱟᱹᱲᱤᱡᱚᱜ ᱠᱟᱱᱟ ᱪᱮᱫᱟᱜ ᱥᱮ ᱢᱟᱦᱟᱫᱮᱥ ᱨᱮᱭᱟᱜ ᱦᱚᱲ ᱮᱞ ᱟᱹᱰᱤ ᱡᱳᱨ ᱛᱮ ᱵᱟᱹᱲᱛᱤᱜ ᱠᱟᱱᱟ ᱟᱨ ᱠᱷᱚᱸᱫᱽᱨᱚᱸᱫᱽ ᱩᱫᱩᱜᱮᱫᱟ ᱡᱮ "᱒᱐᱐᱐ ᱟᱨ ᱒᱐᱑᱕ ᱛᱟᱞᱟ ᱨᱮ ᱢᱟᱦᱟᱫᱮᱥ ᱨᱮᱭᱟᱜ ᱦᱚᱲ ᱮᱞ ᱔᱙% ᱵᱟᱹᱲᱛᱤ ᱟᱠᱟᱱᱟ, ᱮᱱᱛᱮᱨᱮᱦᱚᱸ ᱢᱚᱱᱮ ᱟᱨ ᱱᱤᱥᱟᱹ ᱵᱮᱵᱷᱟᱨ ᱨᱮᱭᱟᱜ ᱟᱡᱟᱨ ᱠᱷᱟᱹᱛᱤᱨ ᱫᱤᱵᱽᱭᱟᱝ ᱞᱮᱠᱟᱛᱮ ᱱᱚᱥᱴᱚ ᱟᱠᱟᱱ ᱥᱮᱨᱢᱟ ᱨᱮᱭᱟᱜ ᱮᱞ ᱫᱚ ᱕᱒% ᱵᱟᱹᱲᱛᱤ ᱟᱠᱟᱱᱟ"᱾[᱒᱗] ᱢᱚᱱᱮ ᱨᱮᱭᱟᱜ ᱵᱟᱝ-ᱛᱷᱤᱛᱤ ᱠᱷᱟᱹᱛᱤᱨ ᱦᱩᱭᱩᱜ ᱠᱟᱱ ᱜᱩᱨ ᱨᱮᱭᱟᱜ ᱮᱞ ᱫᱚ ᱥᱟᱹᱨᱤ ᱜᱮ ᱦᱚᱲᱢᱚ ᱟᱡᱟᱨ ᱠᱷᱟᱹᱛᱤᱨ ᱦᱩᱭᱩᱜ ᱠᱟᱱ ᱜᱩᱨ ᱥᱟᱶ ᱦᱮᱯᱨᱟᱣᱮᱫᱟ: "᱒᱐᱑᱕ ᱥᱟᱞᱮ ᱨᱮ, ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱨᱮᱭᱟᱜ ᱚᱨᱡᱚ ᱞᱮᱠᱟᱛᱮ ᱑᱗.᱙ ᱢᱤᱞᱤᱭᱚᱱ ᱥᱮᱨᱢᱟ ᱫᱤᱵᱽᱭᱟᱝ ᱞᱮᱠᱟᱛᱮ ᱱᱚᱥᱴᱚ ᱞᱮᱱᱟ᱾ ᱱᱚᱝᱠᱟᱱ ᱟᱡᱟᱨ ᱠᱚᱫᱚ ᱫᱤᱵᱽᱭᱟᱝ ᱞᱮᱠᱟᱛᱮ ᱱᱚᱥᱴᱚ ᱟᱠᱟᱱ ᱥᱮᱨᱢᱟ ᱨᱮᱭᱟᱜ ᱚᱱᱠᱟᱱ ᱢᱩᱬᱩᱛ ᱠᱟᱨᱚᱱ ᱜᱮ ᱛᱟᱦᱮᱸ ᱠᱟᱱᱟ ᱡᱮᱞᱮᱠᱟ ᱩᱪᱟᱹᱲᱚᱜ ᱟᱨ ᱯᱮᱨᱟᱥᱟᱭᱴᱤᱠ ᱟᱡᱟᱨ ᱠᱚ, ᱡᱟᱦᱟᱸ ᱠᱷᱟᱹᱛᱤᱨ ᱑᱘.᱕ ᱢᱤᱞᱤᱭᱚᱱ ᱥᱮᱨᱢᱟ ᱫᱤᱵᱽᱭᱟᱝ ᱞᱮᱠᱟᱛᱮ ᱱᱚᱥᱴᱚ ᱞᱮᱱᱟ,"᱾[᱒᱗] ᱢᱚᱱᱮ ᱥᱟᱶᱟᱨ ᱟᱨ ᱦᱚᱲᱢᱚ ᱥᱟᱶᱟᱨ ᱡᱚᱛᱚᱱ, ᱡᱩᱫᱤᱦᱚᱸ ᱱᱚᱶᱟ ᱠᱤᱱ ᱵᱷᱮᱜᱟᱨ ᱧᱮᱞᱚᱜᱼᱟ, ᱢᱮᱱᱠᱷᱟᱱ ᱟᱹᱰᱤ ᱟᱸᱴ ᱡᱚᱯᱚᱲᱟᱣ ᱢᱮᱱᱟᱜᱼᱟ, ᱪᱮᱫᱟᱜ ᱥᱮ ᱱᱚᱶᱟ ᱵᱟᱨᱭᱟ ᱩᱯᱟᱫᱟᱱ ᱜᱮ ᱢᱟᱹᱱᱢᱤᱭᱟᱜ ᱡᱤᱭᱚᱱ ᱟᱨ ᱜᱩᱨ ᱮ ᱜᱚᱴᱟᱭᱟ᱾ ᱡᱮᱞᱮᱠᱟ ᱱᱟᱶᱟ ᱮᱴᱠᱮᱴᱚᱬᱮ ᱠᱚ ᱥᱟᱢᱟᱝ ᱛᱮ ᱦᱤᱡᱩᱜ ᱠᱟᱱᱟ ᱟᱨ ᱢᱟᱨᱮ ᱮᱴᱠᱮᱴᱚᱬᱮ ᱠᱚ ᱱᱤᱛ ᱦᱚᱸ ᱯᱩᱭᱞᱩ ᱴᱷᱟᱶ ᱵᱟᱝ ᱮᱢ ᱟᱠᱟᱱᱟ, ᱟᱯᱷᱨᱤᱠᱟ ᱨᱮᱭᱟᱜ ᱢᱚᱱᱮ ᱥᱟᱶᱟᱨ ᱡᱚᱛᱚᱱ ᱟᱹᱨᱤ ᱠᱚᱨᱮ ᱟᱹᱰᱤ ᱢᱟᱨᱟᱝ ᱩᱛᱱᱟᱹᱣ ᱨᱮᱭᱟᱜ ᱞᱟᱹᱠᱛᱤ ᱢᱮᱱᱟᱜᱼᱟ ᱡᱟᱛᱮ ᱟᱠᱚᱨᱮᱱ ᱦᱚᱲ ᱠᱚ ᱚᱱᱟ ᱞᱟᱹᱠᱛᱤᱭᱟᱱ ᱥᱟᱶᱟᱨ ᱡᱚᱛᱚᱱ ᱠᱚ ᱮᱢ ᱫᱟᱲᱮᱭᱟᱠᱚ, ᱡᱟᱦᱟᱸ ᱨᱮᱭᱟᱜ ᱦᱚᱠᱫᱟᱨ ᱩᱱᱠᱩ ᱠᱟᱱᱟ ᱠᱚ, ᱡᱟᱦᱟᱸ ᱛᱮ ᱟᱥᱟ ᱢᱮᱱᱟᱜᱼᱟ ᱡᱮ ᱱᱚᱶᱟ ᱮᱴᱠᱮᱴᱚᱬᱮ ᱯᱟᱥᱱᱟᱣᱜ ᱠᱷᱚᱱ ᱴᱮᱠᱟᱣ ᱫᱟᱨᱟᱢᱚᱜᱼᱟ᱾

ᱥᱟᱢᱟᱝ ᱮᱥᱤᱭᱟ ᱟᱨ ᱯᱮᱥᱤᱯᱷᱤᱠ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱛᱚᱢ ᱮᱥᱤᱭᱟ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱝᱞᱟᱫᱮᱥ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱫᱚ ᱢᱤᱫ ᱢᱟᱨᱟᱝ ᱫᱤᱥᱩᱣᱟᱹ ᱥᱟᱶᱟᱨ ᱪᱤᱱᱛᱟᱹ ᱞᱮᱠᱟᱛᱮ ᱢᱟᱱᱟᱣᱚᱜᱼᱟ ᱟᱨ ᱱᱚᱶᱟ ᱫᱚ ᱟᱡᱟᱨ ᱨᱮᱭᱟᱜ ᱡᱮᱜᱮᱛᱟᱹᱨᱤ ᱵᱚᱡᱷᱟ ᱨᱮᱭᱟᱜ ᱑᱓% ᱮ ᱦᱟᱢᱮᱴᱟ ᱟᱨ ᱟᱸᱴ ᱢᱚᱱᱮ ᱥᱟᱶᱟᱨ ᱟᱡᱟᱨ ᱫᱚ ᱢᱤᱫ ᱦᱚᱲᱟᱜ ᱡᱤᱭᱚᱱ ᱟᱥᱟ ᱟᱸᱫᱟᱡᱽ ᱒᱐% ᱮ ᱠᱚᱢ ᱫᱟᱲᱮᱭᱟᱜᱼᱟ᱾ ᱠᱚᱢ ᱟᱨ ᱛᱟᱞᱟᱢᱟᱞᱟ-ᱟᱭ ᱫᱤᱥᱚᱢ ᱠᱚᱨᱮ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱨᱮᱭᱟᱜ ᱵᱟᱹᱲᱛᱤ ᱵᱚᱡᱷᱟ ᱢᱮᱱᱟᱜᱼᱟ ᱪᱮᱫᱟᱜ ᱥᱮ ᱱᱚᱶᱟ ᱫᱚ ᱮᱴᱟᱜ ᱡᱤᱞᱤᱧ-ᱚᱠᱛᱚ ᱨᱮᱭᱟᱜ ᱟᱡᱟᱨ ᱠᱚ ᱞᱮᱠᱟ ᱢᱤᱫ ᱥᱟᱶᱟᱨ ᱮᱴᱠᱮᱴᱚᱬᱮ ᱞᱮᱠᱟᱛᱮ ᱵᱟᱝ ᱢᱟᱱᱟᱣᱚᱜᱼᱟ᱾ ᱢᱤᱫ ᱠᱚᱢ-ᱟᱨᱡᱟᱣᱟᱱ ᱫᱤᱥᱚᱢ ᱦᱩᱭᱩᱜ ᱠᱷᱟᱹᱛᱤᱨ, ᱵᱟᱝᱞᱟᱫᱮᱥ ᱨᱮ, ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚᱫᱚ ᱟᱹᱰᱤ ᱵᱟᱹᱲᱤᱡ ᱱᱚᱡᱚᱨ ᱛᱮ ᱧᱮᱞᱚᱜᱼᱟ᱾[᱒᱙]

᱒᱐᱐᱐-᱒᱐᱐᱑ ᱥᱟᱞᱮ ᱨᱮ ᱵᱟᱝᱞᱟᱫᱮᱥ ᱨᱮᱭᱟᱜ ᱟᱹᱛᱩ ᱫᱤᱥᱚᱢ ᱴᱚᱴᱷᱟ ᱨᱮ ᱢᱤᱫ ᱥᱟᱶᱛᱟ-ᱴᱮᱦᱟᱸᱰ ᱯᱟᱱᱟᱲᱦᱟᱣ ᱠᱷᱚᱱ ᱟᱸᱫᱟᱡᱽ ᱟᱠᱟᱱᱟ ᱡᱮ ᱟᱹᱛᱩ ᱨᱮᱱ ᱦᱚᱲ ᱠᱚ ᱛᱟᱞᱟ ᱨᱮ ᱢᱚᱱᱮ ᱨᱩᱣᱟᱹ ᱨᱮᱭᱟᱜ ᱵᱚᱡᱷᱟ ᱫᱚ ᱑᱖.᱕% ᱛᱟᱦᱮᱸ ᱠᱟᱱᱟ ᱟᱨ ᱡᱟᱹᱥᱛᱤ ᱜᱟᱱ ᱦᱚᱲ ᱜᱮ ᱢᱩᱬᱩᱛ ᱞᱮᱠᱟᱛᱮ ᱰᱤᱯᱨᱮᱥᱚᱱ ᱟᱨ ᱪᱤᱱᱛᱟᱹ ᱛᱮᱠᱚ ᱠᱚᱥᱴᱚᱜ ᱠᱟᱱ ᱛᱟᱦᱮᱸᱫ ᱟᱨ ᱡᱟᱦᱟᱸ ᱫᱚ ᱡᱚᱛᱷᱟᱠᱨᱚᱢᱮ ᱜᱩᱴ ᱜᱷᱚᱴᱚᱱ ᱨᱮᱭᱟᱜ ᱛᱟᱨᱟ ᱟᱨ ᱯᱮ ᱦᱟᱹᱴᱤᱧ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ᱾ ᱱᱚᱶᱟ ᱵᱮᱜᱚᱨ ᱦᱚᱸ, ᱔᱕ ᱥᱮᱨᱢᱟ ᱩᱢᱮᱨ ᱨᱮᱱ ᱢᱟᱨᱟᱝ ᱜᱷᱟᱨᱚᱸᱡᱽ ᱨᱮᱱ ᱠᱩᱲᱤ ᱦᱚᱯᱚᱱ ᱠᱚ ᱴᱷᱮᱱ ᱢᱚᱱᱮ ᱟᱡᱟᱨ ᱨᱮᱭᱟᱜ ᱯᱟᱥᱱᱟᱣ ᱫᱚ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟ᱾[᱓᱐]

