ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ

ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ
ᱭᱩᱱᱮᱥᱠᱚ ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ
World Heritage Site
	ᱡᱮᱜᱮᱛ ᱦᱮᱨᱤᱴᱮᱡᱽ ᱪᱤᱱᱦᱟᱹ, ᱡᱟᱦᱟᱸ ᱫᱚ ᱡᱮᱜᱮᱛ ᱦᱮᱨᱤᱴᱮᱡᱽ ᱠᱚᱱᱵᱷᱮᱱᱥᱚᱱ ᱦᱚᱛᱮᱛᱮ ᱵᱟᱧᱪᱟᱣ ᱟᱠᱟᱱ ᱥᱚᱢᱯᱚᱛᱤ ᱠᱚ ᱪᱤᱱᱦᱟᱹᱣ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ
ᱵᱮᱨᱮᱫ	ᱱᱚᱵᱷᱮᱢᱵᱚᱨ 16, 1972; 53 years ago
Founded at	ᱜᱟᱞᱟᱯᱟᱜᱳᱥ ᱰᱷᱤᱯ
Type	ᱭᱩᱱᱮᱥᱠᱚ ᱞᱮᱱᱰᱢᱟᱨᱠ ᱟᱨ ᱴᱚᱴᱷᱟ ᱠᱚᱣᱟᱜ ᱟᱹᱭᱤᱱ ᱵᱟᱧᱪᱟᱣ ᱟᱨ ᱞᱤᱥᱴᱤ ᱮᱡᱮᱱᱥᱤ
Purpose	ᱭᱩᱱᱮᱥᱠᱚ ᱞᱮᱱᱰᱢᱟᱨᱠ ᱟᱨ ᱴᱚᱴᱷᱟ ᱠᱚᱣᱟᱜ ᱡᱚᱜᱟᱣ ᱡᱚᱛᱚᱱ
Region served	ᱡᱮᱜᱮᱛ ᱡᱟᱠᱟᱛ
Main organ	UNESCO

ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱫᱚ ᱦᱩᱭᱩᱜ ᱠᱟᱱᱟ ᱚᱱᱠᱟᱱ ᱞᱮᱱᱰᱢᱟᱨᱠ ᱟᱨ ᱴᱚᱴᱷᱟ ᱠᱚ, ᱡᱟᱦᱟᱸ ᱫᱚ ᱭᱩᱱᱮᱥᱠᱚ ᱦᱚᱛᱮᱛᱮ ᱢᱤᱫ ᱡᱮᱜᱮᱛ ᱡᱟᱠᱟᱛ ᱪᱩᱠᱛᱤ ᱞᱮᱠᱟᱛᱮ ᱟᱹᱭᱤᱱ ᱵᱟᱧᱪᱟᱣ ᱮ ᱧᱟᱢ ᱟᱠᱟᱫᱼᱟ ᱾ ᱱᱚᱣᱟ ᱠᱚ ᱴᱷᱟᱶ ᱨᱮᱱᱟᱜ ᱞᱟᱠᱪᱟᱨ, ᱱᱟᱜᱟᱢ ᱥᱮ ᱥᱟᱬᱮᱥᱤᱭᱟᱹ ᱞᱟᱹᱠᱛᱤ ᱢᱮᱱᱟᱜᱼᱟ ᱾ ᱱᱚᱣᱟ ᱴᱷᱟᱶ ᱠᱚᱫᱚ "ᱡᱮᱜᱮᱛ ᱡᱟᱠᱟᱛ ᱨᱮᱱᱟᱜ ᱚᱱᱠᱟᱱ ᱞᱟᱠᱪᱟᱨ ᱟᱨ ᱥᱤᱨᱡᱚᱱ ᱦᱮᱨᱤᱴᱮᱡᱽ ᱠᱟᱱᱟ, ᱡᱟᱦᱟᱸ ᱫᱚ ᱢᱟᱹᱱᱢᱤ ᱡᱟᱹᱛᱤ ᱞᱟᱹᱜᱤᱫ ᱟᱹᱰᱤ ᱢᱟᱨᱟᱝ ᱜᱚᱱᱚᱝᱟᱱ ᱠᱟᱱᱟ" ᱢᱮᱱᱛᱮ ᱞᱮᱠᱷᱟᱜᱼᱟ ᱾^[᱑]

ᱵᱟᱪᱷᱚᱱ ᱞᱟᱹᱜᱤᱫ ᱛᱮ, ᱢᱤᱫ ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱫᱚ ᱟᱡᱟᱜ ᱫᱤᱥᱚᱢ ᱦᱚᱛᱮᱛᱮ ᱧᱩᱛᱩᱢ ᱮᱢ ᱦᱩᱭᱩᱜᱼᱟ ᱟᱨ ᱭᱩᱱᱮᱥᱠᱚ ᱨᱮᱱᱟᱜ ᱡᱮᱜᱮᱛ ᱦᱮᱨᱤᱴᱮᱡᱽ ᱠᱚᱢᱤᱴᱤ ᱦᱚᱛᱮᱛᱮ ᱴᱷᱟᱹᱣᱠᱟᱹ ᱦᱩᱭᱩᱜᱼᱟ ᱡᱮ ᱱᱚᱣᱟ ᱫᱚ ᱢᱤᱫ ᱟᱹᱰᱤ ᱵᱷᱮᱜᱟᱨ ᱞᱮᱱᱰᱢᱟᱨᱠ ᱠᱟᱱᱟ, ᱡᱟᱦᱟᱸ ᱫᱚ ᱚᱛᱱᱚᱜ ᱟᱨ ᱱᱟᱜᱟᱢ ᱞᱮᱠᱟᱛᱮ ᱪᱤᱱᱦᱟᱹᱣ ᱜᱟᱱᱚᱜᱼᱟ, ᱟᱨ ᱱᱚᱣᱟ ᱨᱮᱱᱟᱜ ᱢᱤᱫ ᱵᱤᱥᱮᱥ ᱞᱟᱠᱪᱟᱨ ᱥᱮ ᱦᱚᱲᱢᱚ ᱞᱮᱠᱟᱱ ᱞᱟᱹᱠᱛᱤ ᱢᱮᱱᱟᱜᱼᱟ ᱾ ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱠᱚᱫᱚ ᱢᱟᱨᱮ ᱨᱟᱹᱯᱩᱫ ᱥᱟᱨᱮᱡ, ᱱᱟᱜᱟᱢᱤᱭᱟᱹ ᱠᱟᱴᱷᱟᱢᱳ, ᱫᱚᱞᱟᱱ, ᱥᱚᱦᱚᱨ,^{[lower-alpha ᱑]} ᱛᱷᱚᱛᱚᱨ ᱵᱷᱩᱸᱭ, ᱵᱤᱨᱼᱜᱟᱡᱟᱲ, ᱰᱷᱤᱯ, ᱢᱳᱱᱩᱢᱮᱱᱴ, ᱵᱩᱨᱩ, ᱟᱨ ᱮᱴᱟᱜ ᱴᱚᱴᱷᱟ ᱠᱚ ᱦᱩᱭ ᱫᱟᱲᱮᱭᱟᱜᱼᱟ ᱾^[᱒]

ᱢᱤᱫ ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱫᱚ ᱢᱟᱹᱱᱢᱤ ᱡᱟᱹᱛᱤ ᱭᱟᱜ ᱢᱤᱫ ᱟᱹᱰᱤ ᱢᱟᱨᱟᱝ ᱥᱤᱨᱡᱚᱱ ᱟᱨ ᱫᱷᱟᱹᱨᱛᱤ ᱨᱮ ᱢᱟᱹᱱᱢᱤᱭᱟᱜ ᱩᱭᱦᱟᱹᱨᱼᱵᱷᱟᱵᱽᱱᱟ ᱨᱮᱱᱟᱜ ᱯᱨᱚᱢᱟᱬ ᱦᱩᱭ ᱫᱟᱲᱮᱭᱟᱜᱼᱟ, ᱥᱮ ᱱᱚᱣᱟ ᱫᱚ ᱢᱤᱫ ᱟᱹᱰᱤ ᱪᱚᱨᱚᱠ ᱥᱤᱨᱡᱚᱱ ᱴᱷᱟᱶ ᱦᱚᱸ ᱦᱩᱭ ᱫᱟᱲᱮᱭᱟᱜᱼᱟ ᱾^[᱓] ᱡᱩᱞᱟᱭ ᱒᱐᱒᱕-ᱢᱟᱹᱦᱤᱛ^{[ᱱᱤᱛ ᱦᱟᱹᱵᱤᱡ ᱛᱮ]} ᱦᱟᱹᱵᱤᱡ ᱛᱮ, ᱑᱗᱐ ᱜᱚᱴᱟᱝ ᱫᱤᱥᱚᱢ ᱨᱮ ᱞᱮᱠᱷᱟ ᱜᱩᱴ ᱑,᱒᱔᱘ ᱜᱚᱴᱟᱝ ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱢᱮᱱᱟᱜᱼᱟ ᱾^[᱔]

ᱱᱚᱣᱟ ᱴᱷᱟᱶ ᱠᱚᱫᱚ ᱟᱜᱟᱢ ᱫᱤᱱ ᱞᱟᱹᱜᱤᱫ ᱡᱚᱜᱟᱣ ᱡᱚᱛᱚᱱ ᱦᱩᱭᱩᱜ ᱠᱟᱱᱟ, ᱪᱮᱫᱟᱜ ᱥᱮ ᱮᱴᱟᱜ ᱞᱮᱠᱟᱛᱮ ᱱᱚᱣᱟ ᱠᱚᱫᱚ ᱦᱚᱲ ᱥᱮ ᱡᱟᱱᱣᱟ ᱠᱚᱣᱟᱜ ᱵᱚᱞᱚᱱ, ᱵᱟᱹᱲᱤᱡ ᱵᱮᱵᱷᱟᱨ ᱥᱮ ᱥᱚᱨᱠᱟᱨᱤ ᱵᱮᱼᱥᱟᱢᱵᱽᱲᱟᱣ ᱠᱷᱟᱹᱛᱤᱨ ᱨᱟᱹᱯᱩᱫ ᱫᱟᱲᱮᱭᱟᱜᱼᱟ ᱾ ᱭᱩᱱᱮᱥᱠᱚ ᱱᱚᱣᱟ ᱠᱚ ᱴᱷᱟᱶ ᱫᱚ 'ᱵᱟᱧᱪᱟᱣ ᱴᱚᱴᱷᱟ' ᱞᱮᱠᱟᱛᱮ ᱪᱤᱱᱦᱟᱹᱣ ᱮᱫᱼᱟ ᱾^[᱑] ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱨᱮᱱᱟᱜ ᱞᱤᱥᱴᱤ ᱫᱚ ᱡᱮᱜᱮᱛ ᱦᱮᱨᱤᱴᱮᱡᱽ ᱠᱚᱢᱤᱴᱤ ᱦᱚᱛᱮᱛᱮ ᱪᱟᱞᱟᱣᱚᱜ ᱠᱟᱱᱟ, ᱡᱟᱦᱟᱸ ᱨᱮ ᱒᱑ ᱜᱚᱴᱟᱝ ᱥᱚᱦᱮᱫ ᱫᱤᱥᱚᱢ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩ ᱫᱚ ᱡᱟᱹᱛᱤ ᱜᱟᱫᱮᱞ ᱥᱟᱫᱷᱟᱨᱚᱱ ᱥᱚᱵᱷᱟ ᱦᱚᱛᱮᱛᱮ ᱠᱚ ᱵᱟᱪᱷᱚᱱᱚᱜᱼᱟ, ᱟᱨ ᱱᱟᱜᱟᱢ, ᱥᱤᱨᱡᱚᱱ ᱟᱨ ᱥᱮᱪᱮᱫ ᱨᱮᱱ ᱯᱟᱹᱨᱩᱠᱷᱤᱭᱟᱹ ᱠᱚ ᱱᱩᱠᱩ ᱫᱚ ᱵᱩᱫᱽᱼᱫᱤᱥᱟᱹ ᱠᱚ ᱮᱢᱟ ᱠᱚᱣᱟ ᱾^[᱕]

ᱱᱚᱣᱟ ᱯᱨᱳᱜᱽᱨᱟᱢ ᱫᱚ ᱢᱟᱹᱱᱢᱤ ᱡᱟᱹᱛᱤ ᱭᱟᱜ ᱞᱟᱠᱪᱟᱨ ᱟᱨ ᱦᱮᱨᱤᱴᱮᱡᱽ ᱞᱟᱹᱜᱤᱫ ᱞᱟᱹᱠᱛᱤᱭᱟᱱ ᱴᱷᱟᱶ ᱠᱚ ᱛᱟᱹᱞᱠᱟᱹ ᱮᱫᱼᱟ, ᱧᱩᱛᱩᱢ ᱮᱢᱟᱜ ᱠᱟᱱᱟ ᱟᱨ ᱚᱱᱟ ᱠᱚᱭ ᱡᱚᱜᱟᱣ ᱮᱫᱼᱟ ᱾ ᱱᱚᱣᱟ ᱠᱟᱹᱢᱤ ᱫᱚ ᱡᱮᱜᱮᱛ ᱞᱟᱠᱪᱟᱨ ᱟᱨ ᱥᱤᱨᱡᱚᱱ ᱦᱮᱨᱤᱴᱮᱡᱽ ᱵᱟᱧᱪᱟᱣ ᱪᱩᱠᱛᱤ ᱥᱟᱶᱛᱮ ᱮᱛᱚᱦᱚᱵ ᱞᱮᱱᱟ, ᱡᱟᱦᱟᱸ ᱫᱚ ᱑᱖ ᱱᱚᱵᱷᱮᱢᱵᱚᱨ ᱑᱙᱗᱒ ᱨᱮ ᱭᱩᱱᱮᱥᱠᱚ ᱦᱚᱛᱮᱛᱮ ᱟᱸᱜᱚᱪ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱑᱙᱖ ᱜᱚᱴᱟᱝ ᱫᱤᱥᱚᱢ ᱱᱚᱣᱟ ᱪᱩᱠᱛᱤ ᱨᱮ ᱥᱩᱦᱤ ᱟᱠᱟᱫᱼᱟ ᱠᱚ, ᱡᱟᱦᱟᱸ ᱱᱚᱣᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱞᱟᱠᱪᱟᱨ ᱯᱨᱳᱜᱽᱨᱟᱢ ᱮ ᱵᱮᱱᱟᱣ ᱟᱠᱟᱫᱼᱟ ᱾