ᱵᱟᱝᱞᱟᱫᱮᱥ ᱨᱮ ᱢᱚᱱᱮ ᱥᱟᱶᱟᱨ ᱞᱟᱹᱜᱤᱫ ᱡᱚᱛᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱘ ᱥᱟᱞᱮ ᱨᱮ ᱦᱩᱭ ᱞᱮᱱ ᱢᱤᱫ ᱯᱟᱲᱦᱟᱣ ᱨᱮ ᱞᱟᱹᱭ ᱟᱠᱟᱱᱟ ᱡᱮ ᱥᱩᱢᱩᱝ ᱑᱖% ᱨᱩᱜᱤ ᱠᱚ ᱢᱚᱱᱮ ᱟᱡᱟᱨ ᱮᱦᱚᱵᱚᱜ ᱨᱮᱭᱟᱜ ᱜᱷᱩᱸᱴ ᱑᱐.᱕ ᱪᱟᱸᱫᱳ ᱛᱟᱭᱚᱢ ᱥᱚᱡᱷᱮ ᱢᱚᱱᱮ ᱥᱟᱶᱟᱨ ᱯᱟᱹᱨᱩᱠᱤᱭᱟᱹ ᱴᱷᱮᱱ ᱠᱚ ᱦᱮᱡ ᱞᱮᱱᱟ, ᱡᱟᱦᱟᱸ ᱫᱚ ᱩᱱᱠᱩ ᱟᱭᱢᱟ ᱞᱮᱠᱟᱛᱮ ᱟᱨᱦᱚᱸ ᱵᱟᱹᱲᱛᱤ ᱵᱚᱛᱚᱨ ᱚᱵᱚᱥᱛᱟ ᱨᱮᱭ ᱫᱚᱦᱚ ᱞᱮᱫ ᱠᱚᱣᱟ᱾ ᱒᱒% ᱨᱩᱜᱤ ᱫᱚ ᱫᱷᱚᱨᱚᱢ ᱥᱮ ᱥᱮᱨᱣᱟᱣᱟᱱ ᱨᱟᱨᱟᱱᱤᱡ ᱴᱷᱮᱱ ᱠᱚ ᱪᱟᱞᱟᱣ ᱞᱮᱱᱟ ᱟᱨ ᱑᱒% ᱫᱚ ᱡᱚᱛᱚ ᱠᱷᱚᱱ ᱠᱚᱢ ᱒-᱒.᱕ ᱦᱟᱯᱛᱟ ᱛᱟᱭᱚᱢ ᱢᱤᱫ ᱟᱹᱛᱩ ᱨᱮᱱ ᱢᱮᱰᱤᱠᱟᱞ ᱯᱟᱹᱨᱩᱠᱤᱭᱟᱹ ᱥᱟᱶ ᱠᱚ ᱯᱚᱨᱟᱢᱚᱨᱥᱚ ᱞᱮᱫᱟ᱾[᱓᱑]

ᱥᱤᱧᱚᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚᱸ ᱵᱟᱰᱟᱭ ᱞᱟᱹᱜᱤᱫ: ᱥᱤᱧᱚᱛ ᱨᱮ ᱢᱚᱱᱮ ᱥᱟᱶᱟᱨ ᱟᱸᱫᱟᱡᱽ ᱑.᱔᱗ ᱵᱤᱞᱤᱭᱚᱱ ᱨᱮᱭᱟᱜ ᱢᱤᱫ ᱢᱟᱨᱟᱝ, ᱟᱭᱢᱟ ᱞᱮᱠᱟᱱ ᱦᱚᱲ ᱮᱞ ᱥᱟᱶᱛᱮ,[᱓᱒] ᱥᱤᱧᱚᱛ ᱨᱮ ᱢᱚᱱᱮ ᱥᱟᱶᱟᱨ ᱨᱮᱭᱟᱜ ᱮᱴᱠᱮᱴᱚᱬᱮ ᱠᱚᱫᱚ ᱢᱤᱫ ᱞᱚᱜᱚᱱᱟᱜ ᱪᱤᱱᱛᱟᱹ ᱠᱟᱱᱟ᱾ ᱥᱤᱧᱚᱛ ᱨᱮ ᱟᱸᱫᱟᱡᱽ ᱑᱕% ᱦᱚᱲ ᱢᱚᱱᱮ ᱥᱟᱶᱟᱨ ᱥᱟᱶ ᱠᱚ ᱞᱟᱹᱲᱦᱟᱹᱭᱮᱫᱟ, ᱡᱟᱦᱟᱸ ᱨᱮ ᱪᱤᱱᱛᱟᱹ, ᱥᱤᱡᱳᱯᱷᱨᱮᱱᱤᱭᱟ, ᱪᱤᱱᱛᱟᱹ ᱟᱡᱟᱨ, ᱟᱨ ᱟᱨᱦᱚᱸ ᱟᱭᱢᱟ ᱞᱮᱠᱟᱱ ᱟᱡᱟᱨ ᱠᱚ ᱥᱮᱞᱮᱫ ᱢᱮᱱᱟᱜᱼᱟ᱾ ᱥᱤᱧᱚᱛ ᱨᱮ ᱢᱚᱱᱮ ᱥᱟᱶᱟᱨ ᱨᱮᱭᱟᱜ ᱞᱟᱹᱲᱦᱟᱹᱭ ᱫᱚ ᱥᱟᱶᱛᱟ ᱨᱮᱭᱟᱜ ᱟᱭᱢᱟ ᱴᱚᱴᱷᱟ ᱨᱮ ᱚᱨᱥᱚᱝ ᱮᱢᱚᱜᱼᱟ, ᱡᱮᱞᱮᱠᱟ ᱟᱯᱱᱟᱨᱟᱜ ᱟᱨ ᱠᱟᱹᱢᱤᱭᱟᱹᱨᱤ ᱥᱟᱹᱜᱩᱱ, ᱠᱟᱹᱣᱰᱤᱭᱟᱹᱨᱤ ᱩᱛᱱᱟᱹᱣ, ᱟᱨᱡᱟᱣ ᱫᱟᱲᱮ, ᱟᱨ ᱥᱟᱶᱟᱨ ᱥᱮᱵᱟ ᱨᱮᱭᱟᱜ ᱵᱚᱡᱷᱟ᱾ ᱥᱟᱹᱨᱤ ᱠᱟᱛᱷᱟ ᱫᱚ, ᱡᱮᱜᱮᱛ ᱥᱟᱶᱟᱨ ᱜᱟᱶᱛᱟ ᱞᱮᱠᱟᱛᱮ, ᱢᱚᱱᱮ ᱥᱟᱶᱟᱨ ᱠᱷᱟᱹᱛᱤᱨ ᱒᱐᱑᱒-᱒᱐᱓᱐ ᱛᱟᱞᱟ ᱨᱮ ᱟᱸᱫᱟᱡᱽ $᱑.᱐᱓ ᱴᱨᱤᱞᱤᱭᱚᱱ ᱭᱩ.ᱮᱥ.ᱰᱤ ᱱᱚᱥᱴᱚᱜᱼᱟ᱾[᱓᱓] ᱚᱱᱟ ᱥᱟᱶᱛᱮ, ᱟᱭᱢᱟ ᱥᱤᱧᱚᱛᱤᱭᱟᱹ ᱥᱟᱶᱛᱟ ᱠᱚᱨᱮ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚ ᱤᱫᱤ ᱠᱟᱛᱮ ᱵᱟᱹᱲᱤᱡ ᱩᱭᱦᱟᱹᱨ ᱪᱟᱞᱟᱜ ᱠᱟᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱦᱚᱲ ᱠᱚ ᱜᱚᱲᱚ ᱯᱟᱸᱡᱟ ᱠᱷᱚᱱ ᱠᱚ ᱥᱟᱦᱟᱜᱼᱟ ᱟᱨ ᱵᱟᱹᱲᱤᱡ ᱚᱨᱡᱚ ᱠᱚ ᱟᱨᱦᱚᱸ ᱵᱟᱹᱲᱤᱡᱚᱜᱼᱟ᱾[᱓᱔]

ᱡᱟᱱᱟᱝ ᱵᱮ-ᱥᱚᱢᱟᱱ ᱫᱚ ᱟᱭᱢᱟ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱨᱮᱭᱟᱜ ᱢᱤᱫ ᱢᱩᱬᱩᱛ ᱯᱷᱮᱰᱟᱛ ᱠᱟᱱᱟ᱾ ᱫᱟᱲᱮ ᱨᱮᱭᱟᱜ ᱵᱟᱝ-ᱥᱚᱢᱟᱱ, ᱥᱮᱪᱮᱫ ᱨᱮ ᱠᱚᱢ ᱫᱟᱣ, ᱟᱨ ᱱᱟᱦᱟᱪᱟᱨ ᱞᱮᱠᱟᱱ ᱛᱮᱛᱮᱫ ᱠᱚ ᱠᱷᱟᱹᱛᱤᱨ ᱠᱩᱲᱤ ᱦᱚᱯᱚᱱ ᱠᱚᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱢᱚᱱᱮ ᱥᱟᱶᱟᱨ ᱟᱡᱟᱨ ᱨᱮ ᱡᱟᱹᱥᱛᱤ ᱠᱚ ᱯᱟᱲᱟᱣᱜᱼᱟ᱾ ᱫᱟᱹᱭᱠᱟᱹ ᱞᱮᱠᱟᱛᱮ, ᱠᱚᱲᱟ ᱠᱚ ᱠᱷᱚᱱ ᱠᱩᱲᱤ ᱦᱚᱯᱚᱱ ᱠᱚ ᱴᱷᱮᱱ ᱪᱤᱱᱛᱟᱹ ᱟᱡᱟᱨ ᱨᱮᱭᱟᱜ ᱵᱚᱛᱚᱨ ᱫᱚ ᱒-᱓ ᱜᱩᱱ ᱡᱟᱹᱥᱛᱤ ᱜᱮᱭᱟ᱾ ᱢᱟᱞᱦᱳᱛᱨᱟ ᱟᱨ ᱮᱴᱟᱜ ᱠᱚᱣᱟᱜ ᱢᱮᱱ ᱞᱮᱠᱟᱛᱮ, ᱒᱐᱐᱑ ᱨᱮ ᱡᱮᱜᱮᱛ ᱥᱟᱶᱟᱨ ᱜᱟᱶᱛᱟ ᱨᱮᱭᱟᱜ ᱰᱟᱴᱟ ᱵᱮᱵᱷᱟᱨ ᱠᱟᱛᱮ, "ᱠᱚᱲᱟ ᱠᱚ ᱴᱷᱮᱱ ᱒᱙.᱓% ᱥᱟᱶ ᱛᱩᱞᱟᱹᱡᱚᱠᱷᱟ ᱞᱮᱠᱷᱟᱱ ᱠᱩᱲᱤ ᱦᱚᱯᱚᱱ ᱠᱚ ᱴᱷᱮᱱ ᱱᱤᱣᱨᱳᱥᱟᱭᱠᱤᱭᱟᱴᱨᱤᱠ ᱟᱡᱟᱨ ᱠᱷᱚᱱ ᱦᱩᱭᱩᱜ ᱫᱤᱵᱽᱭᱟᱝ ᱨᱮᱭᱟᱜ ᱔᱑.᱙% ᱫᱚ ᱰᱤᱯᱨᱮᱥᱤᱵᱷ ᱟᱡᱟᱨ ᱠᱷᱟᱹᱛᱤᱨ ᱦᱩᱭᱩᱜᱼᱟ᱾"[᱓᱕]

ᱛᱤᱠᱤᱪᱷᱟ ᱨᱮᱭᱟᱜ ᱯᱷᱟᱨᱟᱠ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱙ ᱥᱟᱞᱮ ᱨᱮ, ᱱᱚᱶᱟ ᱟᱸᱫᱟᱡᱽ ᱞᱮᱱᱟ ᱡᱮ ᱜᱚᱴᱟ ᱫᱷᱟᱹᱨᱛᱤ ᱨᱮ ᱡᱟᱣ ᱤᱨᱟᱹᱞ ᱦᱚᱲ ᱢᱩᱫᱽ ᱨᱮ ᱢᱤᱫ ᱦᱚᱲ ᱫᱚ ᱢᱚᱱᱮ ᱟᱡᱟᱨ ᱥᱟᱶ ᱡᱤᱭᱚᱱ ᱠᱚ ᱠᱷᱟᱸᱰᱟᱣᱮᱫᱟ᱾[᱓᱖] ᱡᱩᱫᱤᱦᱚᱸ ᱢᱚᱱᱮ ᱟᱡᱟᱨ ᱨᱮᱭᱟᱜ ᱛᱤᱠᱤᱪᱷᱟ ᱞᱟᱹᱜᱤᱫ ᱟᱭᱢᱟ ᱚᱨᱡᱚᱣᱟᱱ ᱮᱱᱮᱢ ᱠᱚ ᱵᱟᱰᱟᱭ ᱢᱮᱱᱟᱜᱼᱟ, ᱟᱨ ᱢᱚᱱᱮ ᱟᱡᱟᱨ ᱨᱮ ᱢᱮᱱᱟᱜ ᱦᱚᱲ ᱠᱚᱣᱟᱜ ᱛᱤᱠᱤᱪᱷᱟ ᱨᱮᱭᱟᱜ ᱞᱟᱹᱠᱛᱤ ᱤᱫᱤ ᱠᱟᱛᱮ ᱪᱤᱨᱜᱟᱹᱞ ᱵᱟᱹᱲᱛᱤ ᱟᱠᱟᱱᱟ, ᱮᱱᱛᱮᱨᱮᱦᱚᱸ ᱡᱟᱦᱟᱸᱭ ᱠᱚ ᱢᱚᱱᱮ ᱥᱟᱶᱟᱨ ᱡᱚᱛᱚᱱ ᱨᱮᱭᱟᱜ ᱞᱟᱹᱠᱛᱤ ᱢᱮᱱᱟᱜ ᱛᱟᱠᱚᱣᱟ ᱢᱮᱱᱠᱷᱟᱱ ᱵᱟᱝ ᱠᱚ ᱧᱟᱢᱮᱫᱟ ᱩᱱᱠᱩᱣᱟᱜ ᱚᱱᱩᱯᱟᱛ ᱫᱚ ᱟᱹᱰᱤ ᱰᱷᱮᱨ ᱜᱮᱭᱟ᱾ ᱱᱚᱶᱟ "ᱛᱤᱠᱤᱪᱷᱟ ᱨᱮᱭᱟᱜ ᱯᱷᱟᱨᱟᱠ" ᱫᱚ ᱠᱚᱢ-ᱟᱨᱡᱟᱣᱟᱱ ᱟᱨ ᱛᱟᱞᱟᱢᱟᱞᱟ-ᱟᱨᱡᱟᱣᱟᱱ ᱫᱤᱥᱚᱢ ᱠᱚ ᱞᱟᱹᱜᱤᱫ ᱗᱖–᱘᱕% ᱟᱨ ᱰᱷᱮᱨ-ᱟᱨᱡᱟᱣᱟᱱ ᱫᱤᱥᱚᱢ ᱠᱚ ᱞᱟᱹᱜᱤᱫ ᱓᱕–᱕０% ᱫᱷᱟᱹᱵᱤᱡ ᱥᱮᱴᱮᱨᱚᱜᱼᱟ ᱢᱮᱱᱛᱮ ᱟᱸᱫᱟᱡᱽ ᱟᱠᱟᱱᱟ᱾ ᱢᱚᱱᱮ ᱟᱡᱟᱨ ᱪᱮᱛᱟᱱ ᱨᱮ ᱡᱟᱹᱛᱤᱭᱟᱹᱨᱤ ᱢᱮᱱᱴ ( ᱞᱮᱠᱟᱛᱮ, ᱒᱐᱒᱐ ᱥᱟᱞᱮ ᱨᱮ ᱢᱤᱫ ᱟᱸᱴ ᱢᱚᱱᱮ ᱟᱡᱟᱨ ᱨᱮ ᱢᱮᱱᱟᱜ ᱓᱓.᱕% ᱟᱢᱮᱨᱤᱠᱟᱱ ᱥᱮᱬᱟ ᱦᱚᱲ ᱟᱨ ᱢᱚᱱᱮ ᱟᱡᱟᱨ ᱨᱮ ᱢᱮᱱᱟᱜ ᱕᱓.᱘% ᱟᱢᱮᱨᱤᱠᱟᱱ ᱥᱮᱬᱟ ᱦᱚᱲ ᱱᱚᱶᱟ ᱞᱟᱹᱜᱤᱫ ᱚᱠᱟ ᱛᱤᱠᱤᱪᱷᱟ ᱦᱚᱸ ᱵᱟᱝ ᱠᱚ ᱧᱟᱢ ᱞᱮᱫᱟ᱾[᱓᱗]