ᱱᱟᱜᱟᱢ

ᱮᱛᱚᱦᱚᱵ

᱑᱙᱕᱔ ᱥᱮᱨᱢᱟ ᱨᱮ, ᱢᱤᱥᱚᱨ ᱥᱚᱨᱠᱟᱨ ᱫᱚ ᱱᱟᱣᱟ ᱟᱥᱣᱟᱱ ᱰᱮᱢ ᱵᱮᱱᱟᱣ ᱨᱮᱱᱟᱜ ᱮ ᱴᱷᱟᱹᱣᱠᱟᱹ ᱠᱮᱫᱼᱟ ᱾ ᱱᱚᱣᱟ ᱰᱮᱢ ᱠᱷᱟᱹᱛᱤᱨ ᱵᱮᱱᱟᱣᱚᱜ ᱠᱟᱱ ᱫᱟᱜᱼᱥᱟᱧᱪᱟᱣ ᱫᱚ ᱱᱤᱞ ᱜᱟᱰᱟ ᱵᱮᱰᱟ ᱨᱮᱱᱟᱜ ᱢᱤᱫ ᱢᱟᱨᱟᱝ ᱦᱟᱹᱴᱤᱧ ᱮ ᱰᱩᱵᱩᱡᱽ ᱠᱮᱭᱟ, ᱡᱟᱦᱟᱸ ᱨᱮ ᱢᱟᱨᱮ ᱢᱤᱥᱚᱨ ᱟᱨ ᱢᱟᱨᱮ ᱱᱩᱵᱤᱭᱟ ᱨᱮᱱᱟᱜ ᱟᱹᱰᱤ ᱜᱚᱱᱚᱝᱟᱱ ᱞᱟᱠᱪᱟᱨ ᱥᱚᱢᱯᱚᱛᱤ ᱠᱚ ᱛᱟᱦᱮᱸ ᱠᱟᱱᱟ ᱾ ᱑᱙᱕᱙ ᱥᱮᱨᱢᱟ ᱨᱮ, ᱢᱤᱥᱚᱨ ᱟᱨ ᱥᱩᱫᱟᱱ ᱥᱚᱨᱠᱟᱨ ᱫᱚ ᱭᱩᱱᱮᱥᱠᱚ ᱴᱷᱮᱱ ᱱᱚᱣᱟ ᱠᱚ ᱵᱚᱛᱚᱨ ᱨᱮ ᱢᱮᱱᱟᱜ ᱢᱳᱱᱩᱢᱮᱱᱴ ᱟᱨ ᱴᱷᱟᱶ ᱠᱚ ᱵᱟᱧᱪᱟᱣ ᱞᱟᱹᱜᱤᱫ ᱜᱚᱲᱚ ᱠᱚ ᱠᱳᱭ ᱠᱮᱫᱼᱟ ᱾

᱑᱙᱕᱙ ᱥᱮᱨᱢᱟ ᱨᱮ, ᱭᱩᱱᱮᱥᱠᱚ ᱨᱮᱱ ᱰᱟᱭᱨᱮᱠᱴᱚᱨᱼᱡᱮᱱᱮᱨᱟᱞ ᱫᱚ ᱱᱩᱵᱤᱭᱟ ᱨᱮᱱᱟᱜ ᱢᱳᱱᱩᱢᱮᱱᱴ ᱵᱟᱧᱪᱟᱣ ᱞᱟᱹᱜᱤᱫ ᱡᱮᱜᱮᱛ ᱡᱟᱠᱟᱛ ᱟᱵᱷᱤᱭᱟᱱ ᱮ ᱮᱛᱚᱦᱚᱵ ᱠᱮᱫᱼᱟ ᱾^[᱖] ᱱᱚᱣᱟ ᱨᱮᱱᱟᱜ ᱚᱨᱡᱚ ᱞᱮᱠᱟᱛᱮ ᱥᱟᱭ ᱥᱟᱭ ᱴᱷᱟᱶ ᱠᱚ ᱞᱟ ᱦᱩᱭ ᱮᱱᱟ, ᱜᱮᱥᱟᱭ ᱜᱮᱥᱟᱭ ᱡᱤᱱᱤᱥ ᱠᱚ ᱧᱟᱢ ᱮᱱᱟ, ᱟᱨ ᱟᱭᱢᱟ ᱞᱟᱹᱠᱛᱤᱭᱟᱱ ᱢᱩᱱᱫᱤᱨ ᱠᱚ ᱰᱩᱵᱩᱡᱽ ᱴᱷᱟᱶ ᱠᱷᱚᱱ ᱨᱟᱠᱟᱵ ᱠᱟᱛᱮ ᱪᱮᱛᱟᱱ ᱡᱟᱭᱜᱟ ᱨᱮ ᱩᱪᱟᱹᱲ ᱦᱩᱭ ᱮᱱᱟ ᱾ ᱱᱚᱣᱟ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱫᱚ ᱦᱩᱭᱩᱜ ᱠᱟᱱᱟ ᱟᱵᱩ ᱥᱤᱢᱵᱮᱞ ᱟᱨ ᱯᱷᱤᱞᱟᱭ ᱢᱩᱱᱫᱤᱨ ᱜᱟᱫᱮᱞ ᱾ ᱱᱚᱣᱟ ᱟᱵᱷᱤᱭᱟᱱ ᱫᱚ ᱑᱙᱘᱐ ᱥᱮᱨᱢᱟ ᱨᱮ ᱯᱩᱨᱟᱹᱣ ᱞᱮᱱᱟ ᱟᱨ ᱱᱚᱣᱟ ᱫᱚ ᱢᱤᱫ ᱢᱟᱨᱟᱝ ᱡᱤᱛᱠᱟᱹᱨ ᱢᱮᱱᱛᱮ ᱞᱮᱠᱷᱟ ᱮᱱᱟ ᱾ ᱜᱚᱲᱚ ᱮᱢ ᱟᱠᱟᱫ ᱫᱤᱥᱚᱢ ᱠᱚ ᱥᱟᱨᱦᱟᱣ ᱞᱟᱹᱜᱤᱫ ᱢᱤᱥᱚᱨ ᱫᱚ ᱯᱩᱱᱭᱟ ᱢᱩᱱᱫᱤᱨ ᱮ ᱫᱟᱱ ᱠᱮᱫᱼᱟ: ᱰᱮᱱᱰᱩᱨ ᱢᱩᱱᱫᱤᱨ ᱫᱚ ᱱᱤᱣᱭᱚᱨᱠ ᱥᱚᱦᱚᱨ ᱨᱮᱱᱟᱜ ᱢᱮᱴᱨᱚᱯᱚᱞᱤᱴᱟᱱ ᱢᱭᱩᱡᱤᱭᱟᱢ ᱚᱯ ᱟᱨᱴ ᱨᱮ ᱩᱪᱟᱹᱲ ᱮᱱᱟ ᱾