ᱢᱟᱱᱟᱣ ᱵᱟᱛᱟᱣ ᱟᱠᱟᱱ ᱞᱟᱹᱠᱛᱤ ᱛᱟᱦᱮᱸᱱ ᱛᱩᱞᱩᱡ ᱦᱚᱸ, ᱡᱟᱹᱥᱛᱤ ᱠᱟᱭᱛᱮ ᱯᱟᱨᱚᱢᱮᱱ ᱥᱮᱨᱢᱟ ᱠᱚᱨᱮ ᱢᱚᱱᱮ ᱥᱟᱶᱟᱨ ᱡᱚᱛᱚᱱ ᱮᱢᱚᱜ ᱨᱮ ᱟᱹᱰᱤ ᱢᱟᱨᱟᱝ ᱵᱚᱫᱚᱞ ᱫᱚ ᱵᱟᱝ ᱦᱩᱭ ᱟᱠᱟᱱᱟ᱾[᱓᱘] ᱱᱚᱶᱟ ᱮᱴᱠᱮᱴᱚᱬᱮ ᱨᱮᱭᱟᱜ ᱢᱩᱬᱩᱛ ᱠᱟᱨᱚᱱ ᱠᱚᱫᱚ ᱦᱩᱭᱩᱜ ᱠᱟᱱᱟ ᱫᱤᱥᱩᱣᱟᱹ ᱥᱟᱶᱟᱨ ᱨᱮᱭᱟᱜ ᱯᱩᱭᱞᱩ ᱴᱷᱟᱶ ᱠᱚ, ᱟᱭᱢᱟ ᱫᱤᱥᱚᱢ ᱨᱮ ᱢᱚᱱᱮ ᱥᱟᱶᱟᱨ ᱟᱹᱨᱤ ᱟᱨ ᱟᱹᱱᱟᱹᱨᱤ ᱨᱮᱭᱟᱜ ᱚᱵᱷᱟᱵᱽ, ᱨᱤᱥᱳᱨᱥ ᱨᱮᱭᱟᱜ ᱚᱵᱷᱟᱵᱽ – ᱠᱟᱹᱣᱰᱤᱟᱹᱨᱤ ᱟᱨ ᱢᱟᱹᱱᱢᱤ ᱨᱤᱥᱳᱨᱥ – ᱟᱨ ᱚᱱᱟ ᱥᱟᱶᱛᱮ ᱨᱤᱥᱳᱨᱥ ᱨᱮᱭᱟᱜ ᱵᱟᱝ-ᱚᱨᱡᱚᱣᱟᱱ ᱦᱟᱹᱴᱤᱧ᱾[᱓᱙]

᱒᱐᱑᱑ ᱥᱟᱞᱮ ᱨᱮ, ᱡᱮᱜᱮᱛ ᱥᱟᱶᱟᱨ ᱜᱟᱶᱛᱟ ᱫᱚ ᱑᱔᱔ ᱜᱚᱴᱟᱝ ᱠᱚᱢ- ᱟᱨ ᱛᱟᱞᱟᱢᱟᱞᱟ-ᱟᱨᱡᱟᱣᱟᱱ ᱫᱤᱥᱚᱢ ᱠᱚᱨᱮ ᱢᱚᱱᱮ ᱟᱡᱟᱨ ᱨᱮᱭᱟᱜ ᱛᱤᱠᱤᱪᱷᱟ ᱞᱟᱹᱜᱤᱫ ᱑.᱑᱘ ᱢᱤᱞᱤᱭᱚᱱ ᱢᱚᱱᱮ ᱥᱟᱶᱟᱨ ᱯᱟᱹᱨᱩᱠᱤᱭᱟᱹ ᱠᱚᱣᱟᱜ ᱚᱵᱷᱟᱵᱽ ᱨᱮᱭᱟᱜ ᱟᱸᱫᱟᱡᱽ ᱮ ᱞᱟᱜᱟᱣ ᱞᱮᱫᱟ, ᱡᱟᱦᱟᱸ ᱨᱮ ᱕᱕,᱐᱐᱐ ᱥᱟᱭᱠᱤᱭᱟᱴᱨᱤᱥᱴ, ᱢᱚᱱᱮ ᱥᱟᱶᱟᱨ ᱥᱮᱴᱤᱝ ᱠᱚᱨᱮ ᱖᱒᱘,᱐᱐᱐ ᱱᱟᱨᱥ, ᱟᱨ ᱔᱙᱓,᱐᱐᱐ ᱥᱟᱭᱠᱳᱥᱳᱥᱤᱭᱟᱞ ᱡᱚᱛᱚᱱ ᱮᱢᱚᱜᱤᱡ ᱥᱮᱞᱮᱫ ᱢᱮᱱᱟᱜ ᱠᱚᱣᱟ᱾ ᱱᱚᱶᱟ ᱥᱟᱶᱟᱨ ᱠᱟᱹᱢᱤᱭᱟᱹ ᱚᱵᱷᱟᱵᱽ ᱪᱟᱵᱟᱭ ᱞᱟᱹᱜᱤᱫ ᱥᱮᱨᱢᱟᱠᱤᱭᱟᱹ ᱠᱩᱲᱟᱹᱭ ᱵᱤᱞ ᱫᱚ ᱟᱸᱫᱟᱡᱽ ᱔.᱔ ᱵᱤᱞᱤᱭᱚᱱ ᱟᱢᱮᱨᱤᱠᱟᱱ ᱰᱚᱞᱟᱨ (US$) ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱟᱸᱫᱟᱡᱽ ᱞᱮᱱᱟ᱾[᱔᱐]

ᱵᱮᱵᱚᱥᱛᱷᱟ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚᱸ ᱱᱟᱯᱟᱭ ᱢᱚᱱᱮ ᱥᱟᱶᱟᱨ ᱡᱚᱛᱚᱱ ᱮᱢᱚᱜ ᱞᱟᱹᱜᱤᱫ ᱠᱚᱢ-ᱠᱷᱚᱨᱚᱪ ᱟᱱ ᱵᱮᱵᱚᱥᱛᱷᱟ ᱠᱚ ᱤᱫᱤ ᱠᱟᱛᱮ ᱵᱟᱰᱟᱭᱡᱚᱝ ᱠᱟᱛᱷᱟ ᱟᱨ ᱯᱨᱚᱢᱟᱱ ᱠᱚ ᱧᱟᱢᱚᱜᱼᱟ᱾ ᱡᱩᱫᱤᱦᱚᱸ ᱡᱟᱹᱥᱛᱤ ᱜᱟᱱ ᱠᱷᱚᱸᱫᱽᱨᱚᱱ (᱘᱐%) ᱫᱚ ᱩᱥᱩᱞ-ᱟᱨᱡᱟᱣᱟᱱ ᱫᱤᱥᱚᱢ ᱠᱚᱨᱮ ᱦᱩᱭ ᱟᱠᱟᱱᱟ, ᱮᱱᱛᱮᱨᱮᱦᱚᱸ ᱠᱚᱢ- ᱟᱨ ᱛᱟᱞᱟᱢᱟᱞᱟ-ᱟᱨᱡᱟᱣᱟᱱ ᱫᱤᱥᱚᱢ ᱠᱚ ᱠᱷᱚᱱ ᱦᱚᱸ ᱠᱮᱴᱮᱡ ᱯᱨᱚᱢᱟᱱ ᱢᱮᱱᱟᱜᱼᱟ ᱡᱮ ᱯᱷᱟᱨᱢᱟᱠᱳᱞᱳᱡᱤᱠᱟᱞ ᱟᱨ ᱥᱟᱭᱠᱳᱥᱳᱥᱤᱭᱟᱞ ᱵᱮᱵᱚᱥᱛᱷᱟ ᱠᱚᱫᱚ ᱢᱚᱱᱮ ᱟᱡᱟᱨ ᱠᱚ ᱛᱤᱠᱤᱪᱷᱟ ᱞᱟᱹᱜᱤᱫ ᱚᱨᱡᱚᱣᱟᱱ ᱦᱚᱨᱟ ᱠᱟᱱᱟ, ᱡᱟᱦᱟᱸ ᱨᱮ ᱡᱚᱛᱚ ᱠᱷᱚᱱ ᱠᱮᱴᱮᱡ ᱯᱨᱚᱢᱟᱱ ᱫᱚ ᱰᱤᱯᱨᱮᱥᱚᱱ, ᱥᱤᱡᱳᱯᱷᱨᱮᱱᱤᱭᱟ, ᱵᱟᱭᱯᱳᱞᱟᱨ ᱟᱡᱟᱨ ᱟᱨ ᱵᱚᱛᱚᱨᱟᱱ ᱯᱟᱹᱣᱨᱟᱹ ᱵᱮᱵᱷᱟᱨ ᱞᱟᱹᱜᱤᱫ ᱢᱮᱱᱟᱜᱼᱟ᱾

ᱜᱚᱴᱟ ᱫᱷᱟᱹᱨᱛᱤ ᱨᱮ ᱢᱚᱱᱮ ᱥᱟᱶᱟᱨ ᱥᱤᱥᱴᱮᱢ ᱠᱚ ᱠᱮᱴᱮᱡ ᱞᱟᱹᱜᱤᱫ ᱫᱤᱥᱟᱹ-ᱮᱢ ᱠᱚᱫᱚ ᱯᱩᱭᱞᱩ ᱫᱷᱟᱣ ᱰᱟᱵᱽᱞᱩ.ᱮᱭᱤᱪ.ᱳ ᱨᱮᱭᱟᱜ ᱡᱮᱜᱮᱛ ᱥᱟᱶᱟᱨ ᱨᱤᱯᱳᱨᱴ ᱒᱐᱐᱑ ᱨᱮ ᱢᱮᱱ ᱞᱮᱱᱟ,[᱔᱑] ᱡᱟᱦᱟᱸ ᱫᱚ ᱢᱚᱱᱮ ᱥᱟᱶᱟᱨ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮ ᱮᱢ ᱞᱮᱫᱟ:

  1. ᱯᱩᱭᱞᱩ ᱥᱮᱵᱟ ᱨᱮ ᱛᱤᱠᱤᱪᱷᱟ ᱮᱢ
  2. ᱢᱚᱱᱮ-ᱚᱨᱥᱚᱝ ᱨᱟᱱ ᱠᱚ ᱧᱟᱢ ᱦᱚᱪᱚ
  3. ᱥᱟᱶᱛᱟ ᱨᱮ ᱡᱚᱛᱚᱱ ᱮᱢ
  4. ᱫᱤᱥᱚᱢ ᱦᱚᱲ ᱠᱚ ᱥᱮᱪᱮᱫ
  5. ᱥᱟᱶᱛᱟ, ᱜᱷᱟᱨᱚᱸᱡᱽ ᱟᱨ ᱵᱮᱵᱷᱟᱨᱤᱭᱟᱹ ᱠᱚ ᱥᱮᱞᱮᱫ
  6. ᱡᱟᱹᱛᱤᱭᱟᱹᱨᱤ ᱟᱹᱨᱤ, ᱠᱟᱹᱢᱤᱦᱚᱨᱟ ᱟᱨ ᱟᱹᱱᱟᱹᱨᱤ ᱵᱮᱱᱟᱣ
  7. ᱢᱟᱹᱱᱢᱤ ᱨᱤᱥᱳᱨᱥ ᱩᱛᱱᱟᱹᱣ
  8. ᱮᱴᱟᱜ ᱥᱮᱠᱴᱚᱨ ᱠᱚ ᱥᱟᱶ ᱡᱚᱯᱚᱲᱟᱣ
  9. ᱥᱟᱶᱛᱟ ᱨᱮᱭᱟᱜ ᱢᱚᱱᱮ ᱥᱟᱶᱟᱨ ᱱᱚᱡᱚᱨ ᱫᱚᱦᱚ
  10. ᱵᱟᱹᱲᱛᱤ ᱠᱷᱚᱸᱫᱽᱨᱚᱸᱫᱽ ᱜᱚᱲᱚ

ᱢᱚᱱᱮ ᱥᱟᱶᱟᱨ ᱥᱤᱥᱴᱮᱢ ᱞᱟᱹᱜᱤᱫ ᱰᱟᱵᱽᱞᱩ.ᱮᱭᱤᱪ.ᱳ ᱟᱥᱮᱥᱢᱮᱱᱴ ᱴᱩᱞ ᱦᱚᱛᱮᱛᱮ ᱛᱩᱞᱟᱹᱡᱚᱠᱷᱟ ᱟᱠᱟᱱ ᱑᱒ ᱜᱚᱴᱟᱝ ᱫᱤᱥᱚᱢ ᱨᱮᱭᱟᱜ ᱰᱟᱴᱟ ᱪᱮᱛᱟᱱ ᱨᱮ ᱴᱮᱦᱟᱸᱰ ᱠᱟᱛᱮ,[᱔᱒] ᱥᱤᱡᱳᱯᱷᱨᱮᱱᱤᱭᱟ, ᱵᱟᱭᱯᱳᱞᱟᱨ ᱮᱯᱷᱮᱠᱴᱤᱵᱷ ᱟᱡᱟᱨ, ᱰᱤᱯᱨᱮᱥᱤᱵᱷ ᱮᱯᱤᱥᱳᱰ ᱟᱨ ᱵᱚᱛᱚᱨᱟᱱ ᱯᱟᱹᱣᱨᱟᱹ ᱵᱮᱵᱷᱟᱨ ᱞᱟᱹᱜᱤᱫ ᱢᱤᱫ ᱢᱩᱞ ᱛᱤᱠᱤᱪᱷᱟ ᱯᱮᱠᱮᱡᱽ ᱮᱢ ᱠᱟᱛᱮ ᱢᱚᱱᱮ ᱥᱟᱶᱟᱨ ᱥᱮᱵᱟ ᱠᱚ ᱯᱟᱥᱱᱟᱣ ᱨᱮᱭᱟᱜ ᱠᱷᱚᱨᱚᱪ ᱟᱸᱫᱟᱡᱽ ᱟᱠᱟᱱᱟ᱾ ᱰᱟᱵᱽᱞᱩ.ᱮᱭᱤᱪ.ᱳ ᱨᱮᱭᱟᱜ ᱫᱤᱥᱟᱹ-ᱮᱢ ᱞᱮᱠᱟᱛᱮ ᱢᱚᱱᱮ ᱥᱟᱶᱟᱨ ᱥᱤᱥᱴᱮᱢ ᱠᱚᱨᱮ ᱠᱟᱴᱷᱟᱢᱳᱜᱚᱛ ᱵᱚᱫᱚᱞ ᱠᱚ ᱦᱚᱸ ᱦᱤᱥᱟᱹᱵᱽ ᱨᱮ ᱦᱟᱛᱟᱣ ᱟᱠᱟᱱᱟ᱾

ᱡᱟᱹᱥᱛᱤ ᱜᱟᱱ ᱫᱤᱥᱚᱢ ᱞᱟᱹᱜᱤᱫ, ᱱᱚᱶᱟ ᱢᱚᱰᱮᱞ ᱫᱚ ᱡᱟᱣ ᱦᱚᱲ ᱯᱤᱪᱷᱤ ᱡᱟᱣ ᱥᱮᱨᱢᱟ US$᱐.᱓᱐ – ᱐.᱕᱐ ᱨᱮᱭᱟᱜ ᱮᱛᱚᱦᱚᱵ ᱵᱤᱱᱤᱭᱳᱜᱽ ᱨᱮᱭᱟᱜ ᱫᱤᱥᱟᱹ ᱮ ᱮᱢᱚᱜᱼᱟ᱾ ᱠᱚᱢ-ᱟᱭ ᱫᱤᱥᱚᱢ ᱠᱚᱨᱮ ᱢᱚᱱᱮ ᱥᱟᱶᱟᱨ ᱪᱮᱛᱟᱱ ᱨᱮ ᱜᱩᱴ ᱠᱷᱚᱨᱚᱪ ᱫᱚ ᱠᱚᱢ ᱠᱷᱚᱱ ᱠᱚᱢ ᱜᱮᱞ ᱜᱩᱱ ᱵᱟᱲᱦᱟᱣ ᱦᱩᱭᱩᱜᱼᱟ᱾ ᱚᱱᱟ ᱫᱤᱥᱚᱢ ᱠᱚᱨᱮ, ᱵᱟᱹᱲᱛᱤ ᱠᱟᱹᱣᱰᱤᱟᱹᱨᱤ ᱨᱤᱥᱳᱨᱥ ᱨᱮᱭᱟᱜ ᱞᱟᱹᱠᱛᱤ ᱛᱟᱦᱮᱸᱱᱟ, ᱡᱚᱠᱷᱚᱱ ᱛᱟᱞᱟᱢᱟᱞᱟ- ᱟᱨ ᱩᱥᱩᱞ-ᱟᱭ ᱫᱤᱥᱚᱢ ᱠᱚᱨᱮ ᱢᱩᱬᱩᱛ ᱮᱴᱠᱮᱴᱚᱬᱮ ᱫᱚ ᱦᱩᱭᱩᱜᱼᱟ ᱟᱨᱦᱚᱸ ᱱᱟᱯᱟᱭ ᱢᱚᱱᱮ ᱥᱟᱶᱟᱨ ᱥᱮᱵᱟ ᱮᱢᱚᱜ ᱞᱟᱹᱜᱤᱫ ᱥᱟᱶᱟᱨ ᱥᱤᱥᱴᱮᱢ ᱵᱷᱤᱛᱨᱤ ᱨᱮ ᱨᱤᱥᱳᱨᱥ ᱠᱚ ᱫᱚᱲᱦᱟ ᱦᱟᱹᱴᱤᱧ᱾

ᱴᱮᱞᱤᱢᱮᱱᱴᱟᱞ ᱦᱮᱞᱛᱷ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱢ- ᱟᱨ ᱛᱟᱞᱟᱢᱟᱞᱟ-ᱟᱭ ᱫᱤᱥᱚᱢ ᱠᱚᱨᱮ ᱴᱮᱞᱤᱥᱟᱭᱠᱤᱭᱟᱴᱨᱤ ᱨᱮᱭᱟᱜ ᱵᱟᱹᱲᱛᱤᱜ ᱠᱟᱱ ᱫᱟᱹᱵᱤ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱴᱮᱞᱤᱠᱚᱢᱤᱣᱱᱤᱠᱮᱥᱚᱱ ᱴᱮᱠᱱᱳᱞᱳᱡᱤ (ᱡᱟᱹᱥᱛᱤ ᱠᱟᱭᱛᱮ ᱵᱷᱤᱰᱤᱭᱳ ᱠᱚᱱᱯᱷᱟᱨᱮᱱᱥᱤᱝ ᱟᱨ ᱯᱷᱳᱱ ᱠᱚᱞ) ᱛᱟᱞᱟᱛᱮ ᱢᱚᱱᱮ ᱥᱟᱶᱟᱨ ᱥᱮᱵᱟ ᱮᱢᱚᱜ᱾ ᱱᱚᱶᱟ ᱫᱚ ᱟᱥᱚᱠᱟᱭ ᱛᱮ ᱜᱩᱱᱢᱟᱱ ᱥᱟᱶᱟᱨ ᱥᱮᱵᱟ ᱧᱟᱢ ᱨᱮᱭᱟᱜ ᱚᱵᱷᱟᱵᱽ, ᱠᱚᱢ-ᱯᱷᱟᱱᱰᱤᱝ ᱟᱨ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚ ᱤᱫᱤ ᱠᱟᱛᱮ ᱠᱚᱢ ᱪᱤᱨᱜᱟᱹᱞ ᱠᱷᱟᱹᱛᱤᱨ ᱡᱟᱹᱥᱛᱤ ᱧᱮᱞᱚᱜᱼᱟ᱾[᱔᱓] ᱢᱤᱫ ᱡᱮᱜᱮᱛᱟᱹᱨᱤ ᱥᱟᱶᱟᱨ ᱯᱚᱨᱤᱯᱨᱮᱠᱷᱤ ᱨᱮ ᱴᱮᱞᱤᱢᱮᱱᱴᱟᱞ ᱦᱮᱞᱛᱷ ᱫᱚ ᱟᱹᱰᱤ ᱟᱭᱢᱟ ᱦᱚᱲ ᱠᱚ ᱞᱟᱹᱜᱤᱫ ᱩᱥᱩᱞ-ᱜᱩᱱ ᱨᱮᱭᱟᱜ ᱢᱚᱱᱮ ᱥᱟᱶᱟᱨ ᱥᱮᱵᱟ ᱧᱟᱢ ᱨᱮᱭᱟᱜ ᱫᱟᱣ ᱮ ᱮᱢ ᱫᱟᱲᱮᱭᱟᱜᱼᱟ᱾ ᱚᱱᱟ ᱥᱟᱶ ᱥᱟᱶᱛᱮ ᱰᱟᱴᱟ ᱨᱩᱠᱷᱤᱭᱟᱹ ᱤᱫᱤ ᱠᱟᱛᱮ ᱪᱤᱱᱛᱟᱹ ᱟᱨ ᱡᱚᱛᱷᱟᱛ ᱤᱱᱯᱷᱨᱟᱥᱴᱨᱟᱠᱪᱟᱨ, ᱫᱟᱲᱮ, ᱧᱟᱢ ᱨᱮᱭᱟᱜ ᱦᱚᱨᱟ ᱟᱨ ᱦᱩᱱᱟᱹᱨ ᱠᱚ ᱤᱫᱤ ᱠᱟᱛᱮ ᱦᱚᱸ ᱮᱴᱠᱮᱴᱚᱬᱮ ᱢᱮᱱᱟᱜᱼᱟ᱾[᱔᱔]

ᱴᱮᱠᱟᱣ ᱫᱟᱨᱟᱢ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱱᱮ ᱥᱟᱶᱟᱨ ᱨᱮᱭᱟᱜ ᱠᱟᱹᱢᱤᱦᱚᱨᱟ ᱠᱚᱨᱮ ᱴᱮᱠᱟᱣ ᱫᱟᱨᱟᱢ ᱫᱚ ᱱᱤᱛ ᱧᱮᱞ ᱮᱦᱚᱵ ᱟᱠᱟᱱᱟ, ᱡᱟᱦᱟᱸ ᱨᱮ ᱒᱐᱐᱔ ᱨᱮᱭᱟᱜ ᱰᱟᱵᱽᱞᱩ.ᱮᱭᱤᱪ.ᱳ ᱨᱤᱯᱳᱨᱴ "ᱢᱚᱱᱮ ᱟᱡᱟᱨ ᱠᱚ ᱴᱮᱠᱟᱣ ᱫᱟᱨᱟᱢ", ᱒᱐᱐᱘ ᱨᱮᱭᱟᱜ ᱤ.ᱭᱩ "ᱢᱚᱱᱮ ᱥᱟᱶᱟᱨ ᱞᱟᱹᱜᱤᱫ ᱪᱩᱠᱛᱤ" ᱟᱨ ᱒᱐᱑᱑ ᱨᱮᱭᱟᱜ ᱟᱢᱮᱨᱤᱠᱟ ᱡᱟᱹᱛᱤᱭᱟᱹᱨᱤ ᱴᱮᱠᱟᱣ ᱫᱟᱨᱟᱢ ᱠᱟᱹᱢᱤᱦᱚᱨᱟ ᱥᱮᱞᱮᱫ ᱢᱮᱱᱟᱜᱼᱟ᱾ ᱮᱱ.ᱟᱭ.ᱮᱢ.ᱮᱭᱤᱪ ᱥᱮ ᱡᱟᱹᱛᱤᱭᱟᱹᱨᱤ ᱢᱚᱱᱮ ᱥᱟᱶᱟᱨ ᱥᱚᱸᱥᱛᱷᱟ ᱴᱷᱮᱱ ᱔᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱠᱟᱹᱣᱰᱤ ᱜᱚᱲᱚ ᱢᱮᱱᱟᱜᱼᱟ᱾[᱔᱕]

ᱡᱩᱫᱤ ᱟᱢ ᱯᱩᱱᱭᱟ ᱥᱮ ᱚᱱᱟ ᱠᱷᱚᱱ ᱵᱟᱹᱲᱛᱤ ᱜᱤᱫᱽᱨᱟᱹ ᱚᱵᱚᱥᱛᱟ ᱨᱮᱭᱟᱜ ᱵᱟᱹᱲᱤᱡ ᱟᱹᱱᱟᱹᱭᱠᱟᱹᱣ ᱠᱚ ᱮᱢ ᱥᱟᱢᱟᱝ ᱟᱠᱟᱫᱟ, ᱮᱱᱠᱷᱟᱱ ᱟᱢ ᱴᱷᱮᱱ ᱰᱤᱯᱨᱮᱥᱚᱱ ᱦᱩᱭᱩᱜ ᱨᱮᱭᱟᱜ ᱵᱚᱛᱚᱨ ᱓.᱒ ᱠᱷᱚᱱ ᱔.᱐ ᱜᱩᱱ ᱵᱟᱹᱲᱛᱤ ᱛᱟᱦᱮᱸᱱᱟ,[᱔᱖] ᱟᱨ ᱚᱱᱟ ᱥᱟᱶᱛᱮ ᱮᱴᱟᱜ ᱟᱭᱢᱟ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ᱾[᱔᱗] ᱟᱡᱟᱨ ᱴᱮᱠᱟᱣ ᱟᱨ ᱫᱟᱨᱟᱢ ᱛᱟᱞᱢᱟ (ᱥᱤ.ᱰᱤ.ᱥᱤ) ᱫᱚ ᱦᱚᱲᱢᱚ ᱟᱨ ᱢᱚᱱᱮ ᱥᱟᱶᱟᱨ ᱨᱮᱭᱟᱜ ᱥᱩᱨ ᱥᱟᱹᱜᱟᱹᱭ ᱮ ᱯᱚᱨᱤᱠᱷᱟ ᱭᱟ᱾ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱠᱚᱫᱚ ᱥᱩᱢᱩᱝ ᱦᱚᱲᱢᱚ ᱨᱮᱭᱟᱜ ᱠᱷᱟᱨᱟᱯ ᱦᱟᱞᱚᱛ ᱨᱮᱭᱟᱜ ᱵᱚᱛᱚᱨ ᱮ ᱵᱟᱹᱲᱛᱤ ᱚᱪᱚᱭᱟ ᱚᱱᱠᱟ ᱫᱚ ᱵᱟᱝ, ᱢᱮᱱᱠᱷᱟᱱ ᱡᱤᱞᱤᱧ-ᱚᱠᱛᱚ ᱨᱮᱭᱟᱜ ᱟᱡᱟᱨ ᱠᱚ ᱦᱚᱸ ᱢᱚᱱᱮ ᱟᱡᱟᱨ ᱨᱮᱭᱟᱜ ᱵᱟᱹᱲᱛᱤ ᱵᱚᱛᱚᱨ ᱥᱮᱫ ᱮ ᱤᱫᱤ ᱫᱟᱲᱮᱭᱟᱜᱼᱟ᱾ ᱚᱱᱟᱛᱮ, ᱢᱚᱱᱮ ᱟᱨ ᱦᱚᱲᱢᱚ ᱥᱟᱶᱟᱨ ᱵᱟᱱᱟᱨ ᱜᱮ ᱥᱚᱞᱦᱮ ᱫᱚ ᱢᱤᱫ ᱜᱩᱴ ᱵᱷᱟᱹᱞᱟᱹᱭ ᱞᱟᱹᱜᱤᱫ ᱟᱹᱰᱤ ᱞᱟᱹᱠᱛᱤᱭᱟᱱᱟ᱾[᱔᱘]

ᱥᱤ.ᱰᱤ.ᱥᱤ ᱞᱮᱠᱟᱛᱮ, ᱟᱭᱢᱟ ᱵᱚᱛᱚᱨ ᱛᱮᱛᱮᱫ ᱠᱚ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱚᱱᱮ ᱥᱟᱶᱟᱨ ᱮᱴᱠᱮᱴᱚᱬᱮ ᱵᱮᱱᱟᱣ ᱨᱮ ᱮᱱᱮᱢ ᱮᱢ ᱫᱟᱲᱮᱭᱟᱜᱼᱟ᱾ ᱫᱟᱹᱭᱠᱟᱹ ᱞᱮᱠᱟᱛᱮ, ᱥᱮᱪᱮᱫ ᱨᱮᱭᱟᱜ ᱚᱵᱷᱟᱵᱽ, ᱥᱤᱢᱟᱹ ᱟᱠᱟᱱ ᱠᱟᱹᱢᱤ ᱟᱨ ᱠᱟᱹᱣᱰᱤᱭᱟᱹᱨᱤ ᱫᱟᱣ ᱠᱚ, ᱥᱟᱶᱛᱟᱨᱤ ᱞᱟᱹᱲᱦᱟᱹᱭ ᱟᱨ ᱮᱠᱞᱟ ᱛᱟᱦᱮᱸᱱ, ᱟᱨ ᱱᱤᱥᱟᱹ ᱵᱮᱵᱷᱟᱨ ᱫᱚ ᱡᱚᱛᱚ ᱜᱮ ᱢᱚᱱᱮ ᱥᱟᱶᱟᱨ ᱚᱵᱚᱥᱛᱟ ᱵᱮᱱᱟᱣ ᱨᱮᱭᱟᱜ ᱵᱚᱛᱚᱨ ᱮ ᱵᱟᱹᱲᱛᱤ ᱫᱟᱲᱮᱭᱟᱜᱼᱟ᱾ ᱚᱱᱟᱛᱮ, ᱢᱚᱱᱮ ᱥᱟᱶᱟᱨ ᱚᱵᱚᱥᱛᱟ ᱠᱚ ᱵᱤᱨᱩᱫᱷ ᱨᱮ ᱴᱮᱠᱟᱣ ᱫᱟᱨᱟᱢ ᱵᱮᱵᱚᱥᱛᱷᱟ ᱠᱚᱨᱮ ᱯᱩᱨᱟᱹᱣ ᱟᱨ ᱱᱟᱯᱟᱭ ᱥᱟᱶᱛᱟᱨᱤ ᱥᱟᱹᱜᱟᱹᱭ ᱠᱚ, ᱥᱟᱶᱟᱨ ᱥᱮᱵᱟ ᱟᱨ ᱜᱚᱲᱚ ᱧᱟᱢ, ᱟᱨ ᱠᱟᱹᱣᱰᱤᱭᱟᱹᱨᱤ ᱟᱨ ᱥᱮᱪᱮᱫ ᱨᱮᱭᱟᱜ ᱫᱟᱣ ᱠᱚ ᱛᱟᱦᱮᱸᱱ ᱥᱮᱞᱮᱫ ᱢᱮᱱᱟᱜᱼᱟ᱾[᱔᱙]