ᱱᱚᱣᱟ ᱯᱨᱳᱡᱮᱠᱴ ᱨᱮ ᱞᱮᱠᱷᱟ ᱜᱩᱴ ᱘᱐ ᱢᱤᱞᱤᱭᱚᱱ ᱟᱢᱮᱨᱤᱠᱟᱱ ᱰᱚᱞᱟᱨ ᱠᱷᱚᱨᱚᱪ ᱞᱮᱱᱟ, ᱡᱟᱦᱟᱸ ᱢᱩᱫᱽ ᱨᱮ ᱔０ ᱢᱤᱞᱤᱭᱚᱱ ᱰᱚᱞᱟᱨ ᱫᱚ ᱕０ ᱜᱚᱴᱟᱝ ᱫᱤᱥᱚᱢ ᱠᱷᱚᱱ ᱠᱚ ᱥᱟᱢᱴᱟᱣ ᱞᱮᱫᱼᱟ ᱾^[᱗] ᱱᱚᱣᱟ ᱡᱤᱛᱠᱟᱹᱨ ᱠᱷᱟᱹᱛᱤᱨ ᱜᱮ ᱛᱟᱭᱚᱢ ᱛᱮ ᱵᱷᱮᱱᱤᱥ (ᱤᱴᱟᱞᱤ), ᱢᱚᱦᱮᱱᱡᱚᱼᱫᱟᱨᱳ (ᱯᱟᱠᱤᱥᱛᱟᱱ) ᱟᱨ ᱵᱳᱨᱳᱵᱩᱫᱩᱨ (ᱤᱱᱰᱳᱱᱮᱥᱤᱭᱟ) ᱞᱮᱠᱟᱱ ᱴᱷᱟᱶ ᱠᱚ ᱵᱟᱧᱪᱟᱣ ᱞᱟᱹᱜᱤᱫ ᱟᱨᱦᱚᱸ ᱟᱵᱷᱤᱭᱟᱱ ᱠᱚ ᱮᱛᱚᱦᱚᱵ ᱞᱮᱱᱟ ᱾ ᱱᱚᱣᱟ ᱠᱚ ᱧᱮᱞ ᱠᱟᱛᱮ ᱜᱮ ᱭᱩᱱᱮᱥᱠᱚ ᱫᱚ ᱞᱟᱠᱪᱟᱨ ᱦᱮᱨᱤᱴᱮᱡᱽ ᱵᱟᱧᱪᱟᱣ ᱞᱟᱹᱜᱤᱫ ᱢᱤᱫ ᱡᱮᱜᱮᱛ ᱡᱟᱠᱟᱛ ᱪᱩᱠᱛᱤ ᱨᱮᱱᱟᱜ ᱢᱩᱥᱟᱣᱫᱟ ᱮ ᱵᱮᱱᱟᱣ ᱠᱮᱫᱼᱟ ᱾

ᱪᱩᱠᱛᱤ ᱟᱨ ᱞᱟᱦᱟ ᱛᱮᱱᱟᱜ ᱠᱟᱛᱷᱟ

ᱡᱮᱜᱮᱛ ᱦᱮᱨᱤᱴᱮᱡᱽ ᱠᱚᱢᱤᱴᱤ ᱭᱟᱜ ᱠᱟᱹᱢᱤ ᱪᱟᱪᱞᱟᱣ ᱞᱟᱹᱜᱤᱫ ᱱᱚᱣᱟ ᱪᱩᱠᱛᱤ (ᱡᱮᱜᱮᱛ ᱡᱟᱠᱟᱛ ᱪᱩᱠᱛᱤ ᱨᱮᱱᱟᱜ ᱥᱩᱦᱤ ᱟᱠᱟᱱ ᱫᱚᱞᱤᱞ) ᱫᱚ ᱮᱭᱟᱭ ᱥᱮᱨᱢᱟ (᱑᱙᱖᱕ᱼ᱑᱙᱗᱒) ᱫᱷᱟᱹᱵᱤᱡ ᱵᱮᱱᱟᱣ ᱟᱠᱟᱱᱟ ᱾

ᱟᱹᱰᱤ ᱞᱟᱹᱠᱛᱤᱭᱟᱱ ᱞᱟᱠᱪᱟᱨ ᱟᱨ ᱥᱤᱨᱡᱚᱱ ᱴᱷᱟᱶ ᱠᱚ ᱵᱟᱧᱪᱟᱣ ᱨᱮᱱᱟᱜ ᱩᱭᱦᱟᱹᱨ ᱫᱚ ᱯᱩᱭᱞᱩ ᱟᱢᱮᱨᱤᱠᱟ ᱮ ᱮᱛᱚᱦᱚᱵ ᱞᱮᱫᱼᱟ ᱾ ᱑᱙᱖᱕ ᱥᱮᱨᱢᱟ ᱨᱮ ᱣᱟᱭᱤᱴ ᱦᱟᱣᱩᱥ ᱨᱮᱱᱟᱜ ᱢᱤᱫ ᱥᱟᱢᱢᱮᱞᱚᱱ ᱨᱮ "ᱣᱟᱞᱰ ᱦᱮᱨᱤᱴᱮᱡᱽ ᱴᱨᱚᱥᱴ" ᱵᱮᱱᱟᱣ ᱞᱟᱹᱜᱤᱫ ᱠᱚ ᱞᱟᱹᱭ ᱞᱮᱫᱼᱟ, ᱡᱮᱢᱚᱱ ᱫᱷᱟᱹᱨᱛᱤ ᱨᱮᱱᱟᱜ ᱱᱟᱯᱟᱭ ᱥᱤᱨᱡᱚᱱ ᱴᱷᱟᱶ ᱟᱨ ᱱᱟᱜᱟᱢᱤᱭᱟᱹ ᱡᱟᱭᱜᱟ ᱠᱚ ᱱᱤᱛᱚᱜ ᱟᱨ ᱟᱜᱟᱢ ᱫᱤᱱ ᱨᱮᱱ ᱡᱮᱜᱮᱛ ᱨᱤᱱ ᱱᱟᱜᱽᱨᱤᱠ ᱠᱚ ᱞᱟᱹᱜᱤᱫ ᱡᱚᱜᱟᱣ ᱫᱚᱦᱚ ᱜᱟᱱᱚᱜ ᱢᱟ ᱾ ᱤᱱᱴᱟᱨᱱᱮᱥᱱᱟᱞ ᱭᱩᱱᱤᱭᱚᱱ ᱯᱷᱚᱨ ᱠᱚᱱᱡᱟᱨᱵᱷᱮᱥᱚᱱ ᱚᱯ ᱱᱮᱪᱟᱨ (IUCN) ᱦᱚᱸ ᱑᱙᱖᱘ ᱥᱮᱨᱢᱟ ᱨᱮ ᱱᱚᱝᱠᱟᱱ ᱠᱟᱛᱷᱟ ᱜᱮ ᱞᱟᱹᱭ ᱞᱮᱫᱼᱟ, ᱡᱟᱦᱟᱸ ᱫᱚ ᱑᱙᱗᱒ ᱥᱮᱨᱢᱟ ᱨᱮ ᱥᱴᱚᱠᱦᱳᱢ ᱨᱮ ᱦᱩᱭ ᱞᱮᱱ ᱢᱟᱹᱱᱢᱤ ᱟᱨ ᱥᱟᱶᱛᱟ ᱪᱮᱛᱟᱱ ᱡᱟᱹᱛᱤ ᱜᱟᱫᱮᱞ ᱥᱟᱢᱢᱮᱞᱚᱱ ᱨᱮ ᱥᱟᱫᱚᱨ ᱞᱮᱱᱟ ᱾^[᱘] ᱡᱮᱜᱮᱛ ᱦᱮᱨᱤᱴᱮᱡᱽ ᱠᱚᱢᱤᱴᱤ ᱞᱟᱛᱟᱨ ᱨᱮ, ᱥᱩᱦᱤ ᱟᱠᱟᱫ ᱫᱤᱥᱚᱢ ᱠᱚᱫᱚ ᱚᱠᱛᱚ ᱡᱟᱹᱱᱤ ᱨᱤᱯᱳᱨᱴ ᱮᱢ ᱦᱩᱭ ᱟᱠᱚᱣᱟ, ᱡᱟᱦᱟᱸ ᱛᱮ ᱵᱟᱰᱟᱭᱚᱜᱼᱟ ᱡᱮ ᱚᱱᱟ ᱫᱤᱥᱚᱢ ᱨᱮ ᱦᱮᱨᱤᱴᱮᱡᱽ ᱴᱷᱟᱶ ᱠᱚ ᱪᱮᱫ ᱞᱮᱠᱟ ᱢᱮᱱᱟᱜᱼᱟ ᱾