ᱠᱮᱢᱯᱮᱱ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱴᱟ ᱫᱷᱟᱹᱨᱛᱤ ᱨᱮ ᱟᱭᱢᱟ ᱞᱮᱠᱟᱱ ᱠᱮᱢᱯᱮᱱ ᱪᱟᱞᱟᱜ ᱠᱟᱱᱟ ᱡᱟᱦᱟᱸ ᱫᱚ ᱥᱟᱱᱟᱢ ᱦᱚᱲ ᱠᱚ ᱟᱠᱚᱣᱟᱜ ᱢᱚᱱᱮ ᱥᱟᱶᱟᱨ ᱨᱮ ᱜᱚᱲᱚ ᱮᱢᱚᱜ ᱞᱟᱹᱜᱤᱫ ᱠᱚ ᱠᱩᱨᱩᱢᱩᱴᱩᱭᱮᱫᱟ᱾ ᱱᱚᱸᱰᱮ ᱜᱚᱴᱟ ᱫᱷᱟᱹᱨᱛᱤ ᱨᱮᱭᱟᱜ ᱩᱥᱩᱞ-ᱛᱷᱟᱨ ᱨᱮᱱ ᱥᱴᱮᱠᱦᱳᱞᱰᱟᱨ ᱠᱚᱣᱟᱜ ᱠᱮᱢᱯᱮᱱ ᱨᱮᱭᱟᱜ ᱛᱤᱱᱟᱹᱜ ᱜᱟᱱ ᱫᱟᱹᱭᱠᱟᱹ ᱮᱢ ᱮᱱᱟ:

Power of Okay (ᱴᱷᱮᱠ ᱜᱮᱭᱟ ᱨᱮᱱᱟᱜ ᱫᱟᱲᱮ)[᱕᱐] ᱫᱚ ᱥᱠᱚᱴᱞᱮᱱᱰ ᱨᱮ "See Me" (ᱧᱮᱞᱮᱧ ᱢᱮ) ᱧᱩᱛᱩᱢᱟᱱ ᱢᱤᱫ ᱥᱚᱨᱠᱟᱨᱤ ᱯᱷᱟᱱᱰ ᱧᱟᱢ ᱠᱚᱢᱯᱟᱹᱱᱤ ᱦᱚᱛᱮᱛᱮ ᱪᱟᱪᱞᱟᱣᱜ ᱠᱟᱱ ᱢᱤᱫ ᱠᱮᱢᱯᱮᱱ ᱠᱟᱱᱟ᱾ ᱱᱚᱶᱟ ᱠᱮᱢᱯᱮᱱ ᱫᱚ ᱢᱩᱬᱩᱛ ᱞᱮᱠᱟᱛᱮ ᱠᱟᱹᱢᱤ ᱴᱷᱟᱶ ᱨᱮ ᱢᱚᱱᱮ ᱥᱟᱶᱟᱨ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢᱚᱜᱼᱟ᱾ ᱱᱚᱶᱟ ᱫᱚ ᱥᱤᱥᱴᱮᱢ ᱨᱮᱭᱟᱜ ᱵᱟᱨᱭᱟ ᱯᱟᱦᱴᱟᱭ ᱡᱚᱴᱮᱫᱟ᱾ ᱢᱤᱫ ᱫᱚ ᱚᱱᱟ ᱦᱚᱲ ᱡᱟᱦᱟᱸᱭ ᱢᱚᱱᱮ ᱥᱟᱶᱟᱨ ᱥᱟᱶ ᱮ ᱞᱟᱹᱲᱦᱟᱹᱭ ᱠᱟᱱᱟ ᱟᱨ ᱵᱟᱭ ᱵᱟᱰᱟᱭᱟ ᱪᱮᱫ ᱞᱮᱠᱟ ᱛᱮ, ᱥᱮ ᱡᱟᱦᱟᱸᱭ ᱮ ᱞᱟᱹᱭ ᱟᱭᱟ ᱥᱮ ᱵᱟᱝ᱾ ᱵᱟᱨ ᱫᱚ ᱢᱤᱫ ᱥᱴᱟᱯᱷ ᱡᱟᱦᱟᱸᱭ ᱟᱡ ᱨᱮᱱ ᱥᱟᱶᱛᱮᱱᱤᱡ ᱠᱚᱥᱴᱚᱜ ᱠᱟᱱᱮ ᱧᱮᱞᱮ ᱠᱟᱱᱟ, ᱢᱮᱱᱠᱷᱟᱱ ᱵᱟᱭ ᱵᱟᱰᱟᱭᱟ ᱪᱮᱫ ᱞᱮᱠᱟ ᱛᱮ ᱱᱚᱶᱟ ᱠᱟᱛᱷᱟᱭ ᱨᱟᱠᱟᱵᱟ, ᱥᱮ ᱵᱟᱹᱲᱤᱡ ᱠᱟᱛᱷᱟ ᱞᱟᱹᱭ ᱜᱚᱫ ᱵᱚᱛᱚᱨ ᱛᱮᱭ ᱪᱤᱱᱛᱟᱹᱜ ᱠᱟᱱᱟ᱾ ᱱᱚᱶᱟ ᱠᱮᱢᱯᱮᱱ ᱫᱚ ᱦᱚᱲ ᱠᱚ ᱟᱠᱚᱨᱮᱱ ᱥᱟᱶᱛᱮ ᱠᱟᱹᱢᱤᱭᱤᱡ, ᱜᱷᱟᱨᱚᱸᱡᱽ ᱨᱮᱱ ᱦᱚᱲ ᱠᱚ, ᱜᱟᱛᱮ ᱠᱚ, ᱟᱲᱮ-ᱯᱟᱥᱮ ᱦᱚᱲ ᱠᱚ ᱴᱷᱮᱱ ᱪᱟᱞᱟᱣ ᱠᱟᱛᱮ, "are you okay?" (ᱟᱢ ᱴᱷᱤᱠ ᱜᱮᱭᱟᱢ ᱛᱚ?) ᱠᱩᱠᱞᱤ ᱠᱩᱞᱤ ᱞᱟᱹᱜᱤᱫ ᱩᱫᱽᱜᱟᱹᱣ ᱮᱢ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱᱟ᱾

Not Myself Today (ᱤᱧ ᱫᱚ ᱛᱤᱦᱤᱧ ᱵᱟᱝ)[᱕᱐] ᱫᱚ ᱟᱨᱦᱚᱸ ᱢᱤᱫ ᱮᱴᱟᱜ ᱠᱮᱢᱯᱮᱱ ᱠᱟᱱᱟ ᱡᱟᱦᱟᱸ ᱫᱚ ᱠᱟᱱᱟᱰᱟ ᱨᱮ ᱮᱦᱚᱵ ᱟᱠᱟᱱᱟ ᱟᱨ ᱪᱟᱞᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱤᱭᱩᱨᱳᱯᱤᱭᱟᱱ ᱵᱨᱮᱱ ᱠᱟᱣᱩᱱᱥᱤᱞ (ᱤ.ᱵᱤ.ᱥᱤ) ᱥᱟᱶ ᱡᱚᱯᱚᱲᱟᱣ ᱢᱮᱱᱟᱜᱼᱟ᱾ ᱱᱚᱶᱟ ᱠᱮᱢᱯᱮᱱ ᱫᱚ ᱠᱟᱹᱢᱤ ᱴᱷᱟᱶ ᱨᱮ ᱢᱚᱱᱮ ᱥᱟᱶᱟᱨ ᱜᱚᱲᱚ ᱮᱢ ᱨᱮ ᱵᱟᱹᱲᱛᱤ ᱫᱷᱮᱭᱟᱱ ᱮᱢᱚᱜᱼᱟ᱾ ᱱᱚᱶᱟ ᱫᱚ ᱠᱚᱢᱯᱟᱹᱱᱤ ᱠᱚ ᱪᱤᱨᱜᱟᱹᱞ ᱯᱟᱥᱱᱟᱣ, ᱵᱟᱹᱲᱤᱡ ᱩᱭᱦᱟᱹᱨ ᱠᱚᱢ ᱠᱚᱨᱟᱣ, ᱟᱨ ᱢᱤᱫ ᱜᱚᱲᱚᱭᱟᱱ ᱥᱟᱶᱛᱟ ᱵᱮᱱᱟᱣ ᱨᱮ ᱜᱚᱲᱚ ᱮᱢᱚᱜ ᱞᱟᱹᱜᱤᱫ ᱠᱩᱨᱩᱢᱩᱴᱩᱭᱮᱫᱟ᱾ ᱤᱧ ᱫᱚ ᱛᱤᱦᱤᱧ ᱵᱟᱝ ᱫᱚ ᱢᱤᱫ ᱠᱟᱹᱢᱤᱦᱚᱨᱟ ᱠᱟᱱᱟ ᱡᱟᱦᱟᱸ ᱨᱮ ᱡᱟᱦᱟᱸ ᱠᱚᱢᱯᱟᱹᱱᱤ ᱜᱮ ᱚᱱᱞᱟᱭᱤᱱ ᱨᱮᱡᱤᱥᱴᱟᱨ ᱫᱟᱲᱮᱭᱟᱜᱼᱟ᱾ ᱢᱤᱫ ᱫᱷᱟᱣ ᱨᱮᱡᱤᱥᱴᱟᱨ ᱞᱮᱱᱠᱷᱟᱱ ᱠᱚᱢᱯᱟᱹᱱᱤ ᱫᱚ ᱢᱤᱫ ᱯᱩᱨᱟᱹ ᱵᱩᱡᱷᱟᱹᱣᱟᱱ ᱤᱧ ᱫᱚ ᱛᱤᱦᱤᱧ ᱵᱟᱝ ᱴᱩᱞᱠᱤᱴ ᱟᱨ ᱥᱚᱦᱮᱫ ᱠᱚ ᱞᱟᱹᱜᱤᱫ ᱚᱱᱞᱟᱭᱤᱱ ᱫᱟᱣ ᱮ ᱧᱟᱢᱟ᱾ ᱤᱱᱟᱹ ᱛᱟᱭᱚᱢ ᱟᱢ ᱮᱢ ᱟᱠᱟᱱ ᱡᱤᱱᱤᱥ ᱟᱨ ᱛᱩᱞᱟᱹᱡᱚᱠᱷᱟ ᱥᱟᱨᱵᱷᱮ ᱠᱚᱨᱮᱢ ᱥᱮᱞᱮᱫ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱫᱚ ᱱᱚᱶᱟ ᱠᱟᱹᱢᱤᱦᱚᱨᱟ ᱟᱢᱟᱜ ᱠᱟᱹᱢᱤ ᱴᱷᱟᱶ ᱨᱮ ᱪᱮᱫ ᱞᱮᱠᱟ ᱚᱨᱥᱚᱝ ᱮ ᱮᱢᱮᱫᱟ ᱚᱱᱟ ᱧᱮᱞ ᱨᱮ ᱜᱚᱲᱚᱭ ᱮᱢᱚᱜᱼᱟ᱾

Better Health-Every Mind Matters (ᱥᱚᱨᱮᱥ ᱥᱟᱶᱟᱨ-ᱥᱟᱱᱟᱢ ᱢᱚᱱᱮ ᱞᱟᱹᱜᱤᱫ)'[᱕᱑] ᱫᱚ ᱢᱤᱫ ᱠᱮᱢᱯᱮᱱ ᱠᱟᱱᱟ ᱡᱟᱦᱟᱸ ᱫᱚ ᱯᱟᱵᱽᱞᱤᱠ ᱦᱮᱞᱛᱷ ᱤᱝᱞᱮᱱᱰ (ᱯᱤ.ᱮᱭᱤᱪ.ᱤ) ᱦᱚᱛᱮᱛᱮ ᱮᱦᱚᱵ ᱟᱠᱟᱱᱟ᱾ ᱱᱚᱶᱟ ᱠᱮᱢᱯᱮᱱ ᱛᱟᱞᱟᱛᱮ ᱯᱤ.ᱮᱭᱤᱪ.ᱤ ᱫᱚ ᱠᱳᱵᱷᱤᱰ-᱑᱙ ᱛᱟᱭᱚᱢ ᱦᱮᱡ ᱟᱠᱟᱱ ᱞᱟᱹᱲᱦᱟᱹᱭ ᱟᱨ ᱮᱴᱠᱮᱴᱚᱬᱮ ᱠᱚ ᱢᱟᱨᱥᱟᱞ ᱛᱮ ᱟᱹᱜᱩᱭ ᱞᱟᱹᱜᱤᱫ ᱮ ᱠᱩᱨᱩᱢᱩᱴᱩᱭᱮᱫᱟ᱾ ᱱᱚᱶᱟ ᱠᱮᱢᱯᱮᱱ ᱨᱮᱭᱟᱜ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱦᱚᱲ ᱠᱚ ᱟᱠᱚᱣᱟᱜ ᱢᱚᱱᱮ ᱥᱟᱶᱟᱨ ᱟᱨ ᱵᱷᱟᱹᱞᱟᱹᱭ ᱧᱮᱞ ᱞᱟᱹᱜᱤᱫ ᱠᱟᱹᱢᱤ ᱦᱟᱛᱟᱣ ᱨᱮ ᱜᱚᱲᱚ ᱮᱢ, ᱟᱨ ᱚᱱᱟ ᱥᱟᱶᱛᱮ ᱟᱠᱚ ᱥᱩᱨ-ᱥᱩᱯᱩᱨ ᱨᱮ ᱢᱮᱱᱟᱜ ᱠᱚ ᱦᱚᱲ ᱜᱚᱲᱚ ᱮᱢ᱾ ᱯᱤ.ᱮᱭᱤᱪ.ᱤ ᱫᱚ ᱦᱚᱲ ᱠᱚ ᱢᱤᱫ ᱯᱷᱨᱤ ᱮᱱ.ᱮᱭᱤᱪ.ᱮᱥ ᱢᱟᱱᱟᱣ ᱵᱟᱛᱟᱣ ᱟᱠᱟᱱ ᱢᱟᱭᱤᱱᱰ ᱯᱞᱮᱱ ᱧᱟᱢ ᱞᱟᱹᱜᱤᱫ ᱮ ᱩᱫᱽᱜᱟᱹᱣ ᱠᱚᱣᱟ᱾ ᱱᱚᱶᱟ ᱫᱚ Every Mind Matters website (ᱡᱚᱛᱚ ᱢᱚᱱᱮ ᱜᱮ ᱞᱟᱹᱠᱛᱤᱭᱟ ᱣᱮᱵᱽᱥᱟᱭᱤᱴ ᱛᱟᱞᱟᱛᱮ ᱢᱚᱬᱮ ᱜᱚᱴᱟᱝ ᱠᱩᱠᱞᱤ ᱨᱮᱭᱟᱜ ᱛᱮᱞᱟ ᱮᱢ ᱠᱟᱛᱮ ᱠᱚᱨᱟᱣ ᱜᱟᱱᱚᱜᱼᱟ᱾ ᱱᱚᱶᱟ ᱠᱩᱠᱞᱤ ᱠᱚᱨᱮᱱᱟᱜ ᱛᱮᱞᱟ ᱮᱢ ᱛᱟᱭᱚᱢ, ᱟᱢ ᱱᱤᱛᱚᱜ ᱪᱮᱫ ᱮᱴᱠᱮᱴᱚᱬᱮ ᱥᱟᱶᱮᱢ ᱞᱟᱹᱲᱦᱟᱹᱭ ᱠᱟᱱᱟ ᱚᱱᱟ ᱥᱚᱞᱦᱮ ᱞᱟᱹᱜᱤᱫ ᱴᱤᱯᱥ ᱥᱟᱶᱛᱮ ᱢᱤᱫ ᱟᱢᱟᱜ ᱟᱯᱱᱟᱨ ᱯᱞᱮᱱ ᱮᱢ ᱧᱟᱢᱟ᱾

Stop The Stigma (ᱵᱟᱹᱲᱤᱡ ᱩᱭᱦᱟᱹᱨ ᱵᱟᱹᱜᱤᱭ ᱢᱮ)[᱕᱒] ᱫᱚ ᱢᱤᱫ ᱠᱮᱢᱯᱮᱱ ᱠᱟᱱᱟ ᱡᱟᱦᱟᱸ ᱫᱚ ᱠᱟᱱᱟᱰᱤᱭᱟᱱ ᱢᱮᱱᱴᱟᱞ ᱦᱮᱞᱛᱷ ᱮᱥᱳᱥᱤᱭᱮᱥᱚᱱ (ᱥᱤ.ᱮ.ᱮᱢ.ᱮᱭᱤᱪ) ᱦᱚᱛᱮᱛᱮ ᱮᱦᱚᱵ ᱞᱮᱱᱟ᱾ ᱱᱚᱶᱟ ᱠᱮᱢᱯᱮᱱ ᱥᱟᱶᱛᱮ ᱥᱤ.ᱮ.ᱮᱢ.ᱮᱭᱤᱪ ᱫᱚ ᱠᱟᱹᱢᱤ ᱴᱷᱟᱶ ᱨᱮ ᱦᱚᱲ ᱠᱚ ᱠᱟᱛᱷᱟᱜ ᱠᱟᱱ ᱨᱮᱭᱟᱜ ᱛᱤᱱᱟᱹᱜ ᱜᱟᱱ ᱮᱰᱥ ᱥᱮ ᱵᱤᱜᱽᱭᱟᱯᱚᱱ ᱮ ᱩᱰᱩᱠ ᱞᱮᱫᱟ᱾ ᱱᱚᱶᱟ ᱮᱰᱥ ᱠᱚᱨᱮ ᱢᱮᱱᱮᱡᱟᱨ ᱥᱮ ᱵᱚᱥ ᱞᱮᱠᱟᱱ ᱩᱥᱩᱞ ᱯᱚᱫᱽ ᱨᱮᱱ ᱦᱚᱲ ᱠᱮᱱᱥᱟᱨ ᱟᱡᱟᱨ ᱨᱮ ᱯᱟᱲᱟᱣ ᱟᱠᱟᱱ ᱟᱠᱚᱨᱮᱱ ᱠᱟᱹᱢᱤᱭᱟᱹ ᱠᱚ ᱤᱫᱤ ᱠᱟᱛᱮ ᱠᱚ ᱨᱚᱲᱮᱫ ᱛᱟᱦᱮᱸᱫ᱾ ᱱᱚᱶᱟ ᱤᱫᱤ ᱠᱟᱛᱮ ᱫᱟᱭᱟ ᱟᱨ ᱟᱸᱴ ᱥᱟᱶᱛᱮ ᱨᱚᱲ ᱵᱚᱫᱚᱞ ᱛᱮ, ᱩᱱᱠᱩ ᱫᱚ ᱚᱱᱟ ᱞᱮᱠᱟᱛᱮ ᱠᱚ ᱨᱚᱲᱮᱫ ᱛᱟᱦᱮᱸᱫ ᱡᱮᱞᱮᱠᱟ ᱡᱟᱹᱥᱛᱤ ᱜᱟᱱ ᱦᱚᱲ ᱢᱚᱱᱮ ᱥᱟᱶᱟᱨ ᱤᱫᱤ ᱠᱟᱛᱮ ᱠᱚ ᱨᱚᱲᱟ᱾ ᱩᱱᱠᱩ ᱫᱚ ᱱᱚᱝᱠᱟᱱ ᱠᱟᱛᱷᱟ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱡᱮᱞᱮᱠᱟ, "ᱪᱮᱫ ᱱᱚᱶᱟ ᱫᱚ ᱠᱟᱹᱢᱤ ᱠᱷᱚᱱ ᱵᱟᱧᱪᱟᱣᱜ ᱞᱟᱹᱜᱤᱫ ᱢᱤᱫ ᱵᱮᱱᱟᱣᱟᱜ ᱨᱩᱣᱟᱹ ᱠᱟᱱᱟ?" ᱥᱮ "ᱡᱟᱦᱟᱸᱱᱟᱜ ᱜᱮ ᱡᱚᱢ ᱢᱮ, ᱛᱷᱤᱨ ᱠᱚᱜ ᱢᱮ ᱟᱨ ᱠᱟᱹᱢᱤ ᱨᱮ ᱨᱩᱣᱟᱹᱲᱚᱜ ᱢᱮ᱾" ᱱᱚᱶᱟ ᱫᱚ ᱥᱩᱢᱩᱝ ᱱᱚᱶᱟᱭ ᱩᱫᱩᱜᱮᱫᱟ ᱡᱮ ᱦᱚᱲ ᱠᱚ ᱢᱚᱱᱮ ᱥᱟᱶᱟᱨ ᱤᱫᱤ ᱠᱟᱛᱮ ᱛᱤᱱᱟᱹᱜ ᱵᱮ-ᱫᱟᱭᱟ ᱠᱚ ᱦᱩᱭ ᱫᱟᱲᱮᱭᱟᱜᱼᱟ ᱟᱨ ᱱᱚᱶᱟᱭ ᱩᱫᱩᱜ ᱥᱚᱫᱚᱨᱟ ᱡᱮ ᱡᱤᱱᱤᱥ ᱠᱚ ᱵᱚᱫᱚᱞ ᱨᱮᱭᱟᱜ ᱞᱟᱹᱠᱛᱤ ᱢᱮᱱᱟᱜᱼᱟ᱾

ᱡᱮᱜᱮᱛ ᱥᱟᱶᱟᱨ ᱜᱟᱶᱛᱟ[᱕᱓] ᱫᱚ ᱭᱩᱱᱟᱭᱴᱮᱰ ᱯᱷᱚᱨ ᱜᱞᱳᱵᱟᱞ ᱢᱮᱱᱴᱟᱞ ᱦᱮᱞᱛᱷ ᱟᱨ ᱣᱟᱨᱞᱰ ᱯᱷᱮᱰᱟᱨᱮᱥᱚᱱ ᱚᱯᱷ ᱢᱮᱱᱴᱟᱞ ᱦᱮᱞᱛᱷ ᱥᱟᱶ ᱢᱤᱫ ᱠᱟᱛᱮ ᱡᱮᱜᱮᱛ ᱢᱚᱱᱮ ᱥᱟᱶᱟᱨ ᱢᱟᱦᱟᱸ (᱑᱐ ᱚᱠᱴᱚᱵᱚᱨ) ᱞᱟᱹᱜᱤᱫ ᱠᱮᱢᱯᱮᱱ ᱠᱚ ᱪᱟᱪᱞᱟᱣᱮᱫᱟ᱾ ᱱᱚᱶᱟ ᱠᱮᱢᱯᱮᱱ ᱥᱟᱶᱛᱮ ᱰᱟᱵᱽᱞᱩ.ᱮᱭᱤᱪ.ᱳ ᱫᱚ ᱢᱚᱱᱮ ᱥᱟᱶᱟᱨ ᱪᱮᱛᱟᱱ ᱨᱮ ᱢᱤᱫ ᱡᱮᱜᱮᱛᱟᱹᱨᱤ ᱚᱱᱞᱟᱭᱤᱱ ᱩᱠᱤᱞᱟᱹᱛᱤ ᱟᱠᱷᱲᱟ ᱥᱟᱯᱲᱟᱣ ᱞᱟᱹᱜᱤᱫ ᱮ ᱧᱮᱞᱮᱫᱟ᱾ ᱭᱩᱱᱟᱭᱴᱮᱰ ᱯᱷᱚᱨ ᱜᱞᱳᱵᱟᱞ ᱢᱮᱱᱴᱟᱞ ᱦᱮᱞᱛᱷ ᱜᱨᱩᱯ ᱫᱚ ᱢᱚᱱᱮ ᱥᱟᱶᱟᱨ ᱞᱟᱹᱜᱤᱫ ᱢᱤᱫ ᱒᱔-ᱴᱟᱲᱟᱝ ᱨᱮᱭᱟᱜ ᱢᱤᱪᱷᱤᱞ ᱥᱟᱯᱲᱟᱣ ᱦᱚᱸᱭ ᱠᱷᱚᱡᱚᱜ ᱠᱟᱱᱟ ᱡᱟᱦᱟᱸ ᱨᱮ ᱯᱟᱹᱨᱩᱠᱤᱭᱟᱹ ᱠᱚ ᱴᱷᱮᱱ ᱠᱷᱚᱱ ᱞᱟᱭᱤᱵᱷᱥᱴᱨᱤᱢ ᱠᱚᱱᱴᱮᱱᱴ ᱛᱟᱦᱮᱸᱱᱟ ᱡᱟᱦᱟᱸᱭ ᱫᱚ ᱪᱤᱨᱜᱟᱹᱞ ᱵᱟᱹᱲᱛᱤ ᱟᱨ ᱢᱚᱱᱮ ᱥᱟᱶᱟᱨ ᱤᱫᱤ ᱠᱟᱛᱮ ᱵᱟᱹᱲᱤᱡ ᱩᱭᱦᱟᱹᱨ ᱪᱟᱵᱟᱭ ᱨᱮᱭᱟᱜ ᱦᱚᱨᱟ ᱠᱚ ᱤᱫᱤ ᱠᱟᱛᱮ ᱠᱚ ᱨᱚᱲᱟ᱾

ᱥᱴᱮᱠᱦᱳᱞᱰᱟᱨ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱮᱜᱮᱛ ᱥᱟᱶᱟᱨ ᱜᱟᱶᱛᱟ (ᱰᱟᱵᱽᱞᱤ.ᱮᱭᱤᱪ.ᱳ)

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱟᱵᱽᱞᱩ.ᱮᱭᱤᱪ.ᱳ ᱨᱮᱭᱟᱜ ᱢᱚᱱᱮ ᱥᱟᱶᱟᱨ ᱞᱟᱹᱜᱤᱫ ᱵᱟᱨᱭᱟ ᱢᱩᱬᱩᱛ ᱠᱟᱹᱢᱤᱦᱚᱨᱟ ᱫᱚ ᱦᱩᱭᱩᱜ ᱠᱟᱱᱟ ᱰᱟᱵᱽᱞᱩ.ᱮᱭᱤᱪ.ᱳ ᱮᱢ.ᱟᱭ.ᱮᱱ.ᱰᱤ (ᱢᱮᱱᱴᱟᱞ ᱦᱮᱞᱛᱷ ᱤᱢᱯᱨᱩᱵᱷᱢᱮᱱᱴᱥ ᱯᱷᱚᱨ ᱱᱮᱥᱚᱱᱥ ᱰᱮᱵᱷᱮᱞᱚᱯᱢᱮᱱᱴ) ᱟᱨ ᱢᱮᱱᱴᱟᱞ ᱦᱮᱞᱛᱷ ᱜᱮᱯ ᱮᱠᱥᱚᱱ ᱯᱨᱚᱜᱨᱟᱢ (mhGAP)᱾ ᱰᱟᱵᱽᱞᱩ.ᱮᱭᱤᱪ.ᱳ ᱮᱢ.ᱟᱭ.ᱮᱱ.ᱰᱤ ᱫᱚ ᱦᱚᱲ ᱠᱚᱣᱟᱜ ᱫᱤᱱᱟᱹᱢ ᱡᱤᱭᱚᱱ ᱨᱮ ᱴᱷᱟᱹᱣᱠᱟᱹ ᱵᱚᱫᱚᱞ ᱜᱚᱴᱟᱭ ᱞᱟᱹᱜᱤᱫ ᱠᱟᱹᱢᱤ ᱨᱮᱭᱟᱜ ᱕ ᱜᱚᱴᱟᱝ ᱴᱚᱴᱷᱟ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢᱚᱜᱼᱟ᱾ ᱱᱚᱶᱟ ᱠᱚᱫᱚ ᱦᱩᱭᱩᱜ ᱠᱟᱱᱟ:

  1. ᱢᱚᱱᱮ ᱥᱟᱶᱟᱨ ᱩᱛᱱᱟᱹᱣ ᱞᱟᱹᱜᱤᱫ ᱫᱤᱥᱚᱢ ᱠᱚᱨᱮ ᱠᱟᱹᱢᱤ ᱟᱨ ᱜᱚᱲᱚ, ᱡᱮᱞᱮᱠᱟ ᱰᱟᱵᱽᱞᱩ.ᱮᱭᱤᱪ.ᱳ ᱯᱮᱥᱤᱯᱷᱤᱠ ᱟᱭᱞᱮᱱᱰ ᱢᱮᱱᱴᱟᱞ ᱦᱮᱞᱛᱷ ᱱᱮᱴᱣᱟᱨᱠ (PIMHnet)
  2. ᱢᱚᱱᱮ ᱥᱟᱶᱟᱨ ᱟᱹᱨᱤ, ᱯᱚᱨᱛᱚᱱ ᱟᱨ ᱥᱮᱵᱟ ᱩᱛᱱᱟᱹᱣ
  3. ᱢᱚᱱᱮ ᱥᱟᱶᱟᱨ ᱢᱟᱹᱱᱢᱤ ᱟᱹᱭᱫᱟᱹᱨᱤ ᱟᱨ ᱟᱹᱱᱟᱹᱨᱤ
  4. ᱢᱟᱹᱱᱢᱤ ᱩᱛᱱᱟᱹᱣ ᱨᱮᱭᱟᱜ ᱢᱤᱫ ᱢᱩᱬᱩᱛ ᱦᱟᱹᱴᱤᱧ ᱞᱮᱠᱟᱛᱮ ᱢᱚᱱᱮ ᱥᱟᱶᱟᱨ
  5. ᱠᱣᱟᱞᱤᱴᱤᱨᱟᱭᱤᱴᱥ ᱯᱨᱚᱡᱮᱠᱴ ᱡᱟᱦᱟᱸ ᱫᱚ ᱢᱚᱱᱮ ᱥᱟᱶᱟᱨ ᱥᱩᱵᱤᱫᱷᱟ ᱟᱨ ᱥᱟᱶᱛᱟᱨᱤ ᱡᱚᱛᱚᱱ ᱚᱲᱟᱜ ᱠᱚᱨᱮ ᱡᱚᱛᱚᱱ ᱨᱮᱭᱟᱜ ᱜᱩᱱ ᱩᱛᱱᱟᱹᱣ ᱟᱨ ᱢᱟᱹᱱᱢᱤ ᱟᱹᱭᱫᱟᱹᱨᱤ ᱯᱟᱥᱱᱟᱣ ᱞᱟᱹᱜᱤᱫ ᱦᱚᱲ ᱠᱚ ᱢᱤᱫ ᱟᱨ ᱫᱟᱲᱮᱭᱟᱱ ᱵᱮᱱᱟᱣ ᱞᱟᱹᱜᱤᱫ ᱠᱟᱹᱢᱤᱭᱟ᱾