ᱭᱩᱱᱮᱥᱠᱚ ᱦᱚᱛᱮᱛᱮ ᱮᱛᱚᱦᱚᱵ ᱟᱠᱟᱱ ᱢᱩᱥᱟᱣᱫᱟ ᱪᱮᱛᱟᱱ ᱨᱮ ᱵᱷᱤᱛᱤ ᱠᱟᱛᱮ, ᱢᱩᱪᱟᱹᱫ ᱨᱮ ᱡᱚᱛᱚ ᱫᱤᱥᱚᱢ ᱢᱤᱫᱴᱟᱹᱝ ᱚᱞ ᱪᱮᱛᱟᱱ ᱨᱮ ᱠᱚ ᱨᱮᱵᱮᱱ ᱮᱱᱟ, ᱟᱨ ᱑᱖ ᱱᱚᱵᱷᱮᱢᱵᱚᱨ ᱑᱙᱗᱒ ᱨᱮ ᱭᱩᱱᱮᱥᱠᱚ ᱦᱚᱛᱮᱛᱮ ᱡᱮᱜᱮᱛ ᱞᱟᱠᱪᱟᱨ ᱟᱨ ᱥᱤᱨᱡᱚᱱ ᱦᱮᱨᱤᱴᱮᱡᱽ ᱵᱟᱧᱪᱟᱣ ᱪᱩᱠᱛᱤ ᱟᱸᱜᱚᱪ ᱮᱱᱟ ᱾^[᱘] ᱱᱚᱣᱟ ᱪᱩᱠᱛᱤ ᱫᱚ ᱑᱗ ᱰᱤᱥᱮᱢᱵᱚᱨ ᱑᱙᱗᱕ ᱠᱷᱚᱱ ᱞᱟᱹᱜᱩ ᱟᱠᱟᱱᱟ ᱾ ᱱᱚᱵᱷᱮᱢᱵᱚᱨ ᱒᱐᱒᱔ ᱫᱷᱟᱹᱵᱤᱡ, ᱑᱙᱖ ᱜᱚᱴᱟᱝ ᱫᱤᱥᱚᱢ ᱱᱚᱣᱟ ᱨᱮ ᱥᱩᱦᱤ ᱟᱠᱟᱫᱼᱟ ᱾ ᱥᱩᱢᱩᱝ ᱞᱤᱠᱴᱮᱱᱥᱴᱟᱭᱤᱱ ᱜᱮ ᱱᱤᱛ ᱫᱷᱟᱹᱵᱤᱡ ᱱᱚᱣᱟ ᱪᱩᱠᱛᱤ ᱨᱮ ᱵᱟᱭ ᱥᱮᱞᱮᱫ ᱟᱠᱟᱱᱟ ᱾^[᱙]

ᱡᱚᱥ

ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱞᱮᱠᱟᱛᱮ ᱵᱟᱪᱷᱚᱱ ᱠᱟᱛᱮ, ᱭᱩᱱᱮᱥᱠᱚ ᱫᱚ ᱟᱜᱟᱢ ᱯᱤᱲᱦᱤ ᱞᱟᱹᱜᱤᱫ ᱱᱚᱣᱟ ᱠᱚ ᱡᱚᱜᱟᱣ ᱫᱚᱦᱚ ᱨᱮ ᱜᱚᱲᱚ ᱮᱢ ᱮ ᱠᱷᱚᱡᱚᱜ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱢᱩᱬ ᱩᱭᱦᱟᱹᱨ ᱫᱚ ᱦᱩᱭᱩᱜ ᱠᱟᱱᱟ "ᱦᱮᱨᱤᱴᱮᱡᱽ ᱫᱚ ᱟᱵᱚᱣᱟᱜ ᱥᱮᱫᱟᱭ ᱨᱮᱱᱟᱜ ᱢᱤᱫ ᱥᱟᱨᱮᱡ ᱠᱟᱱᱟ, ᱡᱟᱦᱟᱸ ᱥᱟᱶ ᱟᱵᱚ ᱛᱮᱦᱮᱧ ᱵᱚᱱ ᱡᱤᱭᱚᱱ ᱠᱷᱟᱸᱰᱟᱣ ᱮᱫᱼᱟ" ᱟᱨ ᱞᱟᱠᱪᱟᱨ ᱥᱟᱶᱛᱮ ᱥᱤᱨᱡᱚᱱ ᱦᱮᱨᱤᱴᱮᱡᱽ ᱫᱚ "ᱡᱤᱭᱚᱱ ᱟᱨ ᱩᱭᱦᱟᱹᱨᱼᱵᱷᱟᱵᱽᱱᱟ ᱨᱮᱱᱟᱜ ᱢᱤᱫ ᱚᱢᱩᱞ ᱡᱷᱚᱨᱱᱟ" ᱠᱟᱱᱟ ᱾^[᱑] ᱡᱮᱜᱮᱛ ᱦᱮᱨᱤᱴᱮᱡᱽ ᱵᱟᱵᱚᱛ ᱭᱩᱱᱮᱥᱠᱚ ᱣᱟᱜ ᱢᱤᱥᱚᱱ ᱨᱮ ᱤᱨᱟᱹᱞ ᱜᱚᱴᱟᱝ ᱡᱚᱥ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚ ᱢᱩᱫᱽ ᱨᱮ ᱫᱤᱥᱚᱢ ᱟᱨ ᱴᱚᱴᱷᱟᱠᱤᱭᱟᱹ ᱦᱚᱲ ᱠᱚ ᱡᱚᱜᱟᱣ ᱠᱟᱹᱢᱤ ᱨᱮ ᱩᱥᱠᱟᱹᱣ, ᱵᱚᱛᱚᱨ ᱨᱮ ᱢᱮᱱᱟᱜ ᱴᱷᱟᱶ ᱠᱚ ᱞᱟᱹᱜᱤᱫ ᱞᱚᱜᱚᱱ ᱜᱚᱲᱚ, ᱴᱮᱠᱱᱤᱠᱟᱹᱞ ᱜᱚᱲᱚ ᱟᱨ ᱠᱟᱹᱢᱤᱭᱟᱹ ᱠᱚ ᱴᱨᱮᱱᱤᱝ ᱮᱢ, ᱟᱨ ᱦᱚᱲ ᱠᱚ ᱛᱟᱞᱟ ᱨᱮ ᱡᱟᱜᱽᱣᱟᱨ ᱛᱮᱭᱟᱨ ᱥᱮᱞᱮᱫ ᱢᱮᱱᱟᱜᱼᱟ ᱾