ᱢᱮᱱᱴᱟᱞ ᱦᱮᱞᱛᱷ ᱜᱮᱯ ᱮᱠᱥᱚᱱ ᱯᱨᱚᱜᱨᱟᱢ (mhGAP) ᱫᱚ ᱟᱥᱚᱠᱟᱭ ᱛᱮ ᱠᱚᱢ ᱟᱨ ᱞᱟᱛᱟᱨ ᱛᱟᱞᱟᱢᱟᱞᱟ ᱟᱭ ᱢᱮᱱᱟᱜ ᱫᱤᱥᱚᱢ ᱠᱚ ᱞᱟᱹᱜᱤᱫ ᱢᱚᱱᱮ, ᱱᱤᱣᱨᱳᱞᱚᱡᱤᱠᱟᱞ ᱟᱨ ᱱᱤᱥᱟᱹ ᱵᱮᱵᱷᱟᱨ ᱟᱡᱟᱨ ᱠᱚ ᱞᱟᱹᱜᱤᱫ ᱥᱮᱵᱟ ᱵᱟᱹᱲᱛᱤ ᱞᱟᱹᱜᱤᱫ ᱰᱟᱵᱽᱞᱩ.ᱮᱭᱤᱪ.ᱳ ᱨᱮᱭᱟᱜ ᱠᱟᱹᱢᱤ ᱯᱞᱮᱱ ᱠᱟᱱᱟ᱾ mhGAP ᱨᱮᱭᱟᱜ ᱡᱚᱥ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫ ᱥᱟᱶᱛᱮ ᱠᱟᱹᱢᱤ ᱞᱟᱹᱜᱤᱫ ᱜᱟᱛᱮ ᱥᱟᱹᱜᱟᱹᱭ ᱵᱮᱱᱟᱣ ᱟᱨ ᱥᱚᱨᱠᱟᱨ ᱠᱚ, ᱡᱮᱜᱮᱛ ᱡᱟᱠᱟᱛ ᱜᱟᱶᱛᱟ ᱠᱚ ᱟᱨ ᱮᱴᱟᱜ ᱥᱴᱮᱠᱦᱳᱞᱰᱟᱨ ᱠᱚᱣᱟᱜ ᱠᱤᱨᱤᱭᱟᱹ ᱠᱮᱴᱮᱡ ᱠᱚᱨᱟᱣ᱾ mhGAP ᱤᱱᱴᱟᱨᱵᱷᱮᱱᱥᱚᱱ ᱜᱟᱭᱤᱰ (mhGAP-IG) ᱫᱚ ᱚᱠᱴᱚᱵᱚᱨ ᱒᱐᱑᱐ ᱨᱮ ᱮᱦᱚᱵ ᱞᱮᱱᱟ᱾ ᱱᱚᱶᱟ ᱫᱚ ᱵᱟᱝ-ᱯᱟᱹᱨᱩᱠᱤᱭᱟᱹ ᱥᱟᱶᱟᱨ ᱥᱮᱴᱤᱝ ᱠᱚᱨᱮ ᱢᱚᱱᱮ, ᱱᱤᱣᱨᱳᱞᱚᱡᱤᱠᱟᱞ ᱟᱨ ᱱᱤᱥᱟᱹ ᱵᱮᱵᱷᱟᱨ ᱟᱡᱟᱨ ᱠᱚ ᱪᱟᱪᱞᱟᱣ ᱞᱟᱹᱜᱤᱫ ᱢᱤᱫ ᱴᱮᱠᱱᱤᱠᱟᱞ ᱴᱩᱞ ᱠᱟᱱᱟ᱾ ᱥᱮᱞᱮᱫ ᱟᱠᱟᱱ ᱯᱩᱭᱞᱩ ᱚᱵᱚᱥᱛᱟ ᱠᱚᱫᱚ ᱦᱩᱭᱩᱜ ᱠᱟᱱᱟ: ᱰᱤᱯᱨᱮᱥᱚᱱ, ᱥᱟᱭᱠᱳᱥᱤᱥ, ᱵᱟᱭᱯᱳᱞᱟᱨ ᱟᱡᱟᱨ, ᱢᱤᱨᱜᱤ ᱨᱩᱣᱟᱹ, ᱜᱤᱫᱽᱨᱟᱹ ᱟᱨ ᱠᱤᱥᱳᱨ-ᱠᱤᱥᱳᱨᱤ ᱠᱚ ᱴᱷᱮᱱ ᱩᱛᱱᱟᱹᱣ ᱟᱨ ᱵᱮᱵᱷᱟᱨ ᱟᱡᱟᱨ, ᱰᱤᱢᱮᱱᱥᱤᱭᱟ, ᱯᱟᱹᱣᱨᱟᱹ ᱵᱮᱵᱷᱟᱨ ᱟᱡᱟᱨ, ᱰᱨᱟᱜᱽ ᱵᱮᱵᱷᱟᱨ ᱟᱡᱟᱨ, ᱟᱯᱱᱟᱨ ᱛᱮ ᱜᱷᱟᱣ/ᱜᱩᱡᱩᱜ ᱟᱨ ᱮᱴᱟᱜ ᱢᱩᱬᱩᱛ ᱢᱚᱱᱮ ᱨᱮᱭᱟᱜ ᱥᱮ ᱢᱮᱰᱤᱠᱟᱞ ᱞᱮᱠᱟᱛᱮ ᱵᱟᱝ ᱵᱩᱡᱷᱟᱹᱣ ᱟᱠᱟᱱ ᱚᱵᱷᱤᱡᱳᱜᱽ ᱠᱚ᱾

ᱨᱟᱯᱟᱪᱟᱜ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱮᱜᱮᱛᱟᱹᱨᱤ ᱢᱚᱱᱮ ᱥᱟᱶᱟᱨ ᱟᱱᱫᱚᱲ ᱨᱮᱱ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱨᱟᱯᱟᱪᱟᱜ ᱦᱚᱲ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱫᱚᱭ ᱦᱩᱭᱩᱜ ᱠᱟᱱᱟ ᱪᱟᱭᱱᱟ ᱢᱤᱞᱥ, ᱡᱟᱦᱟᱸᱭ ᱫᱚ ᱰᱤᱠᱚᱞᱳᱱᱟᱭᱡᱤᱝ ᱜᱞᱳᱵᱟᱞ ᱢᱮᱱᱴᱟᱞ ᱦᱮᱞᱛᱷ: ᱫᱟ ᱥᱟᱭᱠᱤᱭᱟᱴᱨᱟᱭᱡᱮᱥᱚᱱ ᱚᱯᱷ ᱫᱟ ᱢᱮᱡᱚᱨᱤᱴᱤ ᱣᱟᱨᱞᱰ ᱯᱚᱛᱚᱵ ᱨᱮᱱ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱢᱤᱞᱥ ᱮ ᱚᱞ ᱟᱠᱟᱫᱟ ᱡᱮ:[᱘]

ᱱᱚᱶᱟ ᱯᱚᱛᱚᱵ ᱫᱚ ᱫᱤᱱᱟᱹᱢ ᱡᱤᱭᱚᱱ ᱨᱮᱭᱟᱜ ᱟᱹᱱᱟᱹᱭᱠᱟᱹᱣ ᱨᱮᱭᱟᱜ ᱥᱤᱢᱟᱹ ᱟᱨ ᱚᱛᱱᱚᱜᱟᱱ ᱥᱤᱢᱟᱹ ᱯᱟᱨᱚᱢ ᱠᱟᱛᱮ ᱢᱚᱱᱮ ᱥᱟᱬᱮᱥ ᱟᱨ ᱥᱟᱭᱠᱤᱭᱟᱴᱨᱤ ᱨᱮᱭᱟᱜ ᱵᱚᱞᱚᱱ ᱮ ᱩᱫᱩᱜᱟ, ᱢᱤᱫ ᱩᱯᱚᱱᱤᱵᱮᱥᱵᱟᱫᱽ ᱨᱮᱭᱟᱜ ᱨᱩᱯ ᱞᱮᱠᱟᱛᱮ ᱡᱟᱦᱟᱸ ᱫᱚ ᱵᱷᱤᱛᱨᱤ ᱟᱨ ᱵᱟᱦᱨᱮ ᱠᱷᱚᱱ ᱦᱤᱡᱩᱜᱼᱟ, ᱟᱨ ᱢᱤᱫᱴᱟᱹᱝ ᱨᱟᱱ ᱵᱚᱲᱤ ᱞᱮᱠᱟᱛᱮ ᱩᱫᱽ ᱦᱩᱭᱩᱜᱼᱟ᱾ ᱱᱚᱶᱟ ᱫᱚ ᱢᱤᱫ ᱪᱤᱱᱛᱟᱹ ᱟᱱ ᱴᱷᱟᱶ ᱮ ᱩᱫᱩᱜᱟ ᱡᱟᱦᱟᱸ ᱨᱮ ᱥᱟᱶᱛᱟ-ᱠᱟᱹᱣᱰᱤᱭᱟᱹᱨᱤ ᱮᱴᱠᱮᱴᱚᱬᱮ ᱠᱚᱫᱚ ᱟᱯᱱᱟᱨᱟᱜ ᱮᱴᱠᱮᱴᱚᱬᱮ – ᱢᱮᱱᱫᱚ 'ᱢᱚᱱᱮ ᱟᱡᱟᱨ' ᱞᱮᱠᱟᱛᱮ ᱵᱮᱱᱟᱣ ᱨᱩᱣᱟᱹᱲᱚᱜᱼᱟ; ᱟᱨ ᱪᱮᱫ ᱞᱮᱠᱟᱛᱮ ᱵᱚᱛᱚᱨᱟᱱ ᱦᱤᱝᱥᱟ ᱟᱱ ᱮᱱᱮᱢ ᱠᱚᱫᱚ 'ᱞᱟᱹᱠᱛᱤᱭᱟᱱ' ᱛᱤᱠᱤᱪᱷᱟ ᱞᱮᱠᱟᱛᱮ ᱧᱮᱞᱚᱜᱼᱟ᱾

ᱟᱨ ᱢᱤᱫ ᱧᱩᱛᱩᱢᱟᱱ ᱥᱟᱢᱟᱞᱚᱪᱚᱱᱤᱭᱟᱹ ᱫᱚᱭ ᱦᱩᱭᱩᱜ ᱠᱟᱱᱟ ᱤᱛᱷᱟᱱ ᱣᱟᱴᱟᱨᱥ, ᱡᱟᱦᱟᱸᱭ ᱫᱚ ᱠᱨᱮᱡᱤ ᱞᱟᱭᱤᱠ ᱟᱥ: ᱫᱟ ᱜᱞᱳᱵᱟᱞᱟᱭᱡᱮᱥᱚᱱ ᱚᱯᱷ ᱫᱟ ᱟᱢᱮᱨᱤᱠᱟᱱ ᱥᱟᱭᱠᱤ ᱨᱮᱱ ᱚᱱᱚᱞᱤᱭᱟᱹ ᱠᱟᱱᱟᱭ᱾[᱖] ᱵᱷᱤᱱᱥᱮᱱᱡᱳ ᱰᱤ ᱱᱤᱠᱳᱞᱟ ᱦᱚᱛᱮᱛᱮ ᱟᱨᱦᱚᱸ ᱢᱤᱫ ᱵᱮᱱᱟᱣᱟᱱ ᱫᱤᱥᱴᱤᱵᱷᱚᱝᱜᱤ ᱮᱢ ᱟᱠᱟᱱᱟ ᱡᱟᱦᱟᱸᱭᱟᱜ ᱚᱱᱚᱞ ᱫᱚ ᱢᱤᱫ ᱱᱟᱶᱟ ᱩᱰᱩᱠᱚᱜ ᱠᱟᱱ ᱮᱯᱤᱥᱴᱮᱢᱳᱞᱳᱡᱤ ᱞᱮᱠᱟᱛᱮ ᱜᱞᱳᱵᱟᱞ ᱥᱟᱣᱩᱛᱷ ᱪᱮᱛᱟᱱ ᱨᱮ ᱡᱮᱜᱮᱛᱟᱹᱨᱤᱠᱚᱨᱚᱱ ᱨᱮᱭᱟᱜ ᱥᱟᱢᱟᱞᱚᱪᱚᱱᱟ ᱟᱨ ᱡᱮᱜᱮᱛᱟᱹᱨᱤ ᱢᱚᱱᱮ ᱥᱟᱶᱟᱨ ᱟᱱᱫᱚᱲ ᱨᱮᱭᱟᱜ ᱮᱛᱚᱦᱚᱵ ᱯᱷᱟᱨᱟᱠ ᱟᱨ ᱥᱤᱢᱟᱹ ᱠᱚ ᱛᱟᱞᱟ ᱨᱮ ᱢᱤᱫ ᱥᱟᱠᱳᱭ ᱵᱮᱱᱟᱣᱟ᱾[᱕᱔]

ᱢᱤᱫ ᱱᱟᱦᱟᱜ ᱨᱤᱵᱷᱤᱣ ᱫᱚ ᱢᱤᱫ ᱥᱟᱫᱷᱟᱨᱚᱱ ᱥᱟᱨᱟᱝᱥ ᱮ ᱥᱚᱫᱚᱨᱟ ᱡᱟᱦᱟᱸ ᱫᱚ ᱡᱮᱜᱮᱛᱟᱹᱨᱤ ᱢᱚᱱᱮ ᱥᱟᱶᱟᱨ ᱚᱵᱚᱥᱛᱟ ᱨᱮᱭᱟᱜ ᱢᱩᱬᱩᱛ ᱜᱩᱱ ᱠᱚᱭ ᱩᱫᱩᱜᱟ ᱟᱨ ᱱᱚᱶᱟ ᱴᱚᱴᱷᱟ ᱵᱷᱤᱛᱨᱤ ᱨᱮ ᱟᱭᱢᱟ ᱞᱮᱠᱟᱱ ᱵᱷᱮᱜᱟᱨ ᱠᱚᱭ ᱩᱫᱩᱜ ᱥᱚᱫᱚᱨᱟ᱾[᱕᱕] ᱱᱚᱶᱟ ᱨᱤᱵᱷᱤᱣ ᱫᱚᱭ ᱩᱫᱩᱜᱟ ᱡᱮ ᱪᱮᱫ ᱞᱮᱠᱟᱛᱮ ᱡᱮᱜᱮᱛᱟᱹᱨᱤ ᱢᱚᱱᱮ ᱥᱟᱶᱟᱨ ᱫᱚ ᱥᱩᱢᱩᱝ ᱴᱚᱴᱷᱟᱠᱤᱭᱟᱹ-ᱡᱮᱜᱮᱛᱟᱹᱨᱤ ᱵᱤᱛᱚᱨᱠᱚ ᱨᱮ ᱵᱟᱝ ᱥᱤᱢᱟᱹ ᱟᱠᱟᱱᱟ, ᱡᱟᱦᱟᱸ ᱫᱚ ᱱᱟᱜᱟᱢᱤᱭᱟᱹ ᱞᱮᱠᱟᱛᱮ ᱱᱚᱶᱟ ᱨᱮᱭᱟᱜ ᱩᱱᱩᱨᱩᱢ ᱮ ᱮᱢ ᱞᱮᱫᱟ᱾