ᱡᱮᱜᱮᱛ ᱦᱮᱨᱤᱴᱮᱡᱽ ᱞᱤᱥᱴᱤ ᱨᱮ ᱥᱮᱞᱮᱫ ᱞᱮᱱᱠᱷᱟᱱ ᱚᱱᱟ ᱴᱷᱟᱶ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮ ᱩᱨᱩᱢ ᱟᱨ ᱟᱹᱭᱤᱱ ᱵᱟᱧᱪᱟᱣ ᱮ ᱧᱟᱢᱟ ᱾ ᱱᱚᱣᱟ ᱵᱮᱜᱚᱨ ᱦᱚᱸ 'ᱡᱮᱜᱮᱛ ᱦᱮᱨᱤᱴᱮᱡᱽ ᱛᱷᱤᱞᱤ' ᱠᱷᱚᱱ ᱡᱚᱜᱟᱣ ᱡᱚᱛᱚᱱ ᱞᱟᱹᱜᱤᱫ ᱠᱟᱹᱣᱰᱤ ᱜᱚᱲᱚ ᱦᱚᱸ ᱧᱟᱢ ᱫᱟᱲᱮᱭᱟᱜᱼᱟ ᱾ ᱭᱩᱱᱮᱥᱠᱚ ᱫᱚ ᱞᱟᱛᱟᱨ ᱨᱮ ᱮᱢ ᱟᱠᱟᱱ ᱯᱩᱱᱭᱟ ᱴᱷᱟᱶ ᱨᱮᱱᱟᱜ ᱥᱟᱡᱟᱣ ᱨᱩᱣᱟᱹᱲ ᱠᱟᱹᱢᱤ ᱫᱚ ᱟᱡᱟᱜ ᱡᱤᱛᱠᱟᱹᱨ ᱠᱟᱹᱦᱱᱤ ᱞᱮᱠᱟᱛᱮᱭ ᱢᱚᱱᱮᱭᱟ: ᱠᱮᱢᱵᱳᱰᱤᱭᱟ ᱨᱮᱱᱟᱜ ᱟᱝᱠᱳᱨ, ᱠᱨᱳᱭᱮᱥᱤᱭᱟ ᱨᱮᱱᱟᱜ ᱰᱩᱵᱽᱨᱳᱵᱷᱱᱤᱠ ᱢᱟᱨᱮ ᱥᱚᱦᱚᱨ, ᱯᱳᱞᱮᱱᱰ ᱨᱮᱱᱟᱜ ᱣᱤᱞᱤᱠᱡᱽᱠᱟ ᱵᱩᱞᱩᱝ ᱠᱷᱟᱫᱟᱱ, ᱟᱨ ᱛᱟᱱᱡᱟᱱᱤᱭᱟ ᱨᱮᱱᱟᱜ ᱱᱜᱳᱨᱳᱱᱜᱳᱨᱳ ᱵᱟᱧᱪᱟᱣ ᱴᱚᱴᱷᱟ ᱾

ᱵᱟᱪᱷᱚᱱ ᱦᱚᱨᱟ

ᱢᱤᱫ ᱫᱤᱥᱚᱢ ᱫᱚ ᱯᱩᱭᱞᱩ ᱟᱡᱟᱜ ᱞᱟᱹᱠᱛᱤᱭᱟᱱ ᱞᱟᱠᱪᱟᱨ ᱟᱨ ᱥᱤᱨᱡᱚᱱ ᱴᱷᱟᱶ ᱠᱚ ᱢᱤᱫ ᱫᱚᱞᱤᱞ ᱨᱮ ᱚᱞ ᱦᱩᱭ ᱟᱭᱟ, ᱡᱟᱦᱟᱸ ᱫᱚ ᱞᱟᱦᱟ ᱛᱮᱱᱟᱜ ᱛᱟᱹᱞᱠᱟᱹ ᱠᱚ ᱢᱮᱛᱟᱜᱼᱟ ᱾ ᱚᱱᱟ ᱛᱟᱭᱚᱢ, ᱚᱱᱟ ᱛᱟᱹᱞᱠᱟᱹ ᱠᱷᱚᱱ ᱴᱷᱟᱶ ᱵᱟᱪᱷᱚᱱ ᱠᱟᱛᱮ ᱢᱤᱫ 'ᱱᱳᱢᱤᱱᱮᱥᱚᱱ ᱯᱷᱟᱭᱤᱞ' ᱛᱮᱭᱟᱨ ᱦᱩᱭᱩᱜᱼᱟ ᱾ ᱱᱚᱣᱟ ᱯᱷᱟᱭᱤᱞ ᱫᱚ ᱤᱱᱴᱟᱨᱱᱮᱥᱱᱟᱞ ᱠᱟᱣᱩᱱᱥᱤᱞ ᱚᱱ ᱢᱚᱱᱩᱢᱮᱱᱴ ᱮᱱᱰ ᱥᱟᱭᱤᱴ (ICOMOS) ᱟᱨ ᱤᱱᱴᱟᱨᱱᱮᱥᱱᱟᱞ ᱭᱩᱱᱤᱭᱚᱱ ᱯᱚᱨ ᱠᱚᱱᱡᱟᱨᱵᱷᱮᱥᱚᱱ ᱚᱯ ᱱᱮᱪᱟᱨ (IUCN) ᱦᱚᱛᱮᱛᱮ ᱵᱤᱰᱟᱹᱣ ᱦᱩᱭᱩᱜᱼᱟ ᱾ ᱡᱟᱦᱟᱸ ᱴᱷᱟᱶ ᱞᱟᱦᱟ ᱛᱮᱱᱟᱜ ᱛᱟᱹᱞᱠᱟᱹ ᱨᱮ ᱵᱟᱹᱱᱩᱜᱼᱟ, ᱚᱱᱟ ᱫᱚ ᱵᱟᱪᱷᱚᱱ ᱞᱟᱹᱜᱤᱫ ᱵᱟᱝ ᱵᱷᱮᱡᱟ ᱜᱟᱱᱚᱜᱼᱟ ᱾ ᱱᱚᱣᱟ ᱵᱟᱨᱭᱟ ᱡᱮᱜᱮᱛ ᱡᱟᱠᱟᱛ ᱜᱟᱫᱮᱞ ᱜᱮ ᱡᱮᱜᱮᱛ ᱦᱮᱨᱤᱴᱮᱡᱽ ᱠᱚᱢᱤᱴᱤ ᱴᱷᱮᱱ ᱥᱤᱯᱷᱟᱹᱨᱤᱥ ᱠᱚ ᱵᱷᱮᱡᱟᱭᱟ ᱾ ᱠᱚᱢᱤᱴᱤ ᱫᱚ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱮ ᱫᱩᱲᱩᱵᱼᱟ ᱟᱨ ᱜᱟᱞᱚᱪ ᱠᱟᱛᱮᱭ ᱴᱷᱟᱹᱣᱠᱟᱹᱭᱟ ᱡᱮ ᱚᱠᱟ ᱴᱷᱟᱶ ᱫᱚ ᱡᱮᱜᱮᱛ ᱦᱮᱨᱤᱴᱮᱡᱽ ᱞᱤᱥᱴᱤ ᱨᱮ ᱥᱮᱞᱮᱫᱚᱜᱼᱟ ᱾ ᱞᱤᱥᱴᱤ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱜᱮᱞ ᱜᱚᱴᱟᱝ ᱵᱟᱪᱷᱚᱱ ᱢᱟᱱᱰᱚᱸᱰ ᱢᱮᱱᱟᱜᱼᱟ, ᱡᱟᱦᱟᱸ ᱢᱩᱫᱽ ᱨᱮ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱯᱩᱨᱟᱹᱣ ᱞᱟᱹᱠᱛᱤᱭᱟᱱ ᱜᱮᱭᱟ ᱾

ᱵᱟᱪᱷᱚᱱ ᱢᱟᱱᱰᱚᱸᱰ

᱒᱐᱐᱔ ᱥᱮᱨᱢᱟ ᱦᱟᱹᱵᱤᱡ, ᱞᱟᱠᱪᱟᱨ ᱦᱮᱨᱤᱴᱮᱡᱽ ᱞᱟᱹᱜᱤᱫ ᱛᱩᱨᱩᱭ ᱜᱚᱴᱟᱝ ᱟᱨ ᱥᱤᱨᱡᱚᱱ ᱦᱮᱨᱤᱴᱮᱡᱽ ᱞᱟᱹᱜᱤᱫ ᱯᱩᱱᱭᱟ ᱢᱟᱱᱰᱚᱸᱰ ᱛᱟᱦᱮᱸ ᱠᱟᱱᱟ ᱾ ᱒᱐᱐᱕ ᱥᱮᱨᱢᱟ ᱨᱮ, ᱭᱩᱱᱮᱥᱠᱚ ᱱᱚᱣᱟ ᱠᱚᱭ ᱵᱚᱫᱚᱞ ᱠᱮᱫᱼᱟ ᱟᱨ ᱱᱤᱛᱚᱜ ᱢᱤᱫ ᱥᱟᱶᱛᱮ ᱜᱮᱞ ᱜᱚᱴᱟᱝ ᱢᱟᱱᱰᱚᱸᱰ ᱢᱮᱱᱟᱜᱼᱟ ᱾ ᱵᱟᱪᱷᱚᱱ ᱟᱠᱟᱱ ᱴᱷᱟᱶ ᱫᱚ "ᱚᱥᱟᱫᱷᱟᱨᱚᱱ ᱡᱮᱜᱮᱛ ᱡᱟᱠᱟᱛ ᱜᱚᱱᱚᱝ" ᱨᱮᱱᱟᱜ ᱦᱩᱭ ᱞᱟᱹᱠᱛᱤᱭᱟ ᱟᱨ ᱠᱚᱢ ᱠᱷᱚᱱ ᱠᱚᱢ ᱢᱤᱫᱴᱟᱹᱝ ᱢᱟᱱᱰᱚᱸᱰ ᱯᱩᱨᱟᱹᱣ ᱦᱩᱭ ᱟᱭᱟ ᱾^[᱓]

ᱞᱟᱠᱪᱟᱨ

"ᱢᱟᱹᱱᱢᱤᱭᱟᱜ ᱥᱤᱨᱡᱚᱱ ᱦᱩᱱᱟᱹᱨ ᱨᱮᱱᱟᱜ ᱢᱤᱫ ᱚᱥᱟᱫᱷᱟᱨᱚᱱ ᱠᱟᱹᱢᱤ ᱩᱫᱩᱜ ᱞᱟᱹᱜᱤᱫ"
"ᱟᱨᱠᱤᱴᱮᱠᱪᱟᱨ, ᱴᱮᱠᱱᱳᱞᱳᱡᱤ, ᱥᱚᱦᱚᱨ ᱵᱮᱱᱟᱣ ᱥᱮ ᱞᱮᱱᱰᱥᱠᱮᱯ ᱰᱤᱡᱟᱭᱤᱱ ᱨᱮ ᱢᱟᱹᱱᱢᱤᱭᱟᱜ ᱜᱚᱱᱚᱝ ᱠᱚ ᱟᱹᱰᱤ ᱫᱤᱱ ᱠᱷᱚᱱ ᱢᱤᱫ ᱴᱚᱴᱷᱟ ᱨᱮ ᱩᱪᱟᱹᱲ ᱟᱠᱟᱱ ᱩᱫᱩᱜ ᱞᱟᱹᱜᱤᱫ"
"ᱡᱟᱦᱟᱸᱱᱟᱜ ᱞᱟᱠᱪᱟᱨ ᱟᱹᱨᱤᱪᱟᱹᱞᱤ ᱥᱮ ᱥᱚᱥᱱᱚᱜ, ᱡᱟᱦᱟᱸ ᱫᱚ ᱱᱤᱛᱚᱜ ᱢᱮᱱᱟᱜᱼᱟ ᱥᱮ ᱟᱫ ᱟᱠᱟᱱᱟ, ᱚᱱᱟ ᱨᱮᱱᱟᱜ ᱢᱤᱫ ᱵᱷᱮᱜᱟᱨ ᱯᱨᱚᱢᱟᱬ ᱮᱢ ᱞᱟᱹᱜᱤᱫ"
"ᱢᱤᱫ ᱵᱷᱮᱜᱟᱨ ᱞᱮᱠᱟᱱ ᱫᱚᱞᱟᱱ, ᱟᱨᱠᱤᱴᱮᱠᱪᱟᱨ ᱥᱮ ᱴᱮᱠᱱᱳᱞᱳᱡᱤ ᱨᱮᱱᱟᱜ ᱱᱚᱢᱩᱱᱟ ᱦᱩᱭ ᱞᱟᱹᱠᱛᱤ, ᱡᱟᱦᱟᱸ ᱫᱚ ᱢᱟᱹᱱᱢᱤ ᱱᱟᱜᱟᱢ ᱨᱮᱱᱟᱜ ᱢᱤᱫ ᱞᱟᱹᱠᱛᱤᱭᱟᱱ ᱚᱠᱛᱚᱭ ᱩᱫᱩᱜᱟ"
"ᱟᱹᱨᱤᱪᱟᱹᱞᱤ ᱢᱟᱹᱱᱢᱤ ᱵᱚᱥᱠᱚᱫ, ᱦᱟᱥᱟ ᱵᱮᱵᱷᱟᱨ ᱥᱮ ᱫᱚᱨᱭᱟ ᱵᱮᱵᱷᱟᱨ ᱨᱮᱱᱟᱜ ᱢᱤᱫ ᱱᱟᱯᱟᱭ ᱫᱟᱹᱭᱠᱟᱹ ᱦᱩᱭ ᱞᱟᱹᱠᱛᱤ, ᱡᱟᱦᱟᱸ ᱫᱚ ᱢᱤᱫ ᱞᱟᱠᱪᱟᱨ ᱥᱮ ᱢᱟᱹᱱᱢᱤ ᱟᱨ ᱥᱤᱨᱡᱚᱱ ᱛᱟᱞᱟ ᱨᱮᱱᱟᱜ ᱥᱟᱹᱜᱟᱹᱭᱮ ᱩᱫᱩᱜᱟ"
"ᱡᱮᱜᱮᱛ ᱡᱟᱠᱟᱛ ᱞᱟᱹᱠᱛᱤ ᱢᱮᱱᱟᱜ ᱜᱷᱚᱴᱚᱱ, ᱡᱤᱭᱟᱹᱛ ᱟᱹᱨᱤᱪᱟᱹᱞᱤ, ᱩᱭᱦᱟᱹᱨ, ᱯᱟᱹᱛᱭᱟᱹᱣ, ᱥᱮ ᱦᱩᱱᱟᱹᱨ ᱟᱨ ᱥᱟᱶᱦᱮᱫ ᱠᱟᱹᱢᱤ ᱥᱟᱶ ᱥᱚᱡᱷᱮ ᱥᱟᱹᱜᱟᱹᱭ ᱛᱟᱦᱮᱸᱱ ᱞᱟᱹᱠᱛᱤ"