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ Patel V, Prince M (May 2010). "Global mental health: a new global health field comes of age". JAMA. 303 (19): 1976–7. doi:10.1001/jama.2010.616. PMC 3432444. PMID 20483977.
  2. ↑ Collins, Pamela Y. (October 2020). "What is global mental health?". World Psychiatry. 19 (3): 265–266. doi:10.1002/wps.20728. ISSN 1723-8617. PMC 7491634. PMID 32931115.
  3. ↑ Bump, Jesse B. (2025). "Global Health and Its Limitations: An Historical Perspective". Health Systems & Reform. 11 (2). doi:10.1080/23288604.2025.2478681. PMID 40202995. Retrieved 2026-03-25. {{cite journal}}: Check |pmid= value (help); Unknown parameter |article-number= ignored (help)
  4. 1 2 Suman F (2010). Mental health, race and culture (3rd ed.). Basingstoke, Hampshire: Palgrave Macmillan. ISBN 978-0-230-21271-8. OCLC 455800587.
  5. 1 2 Ethan W (2011). Crazy like us. London. ISBN 978-1-84901-577-6. OCLC 751584971.
  6. 1 2 3 4 Watters, Ethan (January 8, 2010). The Americanization of Mental Illness. The New York Times.
  7. 1 2 Suman F (11 April 2014). Mental health worldwide: culture, globalization and development. Houndmills, Basingstoke, Hampshire. ISBN 978-1-137-32958-5. OCLC 869802072.
  8. 1 2 3 Mills, China. Decolonizing Global Mental Health: The Psychiatrization of the Majority World. Retrieved October 17, 2014, from
  9. 1 2 Movement for Global Mental Health Newsletter Archived ᱒᱐᱑᱘-᱐᱙-᱐᱒ at the Wayback Machine.. May 2014.
  10. ↑ Cosgrove, Lisa (December 2025). "Addressing the Global Mental Health Crisis: How a Human Rights Approach Can Help End the Search for Pharmaceutical Magic Bullets". Health and Human Rights. 27 (2): 179–188. ISSN 2150-4113. PMC 12799051. PMID 41536709. {{cite journal}}: Check |pmc= value (help); Check |pmid= value (help)
  11. ↑ Chisholm, Dan; Sanderson, Kristy; Ayuso-Mateos, Jose Luis; Saxena, Shekhar (May 2004). "Reducing the global burden of depression: Population-level analysis of intervention cost-effectiveness in 14 world regions". The British Journal of Psychiatry (in ᱟᱝᱜᱽᱨᱮᱡᱤ). 184 (5): 393–403. doi:10.1192/bjp.184.5.393. ISSN 0007-1250. PMID 15123502.
  12. ↑ Ross, Eric L.; Vijan, Sandeep; Miller, Erin M.; Valenstein, Marcia; Zivin, Kara (2019-12-03). "The Cost-Effectiveness of Cognitive Behavioral Therapy Versus Second-Generation Antidepressants for Initial Treatment of Major Depressive Disorder in the United States: A Decision Analytic Model". Annals of Internal Medicine. 171 (11): 785–795. doi:10.7326/M18-1480. ISSN 1539-3704. PMC 7188559. PMID 31658472.
  13. ↑ Prince M, Patel V, Saxena S, Maj M, Maselko J, Phillips MR, Rahman A (September 2007). "No health without mental health". Lancet. 370 (9590): 859–77. Bibcode:2007Lanc..370..859P. doi:10.1016/S0140-6736(07)61238-0. PMID 17804063. S2CID 32695269.
  14. ↑ Saxena S, Thornicroft G, Knapp M, Whiteford H (September 2007). "Resources for mental health: scarcity, inequity, and inefficiency". Lancet. 370 (9590): 878–89. doi:10.1016/S0140-6736(07)61239-2. PMID 17804062. S2CID 8916770.
  15. ↑ Chisholm D, Flisher AJ, Lund C, Patel V, Saxena S, Thornicroft G, Tomlinson M (October 2007). "Scale up services for mental disorders: a call for action". Lancet. 370 (9594): 1241–52. doi:10.1016/S0140-6736(07)61242-2. PMID 17804059. S2CID 21045215.
  16. ↑ World Health Organization. Global burden of disease. Geneva, WHO Health statistics and health information systems. Accessed 15 March 2011.
  17. ↑ World Health Organization: Mental Health and Development: Targeting People with Mental Health Conditions as Vulnerable Group. Accessed 15 March 2011.
  18. ↑ "The toll of job loss". www.apa.org. Retrieved 2023-11-26.
  19. ↑ admin (2021-10-04). "Depresión, la gran epidemia de hoy". Gaceta UNAM (in ᱥᱯᱮᱱᱤᱥ). Retrieved 2026-04-26.
  20. ↑ Sanchez, Erika; Nicolini, Humberto; Villatoro, Jorge; Bustos, Marycarmen; Medina-Mora, María Elena; Mejía-Ortiz, Paola; Robles, Beatriz; Mondragón, Diego; Ibarra, Gema; Meza, Daniela; Genis-Mendoza, Alma Delia (2025-08-02). "Current Status of Mental Health in Mexico City". International Journal of Environmental Research and Public Health (in ᱟᱝᱜᱽᱨᱮᱡᱤ). 22 (8): 1217. doi:10.3390/ijerph22081217. ISSN 1660-4601. PMC 12386308. PMID 40869803. {{cite journal}}: Check |pmc= value (help); Check |pmid= value (help)
  21. ↑ Reynales-Shigematsu, Luz Myriam; Rivera-Rivera, Leonor; Séris-Martínez, Marina; Saenz-de-Miera, Belen (2024-03-13). "A Cross-Sectional Analysis of Parental Behavior and Adolescent Mental Health in Mexico: Insights into Excessive Alcohol Intake, Tobacco Use, Suicidal Behavior, and Depressive Symptomatology". Healthcare (in ᱟᱝᱜᱽᱨᱮᱡᱤ). 12 (6): 641. doi:10.3390/healthcare12060641. ISSN 2227-9032. PMC 10970411. PMID 38540607. {{cite journal}}: Check |pmc= value (help); Check |pmid= value (help)
  22. ↑ OKASHA, AHMED (February 2002). "Mental health in Africa: the role of the WPA". World Psychiatry. 1 (1): 32–35. ISSN 1723-8617. PMC 1489826. PMID 16946819.
  23. 1 2 Gureje O, Alem A (2000). "Mental health policy development in Africa" (PDF). Bulletin of the World Health Organization. 78 (4): 475–82. PMC 2560723. PMID 10885166.
  24. 1 2 "Mental illness: Invisible but devastating | Africa Renewal". www.un.org. 25 November 2016. Retrieved 2019-10-15.
  25. ↑ Reardon S (March 2015). "Ebola's mental-health wounds linger in Africa". Nature. 519 (7541): 13–4. Bibcode:2015Natur.519...13R. doi:10.1038/519013a. PMID 25739606. S2CID 4405855. ᱪᱷᱟᱸᱪ:ProQuest.
  26. ↑ Sue D (2017). Essentials of Understanding Abnormal Behavior. Boston, MA: Cengage Learning. p. 7. ISBN 978-1-305-65851-6.
  27. 1 2 3 4 Sankoh O, Sevalie S, Weston M (September 2018). "Mental health in Africa". The Lancet. Global Health. 6 (9): e954–e955. doi:10.1016/S2214-109X(18)30303-6. PMID 30103990.
  28. 1 2 Jacob KS, Sharan P, Mirza I, Garrido-Cumbrera M, Seedat S, Mari JJ, et al. (September 2007). "Mental health systems in countries: where are we now?". Lancet. 370 (9592): 1061–77. doi:10.1016/S0140-6736(07)61241-0. PMID 17804052. S2CID 12765072.
  29. ↑ Hossain MD, Ahmed HU, Chowdhury WA, Niessen LW, Alam DS (July 2014). "Mental disorders in Bangladesh: a systematic review". BMC Psychiatry. 14 (1). doi:10.1186/s12888-014-0216-9. PMC 4149198. PMID 25073970. {{cite journal}}: Unknown parameter |article-number= ignored (help)
  30. ↑ Hosain GM, Chatterjee N, Ara N, Islam T (January 2007). "Prevalence, pattern and determinants of mental disorders in rural Bangladesh". Public Health. 121 (1): 18–24. doi:10.1016/j.puhe.2006.06.018. PMID 17055545.
  31. ↑ Giasuddin NA, Chowdhury NF, Hashimoto N, Fujisawa D, Waheed S (January 2012). "Pathways to psychiatric care in Bangladesh". Social Psychiatry and Psychiatric Epidemiology. 47 (1): 129–36. doi:10.1007/s00127-010-0315-y. PMID 21076911. S2CID 21860217.
  32. ↑ "India Population (2026)". Worldometer (in ᱟᱝᱜᱽᱨᱮᱡᱤ). Retrieved 2026-04-13.
  33. ↑ "Mental health - India". www.who.int (in ᱟᱝᱜᱽᱨᱮᱡᱤ). Retrieved 2026-04-13.
  34. ↑ Meghrajani, Vanee R.; Marathe, Manvi; Sharma, Ritika; Potdukhe, Ashwini; Wanjari, Mayur B.; Taksande, Avinash B. (July 2023). "A Comprehensive Analysis of Mental Health Problems in India and the Role of Mental Asylums". Cureus. 15 (7). doi:10.7759/cureus.42559. ISSN 2168-8184. PMC 10460242. PMID 37637646. {{cite journal}}: Check |pmc= value (help); Check |pmid= value (help); Unknown parameter |article-number= ignored (help)
  35. ↑ Malhotra, Savita; Shah, Ruchita (July 2015). "Women and mental health in India: An overview". Indian Journal of Psychiatry. 57 (Suppl 2): S205–211. doi:10.4103/0019-5545.161479. ISSN 0019-5545. PMC 4539863. PMID 26330636.
  36. ↑ "Mental disorders". www.who.int (in ᱟᱝᱜᱽᱨᱮᱡᱤ). Retrieved 2025-03-06.
  37. ↑ "Mental Health By the Numbers | NAMI: National Alliance on Mental Illness". 2022-11-30. Archived from the original on 2022-11-30. Retrieved 2023-10-24.
  38. ↑ Turekian V (2014-06-23). "Mental Health Diplomacy". Science & Diplomacy. 3 (2).
  39. ↑ Saraceno B, van Ommeren M, Batniji R, Cohen A, Gureje O, Mahoney J, et al. (September 2007). "Barriers to improvement of mental health services in low-income and middle-income countries". Lancet. 370 (9593): 1164–74. doi:10.1016/S0140-6736(07)61263-X. PMID 17804061. S2CID 20954187.
  40. ↑ Scheffler RM et al. (2011). Human resources for mental health: workforce shortages in low- and middle-income countries. Geneva, World Health Organization Press.
  41. ↑ World Health Organization. (2001) The world health report 2001 – Mental Health: New Understanding, New Hope. Geneva, WHO Press.
  42. ↑ World Health Organization: Assessment Instrument for Mental Health Systems. Accessed 15 March 2011.
  43. ↑ Acharibasam, Jeremiah W.; Wynn, Rolf (2018-11-01). "Telemental Health in Low- and Middle-Income Countries: A Systematic Review". International Journal of Telemedicine and Applications (in ᱟᱝᱜᱽᱨᱮᱡᱤ). 2018: 1–10. doi:10.1155/2018/9602821. ISSN 1687-6415. PMC 6241375. PMID 30519259.
  44. ↑ Mahmoud, Kareem; Jaramillo, Catalina; Barteit, Sandra (2022-06-22). "Telemedicine in Low- and Middle-Income Countries During the COVID-19 Pandemic: A Scoping Review". Frontiers in Public Health. 10. doi:10.3389/fpubh.2022.914423. ISSN 2296-2565. PMC 9257012. PMID 35812479. {{cite journal}}: Unknown parameter |article-number= ignored (help)
  45. ↑ "NIMH » Research Areas". www.nimh.nih.gov (in ᱟᱝᱜᱽᱨᱮᱡᱤ). Retrieved 2017-10-06.
  46. ↑ Anda RF, Felitti VJ, Bremner JD, Walker JD, Whitfield C, Perry BD, et al. (April 2006). "The enduring effects of abuse and related adverse experiences in childhood. A convergence of evidence from neurobiology and epidemiology". European Archives of Psychiatry and Clinical Neuroscience. 256 (3): 174–186. doi:10.1007/s00406-005-0624-4. PMC 3232061. PMID 16311898.
  47. ↑ National Center for Injury Prevention and Control (2020). "Adverse Childhood Experiences Prevention Strategy" (PDF).
  48. ↑ CDC (2025-12-11). "About Mental Health". Mental Health (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2026-04-15.
  49. ↑ CDC (2025-12-11). "About Mental Health". Mental Health (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2026-04-15.
  50. 1 2 "Now you see me", The Politics of Islamophobia, Pluto Press, pp. 41–59, doi:10.2307/j.ctt183pdtq.6, S2CID 73313498
  51. ↑ "Welcome to GOV.UK". www.gov.uk (in ᱟᱝᱜᱽᱨᱮᱡᱤ). Retrieved 2023-04-13.
  52. ↑ Marniemi, J.; Parkki, M. G. (1975-09-01). "Radiochemical assay of glutathione S-epoxide transferase and its enhancement by phenobarbital in rat liver in vivo". Biochemical Pharmacology. 24 (17): 1569–1572. doi:10.1016/0006-2952(75)90080-5. ISSN 0006-2952. PMID 9.
  53. ↑ McMillan, Ian (October 1997). "HEA grants promote positive action for world mental health day". Mental Health Practice. 1 (2): 5–6. doi:10.7748/mhp.1.2.5.s7. ISSN 1465-8720.
  54. ↑ Di Nicola V (2020). "The Global South: An Emergent Epistemology for Social Psychiatry". World Social Psychiatry (in ᱟᱝᱜᱽᱨᱮᱡᱤ). 2 (1): 20–26. doi:10.4103/WSP.WSP_1_20.
  55. ↑ Rajabzadeh, Vian (March 23, 2021). . Retrieved September 29, 2021]

ᱵᱟᱦᱨᱮ ᱡᱚᱱᱚᱲ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
"https://sat.wikipedia.org/w/index.php?title=ᱡᱮᱜᱮᱛᱟᱹᱨᱤ_ᱢᱚᱱᱮ_ᱥᱟᱶᱟᱨ&oldid=196549" ᱠᱷᱚᱱ ᱧᱟᱢ ᱟᱹᱜᱩᱭ