ᱥᱤᱨᱡᱚᱱ

"ᱥᱤᱨᱡᱚᱱ ᱨᱮᱱᱟᱜ ᱟᱹᱰᱤ ᱪᱚᱨᱚᱠ ᱥᱮ ᱚᱥᱟᱫᱷᱟᱨᱚᱱ ᱱᱟᱯᱟᱭ ᱴᱷᱟᱶ ᱦᱩᱭ ᱞᱟᱹᱠᱛᱤ"
"ᱫᱷᱟᱹᱨᱛᱤ ᱨᱮᱱᱟᱜ ᱱᱟᱜᱟᱢ ᱨᱮᱱᱟᱜ ᱢᱟᱨᱟᱝ ᱚᱠᱛᱚ ᱠᱚ ᱩᱫᱩᱜ ᱞᱮᱠᱟᱱ ᱴᱷᱟᱶ, ᱡᱮᱞᱮᱠᱟ ᱡᱤᱭᱚᱱ ᱨᱮᱱᱟᱜ ᱨᱮᱠᱚᱨᱰ ᱥᱮ ᱚᱛᱱᱚᱜ ᱵᱮᱱᱟᱣ ᱨᱮᱱᱟᱜ ᱯᱨᱚᱥᱮᱥ"
"ᱫᱟᱜ ᱥᱮ ᱚᱛ ᱨᱮᱱᱟᱜ ᱡᱤᱣᱤᱼᱡᱤᱭᱟᱹᱞᱤ ᱠᱚᱣᱟᱜ ᱵᱮᱱᱟᱣ ᱟᱨ ᱩᱛᱱᱟᱹᱣ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱯᱨᱚᱥᱮᱥ ᱩᱫᱩᱜ ᱞᱮᱠᱟᱱ ᱴᱷᱟᱶ"
"ᱡᱤᱣᱤ ᱵᱷᱮᱜᱟᱨ ᱵᱷᱮᱱᱮᱜᱟᱨ ᱡᱚᱜᱟᱣ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱞᱟᱹᱠᱛᱤᱭᱟᱱ ᱥᱤᱨᱡᱚᱱ ᱵᱟᱥᱟ ᱴᱷᱟᱶ, ᱡᱟᱦᱟᱸ ᱨᱮ ᱟᱫᱚᱜ ᱠᱟᱱ ᱡᱤᱣᱤ ᱠᱚ ᱢᱮᱱᱟᱜ ᱠᱚᱣᱟ"

ᱱᱳᱴᱥ

↑ ᱑᱙᱗᱘ ᱥᱮᱨᱢᱟ ᱨᱮ, ᱵᱟᱨᱭᱟ ᱜᱚᱴᱟ ᱥᱚᱦᱚᱨ ᱫᱚ ᱭᱩᱱᱮᱥᱠᱚ ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟ: ᱯᱩᱭᱞᱩ ᱫᱚ ᱤᱠᱩᱣᱟᱰᱚᱨ ᱨᱮᱱᱟᱜ ᱠᱤᱴᱳ, ᱟᱨ ᱛᱟᱭᱚᱢ ᱛᱮ ᱯᱳᱞᱮᱱᱰ ᱨᱮᱱᱟᱜ ᱠᱨᱟᱠᱳᱣ ᱾

ᱥᱟᱹᱠᱷᱭᱟᱹᱛ

1 2 3 "World Heritage". UNESCO World Heritage Centre. Archived from the original on 5 July 2020.
↑ Sullivan, Ann Marie. "Cultural Heritage & New Media: A Future for the Past". {{cite journal}}: Cite journal requires |journal= (help)
1 2 "Criteria for Selection". UNESCO World Heritage Centre. Archived from the original on 12 June 2016. Retrieved 14 October 2006.
↑ "World Heritage List". UNESCO World Heritage Centre. Retrieved 13 July 2025.
↑ The World Heritage Committee, UNESCO
↑ "Monuments of Nubia-International Campaign to Save the Monuments of Nubia". UNESCO World Heritage Centre. Archived from the original on 5 July 2020. Retrieved 22 May 2020.
↑ "The World Heritage Convention – Brief History / Section "Preserving cultural heritage"". UNESCO World Heritage Centre. Archived from the original on 26 May 2020. Retrieved 17 July 2019.
1 2 "The World Heritage Convention – Brief History / Section "Linking the protection of cultural and natural heritage"". UNESCO World Heritage Centre. Archived from the original on 26 May 2020. Retrieved 17 July 2019.
↑ "States Parties – UNESCO World Heritage Centre". UNESCO World Heritage Centre. Archived from the original on 31 October 2011. Retrieved 1 November 2024.
"World Heritage List Statistics". UNESCO World Heritage Centre. Archived from the original on 14 May 2011. Retrieved 26 January 2023.
"World Heritage List Statistics". UNESCO World Heritage Centre. Archived from the original on 14 May 2011. Retrieved 26 January 2023.
"World Heritage List Statistics". UNESCO World Heritage Centre. Archived from the original on 14 May 2011. Retrieved 26 January 2023.

Edmondson, Ray; Jordan, Lothar; Prodan, Anca Claudia (2020). The UNESCO Memory of the World Programme: Key Aspects and Recent Developments. Cham, Switzerland: Springer Nature Switzerland AG. doi:10.1007/978-3-030-18441-4. ISBN 978-3-030-18440-7. S2CID 243052987.
O'Keefe, Roger; Péron, Camille; Musayev, Tofig; Ferrari, Gianluca (2016). Protection of Cultural Property: Military Manual (PDF). Sanremo, Italy: UNESCO. ISBN 978-92-3-100184-0. Archived from the original (PDF) on 8 January 2020. Retrieved 22 May 2020.

[2] ᱑᱙᱗᱘ ᱥᱮᱨᱢᱟ ᱨᱮ, ᱵᱟᱨᱭᱟ ᱜᱚᱴᱟ ᱥᱚᱦᱚᱨ ᱫᱚ ᱭᱩᱱᱮᱥᱠᱚ ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟ: ᱯᱩᱭᱞᱩ ᱫᱚ ᱤᱠᱩᱣᱟᱰᱚᱨ ᱨᱮᱱᱟᱜ ᱠᱤᱴᱳ, ᱟᱨ ᱛᱟᱭᱚᱢ ᱛᱮ ᱯᱳᱞᱮᱱᱰ ᱨᱮᱱᱟᱜ ᱠᱨᱟᱠᱳᱣ ᱾

[about-1] 1 2 3 "World Heritage". UNESCO World Heritage Centre. Archived from the original on 5 July 2020.

[3] Sullivan, Ann Marie. "Cultural Heritage & New Media: A Future for the Past". {{cite journal}}: Cite journal requires |journal= (help)

[SelectionCriteria-4] 1 2 "Criteria for Selection". UNESCO World Heritage Centre. Archived from the original on 12 June 2016. Retrieved 14 October 2006.

[WHList-5] "World Heritage List". UNESCO World Heritage Centre. Retrieved 13 July 2025.

[6] The World Heritage Committee, UNESCO

[NubiaCampaign-7] "Monuments of Nubia-International Campaign to Save the Monuments of Nubia". UNESCO World Heritage Centre. Archived from the original on 5 July 2020. Retrieved 22 May 2020.

[WHC-history-8] "The World Heritage Convention – Brief History / Section "Preserving cultural heritage"". UNESCO World Heritage Centre. Archived from the original on 26 May 2020. Retrieved 17 July 2019.

[convention1-9] 1 2 "The World Heritage Convention – Brief History / Section "Linking the protection of cultural and natural heritage"". UNESCO World Heritage Centre. Archived from the original on 26 May 2020. Retrieved 17 July 2019.

[unesco-10] "States Parties – UNESCO World Heritage Centre". UNESCO World Heritage Centre. Archived from the original on 31 October 2011. Retrieved 1 November 2024.

[11] "World Heritage List Statistics". UNESCO World Heritage Centre. Archived from the original on 14 May 2011. Retrieved 26 January 2023.

[12] "World Heritage List Statistics". UNESCO World Heritage Centre. Archived from the original on 14 May 2011. Retrieved 26 January 2023.

[13] "World Heritage List Statistics". UNESCO World Heritage Centre. Archived from the original on 14 May 2011. Retrieved 26 January 2023.

[᱑]

[lower-alpha ᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]